60	GEN 3:4	Odocob man sononec caja madon, “Qeeo! Ale qee cal mowasin!
94	GEN 4:14	Faga! Hina qila deel ina maha inadec ititactagana. Odocom ija hina amennu bisachi nuigen. Ija jehenca qee mahamaha loldudu cobigen. Odi cocobomin in oso guluctigiaqa qagateceb cal migen,” don.
155	GEN 6:17	Faga! Ija wa sil mahana suldugen. Ceteteh cunug mahana coboginaca sao bisalunaca cunug fadaladigen. Ceteteh mahana cebac bilegina age cunug cal moqagan.
215	GEN 9:9	“Aria feiga! Ija qila ageca agena sihul hibna cali hoqagan eucanu bal cehec je madigina.
393	GEN 16:11	Faga! Hina mel oso basegan. Tibud uqa hinana culumennu wawin qajena eu dah meia. Eunu hina uqa ijan Ismal qogan.
418	GEN 17:20	Aria Ismalnu je madaga eu ija dah mihiga. Faga! Ija uqa eeldocomin uqana sihul mati bahic fulusdoqagan. Uqana sihul eunadec hatu ilo 12 caloqagan. Uqana sihul hatu ben oso caligian.
450	GEN 18:25	Hina dana ititom qisol mec danaca gabanadi qee madegafi euqa hinana kobol qee. Eu odi odogaqa hina dana ititom qisol mecca osoben ihocihoc odadegan. Eu odi odoc hinana kobol qee! Hina mahamaha cunug agena gesilec dana. Hina tutuc gesilgec bahic gesilgaga,” don.
467	GEN 19:9	Qa age madoin, “Jag, hina isa quguga! Ege eeta odocomun cain magagaun. Hina isa quguga. Qeefi hina me qee odiheqan eu wooldoc ale me qee odaleqan,” doin. Age Lot gagadic bahic sundoin. Odimeig age cebec batawoqaga bili cemenug lein.
472	GEN 19:14	Odocobil Lot uqa cali limei dana lecis uqa ategul cedalowasannu je nijen eu maalen, “Cajesia! Taun i culdesia! Tibud uqa taun i fadaldugian,” alen. Odonqa ale uqa udoc je maalena ec cisdosin.
475	GEN 19:17	Odocobil ale ehadi nui taun gesacna madimesi dana eu ale oso maaden, “Mahuc busaleiga! Age cal mowainnu busaleiga! Hibilomoga isec cain meciowain. Maha asouna ha cain tawowain. Aluhna busali beleiga. Qeefi taun i fadaldodohul ageha fadaloqagan,” aden.
598	GEN 24:6	Odocob Ebraham uqa jejeg madon, “Batut fagale! Ija melami ono cain ehudi lagaun.
702	GEN 26:9	Eunu king Abimelek uqa Aisak utadocob leceb madon, “Faga. Uqa hina aiden! Eu adinu hina uqa ija cebinami ec matem?” don. Odocob Aisak uqa jejeg hewi madon, “Uqanu ija qagatecebil cal migaun imig odi mahem,” don.
821	GEN 29:25	Odonqa qasil Jekob uqa caja eu ola eu Lia fen! Odimei uqa Lebanca limei madon, “Celnu kobol i oditiga? Ija Reselnu hina hinana cabi uhem. Celnu qautuga?” don.
898	GEN 31:24	Odocobil witic euna Anut uqa bebelecna Leban madon, “Batut faga! Jekob cain geuldoc je madogaun. Ceselecnu ha cain cesusdogaun,” don.
903	GEN 31:29	Ija hina qihecnu gagadic odoccaqa qila witic hina memenna Anut uqa je edi mateia, ‘Batut faga! Jekob cain geuldoc je madogaun. Ceselecnu ha cain cesusdogaun,’ teia.
1239	GEN 41:43	Odocob Fero uqa uqana karis lecis doc eu uteceb euna cobon. Cocobon Fero uqana han cofdoc dana age aquni utai madein, “Isa qoiga! Isa qoiga!” adein. Eunu uqa Isip maha cunugnu ilo muden.
1387	GEN 45:28	Odocob Jekob uqa maden, “Eu mele bahic! Ija melami Josef uqa gaid cebac bilia. Ija nui fimig cal migen,” en.
23268	MAT 3:7	Odocob Jon uqa Farisi Sadjusica mati age uqa wa joadigiannu uqaca hohogin feciadimei maaden, “Age man sononec nag me qee! In madeianu age Anutna gemag bec jawe hugia odona euna busalecnu age ihoc, egina?
23377	MAT 6:26	Man fululec sao bisilag cobogina eu meciadeigale. Age ceteteh qee cehegina. Ageha wal meceb ceteteh jo bisna qee tacegina. Euqa age Memega sao jobon bilia uqa moot madena. Age agena fajec eu man fululec agena fajec wooldoc bahic bilegina!
23386	MAT 7:1	Jisas je haun maaden, “Eetanu hina cotin amegna hilican nag eu fagana qa hinadodoc amenna fan ben nijina eu qee fagana? Qeefi, hina adi cotin madogana, ‘Coti, cultecem hilican nag amenna nijia eu u helihigen,’ dogana qa hina amenna fan ben nijina? Hina me hihili coboc dana! Casac fan ben eu hina amenna fagdoc nijia eu cagati helagale. Odocob hilican nag cotin amegna nijia eu u helecnu ihoc fegan. Gesilec age osonu je madegina gesilec euna Anut uqa age gesiladigian. Age ihoc mec dana ihoc miadegina ihoc mec euna ha Anut u hewi age ihoc miadigian. Eunu Anut age gesiladimei camasac mimi cewadeiaunnu age dana osona kobol gesildumeig cain camasac mimi cewudec je madowain,” aden.
23396	MAT 7:11	Feiga, age dana gug me qee qa age agena mel ceteh me adecnu dogina. Eunu age mele dogina, Memega sao jobon bilia eu uqa age sisildogina eundec ceteh me bahic adigian!
23472	MAT 9:24	maaden, “Mel aid i qee cal mel. Uqa us himec nijina! Isa qoiga!” aden. Odocob age asaldoin.
23547	MAT 11:19	Odocob Dana Melah uqa sabca wainca jejen hon qa age madein, ‘Dana i feiga! Uqa sab muhna jec dana. Uqa wain jeceb dalul qoc dana. Uqa takis cedec danaca silail danaca agena danah bilegina,’ age odi madein. Euqa dana age Anutna doc silecca toodu odogina eu age tutuc odogina eunu dana cajaca cunug age fimeig madein, ‘Anutna doc silecca eu ititom,’ ein,” aden.
23549	MAT 11:21	Uqa maaden, “O Korasin, O Betsaida, odoc kobolkobolca agena calen eu odi Taia Saidonca caloubmi wele bahic dana ono age lotoc me qee tacimeig comisna bibili agedodoc dewenegana weti heheli biloub. Age agena silail hibemdogina ihacadecnu eu odi odoub! Eunu Korasin, age walocca! Betsaida ha, age walocca!
23551	MAT 11:23	Odocob Kapaneam agenu! Age Anut uqa sao jobon ohis ehadi tigian ec cisdoginafo? Qeeo, odoc kobolkobolca ija Kapaneam ono odom eu oso uqa Sodom ono odoubmiqa Sodom qila deel ina biloub. Eunu Anut uqa heladeceb oloqanihna noqagan!
23592	MAT 12:34	Age man sononec uqana nag! Age me qee sihuldec! Age adi je me madoqagan? Ceteh waugna am bec nijia eu cona cali hu camas mena.
23599	MAT 12:41	Weleca Niniwa dana age Jona me je qasali maadeceb agena silailnu tului falicdoin. Ijaqa maadigina, oso eu Jona wooldoc ene bilia! Eunu Niniwa dana age isi Gesiladec Benna dana sihul qila i ene bilegina eundec gami cajimeig age dana i bilegina deweneganu geladec je madoqagan.
23600	MAT 12:42	Weleca Kwin sautdec uqa Solomonna cisdoc silecca je dugen imei hatu onoca bahic cocobi niniji hu je dah men. Ijaqa maadigina, oso eu Solomon wooldoc ene bilia! Eunu Kwin sautdec uqa Gesiladec Benna dana qila i ene bilegina eundec gami cajimeig uqa dana i bilegina deweneganu geladec je madigian,” aden.
23637	MAT 13:29	Odocobil maaden, ‘Qeeo! Huhel witca eu fecnu ihocihoc eunu age huhel cacasili li witha casiluwainnu cain odowain!
23693	MAT 14:27	Odi odocobil Jisas mahuc maaden, “Ija ihen. Age cain cucuiuwain! Age wawaga toogdoiale!” aden.
23709	MAT 15:7	“Me hihili coboc age! Je hahun madec dana, Aisaia, uqa agenu je tutuc bahic wele madi maden:
23730	MAT 15:28	Caja odi madocob Jisas madon, “O caja, hina wawin meleec eu caunca bahic! Hina madagana eu odihia,” don. Odocob caja uqa ateg saen euna bahic hag medon.
23786	MAT 17:17	Odocob Jisas uqa jejeg hewi madon, “O dana cajaca qila bilegina, age wawaga meleecca qee, age cisdoc cogogecca! Saen ganic ija ageca haun biligen? Saen ganic ija camuhulaadi cobigen? Mel eu cemeni ehudi ahoigale,” don.
23803	MAT 18:7	“Faninadec mahana nijina, odocob faninadec eu gaid dana cajaca ageca hona, eu cunug qee mudecnu qee nijel. Euqa dana cajaca age maha ina bilegina age leih faninadecebil silail megina eu age walocca!
23854	MAT 19:23	Odocob Jisas uqa malogom maaden, “Ija mele maadigina, dana cehewanagaca age sao cul jobon dunuh loqagannu eu cacanigca bahic!
23883	MAT 20:22	Odocob Jisas caja jejeg hewi maalen, “Ale cetehnu ninitesina eu uqana caun qee dosina! Wa gab ija jigen eu aleha jecnu ihocfo?” alen. Odocob madosin, “Ese, ele jecnu ihoc,” dosin.
23904	MAT 21:9	Dana cajaca age aqunitutu hib toodudu age due sisili madein: “Hosana! Ege Dewid Melah binan suluquna! Tibud ijanna egeca hona eu uqa eeldoc biliale. Anut Ohis Bahic uqa binan wasi nuiale,” ein.
23910	MAT 21:15	Euqa ihanec dana benbenca loo je iwaladecca age Jisas kobolkobol oodon fimeig mel sim ha tempelna Jisas binan susuli Hosana! Ege Dewid Melah binan suluquna! ec due sisilegin dah mimeig gemanaga jawe beceb
23970	MAT 22:29	Odocobil Jisas jejenega hewi maaden, “Age Anutna jaqec je nijia eu qee dogina, age Anutna gagadic odocha qee dogina. Eunu age dadanecca bilegina!
24000	MAT 23:13	Jisas je haun maaden, “O loo je iwaladecca Farisica, age dana cajaca sao cul jobon lecnu jic cebec meniadegina. Euqa agedodoc lecnu culegina, odimeig leih sao cul jobon lecnu wawaga nijia euqa age cahacadegina. Eunu age me hihili coboc dana! Age walocca!” aden.
24002	MAT 23:15	“O loo je iwaladecca Farisica, age dana osol Juda kobolnu falicdugia iwaldocnu mahana jic cecelacca cobogina wagna ha cobogina. Dana eu Juda kobol ocob age uqa oloqanih jana bilec dana bahic mudegina. Uqa oloqanih jana bilecnu age wooladena. Eunu age me hihili coboc dana! Age walocca!” aden.
24003	MAT 23:16	“Age dado madec qa amaga galuc mecca, age walocca! Age odi madegina, ‘Dana oso uqa tempelna mele ohis ena eu ceteh gauc. Euqa dana oso uqa tempelna gold bibilenna madena eu uqa mele ohis ena, cois uqa maden odi odigian,’ egina.
24010	MAT 23:23	“O loo je iwaladec Farisica, age agena ceelum filfil cabinadec am 10-pela qatanadimeig am osol eu Anut utegina. Age Anutna loo je ceteh nagnu geh cisdogina euqa Anutna loo je ceteh caunca eunu qee cisdogina. Age dana gesiladecnu kobol tutucca, waug qocca, wawaga meleecca eunu qee cisdogina. Age ceteh caunca ceteh nagca osoben odoubqa age qee odoloin. Age dado madec qa amaga galuc mecca! Age agena sabna galalec nag cedi helegina euqa kamel belucdocobil nona. Eunu age me hihili coboc dana! Age walocca!” aden.
24012	MAT 23:25	“O loo je iwaladec Farisica, age agena gabinca bohca hibo eu gaid wasacudegina euqa age wawaga dunuhna heje oc kobolca ija didih ecca nijia. Eunu age me hihili coboc dana! Age walocca!
24014	MAT 23:27	“O loo je iwaladec Farisica, age odi qalqalna meen hatin uqana gelgel age camasac waia senenecna baial joidein cinigwe. Qalqal meen hatin eu gelgel camasac fecnu galeca qa dunuhna cal mec dana tob tefulunuga ceteh gegehinca nijia. Eu odiwe ageha dana amagana meciadec eu tutuc odoc fegina qa wawaga dunuhna eu qauecca loo je tefacdocca nijia. Eunu age me hihili coboc dana! Age walocca!” aden.
24016	MAT 23:29	“O loo je iwaladec Farisica, age je hahun madec dana agena qalqal meen hatin cehegina, age dana cajaca ititom agena amegu bala me bahic megina. Age odi oodoig madegina, ‘Jajanigeil bilein saen euna ege biloummiqa ege jajanigeil odoin eu ege qee odoum, ege je hahun madec dana aqocomun qee cal moub,’ egina. Eu madecnana age ege dana ebenega je hahun madec dana agena golanagaca eundec agena mel biluquna ec eu camasac megina. Eunu age me hihili coboc dana! Age walocca!
24020	MAT 23:33	Age man sononec me qee, age man sononec nag! Anut gesiladeceb eu adi oloqanih jana nuecnu cagasoqagan?” aden.
24045	MAT 24:19	Saen euna caja waugca coboc, caja mel sim su adegina eundec walocca bahic biluqagan!
24068	MAT 24:42	Age agena Tibud aadeb hugian eu age qee dogina. Eunu amaga cebac bileigale!
24072	MAT 24:46	Cabi dana eu saen uqana meca jobon ceseli humei odi oodob fecidumei uqa ben bahic ceeligian!
24098	MAT 25:21	Odocob uqana Ben madon, ‘Cois, hina cabi dana megameg mec me bahic! Ija nag ebenna mem eu hina cofdu cuhadumeg cabi megameg mem. Ija mati bahic ebenna mihigen. Ceeli bilec hinana Ben uqa saciadon eu ocnu ijana jona lagale,’ don,” aden.
24103	MAT 25:26	“Odocob uqana Ben madon, ‘Hina cabi dana me qee, hina cabi ol! Ija cehelo qee cehelem euna limig aig comigina, ija cabi qee cehelem euna limig casili cili jigina eu hina dom.
24147	MAT 26:24	Dana Melah uqa wele Anutna jaqec je jaqen odi toodugian eunu je eu toodugian qa dana uqa ija cad ebenegana mitigian eu walocca biliale! Dana eu anag qee basoubmi eu me bahic nijoub,” aden.
24168	MAT 26:45	Uqa malogomca ceseli humei maaden, “Age gaid jaen mumudi bileig us nijeigafo? Feiga, saen wele hoia! Age qila Dana Melah silail dana ebenegana muduqagan.
24191	MAT 26:68	madoin, “Hina Anutna Krais. Eunu je hahun magaga! In dewen tudoia magaga doqa?” doin.
24238	MAT 27:40	madein, “Hina tempel wagalimig deel cijed hedocob haun cehigen em, hinadodoc cahahadoga! Hina Anut Melahfi na babalecnadec toni naga,” ein.
24311	MRK 1:27	Odocob dana cajaca cunug tumatumaimeig agedodoc madocobmadocobi sisilein, “Eu eeta? Dana i je haun iwalgena! Uqa Anutna gagadic odocca buga me qee gegehinca eundec dih maadeceb age co toodu odogina,” ein.
24336	MRK 2:7	“Dana i adi je odi madena? Uqa Anut cewudec je madena! In silail cagasiadecnu ihoc? Eu Anut himec uqa ihoc,” ein.
24391	MRK 3:34	Odimei uqa dana cajaca age alildu bilegina eu uqa talilaadi meciadimei maaden, “Feiga! Ija au walielca ihen!
24395	MRK 4:3	“Dah meiga! Dana oso uqana cabina wit aig helecnu nuen.
24416	MRK 4:24	Uqa je haun maaden, “Oso uqa docca nijia eu Anut uqa haun utigian. Euqa oso uqa docca qee eu Anut uqa uqana doc nag nijia eu cawaldugian. Eunu cel je dah megina eunu batut cisdoigale! Age dana cajaca gesili ganic dogina, gesiladec eu odi himec Anut ameg age wadacadigian. Odocob Anut uqa ceteh haun adigian,” aden.
24431	MRK 4:39	Jisas cajimei fufu cahacdu madon. Odimei macas madon, “Malol biliga! Tiliaga!” don. Odocob fufu qee meceb macas tiliec bahic nijen.
24490	MRK 6:14	Saen euna Jisas uqana odocnu je eu hatu cunugna ihoc len. Eunu King Herod uqa Jisasna odocnu hutan don. Leih age madein, “Wa Joadec Jon uqa cal mecnadec ceseli cajen! Eunu gagadic odoc i uqa dunuh cabi ona,” ein.
24526	MRK 6:50	Ge, age cunug fecidumeig age qeleli filicitein. Euqa Jisas mahuc maaden, “Cain cucuiuwain! Ija ihen. Age wawaga toogdoiale!” aden.
24569	MRK 7:37	Odocobil dana cajaca age je eu dah mimeig ben bahic tumatumai madein, “Uqa ceteteh cunug me odoin. Ge, dahiniga cufa qoc coboin eu uqa odocob dah megina! Conoga cufa qoc eu uqa odocob je madegina!” ein.
24626	MRK 9:19	Odocob Jisas uqa je eu dah mimei maaden, “O dana cajaca qila bilegina, age wawaga meleecca qee! Saen ganic ija ageca haun biligen? Saen ganic ija camuhulaadi cobigen? Mel eu cemeni ehudi ahoigale,” aden.
24681	MRK 10:24	Odocob uqana malogom je eu dumeig filicitein. Euqa Jisas uqa je haun maaden, “Ijana mel, Anutna cul dunuh lecnu eu cacanigca bahic!
24709	MRK 10:52	Odocob Jisas madon, “Hina wawin meleec eu me mihia! Gad nuugale,” don. Odocob dana eu mahuc ameg fogo docob uqa ceteteh cunug fen. Odimei uqa Jisas toodocob belein.
24718	MRK 11:9	Dana cajaca age aqunitutu ha toodudu cocobi age conoga suli u madein: “Hosana! Tibud ijanna hona eu uqa eeldoc biliale!
24719	MRK 11:10	Ege memige Dewidna cul hona eu eeldoc biliale! Hosana! Anut ohis bilina uqa binan wasi nuiale!” ein.
24730	MRK 11:21	Odocob Pita uqa Jisas na dan madonnu cisdumei Jisas madon, “Meca, faga! Na dan hina geuldegan eu galaleian,” don.
24774	MRK 12:32	Odocob loo je iwaladec uqa Jisas madon, “Iwalgec, hinana je eu tutuc bahic! Hina mele madaga, ‘Tibud uqa osol bilina, Tibud oso qee bilina,’ aga.
24787	MRK 13:1	Odocob Jisas uqa tempelnadec cali hohon uqana malogom oso madon, “Iwalgec, faga! Meen joca me bahic taweiga!” don.
24803	MRK 13:17	Saen euna caja waugca coboc, caja mel sim su adegina eundec walocca bahic biluqagan!
24809	MRK 13:23	Euqa age batut feigale! Ceteh qee hoc ninijen ija ceteh eu hugiannu wele maadem,” aden.
24821	MRK 13:35	Eunu amaga cebac bileigale! Ge, age jo gug aadeb hugian eu age qee dogina. Uqa wesufo, tu gemofo, qasil bahicfo, cahinegfo hugian eu age qee dogina.
24829	MRK 14:6	Euqa Jisas maaden, “Age culdeiga! Age eetanu caja eu culumen doc utegina? Uqa ceteh me bahic oditia.
24844	MRK 14:21	Ge, Dana Melah uqa wele Anut je jaqen odi toodugian eunu jic eu toodugian qa dana uqa ijana cad ebenegana mitigian eu walocca biliale! Dana eu anag qee basoubmi eu me bahic nijoub,” aden.
24864	MRK 14:41	Uqa saen cijedna ceseli humei maaden, “Age gaid jaen mumudi bibileig us nijeigafo? Eu ihoc, saen wele hoia! Feiga, age qila Dana Melah silail dana ebenegana moqagan.
24885	MRK 14:62	Odocob Jisas madon, “Eu ija bahic! Age Dana Melah Anut gagadic odocca eben meulana isec bibileb sao taenna ha hohob foqagan,” don.
24948	MRK 16:6	Uqa maaden, “Cain filiciti cucuiuwain. Age Jisas Nasaretdec na babalecna qocobil cal men eu walegina. Uqa ene qee bilel. Uqa wele ceseli cajeia! Feiga, cudun ina uqa mudecebil nijen.
24990	LUK 1:28	Odocob ensel uqaca humei madon, “Feeleo, hina Anut amegna me bahic biligina! Tibud hinaca bilina,” don.
25052	LUK 2:10	Euqa ensel maaden, “Cain cucuiuwain! Ge feiga, ija age me je ahuadiga eu dana cajaca mahamaha cunug dumeig celebooqagan.
25101	LUK 3:7	Odocob dana am mati bahic age Jon wa joadigiannu uqaca hoin. Odocob uqa maaden, “Age man sononec nag me qee! In Anutna gemag bec jawe hugia odona euna age busaleiga ec maadeia?
25181	LUK 5:5	Odocob Saimon jejeg hewi madon, “O Ben, ege witic cunug cabi oqan qa dool oso qee cedolom! Euqa hina madaganu ege cimec heladeqan,” don.
25184	LUK 5:8	Saen Saimon Pita ceteh eu fimei gob cehi Jisas olana bilen. Odimei Jisas madon, “O Tibud, ija silail dana! Cuculti nuuga,” don.
25239	LUK 6:24	Euqa age dana qila cehewanagaca age hulunuga cehecnu wele oiga. Eunu walocca bilegina!
25240	LUK 6:25	Age qila sabnu am becca hibna age wen adigian. Eunu walocca bilegina! Age qila asalegina hibna age qada qajoqagan. Eunu walocca bilegina!
25257	LUK 6:42	Qeefi, hina cotin adi madogana, ‘Coti, culitecem hilican nag amenna nijia eu u helihigen,’ dogana qa hina amenna fan ben nijina eu qee fagana? Hina me hihili coboc dana! Casac fan ben eu hina amenna fagdoc nijia eu cagati helagale. Odocob hilican nag cotin amegna nijia eu u helecnu ihoc fegan,” aden.
25298	LUK 7:34	Odocob Dana Melah uqa sabca wainca jejen hon qa age madein, ‘Dana i feiga! Uqa sab muhna jec dana. Uqa wain jeceb dalul qoc dana. Uqa takis cedec danaca, silail danaca agena danah bilina,’ ein.
25338	LUK 8:24	Odocob malogom Jisasca limeig tulidudu madoin, “Ben, Ben! Ege fadalecnu odoqona!” doin. Odocob Jisas cajimei fufu gagadic wa hilidoc gagadic qaqahen cahacaadi je maadeceb qee mimeig tiliec bahic nijen.
25342	LUK 8:28	Saen geh bahic buga me qee eu uqa gagadic hewoloi. Euqa Gegesa dana age uqa cofdu cuhadocnu eben jaihca senna qagecebil nijoloi qa uqa sen cagocob buga me qee eu cisdoc ihulahaldutumei odudeceb wadauna nuoloi. Eunu Jisas uqa buga me qee uqa dana dewegnadec nuuga ec madon. Odocob saen uqa Jisas fimei gagadic euimei uqa olana toni mahuli nijimei jejeg u suli u madon, “Jisas, Anut Ohis Bahic Melah! Hina ija cel oditegan? Ija ninihigina, ija deweni cain dain tec itigaun!” don.
25366	LUK 8:52	Dana cajaca cunug ono cegulein eu age mel aid eunu qada qaqajeig sogoi bilein. Jisas maaden, “Mel aid i qee cal mel. Uqa us nijia! Cain qajowain,” aden.
25393	LUK 9:23	Odocob cunugca maaden, “Dana oso uqa ijanu ijana jenuca majag docobfi saen Dana Melah uqa uqana kobolkobolnaca, Memige Anutca ensel gunca, agena kobolkobolnaca humei uqa dana eunu majag dugian. Odocob dana oso mahamaha cehewan cunug oialumiqa uqana cebac bilec culdimei fadaloubmi cehewan on eunu me biloubfo? Qeeo! Oso uqa uqana cebac bilec cahahadugia odona eu uqa uqana cebac bilec felacudigian. Odocob oso uqa ijana bilina eunu uqana cebac bilec felacudecebfi eu uqa uqana cebac bilec cahahadugian. Eunu oso uqa ijanu madi, ija uqa jaih ceen lahacdudu toodugen, ena eu uqadodoc deweni me biligian ec cain madeiaun qa uqa deeldeelna uqana na babalec hewi gahidumei tooteiale.
25408	LUK 9:38	Odocob dana oso dana cajaca eunadec utai madon, “Iwalgec, ija ninihigina, ija melami nui fagale. Ija melami osol bahic!
25409	LUK 9:39	Faga, buga me qee hu heweceb eueceb eu sahalic magmagdodon eu qu ihu qocob mahana tonena. Uqa deweg dain doc uteei mahuc culdecwe qee!
25411	LUK 9:41	Odocob Jisas jejeg hewi maaden, “O dana cajaca qila bilegina, age wawaga meleecca qee, age cisdoc cogogecca! Saen ganic ija ageca haun biligen? Saen ganic ija camuhulaadi cobigen?” aden. Odimei dana eu madon, “Hina melem ehudi ahoga,” don.
25443	LUK 10:11	‘Comis agena jobon nag ina ege jaimigena fagdona eu ege qoidu helocomun ageca lena. Euqa age i doiga! Anutna cul age cemenega hoia!’ adeiga.
25445	LUK 10:13	Jisas je haun maaden, “O Korasin Betsaidaca, odoc kobolkobolca agena calen odi Taia Saidonca hatu caloubmi wele bahic dana cajaca ono age agena silail hibemdogina ihacadecnu lotoc me qee tacimeig bibili comis agedodoc dewenegana weti heheli biloub. Eunu Korasin age walocca! Betsaidaha age walocca!
25447	LUK 10:15	Odocob Kapaneam agenu! Age Anut uqa sao jobon ohis ehadi tigian ec cisdoginafo? Qeeo, Anut uqa heladeceb oloqanihna noqagan!” aden.