82	GEN 4:2	Raiyi da Ifa itip irim Kein rainggan Abel. Gubuꞌ Abel yingꞌa sib da inang guman mpada tayangꞌ dumpa da nuning, da Kein inang guman rafa gum.
89	GEN 4:9	Raiyi da Yawe igut i Kein ini binaꞌ, “Da u rainggam Abel anungꞌ?” Da arangan ini, “Dzi wasruꞌgin u. Mai! Dzi masu wain i mpada tayangꞌ rainggangꞌ?”
98	GEN 4:18	Raiyi da Inok irim Irad. Da Irad irim Mehudzael. Da Mehudzael irim Metusael. Da Metusael irim Lamek.
105	GEN 4:25	Raiyi da Adam itip irut fininggan Ifa impai da fininggan iwangun da irim narun marub, da ifaringꞌ arangan binganggan Set (wainggan ibi irim) da ini, “Anutu irim mamaꞌ narun mangan da dzi i uda Abel faganggan aru Kein isa funub ugu.”
106	GEN 4:26	Raiyi da Set irim narunggan marub mangan da ifaringꞌ i binganggan Inos. Mingꞌa arangan gubuꞌ gan arigi da fadan da garam gar iyugin da nifun itsaf Anutu da ifaringꞌ i binganggan Yawe.
107	GEN 5:1	Adam tafan rusan yanginggan binganggan ibiani. Mingꞌa gubuꞌ Anutu tipa garam gar da Arangan itip ribarangan isangꞌ Runggan maraganunggan.
142	GEN 6:4	Mingꞌa gubuꞌ igi da yaba badan da garam yingꞌa maraurun tsiraꞌ tsiraꞌ bingan impai intap. Garam igi Anutu narun rusan rima da sagat intap. Rib igi garam ngifa ngants nidzun da miamun bingan ugu.
238	GEN 10:3	Gomer irim narun rusan ibiani: Askenats, Rifat da Togarma.
239	GEN 10:4	Dzawan irim narun rusan: Elisa, Tarsis da Kit da Rodan.
242	GEN 10:7	Kus irim narun rusan ibiani: Seba, Hawila, Sapta, Rama da Sapteka. Rama irim narun rusan iruꞌrun: Siba da Dedan.
246	GEN 10:11	I mingꞌa nigi da arangan ifa Asiria da iraf gamp Niniwe, Rihobot-Ir da Kala, da Resen. I gamp Resen igi imingꞌ wasaꞌ i gamp Niniwe da gamp tsiraꞌ Kala.
253	GEN 10:18	da Arwat da Tsemar da Hamat. Raiyi da utup Kanan igi idzarang da impa ruga rugan ifan.
254	GEN 10:19	Rib Kanan intapan ampapan mpada gin imingꞌ gamp tsiraꞌ Saidon da iragi uruts ringan ifa iwaꞌ Gatsa da Gerar da ifa ibi gubuꞌ yaban da iwaꞌ Sodom da Gomora da Adma da Tseboim da ifa iwaꞌ Lasa.
255	GEN 10:20	Rib igi Ham tafan rusan yatsungꞌ utupan da nifu-nan gan impruꞌ ruan impai intap ruga rugan isu utup utup.
267	GEN 10:32	Rib utup mpada ruga rugan igi Noa tafan rusan. I mingꞌa rib igi, da garam intap santan angu iwaꞌ da idzarang impa isangꞌ intap sib angu, da gubuꞌ mpui tsiraꞌ riꞌa sib.
270	GEN 11:3	Da ribarangan ini da ruan, “Ariꞌ! Wauriꞌ da agi nau intap gur da natip brik gin da natai i dzaf i babampafan.” Ribarangan inang ibinigi da iwaꞌ da brik i rafa ungar gin, da iyu kolta i amitsa brik mpruꞌan da ruan.
285	GEN 11:18	Pelek udzufan iwaꞌ 30 da irim narunggan Reu.
286	GEN 11:19	Reu waꞌa sib, da Pelek itip impa udzuf 209, da irim narun rusan marub da finam fain.
287	GEN 11:20	Reu udzufan iwaꞌ 32 da irim narunggan Seruk.
288	GEN 11:21	Seruk waꞌa sib, da Reu itip impa udzuf 207, da irim narun rusan marub da finam fain.
307	GEN 12:8	Raiyi da Abram itip intsungꞌ ifa mamai fain mingꞌa gubuꞌ yaban mingꞌa Betel da yari ungar apu rini gangan i nigi imingꞌ wasaꞌ i gamp Betel da Ai. Gamp Betel imingꞌ gubuꞌ ruꞌan da Ai imingꞌ gubuꞌ yaban. Da mingꞌa nigi da arangan itip yantungꞌ tauf isu mumai mararam tsarada nam in da iyugin da nifun itsaf Yawe.
309	GEN 12:10	Raiyi da gubuꞌ fus tsiraꞌ nam gadan maringꞌa sib iwaꞌ imingꞌ Kanan. Ibinigi da Abram yuriꞌ da itip intsungꞌ ifa intap Idzip i mpadan nigi pas angu.
342	GEN 14:5	Da waꞌa udzuf 14, King Kedoraumer irut king iruꞌ da bits ugu impruꞌ da gan garaman singaari impruꞌ ruan ifan da yis garam Refa mpada Astirot Karnaim, garam Tsuts mpada Ham da garam Em mpada Bump Kiriataim,
346	GEN 14:9	Ribarangan irut king nampang 4 ugu, Kedoraumer, Tidal, Amrafel, da Ariok, yis ruan.
350	GEN 14:13	Da Abram impai uts da Mamri gai gan tsiraꞌ tsiraꞌ ugu. Mamri igi garam Amur, Eskol da Anir rainggan. Rib iruꞌ da bits igi yudzu nan mangan impruꞌ da Abram i rima ruan sib. Da garam bits runta sinungꞌ adziang igi ibawaꞌ da Abram, garam Hibru, da ini rutin i king 4 ugu idaru garam Sodom da Gomora rai sib da iyu Lot da ifan.
381	GEN 15:20	Hit, Peris, Refa,
396	GEN 16:14	I wain igi da ifaringꞌ mpui maran igi binganggan Bir-Lahai-Roi, wainggan ibiani Mpui Anutu Marantaꞌan Tsanganda Dzi. Mpui maran igi rumingꞌ wasaꞌ i gamp Kades da Beret.
434	GEN 18:9	Tuas arangan igut i arangan, “U fininggam Sara impa anungꞌ?” Da Abraham ini, “Rumpa ungar wasaꞌ.”
465	GEN 19:7	da ini da ribarangan santan ibiani, “Raingꞌ ruas, dzi gaib runggangꞌ da agam i anungꞌ nanga uwayant maisan igi u.
467	GEN 19:9	Garam Sodom iringant i nan arigi da ini binaꞌ, “Wafa manaꞌ i agai! Aga tus marangꞌ i agu garam gamp manga arigi da aruani da u ni nanga runggam bida garam raruda agai i gangꞌ uwayantangꞌ. Wafa manaꞌ i agai! I aga bungꞌ awaya agu nidzun angu nayus rib iruꞌ aga.” Ribarangan iyut Lot rai da yusu ruan ifa i branga muantsi.
497	GEN 20:1	Abraham itangin Mamri gampan rai da intsungꞌ iruꞌ Negeb da impa wasaꞌ i gamp Kadis da Sur. Raiyi da itip intsungꞌ ifan da impa Gerar.
547	GEN 21:33	Abraham intang gai mangan nida tamaris gin imingꞌ Birsiba da iyugin da nifun itsaf Yawe, Anutu Mpada Ratar Ntingan Angu.
555	GEN 22:7	Ifan da Isak igut i raman, “Ramangꞌ?” Da Abraham ini, “Yaꞌ, narungꞌ. Wani.” Da Isak ini, “Dzaf da gai maringꞌ ani, da dumpa anungꞌ i tsaradan?”
562	GEN 22:14	Ibinigi da Abraham ifaringꞌ mumai arigi bingangan Yawe Runggan Irim. Da mingꞌa gubuꞌ aruani da rungꞌ ini, “Mingꞌa Yawe mamai gan da Runggan bungꞌ arim.”
568	GEN 22:20	Raiyi da rib fain iragi Abraham rainggan Nahor narun rusan rutin ibiani, “U rainggam Nahor fininggan Milka irim narun rusan binganggan ibiani:
571	GEN 22:23	Betuel isu Rebeka ramanggan. Milka, Abraham rainggan Nahor fininggan, irim Nahor narun rusan 8 igi.
572	GEN 22:24	Da sagat guman Reuma irim arangan narun rusan marub ibiani: Tiba, Gaham, Tahas da Maka.
607	GEN 24:15	Gubuꞌ arangan rumingꞌa i nan udagin, da aruf mangan nida Rebeka gin yantungꞌ gur ranguda mpui gin i sias ibawaꞌ. Arangan ramanggan Betuel, Abraham rainggan Nahor da fininggan Milka narunggan marub.
608	GEN 24:16	Rebeka igi aruf mamaꞌ mara rifirif bingan da garam manga wawaꞌ da arangan u. Arangan iruꞌ mpui rafan da irangu mpui i gur da itip yantungꞌ i sias iyab iba.
610	GEN 24:18	Da Rebeka ini, “Hai, garam tsiraꞌ,” da arangan sung angu yapingꞌ mpui gur iruꞌ i arangan numan.
611	GEN 24:19	Arangan inum mpui isangꞌ da Rebeka ini, “Dzi bungꞌ arim mpui da agu kamiram nabinigi nasangꞌ ribarangan numa sangꞌan.”
616	GEN 24:24	Rebeka ini ibiani, “Dzi ramanggangꞌ Betuel. Da dzi rumpungꞌ rusangꞌ Nahor da Milka.
621	GEN 24:29	Rebeka nafunggan binganggan Laban. Arangan itsangan ring gol ruguda i nafunggan yun da gol iruꞌrun atsufa i bangin bida tsipu, da iringant i nafunggan Rebeka fisa i nam santan garam igi nidan da nanga rutin ugu, da sung angu irunt ifa mpui rafan da itsangan garam igi da kamiran rungꞌ muntidan.
637	GEN 24:45	Gubuꞌ aru dzi rungꞌ udagin mingꞌa wangunggangꞌ, da Rebeka yantungꞌ gur i sias ibawaꞌ, da iruꞌ i ranguda mpui da dzi ni da arangan, ‘Amaꞌ, warim mpui da dzi nanum.’
643	GEN 24:51	Rebeka aruani. Da u bungꞌ ayu arangan da wafan, da arangan nasu u garamam tsiraꞌ igi narunggan fininggan nabi Yawe santingꞌan.”
645	GEN 24:53	Ida arangan isuwiꞌ nam rinigira gol da silva da ngarukui mara maran da irim da Rebeka. Da irim nam mara maran bini ampi bingan da Rebeka nafunggan da rinanggan.
646	GEN 24:54	Ribarangan ini nan sib da Abraham garam guman irut garaman iga nam sib da igingꞌ igi. Ribarangan uriꞌa da tataꞌ da garam gum ini da rib igi ibiani, “Dzi ni tipa fadan da gangꞌ garamangꞌ tsiraꞌ.”
647	GEN 24:55	Da bitsintaꞌ Rebeka rinanggan da nafunggan ini binaꞌ, “Aga marangꞌ ifur i Rebeka ruta aga mpada sangꞌa gubuꞌ 10 ma gubuꞌ fain raiyi, ida arangan musa ruta agam fadan.”
649	GEN 24:57	Da ribarangan ini, “Agi nanuꞌ Rebeka da nagut i arangan.”
650	GEN 24:58	Ibinigi da ribarangan inuꞌ Rebeka ba da igutin, “U wangunggam iyu i ruta garam ani fadan da aruani?” Da arangan ini, “Hai, dzi bungꞌ arut afan.”
651	GEN 24:59	Ibinigi da ribarangan itangin Rebeka impruꞌ da gan sagatan mpada tayangꞌ gin da irut Abraham garam guman da gan garaman impruꞌ ruan fadan.
652	GEN 24:60	Da gubuꞌ Rebeka nida tanginda utupan rai i fadan, da ribarangan ifinti arangan i nan fintidan ani, “Nafungꞌ, agu bungꞌ asu tausen da tausen ampi bingan rinanggan! Da agu tafam rusam bungꞌ ampa riri i gan garam ipiapan da nasu wain i gan gampan.”
653	GEN 24:61	Da Rebeka irut sagat rusan nanga gum i arangan itip runggan da iyab impa kamir da yatsungꞌ Abraham garam guman da irut ifan.
654	GEN 24:62	Da Isak imingꞌ intap mpui maran Bir-Lahai-Roi iba, i gubuꞌ arigi arangan impai imingꞌ intap Negeb.
656	GEN 24:64	Rebeka ibinigi iraꞌ i maran da itsangan Isak da yatup sung angu iruꞌ sinungꞌ kamir.
657	GEN 24:65	Da igut i Abraham garam guman ini binaꞌ, “Garam idzuwai aru yunga badan naga?” Da garam gum ini, “Dzi garamangꞌ tsiraꞌ Isak igi.” Rebeka iringantin da iyu bruꞌ paparatan untuda i gudzun da iraub sib i maran.
659	GEN 24:67	Da Isak iyu Rebeka irut yatangꞌ rinanggan Sara ungaran apu rini gangan da isu i fininggan. Da wangunggan iyu Rebeka nidzun angu, da Rebeka irasu i wangunggan barabindan i rinanggan nanggan mampan.
670	GEN 25:11	Gubuꞌ Abraham mampa sib, da Yawe ifinti arangan narunggan Isak. Da Isak impa uts da mpui maran Bir-Lahai-Roi.
679	GEN 25:20	Gubuꞌ Isak udzufan sangꞌa 40 da iyu Rebeka, Betuel narunggan finam da Laban nafunggan, ribarangan garam Aram mpada Mesopotemia ugu.
680	GEN 25:21	Isak fininggan isu sagat yami, ibinigi da Isak yugin da Yawe i rima arangan fininggan sib. Yawe iringant i arangan nan gan udagin da Rebeka iwangun.
681	GEN 25:22	Mamaꞌ narun iruꞌ mingꞌa Rebeka wangun igi yis ruan imingꞌ rinan wangun wasaꞌ. Ibinigi da arangan ifan da Yawe i nan udagin da ini binaꞌ, “Wain idzuwai da nam bida ani iwaꞌ da dzi?”
685	GEN 25:26	Da rainggan waꞌa atsungꞌa arangan da bangin ruturiꞌ i faga mutun. Ibinigi da rib igi inuꞌ arangan binganggan Yakop (wainggan gifa faga mutun). Isak udzufan isangꞌ 60 da gubuꞌ aru Rebeka rima mamaꞌ bampungꞌ iruꞌ igi.
687	GEN 25:28	Isak maran yari nidzun angu i Isau, wain ibiani, arangan nugun itsiaꞌ i gada apu Isau yunga gin. Da Rebeka ibinigi maran yari nidzun i Yakop.
700	GEN 26:7	Gubuꞌ garam gamp igi guta i arangan i fininggan da arangan ini binaꞌ, “Dzi nafunggangꞌ igi.” I arangan irat da ini i wangunggan angu ibiani, “Bida dzi nida fininggangꞌ gin da garam gamp ani bungꞌ ais dzi funub i arangan, i Rebeka igi sagat mara rifirif bini.”
701	GEN 26:8	Isak impa nigi gubuꞌ ampi bingan sib raiyi, da gubuꞌ mangan Abimelek, garam Filistia king gan, imunti ungaran muantsi wagungꞌ da irarab Isak yafusa fininggan Rebeka.
714	GEN 26:21	Raiyi da itip iraf mpui mangan da rib igi itip irut isu ufuai i nigi impruꞌ, da Isak ifaringꞌ i binganggan Sitna (wainggan ibi usuda gudzun i ruan).
715	GEN 26:22	Isak itangin nigi rai da itip iraf mpui mangan. Da gubuꞌ arigi da garam mangan watip irut isu ufuai gin u, ibinigi da ifaringꞌ i binganggan Rihobot (wainggan ibi intap utaꞌ mangan) da ini, “Aruani da Yawe irim intap utaꞌ manga ani da agi i mpada bini da agi yangin rusangꞌ bungꞌ autus i ruan nawaꞌ nasisungꞌ namingꞌ gamp ani.”
728	GEN 26:35	Sagat iruꞌ igi inang Isak da fininggan Rebeka wangun ibarabin nidzun angu.
729	GEN 27:1	Isak ifufi sib da maran isap da anungꞌ isangꞌ i rungꞌ raraba nam, ibinigi da irim nan i narun miamun Isau iba da ini rutin, “O Isau, dzi narungꞌ.” Da Isau ini, “Ramangꞌ, dzi aruani. U ni wai?”
733	GEN 27:5	Gubuꞌ arigi da Rebeka impai da iringant i Isak nan gan nidan da narun Isau. Gubuꞌ Isau tanginda raman da fada sib i yunga apu wap i uda badan,
734	GEN 27:6	da Rebeka ini da narunggan Yakop ini binaꞌ, “U ringantin, aruani da dzi mpai da dzi ringant i u ramanggam nan gan nidan da Isau bida ani,
739	GEN 27:11	Yakop ini rinanggan nan gan mungaꞌ ibiani, “Rinangꞌ. U sruꞌ i dzi rainggangꞌ Isau sib wa. Arangan garam rinifufun yusan, da dzi imaꞌ.
743	GEN 27:15	Ntsupa sib da Rebeka iyu narun tsiraꞌ Isau ngarukui gan bini mangan mingꞌa ungar wasaꞌ da yatsuf ifan da Yakop, narun isiꞌ igi.
745	GEN 27:17	Da Rebeka iyu nam ntsits bini da bret fain arangan tipan ugu da irim da narun Yakop.
746	GEN 27:18	Yakop iyu nam gadan igi ifan da raman da ini binaꞌ, “Ramangꞌ.” Da raman ini binaꞌ, “Hai. U wai igi?”
759	GEN 27:31	Arangan ibinigi itip apu ntsits bini da iyu iba da ramanggan da ini, “Ramangꞌ, wampa wayab da waga apu dzi uda badan da agu ani, da wafinti dzi.”
762	GEN 27:34	Da gubuꞌ Isau ringanta i raman nan gan igi da iyaiꞌ da irang tsiraꞌ bingan ruta wangun barabindan da ini binaꞌ, “Ramangꞌ, wafinti dzi nabinigi!”
764	GEN 27:36	Da Isau ini ibiani, “Ramangꞌ! Bingan Yakop isangꞌ arangan rururungan. Mungꞌ da arangan isu umpur da dzi, da iyu dzi nanggangꞌ suda mamaꞌ miamun gan. Da aruani da itip isu umpur da agu, da iyu dzi nan gangꞌ fintidan. Da ramangꞌ, nan fintidan pas u mamida riman da rumingꞌan, da warim da dzi.”
766	GEN 27:38	Da Isau ini da raman, “Ramangꞌ, nan fintidan igi mani bitsintaꞌ angu, ma? Wafinti dzi wampruꞌ!” Ibinigi da arangan irang tsiraꞌ bingan angu.
769	GEN 27:41	Isau maran ifur nan fintidan Isak riman da Yakop igi, da isu wangun nidzun angu da Yakop. Da ini angu imingꞌ wangunggan ibiani, “Ramangꞌ gubuꞌ gan mampan iba su uts, da bida aga ranga gin sib, da dzi bungꞌ ais rainggangꞌ Yakop funub.”
770	GEN 27:42	Da bitsintaꞌ gubuꞌ Rebeka uda sisingꞌ i Isau sanaban tipan da inuꞌ Yakop ba da ini rutin ibiani, “Waringantin, u rainggam Isau irasu wangun barabindan i nan gan tipa i isa agu funub.
771	GEN 27:43	Ibinigi da dzi narungꞌ, wanang wabi dzi nidan, da wafan da dzi nafunggangꞌ Laban da warut wampai namingꞌ gamp Haran, nasangꞌ u rainggam nugunggan nufan da maran samuda nam u nangan da arangan. Raiyi da dzi bungꞌ atangin rib fain nabiaꞌ i tipa uda agu badan. Dzi bugin i tanginda narungꞌ rusangꞌ agam iruꞌ igi rai da gubuꞌ bitsintaꞌ angu.”
774	GEN 27:46	Rebeka ini da Isak ini binaꞌ, “Dzi raraiꞌ nidzun angu i Isau finin rusan, sagat Hit iruꞌ ani. Bida Yakop uda sagat Hit ani gan mangan sangꞌa sagat tuas iruꞌ aruani, da dzi nanggangꞌ mpadan bungꞌ amais wasi.”
779	GEN 28:5	Isak ini ibinigi sib da itangin Yakop ifa Mesopotemia da Laban, Betuel garam Aram ugu narunggan. Laban igi Yakop da Isau rinanggan Rebeka nafunggan.
800	GEN 29:4	Yakop igut i rib igi ini binaꞌ, “Amaꞌ raingꞌ ruas, agam rib anungꞌ igi?” Ribarangan ini nan mungaꞌ, “Aga rib Haran ani.”
802	GEN 29:6	Da Yakop igut i ribarangan, “Arangan impa bini ma imaꞌ?” Da ribarangan ini, “Hai, arangan rumpa bini. Da tsangan, arangan narunggan finam Retsel iyu ramanggan dumpa gan iba ani.”
805	GEN 29:9	Yakop rungꞌ ruta garam mpada tayangꞌ dumpa nida nan da Retsel iyu ramanggan dumpa gan ibawaꞌ, i arangan impa tayangꞌ gin.
806	GEN 29:10	Yakop itsangan Retsel, gayanggan Laban narunggan finam, impruꞌ da dumpa gan santan igi da ifa rimpingꞌ tauf sinungꞌ mpui nifun da irim mpui da gayanggan dumpa gan inum.
807	GEN 29:11	Da Yakop itsutsuf Retsel da irang ruta nugun tsiaꞌan tsiraꞌ bingan.
808	GEN 29:12	Da arangan ini da Retsel ibiani, “Dzi Rebeka narunggan marub, u ramanggam Laban nafunggan finam.” Retsel iringantin da irunt sung angu ifan da ini da ramanggan.
812	GEN 29:16	Da Laban narun rusan finam iruꞌrun rumpai; miamun Lia da isiꞌ Retsel.
813	GEN 29:17	Lia mara nidzun gan idaum angu, da bitsintaꞌ Retsel arangan aruf mararifirif bingan iyus Lia i maranggan da nidzunggan santan.
814	GEN 29:18	Yakop maran yari i Retsel nidzun angu, ibinigi da ini da Laban, “Dzi bungꞌ anang gum nayab i agu nasangꞌ udzuf 7 i uda u narunggam isiꞌ Retsel suda dzi fininggangꞌ.”
816	GEN 29:20	Ibinigi da Yakop inang gum udzuf 7 i uda Retsel, da itsangan udzuf 7 igi ibi nam utaꞌ aru mangan angu isangꞌ gubuꞌ iruꞌ angu, i arangan maran yari nidzun angu i Retsel.
821	GEN 29:25	Gubuꞌ pisan da Yakop irunt fafun i tsanganda Lia. Da arangan ifa ni da Laban, “Wain idzuwai gan ani da u nang uwayant bida ani da dzi? Dzi nang gum angu i Retsel. Da ibi anungꞌ da u bu iyuꞌ dzi i rima Lia?”
823	GEN 29:27	Wampai nasangꞌ suntaꞌ bintsudan ani ntsupan, ida dzi namus rima Retsel da agu, da u bungꞌ atip anang gum i dzi nasangꞌ udzuf 7 mangan.”
824	GEN 29:28	Yakop itaga ruan da irut Lia impai isangꞌ suntaꞌ arigi ntsupan. Ida Laban irim Retsel da Yakop isu arangan fininggan. (
825	GEN 29:29	Laban itangin sagat gum, Bilha, da Retsel.)