23360	MAT 6:9	»Ekꞌu riꞌix echiriꞌ kixchꞌaꞌt rukꞌ ri Dios utz jewaꞌ taq ri kibꞌiꞌij: Qaqaw Dios, Lal kꞌo la chilaꞌ chikaj, ¡lik chetaꞌmaxoq nim uqꞌij ri bꞌiꞌ la!
23374	MAT 6:23	Noꞌj we ri qawach na utz taj, ronoje ri qacuerpo kꞌo pa qꞌequꞌm. Jekꞌulaꞌ, we ri qꞌijsaq kꞌo qukꞌ uꞌanom junam rukꞌ ri qꞌequꞌm, ¡koꞌl chi lo qꞌequꞌmalil riꞌ oj kꞌo wi!
23377	MAT 6:26	»Chebꞌiwilape ri tzꞌikin kexikꞌikꞌ che ruwa kaj. Rike na ketikoꞌnaj taj, na kakiꞌan tane kimolonik y na jinta ne pa kakikꞌol wi ri kimolonik. Na rukꞌ ta kꞌu riꞌ, Riqaw Dios kꞌo chilaꞌ chikaj kebꞌutzuqu. ¡Makꞌuwariꞌ riꞌix, ri Dios kixuchajij, ma e más kꞌo iwach riꞌix chikiwa ri tzꞌikin!
23381	MAT 6:30	Jekꞌulaꞌ we ri Dios uꞌanom chom che ri aqꞌes kꞌo waqꞌij pa juyubꞌ yey chweꞌq xa kaporox pa aqꞌ, ¿na kuya ta kami riꞌ ri Dios riqꞌuꞌ kajawax chiwe? ¡Riꞌix lik xa jubꞌiqꞌ ri kubꞌulibꞌal ikꞌuꞌx rukꞌ ri Dios!
23389	MAT 7:4	Y we qꞌebꞌel la jun cheꞌ chupa rawach riꞌat, ¿utz nawi kabꞌiꞌij che rawatz-achaqꞌ: “Chayaꞌa luwar chwe kanwesaj la jun ukꞌaj cheꞌ kꞌo chupa rawach”? ¡Na utz taj!
23390	MAT 7:5	¡Xa kebꞌ apalaj! Nabꞌe na chawesaj lo la cheꞌ qꞌebꞌel chupa rawach riꞌat, y jelaꞌ kat-tzuꞌn chi utz chaꞌ katoꞌ rawatz-achaqꞌ che resaxik lo rukꞌaj cheꞌ kꞌo chupa ruwach rire.
23395	MAT 7:10	o we kutzꞌonoj kar, kumatz ri kuya che? ¡Na jinta junoq!
23396	MAT 7:11	Ekꞌu riꞌ riꞌix tobꞌ xa ix tikawex na lik ta utz ikꞌuꞌx, na rukꞌ ta kꞌu riꞌ, kiriq uyaꞌik chomilaj taq sipanik chike riwalkꞌoꞌal. ¡Makꞌuwariꞌ ri Qaqaw Dios kꞌo chilaꞌ chikaj kuya chomilaj taq sipanik chike ri ketzꞌonow re che!
23439	MAT 8:25	Ekꞌu rutijoꞌn xeꞌkikꞌosoj y xkibꞌiꞌij che: —¡Qajawal! ¡Chojkolobꞌej la, ma kojkamik! —xechaꞌ.
23441	MAT 8:27	Rutijoꞌn lik xkam kanimaꞌ che y xkibꞌiꞌij: «¿Saꞌ ruwach waꞌ waꞌchi? ¡Ma tobꞌ ne e ri kaqjiqꞌ y ri yaꞌ kakikoj utzij!» xechaꞌ.
23543	MAT 11:15	China kꞌu ri kꞌo utanibꞌal che utayik, ¡chuta kꞌu riꞌ!
23549	MAT 11:21	«¡Lik toqꞌoꞌ iwach ri ix aj Corazín! ¡Lik toqꞌoꞌ iwach ri ix aj Betsaida! Ma we ta chupa ri tinamit Tiro y ri tinamit Sidón xilitaj wi wa kꞌutubꞌal re ruchuqꞌabꞌ ri Dios xinꞌan chiwach riꞌix, kꞌo tan qꞌij ta lo riꞌ xkitzelej kitzij chwach ri Dios, kikojom chi kꞌu kiqꞌuꞌ kꞌax rij y kitzꞌuyubꞌam kibꞌ pa chaaj ruma ri kibꞌis.
23592	MAT 12:34	¡Ralaq pachaꞌ alaq jupuq chi kumatz! ¿Suꞌanik kꞌu riꞌ kachꞌaꞌtibꞌej alaq ri utz we itzel kꞌuꞌx alaq? Ma rukꞌ ruchꞌaꞌtem ri tikawex kaqꞌalajin ronoje ri ukꞌolom chupa ri ranimaꞌ.
23617	MAT 13:9	China kꞌu ri kꞌo utanibꞌal che utayik, ¡chuta kꞌu riꞌ!» xchaꞌ.
23651	MAT 13:43	Noꞌj ri jusukꞌ kibꞌinik kisilabꞌik e jelaꞌ pachaꞌ ri qꞌij kewon chilaꞌ pa kataqan wi ri kiqaw Dios. China kꞌu ri kꞌo utanibꞌal che utayik, ¡chuta kꞌu riꞌ! —xchaꞌ.
23697	MAT 14:31	Na jampatana ri Jesús xuchapalaꞌ pan che ruqꞌabꞌ y xubꞌiꞌij che: —Pedro, ¡na nim ta kꞌana ri kubꞌulibꞌal akꞌuꞌx wukꞌ! ¿Suꞌbꞌe xuxiꞌij ribꞌ akꞌuꞌx? —xchaꞌ.
23744	MAT 16:3	Echiriꞌ anim tan, kabꞌiꞌij alaq: “Waqꞌij lik na utz ta ri qatiempo. ma kaq ruwa kaj y qꞌeqmuj.” ¡Ralaq xa kebꞌ palaj alaq! Ma kariq alaq uchꞌobꞌik chi utz saꞌ ruꞌanom ruwa kaj, yey na kamaj tane alaq usukꞌ saꞌ taq ri katajin ri Dios che ukꞌutik chiwach alaq waqꞌij ora.
23767	MAT 16:26	Ma ¿saꞌ kꞌu kutiqoj riꞌ che ri tikawex we kuꞌan rajaw ronoje ruwachulew yey kusach kꞌu uwach rukꞌaslemal? ¿O kꞌo nawi rajil kutoj rachi chwa rukꞌaslemal chaꞌ jelaꞌ na kujam taj? ¡Na jintaj!
23803	MAT 18:7	¡Toqꞌoꞌ kiwach ri tikawex ma lik kꞌo ri katzaqisan ke chupa ri na utz taj! Ma che ruwachulew lik kꞌo taq waꞌ. Pero ¡lik toqꞌoꞌ kꞌu uwach ri jun kumin junoq chik pa mak, ma e kape ri qꞌatbꞌal tzij re ri Dios puwiꞌ!
23904	MAT 21:9	Ekꞌu ri winaq e nabꞌe chwach kukꞌ ri eteran lo chirij xkijeqo lik kesikꞌinik, kakibꞌiꞌij: «¡Qayaka uqꞌij ri Ralkꞌoꞌal kan ri rey David! ¡Nim uqꞌij ralaxik ri jun petinaq chupa rubꞌiꞌ ri Dios Qajawxel! ¡Qayaka uqꞌij ri Dios kꞌo chilaꞌ chikaj!» kechaꞌ.
24000	MAT 23:13	»¡Lik kꞌu toqꞌoꞌ wach ralaq alaq aj kꞌutunel re ri tzijpixabꞌ y alaq fariseos! ¡Xa kebꞌ palaj alaq! E tzꞌapim alaq ri okibꞌal re rutaqanik ri Dios petinaq chilaꞌ chikaj chaꞌ na jinta kꞌo kebꞌok bꞌi; ma na kok tane ubꞌi ralaq y na kaya tane alaq luwar chike jujun chik kebꞌok bꞌi.
24001	MAT 23:14	»¡Lik toqꞌoꞌ wach ralaq alaq aj kꞌutunel re ri tzijpixabꞌ y alaq fariseos! ¡Xa kebꞌ palaj alaq! Ma kamaj alaq ri kocho rixoqibꞌ e malkaꞌnibꞌ. Yey chaꞌ na kaqꞌalajin ta ri na utz taj kaꞌan alaq, e kawererej alaq unimal chꞌabꞌal echiriꞌ kaꞌan alaq orar. Ruma kꞌu wa kaꞌan alaq, lik unimal kꞌaxkꞌolil kakꞌul na alaq echiriꞌ kaqꞌat tzij pawiꞌ alaq ruma ri Dios.
24002	MAT 23:15	»¡Lik toqꞌoꞌ wach ralaq alaq aj kꞌutunel re ri tzijpixabꞌ y alaq fariseos! ¡Xa kebꞌ palaj alaq! Ralaq kaqꞌaxuj alaq uwi taq mar y kabꞌinibꞌej alaq taq ri luwar che ruwachulew chaꞌ juna tikawex kuꞌan tijoꞌn alaq. Yey echiriꞌ uꞌanom chi tijoꞌn alaq, kaꞌan alaq che ri tikawex kalaj más itzel uwachlibꞌal chiwach ralaq.
24010	MAT 23:23	»¡Lik toqꞌoꞌ wach ralaq alaq aj kꞌutunel re ri tzijpixabꞌ y alaq fariseos! ¡Xa kebꞌ palaj alaq! Ma kaya alaq che ri Dios ri diezmo alaq re ri arweno, re ri anix y re ri kominox. Noꞌj na kok ta alaq il che rukꞌuꞌxibꞌal ri Tzij Pixabꞌ re ri Dios: Waꞌ e ri kaꞌan alaq ri usukꞌ, ri kakꞌut alaq ri kꞌaxnaꞌbꞌal kꞌuꞌx alaq chike jujun chik y ri kakubꞌiꞌ kꞌuꞌx alaq rukꞌ ri Dios. Lik chirajawaxik kꞌu riꞌ kaꞌan alaq taq waꞌ, junam rukꞌ ri kaya ri diezmo alaq.
24012	MAT 23:25	»¡Lik toqꞌoꞌ wach ralaq alaq aj kꞌutunel re ri tzijpixabꞌ y alaq fariseos! ¡Xa kebꞌ palaj alaq! Ma xew kachꞌaj alaq chi utz ri rij ri vaso y ri laq, pero na kok ta alaq il che uchꞌajik rupa. Jekꞌuriꞌlaꞌ ralaq lik kok alaq il che ri josqꞌinik re ri cuerpo, pero lik kꞌo chꞌulil pa animaꞌ alaq ruma releqꞌ y ri na usukꞌ taj ꞌanom alaq.
24013	MAT 23:26	¡Rilal fariseo, lal potzꞌ! Nabꞌe na chꞌaja la rupa ri vaso y ri laq; jekꞌuriꞌlaꞌ kuꞌan chom rupa y ri rij.
24014	MAT 23:27	»¡Lik toqꞌoꞌ wach ralaq alaq aj kꞌutunel re ri tzijpixabꞌ y alaq fariseos! ¡Xa kebꞌ palaj alaq! Ma ralaq alaq pachaꞌ muqubꞌal ke animaꞌ xew ꞌanom saq che ri rij; chom katzuꞌnik, noꞌj kꞌu rupa nojinaq che kibꞌaqil animaꞌ y che ukꞌiyal chꞌul.
24016	MAT 23:29	»¡Lik toqꞌoꞌ wach alaq aj kꞌutunel re ri tzijpixabꞌ y alaq fariseos! ¡Xa kebꞌ palaj alaq! Ma kayak alaq chomilaj muqubꞌal chike ri qꞌalajisanelabꞌ re ojertan y kawiq alaq ri muqubꞌal ke ri tikawex lik jusukꞌ xebꞌinik.
24017	MAT 23:30	Yey kabꞌiꞌij kꞌu alaq: “We ta oj kꞌo chi riꞌoj echiriꞌ xekꞌasiꞌ ri qatiꞌ-qamam ojertan, na kaqaꞌan ta qeꞌoj riꞌ kukꞌ ri xekamisan ri qꞌalajisanelabꞌ” kacha alaq. Pero ¡na e ta kꞌana uꞌanom!
24019	MAT 23:32	¡Kꞌisa kꞌu alaq uꞌanik riꞌ ri na utz taj xkijeq lo uꞌanik ri chuꞌqaw alaq ojertan!
24083	MAT 25:6	»Pa tikꞌil aqꞌabꞌ kꞌut, xtataj jun kasikꞌinik, jewaꞌ kubꞌiꞌij: “¡Rala xkꞌunik! ¡Chixela lo che ukꞌulik!”
24111	MAT 25:34	»Ekꞌuchiriꞌ, ri rey kubꞌiꞌij chike ri e kꞌo puwikiqꞌabꞌ Rire: “¡Chixpetoq! ¡Lik nim iqꞌij iwalaxik riꞌix! Chixok kꞌu chupa rutaqanik ri Dios y chikꞌulu janipa ri uyijbꞌam chi pan chiwe chwi lo ri jeqebꞌal re ruwachulew.
24147	MAT 26:24	Paqatzij wi Ralaxel Chikixoꞌl Tikawex e katajin che rikꞌowibꞌexik janipa ri tzꞌibꞌital kan puwi Rire chupa Ruchꞌaꞌtem ri Dios. Pero ¡lik toqꞌoꞌ uwach rachi kakꞌayin re! E ne más utz che waꞌchi tamaji xalaxik —xchaꞌ.
24188	MAT 26:65	Ekꞌu ri kajawal raj chakunel pa Rocho Dios xurichꞌij ruqꞌuꞌ y xubꞌiꞌij: —Waꞌ waꞌchi lik xmakun chirij ri Dios rukꞌ wa xubꞌiꞌij. ¡Na jinta chi uchak más e aj kojol umak! Ma lik e laꞌ xta alaq xubꞌiꞌij ri na taqal ta che.
24191	MAT 26:68	y kakibꞌiꞌij che: —At ri Cristo, Ruchaꞌoꞌn lo ri Dios, ¡chanaꞌij pe kꞌu riꞌ china xchꞌayaw awe! —kecha che.
24401	MRK 4:9	Ekꞌuchiriꞌ, ri Jesús xubꞌiꞌij tanchi chike: «China kꞌu ri kꞌo utanibꞌal che utayik, ¡chuta kꞌu riꞌ!» xchaꞌ.
24415	MRK 4:23	China kꞌu ri kꞌo utanibꞌal che utayik, ¡chuta kꞌu riꞌ!» xchaꞌ.
24430	MRK 4:38	Ekꞌu ri Jesús kꞌo pa ri barco pukꞌisbꞌal re chirij, kawar chwi jun chꞌakat. Rutijoꞌn xeꞌkikꞌosoj y jewaꞌ xkibꞌiꞌij che: —¡Qajawal! ¿Na kok ta kami la il chiqe? ¡Ma ya kojkamik! —xechaꞌ.
24433	MRK 4:41	Ewi xok lo jun xiꞌin ibꞌ kukꞌ y xkibꞌiꞌij chikiwach: —¿Saꞌ ruwach waꞌ waꞌchi? ¡Ma tobꞌ ne e ri kaqjiqꞌ y ri yaꞌ kakikoj utzij! —xechaꞌ.
24513	MRK 6:37	Noꞌj ri Jesús xukꞌul uwach: —Chebꞌitzuqu riꞌix —xcha chike. Rike xkibꞌiꞌij che: —¿E kami kaꞌaj la riꞌ keꞌqaloqꞌo kiwa konoje wa tikawex chaꞌ keqatzuqu? ¡Ri rajil waꞌ e junam rukꞌ kebꞌ ciento qꞌij re chak! —xechaꞌ.
24548	MRK 7:16	China kꞌu ri kꞌo utanibꞌal che utayik, ¡chuta kꞌu riꞌ! —xcha chike.
24606	MRK 8:37	¿O kꞌo nawi rajil kutoj rachi chwa rukꞌaslemal chaꞌ na kujam taj? ¡Na jintaj!
24718	MRK 11:9	Ri winaq e nabꞌejinaq chwach kukꞌ ri eteran lo chirij xkijeqo lik kesikꞌinik, kakibꞌiꞌij: «¡Qayaka uqꞌij! ¡Nim uqꞌij ralaxik ri jun petinaq chupa rubꞌiꞌ ri Dios Qajawxel!
24719	MRK 11:10	¡Nim uwach uqꞌij ri taqanik re ri qamam David kakꞌun loq! ¡Qayaka uqꞌij ri Dios kꞌo chilaꞌ chikaj!» kechaꞌ.
24787	MRK 13:1	Echiriꞌ xel bꞌi ri Jesús pa ri Rocho Dios, jun chike rutijoꞌn jewaꞌ xubꞌiꞌij che: —Qajawal, ¡chilape la wa chomilaj taq abꞌaj y wa nimaq taq ja re ri Rocho Dios! —xchaꞌ.
24844	MRK 14:21	Paqatzij wi Ralaxel Chikixoꞌl Tikawex e katajin che rikꞌowibꞌexik janipa ri tzꞌibꞌital kan chupa Ruchꞌaꞌtem ri Dios puwi Rire. Pero ¡lik kꞌu toqꞌoꞌ uwach rachi kakꞌayin re! E ne más utz che waꞌchi tamaji xalaxik —xchaꞌ.
24864	MRK 14:41	Xtzelej kꞌu lo churox laj y xubꞌiꞌij chike: —¿Kꞌa kixwar kami riꞌ riꞌix? ¿Kꞌa kixuxlanik? ¡Kuꞌan na kꞌu laꞌ! Ma e waꞌ xopon ruꞌorayil chaꞌ Ralaxel Chikixoꞌl Tikawex kayaꞌ pakiqꞌabꞌ raj makibꞌ.
25257	LUK 6:42	Y we na katok ta kꞌu il che ri cheꞌ qꞌebꞌel chupa rawach riꞌat, ¿utz nawi kabꞌiꞌij che rawatz-achaqꞌ: “Watz-nuchaqꞌ, chayaꞌa luwar chwe kanwesaj la jun ukꞌaj cheꞌ kꞌo chupa rawach”? ¡Na utz taj! ¡Xa kebꞌ apalaj! Nabꞌe na chawesaj lo la cheꞌ qꞌebꞌel chupa rawach riꞌat, y jelaꞌ kat-tzuꞌn chi utz chaꞌ katoꞌ rawatz-achaqꞌ che resaxik lo rukꞌaj cheꞌ kꞌo chupa ruwach rire.
25322	LUK 8:8	»Noꞌj kꞌo xtzaq kan pa chomilaj ulew. Ekꞌu riꞌ waꞌ, echiriꞌ xkꞌiyik, lik xuꞌan reqaꞌn; chujujunal raqan xel jun ciento che» xchaꞌ. Tekꞌuchiriꞌ, lik ko xchꞌaw ri Jesús, jewaꞌ xubꞌiꞌij: «China kꞌu ri kꞌo utanibꞌal che utayik, ¡chuta kꞌu riꞌ!» xchaꞌ.
25339	LUK 8:25	Tekꞌuchiriꞌ, xubꞌiꞌij chike rutijoꞌn: —¿Saꞌ xuꞌan ri kubꞌulibꞌal ikꞌuꞌx wukꞌ? —xcha chike. Pero rutijoꞌn lik kixiꞌim kibꞌ y kaminaq kanimaꞌ che. Xkibꞌiꞌij kꞌu chikiwach: «¿Saꞌ ruwach waꞌ waꞌchi? ¡Ma tobꞌ ne ri kaqjiqꞌ y ri yaꞌ kakikoj utzij!» xechaꞌ.
25445	LUK 10:13	»¡Lik toqꞌoꞌ iwach ri ix aj Corazín! ¡Lik toqꞌoꞌ iwach ri ix aj Betsaida! Ma we ta chupa ri tinamit Tiro y ri tinamit Sidón xilitaj wi wa kꞌutubꞌal re ruchuqꞌabꞌ ri Dios xinꞌan chiwach riꞌix, kꞌo tan qꞌij ta lo riꞌ xkitzelej kitzij chwach ri Dios, kikojom kꞌu kiqꞌuꞌ kꞌax rij y kitzꞌuyubꞌam kibꞌ pa chaaj ruma ri kibꞌis.
25449	LUK 10:17	Xebꞌek kꞌu riꞌ ri setenta. Y ekꞌuchiriꞌ xetzelej loq, lik kekiꞌkotik. Xkitzijoj kꞌu che ri Jesús: —Qajawal, ¡taq ri itzel uxlabꞌixel xkikoj qatzij echiriꞌ chupa ri bꞌiꞌ la xojtaqan che kebꞌel bꞌi chike ri winaq! —xechaꞌ.
25476	LUK 11:2	Y ri Jesús xubꞌiꞌij chike: —Echiriꞌ kixchꞌaꞌt rukꞌ ri Dios, utz jewaꞌ kibꞌiꞌij: Qaqaw Dios, Lal kꞌo la chilaꞌ chikaj, ¡lik chetaꞌmaxoq nim uqꞌij ri bꞌiꞌ la! Peta la, taqana la paqawiꞌ; chuꞌana kꞌu ri rajawal kꞌuꞌx la wara che ruwachulew, jelaꞌ pachaꞌ ri kaꞌan chilaꞌ chikaj.
25486	LUK 11:12	¿O kꞌo nebꞌa juna achi we rukꞌajol kutzꞌonoj saqmolobꞌ che, kuya juna sinaꞌj che? ¡Na jinta junoq!
25487	LUK 11:13	Ekꞌu riꞌix tobꞌ xa ix tikawex na lik ta utz ikꞌuꞌx, na rukꞌ ta kꞌu riꞌ, kiriq uyaꞌik chomilaj taq sipanik chike riwalkꞌoꞌal. ¡Makꞌuwariꞌ ri Qaqaw Dios kꞌo chilaꞌ chikaj kuya ne lo ri Santowilaj Ruxlabꞌixel chike ri ketzꞌonow re!» xcha ri Jesús.
25548	LUK 12:20	»Noꞌj ri Dios xubꞌiꞌij che: “Achi, lik na jinta kꞌana anaꞌoj. ¡Toqꞌoꞌ awach! Ma e waqꞌabꞌ katkamik; yey ronoje kꞌu rabꞌeyomalil akꞌolom, ¿china re kanoq?” xuchixik.
25552	LUK 12:24	»Chebꞌiwilape ri joj. Rike na ketikoꞌnaj taj, na kakiꞌan tane kimolonik, na jinta ne pa kakikꞌol wi ri kimolonik; na rukꞌ ta kꞌu riꞌ ri Dios kebꞌutzuqu. ¡Makꞌuwariꞌ riꞌix, ri Dios kixuchajij! ¡Ma e más kꞌo iwach riꞌix chikiwa ri tzꞌikin!
25556	LUK 12:28	Jekꞌulaꞌ we ri Dios uꞌanom chom che ri aqꞌes kꞌo waqꞌij pa juyubꞌ yey chweꞌq xa kaporox pa aqꞌ, ¿na kuya ta kami riꞌ ri Dios riqꞌuꞌ kajawax chiwe? ¡Riꞌix lik xa jubꞌiqꞌ ri kubꞌulibꞌal ikꞌuꞌx rukꞌ ri Dios!
25577	LUK 12:49	»Pachaꞌ aqꞌ ri koꞌlnukiqꞌa che ruwachulew. ¡Ekꞌu ri kanrayij riꞌin ta asu kumaj aqꞌ!
25578	LUK 12:50	Lik kꞌu chirajawaxik kinikꞌow na chupa jun unimal kꞌaxkꞌobꞌik. ¡Na kikꞌow ta ri bꞌis chinukꞌuꞌx, kꞌa echiriꞌ kinikꞌow chupa waꞌ!
25584	LUK 12:56	¡Xa kebꞌ palaj alaq! Kariq alaq uchꞌobꞌik chi utz saꞌ ruꞌanom ruwa kaj y ruwachulew; ¿suꞌchak kꞌu riꞌ na kamaj tane alaq usukꞌ ri katajin ri Dios che ukꞌutik chiwach alaq waqꞌij ora?
25657	LUK 14:35	Ma na kuriq ta uchak che rulew y na utz ta ne kaꞌan abono rukꞌ. Ekꞌu ri kaꞌan che, e katix bꞌi. China kꞌu ri kꞌo utanibꞌal che utayik, ¡chuta kꞌu riꞌ!» xcha ri Jesús.
25697	LUK 16:8	»Ekꞌu ri rajaw, echiriꞌ xretaꞌmaj saꞌ ri xuꞌan ri raj chak, jewaꞌ xubꞌiꞌij: “¡Jaꞌ! ¡Lik kꞌo unaꞌoj wa jun achi, tobꞌ na jusukꞌ ta ri uꞌanom!” xchaꞌ.» Xubꞌiꞌij kꞌu ri Jesús chike rutijoꞌn: «Paqatzij wi ri winaq na e ta jusukꞌ, más kꞌo kinaꞌoj che uchapabꞌexik rubꞌitaq ke, chikiwa ri e kꞌo pa ri Qꞌijsaq.
25718	LUK 16:29	»Y ri Abraham xubꞌiꞌij che: “Kꞌo chi pakiqꞌabꞌ rike ri Tzij Pixabꞌ tzꞌibꞌital kan kuma ri Moisés y ri qꞌalajisanelabꞌ. ¡Ekꞌu kita ke riꞌ!” xchaꞌ.
25721	LUK 17:1	Ri Jesús xubꞌiꞌij chike rutijoꞌn: «Che ruwachulew lik kꞌo tzaqibꞌal pa mak, pero ¡lik toqꞌoꞌ kꞌu uwach ri kumin junoq chik chupa ri na utz taj, ma e kape ri qꞌatbꞌal tzij re ri Dios puwiꞌ!
25728	LUK 17:8	¡Na e ta kiꞌano! Ri kibꞌiꞌij che e waꞌ: “Chajeqa uyijbꞌaxik ri waꞌim y chayijbꞌaꞌ awibꞌ chaꞌ kaya lo ri nuwa chwa ri mexa. Ekꞌuchiriꞌ in woꞌqinaq chi riꞌin, kꞌa tekꞌuchiriꞌ katwaꞌ riꞌat” kixchaꞌ.
25764	LUK 18:7	»We juna achi na utz ta ukꞌuꞌx kuꞌan waꞌ, ¡makꞌuwariꞌ ri Dios kuꞌan ri usukꞌ y kebꞌutoꞌ kꞌu ri ebꞌuchaꞌom Rire we rike kakichꞌaꞌbꞌej chipaqꞌij chichaqꞌabꞌ! ¿Kamayin nebꞌa Rire che ukꞌulik uwach?
25770	LUK 18:13	»Noꞌj raj tzꞌonol puaq re tojonik xa naj xkꞌojiꞌ wi apanoq. Na karaj tane katzuꞌn chikaj; kutꞌiqitꞌaꞌ ruwa ukꞌuꞌx, jewaꞌ kubꞌiꞌij: “Lal Dios Qajawxel, ¡kuyu ko la numak, ma riꞌin lik in aj mak!” kachaꞌ.
25825	LUK 19:25	»Ekꞌu rike xkibꞌiꞌij che: “Qajaw, ¡pero rire kꞌo chi lajuj mina rukꞌ!” xecha che.
25838	LUK 19:38	jewaꞌ kakibꞌiꞌij: «¡Lik nim uqꞌij ri Rey petinaq chupa rubꞌiꞌ ri Dios Qajawxel! ¡Utzil chomalil kꞌo chilaꞌ chikaj y lik nim uwach uqꞌij ri Dios chilaꞌ chikaj!» kechaꞌ.
25842	LUK 19:42	jewaꞌ xubꞌiꞌij: «¡Toqꞌoꞌ iwach riꞌix aj Jerusalem! ¡We ta kꞌu kiwetaꞌmaj waqꞌij ora saꞌ ri kakꞌamaw lo utzil chomal chiwe! Noꞌj waꞌ pachaꞌ ewatal chiwach woꞌora.
25955	LUK 22:22	Ekꞌu Ralaxel Chikixoꞌl Tikawex e karikꞌowibꞌej janipa ri ubꞌiꞌim lo ri Dios puwi Rire. Pero ¡lik kꞌu toqꞌoꞌ uwach rachi kakꞌayin re! —xchaꞌ.
26025	LUK 23:21	Noꞌj ri winaq xesikꞌin tanchi che ubꞌiꞌxikil: —¡Kamisax chwa cruz! ¡Kamisax chwa cruz! —kechaꞌ.
26180	JHN 2:16	Xubꞌiꞌij kꞌu chike raj kꞌay ke palomax: —¡Chesaj bꞌi alaq taq waꞌ! ¡Maꞌan alaq kꞌaybꞌal che ri Rocho ri Nuqaw! —xchaꞌ.
26318	JHN 5:39	»Lik kꞌu katijoj ibꞌ alaq che Ruchꞌaꞌtem ri Dios tzꞌibꞌital kanoq; ma ralaq kachꞌobꞌ alaq e chupa waꞌ kariqitaj wi ri kꞌaslemal na jinta utaqexik. ¡Yey ekꞌu riꞌ Ruchꞌaꞌtem ri Dios ri kaqꞌalajisan nuwach riꞌin!
26490	JHN 8:40	Noꞌj ralaq na je ta laꞌ katajin alaq che uꞌanik. Ma tobꞌ nubꞌiꞌim che alaq ri Qꞌijsaq ukꞌutum ri Dios chwe, na rukꞌ ta kꞌu riꞌ, kaꞌaj alaq kinkamisaj alaq. ¡Ri Abraham na je ta laꞌ xuꞌano!
26662	JHN 12:13	Xkiqꞌat kꞌu uxaq palma y xebꞌel bꞌi che ukꞌulik. Ekꞌuchiriꞌ, xkijeqo lik kesikꞌinik, jewaꞌ kakibꞌiꞌij: «¡Qayaka uqꞌij! ¡Nim uqꞌij ri jun petinaq chupa rubꞌiꞌ ri Dios Qajawxel! ¡Rire e ri Rey re Israel!» kechaꞌ.
26676	JHN 12:27	»Woꞌora lik paxinaq nukꞌuꞌx. ¿Saꞌ nawi ri kambꞌiꞌij? ¿Utz nawi jewaꞌ kambꞌiꞌij: “Nuqaw, chinkolobꞌej la che wa kankꞌulumaj woꞌora”? ¡Na utz taj! Ma ruma ne waꞌ in petinaq.
26894	JHN 18:40	Ekꞌuchiriꞌ, konoje xkijeq kesikꞌin tanchik: —¡Mayolopij bꞌi la ri Jesús! ¡E yolopij bꞌi la ri Barrabás! —xechaꞌ. Yey ri Barrabás e jun achi eleqꞌom.
26900	JHN 19:6	Echiriꞌ ri nimaq e aj chakunel pa Rocho Dios kukꞌ ri e chajinel re ri Rocho Dios xkil ri Jesús, xkijeq kesikꞌinik, jewaꞌ kakibꞌiꞌij: —¡Kamisax chwa cruz! ¡Kamisax chwa cruz! —kechaꞌ. Ekꞌu ri Pilato xubꞌiꞌij chike: —We e riꞌ, kꞌama bꞌi ralaq y kamisaj alaq chwa cruz, pero riꞌin na jinta juna umak kanriqo —xchaꞌ.
26909	JHN 19:15	Noꞌj raj judiꞌabꞌ ko kesikꞌin che ubꞌiꞌxik: —¡Kamisax chwa cruz! ¡Kamisax chwa cruz! —kechaꞌ. Ri Pilato xubꞌiꞌij chike: —¿Kankamisaj kami riꞌ chwa cruz ri rey e alaq? —xchaꞌ. Pero ri nimaq e aj chakunel re ri Rocho Dios xkikꞌul uwach: —Riꞌoj na jinta juna chik qarey, xew e qarey ri nimalaj taqanel re Roma —xechaꞌ.
27033	ACT 2:15	Ma e chiwach ralaq, waꞌ waꞌchijabꞌ keqꞌabꞌarik, noꞌj ¡na e ta uꞌanom riꞌ! Ma kꞌa e ne bꞌelejebꞌ ora laꞌ che wa anim.
27132	ACT 5:4	Echiriꞌ kꞌamajaꞌ kakꞌayij rawulew, ¿na aweꞌat ta nebꞌa laꞌ? Y echiriꞌ akꞌayim chik, ¿na paqꞌabꞌ ta nebꞌa kꞌo wi kaꞌan rukꞌ ri rajil saꞌ ri kawaj? ¿Suꞌchak kꞌu riꞌ xaꞌan waꞌ? ¡Na chikiwach ta kꞌu achijabꞌ aꞌanom wi raqꞌubꞌal ma e chwach ri Dios! —xchaꞌ.
27441	ACT 13:10	y jewaꞌ xubꞌiꞌij che: «¡Rilal lal nojinaq che ronoje sokosoꞌnik y che ronoje itz! ¡Lal ralkꞌoꞌal ritzel winaq, ri jun aj retzelal kꞌuꞌx chirij ronoje ri jusukꞌ! ¿Suꞌchak na koqꞌotaj ta la ri kajechꞌij la ri jusukꞌ bꞌe re ri Qanimajawal?
27589	ACT 16:37	Pero ri Pablo xubꞌiꞌij chike ri ausiliaribꞌ: —¡Na kojꞌek taj! Ma xkibꞌalakꞌuj qapa chiwachil, yey riꞌoj oj aj Roma. Y xojkiya ne pa cárcel, tobꞌ e laꞌ na jinta qꞌatbꞌal tzij xkiꞌano chaꞌ kaqꞌalajinik we kꞌo qamak o na jintaj. Yey kꞌu riꞌ woꞌora, xa xeꞌlaqꞌay kakaj kojkesaj bꞌi. ¡Waꞌ na usukꞌ ta kꞌenoq! We e riꞌ, e chepeta rike chaꞌ kojkesaj bꞌi —xchaꞌ.
27915	ACT 26:24	Ekꞌu riꞌ katajin ri Pablo che ubꞌiꞌxikil waꞌ re toꞌbꞌal ribꞌ, ri Festo lik ko xchꞌawik y xubꞌiꞌij: —Pablo, ¡at chꞌuꞌjerinaq! Lik katikꞌow uwiꞌ che rajilaxik ukꞌiyal wuj, y ruma waꞌ xatchꞌuꞌjerik —xchaꞌ.
27918	ACT 26:27	¿Kakoj la rilal lal rey Agripa, janipa ri kitzꞌibꞌam kan ri qꞌalajisanelabꞌ ojertan? ¡Riꞌin wetaꞌam kakoj la waꞌ! —xchaꞌ.
27920	ACT 26:29	Ekꞌu ri Pablo xubꞌiꞌij che: —E lik kuaj riꞌ kuꞌana waꞌ ukꞌ la, xa pa joqꞌotaj o tobꞌ kamayinik; pero ¡lik kantzꞌonoj che ri Dios chaꞌ na xew ta rilal, ma e janipa wa kinkitataꞌ wa joqꞌotaj, kebꞌuꞌana jelaꞌ pachaꞌ riꞌin! Xew kꞌu na kuaj taj kayaꞌiꞌ alaq pa karena pachaꞌ wa ꞌanom chwe riꞌin —xchaꞌ.
28053	ROM 2:23	Riꞌat lik kaꞌan nim che awibꞌ ma kꞌo awukꞌ ri Tzij Pixabꞌ re ri Dios. ¡Yey riꞌat kapalajij ri Tzij Pixabꞌ re ri Dios y rukꞌ wa kaꞌano kakꞌaq bꞌi uqꞌij Rire!
28063	ROM 3:4	¡Paqatzij wi na e ta riꞌ! Ma ri Dios na aj ta raqꞌul; janipa rubꞌiꞌim Rire, e kuꞌano, tobꞌ kꞌu konoje ri winaq xa e aj raqꞌul. Ma e pachaꞌ ri tzꞌibꞌital kan pa Ruchꞌaꞌtem ri Dios: We kꞌo junoq kukꞌambꞌej upa ri chꞌaꞌtem la, kaqꞌalajinik Rilal lik Lal jusukꞌ che ronoje ri kabꞌiꞌij la; jekꞌulaꞌ kel pana la rukꞌ puwi ronoje xcha ri rey David che ri Dios.
28067	ROM 3:8	¿Utz ne riꞌ kaqabꞌiꞌij: «Qaꞌana ri na utz taj chaꞌ waꞌ e kukꞌam lo ri utz»? ¡Na utz ta kꞌenoq! Yey kꞌo ri kakibꞌiꞌij raqꞌubꞌal chiqij, ma kakibꞌiꞌij jelaꞌ kojkꞌutun riꞌoj. E ri kebꞌiꞌn re waꞌ, lik taqal chike kaqꞌat tzij pakiwiꞌ.
28068	ROM 3:9	¿E kami keꞌelawi riꞌ ri oj aj judiꞌabꞌ, lik utz qaꞌanom y na jinta kꞌana qamak chikiwa ri na e ta aj judiꞌabꞌ? ¡Na e ta riꞌ! Ma e pachaꞌ ri nukꞌutum loq: Konoje, tobꞌ e aj judiꞌabꞌ o na e ta aj judiꞌabꞌ, junam e kꞌo chuxeꞌ ri qꞌatbꞌal tzij re ri Dios ruma ri kimak.
28086	ROM 3:27	¿Kꞌo nebꞌa qaꞌanom riꞌoj chaꞌ rukꞌ waꞌ utz kaqaꞌan nim che qibꞌ chwach ri Dios? ¡Na jintaj! ¿Suꞌbꞌe? Ma na e ta ruma kaqataqej ri taqanik ri kaꞌanaw chiqe kojqibꞌ rukꞌ ri Dios; e ruma ri kubꞌulibꞌal qakꞌuꞌx rukꞌ ri xuꞌan Rire.
28090	ROM 3:31	¿Ruma nawi ri xkubꞌiꞌ qakꞌuꞌx rukꞌ ri Cristo, utz kaqakꞌaq bꞌi uqꞌij ri Tzij Pixabꞌ tzꞌibꞌital kan ruma ri Moisés y kaqabꞌiꞌij waꞌ na jinta chi uchak? ¡Na e ta riꞌ! Ma rukꞌ ne ri kubꞌulibꞌal qakꞌuꞌx, kaqamaj usukꞌ lik kꞌo uwach ri Tzij Pixabꞌ.
28097	ROM 4:7	ma jewaꞌ xubꞌiꞌij: ¡Nim kiqꞌij kalaxik ri tikawex kuytajinaq chi kimak y sachom chi uwach ri na utz taj kiꞌanom!
28098	ROM 4:8	¡Nim kꞌu kiqꞌij kalaxik ri tikawex na jinta chi ri qꞌatbꞌal tzij re ri Dios pakiwiꞌ! xchaꞌ.
28099	ROM 4:9	Echiriꞌ kubꞌiꞌij «nim kiqꞌij kalaxik», ¿xew nawi kachꞌaꞌt pakiwi ri kikojom ri retalil re circuncisión? ¡Na xew taj! Ma kachꞌaꞌt pakiwi ri kikojom ri retalil re circuncisión y pakiwi ri na kikojom taj. Yey qabꞌiꞌim puwi ri Abraham: Xꞌaniꞌ jusukꞌ che rire ruma ri kubꞌulibꞌal ukꞌuꞌx rukꞌ ri Dios.
28100	ROM 4:10	¿Jampa nawi xꞌan jusukꞌ che ri Abraham? ¿Kꞌa e nawi echiriꞌ ukojom chi ri retalil re circuncisión? ¡Na e taj! Ma kꞌamajaꞌ ne kukoj waꞌ echiriꞌ ri Dios xuꞌan jusukꞌ che; tekꞌuchiriꞌ xkoj ri retalil re circuncisión che.
28138	ROM 6:2	¡Na e ta kꞌana riꞌ! Ma e janipa ri na oj jinta chi puqꞌabꞌ ri mak, na ubꞌe ta kꞌenoq we kꞌa kojkꞌojiꞌ chupa waꞌ.
28151	ROM 6:15	¿Saꞌ kꞌu riꞌ ri kaqaꞌano? ¿Kojmakun kami riꞌ ma ri qꞌatbꞌal tzij re rutaqanik ri Dios na jinta chi paqawiꞌ yey e oj kꞌo puqꞌabꞌ ri Dios ruma ri unimal rutzil ukꞌuꞌx Rire? ¡Na e ta kꞌana riꞌ!