23244	MAT 2:6	“‘Yudiá bara fintena varu Betariamu oe, Yudiá barafin ma aví bain baru kayoi oyampá éi ída va ono. Mai fara vara seyo, éin pinté mana ánon banta e afoká uven maen béi anon tenti Isareri nanin bantai yafisiní inten mino.’”
23264	MAT 3:3	Sakhanampa vanta Aisaiyan oorá Tiyarafenu ano Yonin nan mi máa sikharen mino, “Banta ida van kámá bara fáké mana vanta ano oovaren máa siyan mino, ‘Bafani aa uvídeya veni aa funtáantano.’”
23282	MAT 4:4	Máa síkan Yisasi evaránen tiamemí, “Tiyarafenui vompon dókifin máa sen baya uvanten mino, ‘Banasi ano yunantá ana ída kanaíen para van oriyan ban aunan baranten mifo Tiyarafenu oo fenté ma kuviyain baya ánain ma vákurinten mai fara van oriyan ban aunan baranten mino.’”
23284	MAT 4:6	Mo mantaantáden Ban Anon mano véin máa sen tiamemí, “Éi Tiyarafenu Anin ma vanteya káuse aravono. Para vara seyo, Tiyarafenui vompon dókifin máa sikhen mino: “‘Béi ano vei enisori kayo siantantin éintá dafíben betí ankan ayan do uvídantiya mairá káusesin ída mana onámaná ano arantan aru finten mino.’”
23285	MAT 4:7	Yisasi evaránen béin tiamemí, “Tiyarafenui vompon dókifin enádá máa sikhen mino, ‘Éi ída vá ei Bafan Tiyarafenun akhenóka uan onano.’”
23288	MAT 4:10	Máa síkan Yisasi evaránen béin tiamemí, “Ban Anon noe, sifó ono. Tiyarafenui vompon dóki ano máa sikhen mino, ‘Ei Bafan Tiyarafenu veyáká aránaópá bákeya ventá ana vá monó teno.’”
23638	MAT 13:30	Míkanan ma áesin manafin pótikharé intin ma yunan duyasin damusí ma inain mai anon kama ukhen mino. Pótikharé intin ma yuyasin damusí ma intí maé mai yorarí ma inain banta kayo séi máa sé tiamenté uno, ‘Namu káta kayo nare vá ira saran átaru ure ana yamuádare vá inká uviti átaru ure vá tenti yunan kain namumpin bare mo khaono.’”
23711	MAT 15:9	Betí ankan dan bukhafafói séin monó tisintiyáken barará bantai ineine máa fói vanasi afova amiyan mino.’”
23850	MAT 19:19	‘Tiretí ankan anóe afóeni aránaopa sá oreya vetin oo vá daiyono.’ Inká ‘eyan nan ma anunu iyaonaíe vá ena van anunu ono.’”
23900	MAT 21:5	“Saioní nanin banta siameno. ‘Onano. Tiretí ankani kin mi eriyan mino. Béi mana donkin ané kumamen aví ída van banta an daven eriyan mino. Béi maen mana ané ída kumantá ein donkin amaniná kumamen eriyan mino.’”
23937	MAT 21:42	Máa síkan Yisasi vetin tiamemí, “Tiretí ankan ídá Tiyarafenui vompon dókifin ma ma vaya vain mai yankáke fono. Mai vaya máan mi sikhen mino, “‘Má uvaran banta kayo ano ma yo maman karúdein onámaná ano maman má dádaimpin mana ákona onámanasí ukhen mino. Mai Bafan mánon máan turan mai anon tetin tivorá kama ukhen mino.’”
23985	MAT 22:44	“‘Bafan mano senti Bafan máa sen tiamemí, “Éi sen tiyan kurompá kumantesirá eni namuro maman en aránaópá kaúdéku vá ono.’”
24055	MAT 24:29	“Mai kákan uman kayo ma kípan nain damú anan ‘áau ano sítipa intin biyon ída ena vá kantin ayon táké minó ofu kayo kararen eravintin minó ákona yaná ma inarurá báin nain mano kayamana inten mino.’”
24287	MRK 1:3	“Kámá barafá mana vanta ano oovaren máa siyan mino, ‘Bafani aa uvíde vá beni aa funtarano.’”
24676	MRK 10:19	Man baya éi afová ukha ono. ‘Ída vá banta aruan purono.’ ‘Ída vá ábasu namu ono.’ ‘Ída vá umoyan daná barano.’ ‘Ída vá ena vanta kampun kó tiantano.’ ‘Ída vá kampun tire ena ína yaná barano.’ ‘E anoifon aránaó pasá bano.’”
24712	MRK 11:3	Eresin ma mana ano ma siré kanan inaen ma ‘fará máan tiya fono’ ma sintiya vá béin ná tiameno, ‘Bafani yoran bákan mi véi sisintá e aviriyarúna veni yoran ma kípantin ainen ovaránen tiantantin erinten mino.’”
24726	MRK 11:17	Uantáden betí ankan tiamemí, “Tiyarafenui vompon dóki ano ída máa sikhen nafino, ‘Téin timá ma vain mai minó nanin banta ano vá amúkin namun mino vá teno.’ Máan ná tin nompo ‘siretí ankan mano mai namun maman umoyan banta kayoi aúpá baruíi e ono.’”
24753	MRK 12:11	Mai Bafan mánon máan turan mai anon tetin tivorá kama ukhen mino.’”
24823	MRK 13:37	Ma ma séi ma siretin tiamerúna mai vaya anan minó tiamé uno, ‘Tiretí dafíke vá bano.’”
24881	MRK 14:58	“Tetí ankan inékun béi máa sen mino, ‘Banta ano ma ayampó uvantein monó namun téi varákurékanú manaú damú ananmai monó namun uvaranté umpo mai namun banta ano ayampóké ída uvaranten mino.’”
24949	MRK 16:7	Tiretí ankan ore vá beni eyo iyampon kayo vá Pita má mo siameno, ‘Béi ma fefá tiretin tiamikhá einíen tiretin an uanten Karirifá orikhen mifo mai fákena vá tiretí ankan béin o onano.’”
25100	LUK 3:6	Tiyarafenu ano ma evaránen minó nanin banta ma aviran dorarí ma inain mai minó anon onanten mino.’”
25136	LUK 4:4	Máa síkan Yisasi véin evaránen tiamemí, “Tiyarafenui vompon dóki ano máa sikhen mino, ‘Banasi ano veretirá ana ída fara ayun ban ákona varé iyan mino.’”
25140	LUK 4:8	Máa síkan Yisasi evaránen béin tiamemí, “Tiyarafenui vompon dóki ano máa sikhen mino, ‘Ei Bafan Tiyarafenurá ana vá monó tiante vá beya aránaópá ana vá bano.’”
25143	LUK 4:11	Ákonaen entá dafíben ayan dóki uvídantiya mai yaró aravesin onámaná ano ída arantampin un peranten mino.’”
25144	LUK 4:12	Máa síkan Yisasi evaránen béin tiamemí, “Tiyarafenui vompon dóki ano máa sikhen mino, ‘Éi ída vá ei Bafan Tiyarafenu akhenóka ono.’”
25155	LUK 4:23	Máa síkan Yisasi máa sen tiamemí, “Minó nanin banta ano ma siyain baya ma mádeya mae sireti se nan, ‘Ayofan banta oe, éi eyantá e au kama ono’ seya sisimiyákeya ‘éi ma Kapeniamú ma vareona avúavá ma setí inikheruna mai ei varu anará barano van muno.’”
25324	LUK 8:10	Inaíkan béi máa sen temí, “Tiyarafenu ano inka aní ukha vei yafisin baru fintena aúpá baya fefá afová ukha ompo ‘ena nanin banta kayo ano ovaeran baya inídaren onano van kokhon dádá onanten mifo vetí ankan ída mana yaná onanten mino. Kokhon dádá iniren mai ana vetí ankan ída afová inten mino.’”
25478	LUK 11:4	Éi setinti ume vá ampisintano. Para vara seyo, ena kayo ano ma sétin umeí usintáká ein ampiantéiyá tiféuno. Éi ída vá áesí tirá mantan akhenókafin oferá tifano.’”
25596	LUK 13:9	Máan tékun ma ena oranafin ma aran iranten mai kama inten mifo ída ma aran iranti mae síkaan karúdan nono.’”
25622	LUK 13:35	Onano. Tiretí ankani varu saréa ída yafisé toyan amirékun namu ukhen para vanten mino. Téin ída evaráne son nan bareya máa sin nono, ‘Bafan avíká ma eriyain banta vá Tiyarafenu ano avu ino.’”
25646	LUK 14:24	Téi siretí ankan tiamiyá uno. Mai ma séi fefá ayusikhá eruna kayo finté mana nanin banta ano ída kanaíen tenti omá pinte yunan me nanten mino.’”
25689	LUK 15:32	Máan tukhen mifo saréa erisá tetí ankan timusin ékun ná tétin tirá ano kama ino. Mai fara vara seyo, e afá ano furein an dakharen mi evaránen ma manteiníen mino. Béi afeyokaréíi evaráné dosé tiféuno.’”
25720	LUK 16:31	“Máa síkan Abaraamu véin tiamemí, ‘Mosesin má sakhanampa vanta kayoi vaya vá ma ída ininti mae mai ifasá ono. Púkein banta ano yere ma masí pinté e manten betin ma mo siamintin maen mai vaya vá dere ída ininten mino.’”
25762	LUK 18:5	ma varé nanin mano ma me yuvunen oren ein nan mi véini uman aya urékun maen béi ma eren oren iyain mai ída sivesara simino van muno.’”
25777	LUK 18:20	Éi man baya kayo afová ukha ono. ‘Ída vá ena ana safi ena avafun nafi vare nono.’ ‘Ída vá ena aruan purono.’ ‘Ída vá umoyan ono.’ ‘Tiretí ankan ída vá ena nanin banta kampun tire kó tiantano.’ ‘Tiretí anóe afóen aránaó bákeya vá betin oo yaiyono.’”
25827	LUK 19:27	Máan tinten mifo mai ma senti namuro kayo ano ma séi nan ída vá betí ankani kiní ino van ma sein kéká avireya mará me kaúde sen tivorá arono.’”
25865	LUK 20:17	Máa síkan Yisasi vetin auufen kakháben inaemí, “Tiyarafenui vompon dókifin ma ma vaya uvamádan baini ana ano naíesá tikhen nafino. “‘Má uvaran banta kayo ano ma yo maman karúdein onámaná ano maman má dádaimpin mana ákona onámanasí ukhen mino.’”
26953	JHN 20:17	Máa síkan Yisasi véin tiamemí, “Téi ída Sifóe vaípá ódikhé umpo ída vá ten tu fákano. Éi oreya sen tifá tiváeyan mana mo siameno. ‘Te Sifóen má tiretí ankan Afóen má inká tenti Tiyarafenu vá tiretí ankani Ayarafenu vá baípái ódonté uno.’”
27102	ACT 4:11	“‘Má uvaran banta kayo ano ma yo maman karúdein onámaná ano maman má dádaimpin mana ákona onámanasí ukhen mino.’” Mai ákona onámaná maen Yisas Karaisi ino.
27472	ACT 13:41	“‘Oyampá baya sin kéka soe, sireti oniyáke anú de orera iya vá púan kípano. Para vara seyo siretí aúbaná ma séi mana yaná uvaré dararé éku siretí ída kanaí eya mumunan iyasin manáa kéká ano ma siaminti mai yere ída mumunan inono.’”
27478	ACT 13:47	Para vara seyo, Bafan mano ákona vaya máan mi sen tetin tisimikhen mino, “‘Téi anon éin maman ena anan nanin bantai kakhaní urékuya ma varai minó ankina fákena nanin banta aya uresí betin evaráné aviranté uno.’”
28359	ROM 14:11	Tiyarafenui vompon dóki ano máa sikhen mino. “‘Téi ena ena varuna Bafan mano fura uron té uno. Minó ma varará nanin banta ano séi varunará eriven me aron durafúden te nan Tiyarafenu uron mino sinten mino.’”
30073	HEB 3:11	Máa siré tiran má ákona vayafó máa sé uno. ‘Betí ankan mai séi ma sivíkiyaruna varufin ída uron mi orinten mino.’”
30084	HEB 4:3	Tiyarafenui vaya iniré ma mumunan iyá tiferuna kéká ano anan beni avíkan barufin oró tifanté umpo mai vayará ma ída mumunan inain kayo van máan mi sikhen mino. “Téi sesi sirananá bái fura ódino siré té uno. ‘Mai kéká ano ída uron mi senti avíkan barufin orinten mino.’” Máan tinten mifo esé ma ma vara uvareintái veni avíkan baru útaádan ban mino.
30152	HEB 7:21	Tiyarafenu ano Yisasin manan máa sen tiamen mino. “Bafan mano ayan befiyó uren pura ódino sikhein, bei vaya ída yurafurinten mino. Éi fara van oriyan ban monó ánon bantaíi e ono.’”
30207	HEB 10:7	Máan tiyaonafin mi séi siyáké, ‘Masi séi vakun, Bompon dókifin téin nan mi sikhen mino. Tiyarafenu oe, éin oo yaiyé dorano van mi erikhé uno.’”
31008	REV 14:13	Máa sirá inékun mana oova ano inaru fáké temí, “Ma vaya vompompin uvarano. ‘Tare ráké ma Bafan avíká purin nain mano vá amusin ino.’” Mai van Aunan mano furan tino siren máa semí, “Mai kéká ano ma uman pinté doriyá ein nan avíkan baranten mino. Mai fara vara seyo, vetí ankan ma kama avúavá bariyaré ein manon betin ánain bákurinten mino.”
31082	REV 18:20	“‘Inaru oe, véi ma furein nará amusin ono. Mumunan nanin banta vá baya varen orin banta kéká bá sakhanampa vanta kayo vá ano amusin ná ono. Tiretí ankan ma uman amiyaré ein anonafái Tiyarafenu ano veni avúavá daíden uman amen mino.’”
31095	REV 19:9	Máa siran mairá enisori ano sisimemí, “Ma vaya vompompin uvarano. ‘Mai ma Sipisipi Ararái anasi varan omáká ma o kumamen dunan nano van ma arakhein kéká ano vá amusin ino.’” Máa siren evaránen temí, “Ma maen Tiyarafenui fura sikhein baya kayo ino.”