661	GEN 25:2	Nuna uchiri ju armiayi: Zimram, Jocsán, Medán, Madián, Isbac, tura Súa, juke armiayi.
684	GEN 25:25	Turamtai eemak jiinkimia nuka shaarmayayi. Uranchmiari kapantin asamtai, ni naari Esaú inaikiarmiayi.
686	GEN 25:27	Uchi mai tsakararmiayi. Esaúka nangkami wekainuyayi. Tura pengker tukuu ayayi. Antsu Jacobka nuna nakitak jean pujustas wakerinuyayi.
687	GEN 25:28	Esaúka kuntinun untsuri tukuu asamtai, Isaac nukap aneenuyayi. Antsu Rebeca Jacobon timiá aneenuyayi.
688	GEN 25:29	Chikich kintati Jacob yutain inarak pujai, Esaú nangkami wekajutas weyat, kuntinun waintsuk taa, Jacob masamrua pujaun wainkau asa,
689	GEN 25:30	chicharak: —Chua, ushurjai pimpikin jaajai. Wait aneasam yutai kapantakun painkame nu surusta, —timiayi. Kame, Esaú yutai kapantakun yuwamia nuna pachis chikich naari Edom tutai inaikiaruitai. (Edom taa nuka kapantin taku tawai.)
691	GEN 25:32	Tamati Esaú yachiin chicharak: —¿Warí, tsukajai timiá wait wajaknasha nukap arusan jukitnuitja nuka yamaikia itiurak yainkat? —timiayi.
692	GEN 25:33	Tamati Jacob chicharak: —Watska, yamaik Yus wainmaunum: Ukunam winar atinua nuka yamaikia mash aminuitai tajame tita, —timiayi. Tamati Esaúka eemak akiinayat: —Ayu, nuna Yusjai tajame —timiayi. Tu tinu asamtai nukap arus niinu atinua nuka mash Jacobnau ati —tusa timiayi.
728	GEN 26:35	Turamtaii nu jimiar nuwaka Esaú apari Isaackan tura nukuri Rebecancha katsuram nintimtikrarmiayi.
729	GEN 27:1	Isaac nekas juuntach wajasu asamtai, jiisha kusurmiayi. Tura chikich kintati uchiri eemkaurin: Uchiru Esaúwa, —tusa untsukmiayi. Tamati Esaú ayaak: —Apaachia, ¿warinme? —timiayi.
733	GEN 27:5	Tura Isaac Esaún aujak pujai, Rebeca anumak antukmiayi. Tura asa Esaú kuntinun eaktas weamtai,
740	GEN 27:12	Apar wina achirak: Esaúchawaitme tusa nekaratatui. Tura chichartak: Wishikrurtasmek aitkaram tusa, pengkerka awajtsuk usukrurtatui, —timiayi.
743	GEN 27:15	Nunia Esaú wejmakrin timiá pengker amia nuna juki, Jacobon antsramiayi.
747	GEN 27:19	Tu iniam Jacob anangkak: —Wiitjai, Esaúwaitjai. Wiyaa akiinamiaja nuwaitjai. Ame turutmame nunaka timiatrusnak umisjai. Wait aneasam, nantakim, keemsam kuntinun maan inarkan itarjame ju yuwata. Tura yuta umisam Yus seam, pengker awajtusta, —timiayi.
749	GEN 27:21	Tamaitiat Isaac chicharak: —Uchiru, ayaamkata. ¿Nekasmek Esaúwaitam? tusan takastasan wakerajme. Tura takasan nekaatjai —timiayi.
750	GEN 27:22	Tamati Jacob aparin takaras jiiras nekarat tusa yaamkamiayi. Tura Isaac Jacobon takas chichaak: —chichameka Jacobo chichamea tumawaitai, antsu kunturmeka Esaú kunturijai metekaitai —timiayi.
751	GEN 27:23	Tura Esaú kunturijai metek urentin asamtai, Esaúchawaitai tusa nekaachmiayi. Turayat Yus uchirin pengker awajsati tusa Yusen seatas,
752	GEN 27:24	ataksha iniak: —Maj, ¿nekasmek Esaúkaitam? —tu iniam Jacob waitrak: —Ja ai, wiitjai, Esaúwaitjai —timiayi.
758	GEN 27:30	Yus yainmakti tusa Isaac Jacobon tu chichasmiayi. Tura Yus seatim Jacob jiinai, Esaúsha kuntinun mau asa tamiayi.
760	GEN 27:32	Tamaitiat apari iniak: —¿Amesha yaachitme? —timiayi. Tu iniam ni aimiak: —Wiitjai, Esaúwaitjai, wiyaa akiinamiaja nuwaitjai, —timiayi.
761	GEN 27:33	Tamati Isaac nuna antuk napchau nintimias Esaún iniak: —Maj, ¿painkamun itartimia nusha yaachiayi? Ame taatsmining nuna yuwan umisan Yusen sean: Yus pengker awajtamsati timiajai. Tura Yusjai tajame tinu asan, nu pengker awajsamun yaunchuk jukiyi, —timiayi.
764	GEN 27:36	Tamati Esaú ayaak: —Maj, yamaikia jujaingkia jimiaran anangkruayi. Nuiksha wi eemkauri au wainiat, eemkaurinu atiniun atantruk, yamaisha ame winaka pengker awajtustincha atantruki. ¡Naari Jacob inaikiamuka timiá nekasketai! ¿Antsu winaka pengker awajsatniuka kichkiksha pengké atsawak? —timiayi.
766	GEN 27:38	Tamati Esaú kakar juutak: —¿Antsu, apaachi, wina pengker awajtursatniuka kichkiksha atsawak? Winasha pengker awajtusta, —timiayi.
769	GEN 27:41	Isaac Jacobon pengker awajsau asamtai, Esaú yachiin kajerak suwirpiaku jiismiayi. Tura nintimias: Apar jakatin kintia jeatak wajasi. Tura jakamtai yatsurun maatatjai —timiayi.
774	GEN 27:46	Nuniangka Rebeca Isaackan chicharak: —Hitita nawantrin Esaú nuwatkamia nuna nakitau asan, pengkerka pujuschamin nekapeajai. Tura asan Jacobka juni pujus, Canaán nungkanmaya nuwan nuwatkamtaikia, wake mesekan jakamin nintimratnuitjai —timiayi.
779	GEN 28:5	Nuna tusa Isaac Jacobon Padan-aramnum akupkamiayi. Akupkamu asa Labán pujamunam wemiayi. Labánka Aramnumia aints Betuel naartinu uchiri ayayi. Tura Rebeca umaji ayayi. Tura Rebecaka Jacobo tura Esaúwa nukuriyayi.
780	GEN 28:6	Tura Isaac Jacobon pengker awajak: —Canaán nungkanmaya nuwan nuwatsuk, Padan-aramnum weme, nunia nuwa nuwatkata tusa akupkamun Esaú antukmiayi.
782	GEN 28:8	Tura asamtai Esaúka: Aparka Canaánnumia nuwanka nakitawapi tu nintimias,
783	GEN 28:9	Abrahama uchiri Ismael pujamunam we, Ismaela nawantrin Mahalatan nuwatkamiayi. Nuka Nebaiota umaji ayayi. Kame, Esaúka Mahalatan nuwatak, chikich jimiar nuwa iruniarmia nujai apatkamiayi.
868	GEN 30:37	Tura asa álamo numi kanawen charuk, tura almendro numi kanawencha charuk, tura castanio numi kanawencha charuk, pújuri jiintrati tusa tseret pakarmiayi.
932	GEN 32:4	Nunia Jacob ni inatiri ainaun akatar akupak: —Yatsur Esaú Seir nungkanam Edomnum pujamunam werum, yachim winawai tusaram ujaktaram. Tura chichaakrum: Yachim Jacob chichaman akupturmak: Jiichur Labánjai untsuri musach pujusan, yamaikia inatiram atasan waketkin winajai.
935	GEN 32:7	Tamati nu chichaman jukiar, Esaúnum jeariar ujakarmiayi. Tura ataksha tariar Jacobon ujainak: —Ame timiame nunisrik Esaúka ujakmaji. Turam yamaikia amin ingkungmaktas ni aintsri cuatrocientos yaruak, nujai winitramui —tiarmiayi.
936	GEN 32:8	Tura ujainam Jacob yachiin shamak napchau nintimias, ni aintsri ainaun jimia apatuk akanak ovejarincha, vacarincha, tura camellorincha jimia apatuk akankamiayi. Tura: Esaúkichik akankamun juamtai, chikich akankamuka tupikiakchatpiash tu nintimramiayi.
942	GEN 32:14	Tura nu kashi Jacob nuni kanur tsawaar, doscientas cabras, veinte chivos, doscientas ovejas, veinte carneros, nunia treinta camellos nuwari uchin yamai jererun uchirtuk, nunia vaca ainaun cuarenta, nunia vaca uchiri aishmang ainaun diez, nunia burras veinte, tura burro ainaun diez ni yachi Esaún susataj tusa akankamiayi.
946	GEN 32:18	Tura eemak akupamurin inatirin chicharak: —Yatsur Esaú ingkuakmeka, chichartamak: ¿Yana inatirinme? ¿Turasha tua weame? ¿Ju tangku ainau yaruakam winame jusha yanawaita? turamataikia:
947	GEN 32:19	Apuru Esaúwa, juka inatiram Jacobnawaitai. Ningka ukunam winak: Ju ainau jukirum eemtikiaram, nangkamrum wina yatsur susataram turutmayi tita, —tusa akupkamiayi.
948	GEN 32:20	Tura chikich inatiri ainauncha akatar akupak: —Atumsha yatsur Esaújai ingkunikrumsha, nuke titaram.
962	GEN 33:1	Jacob nunia pangkai jiimkama, Esaú cuatrocientos aintsrijai wininaun wainak, Leancha ni uchiri ainaujai, tura Raquelnasha ni uchiri ainaujai, tura ni inatiri jimiaran ni uchiri ainaujai akantramiayi. Tura inatiri jimiar ni uchiri ainaujai eemtikramiayi. Nunia nuna ukurin Lean ni uchiri ainaujai awajsamiayi. Nunia nuna ukurin Raquelnasha ni uchiri Joséjai awajsamiayi.
965	GEN 33:4	Turamtai Esaú wári tari Jacobon minakas mejeasmiayi. Tura mai metek juutiarmiayi.
966	GEN 33:5	Nuniasha Esaú nuwa ainaun uchirijai wajainaun wainak: —¿Jusha yaa ainawa? —tu iniam Jacob ayaak: —Ami inatirmin Yus susamu ainawai, —timiayi.
968	GEN 33:7	Tura Leasha ni uchiri ainaujai nunisarang turawarmiayi. Tura inangnamunam José ni nukuri Raqueljai nunisarang Esaún tsuntsumruawarmiayi.
969	GEN 33:8	Tura Esaú pangkai jiis yachiin iniak: ¿Jinta winakun tangku ainaun timiá untsuri wainkamja nusha itur nintimsamea aitkamame? —tama Jacob ayaak: —Pengker nintimtikran amin amastasan aitkamjai, —timiayi.
970	GEN 33:9	Tamaitiat Esaú chicharak: —Atsa, yatsuru, winarusha untsuriyaintai. Aminu aina nuka tuke aminuk arti, —timiayi.
972	GEN 33:11	Yus wina tangkur ainaun nukap yujrau asamtai, wikia yuumatsuk pujajai. Tura asamtai wait aneasam, wi itiarjame nuka jurumkita —timiayi. Tama tama Esaú ayu timiayi.
976	GEN 33:15	Tamati Esaú yachiin chicharak: —Antsu wina nemarinauka amin yainmakarti tusan ukurkitjame, —timiayi. Tamaitiat Jacob ayaak: —Wait aneasam, nuka turuwaip. Nunaka yuumatsjai, —timiayi.
977	GEN 33:16	Tamati Esaú nu kintati Seirnum waketkimiayi.
1013	GEN 35:1	Nunia Yus Jacobon chicharak: —Yamaikia junia jiinkim, Betelnum weme nuni pujusta. Yachim Esaú shamakum weaamin wantintukmiajme nuni wina maaketai turuttia. Tura asam tangku epetin najanata, —timiayi.
1040	GEN 35:28	Isaacka juuntach wajas, ni kintari jeamtai, ciento ochenta musachrintin jakamiayi. Tura jakamtai ni uchiri Esaú Jacobjai iwiarsarmiayi.
1042	GEN 36:1	Esaú, chikich naari Edom Canaán nungkanmaya nawantrin nuwatkamia nuka ju ainawai: Hitita aints Elón naartinu nawantri Ada, tura chikich aints Aná naartinu nawantri Aholibama. Nuka heveo aints Zebeón naartinu tirangki ayayi.
1045	GEN 36:4	Esaú uchiri Adanam yajutmarmia nuka Elifaz ayayi. Tura Besematka ni uchirin Reuel naartinun jerermiayi.
1046	GEN 36:5	Tura Aholibama ni uchiri ainaun Jeús, Jaalam tura Coré jerermiayi. Esaú Canaán nungkanam pujamtai, nu uchi ainauka nuni akiinawarmiayi.
1047	GEN 36:6	Ni yachi Jacobjai kanaktaj tusa, Esaú ni nuwari ainaun, tura uchiri nunia nawantri ainauncha, tura ni jeen pujuinauncha, tura tangkuri ainauncha tura Canaán nungkanam pujus, waririn takakuya nuna mash yaruak, mura Seir tutainum wemiayi. Kame, mai metek timiá untsuri tangkurtin asar, tangku ainau yuwatniurisha jeachuyayi. Tura nuna nangkamaska nungka angkan atsuyayi. Tura asamtai tsaniasar pujustatkamawar tujinkarmiayi.
1050	GEN 36:9	Esaú edomita ainau apachri ayayi. Nu aints ainau mura Seir tutainum puju armiayi.
1051	GEN 36:10	Kame, Esaú uchiri naari ju ainawai: Esaú uchiri Adanam yajutmarmia nuka Elifaz ayayi. Tura Basematnum yajutmarmia nuka Reuel ayayi.
1053	GEN 36:12	Tura Elifazka chikich nuwan apatkamia nuna naari Timna ayayi. Nuka uchin jerer, Amalec inaikiamiayi. Nuka Esaú nuwari Ada naartinu tirangki ayayi.
1054	GEN 36:13	Tura Reuela uchiri ju armiayi: Nahat, Zera, Sama tura Miza. Kame, nusha Esaú nuwari Basemata tirangki armiayi.
1055	GEN 36:14	Esaú chikich nuwari Aholibama uchiri ju armiayi: Jeús, Jaalam tura Coré. Aholibamaka Aná nawantri ayayi. Tura Zibeónka tirangki ayayi.
1056	GEN 36:15	Esaú weari apu naamkaru ju armiayi: Esaú uchiri eemkauri Elifaz naartinu weari ainauka Temán, Omar, Zefo, tura Cenaz,
1058	GEN 36:17	Tura Esaú uchiri Reuel naartinu uchiri ainausha aintsu apuri armiayi. Ni naaringkia ju ainawai: Nahat, Zera, Sama, tura Miza. Nuka mash Reuela uchiri apu naamkaru armiayi. Tura nusha Edom nungkanam pujusar, Basemata tirangki armiayi.
1059	GEN 36:18	Tura Aná nawantri Aholibama naartin Esaú nuwatkamia nuna uchirisha aintsu apuri wajasarmia nuka ju armiayi: Jeús, Jaalam tura Coré.
1060	GEN 36:19	Nuka mash Esaú weari amiayi. Esaú chikich naaringkia Edom amiayi. Kame, nuka mash aintsu apuri armiayi.
1078	GEN 36:37	Tura Samla jakamtai, aints Saúl naartin apu naamkamiayi. Nuka yakat Rehobot tutainumia aintsuyayi. Nu yaktaka entsa ayaamas ayayi.
1079	GEN 36:38	Tura Saúl jakamtai, Acbora uchiri Baal-hanán apu naamkamiayi.
1081	GEN 36:40	Esaú weari ni nungkari ainau naarisha ju ainawai: Timna, Alva, Jetet,
1084	GEN 36:43	Magdiel, tura Iram. Esaú chikich naari Edom tutai amiayi. Kame, nu aints ainauka Edom nungkanam apu naamkaru armiayi. Tura ni yaktari naarisha mash inaikiamu ainawai.
1131	GEN 38:11	Yus turamtai, Judáka najati Tamaran chicharak: —Aparmi jeen weme, nuni nakasta. Tura uchir Sela tsakar nuwatramkati, —timiayi. Tamati Tamarka apari jeen pujustas wemiayi. Antsu Júdaka ningki nintimias: Selaka nekas ni yachi ainau jakarmia nunisang jakamnawaitai, tu nintimramiayi.
1132	GEN 38:12	Nukap arus Judá nuwari Súa nanwantri amia nuka jakamiayi. Tura jikiamtan nutsuru asa, Timnat yaktanam ni ovejari uren awartin ainau pujuinamunam ni amikri adulamita aints Hira naartinjai wemiayi.
1189	GEN 40:16	Tura José apu amutirin suu karamramurin nekas pengker nekaamtai, pangkan najannusha niin chicharak: —Wikia mesekramkun tres changkinnum pang púju chumpiamun muukrun ekentsaun wainkamjai.
1281	GEN 42:28	Tura wainak ni yachii ainaun mash ujak: Jiistaram, kuikiarnaka awangturkiari, costalnum engketun wainkajai, —timiayi. Tamati mash sapijmiakar kúra kúra wajainak: —¿Yuska junasha warukamtai jutikrama? —tunaij wajarmiayi.
1396	GEN 46:9	tura Rubénka uchiri Hanoc, Falú, Hezrón, tura Carmi.
1397	GEN 46:10	Simeónka uchiri ju armiayi: Jemuel, Jamín, Ohad, Jaquín, Zohar, tura Saúl. Nu Saúlka nukuri Canaánnumia nuwa ayayi.
1400	GEN 46:13	Isacara uchiri ju armiayi: Tola, Fúa, Job tura Simrón.
1404	GEN 46:17	Tura Asera uchiri ju armiayi: Imna, Isúa, Isúi tura Bería, tura nuna umaji Sera naartin. Bería uchiri jimiar armia nuka Heber tura Malquiel armiayi.
14307	PSA 27:5	Itiurkachminum pujamtaisha wina Apurka winaka ejarkatnuitai. Tura ni jeen jeamtaisha winaka pengker nintimtursatnuitai. Wina Apurka tuke pujú asa, pampa nunisketai. Tumau asamtai wikia Apurun nintimsan aints pampanam yakí wajawa nunisnak uwemran angkan pujustinuitjai.
14588	PSA 42:8	túna uutmauri aa nuni Yus pujatsuash, tu nintimsan pujajai. Nu entsaka ame najanamiame nuni jakerua nunisnak wikia nekapmamjai.
14918	PSA 65:8	Ameka juun entsa tampaaramurin: Miaaku wajasti tusam inawaitme. Tura aints ainau taetet wajainauka: Titú pujustaram tusam itatmamtiknuitme.
16731	PRO 10:5	Aints nintip esat aing ajan takakmak pujakka ni araamurin ukunam juuktinuitai. Antsu chikich aints esati ni araamuri tsamak yanchuk juukmin aing, tsawai kanú tepa nuka natsanpiakuitai.
17010	PRO 19:15	Aints nakia nuka aya kanú tepestas wakerawai. Tura aints takakmichuka tsukajai waitjaktinuitai.
17148	PRO 23:34	Tura timiá nampekam karamramuram kanú tsakarin tepamin, ukantinua nunismek tunau nekapratnuitme.
23229	MAT 1:16	Tura Jacob Josén, Marí aishrin yajutmarmiayi. Marísha Jesúsan jurermiayi. Tura Jesúska Yus akupkamu asamtai Mesías inaikiamuitai.
23230	MAT 1:17	Tura Jesúsa weari Abrahamnumia nángkamas Davidnum jeatak catorce (14) weari inaikiamu armiayi. Tura Davidnumia nángkamas Israel ainau Babilonianam achikmau jeakuri catorce (14) wearisha inaikiamu armiayi. Nuni nángkamas Mesíasjai mash irumram ataksha catorce (14) weari inaikiamu armiayi.
23231	MAT 1:18	Jesucristo tu akiinamiayi. Jesúsa nukuri Marín nuwatkataj tusa, José niin chichasmiayi. Tu chichasar kanakar pujuinai, Yuse Wakani kakarmarijai Marí japrukmiayi.
23234	MAT 1:21	Tura asamtai uchin jurertatui. Turamtai nu uchikia aints ainaun tunaanumia uwemtikratin asamtai, nu uchikia Jesús inaikiatatme, —timiayi. Nuna naaringkia Uwemtikiartin taku tawai.
23238	MAT 1:25	Tura uchi eemkauri akiintsaing, ni jeen jukiyat, nijaingkia tumatsuk pujus, Marí uchin jurermiayi. Tura uchin jurer, naarin Jesúsan inaikiamiayi.
23239	MAT 2:1	Herodes Judea nungkanam apu pujai, Jesús Belén yaktanam Judea nungkanam akiinamiayi. Jesús akiinau asamtai, nekau aints ainau tsaa taakmanumanini jiinkiar Jerusalénnum jearmiayi. Tura apu Herodes pujamunam jear,
23261	MAT 2:23	Tura Galilea nungkanam pujustas, Nazaret yaktanam wemiayi. Nu turunamuka yaanchuik Yuse chichamen etserin timiaun miatrusang umikmiayi. Nu Jesúsan pachis timiauka nuwaitai: “Nazaretnumia aintsuitai tiartinuitai.”
23262	MAT 3:1	Jesús tuke Nazaretnum pujamtai, imiakratin Juan Judea nungkanam taa, numi atsamunam Yuse chichamen etsermiayi.
23274	MAT 3:13	Nunia Jesús Galilea nungkanmaya jiinki, Jordán entsanam wína imiatti tusa Juankun werimiayi.
23275	MAT 3:14	Tura wainiat Juan Jesúsan imaichmin nekapeak chicharak: —Ame nekasam wína imiatmin ayatum ¿wína imiatit tusam winam? —timiayi.