248	GEN 10:13	Mitsraim isu garam Lud da Anam da Lehap da Naftu da Patrus da Kaslu da Kaftor tafanggan. Da garam Filistia iwaꞌ i tafan Kaslu.
536	GEN 21:22	Gubuꞌ mangan da Abimelek (garam Gerar king gan ugu) da Fikol, garaman singaari gudzunggan, ifa tsanga Abraham da ini rutin, “Dzi tsanga Anutu irut agu i nam santan u nangan.
546	GEN 21:32	Gubuꞌ nan udzudan da ruan mingꞌa Birsiba ntsupa sib, Abimelek da gan garam gudzunggan singaari Fikol, itip ifa gan gampan imingꞌ intap Filistia.
548	GEN 21:34	Da Abraham impa intap Filistia gubuꞌ guntiꞌ bingan isu garam marawampua.
658	GEN 24:66	Fawaꞌa da Isak da garam gum ifis i nam santan nangan igi da arangan.
694	GEN 26:1	Da gubuꞌ fus tsiraꞌ nam gada maringꞌa sib iwaꞌ intap Kanan ibi mungꞌ da waꞌan da Abraham ugu. Ibinigi da Isak intsungꞌ ifa gamp Gerar, garam Filistia king gan Abimelek gampan.
701	GEN 26:8	Isak impa nigi gubuꞌ ampi bingan sib raiyi, da gubuꞌ mangan Abimelek, garam Filistia king gan, imunti ungaran muantsi wagungꞌ da irarab Isak yafusa fininggan Rebeka.
707	GEN 26:14	Arangan isu wain i dumpa da makau da garam gum ampi bingan, da garam Filistia nugun iruaꞌ i arangan.
711	GEN 26:18	Isak itip ini da garam guman iraf mpui santan aru ramanggan Abraham garam guman rafa mungꞌ ugu. Abraham imamp sib raiyi da garam Filistia idzufungꞌ mpui santan sib. Gubuꞌ tipa rafan da Isak itip ifaringꞌ bingan aru ramanggan Abraham faringꞌa gin mungꞌ ugu.
719	GEN 26:26	Gubuꞌ mangan da King Abimelek irut gan garaman rima uwayant, Ahusat, da gan garaman singa-ati gudzunggan, Fikol, imingꞌ gan gampan Gerar iba i tsanganda Isak.
1120	GEN 37:36	Da gubuꞌ arigi da rib Midian iyu Yosef ifa Idzip da itangin arangan da Potifar, garam suda gudzun i garam singaari muntida sib i King Farau, da arangan isu i gan mamaꞌ guman utaꞌ angu.
1175	GEN 40:2	King Farau nugun iruaꞌ nidzun i garam gudzunggan iruꞌ igi,
1184	GEN 40:11	Dzi gif King Farau kapan da igangingꞌ wain nidzun dzuban igi gurun iruꞌ gin da irim da arangan.”
1197	GEN 41:1	Gubuꞌ udzuf iruꞌrun fada sib da King Farau ipuafub da itsangan arangan muntida mpui Nail ringan,
1200	GEN 41:4	Da itsangan makau gangkidan gada makau dudubadan 7 igi sib. Da Farau maran itaꞌ.
1203	GEN 41:7	Da dzangkum nidzun fingꞌa i ruan sib intap i dzangkum nidzun bini 7 ugu sib. Farau maran itaꞌ da isruꞌgin ibi arangan ipuafub angu.
1204	GEN 41:8	Pisan da arangan iyu uwayant ampi bingan i nanggan puafuban igi, da itangin nan i garam mararuru da garam kupisa nam maradzigin santan mingꞌa Idzip iwaꞌ impruꞌ. Da Farau ifis i nanggan puafuban tsangandan igi da ribarangan. Da bitsintaꞌ ribarangan imami ruan i dziwara arangan nanggan puafuban igi wainggan.
1210	GEN 41:14	Ibinigi da King Farau iwat garam gum ifan da iyu Yosef sung angu sinungꞌ ungar karabus da irut iba. Yosef inab mun da yatsuf nanggan faꞌ sib da iba munti King Farau maran.
1211	GEN 41:15	Da King Farau ini da Yosef ibiani, “Dzi waꞌ da nam puafuban mangan da manga wadziwar i dzi nanggangꞌ puafuban igi wainggan wasi da dzi u. Da bitsintaꞌ garam mangan ini da dzi i agu sangꞌ i dziwara i nam puafuban wainggan wasi.”
1212	GEN 41:16	Da Yosef ini King Farau nan gan mungaꞌ ibiani, “Dzi runggangꞌ wasangꞌ u, da bitsintaꞌ Anutu bungꞌ aragi wain wasi da agu Farau da bungꞌ anang u nugum nanuf.”
1221	GEN 41:25	Da Yosef ini da King Farau ibiani, “U nanggam puafuban iruꞌ igi wainggan isangꞌ ruan angu. Anutu ini nan wasi da agu mungꞌ i nam arangan nida nangan.
1233	GEN 41:37	King Farau da gan garam gudzunggan iringant i Yosef nan gan santingꞌan igi da maran yari gin.
1234	GEN 41:38	Ibinigi da Farau igut i gan garam gudzun gan ini binaꞌ, “Agi busauda garam idzuwai igi i busangꞌa garam ani i nanga gum ani? Imaꞌ. Anutu Marapayaman irut garam ani.”
1235	GEN 41:39	Da Farau ini da Yosef ibiani, “Anutu runggan isantingꞌ nam ani santan da agu, ibinigi da garam mangan wayu uwayant da mararuru bini ibi agu u.
1237	GEN 41:41	Ibinigi da King Farau ini da Yosef ini binaꞌ, “Yosef, waringantin. Aruani da dzi tangin agu isu gudzun i intap Idzip santan.”
1238	GEN 41:42	Da King Farau igruꞌ gan ring gan suda i maran mingꞌa gin i bangin da yatsuf i Yosef bangi narun. Farau yatsuf ngarukui faꞌ faꞌ ngarubini angu iyab da Yosef da isungun tsein gol ifa i wan.
1239	GEN 41:43	King Farau irim karis mangan i Yosef mpada gin yatsungꞌ king da garam singaari imungꞌ i arangan da inuꞌ ini binaꞌ, “Wawaꞌ manaꞌ i sanab da frap anuf! Garam tsiraꞌ iba!” I sanab bida nigi da itangin Yosef isu gudzun i intap Idzip santan.
1240	GEN 41:44	Da Farau ini da Yosef ibiani, “Dzi runtaꞌ isu King Farau, da bitsintaꞌ garam Idzip mangan wasangꞌ i nanga nam mangan i maranggan furan. Imaꞌ. Nau nan namingꞌ agu gin mungꞌ rai.”
1241	GEN 41:45	Da Farau irim bingan Tsafenat Pania da Yosef. Da irim Asenat, Potifera narun finam, da Yosef, isu i fininggan. (Da Potifera igi isu garam anutu wain i anutu umpur imingꞌ gamp On, nida Heliopolis gin.) Da Yosef binganggan imunti isangꞌ intap Idzip santan.
1251	GEN 41:55	Gubuꞌ rib Idzip rabuba i nam gadan ntsupan da ifa yaiꞌ ruan da King Farau i nam gadan. Da king ini da rib Idzip santan ibiani, “Agam wafan da Yosef da agam wanang nam arangan nidan da agam.”
1268	GEN 42:15	Da dzi bungꞌ aintsaꞌ agam nan gam nabiani: dzi ni nan nidzun da agam i Farau nampanggan, agam wasangꞌ i fadan bida agam rainggam isiꞌ igi mamida i badan.
1269	GEN 42:16	Agam watangin agamam bits nafan da nau agam rainggam isiꞌ igi naba. Da agam santan bungꞌ ampa karabus. Da aga natsangan agam nan gam nidan igi bida nan nidzun ma imaꞌ. Bida maꞌan da dzi ni nan nidzun da agam i King Farau nampanggan, agam garam rima ipiap i agai.”
1343	GEN 44:18	Yuda ifa uts da Yosef da ini binaꞌ, “O garam tsiraꞌ! Dzi gaib runggangꞌ da agu i u ringanta i garam gumam dzi nan gangꞌ. U garam tsiraꞌ bingan isangꞌ King Farau, da u nugum anungꞌ ruaꞌa i garam gumam dzi u.
1392	GEN 46:5	Da Yakop tanginda Birsiba rai, da narun rusan itangin arangan impruꞌ da ribarangan finin rusan da narun rusan santan iyab karis King Farau tangindan bada i uda ribarangan fadan ugu.
1418	GEN 46:31	Da Yosef ini da rain rusan da ramanggan utupan ibiani, “Dzi bungꞌ afani da King Farau nabiani, ‘Dzi raingꞌ rusangꞌ da dzi ramanggangꞌ da utupan santan mpada Kanan ugu ibawaꞌ sib.
1420	GEN 46:33	Da gubuꞌ Farau nuꞌa agam atangꞌa fadan da guta i agam bida ani, ‘Agam inang gumam ibi anungꞌ?’
1422	GEN 47:1	Ibinigi da Yosef ifani da King Farau ini binaꞌ, “Dzi ramanggangꞌ da raingꞌ rusangꞌ mpada intap Kanan ugu ibawaꞌ sib. Ribarangan iba inting da dumpa gan da makau gan da nam bunumpan santan, da iba mpa imingꞌ intap Gosen da aruani.”
1423	GEN 47:2	Arangan ipiriangꞌ rain rusan 5 da ifa rut imunti King Farau maranggan.
1426	GEN 47:5	Ibinigi da King Farau ini da Yosef ibiani, “U ramanggam da raim rusam iba da agu;
1428	GEN 47:7	Ibinigi da Yosef ifa yu ramanggan iba munti King Farau maranggan. Da Yakop ifinti king i nan bini,
1431	GEN 47:10	Yakop ini nan sib da ifinti King Farau da itangin arangan rai da ifan.
1442	GEN 47:21	Da Yosef inang garam Idzip santan mingꞌa gubuꞌ yaban da gubuꞌ ruꞌan isu King Farau garam guman utaꞌ angu i nanga i guman.
1444	GEN 47:23	Yosef ini da ampan santan ibiani, “Agam sib angu waringantin, gubuꞌ aruani da dzi yu agam da intapam isub dzafain isu King Farau nanggan. Da nam yamun aruani, agam wayu da wafa ntang i gumam ruga rugam.
1511	GEN 50:4	Gubuꞌ ranga i Yakop ntsupa sib da Yosef igaib runggan da King Farau garam gudzun gan ibiani, “Isangꞌ agam uda dzi nifunggangꞌ fadan da king da nidan da arangan bida ani,
25078	LUK 2:36	Da Ana, Fanuel narun finam imingꞌ utup Aser an, arangan sagat profet mangan uda Anutu nan gan da nida wasi. Gubuꞌ suda gabun da irut impai isangꞌ udzuf 7 angu da gabun imamp. Arangan isu sagat fufi sib.
25095	LUK 3:1	King tsiraꞌ Taiberias udzufan mpada tayangꞌ gamp santan mpada warangꞌ i Rom ibawaꞌ 15, da Pontius Pilatus isu kiap tsiraꞌ impa tayangꞌ Yudia, da Herot isu garam gudzun gabman gan mpada tayangꞌ utup Galili, da rainggan Filip isu garam gudzun gabman gan mpada tayangꞌ utup Ituria da Trakonitis, da Lisanias isu garam gudzun gabman gan i utup Abilini.
25193	LUK 5:17	Gubuꞌ mangan Yisu fisa i nan, da garam Farisai da garam gudzupuꞌ i nan faidagin impai impruꞌ. Ribarangan iba imingꞌ gamp isiꞌ isiꞌ ampi bingan mingꞌa Galili da Yudia da gamp Yerusalem ibinigi. Da Anutu nampanggan isisungꞌ Yisu i tipa rinin gingꞌan.
25197	LUK 5:21	Da garam Farisai da garam gudzupuꞌ i nan faidagin ini angu i wangunggan, “Garam aruani nam idzuwai? Itsarif runggan i uda Anutu mumai gan! Manga sangꞌ i siata nam maisan? Anutu runtaꞌ angu isangꞌ i siata nam maisan.”
25206	LUK 5:30	Da bitsintaꞌ garam Farisai da gan garaman gudzupuꞌ i nan faidagin impruꞌ ruan da ini nan ampi bingan angu da Yisu riban atsungꞌa gin, “Ibi anungꞌ da agam irut garam uda takis da garam maisan santan igi iga nam?”
25209	LUK 5:33	Da ribarangan ini da Yisu ibiani, “Yowanis Ruruba Garam riban atsungꞌa gin inang da ipaꞌ ruan i nam gadan da gubuꞌ fain da yugin, da Farisai riban atsungꞌa gin ibinigi. Ibi anungꞌ da u ribam atsungꞌa i agu anungꞌ ipaꞌ ruan i nam gadan da gubuꞌ fain u?”
25217	LUK 6:2	Da garam Farisai fain igutin, “Ibi anungꞌ da agam yis nan faidagin udziꞌ i nanga gum suruda wit da gubuꞌ Sabat?”
25222	LUK 6:7	Da Farisai da garam gudzupuꞌ i nan faidagin isau sanab i dzura nan i raruda Yisu. Ibinigi da ribarangan irarab Yisu ragun, i bida tipa garam rinin gingꞌan da gubuꞌ Sabat igi.
25226	LUK 6:11	Da bitsintaꞌ rib Farisai da garam gudzupuꞌ nugun itsakia iyus da impruꞌ ruan ini nan i nanga bida anungꞌ i Yisu.
25229	LUK 6:14	manga Saimon (aru Arangan faringꞌa Petrus in) da Andru (Petrus rainggan), da Dzems, Yowanis, Filip, da Bartolomiu,
25294	LUK 7:30	Da bitsintaꞌ garam Farisai da garam gudzupuꞌ i nan faidagin ibugin i atangꞌa warangꞌ i Anutu nan gan rantsa sib i ribarangan, da anungꞌ iyu mpui ruruban imingꞌ Yowanis banginggan.
25300	LUK 7:36	Farisai mangan irim nan i Yisu i ruta gada nam; ibinigi da Yisu ifa Farisai igi ungaran da igingꞌ iruꞌ i bangin yas i gada nam yatsungꞌ rib igi sanaban.
25301	LUK 7:37	Da sagat asub mangan impa gamp igi. Da gubuꞌ arangan ringanta i Yisu gada nam mingꞌa garam Farisai igi ungaran, da arangan iyu gur bini madamin gaunt bini yusan.
25303	LUK 7:39	Da Farisai aru rima nan i Yisu ugu gubuꞌ tsanganda nam sagat nangan igi da ini i unggan, “Bida garam ani profet nidzun da madasruꞌ i sagat idzuwai aru gifa arangan ani, i arangan sagat asub.”
25304	LUK 7:40	Da Yisu ini da garam Farisai igi, “Saimon, dzi ni nida nan mangan da agu.” Da Saimon ini, “Kidungwaga tsiraꞌ, wani.”
25511	LUK 11:37	Da Yisu fisa i nan sib, da Farisai mangan igut i Arangan i ruta gada nam. Ibinigi da Arangan yatangꞌ ifan da impai iga nam.
25512	LUK 11:38	Da bitsintaꞌ Farisai itsangan da irunt fafun i Yisu anungꞌ yatsungꞌ garam Farisai sanaban adzuꞌa bangin mungꞌ i gada nam u.
25513	LUK 11:39	Ida Nifutsarif ini da arangan, “Waringantin. Agam Farisai iti yadzuꞌ kap da plet manaꞌ angu, da bitsintaꞌ agam wasaꞌ gam ifungꞌ angu i nam yafida un da nanga sasub.
25516	LUK 11:42	“O agam Farisai, watsauꞌ i runggam! I agam irim bus mara maran rini gaunt mingꞌa gum ufuma suda 10 igi gan bits isu dangki da Anutu. Da agam anungꞌ inang uwayant bini i garam fain ma maram yari i Anutu u. Da bitsintaꞌ agam maram wari i Anutu da wanang bini i garam, nampruꞌ da nam rima dangki igi.
25517	LUK 11:43	O agam Farisai, watsauꞌ i runggam! I agam maram yari i uda bintip miamun mingꞌa ungar mpruꞌa ruan gin da garam tsarifa agam mingꞌa maket.
25527	LUK 11:53	Gubuꞌ Yisu tanginda ungar igi rai, da garam Farisai da garam gudzupuꞌ i nan faidagin nugun itsakia, da mingꞌa gubuꞌ arigi da fadan da irim ipiap i Arangan i nan guta gin ampi bingan.
25529	LUK 12:1	Gubuꞌ nam igi waꞌan da garam ampi tsiraꞌ bingan iwaꞌ impruꞌ ruan da iyab i rufagan. Da Yisu yis fagan i nan mungꞌ da gan riban atsungꞌa gin, da ini, “Watsanga runggam sib i rib Farisai uwayantan umpur, nifun nidan angu da mamida i atsungꞌa gin. I sanab bida nigi bungꞌ ayantsang agam nabi yist yantsanga bret da fupa yaban.
25618	LUK 13:31	Da gubuꞌ aru nigi angu da rib Farisai faingꞌ iba da Yisu da ini da Arangan, “Watangin gamp arani rai da wafan, i Herot Antipas ini isa agu funub.”
25623	LUK 14:1	Gubuꞌ Sabat mangan da Yisu ifa i gada nam mingꞌa garam gudzun Farisai mangan ungaran. Da ribarangan itsanga Yisu ragun i bungꞌ anang nam faingꞌ.
25625	LUK 14:3	Da Yisu igut i rib Farisai da garam gudzupuꞌ i nan faidagin, “Amaꞌ, nan faidagin ini i isangꞌ i nanga garam gingꞌa rinin dauman da gubuꞌ Sabat, ma imaꞌ?”
25659	LUK 15:2	Da Farisai da garam gudzupuꞌ i nan faidagin ini nan pusupusan ibiani, “Garam aruani iti isu rinun rusan angu i garam asub da irut iga nam.”
25703	LUK 16:14	Da rib Farisai maran arida i moni yusan iringant i nan igi da igagara sib i Yisu da irim umpur in.
25740	LUK 17:20	Gubuꞌ mangan da garam Farisai igut i Yisu ibiani, “Gubuꞌ bungꞌ abianungꞌ da Anutu nanggan mpada tayangꞌ gan garaman bungꞌ aba?” Da Yisu ini, “Anutu nanggan mpada tayangꞌ gan garaman wabi nam garam tsangandan u.
25767	LUK 18:10	“Garam iruꞌ iyab Ungar Mararam i udagin da Anutu, manga Farisai da manga garam uda takis.
25768	LUK 18:11	Da garam Farisai imunti iyab da iyugin i runggan ibiani, ‘Anutu, dzi rim dangki da agu, i dzi anungꞌ ibi garam fain aga u — wapa nam, da nanga maisan, da araraꞌan ma bida garam uda takis araga.
25771	LUK 18:14	“Dzi nani da agam, garam aruani iwaꞌ rururungan i Anutu maranggan sib da itip iruꞌ gan ungaran, da garam Farisai imaꞌ. I rib santan tsarifa runggan da Anutu bungꞌ arasu, da rib rasuda runggan da Anutu bungꞌ atsarif.”
25839	LUK 19:39	Da Farisai fain mingꞌa wasaꞌ i ampi tsiraꞌ igi ni da Yisu ibiani, “Garam tsiraꞌ, wampiꞌ gam utupam atsungꞌa i agu ani i anungꞌ nida nan bida nigi u.”
26137	JHN 1:24	Da rib aru tanginda garam badan ugu da rib Farisai igi.
26156	JHN 1:43	Maiꞌ mangan da Yisu maran ifur i fada intap Galili. Da Arangan ifawaꞌ da Filip da ini rutin ini binaꞌ, “Watsungꞌ dzi.”
26157	JHN 1:44	Filip igi garam gamp Betsaida, Andru da Petrus gampan wain ibinigi.
26158	JHN 1:45	Filip ifawaꞌ da Natanail da ini rutin ibiani, “Aga waꞌ da garam Moses kakara nan gin mungꞌ mingꞌa wasaꞌ i Nan Faidagin da profet ruas bida nigi kakara nan gin ugu. Arangan Yisu, garam Nasaret, Yosef narunggan.”
26159	JHN 1:46	Natanail igutin, “Gamp Nasaret? Nam bini idzuwai igi isangꞌ i waꞌa nigi ba?” Da Filip ini, “Waba angu da watsangan.”
26161	JHN 1:48	Natanail igutin ini binaꞌ, “U busruꞌ i dzi ibi anungꞌ?” Da Yisu ini, “Dzi tsanga agu mungꞌ gubuꞌ aru u mpada yaung gai fik warangꞌ, da Filip imus nuꞌa agu.”
26190	JHN 3:1	Garam Farisai mangan binganggan Nikodimus, garam Yuda garam gudzunggan mangan.
26226	JHN 4:1	Farisai ruas iringantin ibi Yisu riban ruruban da atsungꞌa gin iyus Yowanis riban ruruban da atsungꞌa gin. Da bitsintaꞌ Yisu runggan anungꞌ irurub garam u; riban atsungꞌa gin angu irurub garam. Gubuꞌ Yisu sruꞌa gin bida Farisai ruas ringanta i nan igi, da itangin intap Yudia rai da irut riban ifa intap Galili.
26331	JHN 6:5	Gubuꞌ Yisu raꞌa i maran da itsanga garam utup tsiraꞌ bingan bada rutin, da Arangan igut i Filip ini binaꞌ, “Agi nabuyu nam gadan anungꞌ i riman da rib utup tsiraꞌ bingan ani i gadan?”
26332	JHN 6:6	Ini nan guta gin bida nigi i intsaꞌa Filip nanggan muarutsan, i Arangan runggan isruꞌ gin sib wa i nam Arangan maran furan i nangan.
26333	JHN 6:7	Filip ini Arangan nifunggan mungaꞌ ibiani, “Nam ntsuman uda i gum nanga sangꞌa gubuꞌ 200 anungꞌ isangꞌ i uda bret gin i ampi tsiraꞌ ani bits bits gada pas pas u!”
26429	JHN 7:32	Garam Farisai iringant i garam igi gagarada i nan da ruan gin yaba i Arangan, da irut garam pumuꞌa Anutu wain gudzun rusan itangin garam singaari ruas mpada tayangꞌ Ungar Mararam iba i mpunga Arangan.
26442	JHN 7:45	Da garam singaari ruas mpada tayangꞌ Ungar Mararam ugu itip ifan da garam pumuꞌa Anutu gudzun rusan da garam Farisai ruas. Da garam gudzun ruas igi igutin ini binaꞌ, “Ibi anungꞌ da agam imami mpunga arangan da uda badan?”
26444	JHN 7:47	Da Farisai ruas ini ribarangan nan gan mungaꞌ ibiani, “Mani arangan ma-iyuꞌ agam ampruꞌ?
26445	JHN 7:48	Aga garam gudzun ma Farisai ani fain mamuaruts arangan? Imaꞌ angu!
26453	JHN 8:3	Da garam gudzupuꞌ i nan faidagin da garam Farisai iyu sagat gabun bits ruta garam mangan araraꞌa i ruan iba munti ampan maran
26455	JHN 8:5	Moses ini i Nan Faidagin i sagat nanga asub bida ani da agi natapu funub i tauf. Da u bungꞌ ani nan idzuwai gin?”
26463	JHN 8:13	Garam Farisai ringanta i nan igi da ini biani, “U runggam ini nan wasi iyab i runggam, ibinigi da aga wasangꞌ uda u nan gam nida runggam wasi igi yaban bida nan nidzun u.”
26467	JHN 8:17	Agam Nan Gam Faidagin ini i bida garam iruꞌrun nida nan mangan wasi sangꞌa ruan angu da nan igi nan nidzun.
26469	JHN 8:19	Rib Farisai igut i Arangan ibiani, “U ramanggam impa anungꞌ?” Da Yisu ini binaꞌ, “Agam wasruꞌ i dzi ma Ramangꞌ u. Bida agam sruꞌa i dzi, da agam isangꞌ i sruꞌa i dzi Ramanggangꞌ bida nigi.”
26522	JHN 9:13	Rib igi iyu garam maran gampaman da dauman ugu ifan da Farisai ruas.
26524	JHN 9:15	Ibinigi da Farisai ruas igut i arangan i maran ibudaum ibi anungꞌ. Da arangan ini, “Garam igi sisa tamut i dzi marangꞌ da dzi yadzuꞌ, da aruani da dzi tsanga nam.”