16	GEN 1:16	In nmoeꞌ baer meuꞌ humaꞌ nua reꞌ koꞌu. Es koꞌu nneis, ntanaꞌ nbi oras manas; es seor naꞌbau ntanaꞌ nbi oras fai. In nmoeꞌ kfuun-akfuun amsaꞌ.
99	GEN 4:19	Naiꞌ Lamek ansao bifee nua. Es kaan ee bi Ada; es anteniꞌ in kaan ee bi Sila.
338	GEN 14:1	Oras naan, usif haa nabuan. Sin esan reꞌ: Amrafel, usif pah Sinear; Ariok, usif pah Elasar; Kedarlaomer, usif pah Elam; ma Tidear, usif pah Goyim.
339	GEN 14:2	Oras naan amsaꞌ, usif niim antein nabuan. Sin esan reꞌ: Bera, usif pah Sodom; Birsa, usif pah Gomora; Sinap, usif pah Adema; Semeber, usif pah Seboim; ma Bela, usif pah Soar. Rarit uis haaꞌ ein naan anmakenan nok uis niimꞌ ein naan.
1174	GEN 40:1	Anbi bui naan, anmuiꞌ naan aꞌnaak mepu tuaf nua reꞌ anmeup nitan anbin usif pah Masir in sonaf. Es naꞌnaak mepu barab roitan bukae-mninut neu usif; ma es antein naꞌnaak mepu barab roitan bukae-kokis neu usif. Sin nua sin anmoꞌen sanat neu usif. Es naꞌ uisf ee natooꞌ, ma nataam sin neun bui. Onaim sin nabuan bare meseꞌ nok naiꞌ Yusuf anbin bui naan.
1483	GEN 49:9	Ho reꞌ ia, on reꞌ singa muin maꞌtain es, reꞌ naim kuun amnahat. Ho on reꞌ singa keso reꞌ nbiun ma nakoo in aon ee he ntuup. Ka tiit fa es, reꞌ nabrain he noik ko. Ho on reꞌ singa ainaf amsaꞌ reꞌ npao in anah; ka tiit fa es nabrain he nakꞌaun ee. Ho on naan msaꞌ. Atoin ein of anmasahun ko, ma ka nabeiꞌ ein fa he nmoꞌen tafiꞌ-tafiꞌ.
1520	GEN 50:13	Onaim sin nroi neik naiꞌ Yakop in aon-taꞌun naan, ma nnaon nsuub ee nbi nuat reꞌ npaumaak kuan Makpera ma kuan Mamre. Naiꞌ Abraham ansoos nafeek bare naan naꞌko atoin es naꞌko uuf Hetes, kaan ee naiꞌ Efron; he nmoeꞌ je njair sin baer subat.
23230	MAT 1:17	Onaim anmurai naꞌko naiꞌ Abraham antean naiꞌ Daut batan boꞌes am haa; naꞌko naiꞌ Daut antean oras sin nmoufun nbin Babel, batan boꞌes am haa; ma naꞌko Babel antean oras nahonis Kristus, batan boꞌes am haa msaꞌ.
23392	MAT 7:7	“Karu hi mꞌonen, amtoit piut-piut meu Uisneno; In of anfee ma nnonaꞌ ki. Karu hi maim piut-piut; In of nakriraꞌ ma naruruꞌ ranan neu ki. Karu mhaman piut-piut; In of nasoit ma nfei enoꞌ neu ki.
23849	MAT 19:18	Atoniꞌ naan nataan anteniꞌ mnak, “Prenat reꞌ mee?” Onaim Naiꞌ Yesus nataah am nak, “Kais muꞌmaet mansian; kais ammakaek; kais mubaak; kais amjair saksii poi;
23850	MAT 19:19	amhormaat ho ainaꞌ-amaꞌ sin; ma amneek ho aom-bian sin on reꞌ ho mneek ho tuam aan kuum.”
23967	MAT 22:26	Ka ꞌroo fa te, in nmaet ma ka nahoniꞌ fa. On naan amsaꞌ oirf es anteniꞌ; in nsao bifee banuꞌ naan, mes anmate ma ka nahoniꞌ fa msaꞌ. Matsaos naan nanaob on piut tar nasopu ntea aheit suus goe, mes in anmate msaꞌ.
24236	MAT 27:38	Anbi naan, sin nkuus naꞌpetiꞌ atoin aburarut tuaf nua. Es anbi In abnapan aꞌneꞌu; es anbi In abnapan aꞌrii.
24676	MRK 10:19	Ho muhiin murair prenat ahunut naꞌko Uisneno reꞌ nak, ‘Kais amroor atoniꞌ; kais ammakaek; kais mubaak; kais amsaksii mipoi; kais amputa-kriu atoniꞌ in bareꞌ; ma mhormaat meu ho ainaꞌ ma ho amaꞌ.’ ”
24858	MRK 14:35	Rarit In nnao nteniꞌ kreꞌo, rarit anriꞌtuu ma nꞌonen am nak, “Amaꞌ amanekat! Karu Ho mromi te, Au kais aꞌsutai nanaꞌrenat naan tar aꞌtea he ꞌmaet on reꞌ ia. Au uhiin urair ꞌak, ka tiit tain fa saaꞌ reꞌ Ho ka bisa mmoeꞌ maan ee fa. Onaim karu reko te, Ho mait muꞌrobaꞌ rais haꞌmuꞌit reꞌ ia naꞌko Kau. Mes kaisaꞌ mutuin Au romik; maut nai he mutuin Ho romim, tua.”
25150	LUK 4:18	“Kuasat naꞌko Uisneno In Asmaan ee, et Au. Etun In nruur ma nreek Kau, he utoon Uisneno In Rais Reko ꞌeu atoin kasian ein. In nreek haefan nrair Kau. he utoon am ꞌak, abitan bui je, of npoin mainuan; afoort ein, of bisa niit anfanin; tuaf-tuaf reꞌ napenin haꞌmuꞌit, of anmonin nbin mainuan.
25483	LUK 11:9	On naan amsaꞌ rais onen. Amtoit piut-piut meu Uisneno; In of anfee ma nnonaꞌ. Maim piut-piut; In of naruruꞌ ranan. Amhaman piut-piut; In of nasoin enoꞌ.
25581	LUK 12:53	Amaꞌ anraban anah; anah anraban amaf. Ainaꞌ anraban anah; anah anraban ainaf. Ain babaꞌ nraban aan nanef ma moen-feuf; aan nanef ma moen-feuf anraban ain babaꞌ.”
25767	LUK 18:10	“Anmuiꞌ naan aꞌnaef nua nnaon nꞌoen ein nbin Uim Onen Uuf. Tuaf es naꞌko pukan partei pirsait Farisi; es antein ahoik beo. [Atoin Yahudis sin naan atoin Farisis sin, atoni kninuꞌ. Mes sin naan ahoik beon guin, atoin reꞌuf.]
25777	LUK 18:20	Ho muhini mrair Uisneno In atoran naꞌko unuꞌ nak: Kais ammakaek; kais amroor mansian; kais mibaak; kais amjair saksii poi; ma amhormaat ho ainaꞌ-amaꞌ sin.”
26070	LUK 24:10	(Bifeen reꞌ anbin noup fatu naan, esan reꞌ: naiꞌ Yakobus in ainaf, es reꞌ bi Maria; bi Maria naꞌko kuan Makdala; bi Yohana; ma bifee bian antein. Sin arsin reꞌ naan es reꞌ annaon ma naretaꞌ rasin reꞌ ia ok-okeꞌ neu Naiꞌ Yesus In haef ein.)
26118	JHN 1:5	Meuꞌ-sineꞌ naan, npiin ma ntanaꞌ ntaam antea meisꞌokan; ma meisꞌokan naan ka bisa ntahan naan Ee fa. Fin Meuꞌ-sineꞌ naan anpiin ma ntanaꞌ piut.
26262	JHN 4:37	Atoniꞌ nak, ‘Tuaf es anseen fini; tuaf bian es reꞌ anbubun in afan.’ Naan batuur, tua!
26534	JHN 9:25	Atoniꞌ reꞌ nfoor niit naan nataah am nak, “Au ꞌbaiseun ki, amaꞌ sin. Reko te kais mitooꞌ, tua! Fin au ka uhiin fa karu In reꞌ naan, atoin maufinu, aiꞌ kaah. Reꞌ au uhiin je batuur-batuur ii, es reꞌ unuꞌ te au ꞌfoor; mes oras ia au bisa ꞌkius kuuk een.”
26757	JHN 14:20	Ma oras Au ꞌmoni ꞌfain, hi mihiin batuur mak, Au ꞌmafuut ꞌok Au Amaꞌ; hi mmafuut mok Kau; ma Au ꞌmafuut ꞌok ki msaꞌ.
27012	ACT 1:20	Naiꞌ Petrus naꞌuab ankono mnak, “Unuꞌ te, usif naiꞌ Daut antui rasi naan et Surat Pures-Boꞌis sin. In ntui mnak, ‘Maut he in bare ꞌtua-haꞌ naan ruman; kais anmuiꞌ tuaf reꞌ he natua nteniꞌ anbi naan.’ Ma in ntui nteniꞌ mnak, ‘Maut he in meup goe, nanaaꞌt ee neu tua ꞌtetaꞌ.’
27015	ACT 1:23	Oras naiꞌ Petrus naꞌuab anrair on naan ate, sin arsin nataam kanaf nua. Tuaf es, es reꞌ naiꞌ Matias, ma es anteniꞌ es reꞌ naiꞌ Yusuf, (reꞌ feꞌ-feꞌe te, sin nteek ee te nak naiꞌ Barsabas; ma sin nteek ee naiꞌ Yustus amsaꞌ).
27028	ACT 2:10	Frigia, Pamfilia, Masir, taꞌko Libia reꞌ anhaumaak kota Kirene; hit bian neman naꞌkon kota Roma;
27037	ACT 2:19	Of Neon Uisneon nggoe ntea, mes nahuun naꞌko neno naan antea, Au of aꞌmoeꞌ uhunun rais sanmakat humaꞌ-humaꞌ anbi neon goe tnanan. Rais sanmakat on reꞌ maans ee nameisꞌook; ma fuun ee of meeꞌ rare on naaꞌ. Au he ꞌmoeꞌ rais sanmakat maineun reꞌuf anbi pah-pinan ia msaꞌ. Rasin naan, on reꞌ naaꞌ, ai, ma masuꞌ reꞌ ansae kboꞌes-akboꞌes neu neon goe tnanan. Ma nbi Uisneno In nenon reꞌ maineun reuꞌf ein naan, sekau es reꞌ anhunun ma antoit rais turun-babat naꞌko Uisneno te, Uisneno of nsoi nafetin sin.’ ” Naan reꞌ naiꞌ Joel antui nain je, et afi unuꞌ.
27044	ACT 2:26	Au neek ii nmariin, natuin rasi naan; ma au ꞌboꞌis uꞌnaebaꞌ Uisneno piut, ma au uꞌtenaꞌ he ꞌpao Goe.
27217	ACT 7:32	‘Au reꞌ ia, ho naiꞌ-kaꞌo sin Uisneno; esan reꞌ kaꞌo Abraham, kaꞌo Isak, ma kaꞌo Yakop.’ Anneen hanaf naan ate, kaꞌo Musa namtau nmaet, tar antea in huumn ii nmouf, ma in ka nabrain fa he nait in matan he nkius ai pinaꞌ naan.
27278	ACT 8:33	Rarit sin naꞌaakn ee; Sin nafekan rais poi ntoom ee. Oras naan, sin nroor niis ne, te kaah, in ka nmuiꞌ fa sanat saaꞌ-saaꞌ. Onaim hit he tak saaꞌ antein?”
27471	ACT 13:40	Etun hi ro he mitenab mirek-rekoꞌ. Kais-kaisaꞌ saaꞌ reꞌ Uisneno In mafefa kniunꞌ ein sin natoon nain je et afi unuꞌ naan, antoom anfain neu ki. Sin antuin am nak, ‘Ampaant om, areꞌ atoin amꞌakan sin, reꞌ ka nfairoir fa es-es! Fin Au, Uisneno, aꞌmoeꞌ rais sanmakat humaꞌ-humaꞌ reꞌ namkakab tuaf amfaun; mes hi of amtoup in seun-baran, he hi mmate mkoon. Au ꞌmoeꞌ rais jes, oras hi mmoin feꞌ, mes hi ka mroim fa he mtoup goe. Maski atoniꞌ nanoniꞌ ki, mes hi ka mroim fa he mihiin rasi naan. Reko nneis, hi mitenab mifan-faniꞌ rasin naan, he hi msanmaak amsaꞌ.’ Onaim aok-bian arki. Mitenab mirek-rekoꞌ saaꞌ reꞌ au utoon ki feꞌe na. Kais amporin main saaꞌ reꞌ hi mneen amrair je feꞌe na, on reꞌ tuaf-tuaf amꞌakan sin aꞌmoeꞌk ein. Au uabk ein naꞌtuuk ma naꞌpaar on reꞌ naan. Makasi, tua.”
27533	ACT 15:22	Rarit Uisneno In haef ein nok atoni mnasiꞌ bian anmaꞌakoran he nreek tuaf he nnaon natonan sin rasi tfekaꞌ naan neu nonot apirsait anbi mee-mee. Ma sin namin tuaf-tuaf reꞌ nonot apirsait ein anhormaat sin, reꞌ natai nok mepu naan. Rarit sin npiir naan tuaf nua. Es kaan ee, naiꞌ Silas; es anteniꞌ kaan ee, naiꞌ Judas (reꞌ sin nteek nain je nak, naiꞌ Barsabas). Rarit sin nreun sin nua sin nnaon nabu-buan nok naiꞌ Paulus ma naiꞌ Barnabas.
27698	ACT 20:4	Puuk aan es annao nabua nok naiꞌ Paulus. Sin esan reꞌ: naiꞌ Timotius, aam Pirus in anah naiꞌ Sopater naꞌko kota Berea; tuaf nua naꞌkon kota Tesalonika, sin esan reꞌ naiꞌ Aristarkus ma naiꞌ Sekundus; tuaf es naꞌko kota Derbe, kaan ee naiꞌ Gayus; ma tuaf nua naꞌkon propinsi Asia, esan reꞌ naiꞌ Tekikus ma naiꞌ Trofimus.
27825	ACT 23:23	Rarit soraru ꞌnakaf koꞌu naan, noꞌen in soraur aꞌnakat tuaf nua. In naprenat sin am nak, “Mibarab maan sorarus, tuaf natun nua; ma sorarus reꞌ ansae bikase, tuaf boꞌ hiut; ma sorarus amneik aunu, tuaf natun nua. Hi mnao nai mabeꞌ ia, anreuk seo, amnao meu kota Kaisarea.
27838	ACT 24:1	Neno niim namuni te, atoin Yahudis reꞌ he nꞌaꞌan rasi nok naiꞌ Paulus, sin neman ntean nbin Kaisarea. Amneemt ein naan, esan re: naiꞌ Ananias, aꞌnaak rais pirsait Yahudi sin aꞌnaak koꞌu; aꞌnaet ein bian; ma tuaf es, kaan ee naiꞌ Tertulus, reꞌ feef mapipiꞌ. Etun sin npaek je, he njair asaah rasi he sin nraban naiꞌ Paulus.
27895	ACT 26:4	Anmurai naꞌko au aanꞌ-anaꞌ, sin nanoniꞌ kau goen he ꞌmoin utuin hit atoin Yahudis hit harat. Nahunu te, nanoniꞌ kau anbi au kuan; rarit au ꞌuum uskoor aꞌtamba ꞌbi Yerusalem. Atoin Yahudis abitan Yerusalem, sin nahiin au ꞌmonik, ma sin nahiin narek-rekoꞌ kau.
27982	ACT 28:15	Oras apirsait ein abitan kota Roma nnenan nak hai he iim meu kota Roma, sin neman nseun kai nbi raan atnanaꞌ. Bian nateef kai nbi ꞌmasaꞌ Apius; bian nateef kai nbi baer jes, kaan ee Ropo Teun. Oras naiꞌ Paulus niit sin on nai te, in nboꞌis Uisneno, ma in neekn ee natea.
27994	ACT 28:27	Natuin atoniꞌ reꞌ pah ia, sin neek ein ro fatu. Sin ruik ein ka nroim he nnenan fa goen! Ma sin maatk ein ee, nahuum on reꞌ he nforon nrarin! Anparaak he sin kaisaꞌ nnenan nai; Ma nparaak he sin maatk ein anforon. Ma nparaak he sin neek ein naꞌteme nkonon. Tar antea sin ka nahinin fa ranan he ntebin nfain neman neu Kau ntenin, Onaim Au bisa urekoꞌ sin, on mee?’ ”
28322	ROM 12:9	Karu hi miruruꞌ ma mikriraꞌ hi manekam meu tuaf, miruruꞌ manekat reꞌ batuur; kais amputa-kriu. Maikoit miꞌko rais maufiun ein, ma mpooh ma mnaaꞌ areꞌ kanan rais reko.
28338	ROM 13:4	Fin anaaꞌ apreent ein, sin reꞌ naan es reꞌ Uisneno npiir ma nanaib naan sin he ntuthae ki. Mes karu hi mmoeꞌ sanat piut, reko nneis hi mpaant om reko! Fin sin reꞌ naan, anmuꞌin hak he nhukun ki. Hak naan ka ruum am parsuum fa. Sin reꞌ naan, on reꞌ Uisneno In aan reun ein reꞌ nfee hukun neun tuaf ein reꞌ nmoꞌen maufinu. Fin Uisneno ka ntoup fa rais maufinu reꞌ atoniꞌ nmoeꞌ je; In natooꞌ neu sin.
28343	ROM 13:9	Fin Atoorn ein naan nak, “Kais ammakaek; kais amroor ma miꞌmaet mansian; kais mibaak; kais mikoman es in bareꞌ,” ma bian antein. Karu he mmoeꞌ mituin Atoorn ein ok-okeꞌ, hi ro he mmoeꞌ mituin Atoran meseꞌ reꞌ ia, “Ho ro he mneek ho aom-bian, namnees on reꞌ ho mneek ho tuam aan kuum.”
28746	1CO 13:13	Onaim oras ia, anmuiꞌ rasi nonoꞌ teun reꞌ hit ro he tmoeꞌ sin, reꞌ ntaahn ein piut. Sin esan reꞌ: hit ro he tpirsai piut teu Uisneno; hit ro he tafnekan ma tharap piut tak, In of anꞌator areꞌ kanan rasi anjarin reko; ma hit ro he tmaneek es nok es piut-piut. Naꞌko rais noon teun ein ia, reꞌ pentiing anneis ji es reꞌ rais manekat. Fin rais manekat naan es reꞌ reko nneisi.
28827	1CO 15:41	Anbi neon goe tnanan, maans ee in pinan ma krahan aꞌtetaꞌ; funan in pinan ma krahan aꞌtetaꞌ; ma kfuun ein, sin pinan ma krahan aꞌtetaꞌ amsaꞌ. Es-es ate nok In masan. Es-es ate nok in pinan ma krahan. Onaim areꞌ saaꞌ ii anmuiꞌ kuun in pinan ma krahan, tua.
28850	1CO 16:6	Rarit naꞌ au umaik ꞌok ki sero ꞌroo; of oniꞌ ꞌtea oras mainiikn ii namsoup. Rarit hi bisa mnao maat kau mtea baer jes anteniꞌ.
28911	2CO 3:2	Fin hai suurt es hi mnaaꞌ amrair je. Surat naan, es reꞌ hi kiim. Fin hai mihiin rasi mfaun anmatoom nok hi ꞌmonim. Rasin naan mahikiꞌ ma matunuꞌ nbi hai nekam. Areꞌ tuaf amfaun bisa nresan kuuk hi ꞌmonim; naꞌko naan sin bisa nahiin hai meup gui in afan.
28974	2CO 6:8	Hai maran ma mtahan amsaꞌ, maski atoniꞌ naruruꞌ ma nakriraꞌ hormaat neu kai, aiꞌ sin naꞌuab nareuꞌ hai kaanm ein: maski sin naꞌuab namouf kai, aiꞌ sin npanat hai kaanm ein; maski atoniꞌ anputa-kriu nak, hai mipoi maan atoniꞌ, aiꞌ sin naꞌuab ein am nak, hai miꞌuab mimneo ma mimnoon.
28984	2CO 6:18	Au he ꞌjair hi Amaꞌ; ma hi mjair Au aanh ein amsaꞌ. Reꞌ naan, hit Usiꞌ es reꞌ naꞌuab. In es reꞌ Akuaas Reꞌuf, tua.”
29007	2CO 8:7	Hi mepu meu Uisneno ro reko. On reꞌ: hi rais pirsait naheer ma naꞌkiiꞌ; hi uab ein, reko; hi mihiin amfaun anmatoom nok Uisneno; rasi reꞌ naꞌhabaꞌ ki jan maꞌtaniꞌ; ma hi mneek miis kai. Es naan ate, au ꞌroim he hi mturun ma mbaab meik roit kouꞌ-koꞌu meu Uisneno Iin na reꞌ napenin susat.
29582	COL 2:21	“Kais amnaaꞌ ia; kais meuk aiꞌ muah nee; kais amreoꞌ ia.”
29589	COL 3:5	Es naan ate, hi ro he mait imporin hi rais sinmakat reꞌ he mmoeꞌ maufinu. On reꞌ: msinmakan mak he mmakaek ma mmakoin karu ka fee-mone fa; msinmakan he mmoeꞌ rais ꞌoemeetn ein; msinmakan he mmoeꞌ mituin hi neekm ein sin roim maufiunt ein; msinmakan he mmoeꞌ maufinu humaꞌ-humaꞌ; ma mikoom he areꞌ saaꞌ-saaꞌ ii suma njair ho nggoa kuum (te kaah, naan on reꞌ ho mfua, natuin ho mait muꞌrat-ratan rasi ꞌtetaꞌ reꞌ nsiuꞌ napoitan Uisneno).
29592	COL 3:8	Mes oras ia, hi ro he mait imporin hi rais sinmakat reꞌ he mmoeꞌ maufiunt ein ok-okeꞌ. On reꞌ: toꞌos; neek maputuꞌ; tunu ꞌnekaf; naꞌreꞌuf es in kanan; feef reꞌuf.
29595	COL 3:11	Anbi ꞌmoin feꞌu ia, hit ka tteek fa es natuin in aon pasun tak, sin reꞌ naan atoin Yahudis, aiꞌ ka atoin Yahudis fa; aiꞌ atoniꞌ reꞌ naꞌheriꞌ, aiꞌ atoniꞌ reꞌ ka naꞌheriꞌ fa; aiꞌ kase; aiꞌ atoniꞌ reꞌ ka nahiin fa atoran harat; aiꞌ ate; aiꞌ atoin farei. Naan ka maꞌosaꞌ fa. Mes reꞌ maꞌosaꞌ es reꞌ karu sin nmafuut nok Kristus, ma karu In nmoni nbi sin nekak nanan.
29780	1TI 1:17	Pures-boꞌis neu Uisneno! Suma In es reꞌ Uisneno; ka tiit attein fa goen! Usif reꞌ naprenat nabar-baar. In nmoin nabar-baar. In ka nmaet fa. In reꞌ naan mansian ii ka niit Ee fa neik sin matak fuak ein. Areꞌ rais hormaat ma pures-boꞌis sin arahaa neu Ne! tar antea nabar-baar! Amin.
29804	1TI 3:6	Reko nneis ampiir maan tuaf reꞌ in tenab, moꞌet ma taos namnasi nbi Kristus. Kais misaeb ma minaib maan aꞌnaak jemaꞌat naꞌko tuaf reꞌ feꞌ natuin Usif Yesus; kais-kaisaꞌ in naꞌnaeb on. Kais-kaisaꞌ Uisneno nteeꞌ je, on reꞌ Uisneno nteeꞌ niut reuꞌf ein sin aꞌnaak koꞌu.
29839	1TI 5:9	Karu mpiir banuꞌ he nturun aꞌnaak jemaaꞌt ein ate, in tuiꞌn ii on nai: in toon anmoin naan ii, kais ankuran naꞌko toon boꞌ nee; unuꞌ te, in naꞌkiiꞌ nbi matsaos nok atoniꞌ meseꞌ;
29840	1TI 5:10	tuaf nahiin je mnak, natiꞌ te in nmoeꞌ reko neu tuaf bian; in npairoir nahiin in aanh ein nok reko; reꞌ ntuthae tuaf bian nok neek marine; reꞌ anturun ma nbaab too apirsait ein nok meup ba-baun; reꞌ anroim he nturun ma nbaab tuaf anbi susat; ma reꞌ nabarab in tuan ee piut-piut he nturun ma nbaab anbi rais reko.
29966	TIT 1:7	Natuin aꞌnaak jemaaꞌt ein naan, nanaob Uisneno In mepu, onaim sin ro he nmonin nok neek amneꞌo, ma sin kaank ein ro nfoo menin. Kais ampiir maan tuaf reꞌ nroim he naꞌnaeb in tuan; reꞌ maan aa fa te natooꞌ; abukae raur mafu; amabanat; akoom noni-roit.
29967	TIT 1:8	Tuaf reꞌ naꞌnaak neu jemaꞌat sin ro he nromin he ntoup sekau goah nbin sin umin. Sin ro he nromi haa rais reko; neek teas, atai rasi, neek akninuꞌ, ma ntahan nahiin in tuan.
30006	PHM 1:1	Surat reꞌ ia, naꞌko au naiꞌ Paulus kau. Au partei naiꞌ Timotius ansonuꞌ haan tabes ma haan buseet amsaꞌ. Asar ho muhiin, sin nataam kau es bui et bare ia, natuin au ꞌeut ma utoon anmatoom nok Yesus Kristus. Au ꞌtui surat reꞌ ia, ꞌsoun ee ꞌeu ko Filmon, reꞌ hai mneek, ma mjair partei ambi mepu meseꞌ mok kai;
30007	PHM 1:2	ma ꞌeu bi Apfia, reꞌ hai maan ee on reꞌ hai fetoꞌ; ma ꞌeu naiꞌ Arkipus, reꞌ anmeup maꞌtaniꞌ nok kai mbi mepu ia; ma ꞌeu areꞌ too apirsait ein reꞌ natiꞌ te, nabuan ma nꞌoen ein anbin ho umi.
30112	HEB 6:1	Onaim hi ro he minoniꞌ mtein noniꞌ reꞌ ankoon ma namtiis, natuin hi minoniꞌ mrair sero ꞌroo goen noin uuf anmatoom nok Kristus. Es naan ate oras ia, ka tperluu fa he minoniꞌ mifan-fain noniꞌ uuf anmatoom nok rasi atoniꞌ ro he nasaitan sin saant am penu sin; noniꞌ anmatoom nok atoniꞌ anpirsai Uisneno;
30113	HEB 6:2	noniꞌ anmatoom nok sraniꞌ, noniꞌ anmatoom nok ttao ꞌnimaf he ttoup Asmaan Akninuꞌ; noniꞌ anmatoom nok Uisneno of namonib nafaniꞌ amates; ma noniꞌ anmatoom nok tuaf-tuaf ro he nbaiseun Uisneno, he ntoup In atfekaꞌ nak, sekau es reꞌ bole nmoin piut nok Ne, ma sekau es reꞌ kahaf.
30508	1PE 3:17	Karu rasi naan natuin Uisneno In romin, kais amnikan, fin reko nneis hi mipein susat natuin hi mmoeꞌ rais reok amneot; kais natuin hi mmoꞌe msaan.
30633	1JN 2:16	Rasi reꞌ nbi pah-pinan ia ka nmafuut fa nok Uisneno. On reꞌ tuaf reꞌ nmoin he nharineb in tuan aa kuun; aparuꞌ ma akomat; ma abeꞌot natuin in aꞌmuꞌin. Areꞌ rasi on reꞌ naan, ka naꞌuun ma naꞌbaꞌan fa nbin Aam Uisneno. Fin sin naꞌuun ma naꞌbaꞌan nbin pah-pinan ia goah.
30752	JUD 1:12	Karu atoin ein reꞌ ia nabuan nok ki, henatiꞌ hi arki mimnau Uisneno In manekan oras hi mbukae mibu-bua te, sin ka namaeb ok fa natuin sin npaur ein ma nakoman. Onaim hi ro he mpaant om! Natuin atoin ein reꞌ naan, on reꞌ faut putuk anbi tais je ninin reꞌ bisa nareuꞌ ma nakratiꞌ bnao oe. Sin on reꞌ noep metan anbi auf metoꞌ reꞌ ka nasanut fa uran akreꞌo msaꞌ. Sin suma nafeefn ahaa, mes ka nmoꞌen fa rais reko saaꞌ-saaꞌ. Sin on reꞌ hau roet reꞌ ka mapakeꞌ ma maꞌosaꞌ fa. Karu oras hau roet ii nafua te, sin ka nafuan fa fuaꞌ meseꞌ msaꞌ; onaim annooꞌ ma anfaik nain sin, rarit anporin sin.
30867	REV 6:6	Rarit au ꞌneen nahuum on reꞌ hanaf es neem naꞌko muiꞌ haa maꞌtain ein naan sin atnaank ein. Hanaf naan natoon am nak, “Oras amnahas maꞌtain ii of antaman pah-pinan. Karu mtoup kai neno ia, suma msoos maan amneas mok teun goah; aiꞌ mneas reꞌ reko te, mok meesꞌ aah. Mes karu amnahas naan antea goen, mansian ein kais annooꞌ nain hau saitun ma hau anggur sin anbin pooꞌn ein.”
30883	REV 7:5	naꞌko uuf naiꞌ Yahuda, tuaf nifun boꞌes am nua (12.000); uuf naiꞌ Ruben, tuaf nifun boꞌes am nua; uuf naiꞌ Gat, tuaf nifun boꞌes am nua;
30884	REV 7:6	uuf naiꞌ Aser, tuaf nifun boꞌes am nua; uuf naiꞌ Naftali, tuaf nifun boꞌes am nua; uuf naiꞌ Manase, tuaf nifun boꞌes am nua;
30885	REV 7:7	uuf naiꞌ Simeon, tuaf nifun boꞌes am nua; uuf naiꞌ Lewi, tuaf nifun boꞌes am nua; uuf naiꞌ Isakar, tuaf nifun boꞌes am nua;
30886	REV 7:8	uuf naiꞌ Sebulon, tuaf nifun boꞌes am nua; uuf naiꞌ Yusuf, tuaf nifun boꞌes am nua; uuf naiꞌ Benjamin, tuaf nifun boꞌes am nua.