108	GEN 5:2	Tura aishmangkun nuwajai najanak pengker awajsamiayi. Tura “aints tutai” artatui —timiayi.
396	GEN 16:14	Tura asamtai nu yumi taimu naaringkia: “Tuke Pujuu wina waitnuka yumi taimurintai” tu inaikiamiayi. Nu yumi taimuka jimiar yakat Cades tura Bered tutaiya nuna japenintai.
403	GEN 17:5	Turatin asam, yamai nangkamsamka naarmeka Abramka achatatui, antsu Abraham atatui. (Abrahamka “Untsuri aintsu apari” taku tawai.)
480	GEN 19:22	Tura asamtai wári weta. Ame nuni jeatsmining, chikich yakat ainaunka mesrachminuitjai —timiayi. Tura asamtai nu yakta naarinka Zoar inaikiamu amiayi. (Nuka “tuupich” taku tawai.)
1020	GEN 35:8	Nuniangka Rebeca wainiuri Débora naartin jakamiayi. Tura jakamtai, Betelnum jeatak numi encina tutai wajamunam iwiarsarmiayi. Tura asaramtai nu numikia “juutmiu numi” inaikiarmiayi.
13952	PSA 2:3	Turasha Yusen umirtan nakitinau asar kakarar untsuminak: “Yus iin jirujai jingkiatmamuringkia yamaikia atimiami, turar nuniangka angkan wajasmi”, nangkamiar tinawai.
13955	PSA 2:6	“Wikia yanchuik wina akupkamurnaka Jerusalénnum mura pengkernum aints ainau Apuri ati tusan puusamiajai”, tawai.
13956	PSA 2:7	Yamaikia Yus ni uchirin pachis ta nuna etserkatjai. Ni uchirin chicharak: “Ameka wina nekas uchiruitme. Ju kintati wina kakarmarun suajme”.
13957	PSA 2:8	“Mash nungkanmaya ainau winar arti tusam wina seattia. Turakminkia wikia aminka susatnuitjame.
13964	PSA 3:3	Aints untsuri wina pachitsar chichartinak: “Yuska uwemtikramrashtinuitai”, nangkamiar turutinawai.
14058	PSA 10:6	Tura ningki nintimtumasar: “Wina nemasur ainauka ujuntrarchatnuitai. Tura asamtai itiurkachminumka pengké pujuschatatjai”, tinawai.
14071	PSA 11:1	Wikia Apurun wina ayamrutkati tusan seajai. Antsu chikich aints ainau wina chichartinak: “Ame nanamtinua nunismek muranam tupikiakta”, turutina nunaka pachiatsjai.
14083	PSA 12:6	Tura asamtai Yus chichaak: “Kakaichu ainau wait wajainawai. Tura kuikiartichu ainau yuuminau asar, mayairukar napchau nintiminawai. Antsu wikia yamaikia timiá wait wajainaun yaingtatjai”, tawai.
14106	PSA 16:2	Wikia amin chicharkun: “Ametme wina Apur. Ame timiá pengkeraitme. Amijai metekka kichkisha atsawai”, timiajme.
14107	PSA 16:3	Ame wina chichartakum: “Wina aintsur ju nungkanam umirtukaru asar, pengker awajtu weenawai”, turutmiame.
14229	PSA 22:9	Tura chichainak: “Yusnaka nekas nintimtinuyayi. Watska Yus niin angkanmamtikiati. Yus niin aneakka nekas uwemtikrati” tinawai.
14363	PSA 31:14	Aints nangkamiar wina pachitsar shishkamsar chichartinaun anturmamjai: “Atu atu yantame itiurkachmin shamrumtin awai”. Tu tinau asar, aints untsuri wina mantuwartas chichaman najatrinawai.
14451	PSA 35:21	Tura jangken awarar: “Iisha ni turamuri wainkawaitji. Atumsha nekaataram”, nangkamiar waitrinak tinawai.
14539	PSA 39:5	“Apuru ¿wina jakatniur warutik at? tusam nekaamtikruata. Turasha ¿warutam kintak iwiaaku pujustaj? tusan nekaatasan wakerajai”, timiajai.
14571	PSA 41:5	Tura asamtai wikia Apurun chicharkun: “Apuru wait anentruram wikia aminka umirchamaitiatmek, ataksha pengker wajasta tusam tsuwaarata” timiajai.
14572	PSA 41:6	Wina nemasur ainau wina pachitsar pasé chichartinawai. Tura inintrinak: “¿Warutik jaka mengkakat?” turutinawai.
14574	PSA 41:8	Wina kajertin ainauka iruntrar wina pachitsar chichainak: “Ningki wiasmamak wait wajawai”, turutinawai.
14575	PSA 41:9	Tura ataksha chichainak: “Ni jatairingkia iwianchnumiayaintai. Ni peakrin jaak tepa auka pengké nantakchatnuitai” tusar aujmatrinawai.
14704	PSA 50:4	Yuska yakiiya chichaak: “Wina aintsur turamuri jiirmatai, atumsha jiitaram” tusa, nayaimpinam tura nungkanam pujuinauncha untsuktinuitai.
14705	PSA 50:5	Tura untsuak: “Wina umirtukaru ainauka wina umirtukartas tangkurin main armia nuka irurtaram” titinuitai.
14707	PSA 50:7	Yus Israel ainautin chichartamak: “Wina aintsur ainautiram anturtuktaram. Atumjaingkia tépaan chichastatjarme: ¡Wikia Yusetjai, atumi Yusrinjai!
14716	PSA 50:16	Antsu pasé aints ainaun Yus chicharak: “Atumi tunaari inaisataram tamaitiatrum, nu antut nakitau asaram, wina chichamur tuntupearam ukuarme. Tura asaram wina chichamur etserkachmin ayatrumsha ¿warukaya wina chichamrusha etserume?
14841	PSA 59:8	Turasha kuchi kajeak sauran apawa nunisarang ainawai. Turasha wishiinak: “¿Yaachik iincha anturtamkataij?” tinawai.
14927	PSA 66:3	Tura Yus chicharkuram: “Aminu najanamuram ainauka nekasar shiiram ainawai. Ame timiá kakaram asakmin, ami nemasem ainau shamraminak amin eemkiar ayaarartin ainawai.
15042	PSA 71:11	Nuka chichainak: “Yus niin ajapa ukukin asamtai, aints kichkisha ayamrukchatnuitai. Tura asamtai papeekrum achiktaram”, turutinawai.
15046	PSA 71:15	Kintajai metek aints ainaun ujaakun: “Yuska iincha uwemtikramnuyaji, turasha iincha pengker awajtamnuyaji”, titatjai. Antsu ¿itiur uwemtikramrayajik? nunaka nintimratatkaman pengké tujintajai.
15283	PSA 81:7	“Atum meram entsakua nunisrumek pujarmin, takatrum uyumtin amia nunia angkan awajsamiajrume.
15461	PSA 91:1	Aints Yus wina ejarkati tusa, Yusen nekas juuntan tura nekas kakarman seatas wakerakka tu seatnuitai: “Ameketme wina ayamrutkatnumka, tura wina ejarkatnumka. Tura wina Yusur asakmin, wikia amin nintimtusan pujajme”.
15474	PSA 91:14	Yus chichaak: “Aints wina anentinak: Ameketme Apum turutinaunka wikia uwemtikratnuitjai, turan ayamruktinuitjai.
15528	PSA 95:8	“Yamaikia wina chichamur antukrumka, nakitsuk pengker anturtuktaram. Atumi juuntri ainau yaanchuik nungka Meriba tutainum tura chikich nungka Masa tutainum aints atsamunam wekainak wina chichamrun nakitrarmia nunisrumka nakitrairap.
15612	PSA 102:25	Tura asan Yusrun chicharkun: “Jumchik musaach pujusu asan, wina pujutruka jurutkiip”, tajai. ¡Ameka tuke pujuwitme!
15681	PSA 105:8	Warang musaach nangkamaru wainiat Yuska Abrahaman wi turatatjai tímia nunaka pengké kajinmakchatnuitai. Nuniasha ni uchiri Isaacan: “Wi Yus asan tajame” tímia nunasha pengké kajinmakchatnuitai.
15683	PSA 105:10	Yus Jacobon chicharak: “Wikia nungka Canaán tutai amincha tura ami wearmincha susartatjai”, tímia nunaka tuke sakarchatin asamtai, Israela weari ainauncha tuke atumnau ati tusa akatar akupkamiayi.
15688	PSA 105:15	“Wina umirtin ainauka paseeka awajkairap. Tura wina chichamrun etserin ainauka wait wajaktinka susairap”, timiayi.
15714	PSA 105:41	Nunia Moisés pampan awatiamtai, pampanmaya yumi tsapuimiayi. Tura entsa nunisang wej wajamiayi. Yus yaanchuik ni inatiri Abrahaman chicharak: “Ami wearam ainaun angkanmamtikiatnuitjai”, tímia nunisang
16185	PSA 126:2	Tura asar wararkur wishirmiaji. Tura wararkur kantamamiaji. Turakrin Yusen umirchau ainau nuna wainkar chichainak: “Ni Yusri niin nekas pengker awajsayi”, tiarmiayi.
16547	PRO 3:22	Tu pujakmeka nekas pengker pujustinuitme, tura aints ainau amin waitmakar: “Nuka nintipitai” tusar, aints shaakun nungkurar wekainawa nunisarang amin waitmakartinuitai.
16599	PRO 5:12	Nunia juutkuram: “Warukanak chicharmaitiatnasha, nintimtsuk pengké antukchaya?
16601	PRO 5:14	“Yamaikia mash aints iruntramunmasha wi pase turamurun nekaawaru asaramtai, wikia natsaamakun jakatasan wakerajai titatrume”.
16943	PRO 16:33	Aints ainau ¿yáki juna jukit? Tusar, “suerten” nakurinawai. Tura wainiat Yus ni wakeramurin tuke umiktinuitai.
16989	PRO 18:18	¿Jimiar kakaram aintsu kajernaikiamurin itiur iwiaaratnuita? Yáki nepetmakat tusar nakuruti “suerte” tutain nakurusartinuitai. Tura asaramtai mai metek kakarma waininayat tu akankartin ainawai.
23236	MAT 1:23	“Antuktaram. Nawan aintsjai tumichu japruktinuitai. Tura asa uchin jurertinuitai. Tura uchin Emanuel inaikiatnuitai.” Nuna ta nuka “Yus iijai pujawai” taku tawai.
23244	MAT 2:6	Yus chichaak: “Judá nungkanam yakat Belén tutai mianchauka achatnuitai. Antsu nu yaktanam juun apu akiinatnua nuka Israela weari ainaun inartinuitai. Tura asamtai nu yaktaka chikich yakat Judá nungkanam aa nuna nangkamasang juun atinuitai,” Yus timiayi. Tu aarmawaitai, —tusar aimkarmiayi.
23253	MAT 2:15	Tura Egiptonam jear: Herodes jakamtai waketkimi tusar nakasarmiayi. Nu turatnunka pachis yaanchuik Yus ni chichamen etsernun aamtikramiayi. Yus nuna miatrusang umikti tusa turamiayi. Nu aarmauka nuwaitai: “Egipto nungkanmaya wina Uchirun untsukmiajai.”
23254	MAT 2:16	Apu Herodes nekau ainaun taarti tusa naka nakaka ni tacharamtai, wina anangkrua tusa, nukap kajekmiayi. Tura nekau ainaun: ¿Angkuajin warutia wainkamarume? nuwik tu iniasu asa, nuna paan nekaa, ni suntarin akupak: “Uchi aishmang yamai akiinau ainau tura yamai wekaarau ainausha, tura yamai chicharu ainausha, tres musach jeatak Belén yaktanam pujuinau, tura arakchichu pujuinausha mash amuktaram,” tusa akupkamiayi.
23256	MAT 2:18	“Ramá yaktanam nuwa kakar juutmau antuukatnuitai. Nuwa juutu puja nuka Raquelaitai. Ni uchiri mash amutkamu asa, jikiamak kakar juutui. Antsu jikiamtsuk asata tinamaitiat antatsui.” Tu aarmawaitai. Nu aarmauka apu Herodeska akiintsaing, ukunam atiniun pachis aarmawaitai.
23258	MAT 2:20	“Joséya nantakta. Uchin maatas wakerimia nuka yanchuk jakau asamtai, uchi nukurijai jukim Israel nungkanam waketkita,” timiayi.
23261	MAT 2:23	Tura Galilea nungkanam pujustas, Nazaret yaktanam wemiayi. Nu turunamuka yaanchuik Yuse chichamen etserin timiaun miatrusang umikmiayi. Nu Jesúsan pachis timiauka nuwaitai: “Nazaretnumia aintsuitai tiartinuitai.”
23264	MAT 3:3	Yaanchuik Juankun pachis Yuse chichame etserin Isaías aarmia nuna miatrusang umikmiayi. Nu aarmauka nuwaitai: Numi atsamunam aints taa kakar chichaak: “Aints ainau apu wekaasatniun jintan tupin iwiarina nunisrumek atumi ninti iwiarataram,” timiayi. Tu aarmawaitai.
23282	MAT 4:4	Tamaitiat Jesús ayaak: —Atsa, turashtatjai. Yuse chichame tu aarmawaitai: “Aints aya yutanak yutanak nintimtinauka tukeka pujuschartinuitai. Antsu Yuse chichamen nintimtinauka nekasar tuke pujusartinuitai,” —timiayi.
23284	MAT 4:6	ataksha nekapsatas chicharak: —Nekasam Yuse Uchiritkumka, tsekengkim yakiiya ayaarta. Yuse chichamesha tu aarmawaitai: “Yus ni awemamuri irunun amin waitmakarti tusa inartinuitai. Turamtai nawemin kayan tukumkai tusar, Yuse awemamuri ainau ni uwejejai achirmakartatui” tu aarmau asamtai, tsekengkim yakiiya ayaarta, —timiayi.
23285	MAT 4:7	Tamaitiat Jesús ayaak: —Atsa, turashtatjai. Chikich aarmausha tu aarmawaitai: “Atumi Yusri atumi Apuri asamtai, nangkamrum nekapsatasrum wakerukairap,” —timiayi.
23288	MAT 4:10	Tamaitiat Jesús ayaak: —Satanása weta. Yuse chichame tu aarmawaitai: “Atumi Yusri atumi Apuri asamtai: Ameketme Apum titaram. Turaram atumi Yusri nuke umirkataram,” —timiayi.
23293	MAT 4:15	“Yaanchuik Israela uchiri Zabulón naartinu weari ainausha nunia Neftalí weari ainausha juun kucha yantamen puju armiayi. Nu nungkasha Galilea tutayi. Nuni Israelchau ainau untsuri pujusar, Jordán entsa majincha untsuri pujuinawai.
23306	MAT 5:3	Nunia Jesús ni nuiniatirin nuiniak: “Aints ainau: Iikia nekasar Yuse Wakani yuumaji, tu nintimsar pujuinauka Yusnum tuke pujusartin asar warasartinuitai.
23316	MAT 5:13	Nunia Jesús ataksha nuiniak: “Atumka weea tumawaitrume. Weesha tuke wakeruktinuitai. Tura wee michumangka ¿itiur ataksha yapaktinuita? Wee michumangka, waríksha itiurkachmin asamtai, aints ainau nuna aanum aints wekaatainum japawar ukukmiaun nawejai najainawai. Turamu asaramtai atumsha Yus umirtsuk pujakrumningkia, Yuska atumin wee michu aanum japamua nunisang japrama ukurmaktinuitrume.
23317	MAT 5:14	“Atumka ju nungkanam paaniua nunisrumek pujau asaram, aints ainaun paan nintimtikratnuitrume. Atumka yakat muranam aa nusha paan wainkatnuitrume. Tura asamtai atumsha yakta nunisrumek anumkachminuitrume.
23320	MAT 5:17	Nunia Jesús ataksha nuiniak: “Atumka wína pachitsaram: Nuka Moisésa chichamen sakartas taawitai, tuuka nintimrairap. Tura Yuse chichamen etserin ainau aarmaurincha sakartas taawitai, tuuka nintimrairap. Wikia nunaka turashtatjai. Antsu Moisésa aarmaurin tura Yuse chichame etserin ainau aarmaurincha nekasan umiktasan taawitjai.
23324	MAT 5:21	Nunia Jesús ataksha nuiniak: “Yaanchuik juun ainau Moisésa chichamen etserinak: Aints maawairap. Antsu aintsun maunaka yapaijkiartinuitai tiarmiayi. Nu tamauka antukmiarume.
23326	MAT 5:23	“Atumka Yus maaketai titasrum, Yusen waring achat susatasrumsha ni jeen wayaakrumningkia, nuni wayaaram, atumi yachí kajertaminak pujuinau aneakrumka,
23328	MAT 5:25	“Atumka tumaashitkurmeka, chikich aints atumin: Akirkata tusa, apu pujamunam jeetamiartas achirmakaramtaikia, nijai tsaniasrum jinta weakrum chicham iwiarataram. Nu turachkurmeka, apu achirmak suntar ainaun akupturmak: Ju aints kársernum engkeataram titinuitai.
23330	MAT 5:27	Nunia Jesús ataksha nuiniak: “Yaanchuik juun ainau chichaman etserinak: ‘Nuwa aishrinujai tsanirmawairap,’ tinamuka antukmiarume.
23332	MAT 5:29	“Tura asamtai atumi jiisha atumin tunau nintimtikramataikia, atumi jii untsurnumanini kut kuinkawa nunisrumek tunaarum japaram ukuktaram. Jii kichik mengkakau wainiatrumek, nayaimpinam tuke pujustinka timiá pengkeraitai. Antsu mai jiintukka namangmesha pengker ayat, ji kajintrashtinnum engkematnuka nekas pengké paseetai.
23334	MAT 5:31	Nunia Jesús ataksha nuiniak: “Tura yaanchuik juun ainau etserinak: ‘Aints nuwarin ukuktias wakerakka, papin aar: Nuwarun ukuajai tusa, nu papinka nuwarin susatnuitai,’ tinu armiayi.
23336	MAT 5:33	Nunia Jesús ataksha nuiniak: “Yaanchuik juun ainau etserinak: ‘Atumka ii Apuri naarin pachisrum: Yusjai tajai, nunaka turatatjai, tarume nuka umitskeka inaisairap,’ tinu armiayi. Nu tamauka antukmiarume.
23341	MAT 5:38	Nunia Jesús ataksha nuiniak: “Yaanchuik juun ainau Moisésa chichamen etserinak: ‘Aints ijutminak jiimin mesturmaramtaikia, amesha nunismek yapaijkum ni jii mesturta. Tura ni ijutminak naimin akartamkamtaikia, amesha nunismek yapaijkum ni naisha akarkata,’ tinu armiayi. Atumka nu etsermau antukmiarume.
23346	MAT 5:43	Nunia Jesús ataksha nuiniak: “Yaanchuikia aints ainau chichainak: ‘Ame irutkamurmek aneeta. Antsu nemasmeka suwirpiaku jiista,’ tinu armiayi. Atumka nu tamau antukmiarume.
23352	MAT 6:1	Nunia Jesús ataksha nuiniak: “Atumka: Aints ainau wína pengker turamurun wainkarat tu nintimsarmeka pengker aa nuka turuwairap. Tu nintimsaram chikich ainaun pengker awajsamin wainiat, atumi Apaachiri nayaimpinam puja nuka atumin pengkerka awajtamsashtinuitrume.
23353	MAT 6:2	“Tura asamtai yuuminak pujuinau yaingkrumsha, chikich ainausha antukarat tusaram etserkairap. Antsu aints ainau wina mash jiirsar: Pengke aintsuitme, turutiarat tu nintimsar, iruntai jeanam wajasar tura jinta wekaasar: Yuuminak pujuinaun yayaajai, tusar etserinawai. Antsu wikia nekasan tajarme: Chikich ainau nuna jiisar: Nuka pengke aintsuitai tinau asaramtai, Yuska nu aintsnaka pengkerka awajsashtinuitai.
23356	MAT 6:5	Nunia Jesús ataksha nuiniak: “Tura Yus seakrum, anangkartin ainau Yusen seaina nunisrumka Yuska seairap. Anangkartin ainau wina jiirsarat tusar, iruntai jeanmasha tura aints untsuri wekaatainmasha wajasar Yusen seainawai. Nekasan tajarme: Aints nuna jiisar: Nekas pengke aintsuitai, tu nintimtinau asaramtai, tu seau ainaunka Yuska pengkerka awajsachartinuitai.
23358	MAT 6:7	“Yus seakrum nangkamrum nukap chichaj pujuirap. Nuka Yusen nekachu ainau tuminawai. Nuka ningki nintimsar: Wikia nukap chichaamtaikia Yuska anturtawapi, tu nintiminawai.
23365	MAT 6:14	“Nuniasha tajarme: Atumin pasé awajtaminausha tsangkurakrumningkia, atumi Apaachiri nayaimpinam puja nusha nunisang atumin tsangkutramratatrume.
23367	MAT 6:16	Nunia Jesús ataksha nuiniak: “Ataksha tajarme: Atum Yus seatasrum ijarmarmesha wake mesekairap. Anangkartin ainau: Aints wína jiirsar: Ijarmayapi turutiarat tusar tuminawai. Tura asamtai wikia nekasan tajarme: Chikich aints: Pengke aintsuitai tu nintimtursarat tusar, ijarmawar pujuinaunka Yuska pengkerka awajsashtinuitai.
23370	MAT 6:19	Nuniasha Jesús ataksha chichaak: “Wikia nunasha tajarme: Ju nungkanam warinchu ainau sengka wári mesratin asaramtai, tura warinchusha mengkakartin asaramtai, tura kasa ainau jea wayaawar kasamkartin asaramtai, kuik kiaungkairap.
23373	MAT 6:22	Nunia Jesús ataksha nuiniak: “Atumi jiingkia kantii kapaawa nunisketai. Atumi jii pengkeraitmataikia, paan wainmaktinuitrume. Antsu atumi jii paseetmataikia, teenam pujawa nunisketrume. Atum waintrume nuka atumi nintijai nintimu wearme. Atumi ninti pengkeraitmataikia paan nintimratnuitrume. Antsu atumi jiingkia pengker ayat, atumi ninti paseetmataikia, atumsha teenam pujawa nunisrumek nintimuwearme. Atum tu nintimsaram pujakrumka, nekasrum timiá pasé pujarme,” Jesús timiayi.
23375	MAT 6:24	Nunia Jesús ataksha nuiniak: “Apu jimiar metek nintimtsuk pujuinaunka aints kichkisha umirkartatkama tujintinawai. Antsu kichnaka nakitak, kichan aneetnuitai. Tura kichkin umirak kichnaka pachischatnuitai. Tura asamtai atumka warinchu ainau aneakrumka, aya nuke aneetaram. Tura Yus aneakrumka, aya Yusek aneetaram. Antsu mai aneakrumka nuka yumtinuitai,” Jesús timiayi.
23376	MAT 6:25	Nunia Jesús ataksha nuiniak: “Tura asamtai tajarme: Warinak yuwataj, tura warinak umurtaj, tura warinak entsartaj tusaram, nuke nintimsarmeka pujusairap. Yus tuke iwiaaku pujustaram tusa, pujutan suramu asa, atumi yutairincha, tura atumi entsatirincha suramsatatrume.
23379	MAT 6:28	“Tura ¿warukaya atumi entsatiri pachisrum: Warinak entsartaj tusaram, nangkamrumsha nintimsarmesha pujarme? Yangkur ainau nangkamiar yangkurkar wajainau nintimrataram. Nuka takakminatsui. Tura uruchnasha kutaminatsui.
23386	MAT 7:1	Nunia Jesús ataksha nuiniak: “Yus wínaka wait wajaktiniun surusai tusaram, chikich aints pachisrum pasé chichakairap.
23391	MAT 7:6	“Nuniangka ataksha tajarme: Aints Yuse chichamen nakitinauka Yuse chichamengka ujakairap. Antsu nu aints ainau Yuse chichame ujaakrumningkia, nuka atumin kajertamkatnuitrume. Nu aints ainau yawaa kajeawa nunisarang ainawai. Yawaa kajeu yutan pengker aa nunaka suamaitiat, aintsun esaitas wakerawai. Tura Yuse chichamen antutan nakitinau kúchia nunisarang ainawai. Kúchi nintinchau asar, shaakun najarar tsuringmin ainawai. Tura asamtai kúchi ainau shaak akik aa nuka susashtinuitai,” Jesús timiayi.
23392	MAT 7:7	Nunia Jesús ataksha chichaak: “Aints warinak seamina nunaka juwinawai. Tura warinak eaina nunasha waininawai. Tura winájai tinaunaka waitin uratinawai. Tura asamtai tuke Yus seataram. Turakrumningkia atumi yuumamurmin suramsatnuitrume. Tura Yuse wakeramurin nekaatasrum wakerakrumningkia, Yuska nunasha nekamtikramatnuitrume. Tura Yus pujamunam jeatasrum wakerakrumningkia, Yuska waitin uratramtinuitrume.
23394	MAT 7:9	“Nusha nintimrataram. ¿Yaachia uchiri yaparak yurumkan seamaitiat kayan sua?
23397	MAT 7:12	“Aints ainau wína pengker awajtusarat tusaram nu wakerau asaram, atumsha nunisrumek chikich aints ainausha pengker awajsataram. Nu chichamnaka Moiséscha, tura yaanchuik Yuse chichame etserin puju armia nusha mash umiktaram tusar aararmiayi,” Jesús timiayi.
23398	MAT 7:13	Nunia Jesús ataksha chichaak: “Wikia ataksha tajarme: Yusnum pujustasrum wakerakrumka, waiti tuupchinam wayaataram. Waiti tuupich asamtai, aints ainau nuni wayaawar, jinta tsererchinam tuke iwiaaku pujustinnum weenauka untsurinchuitai. Antsu chikich waiti wangkaram asamtai, aints nuni wayaawar, tungkajin jintanam wait wajaktinnum jeartinka untsurintai,” timiayi.
23400	MAT 7:15	Nunia Jesús ataksha chichaak: “Wikia nunasha tajarme: Wait chichaman etserin ainau nangkamiar: Wikia Yuse chichamen etsernuitjai tinauka wina anangkruwai tusaram aneartaram. Nuka uwijaya nunisarang winitraminayat, yawaa kajeawa nunisarang atumin mestamrartas winitramiartinuitai.
23406	MAT 7:21	Nunia Jesús ataksha chichaak: “Wikia nunasha tajarme: Aints ainau nangkamiar: ‘Apurua, Apurua,’ turutinauka mash Yuse pujutirin nayaimpinmaka jeachartinuitai, antsu wina Apaachir nayaimpinam puja nuna wakeramurin najanin ainauka ni pujutirin jeartinuitai.
23409	MAT 7:24	Nunia Jesús ataksha chichaak: “Wikia nunasha tajarme. Aints wína chichamrun antuk, tura miatrusang umirtak pujauka aints jea jeamtan nekau nungka pisu amanum jea jeamkamua tumawaitai.
23431	MAT 8:17	Yuse chichame etserin Isaías yaanchuik chichaak: “Ii pimpirmaurincha tura ii najaimiamurincha ningki jurutramkimiaji,” tímia nuna umiktas Jesús aints ainaun tsuwarmiayi.
23451	MAT 9:3	Tamati Moisésa chichame nuikiartin ainau nu chichaman antukar napchau nintiminak: “¿Juka nangkami Yusetjai tumamtsuash? Nu titinka paseetai,” tu nintimrarmiayi.
23464	MAT 9:16	“Chikich chichamsha antuktaram: Wejmak arut jaankamtai, ju nungkanam aints kichkisha tarachin yamarman nujtuk aparchamnawaitai. Nu turamka nunia nijaram, yamaram tarach setur tuupich wajayi. Tura asa arutri chingkiana, nuna nangkamasang nukap jaankatnuitai.
23472	MAT 9:24	nu aints ainaun chicharak: —Mash jiinkitaram. Nuwachikia jakachi, antsu kanuri, —timiayi. Tamati aints ainau: “Nangkami tawai,” tusar wishikiarmiayi.
23487	MAT 10:1	Tura Jesús ni nuiniatiri doce (12) ainautin untsurmak: “Iwianchrintin jiirkiram akupkataram, tura sungkurintin ainausha, tura najaiminak pujuinausha mash tsuwartaram,” tusa ni kakarmarin suramsamiaji.
23491	MAT 10:5	Tura Jesús ni nuiniatiri doce (12) ainautin chichartamak: “Judíochu nungkarin wekaasairap. Tura Samaria yaktanmasha weerap.
23495	MAT 10:9	“Tura jinta weakrum, kuik engkearam jukirap. Kurisha, tura jiru kuikiasha jukirap.
23497	MAT 10:11	“Tura asaram chikich yaktanam werum: ¿Yaachia juni pengke nintintin puja? tusaram nekaataram. Tura nekaaram nu yaktanmasha pujusrum,