97	GEN 4:17	Caín nuwan nuwatkau asamtai, nuwari japrukmiayi. Tura uchirin jureramtai, naari Enoc inaikiamiayi. Ukunam Caín yaktama nu yaaktanka ni uchiri naarinak inaikiamiayi.
207	GEN 9:1	Yus Noén tura uchiri ainauncha pengker awajsatas chicharak: —Uchi yajutmakrum tura nawantrumraram nukap yujartaram.
253	GEN 10:18	arvadeo ainausha, zemareo ainausha, tura hamateo ainausha Canaánka weari armiayi. Ukunam Canaánka weari ainauka kanararmiayi.
258	GEN 10:23	Tura Arama uchiri ju armiayi: Uz, Hul, Geter tura Mas.
262	GEN 10:27	Adoram, Uzal, Dicla,
295	GEN 11:28	Tura ni apari Taré iwiaaku pujai, Haránka Caldea nungkanam akiinamia nuni yakat Ur tutainum jakamiayi.
298	GEN 11:31	Taréka yakat Urnum caldeo nungkanam pujus, nunia jiinki, Canaán nungkanam weak, uchiri Abraman, tura tirangki Lotan, tura najati Sarainasha ayamiayi. Antsu Canaánnumka jeatsuk, yakat Haránnum jear, nuni pujusarmiayi.
300	GEN 12:1	Abramka Ur yaktanam caldeo nungkanam pujamtai, Apu Yus Abrahaman chicharak: —Ami nungkarminia jiinkim, ami wearam ainau tura aparmi jeesha mash ukukim, chikich nungkanam wi inaktustatjame nuni weta.
318	GEN 12:19	Umaaruitai turutu asakmin, nuwarmin nuwatkataj tusan wakerukmajai. Pai, yamaikia nuwaram jukim weta, —timiayi.
368	GEN 15:7	Nunia Yus Abraman chicharak: —Wiitjai Juun Yusnaka. Tura asan caldeo nungkanam yakat Ur tutainum pujamin, ju nungka juka tuke aminu ati tusan nu nungkanmaya jiikmiajme, —timiayi.
403	GEN 17:5	Turatin asam, yamai nangkamsamka naarmeka Abramka achatatui, antsu Abraham atatui. (Abrahamka “Untsuri aintsu apari” taku tawai.)
416	GEN 17:18	Tura asa Yusen chicharak: —Uchir Ismaelka pengker awajsata. ¿Nu maakchaukai? —timiayi.
470	GEN 19:12	Nunia ni ipiaamuri Lotan chicharinak: —¿Ami wearmesha ju yaktanmasha iruninawak? ¿Uchiram tura nawantrumsha tura awemsha juni pujuinauka, kame, ami wearam ainausha mash jukim ju yaktanmaya jiikta.
475	GEN 19:17	Tura chicharinak: —Uwemratasam wakerakmeka muranam wári tupikiakta. Antsu pajasam jiisaip, —tiarmiayi.
498	GEN 20:2	Tura Abrahamka nuni pujus, ni nuwari Saran pachis: Juka wina umaaruitai tau asamtai, Gerarnumia apu Abimelec naartin Saran nuwatkatas: —Utitaram —tusa inatirin akupkamiayi.
509	GEN 20:13	Tura Yus: Ame nungkarminia jiinkita turutin asamtai, Saran chicharkun: Ii tuning jeataij nuningkia wina pachitsam: Umaaruitai turuttia tusan timiajai, —Abraham timiayi.
512	GEN 20:16	Tura Saran chicharak: —Umaimin suaja nuka mil kuikian jea nuna nangkamnak suajai. Tura nujai mash aints amijai pujuina nuka amin pachitmasarka pase chichartakacharmin ainawai, —timiayi.
530	GEN 21:16	Tura uchin ukuki, jumchik wekaas: Uchir jaun jiitnaka nakitajai tu nintimias keemsamiayi. Tusa pujai uchiri juutmiayi.
532	GEN 21:18	Uchi inankim jukim, uwejen achikiam pengké akupkaip. Wikia uchirmin nukap yujratnuitjai —tusa,
556	GEN 22:8	Abraham ayaak: —Uchiru, oveja ii maatniunka Yus inakturmastatji, —timiayi.
560	GEN 22:12	Tama Yuse awemamuri chicharak: —Uchirmeka maatsuk asata. Uchiram kichik au wainiatum suritrukchau asakmin, Yus nekas umirkawaitme tusan nekajme, —timiayi.
564	GEN 22:16	—Apu Yus chichartamak: Wikia Yus asan, nekasan tajame: Uchiram kichik aa nuka suritrukchau asakmin,
568	GEN 22:20	Abraham Beersebanam pujus, ni yachi Nacora nuwari, Milca naartin, ocho uchin jureri tamaun antukmiayi. Nu uchi naari nu ainawai: Uz, Buz, tura Kemuel. Kemuelka Arama apari ayayi. Tura nunia akiinawaruka nu ainawai: Quesed, Hazo, Pildas, Jidlaf, tura Betuel.
597	GEN 24:5	Tamati inatiri ayaak: —¿Antsu nuwa ami wearmi nungkarinia wijai winitan nakitamtaikia, itiurkatjak? ¿Uchirmincha ami wearmi nungkarincha ayatjash? —tu iniam,
660	GEN 25:1	Ukunam Abraham chikich nuwan, Cetura naartiniun nuwatkamiayi.
684	GEN 25:25	Turamtai eemak jiinkimia nuka shaarmayayi. Uranchmiari kapantin asamtai, ni naari Esaú inaikiarmiayi.
686	GEN 25:27	Uchi mai tsakararmiayi. Esaúka nangkami wekainuyayi. Tura pengker tukuu ayayi. Antsu Jacobka nuna nakitak jean pujustas wakerinuyayi.
692	GEN 25:33	Tamati Jacob chicharak: —Watska, yamaik Yus wainmaunum: Ukunam winar atinua nuka yamaikia mash aminuitai tajame tita, —timiayi. Tamati Esaúka eemak akiinayat: —Ayu, nuna Yusjai tajame —timiayi. Tu tinu asamtai nukap arus niinu atinua nuka mash Jacobnau ati —tusa timiayi.
729	GEN 27:1	Isaac nekas juuntach wajasu asamtai, jiisha kusurmiayi. Tura chikich kintati uchiri eemkaurin: Uchiru Esaúwa, —tusa untsukmiayi. Tamati Esaú ayaak: —Apaachia, ¿warinme? —timiayi.
741	GEN 27:13	Tamaitiat nukuri ayaak: —Uchiru, shamkaip. Amin pase chichartamkamtaikia, nuka winii juwakti. Turatin asamtai, wi tajame nuke turata, tura chivo uchiri jimiar itartita, —timiayi.
749	GEN 27:21	Tamaitiat Isaac chicharak: —Uchiru, ayaamkata. ¿Nekasmek Esaúwaitam? tusan takastasan wakerajme. Tura takasan nekaatjai —timiayi.
753	GEN 27:25	Tamati apari chicharak: Uchiru, ame kuntin maam inarkam itaame nuka surusta. Yuwatjai, tura tutuaran pengker awajsatjame —timiayi. Tamati Jacob yutain tura vinoncha susamiayi. Turamtai Isaac yutan yuwa, tura umutincha umur,
765	GEN 27:37	Tamaitiat Isaac ayaak: —Uchiru, nintimrata. Ameka eemkam akiinamiame wainiatun, wina angkruau asamtai, yachim amin inatmarti tusan, tura ami wearam ainau mash ni inatiri wajasarti timiajai. Tura ni ajarnia trigon tura vinoncha nukap juukti tinu asan, uchiru, ¿amincha yamai warí titajmek? —timiayi.
809	GEN 29:13	Tura ujakam, Labánka: Umaimi uchiri Jacob tayi tamaun antuk, winita titas wári ni jeenia jiinki, yumi taimunam wemiayi. Tura ingkiunik minakas, yapin mejeas ni jeen jukimiayi. Tura jeanam jea Jacobka ni wekaasamurin mash ujakmiayi.
833	GEN 30:2	Tamati Jacob Raquelan kajerak: —¿Warí, wi Yuskaitaj? ¿Uchin jerechu awajtamsauka Yuskechukai? —timiayi.
839	GEN 30:8	Raquel chichaak: —Uchin jerechu asan, kairjai nekapnaisamunam kairun nepetkajai —tusa uchi naari Neftali ati tusa inaikiamiayi.
846	GEN 30:15	Tamaitiat Lea ayaak: —¿Warí, aishruka atantrukmiame nuka maakchaukai? ¿Turayatmek yamaisha mandrágora ainaun uchir surusma nusha atantruktaj tamek? —timiayi. Tamati Raquel chicharak: —Uchiram mandrágoran itarma nuka surusakminkia, arum kashi Jacob amijai kanurtatui, —timiayi.
847	GEN 30:16	Tama Lea ayu timiau asa, Jacob kiarai takatnumia taamtai, Lea jintá ingkiunik Jacobon chicharak: —Uchir mandrágora ainaun itartimia nujai sumakjame, —timiayi. Tama nu kashi Jacob Leajai kanurmiayi.
848	GEN 30:17	Tura Leaka Yusen seak: —Uchi surusta —timiayi. Tura Yus nu seamun anturkau asamtai, Lea uchin Jacobnaun jerermiayi. Nujaingkia Lea uchiri cinco armiayi.
854	GEN 30:23	Tura asamtai uchi eemkaurin jerer chichaak: —Uchin jerechu asan, natsanmamin ayaja nunaka Yus japrutayi —timiayi.
1069	GEN 36:28	Disánka uchirisha Uz tura Arán armiayi.
1129	GEN 38:9	Tamaitiat Onán: —Uchi akiinawartin ainauka winaruchu artinuitai —tusa, nuna nekau asa, wikia japrumtikiashtatjai tusa, wajerijai kanaksha yajá turamiayi.
1146	GEN 38:26	Tamati Judánam wearamtai, Judá ni susamu ainaun nekaa chichaak: —Najatur wina nangkatuk pengkeraitai. Uchirjai nuweemtikiachmau asa aitkarayi, —timiayi. Nunia nijai ataksha pengké kanurchamiayi.
1182	GEN 40:9	Tamati faraónka amutirin suuka Josén ujaak: —Uva naekrin tresan wainkajai. Tura nu naeknumak uva yangkurkar nunia arumak nerekar tsamainaun wainkamjai.
1291	GEN 42:38	Tamaitiat Jacob ayaak: —Uchir Benjaminnaka pengké akupkashtatjai. José jakau asamtai, ningki juwakuitai. Jinta weamunam uchir mengkatrukakrumningkia, wi juuntach asan, timiá wake mesekan jakatatjai. Antsu atumka wiasmamkatnuitrume, —timiayi.
1368	GEN 45:9	Tura asamtai wári aparu pujutirin waketkiram, tu ujaakrum: Uchiram José chichaman akupturmak: Yus winaka ejiptonmaya ainau mash inarta tusa pujtusmiayi. Tura asamtai mengkatsuk wári jiiriti turammayi, tusaram ujatruktaram, —timiayi.
1450	GEN 47:29	Nunia chikich kintati jakamin nekapeak: Wári jakashtajash, tu nintimias: José wári tati tusa chichaman akuptukmiayi. Tura José taamtai niin chicharak: —Uchiru, nekasam wina pengker nintimturkumka uwejem wina makurun weakam: Ame seatme nuna nekasan umirkatjame, Yusjai tajame, turuttia.
1454	GEN 48:2	Tura jeamtai Jacobon ujainak: —Uchiram José jiirmastas tayi, —tinamtai Jacob jaak tepayat nantaki keemsamiayi.
1482	GEN 49:8	Tura Judán chicharak: —Uchir Judáya, ami yachim ainauka amin pengker awajtamin ainawai. Tura nemasem ainau nepetkam, aints suwenam achiawa nunisketme. Ameka juun yawaa uchiria tumawaitme. Nuka kuntinun achik maa, juun yawaaya tumau namangken yuwa tutuar ayamak tepawa nunismek amesha ayamratnuitme. ¿Yáki amin itit awajtamin at?
1494	GEN 49:20	Tura Aseran chicharak: —Uchiru, ami yutairmikia nukap atinuitai. Tura aints ainaun ipiaakminkia, apu yutairia nunisang ati tusam yutainka susatnuitme, —timiayi.
1496	GEN 49:22	Tura Josén chicharak: —Uchiru, ame numi entsa yantamen araamua nuka nukap nerektinua nunisketme. Numi timiá nerek wajawa nuna kanawe wenurmaunum patasu asa kupikchatnuitai.
1501	GEN 49:27	Nunia Benjaminkan chicharak: —Uchiru, ameka pachim yukartinua nunisketme. Yukartinka kashik kuntinun maa nanmangken yuwatnuitai. Tura angkuanmatai ampintrau ainau chikich ainau jukiarti tusa akanturtinuitai, —Israel —timiayi.
13951	PSA 2:2	Mash nungkanmaya apu ainau aintsun inau ainaujai kaunkar Yus ni Uchirin: Apu ati tusa akupkamu waininayat kajerinawai.
14029	PSA 8:8	Uwija ainau tura waaka ainausha tura pachim ainausha,
14254	PSA 23:2	Uwijan wainin ni uwijarin chirichrin yuwarat tusa weka wekaaka ayamsarti tusa, nunia mikinnum juwawa nunisang wina Apursha winasha ayamtikrurtinuitai. Tura yumin umurarat tusa, uwija wainin ni uwijarin entsa miaakunam juwawa nunisang wina Apurka yuumamurnasha surustinuitai.
14273	PSA 25:5	Wina Yusur asam, tura wina Uwemtikrurtin asam, ami chichamim nekas aa nu nuiturta. Kintajai metek amin nintimtajme.
14325	PSA 28:9	Apuru ami aintsrum ainautinka uwemtikiartukta, tura pengker awajkartusta. Uwija wainin ni uwijarin tenapkes wainua nunismek iincha waitkratkata. Tura uwija wainin uwija uchirin minakas juwawa nunismek tuke iincha jukartukta.
14419	PSA 34:12	Uchir ainautiram, wini winiram anturtitaram. Itiur ii Yusri pengker awajsatnuitji tusan, atumin nuiniartasan wakerajrume.
14694	PSA 49:15	Aints miajuitjai tumamin ainau kakarmaringkia yaitas mengkawai. Tura asar tuke iwiarnastinnum jeainawai. Uwija wainin ni uwijarin achik juwawa nunisang jataka nu aints ainaunka achiktinuitai. Tura asamtai ukunam pengke aints ainau jakamunmaya nantakiar, nu pasé aints ainaun inarartin ainawai.
14798	PSA 56:3	Kintajai metek wina papeetinawai. Untsuri aints miajuitjai tusar, wina nepetukartas wakerutinawai.
15171	PSA 77:21	Uwija wainin ni uwijarin ayas wekaamtikua nunismek ami aintsrum ainau wekaamtiksarti tusam, Moisés tura Aarónsha inarmiame.
15606	PSA 102:19	Ukunam akiinawartin ainausha ii Apurin warartusarti tusar ju chichamka aarmau atinuitai.
16312	PSA 139:5	Ame wina eemkim tura ukurninisha pujurtame. Uwejmijaisha wina takarme.
16478	PRO 1:8	Uchiru, aparmi chicharkatamauri antukta. Turasha nukuru nuikiartamuringkia pachiatsjai tiip.
16480	PRO 1:10	Uchiru, pase aints ainau amin anangkraminak: Iin pachinkata. Iikia anumkar aints anearchau wekaamtai, nu maar waa taimunam ajuarar, nunia yukuarar ukuktatji, tinawai.
16504	PRO 2:1	Uchiru, wi tajame nu antukam, wina umirtuktin chichamsha kajinmatsuk aneakmeka, tura paan nintimratasam wakerakmeka, turasha pengker aa nu nekatasam wakerakmeka,
16526	PRO 3:1	Uchiru, wi akupamurun unuiniajme nu kajinmatsuk tuke nintimin ukusta.
16536	PRO 3:11	Uchiru, aints ni uchirin aneau asa, pengke aints ati tusa, wait wajaktinun susatnuitai. Tura asamtai, uchiru, Apuram amin anenmau asa, wait wajaktinun suramsamtaisha nuka nakitraip.
16546	PRO 3:21	Uchiru, paan nintimram nintip wajasta. Kame, pengker aa nu jiisam, tura tunausha jiisam, warí pengkeraita tura warí pengkerchawaita tusam nintimrata.
16561	PRO 4:1	Uchitiram, wina chichamur pengker nintimsaram anturtuktaram. Nu antukrumka paan nintimin atinuitrume.
16588	PRO 5:1	Uchiru, wikia paan nintimratniunka nuiniajme nuka tenapkesam nintimram antukta.
16611	PRO 6:1	Uchiru, ami irutkamuram chichartamak: Wikia tumashitjai. Antsu akiimiakchamin asamtai, ukunam akikmijinam tusan, ame tumaashruka akiimiaktrukta tamataikia,
16630	PRO 6:20	Uchiru, wina chichamur umirkam, nukuram nuitamramia nusha kajinmatkiip.
16646	PRO 7:1	Uchiru, ameka wina chichamur umikta, tura nintimin ukusta.
16727	PRO 10:1	Uchi pengkerka aparin waramtikui. Antsu uchi nintinchauka nukurin wake mesemtikui.
16818	PRO 13:1	Uchi nintimuka ni apari chicharam antuktinuitai. Antsu wishikiartinka chikich aints chicharmasha pachiatsui.
16882	PRO 15:5	Uchi netse apari chichamen antutan nakitawai. Antsu chikich uchi ni apari chichamen pengker antuk umirua nuka nekas nintipitai.
16897	PRO 15:20	Uchi nintimniuka ni aparin waramtikui. Tura uchi nintimchauka nukurin waramtiktsui.
16964	PRO 17:21	Uchi netseka aparin wake mesemtikniayi. Uchi nintinchau pujamtaikia, apari wararsashtinuitai.
16968	PRO 17:25	Uchi netseka aparin kajkatnuitai. Turamtai nukuri: Nu uchinka wikia nangkamin jerermiajai titinuitai.
17008	PRO 19:13	Uchi nintinchauka aparin wake mesemtikui. Tura nuwa katsekmin kichkitiat itit awajkartinua nunisketai.
17009	PRO 19:14	Uchirtin ainauka ni uchirin jeancha, tura kuikiancha susartin ainawai. Antsu nuwa pengker nintinniuka Yusnumiayaintai.
17013	PRO 19:18	Uchiram anturtamchamtaikia chicharkata. Tura mesrai tu nintaimsam waurtsuk turata.
17022	PRO 19:27	Uchiru, wi chicharkartamur antutsuk pujakmeka, nekatai chichamka nuimiarchatnuitme.
17025	PRO 20:1	Umuti kariau aina nuna aints ainau uminakka, nampekar pase chichau ainawai. Nunia natsamchau ainawai. Aints nampek pujakka, paanka nintimrachminuitai.
17035	PRO 20:11	Uchi umiu tura pengker nintiniuka yáki tusar ni turamurijai paan nekamawartin ainawai.
17091	PRO 22:6	Uchi pengker pujusti tusam nuiniarta. Tura nunia juunmar ame chicharkamurmin pengké kajinmakchatnuitai.
17100	PRO 22:15	Uchi nintimchau chichaman antutan nakitau asamtai, jumchik awatratnuitai. Tura asamtai paan nintimiar tunau turutin inaisatnuitai.
17127	PRO 23:13	Uchi chicharkatniuka inaisaip. Uchi jumchik awatramka jakashtatui. Kame, antukat tusam awatramka, Yusen umirak pujus tuke jakatniunam wetsuk uwemtikratnuitme.
17129	PRO 23:15	Uchiru, ame paan nintimramka, winasha nukap waramtikrame.
17133	PRO 23:19	Uchiru, anturtukta turakum pengker nuimiarta. Tura jinta Yusnum jeatniunam tuke wekasata.
17140	PRO 23:26	Uchiru, wina tuke nintimtursata, tura wi turaja nu jiista.
17145	PRO 23:31	Umutai nampetai ainaun tenapkesan jiistaj tiip. ¿Warí, yarakmasha timiá kapanniuchukai? ¿Tura shiirmachukai? ¿Nuna umuran suwerka nekas tsuwer jakchatpiash? tiip.
17162	PRO 24:13	Uchiru, wapasa yumiri mukunata. Wapasa jee jukimka, nuka nekas yuminuitai tusam nekapsatnuitme.
17170	PRO 24:21	Uchiru, Apu Yus tura aintsu apurisha umirkata. Tura ni chichamen umirtan nakitin ainaujai pachinkaip.
17197	PRO 25:14	Aints nangkami waitrak: Ukunam susamjinam tayat, sutsuk puja nuka nase nasentak kintuim, yumi jitutsuk pujaa nunisketai.
17213	PRO 26:2	Chingki tura chinim nangkami juni we tura atu we: ¿Tuning wetaj? tusa nintimtsui. Tura aints chikich aintsun tichamin ayat: Usukiajme ta nuka nangkami tawai.
17250	PRO 27:11	Uchiru, nekau ata. Turakmeka waramtikrustinuitme. Tura asakmin wina pase chichartin ainaunka natsamtsuk aimkatnuitjai.
17270	PRO 28:4	Umiktin chichaman umirchau ainauka pase aintsun pachisar: Nuke pengkeraitai tinawai. Antsu umiktin chichaman umirinauka pase aints ainaun kiishmakartin ainawai.