23243	MAT 2:5	Rike xkibꞌiꞌij che: —Ri Cristo kalax pa raldea Belén re Judea, ma jewaꞌ utzꞌibꞌam kan ri qꞌalajisanel chupa Ruchꞌaꞌtem ri Dios:
23246	MAT 2:8	Tekꞌuchiriꞌ, xebꞌutaq bꞌi Belén, jewaꞌ xubꞌiꞌij chike: —Oj alaq y lik tzukuj alaq chi utz ri ralko akꞌa. We xriq kꞌu alaq, koꞌlbꞌiꞌij alaq chwe pa kꞌo wi chaꞌ jelaꞌ kinꞌek riꞌin y kiꞌnloqꞌnimaj uqꞌij —xchaꞌ.
23275	MAT 3:14	Pero ri Juan na xraj taj kuya ri bautismo che ri Jesús, jekꞌuwaꞌ xubꞌiꞌij che: —Ri lik usukꞌ e rilal ri kayaꞌw la ri bautismo chwe riꞌin. ¿Yey e kami kaꞌaj la riꞌ kanya riꞌin ri bautismo cheꞌla? —xchaꞌ.
23276	MAT 3:15	Ekꞌu ri Jesús xukꞌul uwach: —E chaꞌana woꞌora saꞌ ri kambꞌiꞌij riꞌin chawe, ma lik chirajawaxik e kaqaꞌan janipa ri lik usukꞌ chwach ri Dios —xchaꞌ. Jekꞌulaꞌ ri Juan xuya ri bautismo che.
23281	MAT 4:3	Xqibꞌ kꞌu ritzel winaq rukꞌ ri Jesús re kukꞌam upa chaꞌ katzaq pa mak, jewaꞌ xubꞌiꞌij che: —We qatzij at Ukꞌajol ri Dios, chat-taqan che chaꞌ taq waꞌbꞌaj kuꞌan wa —xchaꞌ.
23282	MAT 4:4	Ri Jesús xukꞌul uwach: —Jewaꞌ tzꞌibꞌital kan chupa Rutzij Upixabꞌ ri Dios: Na xew ta ruma ri wa e kꞌas ri tikawex, ma e kꞌaslik ruma ronoje taq chꞌaꞌtem kel lo puchiꞌ ri Dios —xchaꞌ.
23284	MAT 4:6	Xubꞌiꞌij kꞌu che: —We qatzij at Ukꞌajol ri Dios, chakꞌaqa bꞌi awibꞌ kꞌa chuꞌlew y na jinta kꞌo kakꞌulumaj, ma jewaꞌ tzꞌibꞌital kan chupa Rutzij Upixabꞌ ri Dios: Ri Dios kebꞌutaq lo ru ángeles awukꞌ chaꞌ katkichajij. Katkichap kꞌu rukꞌ ri kiqꞌabꞌ chaꞌ na kaꞌchiqa ta rawaqan che juna abꞌaj —xchaꞌ.
23285	MAT 4:7	Ri Jesús xukꞌul uwach: —Jewaꞌ tzꞌibꞌital kan chupa Rutzij Upixabꞌ ri Dios: Makꞌam upa ri Dios Qajawxel —xchaꞌ.
23287	MAT 4:9	Xubꞌiꞌij kꞌu che: —Ronoje taq waꞌ kanya paqꞌabꞌ we kaxukubꞌaꞌ awibꞌ chinuwach y kaloqꞌnimaj nuqꞌij —xchaꞌ.
23288	MAT 4:10	Ekꞌu ri Jesús xubꞌiꞌij che: —Chatela chinuwach Satanás, ma jewaꞌ tzꞌibꞌital kan chupa Rutzij Upixabꞌ ri Dios: Lik chaloqꞌnimaj uqꞌij ri Dios Qajawxel y xew Rire chanimaj uqꞌij —xchaꞌ.
23297	MAT 4:19	Ekꞌu ri Jesús xubꞌiꞌij chike: —Chixpetoq, chixterej lo chwij, y riꞌin kanꞌan chiwe ix aj molol tikawex, jelaꞌ pachaꞌ iꞌanom lo chike ri kar —xcha chike.
23421	MAT 8:7	Ri Jesús xubꞌiꞌij che: —Riꞌin kinꞌek y kankunaj —xchaꞌ.
23424	MAT 8:10	Ri Jesús echiriꞌ xuta waꞌ, lik xkam ranimaꞌ che y jewaꞌ xubꞌiꞌij chike ri eteran chirij: —Paqatzij wi kambꞌiꞌij chiwe: Na nuriqom tane chikixoꞌl raj Israel junoq lik kꞌo unimal kubꞌulibꞌal ukꞌuꞌx pachaꞌ wa jun achi.
23427	MAT 8:13	Ekꞌuchiriꞌ, xubꞌiꞌij ri Jesús che ri capitán: —Oj chi ocho la, ma jelaꞌ kuꞌanaꞌ pachaꞌ ri xkubꞌiꞌ kꞌuꞌx la che —xchaꞌ. Chupa kꞌu laꞌ la joqꞌotaj xkunutaj ri raj chak.
23433	MAT 8:19	Ekꞌu laꞌ la joqꞌotaj xopon rukꞌ ri Jesús jun achi aj kꞌutunel re ri tzijpixabꞌ y xubꞌiꞌij che: —Lal tijonel, riꞌin kinterej bꞌi chiꞌij la tobꞌ pachawi keꞌek wi la —xchaꞌ.
23434	MAT 8:20	Ri Jesús xukꞌul uwach: —Ri yak kꞌo kijul y ri tzꞌikin kexikꞌikꞌ che ruwa kaj kꞌo kisok; noꞌj Ralaxel Chikixoꞌl Tikawex na jinta ne uluwar tobꞌ xa pa kuxlan wi —xchaꞌ.
23436	MAT 8:22	Ekꞌu ri Jesús xukꞌul uwach: —Riꞌat chat-terej lo chwij; chayaꞌa kan chike ri ekaminaq chwach ri Dios chaꞌ e rike kemuquw ri katz-kichaqꞌ kekamik —xchaꞌ.
23445	MAT 8:31	Ekꞌu ri itzel uxlabꞌixel lik xebꞌelaj che ri Jesús: —We kojesaj bꞌi la, yaꞌa la luwar chiqe kojok bꞌi kukꞌ ri aq —xechaꞌ.
23446	MAT 8:32	Ekꞌuchiriꞌ, xubꞌiꞌij ri Jesús chike: —Jix riꞌ —xchaꞌ. Taq ri itzel uxlabꞌixel xebꞌel bꞌi chike rachijabꞌ y xebꞌok kukꞌ ri aq. Tekꞌuchiriꞌ, konoje ri aq xeꞌkikꞌaqa bꞌi kibꞌ chwi jun siwan, xebꞌeꞌtzaqa kꞌa chupa ri mar y chiriꞌ xejiqꞌ wi.
23460	MAT 9:12	Echiriꞌ xuta waꞌ ri Jesús, xubꞌiꞌij chike: —E janipa ri utz kiwach, na kajawax ta aj kunanel chike; ma waꞌ xew chike ri e yewaꞌibꞌ kajawax wi.
23466	MAT 9:18	Echiriꞌ katajin ri Jesús che ubꞌiꞌxikil taq waꞌ, xkꞌun lo jun achi aj wach re ri tinamit, xuxuk ribꞌ chwach y xubꞌiꞌij che: —Ri numiꞌal lik kꞌa e laꞌ xkamik. We ta rilal keꞌek la wukꞌ y keꞌyaꞌa ri qꞌabꞌ la puwiꞌ, rire kakꞌastaj tanchik —xchaꞌ.
23477	MAT 9:29	Ekꞌu ri Jesús xuya ruqꞌabꞌ puwi ri kiwach y xubꞌiꞌij chike: —Chuꞌana waꞌ iwukꞌ e chirij ri kubꞌulibꞌal ikꞌuꞌx —xchaꞌ.
23478	MAT 9:30	Jekꞌulaꞌ xkunutaj ri kiwach. Ewi ri Jesús lik xebꞌupixabꞌaj, jewaꞌ xubꞌiꞌij chike: —Lik mitzijoj waꞌ che junoq —xchaꞌ.
23532	MAT 11:4	Ri Jesús xukꞌul uwach: —Jix y chitzijoj che ri Juan ronoje wa kixtajin che utayik y che rilik.
23560	MAT 12:2	Echiriꞌ ri fariseos xkil waꞌ, xkibꞌiꞌij che ri Jesús: —Chilape la, ri e tijoꞌn la kakiꞌan ri na taqal taj kaꞌaniꞌ chupa ri qꞌij re uxlanibꞌal —xechaꞌ.
23571	MAT 12:13	Ekꞌuchiriꞌ, xubꞌiꞌij ri Jesús che rachi chaqijinaq uqꞌabꞌ: —Chasukꞌupij raqꞌabꞌ —xchaꞌ. Ekꞌu rachi xuyuq ruqꞌabꞌ y waꞌ xutzirik, ruqꞌabꞌ xuꞌan tanchi jelaꞌ pachaꞌ ri jun chik.
23596	MAT 12:38	Ekꞌuchiriꞌ, jujun chike ri fariseos y raj kꞌutunel re ri tzijpixabꞌ, xkibꞌiꞌij che ri Jesús: —Lal tijonel, riꞌoj kaqaj kaqilo kaꞌan la juna kꞌutubꞌal re ri chuqꞌabꞌ la chiqawach —xechaꞌ.
23597	MAT 12:39	Ri Jesús xukꞌul uwach: —Ri kakitzꞌonoj kꞌutubꞌal re ruchuqꞌabꞌ ri Dios e ri winaq re waqꞌij ora, ri itzel kikꞌuꞌx y na jusukꞌ ta ri kanimaꞌ chwach ri Dios. Noꞌj na kayaꞌtaj ta kꞌu waꞌ chike, ma xew kayaꞌtaj ri kꞌutubꞌal xꞌaniꞌ ojertan rukꞌ ri qꞌalajisanel Jonás.
23603	MAT 12:45	Keꞌek kꞌut, kebꞌuꞌkꞌama chi lo wuqubꞌ rach itzelilaj uxlabꞌixel más itzel kiwachlibꞌal chwa rire; y konoje kꞌu riꞌ kebꞌokik y kejeqiꞌ chiriꞌ. Jekꞌuriꞌlaꞌ, rubꞌinik rachi más kayojtaj chwa ri petinaq loq. Ekꞌu kakikꞌulumaj waꞌ ri winaq itzel kikꞌuꞌx waqꞌij ora —xcha ri Jesús.
23605	MAT 12:47	Kꞌo kꞌu jun xubꞌiꞌij pan che ri Jesús: —Ri chu la y taq ri chaqꞌ la e kꞌo pa bꞌe yey lik kakaj kechꞌaꞌt ukꞌ la —xchaꞌ.
23606	MAT 12:48	Ekꞌu ri Jesús xubꞌiꞌij che ri xbꞌiꞌn pan che: —Chawach riꞌat, ¿china kꞌu ri nuchu y china taq ri nuchaqꞌ? —xchaꞌ.
23607	MAT 12:49	Ekꞌuchiriꞌ, rukꞌ ruqꞌabꞌ xebꞌukꞌut rutijoꞌn y xubꞌiꞌij: —Wa e kꞌo wara e nuchu y e taq nuchaqꞌ riꞌ.
23619	MAT 13:11	Ri Jesús xukꞌul uwach: —Chiwe riꞌix yaꞌtalik kaqꞌalajisax runaꞌoj ri Dios chwi rutaqanik petinaq chilaꞌ chikaj; noꞌj chike taq ri winaq, na yaꞌtal taj.
23631	MAT 13:23	»Noꞌj rijaꞌ xtzaq kan pa chomilaj ulew e pachaꞌ ri tikawex kakita Ruchꞌaꞌtem ri Dios, lik kakimaj usukꞌ y lik kꞌo kꞌu kijiqꞌobꞌalil kilitaj che ri kibꞌinik. E jelaꞌ pachaꞌ rijaꞌ lik xuꞌan reqaꞌn; kꞌo ne jujun raqan xuya jun ciento, kꞌo jujun chik xuya sesenta y kꞌo xuya treinta —xcha ri Jesús.
23645	MAT 13:37	Ekꞌu ri Jesús xukꞌul uwach: —Rachi katikow re ri chomilaj ijaꞌ e Ralaxel Chikixoꞌl Tikawex.
23659	MAT 13:51	Ekꞌuchiriꞌ, ri Jesús xutzꞌonoj chike: —¿Kimaj usukꞌ riꞌix ronoje taq waꞌ? —xchaꞌ. Rike xkikꞌul uwach che ri Jesús: —Kaqamaj usukꞌ, Qajawal —xechaꞌ.
23660	MAT 13:52	Ekꞌu ri Jesús xubꞌiꞌij chike: —E juna aj kꞌutunel re ri tzijpixabꞌ, we lik kꞌo kumaj chwi rutaqanik ri Dios petinaq chilaꞌ chikaj, e pachaꞌ juna achi rajaw ja karesaj lo che rubꞌeyomalil ukꞌolom, taq ri kꞌakꞌ y ri xex chi kꞌo wi; yey ukabꞌichal waꞌ kuchapabꞌej. Ma ri aj kꞌutunel kakꞌutun chwi taq ri kꞌakꞌ umajom, junam rukꞌ taq ri xex chi umajom loq —xchaꞌ.
23665	MAT 13:57	Ewi lik e kꞌi tzel xkita ri xubꞌiꞌij. Noꞌj ri Jesús xubꞌiꞌij chike: —Chupa ronoje luwar kayak uqꞌij juna qꞌalajisanel; noꞌj chupa rutinamit o chikiwach ri ratz-uchaqꞌ, na kayak ta uqꞌij —xchaꞌ.
23682	MAT 14:16	Noꞌj ri Jesús xubꞌiꞌij chike: —Na kajawax taj kebꞌek; chebꞌitzuqu riꞌix —xchaꞌ.
23683	MAT 14:17	Rike xkibꞌiꞌij che ri Jesús: —Na kꞌi ta ri waꞌim qukꞌaꞌam, xew woꞌobꞌ pam y kaꞌibꞌ kar kꞌo qukꞌ —xechaꞌ.
23684	MAT 14:18	Xubꞌiꞌij kꞌu ri Jesús chike: —Chikꞌama lo laꞌ chwe —xchaꞌ.
23693	MAT 14:27	Ekꞌu ri Jesús xchꞌaw chike, jewaꞌ xubꞌiꞌij: —Chinimarisaj ikꞌuꞌx, ma riꞌin in Jesús; mixiꞌij kꞌu iwibꞌ —xchaꞌ.
23695	MAT 14:29	Ri Jesús xubꞌiꞌij che: —Chatpeta riꞌ —xchaꞌ. Ekꞌuchiriꞌ ri Pedro xel bꞌi pa ri barco, xujeqo kabꞌin chwi ri mar chaꞌ keꞌek pa kꞌo wi ri Jesús.
23699	MAT 14:33	Ekꞌuchiriꞌ, ri e kꞌo pa ri barco xeqibꞌ rukꞌ ri Jesús y xkiloqꞌnimaj uqꞌij, jewaꞌ xkibꞌiꞌij: —Paqatzij wi lal Ukꞌajol ri Dios —xechaꞌ.
23712	MAT 15:10	Ekꞌuchiriꞌ, xebꞌusikꞌij rukꞌiyal winaq y xubꞌiꞌij chike: —Lik tape alaq y lik maja alaq usukꞌ waꞌ:
23715	MAT 15:13	Ri Jesús xukꞌul uwach: —Waꞌ waꞌchijabꞌ na jinta runaꞌoj ri Dios kukꞌ, pachaꞌ e tikoꞌn na e ta tikom ruma ri Nuqaw kꞌo chilaꞌ chikaj; ruma kꞌu riꞌ, kamichꞌ bꞌi kꞌa pa ratzꞌayaq.
23717	MAT 15:15	Ekꞌuchiriꞌ, ri Pedro xubꞌiꞌij che ri Jesús: —Qꞌalajisaj la chiqe saꞌ keꞌelawi wa jun kꞌambꞌal naꞌoj —xchaꞌ.
23725	MAT 15:23	Noꞌj ri Jesús na xukꞌul ta kꞌana uwach. Ekꞌu rutijoꞌn xeqibꞌ rukꞌ y lik xebꞌelaj che ri Jesús: —Chꞌaꞌbꞌej kan la liꞌxoq ma lik kasikꞌinik teran lo chiqij —xechaꞌ.
23726	MAT 15:24	Ekꞌuchiriꞌ, xubꞌiꞌij ri Jesús: —Riꞌin intaqom lo xew kuma rutinamit ri Dios e aj Israel, ri pachaꞌ e bꞌexex e sachinaq —xchaꞌ.
23728	MAT 15:26	Ri Jesús xubꞌiꞌij che: —Na usukꞌ taj we kꞌo junoq kumaj ri kiwa ri ralkꞌoꞌal y kukꞌaq chikiwa ri tzꞌiꞌ —xchaꞌ.
23734	MAT 15:32	Ekꞌuchiriꞌ, ri Jesús xebꞌusikꞌij rutijoꞌn y xubꞌiꞌij chike: —Lik kajuchꞌ kaꞌn nukꞌuꞌx chike wa tikawex, ma e urox qꞌij waꞌ e kꞌo wukꞌ yey na jinta chi kiwa. Na kuaj taj kebꞌenutaq bꞌi chikocho e laꞌ na jinta kꞌo kitijom, ma kꞌaxtaj kebꞌeꞌqꞌochqꞌobꞌ pa bꞌe —xchaꞌ.
23736	MAT 15:34	Ri Jesús xutzꞌonoj chike: —¿Janipa chi pam kꞌo iwukꞌ? —xchaꞌ. Rike xkibꞌiꞌij: —Wuqubꞌ pam kꞌo qukꞌ y jujun raltaq ko kar —xechaꞌ.
23754	MAT 16:13	Kꞌo jun qꞌij xebꞌopon ri Jesús che taq ri luwar re ri tinamit Cesarea re Filipo, y xutzꞌonoj kꞌu chike rutijoꞌn: —Chikiwa ri winaq, ¿china nawi Ralaxel Chikixoꞌl Tikawex? —xchaꞌ.
23755	MAT 16:14	Rutijoꞌn xkibꞌiꞌij che: —Kꞌo kebꞌiꞌn re e Juan Aj Yaꞌl Bautismo; jujun chik kakibꞌiꞌij e Elías; y jujun chik, e Jeremías o junoq chik chike ri qꞌalajisanelabꞌ re ojertan —xechaꞌ.
23756	MAT 16:15	Ekꞌuchiriꞌ, xubꞌiꞌij chike rutijoꞌn: —Yey chiwach riꞌix, ¿in china riꞌin? —xchaꞌ.
23757	MAT 16:16	Ekꞌu ri Simón Pedro xubꞌiꞌij che: —Rilal lal ri Cristo, lal Rukꞌajol ri Dios kꞌaslik —xchaꞌ.
23758	MAT 16:17	Ri Jesús xukꞌul uwach: —Lik nim aqꞌij awalaxik riꞌat Simón at ukꞌajol ri Jonás; ma na e ta juna tikawex xqꞌalajisan waꞌ chawe, e ri Nuqaw kꞌo chilaꞌ chikaj.
23765	MAT 16:24	Ekꞌuchiriꞌ, xubꞌiꞌij ri Jesús chike rutijoꞌn: —We kꞌo junoq karaj katerej lo chwij, lik chirajawaxik che muꞌan xew ri karaj rire, e chukuyu ri kꞌax kape puwiꞌ ruma ukojom ri nubꞌiꞌ, y tereja lo chwij.
23778	MAT 17:9	Ekꞌuchiriꞌ xeqaj lo chwa ri juyubꞌ, ri Jesús xebꞌutaq che: —Mitzijoj kꞌana che junoq janipa ri xkꞌut chiwach, kꞌate kitzijoj echiriꞌ Ralaxel Chikixoꞌl Tikawex kꞌastajinaq chi lo chikixoꞌl ri ekaminaq —xchaꞌ.
23789	MAT 17:20	Ri Jesús xubꞌiꞌij chike: —E ruma na nim ta ri kubꞌulibꞌal ikꞌuꞌx rukꞌ ri Dios. We ta ri kubꞌulibꞌal ikꞌuꞌx kakꞌiyik jelaꞌ pachaꞌ ri kakꞌiy rijaꞌ re moxtasa, utz ne riꞌ kibꞌiꞌij che wa juyubꞌ: “Chatela bꞌi wara y chatqꞌax pan jelaꞌ”, y e kuꞌanaꞌ. Riꞌ na jinta kꞌayew chiwach riꞌix we ta lik kꞌo kubꞌulibꞌal ikꞌuꞌx.
23794	MAT 17:25	Ekꞌu ri Pedro xubꞌiꞌij: —Rire kutojo —xchaꞌ. Ekꞌuchiriꞌ xok ri Pedro pa ri ja, ri Jesús nabꞌe na xchꞌaw che, jewaꞌ xubꞌiꞌij: —Chawach riꞌat, ¿e juna rey che ruwachulew, china chike kutzꞌonoj wi taq ri tojonik kaꞌanik? ¿Chike ri e ralkꞌoꞌal o chike ri na e ta ralkꞌoꞌal? —xchaꞌ.
23795	MAT 17:26	Xubꞌiꞌij kꞌu ri Pedro: —Chike ri na e ta ralkꞌoꞌal —xchaꞌ. Tekꞌuchiriꞌ, xubꞌiꞌij ri Jesús che: —Ekꞌu ri e ralkꞌoꞌal na jinta kꞌo katzꞌonox chike.
23799	MAT 18:3	Xubꞌiꞌij kꞌu chike: —Paqatzij wi kambꞌiꞌij chiwe: We na kijalkꞌatij ta ribꞌinik isilabꞌik chaꞌ kixuꞌan pachaꞌ raltaq ko akꞌalabꞌ, na kixok ta riꞌ chupa rutaqanik ri Dios petinaq chilaꞌ chikaj.
23818	MAT 18:22	Ri Jesús xukꞌul uwach: —Na kambꞌiꞌij ta chawe xa pa wuqubꞌ laj, ma kꞌa wuqubꞌ laj chi setenta.
23839	MAT 19:8	Ri Jesús xubꞌiꞌij chike: —Waꞌ e ruma lik ko ri animaꞌ alaq. Ruma laꞌ ri Moisés xuya luwar kayaꞌiꞌ ruwujil re jachbꞌal ibꞌ; noꞌj che lo ri jeqebꞌal ruwachulew na je ta laꞌ ri xraj ri Dios.
23841	MAT 19:10	Ekꞌu rutijoꞌn xkibꞌiꞌij che: —We jelaꞌ kukꞌulumaj rachi rukꞌ ri kꞌulanikil, más ne utz riꞌ we junoq na kakꞌuliꞌ taj —xechaꞌ.
23842	MAT 19:11	Ri Jesús xubꞌiꞌij chike: —Na konoje ta kꞌu ri tikawex kakichꞌij waꞌ; ma xew ri yaꞌtal lo chike ruma ri Dios, kakichꞌij uꞌanik.
23847	MAT 19:16	Kꞌo kꞌu jun kꞌakꞌal achi xkꞌun rukꞌ ri Jesús y xutzꞌonoj che: —Lal utzilaj tijonel, ¿saꞌ ri utz kanꞌano chaꞌ kꞌo nukꞌaslemal na jinta utaqexik? —xchaꞌ.
23851	MAT 19:20	Rachi xubꞌiꞌij che ri Jesús: —Ronoje waꞌ nuꞌanom lo chwi nuchꞌutiꞌnal. ¿Saꞌ kꞌu riꞌ ri kꞌa chirajawaxik chwe kanꞌano? —xchaꞌ.
23852	MAT 19:21	Ri Jesús xubꞌiꞌij che: —We kaꞌaj la e kaꞌan la janipa ri karaj ri Dios che ri bꞌinik silabꞌik la, kꞌayij la ronoje taq ri bꞌeyomalil la y jacha kꞌu la chike ri nibꞌaꞌibꞌ; jekꞌuriꞌlaꞌ kꞌo bꞌeyomalil la chilaꞌ chikaj. Tekꞌuchiriꞌ, peta la, terej lo la chwij y kuyu la ri kꞌax kape pawiꞌ la ruma lal nutijoꞌn —xcha che.
23854	MAT 19:23	Ekꞌuchiriꞌ, xubꞌiꞌij ri Jesús chike rutijoꞌn: —Paqatzij wi kambꞌiꞌij chiwe: Juna bꞌeyom lik kꞌayew che kok chupa rutaqanik ri Dios petinaq chilaꞌ chikaj.
23856	MAT 19:25	Echiriꞌ xkita waꞌ rutijoꞌn, lik xkam kanimaꞌ che y xkitzꞌonoj chikiwach: —We e riꞌ, ¿china kꞌu riꞌ ri kakolobꞌetajik? —xechaꞌ.
23857	MAT 19:26	Ri Jesús xutzuꞌ kiwach y xubꞌiꞌij chike: —Ri tikawex na kakikolobꞌej ta kibꞌ kitukel ma waꞌ lik kꞌayew chikiwach; noꞌj ri Dios ronoje kuꞌano ma na jinta kꞌayew chwach Rire —xchaꞌ.
23859	MAT 19:28	Ri Jesús xukꞌul uwach: —Paqatzij wi kambꞌiꞌij chiwe: Kopon kꞌu riꞌ ri qꞌij echiriꞌ ronoje kuꞌan kꞌakꞌ, waꞌ echiriꞌ Ralaxel Chikixoꞌl Tikawex keꞌtzꞌula chupa ri chomilaj tzꞌulibꞌal re rutaqanik. Jekꞌulaꞌ riꞌix kixeꞌtzꞌula chupa kabꞌlajuj tzꞌulibꞌal re kixtaqan pakiwi ri kabꞌlajuj tinamit re Israel.
23877	MAT 20:16	»Jelaꞌ kꞌu riꞌ, lik e kꞌi chike ri na jinta kiwach woꞌora, e lik kakꞌojiꞌ kiwach chwach apanoq; yey lik kꞌu e kꞌi chike ri lik kꞌo kiwach woꞌora, chwach apanoq na jinta chi kiwach. Ma lik e kꞌi ri esikꞌim, tobꞌ kꞌu xa e jujun ri echaꞌtalik —xcha ri Jesús.
23883	MAT 20:22	Ekꞌu ri Jesús xukꞌul uwach, y jewaꞌ xubꞌiꞌij chike ri kebꞌ utijoꞌn: —Riꞌix na iwetaꞌam taj saꞌ ri kitzꞌonoj. ¿Kichꞌij nebꞌa riꞌix ri kinikꞌow wi riꞌin y ri kꞌax kape panuwiꞌ? —xchaꞌ. Rike xkibꞌiꞌij: —Kaqachꞌijo —xechaꞌ.
23886	MAT 20:25	Ekꞌu ri Jesús xebꞌusikꞌij y xubꞌiꞌij chike: —Iwetaꞌam riꞌix, ri ketaqan pakiwi ri nimaq tinamit kebꞌuꞌana pachaꞌ e rajaw ronoje; yey ri lik kꞌo kiwach kikꞌow uwiꞌ ri taqanik kakiꞌan pakiwi ri eyaꞌtal pakiqꞌabꞌ.
23906	MAT 21:11	Ekꞌu ri winaq kakibꞌiꞌij: —E ri qꞌalajisanel Jesús, ri aj Nazaret re Galilea —kechaꞌ.
23911	MAT 21:16	Xkibꞌiꞌij kꞌu riꞌ che ri Jesús: —¿Kata la saꞌ ri kakibꞌiꞌij rakꞌalabꞌ cheꞌla? —xechaꞌ. Ekꞌu ri Jesús xukꞌul uwach: —Qatzij wi kanto. ¿Na ajilam ta nebꞌa alaq ri kubꞌiꞌij Ruchꞌaꞌtem ri Dios pakiwi rakꞌalabꞌ? Ma jewaꞌ kubꞌiꞌij: Chikichiꞌ rakꞌalabꞌ y ri ketzꞌumanik yijbꞌam la ri chomilaj bꞌix re yakbꞌal qꞌij la —xcha ri Jesús.
23916	MAT 21:21	Ri Jesús xukꞌul uwach: —Paqatzij wi kambꞌiꞌij chiwe: We ta lik kꞌo kubꞌulibꞌal ikꞌuꞌx rukꞌ ri Dios y na kebꞌ ta kꞌana ipa rukꞌ, riꞌ na xew ta jewaꞌ kiꞌan riꞌix pachaꞌ wa xinꞌan riꞌin che ri higo. Ma utz ne riꞌ kibꞌiꞌij che wa juyubꞌ: “Chatela wara y jateꞌkꞌola chupa ri mar” kixchaꞌ y e kuꞌano.
23919	MAT 21:24	Ri Jesús xukꞌul uwach: —Riꞌin kanꞌan jun tzꞌonobꞌal che alaq. We xkꞌul alaq uwach chwe, kambꞌiꞌij kꞌu riꞌ che alaq china yaꞌyom panuqꞌabꞌ kanꞌan waꞌ.
23922	MAT 21:27	Xkibꞌiꞌij kꞌu che ri Jesús: —Na qetaꞌam taj —xechaꞌ. Ekꞌu ri Jesús xubꞌiꞌij chike: «Jekꞌuriꞌlaꞌ, riꞌin na kambꞌiꞌij ta che alaq china yaꞌyom panuqꞌabꞌ kanꞌan taq waꞌ.
23926	MAT 21:31	Xutzꞌonoj kꞌu ri Jesús chike ri e aj wach: —Chiwach ralaq, ¿china nawi chike wa kaꞌibꞌ alabꞌo e xuꞌan ri karaj ri kiqaw? —xchaꞌ. Xkibꞌiꞌij kꞌu rike: —E ri nabꞌe —xechaꞌ. Ekꞌu ri Jesús xubꞌiꞌij chike: «Paqatzij wi kambꞌiꞌij chiwe: E raj tzꞌonol puaq re tojonik y rixoqibꞌ na chom ta ri kibꞌinik kisilabꞌik, e rike ri nabꞌe nenareꞌ kebꞌok chupa rutaqanik ri Dios chiwach ralaq.
23935	MAT 21:40	Tekꞌuchiriꞌ, xutzꞌonoj chike ri e aj wach: —Chiwach ralaq, echiriꞌ kakꞌun ri rajaw rulew, ¿saꞌ nawi kuꞌan chike raj tunulel? —xchaꞌ.
23936	MAT 21:41	Rike xkikꞌul uwach: —Na kukuy ta kꞌana kimak. Kusach na kꞌu kiwach ri itzel kiwachlibꞌal y kuya tanchi ri rulew pa tunulik chike jujun chik aj chakibꞌ, yey rike kakiya na ri molonik che chupa ruqꞌijol —xchaꞌ.
23957	MAT 22:16	Xekitaq kꞌu bꞌi ri kitijoꞌn rike junam kukꞌ jujun chike ri kitaqem ri rey Herodes. Ekꞌu rike xkibꞌiꞌij che ri Jesús: —Lal tijonel, riꞌoj qetaꞌam lik qatzij ri kabꞌiꞌij la y lik jusukꞌ kakꞌutun la chwi ri bꞌe re ri Dios. Yey na kaxiꞌij tane ibꞌ la che taq ri kakibꞌiꞌij ri tikawex; ma rilal junam kiwach kebꞌil la konoje, tobꞌ kꞌo kiwach o na jinta kiwach.
23962	MAT 22:21	Rike xkikꞌul uwach: —Re ri nimalaj taqanel re Roma —xechaꞌ. Xubꞌiꞌij kꞌu ri Jesús chike: —Yaꞌa alaq che ri nimalaj taqanel re Roma janipa ri taqal che rire, yey yaꞌa kꞌu alaq che ri Dios janipa ri taqal che ri Dios —xchaꞌ.
23965	MAT 22:24	jewaꞌ xkibꞌiꞌij: —Lal tijonel, ri Moisés xubꞌiꞌij kanoq: “We kꞌo juna achi xkamik yey na e jinta kan ralkꞌoꞌal, ekꞌu riꞌ ruchaqꞌ kakꞌuliꞌ rukꞌ rixoq malkaꞌn kanoq y jekꞌulaꞌ kekꞌojiꞌ ralkꞌoꞌal rukꞌ pubꞌiꞌ ri ratz xkamik” xchaꞌ.
23970	MAT 22:29	Ri Jesús xukꞌul uwach: —Ralaq lik sachinaq alaq, ma na majom ta alaq usukꞌ Ruchꞌaꞌtem ri Dios y ruchuqꞌabꞌ ri Dios.
23977	MAT 22:36	—Lal tijonel, chupa Rutzij Upixabꞌ ri Dios, ¿pachike ri taqanik más chirajawaxik? —xchaꞌ.
23983	MAT 22:42	—¿Saꞌ ri kachꞌobꞌ alaq chwi ri Cristo, Ruchaꞌoꞌn lo ri Dios? ¿China che upetebꞌem wi lo rire? —xchaꞌ. Xkikꞌul kꞌu uwach: —E ralkꞌoꞌal kan ri rey David —xechaꞌ.
24029	MAT 24:3	Tekꞌuchiriꞌ, xebꞌopon chwa ri juyubꞌ Olivos. Yey echiriꞌ xtzꞌuyiꞌ ri Jesús, xeqibꞌ rutijoꞌn rukꞌ, y ekꞌu laꞌ xa kitukel xkijeq kakitzꞌonoj che: —Bꞌiꞌij ko la chiqe, ¿jampa nawi kuꞌana taq riꞌ waꞌ? ¿Yey saꞌ ri kꞌutubꞌal re ri kꞌunibꞌal la y re ri kꞌisbꞌal re ruwachulew? —xechaꞌ.
24141	MAT 26:18	Ri Jesús xubꞌiꞌij kꞌu chike: —Jix pa ri tinamit y chilaꞌ kiꞌriqa jun achi; chibꞌiꞌij kꞌu che: “Ri tijonel qeꞌoj jewaꞌ kubꞌiꞌij: Ri nuqꞌijol riꞌin xa naqaj chi kꞌo wuloq, y chupa ri ocho la kanꞌan wi ri nimaqꞌij Pascua junam kukꞌ ri nutijoꞌn” —xchaꞌ.
24144	MAT 26:21	Ekꞌuchiriꞌ kewaꞌik, ri Jesús xubꞌiꞌij chike: —Paqatzij wi kambꞌiꞌij chiwe: Kꞌo jun chiwe riꞌix kakꞌayin we —xchaꞌ.
24146	MAT 26:23	Ri Jesús xukꞌul uwach: —E ri kumuꞌ lo rupam junam wukꞌ chupa ri laq, e riꞌ ri kakꞌayin we riꞌin.
24149	MAT 26:26	Xaloqꞌ kꞌu riꞌ kewaꞌik, ri Jesús xukꞌam ri pam y xutioxij che ri Dios. Tekꞌuchiriꞌ xuwechꞌo, xujach chike rutijoꞌn y jekꞌuwaꞌ xubꞌiꞌij: —Chikꞌamaꞌ y chitijaꞌ, ma e nucuerpo waꞌ —xchaꞌ.
24150	MAT 26:27	Tekꞌuchiriꞌ xukꞌam ri kꞌolibꞌal kꞌo vino chupa, xutioxij che ri Dios, xuya chike y jekꞌuwaꞌ xubꞌiꞌij: —Chitija iwonoje chuchiꞌ waꞌ wa kꞌolibꞌal kꞌo vino chupa,
24154	MAT 26:31	Ekꞌuchiriꞌ, ri Jesús xubꞌiꞌij chike: —Waqꞌabꞌ iwonoje riꞌix kiwesaj na iwibꞌ chwij, ma e pachaꞌ kubꞌiꞌij Ruchꞌaꞌtem ri Dios: Kankamisaj raj chajinel y taq rubꞌexex kakikich bꞌi kibꞌ kachaꞌ.
24156	MAT 26:33	Ekꞌu ri Pedro xukꞌul uwach: —Tobꞌ ne konoje kakesaj kibꞌ chiꞌij la, riꞌin na kanꞌan ta kꞌana waꞌ —xchaꞌ.
24157	MAT 26:34	Yey ri Jesús xukꞌul uwach: —Paqatzij wi kambꞌiꞌij chawe: Wa jun aqꞌabꞌ echiriꞌ kꞌamajaꞌ ne kabꞌixon ri teren, riꞌat oxlaj chik abꞌiꞌim na awetaꞌam ta nuwach —xchaꞌ.