23638	MAT 13:30	Wit o, pan piap-araw sohom o, peyr siraw siraw-aw ka non-swar ohniy ie. Sa omok wit me lompan enekwei non leir say ey. Enekwei sohiy non kokwe hakwe wit me lompan uwr me senkin mekow ey: Peyr homkwe pan piap-araw seme leir say nok, nonkon say. Somokwe ya loum ey. Sawk hano wit mokwe, hano a, wit me kawk ey mon kwa nakey kawk iarok kow.’”
23711	MAT 15:9	Homkwe hane puraw nuw-kampueys me-ihey lokruok. Seyr hmo sow arian hom ma hiymon sorasor somokwe, homkwe senkin nak-me-loior kow: Somokwe God so sow arian.’”
23770	MAT 17:1	Enekwei iha sirom pruw non hiy ley lowpway menkin, Jisas hiykwe hyo ki-wayh me kokwe senkin huonokyaw nok: Pita, Jems, Jon. Jon hiykwe Jems so nay-ih hiy non. Jisas hiykwe hme kokwe mnuw kamon aiopey hay ayaw mon hiy-iau. Sawk homkwe homkiaw-aw lay-wak.
23965	MAT 22:24	Homkwe Jisas se kokwe senkin mesopok, “Hiymon sorasor uwr ara, paraw kokwe Moses so sow kamon kokwe hreme senkin hiy-mon sorasor: Sawk uwr prueyn sa non hiykwe ney lopa lokrue ankin, hyo nay-ih hiykwe sa-win sokwe kwa ma-huon. Ney hiy ma kekie somokwe, hyo oryay-ih ma lokrue sohiy so uru mon lwak ey.
23980	MAT 22:39	Me-kupaku-ok seirpey kamon peyr ko ko meyki ma lwak kokwe senkin: ‘Hunkwe hno wayh-wayh me uron-pi ko-ar kwa nuw-wak, hunkiaw-ayay uron-pi ko-ar ma lwak, senkin.’
24206	MAT 27:8	Ki kopi sohokwe sawk senkin sehe nak-wayr kow: Nioh-ki. Ki-uru sohokwe senkinaw me wayr, pokon enekwei ohiy seyn.
24373	MRK 3:16	Uwr iha seys mu nareysyar non hiy ma me-iaup mo uru mokwe, senkin: Saimon, hyo uru kamon Jisas hiy ma nak-anio kow hokwe: Pita.
24374	MRK 3:17	Seyr Jems o, hyo nay-ih Jon o, hohkwe Sebedi so ney. Hoho uru kamon hokwe, Jisas hiykwe senkin nak-anio kow: Boanerges. Uru sohiy so meyk hokwe, Nompow so ney.
24676	MRK 10:19	Hunkwe me-kupaku-ok mokwe nonkway: ‘Unsaney peie lokin kwor okrue o, yokun peie nweyh kane o, yokun peie lopri o, har me okrei, uron-saw-ok non peie lokin lor-a-lor kow o, har mo omeme me okrei yor non ouon-aw peie me-warei-arei onok o, hno aio ipey me kwa nan ihey.’”
24771	MRK 12:29	Jisas hiy lonuayk me, “Me-kupaku-ok seirpey-ar, me-kupaku-ok lowpwarowp mo peyrmawk ma liarok kokwe senkin: ‘Israel om, kwa lonuayk, Hakamay hokwe hromo God Hakamay hiykwaw-aw.
24773	MRK 12:31	Me-kupaku-ok seirpey kamon peyr ko ko meyki ma lwak kokwe senkin: ‘Hunkwe hno wayh-wayh me uron-pi ko-ar kwa nuw-wak, hunkiaw-ayay uron-pi ko-ar ma lwak, senkin.’ Me-kupaku-ok seirpey kamon, me-kupaku-ok kreysyar sohom mo eir mon kokwe korey lwak pey.”
24778	MRK 12:36	Devit hiykiaw kokwe God so Niohney so kueir senkin me: ‘Hakamay hiykwe hano Hakamay se senkin me: Hano sayar mon kiy-iwak, peyr ha hno awia me hno sune ouon mon yay sowkriy kow sehe.’
24949	MRK 16:7	Homkwe ley nok, hyo ki-wayh me mekow, Pita se o: ‘Hiykwe Galili mon peyrmawk ley naruok, homkwe hye serey lira ey, hiy hme ma mekow hain senkin.’”
25054	LUK 2:12	Hakwe hme meir kamon se kiy-me-nonkway kow: Ney sohokwe owh ko omeme non po swakuwmay kwawk kow. Seyr ihey mo huok mo ayay kawk kreik kow yowr mon lwon kawk. Homkwe meir ha ma me sehe lira ankin, homkwe nonkway, hano ok kokwe ok-ar.”
25066	LUK 2:24	Hohkwe seyr God se ayay har lokin kwor naws prawk kow e ley, God so sow hok ma me, senkin. Ayay somokwe homkwe senkin liy lokin kwor naws kow: woukmow kreysyar lopa lwak ankin, sawk um kreysyar ke liy lokin kwor naws kow.
25214	LUK 5:38	Senkin korey. Sawk hromo yor kokwe senkin: wain-hu iwon mokwe, ay-ohi iwon mon nonkreik.
25483	LUK 11:9	Hakwe hme seme mekow: Kwa mesopok e, hme liy kow. Kwa pawk e, homkwe liy lirway. Yerki-pokre ke kwa lokin koko e, hme liy kampi kow.
25533	LUK 12:5	Sawk hakwe hme kokwe uwr, hom ma nuw-hok ey se mekow ey: Homkwe God se-aw nuw-hok e, payhokuaw, hno owh se ma lokin kwor okrue so meyki hokwe, hiykwe krai non, hne Satan so yier mon lway swakawk ey hokwe. Hakwe hme okar mekow, homkwe hye-aw nuw-hok e.
25629	LUK 14:7	Enekwei sohokwe seyr Jisas hiykwe papo lira, uwr har homkwe yop yaprue mon liwak sir e liaup ne. Sa hiykwe hme owhnan-ok okwe sokwe ma-lohruw-a kow:
25654	LUK 14:32	Sa hiykwe senkin nan ankin, hyo krai hokwe ouon mon kor-wak, hiy meiaw lwak nonaw senkin liy lon: Hyo mey-uwr har me me-ha nok, king aw-uwr 20 tausen non sehe mesopok aymarowh-aw non-wak e.
25675	LUK 15:18	Ohow, pokon kokwe hakwe hano aio so a mon ma-ley nok, hye senkin me ley: Aio, hakwe hne o, God se o, yor piap-araw me mon.
25777	LUK 18:20	Hunkwe me-kupaku-ok mokwe nonkway: ‘Yokun peie nweyh kane o, unsaney peie lokin kwor okrue o, yokun peie lopri o, har me okrei, uron-saw-ok non peie lokin lor-a-lor kow o, hno aio ipey me kwa nan ihey.’”
25857	LUK 20:9	Jisas hiykwe uwrsa me kokwe owhnan-ok kamon ke senkin lohruw-a kow: “Uwr prueyn hiykwe wain-wueir kamon se meio saro nok, uwr har mo iha mon mekow nyanyaw hain, hom meio naruok e. Hiykiaw kokwe sawk om mei-aw-ar mon nuw-ey.
25890	LUK 20:42	Yayh ko mamey kokwe Devit hiykiaw kokwe senkin me, ‘Hakamay hiykwe hano Hakamay se senkin me: Hano sayar mon kiy-iwak,
26070	LUK 24:10	Sa, Jisas so aposel me ma mesor kow mokwe, senkin: Maria, yier Makdala ko o, Joana o, Jems so pouh Maria o, sa har hme nion ma non-wak o.
26151	JHN 1:38	Jisas hiy sa sehe kiy-swahre ira huon, hoh hyo meyki ma pyay ha sehe. Hiykwe sawk hehe senkin mesopok, “Hohkwe payay se lanio pawk o?” Hohkwe sawk hye senkin ma-mesopok, “Rabai, hunkwe a perey lwayr o?” (Uru “rabai” sohiy so meyk-ar hokwe senkin: “tisa”.)
26340	JHN 6:14	Wo, enekwei sohokwe uwrsa sohom meir krai non, Jisas hiy ma meio ousne sokwe lira menkin, homkwe sa senkin seme me, “Okar-ar, uwr ohokwe mo profet, paraw mamey porih mon senkin ma mekow hok non: Profet prueyn hiykwe ki mon kokwe ya le a.”
26455	JHN 8:5	Hromo sow mokwe Moses hiykwe hreme senkin me kraipakrai hain: Sa senkin somokwe mein non kwa swakwor okrue. Sawk hunkiaw kokwe penkin kiy-me a?”
26478	JHN 8:28	Sa Jisas hiykwe hme senkin mekow, “Omok enekwei Uwrsa mo Ney se ayaw mon way nonwey ie ankin, suw homkwe senkin nonkway ey: Hakwe mo sohiykiaw, uwr paraw hakiaw ma lohruw-a sohiy non. Sa homkwe senkin nonkway ey, hakwe mey kamon nopre hano uron arian ko me nak-meio pa, sawk Aio hiy hane ma me-sorasor kow seme liyliy-aw mesor kow.
26516	JHN 9:7	hye senkin kiynak-mekow, “Ara, hu-sow Siloam mon kwa ley, hno nene nareysyar se kwa hawr peyryapeyr mnow-mnow keyn.” (Uru hu Siloam so meyk hokwe, senkin: Po me-ha.) Uwr nene kopyo sohokwe sa sehe ley nok, hyo nene nareysyar sehe hawr peyryapeyr mnow-mnow keyn. Wo, hiy ma-ley menkin, sa hyo nene arian non lanio ira ne.
26584	JHN 10:34	Jisas hiykwe sawk hmo ok mokwe senkin lonuayk me, “Moses so sow mon kokwe, God hiykwe ok kamon senkin mey: ‘Hakwe senkin po me, homkwe ‘god’ moma.’
26676	JHN 12:27	Jisas hiykwe ok har senkin ma-lohruw-a, “Enekwei ohokwe hano uron hokwe low hei, seyr hakwe ok penkin ke kiy-me a? Hakwe senkin kiy-me pak a: Aio, hunkwe enekwei pokon hano mon ma kiy-ousne ey ohokwe, hane kwa swaweyr sow. Korey, hakwe senkin liy me ley. Payhokuaw, ha ki erey ma le so meyk-ar hokwe mo enekwei sohiy so.
26788	JHN 15:20	Homkwe kwa nanpanan, ok, ha hme ma mesor kow somokwe: Mey-uwr hiykwe hyo hakamay so eir mon liy lwak ley. Sa uwr ki ko homkwe hane mon yorpayor ankin, hme seyn, liyliy-aw mon yorpayor ey. Seyr uwrsa hano ok ke lonuayk me ankin, hme seyn, liyliy-aw lonuayk me ey.
26967	JHN 20:31	Sawk meir krai non mamey erey ma lwak mokwe seme mey, hwon senkin nan kiykiy-ay e: Jisas hiykwe Krais, God so Ney hiy non. Seyr hwon ma nan kiykiy-ay hokwe, hunkwe hyo uru non hokwe su lwayr peyow peyow ey.
27035	ACT 2:17	‘God hiykwe senkin me: Enekwei pariawey-ar hiy lousne ohriar lwak ankin, hakwe hano Niohney Pekney-weys se maka-swa-nonyay kow ey, uwrsa lowpwarowp me kokwe. Hmo ney norwayo, swanyo, homkwe hano ok mokwe profet me hieyn liarok mesor kow ey. Seyr hmo nyo warkiayr homkwe owhnan mokwe hmo nene arian non now me hieyn lira ey. Seyr hmo uwr nawp homkwe now-ar liawon ira ey.
27052	ACT 2:34	Payhokuaw, uwr nonkumey mon ma ley hokwe, Devit korey. Sawk Devit hiykiaw ok kamon senkin mey, ‘Hakamay hiykwe hano Hakamay se senkin mekow: Hunkwe hano iha say-ar mon kwa liwak e.
27234	ACT 7:49	‘Hakamay hiykiaw kokwe senkin me: Nonkumey hokwe, hano sia-king liwak ey hiy non. Seyr ki hokwe hano sune hok kyor-oruayk ey hiy non. Homkwe hane kokwe a penkin se meio e nan o? Hai, hano oyop liwak nieys ey homkwe perey meio e mon o?
27356	ACT 10:28	Pita hiy hme makiy-mekow, “Homkwe po nuw-nonkway, Juda mo sow hokwe senkin: Juda homkwe uwr-kayn irweyk me nion liy non-swa-hokruw ley. Sawk God hiykwe hane kokwe po mesair kow, hakwe unsaney prueyn orki non ok liy me ley, seyr mnow-mnow-aw lwak lopa ok liy me ley.
27402	ACT 11:26	Hiy hye lonyay nok, Antiok mon manon-ey. Yia hokwe kamon, hohkwe sios Antiok ko mon senkin non-meio wayr, seyr uwrsa kraiar me hiy-mon sorasor wayr. Yier Antiok mon kokwe, uwrsa Jisas se ma nan kiykiy-ay mokwe, uru iwon me nakinariy kow pie, senkin: kristen.
27457	ACT 13:26	Hano wayh-om, Abraham so ney-nona ama, hom o, uwrsa God so meyki ma ley sohom o, hom lowpwarowp kwa lonuayk: God hiykwe uwrsa me ma-huonokyaw prosue ok mokwe mo hreme po mekow.
27463	ACT 13:32	Ama, pokon kokwe hromkwe hme ok-ihey ke kiy-mesor kow: Ok-loray, God hiy paraw hromo nopwey-om me ma me-loray hokwe,
27729	ACT 20:35	Mey lowpwarowp, ha ma meio sese wayr mokwe, hakwe hme senkin mesair kow, hromkwe uwrsa krai lopa me hiymon e. Hromkwe ok, Hakamay Jisas hiykiaw ma me ke nanpanan e. Hiykwe senkin me, ‘God so uron ihey-ar kokwe senkin lwak: Kow-yor kokwe eir mon lie, kwahnaw ma lonok yor kokwe ouon mon nuw-wak.’”
27732	ACT 20:38	Homkwe sawk ok Pol hiy senkin ma me: “Homkwe hano ine-maku se liy ma-lira ley”, sokwe nuw-nan kworpakwor kawk. Homkwe sawk hye sehe hiy-ey okriy-yay ha, sip mon.
27939	ACT 27:16	Senkin lon menkin, hromkwe sawk oion-waw-ney kamon so muwmon mon nak-ey. Oion-waw sohokwe senkin mowie: Kauda. Serey hremon kokwe, hromkwe sip so dingi, yeke mon ma sawan keyn ha sehe, sip so ohriar-ar ka-owkway nok lokruok. Sawk mey sokukwe uwr sip ko homkwe honon honon nuw-wak. Sawk omok-ar omok-ar homkwe dingi sohokwe, kanuw-owkway nok nok, sip mon ar-way-yay. Sawk ihey mo ur non way pruw-ma-pruw kraipakrai popriy.
27993	ACT 28:26	‘Hunkwe uwrsa sohom mo owh mon ley nok, senkin kwa mekow: Homkwe mo lonuayk, sawk liy nonkway popriy ley. Seyr homkwe mo lira, sawk liy lira ondway ley.
28096	ROM 4:6	Devit hiykwe seyr ok sokwe-aw me, hiy uwr luw-luw-aw ma lwak se senkin ma me hokwe. Uwr prueyn, mo hiy mey yaprue meio lopa hi, God hiykwe hye luw-luw-aw ok me ankin, uwr senkin sohokwe God so uron ihey-ar so ouon mon lwak:
28123	ROM 5:8	Sawk God hiykwe hyo yor hreme uron-pi ko-ar ma nuw-wak sehe senkin mesair kow: Enekwei hrom uwrsa yor piap-araw non ma lwak hokwe, hiykwe Krais se me-ha, hreme lokrue kow e.
28243	ROM 9:20	Hano wayh ara, hunkwe penkin uwr so, hwon God se senkin ma ma-sahre me sohokwe? Yiawk, ki non ma nekie hor hiykwe, hye nekie-hor-uwr se senkin liy ma-sahre me ley: Ha enkin ma lwak ohokwe, hunkwe hane senkin panoke nekie hor so?
28248	ROM 9:25	God hiykwe profet Hosea so mamey porih mon kokwe senkin me, “Uwrsa paraw hano uwrsa ma lwak lopa mokwe, hakwe hme senkin ya me a: Homkwe hano uwrsa arian. Seyr uwrku, ha uron-pi ko-ar ma lwak lopa mokwe, hakwe hme kokwe, senkin ya me a: Homkwe hano uron-pi ko-ar.”
28261	ROM 10:5	Moses hiykwe luw-luw-aw lwak yor, sow ko yerki non ma mon ousne hokwe, senkin mey kumay: “Uwr, sow ko meyki ma pyay meio hiykwe yerki sohiy nonaw lwayr peyow.”
28274	ROM 10:18	Sawk hano mesopok senkin lwak: Hai, Krais so ok mokwe Israel-uwrsa homkwe lonuayk pa mo? Oo, homkwe papo lonuayk. God so mamey porih hokwe mo senkin me, “Uwr, God so ok me ma lanio sor kow mo wouk-ok mokwe, kipay lowpwarowp mon po nak-ey neyney. Seyr hmo ok mokwe, ki so por lowpwarowp mon po lonuayk liyay.”
28279	ROM 11:2	God hiykwe hyo uwrsa arian hiykiaw peyr-mon-ar ma nuw-iaup pie me kokwe, korey me-puar lowpway pa. Homkwe ok mamey porih mon paraw ma mey ke kwa nanpanan. Ok sokukwe senkin mey: profet Elaija hiykwe Israel-uwrsa me kar ley lopa ma lwak hokwe, hiykwe God se senkin mesopok kraiay,
28288	ROM 11:11	Hakwe hme senkin sehe makiy-me-sopok ey: Hai, Israel hom ma lour sayah-ayah mokwe, homkwe po nuw-makuayk sawor-awor ha lowpway? Korey law-ar. Sawk Israel mo kamaun sow yor ko kueir nonaw hokwe, God so huonok-prosue-yor hokwe uwrkayn irweyk mo owh mon sokwe lousne. God hiykwe senkin sehe lon, Israel hom uwrkayn irweyk me lira way ompeys ma-peys e.
28292	ROM 11:15	Payhokuaw, God hiy Israel me ma lour swaweyr yay ha hokwe, hiykwe mey yaprue kamon, senkin ma-sahre mon ousne. Mey yaprue sokukwe senkin: Hiykwe uwrsa lowpwarowp hyo awia-pow ma lwak mokwe, yerki hom hyo wayh ihey-ar lwak ey ke po kampi kow. God hiy Israel me ma lour swaweyr yay ha so ayay mokwe, yaprue senkin me leip ankin, hai, God hiy Israel poya-poya me ma-huonokyaw yawriy ankin, mey sohok ko ayay mokwe penkin me leip ey so? God hiy hme ma ma-me-huonok yawriy sohokwe, lokrue uwrsa me su ma me-sian wayr me hieyn.
28343	ROM 13:9	Sow senkin, “Yokun nweyh kane yor ke peie meio o, uwrsa me peie lokin kwor okrue o, yokun peie lopri o, seyr har mo omeme me peie lira way o,” - sow sohom o, seyr sow har o, somokwe sow kamon-awaw senkin ma me hokwaw swakuwmay: “Hunkwe hno wayh-wayh me uron-pi ko-ar kwa nuw-wak, hunkiaw-ayay uron-pi ko-ar ma lwak, senkin.”
28369	ROM 14:21	Hunkwe hno kristen-wayh se mon kuayk lopa lwak e mon ankin, yor yaprue-ar kokwe senkin: Hunkwe ayay-pion me la yor o, wain-hu lowswa yor o, yor har hno wayh se mon kuayk ey o, seme peie mon o.
28499	1CO 3:21	Sohiy so hokuaw kokwe homkwe mey, iwar hom ma meio me peie nak-me-heyr o. Suw senkin, omeme lowpwarowp mokwe mo hmo:
28565	1CO 7:10	Sawk uwr sa non o, sa uwr non o, hakwe hme kokwe me-kupaku-ok non. Hano nian korey, sawk Hakamay so: Sah hokwe uruh se peie lokriy hain o.
28584	1CO 7:29	Hano wayh-om, hano ok-ku kokwe senkin: Enekwei ohokwe pa haraw kiy-wak, sa enkin kokwe uwr sa non homkwe, uwr sa lopa me hieyn-aw kwa kiy-wayr.
28611	1CO 9:3	Uwrsa hom hane lira anon me ankin, hakwe hane nian hiymon ey hokwe, senkin ma-lonuayk me:
28653	1CO 10:18	Israel-uwrsa mo ayay naws kow yor me kwa nanpanan: Uwrsa, ayay, God se ma naws kow me ma non-a homkwe, mey, God so alta mon ma meio me nion lokin nasay.
28789	1CO 15:3	Hmekwe hakwe ok ipey-ar peyrmawk-ar ko hane ma me-kow me ma-sahre mesor kow: Krais hiykwe hromo yor piap-araw me po lokrue kow, God so mamey porih hok ma me senkin.
28813	1CO 15:27	Payhokuaw, God so mamey porih hokwe senkin me, “Hyo sune ouon mon kokwe God hiykwe omeme lowpwarowp me lyay sowkriy ey.” Ok “omeme lowpwarowp” sohok ko meykyar kokwe senkin: God hiykwe hiykiaw-ayay Krais so ouon mon lwak e me pa, payhokuaw, omeme lowpwarowp somokwe, Krais so ouon mon kokwe mo God hiykiaw lyay sowkriy kow.
28819	1CO 15:33	Ama, hme mon anyan ha lak: “Hwon, uwrsa uron piap-araw non me nion non-ondiay ondiay ankin, hno liwak yor yaprue ke liy mon piapay.”
28825	1CO 15:39	Payhokuaw, ayay, su ma lwayr mo owhi mokwe liy-liy-aw lira pey: Iwar mo owhi mokwe irweyk, ayay ki-aw ko mo owhi mokwe irweyk, seyr ahney mo owhi mokwe irweyk, ay hu ko mo owhi mokwe irweyk.
28840	1CO 15:54	Sa enekwei owhi preir kawk ey sokukwe owhi su lwayr peyow ey ke lie ankin, seyr lokrue owhi hokwe lwayr peyow owhi ke lie ankin, suw God so ok mamey porih ko kokwe, ok-arar senkin po mon ousne hrahra sow ha: “Lokrue kyai kokwe po mon piapay swakakar ha lowpway.”
28880	2CO 1:12	Hromo me-heyr-ok kamon kokwe senkin: hromo nanpanan yor uron ko kokwe senkin nonkway, hromo lanio yor, kipay serey serey ma mesair kow, seyr hme nian ma mesair kow mokwe, yaprue-ar. Hrom hme nion ma non-wak hokwe, hromkwe yor mnow-mnow-aw, seyr yor luw-luw-aw, God so mon ma le sohom nonaw meio. Hromkwe uwrsa ki ko mo nonkway non nak-meio pa, sawk God so maym kow yor nonaw meio.
28965	2CO 5:20	Hromkwe Krais so woki-uwrsa seme lwak, God hiykiaw hromo woki-ok nonaw hme ma me-kraipakrai ha se hieyn. Hromkwe Krais se hokuaw hme mesopok kraiay: Hwon awia-pow ma lwak sohokwe, God se ipan kwa lon, hne hyo wayh-ar ka mon wak.
28968	2CO 6:2	Payhokuaw, God hiykwe senkin me: “Hano enekwei, hne nan ihey ey hiy lousne menkin, hakwe hne po lonuayk me. Seyr hano enekwei, hne huonok prosue ey hiy lousne menkin, hakwe hne po hiy-mon.” Kwa lonuayk! Ohokwe God so enekwei, hme ma nan ihey hiy non. Pokon ohokwe huonokyaw prosue enekwei.
28994	2CO 7:10	Payhokuaw, hmo yor piap-araw hom hme uron ma mon owk kworpakwor mokwe, God so mon le ankin, ay mokwe senkin me leip: peyr hmo uron me kankoum, sohiy so meyki hokwe, hme ma-huonok prosue. Sa senkin lwak ankin, homkwe omok kokwe hmo kankoum yor ke uron liy ma-lowk ley. Sawk hmo uron lowk kworpakwor yor mokwe, ki erey suko me le ankin, suw ay hokwe lokrue ke leip.
29073	2CO 11:16	Ha senkin makiy-me ley: unsaney prueyn hiykwe hane senkin peie nan o, hakwe lawk-lawk-uwr. Sawk homkwe hane lawk-lawk-uwr se hieyn lira nan ankin, homkwe seyr hanekwe uwr ma lawk-lawk se hieyn kwa me-huonok. Suw hakwe hano uru se liy kornak-me-heyr.
29083	2CO 11:26	Enekwei kraiar ha ma lanio hokwe, hanekwe enekwei piap po lousne: hanekwe hu aiopey hay ma lohuwn mon lopruw e mon liok, yokun-uwr hom hano omeme me lopri e mon. Juda-wayh o, uwrkayn irweyk o, hom hane mon piapay e mon. Enekwei piap mokwe seyr taun mon o, kipay taun lopa mon o, sour-yawp-ar mon o, serey lousne. Seyr hanekwe wayh okrei non hom mon piap-ay e mon liok.
29113	2CO 13:2	Ha enekwei kreys se ma ma-le ira hokwe, hakwe hme me-kupaku-ok kamon senkin kow. Sawk ha enkin meiaw ma lwak ohokwe, hakwe ok sokwe ma-kiy-me ey: Ha le ankin, uwrsa yor piap, paraw ma meio o, seyr uwrsa har, yor senkin senkin me ma meio o, hmo prueyn prueyn-aw homkwe hano aw-mar ke liy hakan ley.
29133	GAL 1:9	Ama, ok somokwe hromkwe mo papo me, sawk pokon kokwe hakwe liy-liy-aw makiy-me ey: Sawk uwr prueyn hme ok-ihey irweyk eyn ke posokwaw mesor kow e, ok-ihey hom peyr-mon ma lonuayk pie ko liy-liy-aw-ar ma lwak lopa ke, uwr senkin sohokwe ka hruo yay kow.
29147	GAL 1:23	Sios somokwe ok senkin ke-aw lonuayk nonaw lwak: Uwr, paraw hreme ma mon yorpayor piapay hiykwe pau, Jisas se nan kiykiy-ay yor, hiy paraw ma mon piapay liok ke lanio mesor kow.
29165	GAL 2:17	Enekwei hrom Krais so kueir nonaw luw-luw-aw lwak e ma nakyas hokwe, hromkwe hromkiaw-ayay senkin lira nonkway, hromkwe uwrsa yor piap-araw non, uwr-kayn irweyk me hieyn. Hai, ok sohok ko meyk kokwe senkin ko, Krais hiykwe yor piap-araw ko mey me hiy-mon kraipakrai? Hakwe hme senkin ma-sahre me: Korey law-ar!
29184	GAL 3:15	Hano wayh-om, hakwe mey kamon, uwrsa hom eypok lowpwarowp ma meio ke kiy-me lunlun ley: Suw senkin, uwr prueysyar sokior-ok ke non-me sakon kawk ankin, hohkwe hoho uru se sokior-mamey mon mey iawon, suw uwr prueyn hiykwe ok kamon ke liy ma-mon-say ley, seyr hiykwe ok irweyk manak-mey peykyay lopa.
29186	GAL 3:17	Hano ok-ku kokwe senkin: Sokior-ok, God hiy Abraham se nion ma non-me sakon kawk hok lousne pie. Sohiy so meyki, 430 yia hom ley lowpway menkin, sa Moses so sow hok lousne. Sa Moses so sow hokwe, sokior-ok ke liy kamaun sow ley, seyr God so me-loray-ok ke liy mon-say ley.
29199	GAL 4:1	Hano ok peyr-mon ma kiy-mesor ha kokwe, hakwe owhnan-ok kamon ke senkin makiynak-mesor peykyay ley: Aio prueyn so ney norwayo hakamay hiy ney nopre lwak ankin, hiykwe peyr mey-uwr se hieyn puraw lwak, payhokuaw, hiykwe orih so omeme, omok hiy nakruok ey somokwe, peyr liy hiy-wayr ley, mo omeme senkin hyo uru mon lwak hi.
29219	GAL 4:21	Ama, homkwe Moses so sow ouon mon lwak e mon ankin, hane kwa mekow: Homkwe ok, Moses so sow hok ma me mokwe, nonkway lwak pa mo?
29238	GAL 5:9	Homkwe owhnan-ok okwe senkin kwa nanpanan: Yis paswaw-ney hokwe ihey mo naw hrawey hrawey ke liy mon oun-sian ie.
29243	GAL 5:14	Sow lowpwarowp mokwe, ok kamon-awaw ko kopuw ouon mon lwak: “Hunkwe hno wayh-wayh me uron-pi ko-ar kwa nuw-wak, hunkiaw-ayay uron-pi ko-ar ma lwak, senkin.”
29248	GAL 5:19	Iwar mo owh so uron so kyai piap-araw hom pay me mon e, somokwe kumay lwak: Yokun nweyh kane yor senkin senkin o, yor orki non o, seyr kyai piap-araw uron ko se ma lok-sian o.
29376	EPH 5:5	Payhokuaw, homkwe God so ok kamon senkin ke nuw-nonkway e, Krais o, God o, hoho Wayr-hre-yier mon kokwe, uwrsa senkin homkwe liy non-waw-waw yawriy ley: Uwrsa, yokun-nweyh kane yor me ma meio o, unsaney yor orki non me ma mon nakyas o, unsaney ompreir kawk o. (Unsaney ompreir kawk ma lwak somokwe, okrei-god so meyki ma ley hom non.)
29506	PHP 3:18	Suw senkin: Ok, paraw ha hme enekwei kraiar ma mekow mokwe, hakwe pokon kokwe nene eheyr-hu non makiynak-mesor kow: Uwrsa kraiar homkwe hmo lwayr yor piap me hokuaw Krais so lokrue-now so awia-pow po lousne.
29517	PHP 4:8	Hano wayh-om, ok pariawey-ar kokwe hakwe hme senkin me-kow, homkwe yor yaprue o, yor uru ihey-ar non o, senkin me-aw kwa nanpanan wayr. Yor somokwe senkin: yor ok-ar-ar, yor uron yaprue non, yor luw-luw-aw, yor mnow-mnow-aw, yor hrom yaprue ma lira nan, yor ihey-ar hrom ma lira way.
29568	COL 2:7	Homkwe hme ma hiymon sorasor senkin kwa lon: Krais so mon kokwe homkwe meyk ouon-ar kwa nuw-oksow, seyr hmo liwak yor mokwe Krais so eir mon kwa meio inakrok, seyr hmo nanpanan kiykiy-ay yor mokwe krai ipey-ar ka lwak nonay nonay ie. Seyr hmo nak-me-ihey yor mokwe ka nuw-wak prusow.
29584	COL 2:23	Sawk sow senkin ma lwak mokwe yaprue korey: Kampueys me-ihey yor senkin senkin me ma me-sasay pyay o, uwrsa, mey-uwr puraw ok ma me-loior o, yor, hmo owhi arian me ma mon low-a-low o, sow somokwe mo uwrsa har hom mawkhow ihey-ar non ok me hi, hme liy hiymon ley. Seyr iwar mo lira way yor piap-araw ke liy mon sosor ley.
29589	COL 3:5	Homkwe kyai piap-araw ki erey suko me kwa lokin kwor okrue. Kyai senkin: yokun nweyh kane yor senkin senkin o, yor orki non o, yokun-uron o, lira way yor piap-araw o, ompreir kawk yor o. (Suw senkin, ompreir kawk yor hokwe okrei-god me ma me-ihey yor hok non.)
29592	COL 3:8	Sawk enekwei enkin ohokwe, homkwe kyai piap-araw enkin: kasaw lon hohuaw yor o, aw-lwon ma saw-ie o, har me ma mon yorpayor o, me-kawrpakawr ok o, ok-piap-ok hmo woki ko o, somokwe homkwe kwa lokriy ha.
29596	COL 3:12	Homkwe God so uwrsa, hiy ma me-iaup hom non; homkwe pekney-weys, sa hiykwe hme uron-pi ko-ar lwak. Sohiy so hokuaw kokwe, homkwe yor omokwe omeme owh ko me hieyn kwa lie: uron lowk yor o, wayh-wayh me nan ihey yor o, yor, uru lopa se hieyn ma lanio o, kopowrie yor o, lorok kraiar naruok yor o.
29685	1TH 4:15	Ok, hrom hme ma mesor kow mokwe, Hakamay so ok arian. Hiykwe senkin hiy-me-sorasor hain: Enekwei Hakamay hiy ma-le ey hokwe, hromo uwrsa, su ma lwayr mokwe, uwrsa ma lokrue ha sohom mo peyr-mawk liy saw-ie pie ley. Korey law.
29799	1TI 3:1	Ok-ar yaprue kamon kokwe, okwe: Uwr prueyn hiykwe sios mo peyrmawk liarok uwr lwak e mon ankin, hiykwe mey ihey-ar ke lira way.
29800	1TI 3:2	Sios mo peyrmawk liarok uwr hiykwe senkin uwr kwa lwak: heyn lopa, sa prueyn-aw non, liwak yor yaprue non, seyr hiykiaw-ayay hiy-anok anok yor non, uru yaprue non, uwr me hyo a mon me-huonok yawriy yor non. Seyr hiykwe hiymon sorasor mey mokwe kwa nak-nonkway.
29835	1TI 5:5	Sa-win, uwrku saku hoke hiymon ey lopa ko yor kokwe senkin: Hokwe God se uron hyohyo lon, seyr eypok arawh, eypok arawh God se mesopok, hoke hiymon e.
29840	1TI 5:10	Sa, hwon ma loway mokwe, hmo yor mokwe senkin ka lwak: Uwrsa homkwe sa sohok ko sa-u kokwe mey yaprue, hok ma meio me hokuaw lowk nakie wayr. Mey senkin: hoko ney me yaprue ma hiymon nokriy sian, uwrsa suwon me hoko a mon ma me-huonok yawriy, hoko kristen-wayh mo sune me ma hawr kow, uwrsa low non me ma hiymon, mey yaprue senkin senkin me ma meio hniypahniy.
29898	2TI 2:4	Hunkwe aw-uwr mo mey ke po nonkway: aw-uwr hiykwe mey har me seyn nak-meio peykyay pey. Hiykwe aw-uwr mo mey ke-aw meio, hyo peyr-mawk-uwr se kar mon ey e.
29936	2TI 3:16	God so ok, mamey porih lowpwarowp mon ma lwak mokwe, God hiykiaw losia-hakar kawk ousne, mey ipey-ar senkin me meio e: Uwrsa me hiy-mon sorasor ey, uwrsa mo yor piap me me-kupaku ey, okrei-ok me hiy-mon popriy ey, seyr uwrsa me God so yor luw-luw-aw me hiy-me anok-anok ey.
29938	2TI 4:1	God so inour mon o, Krais Jisas, uwrsa su ma lwayr, seyr uwrsa ma lokrue ha, seme lira anon anon ey so inour mon o, seyr hyo Wayr-hre yier hiy lousne hrahra ey se hokuaw, hakwe hne senkin kiy-nuw-me kraipakrai:
29967	TIT 1:8	Sawk hiykwe senkin uwr lwak e: hiykwe uwrsa meiaw ko me ka me-huonokyaw hiy-yawriy wayr, seyr weynpaweyn yaprue me uron-pi ko-ar ka nuw-wak. Hiykwe seyr mon nonyo sow yor o, luw-luw-aw yor o, pekney-weys yor o, hyo uron arian se ma lanok anok yor o, somokwe ka meio wayr.