57	GEN 3:1	Apu buman santan Anutu Yawe tangindan ugu da mur isu apu mararuru tsiraꞌ i nan umpur iyuꞌan. Gubuꞌ mangan da mur iwaꞌ da sagat da igutin, “Amaꞌ! Nan nidzun i Anutu nidan da agam i anungꞌ gada gai nidzun santan mingꞌa gum ani?”
65	GEN 3:9	Da Anutu Yawe inuꞌ garam, “U mpa aruanungꞌ?”
67	GEN 3:11	Da Anutu igutin, “Manga ni da agu i u danguntan? U maga gai nidzun dzi paꞌa agu gin ugu, ma?”
69	GEN 3:13	Da Anutu Yawe igut i sagat ini binaꞌ, “U bunang ibinigi iyaꞌ?” Da sagat ini Anutu Yawe nifunggan mungaꞌ ibiani, “Mur isu umpur da dzi da dzi gan.”
86	GEN 4:6	Da Yawe igut i Kein, “Wain idzuwai da u nugum itsakia? Wain idzuwai da u gurungur?
89	GEN 4:9	Raiyi da Yawe igut i Kein ini binaꞌ, “Da u rainggam Abel anungꞌ?” Da arangan ini, “Dzi wasruꞌgin u. Mai! Dzi masu wain i mpada tayangꞌ rainggangꞌ?”
90	GEN 4:10	Da Yawe ini, “Ibi anungꞌ da u bunang sanab maisan ibiani i rainggam? U rainggam Abel biꞌgan nifunggan nuꞌan mingꞌa intap iwaꞌ da dzi ibi nifun nuꞌan i nanga nam mungaꞌ.
317	GEN 12:18	Ibinigi da king yaga Abram iba munti i maranggan da ini, “Ibi anungꞌ da u iyuꞌ dzi? U sangꞌ nida nan wasi da dzi i u fininggam Sarai, ma?
318	GEN 12:19	Wain idzuwai da u ni arangan u nafunggam da dzi yu arangan isu dzi fininggangꞌ? U fininggam aruani! Wau ya warut wafan!”
363	GEN 15:2	Da bitsintaꞌ Abram ini binaꞌ, “O dzi Nifutsarifangꞌ Yawe, u nanggam bini u nida rima da dzi igi burima dzi sib bida anungꞌ i dzi garam yami bingan ani? Da dzi garam gumangꞌ Elieser, garam Damaskus ugu, bungꞌ asu wain i dzi nam bunumpangꞌ santan da gubuꞌ dzi mampan.
369	GEN 15:8	Da bitsintaꞌ Abram ini, “O dzi Nifutsarifangꞌ Yawe, dzi bu sruꞌagin bida anungꞌ i dzi suda wain gin?”
390	GEN 16:8	Da ini, “Hagar, Sarai sagat guman, u mingꞌ anungꞌ iba, da u ni fada bida anungꞌ?” Da arangan ini angira nan gan mungaꞌ ibiani, “Dzi runt sinungꞌ sagat gudzunggangꞌ Sarai.”
395	GEN 16:13	Hagar ini da runggan, “Ai! Dzi matsanga Anutu Aru Tsanganda Dzi sib ugu da dzi rumpa marataꞌ?” Ibinigi da irim bingan da Yawe aru nida nan da arangan ibiani, “Agu Anutu Aru Tsanganda Dzi.”
415	GEN 17:17	Abraham itauf maran iruꞌ intap da irubungꞌ da ini i unggan angu, “Mai! Isangꞌ garam fufi udzufan waꞌa 100 sib rima narun? Da isangꞌ Sara rima mamaꞌ narun da gan udzufan sangꞌa 90?”
434	GEN 18:9	Tuas arangan igut i arangan, “U fininggam Sara impa anungꞌ?” Da Abraham ini, “Rumpa ungar wasaꞌ.”
437	GEN 18:12	Sara irubungꞌ da ini imingꞌ wangunggan ibiani, “Mai, dzi da gabunggangꞌ ifufi sib, da aga rininggangꞌ iraraiꞌ wa. Da aga bu waꞌa da nam nugun tsiaꞌan igi bida anung?”
438	GEN 18:13	Da Yawe ini da Abraham, “Ibi anungꞌ da Sara irubungꞌ da ini, ‘Dzi fufi sib da isangꞌ i dzi rima narungꞌ?’
442	GEN 18:17	Mingꞌan nigi da Yawe ini i unggan ini binaꞌ, “Dzi nani sisingꞌ i nam Dzi nida nangan ani wasi da Abraham, ma?
448	GEN 18:23	Da Abraham iba su uts da Yawe da igutin ini binaꞌ, “Nan nidzun? U bungꞌ asiat garam rururungan nampruꞌ da garam maisan, ma?
449	GEN 18:24	Bida anungꞌ i bida garam rururungan 50 mpada wasaꞌ i gamp igi, U bungꞌ asiat garam rururungan 50 igi nampruꞌ da garam maisan rai, ma isangꞌ U gantsida gamp igi i garam rururungan 50?
453	GEN 18:28	Da bitsintaꞌ bida anungꞌ i garam rururungan 50 maꞌan da 45 angu mpada gamp igi, da U bungꞌ asiat sib angu rai i garam 5 maꞌan igi?” Da Yawe ini, “Bida Dzi tsanganda garam rururungan 45 mpadan, da Dzi wasangꞌ i siata gamp igi rai u.”
454	GEN 18:29	Abraham itip igut i Yawe ini binaꞌ, “Da bida U tsanganda garam rururungan 40 angu mpadan nigi, da U bungꞌ asiat gamp igi rai, ma?” Da Yawe itip ini, “Bida Dzi tsanganda garam rururungan 40 mpadan, da Dzi wasangꞌ i siata gamp igi rai u.”
455	GEN 18:30	Da Abraham itip ini, “O Nifutsarif, nugum anungꞌ ruaꞌa i dzi u, dzi ni rungꞌ guta i Agu, bida anungꞌ i garam rururungan 30 angu mpadan, U bungꞌ asiat rai, ma?” Da Yawe ini, “Dzi wasangꞌ i siatan bida garam rururungan 30 angu mpadan.”
456	GEN 18:31	Da Abraham itip ini, “Nifutsarif, wasiat dzi nan gangꞌ ru rima udzungꞌ da Agu gin ani. Bida garam rururungan 20 angu mpadan, da U bungꞌ anang nabi anungꞌ gin?” Da Yawe ini, “Dzi wasangꞌ i siatan rai bida Dzi tsanganda garam rururungan 20 angu mpada gamp igi.”
457	GEN 18:32	Da Abraham itip ini, “Nifutsarif, dzi ni gampunda ruangꞌ da Agu da nugum anungꞌ ruaꞌa i dzi u. Dzi ni tipa nida nan bits angu bida ani, bida U tsanganda garam rururungan 10 angu mpadan, da U bungꞌ anang nabi anungꞌ gin?” Da Yawe ini, “Dzi wasangꞌ i siata gamp igi rai bida Dzi tsanganda garam rururungan 10 angu mpadan.”
463	GEN 19:5	Da inuꞌ Lot ini binaꞌ, “Lot! Garam iruꞌ bada ungaram da idziang aruani impai anungꞌ? Watangin ribarangan nawaꞌ ba da aga nararaꞌ gin.”
478	GEN 19:20	Watsanga gamp isiꞌ aru naga. Isangꞌ i dzi runta fada gin i rima runggangꞌ sib in? Gamp igi isiꞌ angu da bida u gantsidan da bungꞌ arim dzi maragab sib.”
500	GEN 20:4	Abimelek anungꞌ iwarip isu uts da Sara u, ibinigi da arangan ini binaꞌ, “Nifutsarif, dzi garam asub maꞌa gin da u bungꞌ asiat dzi da utupangꞌ santan?
505	GEN 20:9	Ibinigi da Abimelek ini da Abraham iba munti i maran da igutin, “Wain idzuwai da u nang nam bida ani da agai? Dzi nang asub idzuwai da agu da u nang uwayant bida ani da dzi da gangꞌ utupangꞌ iwaꞌ da asub tsiraꞌ? Uwayant aru u nangan igi anungꞌ idaum mangan u.
506	GEN 20:10	Wain idzuwai da u nang ibiani?”
531	GEN 21:17	Anutu iringantin i mamaꞌ rangan da Anutu angira gan inuꞌ Hagar imingꞌ gunungun ini binaꞌ, “Hagar! Ibi anungꞌ? Agu anungꞌ ratan u. Anutu iringant i mamaꞌ rangan aga sib.
543	GEN 21:29	da Abimelek igut i Abraham ini binaꞌ, “Dumpa naru faꞌ rinan 7 ani wainggan ibi anungꞌ?”
555	GEN 22:7	Ifan da Isak igut i raman, “Ramangꞌ?” Da Abraham ini, “Yaꞌ, narungꞌ. Wani.” Da Isak ini, “Dzaf da gai maringꞌ ani, da dumpa anungꞌ i tsaradan?”
597	GEN 24:5	Da garam gum igutin, “Da bida sagat igi buginda i tanginda gampan rai i ruta dzi badan? Da isangꞌ i dzi tipa uda Isak fada u gampam wain igi?”
606	GEN 24:14	Da bida dzi nida da gan mangan bida ani, ‘Amaꞌ, isangꞌ i u rima mpui guram ruꞌan da dzi maragab numa mpui pas?’ Da bida arangan nidan, ‘Wanum da dzi bungꞌ arim mpui da agu kamiram nabinigi,’ da dzi bungꞌ asruꞌgin nabi U raga aruf aruani i garam gumam Isak. Nam bida nigi waꞌan da dzi bungꞌ asruꞌ gin nabi U santingꞌ nanggam maram aridan da dzi garamangꞌ tsiraꞌ Abraham.”
609	GEN 24:17	Garam gum ifa da arangan da igutin, “Amaꞌ, sagat, isangꞌ i u rima mpui pas mingꞌa u guram da dzi numan?”
615	GEN 24:23	Da igut i arangan, “Mai! Manga narunggan agu? Da mumai wasaꞌ bits rumingꞌ u ramanggam ungaran i aga gingꞌa gin da idziang aruani?”
631	GEN 24:39	Da dzi gut i garam tsiraꞌ gangꞌ igi ibiani, ‘Da bida sagat igi mamida ruta dzi badan, da bubida anungꞌ?’
635	GEN 24:43	Watsangan, dzi munti uts da mpui rafan ani, da bida aruf mangan bada i ranguda mpui da dzi nida rutin bida ani, “Amaꞌ, isangꞌ i u rima mpui pas mingꞌa u guram da dzi numan?”
650	GEN 24:58	Ibinigi da ribarangan inuꞌ Rebeka ba da igutin, “U wangunggam iyu i ruta garam ani fadan da aruani?” Da arangan ini, “Hai, dzi bungꞌ arut afan.”
657	GEN 24:65	Da igut i Abraham garam guman ini binaꞌ, “Garam idzuwai aru yunga badan naga?” Da garam gum ini, “Dzi garamangꞌ tsiraꞌ Isak igi.” Rebeka iringantin da iyu bruꞌ paparatan untuda i gudzun da iraub sib i maran.
681	GEN 25:22	Mamaꞌ narun iruꞌ mingꞌa Rebeka wangun igi yis ruan imingꞌ rinan wangun wasaꞌ. Ibinigi da arangan ifan da Yawe i nan udagin da ini binaꞌ, “Wain idzuwai da nam bida ani iwaꞌ da dzi?”
691	GEN 25:32	Da Isau ini, “Oiyo! U tsangan dzi nang i mampan! Da dzi nanggangꞌ miamun dzi suda wain gin igi burima dzi sib bida anungꞌ? Isangꞌ i!”
702	GEN 26:9	Abimelek inuꞌ Isak iba munti i maran da ini rutin, “Aruani da dzi sruꞌgin sib. Sagat arigi u fininggam. Wain idzuwai da u ni nafunggam i arangan?” Da Isak ini binaꞌ, “Dzi marangꞌ ifur ibi dzi bungꞌ arim runggangꞌ rai i arangan bida dzi nida fininggangꞌ gin.”
703	GEN 26:10	Da Abimelek ini, “Ibi anungꞌ da u nang uwayant ibinigi da agai? Bida dzi garamangꞌ mangan dani ruta u fininggam gingꞌan, da Anutu madararu agai i u nan gam iyuꞌan igi.”
720	GEN 26:27	Bawaꞌan da Isak igut i ribarangan, “Wain idzuwai da agam iba i tsanganda dzi, garam aru agam bugindan da wata rai i gam gampam ugu?”
729	GEN 27:1	Isak ifufi sib da maran isap da anungꞌ isangꞌ i rungꞌ raraba nam, ibinigi da irim nan i narun miamun Isau iba da ini rutin, “O Isau, dzi narungꞌ.” Da Isau ini, “Ramangꞌ, dzi aruani. U ni wai?”
740	GEN 27:12	Da bida anungꞌ i ramangꞌ yafusa dzi da rabuba gin? Bungꞌ ani dzi intsaꞌa i iyuꞌa arangan da bungꞌ arim nan pupuarapan maisan da dzi, da dzi wasangꞌ i uda nam fintidan mangan u.”
746	GEN 27:18	Yakop iyu nam gadan igi ifan da raman da ini binaꞌ, “Ramangꞌ.” Da raman ini binaꞌ, “Hai. U wai igi?”
748	GEN 27:20	Da Isak igutin, “Dzi narungꞌ, u waꞌ da apu igi sung angu ibi anungꞌ?” Da Yakop ini, “U Anutu gam Yawe irim dzi sib, da dzi yu iba sung angu.”
752	GEN 27:24	Da itip igutin ini binaꞌ, “Agu dzi narunggangꞌ Isau rururungan, ma?” Da Yakop ini, “Hai, dzi arangan arani.”
760	GEN 27:32	Da Isak igut i arangan, “Agu wai?” Da Isau ini, “Dzi Isau, u narunggam miamun.”
761	GEN 27:33	Isak irunt fafun nidzun angu da iratarat iyus da igutin ini binaꞌ, “Manga arigi iyung apu da iyu imungꞌ ba da dzi? Dzi ga nam igi da dzi finti arangan sib, da pas angu da u bawaꞌ. Da nam fintidan bungꞌ arut arangan nanting.”
765	GEN 27:37	Da Isak ini arangan nan gan mungaꞌ ibiani, “Dzi nang arangan isu garam nifutsarif tsiraꞌ i suda wain i agu, da dzi nang i rain rusan da utupan isu i garam guman. Wit da wain bungꞌ awaꞌ nasisungꞌ arangan i dzi rim nam santan igi rutin sib. Da narungꞌ, dzi bunanga bida anungꞌ i agu?”
766	GEN 27:38	Da Isau ini da raman, “Ramangꞌ, nan fintidan igi mani bitsintaꞌ angu, ma? Wafinti dzi wampruꞌ!” Ibinigi da arangan irang tsiraꞌ bingan angu.
800	GEN 29:4	Yakop igut i rib igi ini binaꞌ, “Amaꞌ raingꞌ ruas, agam rib anungꞌ igi?” Ribarangan ini nan mungaꞌ, “Aga rib Haran ani.”
801	GEN 29:5	Da Yakop ini, “Da agam isruꞌ i Laban, Nahor rumpunggan?” Da ribarangan ini, “Hai, aga sruꞌ i arangan.”
802	GEN 29:6	Da Yakop igut i ribarangan, “Arangan impa bini ma imaꞌ?” Da ribarangan ini, “Hai, arangan rumpa bini. Da tsangan, arangan narunggan finam Retsel iyu ramanggan dumpa gan iba ani.”
803	GEN 29:7	Da Yakop ini, “Ibi anungꞌ? I gubuꞌ maran bingan rumingꞌ da anungꞌ iwarip iwaꞌ i gubuꞌ maran tsutsagin atangꞌan u. Isangꞌ i agam rima mpui rutin sib da tipa uda fadan da rung gada sai?”
821	GEN 29:25	Gubuꞌ pisan da Yakop irunt fafun i tsanganda Lia. Da arangan ifa ni da Laban, “Wain idzuwai gan ani da u nang uwayant bida ani da dzi? Dzi nang gum angu i Retsel. Da ibi anungꞌ da u bu iyuꞌ dzi i rima Lia?”
833	GEN 30:2	Yakop nugun isasus i arangan da ini binaꞌ, “Isangꞌ i dzi uda Anutu mumai gan i nanga nam Anutu nangan? Imaꞌ! Arangan runtaꞌ angu isu wain i udzuda agu i mamida rima narum.”
845	GEN 30:14	Gubuꞌ safa wit ibawaꞌ da Ruben ifa gum wit da itsangan nam nidzun fain turuda sagat i wangundan rumingꞌan. Arangan iyu i nidzunggan da iyu ifan da rinanggan Lia. Retsel itsangan da ini, “Amaꞌ Lia, isangꞌ u rima narunggam nam nidzunggan fain da dzi?”
846	GEN 30:15	Da bitsintaꞌ Lia ini da Retsel, “Mani nidzun arangan igi i u uda dzi gabunggangꞌ sinungꞌ dzi? Da aruani da u ni tipa uda dzi narunggangꞌ nanggan uda badan da dzi ani mpruꞌan, a!” Da Retsel ini, “Isangꞌ. Bida u rima narunggam nam nidzunggan fain da dzi, da Yakop bungꞌ arut agu nagingꞌ da idziang aruani.”
861	GEN 30:30	Mungꞌ aru dzi mamida badan ugu da u mpa tayangꞌ apu gam iruꞌ angu. Da gubuꞌ dzi bawaꞌan da ruta agu mpadan da u apu gam inti iyus, i Yawe ifinti agu iyab i gum dzi nanga i agu sib da inang agu isu garam nidzun. Da dzi burima utupangꞌ sib bida anungꞌ?”
862	GEN 30:31	Da Laban igut i arangan, “Da u maram ifur nam bunump idzuwai i dzi riman da agu?” Da Yakop ini, “Dzi wani u rima nam mangan da dzi u, imaꞌ. Dzi bungꞌ autus gumangꞌ mpada tayangꞌ u apu gam, bida u uda dzi nan gangꞌ bida ani yaban:
900	GEN 31:26	Da Laban ifan da Yakop da ini, “Wain idzuwai da u rim umpur i dzi da u yu dzi narungꞌ rusangꞌ finam ani iba ibi sagat wapan mingꞌa wasaꞌ i nam isan?
901	GEN 31:27	Ibi anungꞌ da u kup angu i dzi da u runt iba? U madani da dzi da dzi dasu nam gadan da aga dangump nam da datangin agam rai ruta nam nugun tsiaꞌan.
904	GEN 31:30	Dzi sruꞌgin ibi u maram ifur iyus i tipa fada gam gampam wain da u tangin dzi rai. Da bitsintaꞌ wain idzuwai da u wap dzi mugusangꞌ maraganun sib?”
910	GEN 31:36	Yakop nugun iruaꞌ nidzun angu i Laban da impiꞌ ini binaꞌ, “Dzi nang nam idzuwai asub? Nam maisan idzuwai dzi nang da u daru dzi ibi garam asub?
911	GEN 31:37	U nguar i dzi nanggangꞌ santan da u waꞌ da nanggam idzuwai? Warim namingꞌ wasaꞌ i u ribam da dzi ribangꞌ maran da ribarangan natsangan i mangan nan gan isu nidzun, dzi ma agu.
917	GEN 31:43	Ibinigi da Laban ini Yakop nan gan mungaꞌ ibiani, “Sagat iruꞌ igi isu dzi narungꞌ rusangꞌ. Da narun rusan isu dzi gangꞌ, da apu igi isu dzi apu gangꞌ. Watsangan! Nam santan aru u udan igi isu dzi nanggangꞌ. Da bitsintaꞌ dzi nanang nabi anungꞌ i dzi narungꞌ rusangꞌ finam iruꞌ igi da narun rusan?
946	GEN 32:18	Yakop isantingꞌ nan da garam guman mungꞌa miamun ibiani, “Gubuꞌ dzi rainggangꞌ Isau bawaꞌan da agu da guta i agu, ‘Manga garam guman agu, da agu fa anungꞌ, da manga apu gan ani?’
956	GEN 32:28	Ibinigi da garam igi igut i arangan ini binaꞌ, “U binganggam wai?” Da arangan ini binaꞌ, “Dzi binganggangꞌ Yakop.”
958	GEN 32:30	Da Yakop igutin, “Da isangꞌ i u nida binganggam wasi da dzi?” Da bitsintaꞌ garam igi ini binaꞌ, “Wain idzuwai da u gut i dzi i dzi binganggangꞌ?” Da ifinti Yakop i nigi.
966	GEN 33:5	Da Isau iraꞌ i maran da itsangan sagat da mamaꞌ narun da igutin, “U rut rib idzuwai bingan aga ba?” Da Yakop ini, “Nigi mamaꞌ narun Anutu maraampi gan riman da dzi, u garam gumam.”
969	GEN 33:8	Isau ini binaꞌ, “Dzi mingꞌa naga badan da dzi tsanga apu utup utup, da nigi wainggan ibi anungꞌ?” Yakop ini arangan nan gan mungaꞌ ibiani, “Nam dzi riman da agu igi da dzi rim i yafada u wangum i u tsanganda dzi bini.”
1012	GEN 34:31	Da bitsintaꞌ Yakop narun rusan iruꞌ igi ini i nan gan mungaꞌ ibiani, “Aga tusa marangꞌ i garam bida nigi i nanga sanab asub yaba i aga nafunggangꞌ bida arangan sagat sanab mangan, a?”
1092	GEN 37:8	Da rain rusan ini binaꞌ, “U maram mafur i suda king da mpada tayangꞌ agai? Ma u mani suda gudzun i aga santan?” Ribarangan nugun iruaꞌ nidzun angu i arangan da ibugin arangan i nanggan puafuban da gan nan gan fisagin.
1094	GEN 37:10	Arangan ifis i nanggan puafuban igi da ramanggan da rain rusan. Da arangan ramanggan impiꞌ arangan da ini, “U nanggam puafuban igi ibi anungꞌ? U mani rinanggam da dzi da raim rusam badan da idzaꞌa fagangꞌ ruꞌa agu maram?”
1099	GEN 37:15	da garam mangan itsangan arangan yunga mingꞌa puatsi manaꞌ igi bafadan da igutin, “U sau wai?”
1100	GEN 37:16	Da arangan ini, “Dzi sau raingꞌ rusangꞌ. Da bida u tsanganda ribarangan gan fada gin da mpada tayangꞌ dumpa gan gin, da isangꞌ i u ntuangꞌa ribarangan gan mpada gin da dzi?”
1110	GEN 37:26	Yuda ini da rain rusan ini binaꞌ, “Bida agi isa rainggangꞌ funub da buafira agi nanggangꞌ suda bangi biꞌ igi, da nigi nabu rim agi sib nabi anungꞌ?
1114	GEN 37:30	Da arangan itip ifan da rain rusan da ini, “Ai! Yosef anungꞌ rungꞌ impa ntsuf aga u. Dzi nabu ni nan nabi anungꞌ?”
1116	GEN 37:32	Da ribarangan iyu ngarukui igi ifan da ramanggan. Da ini binaꞌ, “Aga waꞌ da ngarukui ani. Da watsangan. Mani u narunggam ngarukui gan ani ma imaꞌ?”
1136	GEN 38:16	Arangan anungꞌ isruꞌgin ibi arangan bunggan u, da yis sanab udziꞌ ifan da ini, “Amaꞌ. Dzi ni ruta agu gingꞌan.” Da arangan ini, “Bida u ruta dzi gingꞌan da u burima nam idzuwai da dzi?”
1137	GEN 38:17	Da Yuda ini, “Dzi bungꞌ atangin nuning naru faꞌ bits mingꞌa dzi apu gangꞌ mpada tayangꞌ gin naba da agu.” Da Tamar itip igutin, “Hai. Da isangꞌ u rima nam mangan mungꞌ da dzi i santingꞌa bida u ni nan nidzun da dzi, nasangꞌ u rima nigi badan?”
1138	GEN 38:18	Da arangan ini, “U maram yari i nam idzuwai arigi i dzi riman da agu?” Da Tamar ini, “U nanggam sungundan suda u maram nampruꞌ da u itipam yunga gin.” Ibinigi da Yuda irim da arangan da irut igingꞌ da arangan iwangun.
1141	GEN 38:21	Da igut i garam mpadan nigi ini binaꞌ, “Sagat sanab mpada sanab ringan Inaim ani impa anungꞌ?” Da rib igi ini binaꞌ, “Sagat sanab mangan wampai ani mangan u.”
1159	GEN 39:9	Manga wasu gudzun tsiraꞌ ibi dzi imingꞌ ungar aruani u, imaꞌ. Dzi garam gudzunggangꞌ wapaꞌ dzi i nam mangan u, da bitsintaꞌ agu angu, i wain arangan fininggan agu. Da dzi nabu nang sanab asub maisan igi nabi anungꞌ? Nigi bungꞌ abi nam maisan tsiraꞌ bingan dzi nangan da Anutu.”
1180	GEN 40:7	Da igutin, “Wain idzuwai da agam wangum ibarabin?”
1234	GEN 41:38	Ibinigi da Farau igut i gan garam gudzun gan ini binaꞌ, “Agi busauda garam idzuwai igi i busangꞌa garam ani i nanga gum ani? Imaꞌ. Anutu Marapayaman irut garam ani.”
1254	GEN 42:1	Gubuꞌ Yakop ringanta i nan bida wit mingꞌa Idzip, da ini da narun rusan ibiani, “Amaꞌ! Agam ibumpa irarab rumaram ibinigi?
1260	GEN 42:7	Gubuꞌ aru Yosef tsanganda rain rusan da ifaringꞌ ribarangan sib, da bitsintaꞌ irib inang runggan ibi garam mangan da ini nan nampang da ribarangan da igutin ini binaꞌ, “Agam imingꞌ anungꞌ iba?” Da ribarangan ini, “Aga mingꞌ intap Kanan iba i uda nam gadan.”
1275	GEN 42:22	Da Ruben ini, “Dzi ni wai da agam? Dzi ni agam anungꞌ nanga nam asub mangan yaba i mamaꞌ igi. Da bitsintaꞌ agam anungꞌ iringant i nan u. Aruani da agi yu barabin mungaꞌ i arangan nanggan mampan.”
1281	GEN 42:28	Da inuꞌ rain rusan ini binaꞌ, “Aitsangan! Rib aga tip ifarangꞌ dzi silva gangꞌ iruꞌ dzi bekangꞌ.” Ribarangan nugun isantan ruan da irat da irarab ru maran da ini da ruan, “Nam idzuwai gan ani da Anutu inang ibiani da agi?”
1297	GEN 43:6	Da Israil igutin, “Ibi anungꞌ da agam yutus barabin igi da dzi i nidan da garam igi bida agam rainggam mangan rungꞌ impai?”
1298	GEN 43:7	Ribarangan ini arangan nan gan mungaꞌ ibiani, “Garam igi igut aga rururungan angu i aga rib idzuwai da gangꞌ utupangꞌ impruꞌ, da ini, ‘Da agam ramanggam rungꞌ impai ma imaꞌ? Da agam arangan aru nigi ma agam rainggam bits rumpai?’ Igut i agai da aga kupis nan santan wasi. Da manga busruꞌgin ibi arangan nida aga uda rainggangꞌ igi tipa ruta fadan?”
1318	GEN 43:27	Da arangan igut i ribarangan i nanggan mpadan impa ibi anungꞌ ida igut i ribarangan i ramanggan ibiani, “Agam ramanggam fufi nida da dzi ugu impa ibi anungꞌ? Arangan rumpai bini, ma?”
1320	GEN 43:29	Yosef irarab ribarangan da itsangan rainggan Benyamin, rinanggan wain narunggan, da igutin, “Mani agam rainggam isiꞌ agam nida da dzi ugu aruani, ma?” Da arangan ini, “Narungꞌ, Anutu nafinti agu.”
1329	GEN 44:4	Rain ruas itangin gamp igi rai da wafa guntiꞌ u da Yosef ini da garam guman ibiani, “Warunt sung angu watsungꞌ garam tuas aru naga. Da gubuꞌ u waꞌa da ribarangan da wani wabiani rutin, ‘Ibi anungꞌ da dzi garam tsiraꞌ gangꞌ inang bini i agam da agam inang maisan rutin?