23406	MAT 7:21	»Na konoje ta ri kakibꞌiꞌij chwe “Qajawal, Qajawal” kebꞌok chilaꞌ chikaj pa rutaqanik ri Dios, ma xew kebꞌok ri kakiꞌan ri rajawal ukꞌuꞌx ri Nuqaw kꞌo chilaꞌ chikaj.
23407	MAT 7:22	Kopon kꞌu ruqꞌijol echiriꞌ ri Dios kuqꞌat tzij pakiwi ri tikawex, yey chupa laꞌ la qꞌij lik e kꞌi ri kakibꞌiꞌij chwe: “Wajawal, Wajawal, riꞌoj xqaꞌan qꞌalajisanik chupa ri bꞌiꞌ la chike ri tikawex. Yey chupa ri bꞌiꞌ la xeqesaj bꞌi ri itzel uxlabꞌixel y pa ri bꞌiꞌ la xqaꞌan ukꞌiyal milagros” kechaꞌ.
23518	MAT 10:32	»E junoq kuqꞌalajisaj chikiwach ri winaq, kubꞌiꞌij: “In tijoꞌn re ri Jesús”; jekꞌuriꞌlaꞌ kanꞌan riꞌin che rire, kambꞌiꞌij chwach ri Nuqaw kꞌo chilaꞌ chikaj: “Qatzij, wa jun e nutijoꞌn” kinchaꞌ.
23519	MAT 10:33	»Noꞌj kꞌu ri kubꞌiꞌij chikiwach ri winaq: “Riꞌin na in ta tijoꞌn re ri Jesús.” Jekꞌuriꞌlaꞌ kanꞌan riꞌin che rire, kambꞌiꞌij chwach ri Nuqaw kꞌo chilaꞌ chikaj: “Qatzij, wa jun na nutijoꞌn taj” kinchaꞌ.
23635	MAT 13:27	Ekꞌu ri aj chakibꞌ xeꞌkibꞌiꞌij che ri rajaw ri tikoꞌn: “Qajawal, we chomilaj ijaꞌ xeꞌtika la chwa rulew la, ¿pachawi kꞌu riꞌ xpe wi raqꞌes xel lo chupa?”
23868	MAT 20:7	»Xkikꞌul kꞌu uwach rike: “E ruma na jinta junoq xojchokowik.” »Ekꞌuchiriꞌ, xubꞌiꞌij ri rajaw ri chak chike: “Jix, jixeꞌchakuna chupa ri nutikoꞌn re uva y tzꞌaqat kixintojo.”
23874	MAT 20:13	»Noꞌj ri rajaw chak xukꞌul uwach, jewaꞌ xubꞌiꞌij che jun chike: “Wamigo, mabꞌiꞌij we na usukꞌ ta ri xinꞌan chawe. ¿Na xojkanaj ta nebꞌa laꞌ katintoj jun denario?
23900	MAT 21:5	Chibꞌiꞌij chike ri e aj Sion: “Chiwilapeꞌ, ri Rey iweꞌix kakꞌun iwukꞌ, uꞌanom lo chꞌutiꞌn che ribꞌ; ukojom lo jun buru, waꞌ jun qꞌapoj buru, ral jun awaj aj eqaꞌn” xchaꞌ.
23923	MAT 21:28	»Yey chiwach ralaq ¿saꞌ keꞌelawi waꞌ? Kꞌo jun achi e kꞌo kaꞌibꞌ ukꞌajol y xubꞌiꞌij che jun chike: “Nukꞌajol, jat waqꞌij pa chak, ma kanꞌan numolonik re uva.”
23953	MAT 22:12	»Xubꞌiꞌij kꞌu che: “Wamigo, ¿chaꞌtaj xatok lo wara we na akojom ta raqꞌuꞌ re kꞌulanikil?” xchaꞌ. Noꞌj rachi na xchꞌaw ta kꞌenoq.
24052	MAT 24:26	E uwariꞌche tobꞌ kabꞌiꞌx chiwe: “Chiwilapeꞌ, leꞌ ri Cristo kꞌo pa ri luwar katzꞌintzꞌotik”, mixꞌek che rilik. Tobꞌ ne kabꞌiꞌx chiwe: “Chiwilapeꞌ, leꞌ ri Cristo kꞌo lo pa ja”, mixok il che.
24088	MAT 25:11	»Tekꞌuchiriꞌ, xetzelej lo ri woꞌobꞌ alito y xechꞌaw apanoq: “Qajawal, qajawal, jaqa lo la ri puerta chiqe.”
24097	MAT 25:20	Nabꞌe xopon ri raj chak ri ukꞌamom kan woꞌobꞌ mil. Xuya kꞌu che ri rajaw ri woꞌobꞌ mil chik xuchꞌak puwi ri yaꞌom kan che y jewaꞌ xubꞌiꞌij: “Wajaw, riꞌ ri woꞌobꞌ mil xya kan la chwe y riꞌ chi woꞌobꞌ mil, waꞌ e xinchꞌak puwi ri xya kan la chwe” xchaꞌ.
24099	MAT 25:22	»Tekꞌuchiriꞌ, xopon raj chak ri ukꞌamom kan kaꞌibꞌ mil y xubꞌiꞌij che: “Wajawal, riꞌ ri kaꞌibꞌ mil xya kan la chwe y riꞌ chi kaꞌibꞌ mil kanya cheꞌla, waꞌ e xinchꞌak puwi ri xya kan la chwe” xchaꞌ.
24101	MAT 25:24	»Ekꞌuchiriꞌ, xopon ri jun chik aj chak ri yaꞌom kan xa jun mil che, y jewaꞌ xubꞌiꞌij che ri rajaw: “Wajaw, riꞌin wetaꞌam lal jun achi lik titzꞌitik, ma kaꞌan la molonik pa na awaninaq ta wi la yey kamolon ne la pa na jinta jopopem wi la.
24114	MAT 25:37	»Ekꞌu ri e jusukꞌ echiriꞌ kakita waꞌ, jewaꞌ kakibꞌiꞌij: “Qajawal, ¿jampalaꞌ xqil la lal kꞌo la pa numik y xqaya wa la? ¿Jampalaꞌ xqil la lal kꞌo la pa tzajin chiꞌ y xqaya miqꞌinaꞌ la?
24121	MAT 25:44	»Ekꞌuchiriꞌ, kakibꞌiꞌij rike che: “Qajawal, ¿jampalaꞌ xqil la kanum la yey katzajin chiꞌ la? ¿Jampalaꞌ xqil la katzukuj la pa kakanaj kan wi la? ¿Jampalaꞌ xqil la na jinta qꞌuꞌ la? ¿Jampalaꞌ xqil la lal yewaꞌ o kꞌo la pa cárcel, yey riꞌoj na xqanimaj ta la?” kechaꞌ.
24338	MRK 2:9	¿Saꞌ kꞌu ri na kꞌayew taj kambꞌiꞌij che rachi sik: “Ronoje ramak kuytajinaq chik” o “Chatyaktajoq, chakꞌama bꞌi rachꞌat y chatbꞌinoq”?
24927	MRK 15:32	Laꞌ laꞌchi kabꞌiꞌx “Cristo, Rey ke Raj Israel” che, qaja lo riꞌ utukel chwa ri cruz chaꞌ kaqilo y jelaꞌ kaqakojo e rire ri Uchaꞌoꞌn lo ri Dios —kechaꞌ. Y jenelaꞌ ri kaꞌibꞌ eyaꞌom chwa cruz junam rukꞌ, lik xkichꞌamij Rire.
25155	LUK 4:23	Y ri Jesús xubꞌiꞌij chike: «Laj ne kabꞌiꞌij alaq chwe: “Kunanel, chakunaj awibꞌ chawibꞌil awibꞌ. Chaꞌana kꞌu riꞌ chupa wa tinamit taq ri kꞌutubꞌal re ruchuqꞌabꞌ ri Dios jelaꞌ pachaꞌ ri qatom xaꞌan chilaꞌ Capernaúm” kacha alaq chwe.»
25261	LUK 6:46	»¿Suꞌchak kibꞌiꞌij chwe “Qajawal, Qajawal”, yey na kiꞌan ta ri kambꞌiꞌij chiwe?
25479	LUK 11:5	Ekꞌu ri Jesús xubꞌiꞌij tanchi chike: «We ta e laꞌ kꞌo junoq chiwe, pa tikꞌil aqꞌabꞌ keꞌek chirocho juna ramigo y jewaꞌ kubꞌiꞌij che: “Wamigo, maꞌan ko riꞌ kanjal oxibꞌ nuwa chawe,
25481	LUK 11:7	»Ekꞌu rire kukꞌul lo uwach kꞌa pa ja, jewaꞌ kubꞌiꞌij lo che: “Minachꞌichꞌaꞌ, ma ri puerta tzꞌapil chik y oj kotzꞌol chi kukꞌ ri walkꞌoꞌal. Na utz ta kꞌu riꞌ kinyaktajik chaꞌ kiꞌnyaꞌa bꞌi chawe” kachaꞌ.
25536	LUK 12:8	»Paqatzij wi kambꞌiꞌij chiwe: E junoq kuqꞌalajisaj chikiwach ri winaq, kubꞌiꞌij: “In tijoꞌn re ri Jesús”, jekꞌuriꞌlaꞌ kanꞌan riꞌin che rire; ri in Alaxel Chikixoꞌl Tikawex kambꞌiꞌij chikiwach ri ángeles re ri Dios: “Qatzij, wa jun e nutijoꞌn” kinchaꞌ.
25537	LUK 12:9	Noꞌj kꞌu ri kubꞌiꞌij chikiwach ri winaq: “Riꞌin na in ta tijoꞌn re ri Jesús”, jekꞌuriꞌlaꞌ kanꞌan riꞌin che rire; kambꞌiꞌij chikiwach ri ángeles re ri Dios: “Qatzij, wa jun na nutijoꞌn taj” kinchaꞌ.
25548	LUK 12:20	»Noꞌj ri Dios xubꞌiꞌij che: “Achi, lik na jinta kꞌana anaꞌoj. ¡Toqꞌoꞌ awach! Ma e waqꞌabꞌ katkamik; yey ronoje kꞌu rabꞌeyomalil akꞌolom, ¿china re kanoq?” xuchixik.
25594	LUK 13:7	Xubꞌiꞌij kꞌu che ri chajinel re rutikoꞌn: “Chawilapeꞌ, e urox junabꞌ waꞌ kinkꞌunik koꞌlnutzukuj ujiqꞌobꞌalil wa cheꞌ re higo, yey na jinta kꞌana ujiqꞌobꞌalil kanriqo. Woꞌora chacheta bꞌi ma ¿saꞌ kutiqoj kꞌo chupa waꞌ wuꞌlew?” xchaꞌ.
25595	LUK 13:8	Ekꞌu ri chajinel xubꞌiꞌij che: “Wajaw, yaꞌa chi la wa junabꞌ che, ma kantij chi na uqꞌij kankꞌot rij y kankoj abono chuxeꞌ.
25612	LUK 13:25	»Ma e kuꞌana pachaꞌ ri rajaw juna ja echiriꞌ kuꞌan juna nimaqꞌij. Echiriꞌ ebꞌokinaq chi konoje ri ebꞌusikꞌim, kutzꞌapij lo ri puerta, y na jinta chi kꞌu junoq kokik. Jekꞌulaꞌ riꞌ ri kikꞌulumaj riꞌix, na kixok ta chubꞌi. Kijeq kꞌu riꞌ kixchꞌaw apanoq: “Qajaw, Qajaw, yaꞌa ko la chiqe kojok bꞌi” kixchaꞌ. »Yey Rire jekꞌuwaꞌ kukꞌul lo uwach chiwe: “Riꞌin na wetaꞌam taj pa ix petinaq wi riꞌix” kacha chiwe.
25632	LUK 14:10	»E uwariꞌche, ri chirajawaxik kaꞌan la echiriꞌ kasikꞌix la pa juna waꞌim e waꞌ: We xopon la, meꞌtzꞌula la chupa ri tzꞌulibꞌal ke ri lik kꞌo kiwach. Jelaꞌ echiriꞌ kakꞌun lo ri sikꞌiyom e la, jewaꞌ kubꞌiꞌij cheꞌla: “Wamigo, jeꞌtzꞌula la más chwach” kachaꞌ. Jekꞌulaꞌ katakꞌabꞌax qꞌij la chikiwach ri e kꞌo chwach ri mexa ukꞌ la.
25644	LUK 14:22	»Xeꞌek kꞌu raj chak. Y echiriꞌ xtzelej loq, xubꞌiꞌij che rupatrón: “Wajaw, ya xinꞌan ronoje ri xintaq la che; na rukꞌ ta kꞌu riꞌ, lik kꞌa kꞌo luwar chwa taq ri mexa” xchaꞌ.
25669	LUK 15:12	Jun qꞌij ri chaqꞌixel xubꞌiꞌij che ruqaw: “Tat, jacha la upa ri bꞌeyomalil la y asu yaꞌa la janipa ri taqal chwe riꞌin” xcha che ruqaw. Y ruqaw e xuꞌano. Xujach kꞌu rubꞌeyomalil, xuya ri taqal che rukꞌajol atzixel y ri taqal che ri chaqꞌixel.
25678	LUK 15:21	»Y rala xubꞌiꞌij che ruqaw: “Nuqaw, in makuninaq chwach ri Dios y chiwach rilal. Na taqal ta chik kabꞌiꞌx chwe in kꞌajol la” xchaꞌ.
25688	LUK 15:31	»Ekꞌu ruqaw xubꞌiꞌij che: “Nukꞌajol, riꞌat ronoje qꞌij at kꞌo wukꞌ, yey rubꞌitaq we, ronoje aweꞌat chik.
25727	LUK 17:7	Ekꞌu ri Jesús xubꞌiꞌij: «We e laꞌ junoq chiwe kꞌo juna raj chak kachakun pa abꞌixbꞌal o kebꞌuchajij chikop, yey echiriꞌ katzelej lo pa juyubꞌ, ¿kibꞌiꞌij nawi che: “Chatokoq, chat-tzꞌula chwa ri mexa”?
25816	LUK 19:16	»Xkꞌun ri nabꞌe y jewaꞌ xubꞌiꞌij che: “Wajaw, rukꞌ ri jun mina yaꞌom kan la panuqꞌabꞌ, xinchꞌak chi lajuj chirij” xchaꞌ.
25818	LUK 19:18	»Xkꞌun kꞌu lo jun chik raj chak y jewaꞌ xubꞌiꞌij che: “Wajaw, rukꞌ ri jun mina yaꞌom kan la panuqꞌabꞌ, xinchꞌak chi woꞌobꞌ chirij” xchaꞌ.
25820	LUK 19:20	»Xkꞌun kꞌu jun chik y jewaꞌ xubꞌiꞌij che: “Wajaw, riꞌ ri jun mina la yaꞌom kan la panuqꞌabꞌ. Waꞌ lik nukꞌolom chi utz chupa jun suꞌt
25825	LUK 19:25	»Ekꞌu rike xkibꞌiꞌij che: “Qajaw, ¡pero rire kꞌo chi lajuj mina rukꞌ!” xecha che.
26676	JHN 12:27	»Woꞌora lik paxinaq nukꞌuꞌx. ¿Saꞌ nawi ri kambꞌiꞌij? ¿Utz nawi jewaꞌ kambꞌiꞌij: “Nuqaw, chinkolobꞌej la che wa kankꞌulumaj woꞌora”? ¡Na utz taj! Ma ruma ne waꞌ in petinaq.
26677	JHN 12:28	Xew kambꞌiꞌij: “Nuqaw, nimarisaj uqꞌij ri bꞌiꞌ la” —xchaꞌ. Ekꞌuchiriꞌ, xchꞌaw lo Jun chilaꞌ chikaj, jewaꞌ xubꞌiꞌij: —Nunimarisam chik, y e waꞌ kannimarisaj tanchik —xchaꞌ.
27211	ACT 7:26	»Chukaꞌm qꞌij kꞌut xebꞌuꞌriqa kaꞌibꞌ aj Israel kechꞌoꞌjin chikiwach y xraj kebꞌuya putzil chomal. Xubꞌiꞌij kꞌu chike: “Achijabꞌ, ralaq chaqꞌ ibꞌ alaq. ¿Suꞌchak kꞌu riꞌ kaꞌan kꞌax che ibꞌ alaq chiwach alaq?” xchaꞌ.
27359	ACT 10:31	y jewaꞌ xubꞌiꞌij chwe: “Cornelio, ri Dios utom ra oración y kꞌo chukꞌuꞌx janipa ri toꞌbꞌal ke ri nibꞌaꞌibꞌ aꞌanom.
27779	ACT 22:7	Xintzaq pulew y xinta kꞌu jun qulaj jewaꞌ kubꞌiꞌij chwe: “Saulo, Saulo, ¿suꞌchak katchꞌoꞌjin chwij?” xchaꞌ.
27790	ACT 22:18	Xinwil kꞌu uwach ri Qanimajawal y jewaꞌ ri xubꞌiꞌij chwe: “Chawilij, chatel bꞌi pa wa tinamit Jerusalem ma ri tzijonik panuwiꞌ Riꞌin na kakikꞌul ta ri winaq wara” xchaꞌ.
27791	ACT 22:19	»Riꞌin ximbꞌiꞌij kꞌu che: “Wajawal, rike lik ketaꞌam janipa ri na utz taj nuꞌanom lo chike ri kikojom ri bꞌiꞌ la echiriꞌ xinꞌek pa taq sinagoga re kebꞌenukꞌam bꞌi pa cárcel y kambꞌalakꞌuj kipa.
27793	ACT 22:21	»Pero ri Qajawal xubꞌiꞌij chwe: “Jat, ma Riꞌin lik naj katintaq wubꞌi chikixoꞌl taq ri tinamit na e ta aj judiꞌabꞌ”» xchaꞌ.
27905	ACT 26:14	Xojtzaq kꞌu qonoje riꞌoj pulew, yey xinta jun qulaj kachꞌaꞌt wukꞌ pa ri chꞌaꞌtem hebreo, jewaꞌ kubꞌiꞌij chwe: “Saulo, Saulo, ¿suꞌchak katchꞌoꞌjin chwij? Atukel kaꞌan kꞌax che awibꞌ jelaꞌ pachaꞌ kuꞌan ri bꞌoyex echiriꞌ kuya aqan che ri puya kachꞌik lo che” xchaꞌ.
27947	ACT 27:24	Ekꞌu ri ángel xubꞌiꞌij kan waꞌ chwe: “Pablo, maxiꞌij awibꞌ, ma lik chirajawaxik kateꞌela chwach ri nimalaj taqanel re Roma. Yey awuma riꞌat, ri Dios kebꞌukolobꞌej che ri kamik konoje ri e kꞌo awukꞌ chupa ri barco” xcha ri ángel chwe.