45	GEN 2:14	Kampatuma nunuwai namaka daaji Tigris. Duka Asiria nugka, etsa minitaiya nuni awa aatus nagkaemakui. Untsu ipak usumta nuna daajiyai namak Eufrates.
83	GEN 4:3	Kuashat tsawan nagkaemakiu ai, makichik tsawantai, Caín Apajuí anentag susatnun ajaka nejen juuka juki ejentauwai.
271	GEN 11:4	Dutikainak: “¡Kaunatajum yaakat najanawagmi, dutikaku kumpin jiika, nuwi eke ekenkawa nayaimpinum iwakmi! ¡Ibau umiku asaja, eme anentsa diitai atin amí! Tuja pampagka tikich nugkanmak shimutsuk juwig tuke batsamsatin agmi”, tuidau.
549	GEN 22:1	Kuashat tsawan asa, Apajuí Abrahaman niiyai kajinas anentaimak dekaskeapi tabaujin dekapsatatus niina daajin adaitus untsukui. Tusa untsuam nii ayaak: “Juwi pujajai”, tiuwai.
690	GEN 25:31	Tusa segam Jacob Esaún chichajak: “¡Kame amesh yapajakmek, eke yutain amatsaig ame iwai asam jumainaitam nunú mina ashí sujusta!” tiuwai.
701	GEN 26:8	Kuashat tsawan nagkaemai Abimelec makichik tsawantai niina jeen wajasa niimtainum niimkama Isaac niina nuwe Rebecan achika wasugtatman wainkauwai.
735	GEN 27:7	‘Kuntin maata, dutikam yutai pegkeg pachimja inagkam itagtuata, nuna yuwan, eke jatsuk Tuke Pujuush antai amina pegkegnum yumigsatjame’ taun antukmajai.
757	GEN 27:29	¡Kuashat aents aidau aminak takagtamiagtinai, nuigtushkam nugka muunnumia aidaush ima aminak antugtamainak umigtamiagtinai! ¡Ame apu wajasamin, yatsumshakam amina umigtamtinai! ¡Amina pegkegchaunum yumigtamaidauk, ditashkam dutiksaik pegkegchaunum yumigkiam agtinai! ¡Untsu amina pegkegnum yumigtamaidauk, ditashkam dutiksaik pegkegnum yumigkiam agtinai!” tuu yumigjauwai.
823	GEN 29:27	Kame ii nuwenku tuke nunitaiya nunú makichik semana ejeta. Nunikamin ame siete mijan nuigtushkam takastajai takuminig, Raquelnashkam amastajai”, tiuwai.
846	GEN 30:15	Tusa tama Lea ayaak: “Ame mina aishjuk atanjukmayum duke nagkanmainchauk, ¡yamaish mina uchig yujág mandrágoran juuka itaa dusha atanjuktag tame!” tau. Tama Raquel ayaak: “Kame amina uchijum yujág mandrágoran juuka itaa anú minash sujusta, juju kashia duwi amesh Jacobjai kanagminum”, tiuwai.
920	GEN 31:46	niina patayi aidaun chichajak: “¡Kaya juuktajum!” tusa tima kaya juukag ijumag tsakapiajui, dutikawag nunú kaya ijumja tsakapimunum ayaumas pujusag dita chicham umikbaun iwainainak yutain yuwawajui.
1091	GEN 37:7	Kajanum ii aidauti ashí ajá ejapeen trigo tsupija jigkaka ijumku batsamaji. Nuniajin wi jigka aepsamua nunú nantaki tutupit wajasmae; nunikmatai untsu atum jigkamu aidau nantajag nunú midau wajattaman tentea apakag eme anentuinak tsuntsuma ijuntsagmae”, tau.
1093	GEN 37:9	Dutikam pujus ataktushkam tikichin kajamjauwai, nunik nunashkam yachi aidaun ujaak: “Antuktajum tikichnashkam ataktu kajamjajai. Kajanum wainkamjai etsan, nantun, nuigtu once yayan. Nunú aidau mina tententuawag eme anenjusag tsuntsumjutiagmae”, tau.
1104	GEN 37:20	Nuna tusag: “Kaunatajum maami, dutika waanum egkea ajapami. Dutika iina apaji jegaji ujakuishkam, ikamia kuntin yuwae timi. ¡Dutika ajinish nii kajamkagtugbauji aidaush wajuk uminkatig!” tuidau.
1117	GEN 37:33	Tama Jacob diistakama niina uchiji nugkutaijin wainkauwai, nunik chichaak: “¡Ehe juju jáanchia juka mina uchigdauwai!” tiuwai. Tusa chichaak: “¡Kuntin kajen pegkegchau aina nunú yuwae imatika shiig ichiajana!” tau.
1181	GEN 40:8	Tusa tama dita aínak: “Kajamkagtugji, nunika wajukatnuk aannush kajamjaji, yaki ujapakainta tusa anentaimku pekagji”, tuidau. Tiagtai José ayaak: “¿Dekas Apajuíchukai atum aan kajamjaujum nuna ujapamainuk? Wajuk atum kajamjaugme duka mina ujatkatajum”, tiuwai.
1192	GEN 40:19	Kampatum tsawan asa faraón amina itugchatjumin diigtamsattawai, nunik jiigmaki numi muunnum aminak jigka detama buukmin tsupigtamak mantamattawai, dutijamamtai amina iyashminak chigki aidau yuwawagtatui”, tiuwai.
1213	GEN 41:17	Tusa tima faraón nii kajamjamujin Josén ujaak: “Kajanum namak Nilonum uwet wajamjai,
1436	GEN 47:15	Dutikamu asa Egipto nugkanmash, Canaán nugkanmash kuichik shiig atsutai, wajiyaik akikmakash yutainash sumaktinme nuninak egiptunmaya aents aidau Josén jegaji chichajuinak: “¡Wait aneasam yutai sukagtusta! ¿Kuichik atsujui nujantai jinatnume tusamek idaikagtustatam?” tuidau.
1437	GEN 47:16	Tusa tama José ditan chichajak: “Kuichkijum atsugtamainakuig atumi tagkujum itaatajum, dutikawagmin nuna juwakun trigon amastajime”, tiuwai.
1721	EXO 8:6	Tama nii ayaak: “Kashin dutikata”, tiuwai. Tutai Moisés ayaak: “Ame tame duka betek uminkattawai, nunikmatai amesh dekaata iina ememattai Apajuí, Tuke Pujuuwa, imanuk tikichik atsa nunú.
1731	EXO 8:16	Nunitai Tuke Pujuu Moisésan chichajak: “Kashin kashikmas faraón namaka jegattawai, nuniktin asamtai, ameshkam kashikmasa nantakim jegaantata, núnikam Apajuí chichaak: ‘¡Mina aentsug aina nunak agkan idaitugsati, dutikam jiinag mina emematjitnume!
1756	EXO 9:13	Nunikmatai Tuke Pujuu Moisésan chichajak: “Kashin kashikmasa nantakim faraón pujamunum wetá, nunika chichagkum: ‘Tuke Pujuu, Apajuí Hebreo aents aidauti emematin ainag nunú chichaak: Idaisati mina aentsug aina nuna; dutikam mina emematjitnume.
1971	EXO 16:23	Tama Moisés ditan chichajak: “Aunak Tuke Pujuu dutikatnume tusa timae”, tiuwai. Nuna tusa: “Kashin tsawan ayamtai atinun, Tuke Pujuu etegkamu tsawagtin asamtai, inagmain akuig yamaik inagkatajum, tuja ukuumain akuishkam yamaik ukuukatajum. Untsu yumain ampinjatta duka kashin yuwatin ukuktajum”, tiuwai.
2042	EXO 19:15	Nunikagmatai Moisés ditan chichajak: “¡Kashin pujus tsawak Tuke Pujuu wantintugmaktin asamtai, nuwemjaig tsanitsuk umintsajum dakamsatajum!” tiuwai.
2067	EXO 20:15	“¡Kasamkaipa!
2444	EXO 32:5	Nuna Aarón antuk, toro tsakat dakumka najana apusamunum, nuna yantamen ayaunas altaran najanauwai. Dutika senchi untsumak chichaak: “Kashin ijunja Tuke Pujuu emematuinaku jiistamawagtatji”, tau.
2503	EXO 34:6	Nunika Moisés wajamunum nagkaemak senchi jiika chichaak: “¡Witjai Apajuí TUKE PUJUU tutain, wika kakagchauch, wait anenkagtin, wamak kajechu, anenkaji múun, dekaskenum chichauwaitjai!
3293	LEV 19:11	“Kasamkaigpajum. “Waitjuawaigpajum, atumek pempeentunikjumesh tsanunijaigpajum.
3308	LEV 19:26	“Kuntin numpennukek makichkish yuwawaigpajum. Anentaimsa dekamjai tinu aina nuninuk makichkish takasaigpajum, tuja tunchi takatai aina dukesh takasaigpa.
4023	NUM 10:34	Kashikmas nantajag eke uminainaig yujagmik takuni dita shiyaktinnum wajantun wegau.
4387	NUM 22:11	Kuashat aents egiptunmaya jiinag ashí nugkanum pampagke. Imaniku asamtai, Balac wakegawai mina awi wamak jegaa nunú aents aina nuna pegkegchaunum yumigjati tusa. Dutika ai niina nugken batsata nuna nii depetuk jiija ishiaktag tau asa”, tiuwai.
4405	NUM 22:29	Tusa tama Balaam ayaak: “¡Amek mina dushiktakum tujutme! ¡Kuchiin takakkunuk yamaikiuch maumainaitjame!” tau.
4413	NUM 22:37	Dutika igkug chichajak: “Kuashta untsuakun waitkasjame. ¿Wagka juwi minitash dakitmaume? ¿Wi amina shiig kuashat akimainaitjam duka dekatsmek?” tau.
4414	NUM 22:38	Tusa tama Balaam ayaak: “Kame yamaik juwi taajai amejai chichastasan. Tujash wika mina senchigjaikik chichamaitsujai, Apajuí wajinjuttig nuna wika titatjai”, tiuwai.
4420	NUM 23:3	Tuja Balaam Balakan chichajak: “Kuntin maa patagbauwa juwi pujumata, nuniamin Tuke Pujuush wajinjuttig nuna dekaan ujaktajame”, tusa ukuak muja naintin weuwai.
4421	NUM 23:4	Nuwi waka pujaun Apajuí wantintukam Balaam Apajuín chichajak: “Kuntinu maa patasa apeakun amina ememattasan sieteya imajin najanajai. Dutikan nuwi makichik toro tsakatan, nuigtu makichik uwig aishmag tsakatan aatsa patajan umikjai”, tau.
5015	DEU 4:9	Nuadui kuitamamkatajum Apajuí atumin yaimpau asa, kuashat waji wainchatai aidaun iwainamu wainkauwaitjum nunú kajimatkijum. Tuja wi atumin jintinjim dushakam makichkish kajimatkigpa. Kajimattsuk atumi uchijum aidau, tijajum aidau, nunú pachisjum jintintuatajum”, tiuwai.
5148	DEU 8:9	Nunú nugkanmak atumek wajinak yuwatja tusagmek puyatchattagme. Tuja tikich waji aina dukesh puyatjukchattagme. Kaya aidaunmaya wainkatnaitjume hierro aidau, nuigtushkam mujanmaya taijum jiju cobre yajumtinaitjume.
5150	DEU 8:11	“Kuitamamkatajum Tuke Pujuu atumi Apajuíjiya nunú kajimatkijum. Niina chichame umiktin agagbauwa nuna wi jintintuajim nunú umitsuk idaisaigpajum.
5255	DEU 12:13	“Kuitamamkatajum, tikich yantamnum yujasjum Apajuí emematji tusajum kuntin maa apé yujaijum.
5269	DEU 12:27	Dutika ejegajum nuwi kuntin maajum nuna neje altarnum pataijum ashí apeakjum Apajuí ememattajum. Kuntin aidaun numpega duka altar ukatkatajum. Untsu nuna nejega duka yuwatajum.
5938	JOS 5:2	Nuninai Tuke Pujuu Josuén chichajak: “Kaya aina anú ujumak kuchii najankata. Dutikam nuadui Israel aents aishmag aina nuna kati chuchuke ashí tsupijata”, tiuwai.
5965	JOS 6:14	Kashinia duishkam dutiksag yaaktan tenteawag ukuinak dita batsatbaunum waketjajui. Duti dutikainakua seis tsawantan ejeyajui.
6709	JDG 7:13	Tuja Gedeógkak Purájai nunú shiwag batsatbaunum anumak pujus antukui makichik suntag kumpajin nii kajamjamujin pachis ujaak: “Kajanmash makichik pag sebada najanamu kagkegak, ii batsatag juwi taak makichik aakan tukume. Dutikak aaknak tegaka ajuime”, tau.
6720	JDG 7:24	Nuna tusa Efraígka nugke muja ikam weajunum batsamin aina nunú ujaktajum tusa chichama etsejin aidaun Gedeón ishimak: “Kaunawag Madián aents aidaujai maaniatnume. Nunikag Madián aents aidau eke nugka agkannum yujasag namak Jordágkan katitkag yaakat Bet-bará tutaya nuwi jegainatsaig, nunú nugkan dita batsamtuk akijuatnume”, tusa akatmamjauwai. Tusa tiajam Efraín wegantu aidaushkam Gedeón tibaunak imatiksag umikajui.
6964	JDG 16:13	Dutikamtai Dalila niina chichajak: “¿Wagka ima tsanugme? ¡Amek minak tuke tsanugme! ¡Itugkaya emetmainush amainaitme nunú tujutta!” tau. Tusa tama Sansón ayaak: “Kakaumainchau wajasti tujutkumek, mina intashig siete chapikmagmawa nunú jáanchjai ijumjam jáanch apataiyai apijam, nuadui numi ajiam nuwi jigkamainaitme. Dutikawamin tikich aents senchigtuchu aina nujai betek amainaitjai”, tiuwai. Tusa timatai Dalila Sansógkan ikanag aepes intashi siete chapikmagbaun ijumag jáanch apataiyai apijauwai.
7409	1SA 9:16	“Kashin, yamai etsa eketa juniai Benjamígka nugkenian makichik aentsun awetittajame, nunú mina aentsug Israel aents aina nuna apuji atin asamtai. Ame aceiteyai buuken nijaktatme. Nii mina aentsug Israel aents aidaun filisteo aidau waitkaina nuna ayamjuk agkanmitkattawai, wagki dita waituinak mina segatuinamunak wi antugkau asamtai”, tiuwai.
7450	1SA 11:3	Tusa timatai Jabesnumia apu aidau chichainak: “Kame siete tsawan sukagtusta, tikich Israel aents aidau batsata nunú chicham akuptuka dekanati. Untsu iina yaimpamain atsakuig, ame tame duke ati”, tuidau.
7457	1SA 11:10	Nunikag Nahas ujaktajum tusa chichama etsejin aidaun akuptuinak: “Kashin ame wakegamu umikta tusa minittaji”, tiajui.
7550	1SA 14:40	Nuadui Saúl Israel aents aidaun chichajak: “Kaunajum juwi ijunjatajum, nuniagmin wi mina uchig Jonatágjai atú yantam wajastajai”, tiuwai. Tusa tutai suntag aidau chichainak: “Ame tame nunisag uminkati”, tuidau.
7584	1SA 15:22	Tusa timatai Samuel chichaak: “Kuntin maa, nuna neje ashí apeamua nuna nagkaesau, Tuke Pujuu tabau shiig antuka umigbauwa nunú niinak shiig awagmawai. Tuja nuigtushkam anentag dekas shiig pegkeg aidau Apajuí suwamua nuna nagkaesauwa duka nii umigbauwa nunuwai.
7599	1SA 16:2	Tusa tama nii ayaak: “¿Tujash nunash wajuk uuknuk dutikatja? ¡Nuna Saúl dekag minak mantuattawai!” tiuwai. Tusa tutai Tuke Pujuu ayaak: “Kuntinu maa apeakun Tuke Pujuun ememattasan wegajai tusam makichik toro tsakatuch jukim wetá.
7657	1SA 17:37	Ikamyawa chayujai maawai tusa Tuke Pujuu ayamjutkauwa nunú minak yamaishkam filisteo maawai tusa ayamjutkattawai”, tau. Tutai Saúl chichajak: “Kame takumek wetá, Tuke Pujuu kuitamjamkati”, tiuwai.
7670	1SA 17:50	Aatus David Goliatan depetkauwai. Kaya egkea nagkimtaichijinig kaya egkea nagkia tuku mauwai. Dutika maa puyaja takakchau asa,
7676	1SA 17:56	Tusa iniam Abner ayaak: “Mina apujuh, wika shiig dekatsjai”, tiuwai. Tusa tama apu Saúl chichajak: “Kame inimsam dekata”, tiuwai.
7701	1SA 18:23	Tusa tima shimutka ujainam nii ayaak: “Atumesh anentaimsakjuah, ¿wi wainkauch ujunauchitag juninnush apu nawanjinash jumainkaitag? Kame nii taunash itugkatjaki, ayu titajai”, tiuwai.
7737	1SA 20:5	Tama David ayaak: “Kashin atatui tsawan nantu yama takau jiistamtai. Nunú jiistatin wi apujai ekemsan tuké yujumkan yuujai. Tujash nunikchattajai. Wait aneasa etsegtugkaipa ajanum uumkan pujuttajai, nunikan kashin pujusa tsawakun agkuantai tatjai.
7744	1SA 20:12	Nuwi jeganta Jonatán Davitan chichajak: “Tuke Pujuu Israel aents aidauti Apajuí emematin ainag nuna daajin tajame. Kashin, nuniashkunuk kashin pujusa tsawakun mina apajush wajintig nuna dekaatjai. Tuja mantamatag tutsuk pegkegnum chichakuig, chichaman akuptuktatjame ujapaktinme tusan.
7750	1SA 20:18	Nuna umika Jonatán Davitan chichajak: “Kashin nantu yama takau jiistamtai tsawan asamtai, ame ekemsa yuum duka agkan juwaktatui, nunikmatai wajukamki tujamiagtatui.
8186	2SA 7:3	Tusa tama Natán ayaak: “Kame ame wajuk anentaime duka betek umikta, wagki aminak Tuke Pujuu ashí yaimpawai”, tiuwai.
8274	2SA 11:12	Tutai David chichajak: “Kame yamaik juwi juwakta nunikam kashin wetá”, tiuwai. Tusa tima niina jenig wetsuk Jerusalégnum kanag tsawajui. Nunikmatai kashinia duwi,
8393	2SA 15:1	Kuashat tsawan nagkaemakiu ai, Absalón makichik carro maanitain caballo aidaujai ikamkauwai. Dutika niina kuitamkatin aidaun cincuenta suntag yacha aidaun ijumjauwai.
8830	1KI 3:11	Nunik chichajak: “Kuashat mijan iwaku pujutkesh, tuja wiakuch wetakesh, atsa nuniachkumesh shiwaajum aidau ijintakesh segattsuk, dekas wajuk mina aentsug aidaujaish shiijash takamainaitme nunú segatiu asamin,
8898	1KI 5:31	Tuja apu Salomón aents kaya tsupin aidaun chichama akuptak: “Kaya múun, shiig pegkeg aidaun, kaya pakamamu aidaujai jega Apajuí emematku ijuntai jegamkatnunum aepka nagkamatin aidaun, yajuak ikaunmatnume”, tiuwai.
9345	1KI 18:1	Kampatum mijan nagkaemakiu ai, makichik tsawantai Tuke Pujuu Elíasan chichajak: “¡Yumin yutumtijattajai, dutikatin asamtai apu Acab pujamunum wetá!” tiuwai.
9505	1KI 22:22	Tusa iniam nunú wakan pegkegchau Tuke Pujuun ayaak: ‘Auk profeta aina nunú ashí Acabpan tsanugtinme titatjai’ timae. Tusa timatai Tuke Pujuu niina chichajak: ‘Kame tsanumain asameas tametai, weme tsanugta’, timae.
9712	2KI 7:1	Tusa tutai Eliseo niina ayaak: “Tuke Pujuu chichaak: ‘Kashin yaakat Samarian waitijiya nuwi, yamai etsa eketa juniai, aents aidau makichik kuichik plata najanamuik siete kilo trigon sumagtatui, tuja cebadanashkam makichik kuichik plata najanamuik quince kilo sumagtatui’ tawai”, tiuwai.
12942	JOB 4:8	Kuashat mijan pujau asan, utugchatan wainka weakun dekajai, aents magkagtak pegkegchaun takauk, dutiksaik iikuam auwai. Wagki duka aents nii ajakmamujinia nejekun juuwama numamtinai.
12982	JOB 5:27	Kuashat mijan pujau asan, utugchat nagkaetujua nunak shiig dekajai. Nuadui atak nagkaemagtinun tajam nunak dekaskenum tajai. Nijah, juju wi tajam nunú dekaskeapi takumek dekapsata”, tusa Elifaz Jopan tiuwai. Elifaz, Bildad, Sofar, aatus Jopan ausajui. Dutikam Job inagnak ditan ayaak aatus tiuwai:
13304	JOB 19:3	Kuashta minak pegkegchau chichagtagme. ¿Mina jutika waitkajakjumesh datsaamatsjumek?
13307	JOB 19:6	Wi waitiag junak, Apajuí waittsati tujutmatai waitiag nunú shiig dekatajum. Kuntin chanua maatasa umigtayama numamtuk Apajuí umikbaunum pujusan waitiajai.
13804	JOB 38:7	Kashikmas pegkejan etsantug jiinama nuniai, yaya aidau aents ijunag kantamaina numamtuk kantamiagtai, ángel aidau nantsemianum nuaduik amek atsuyume.
13880	JOB 40:12	Kame ame ima pegkeg takau asam, apu emebau aina duka diyamuik dita inamtaiji aina nunú emegkatjata. Tuja aents pegkegchau aina duka tuwi ame waintatme, dutikakum ijina utsagta.
14104	PSA 15:5	Kuichkin tsagkatkagtukash ewaekam akigkata tusa waitkagkagtuchu, tuja aents takamsachu aig, tsanumjugta akiktagme tamash dakitin. Nunú aents imanis puja duka shiig aneas tajimat pujustinai.
14305	PSA 27:3	Kuashat suntag mina tententuinakuish, wika ishamkashtatjai, tuja mina jetetkagtatus uminainakuish, wika puyattsuk pujuttajai.
14311	PSA 27:9	¡Wait aneasam uumjutkaipa! ¡Kajegtukam aigtsuk idaitusaipa! ¡Ima ameketme mina yainnumek! Nuadui mina ayamjutmain atsugtaigkik, ima minakek idaitusaipa, wagki ametme mina Apajuíg uwemtijin.
14388	PSA 33:3	¡Kantamtai pegkeg aina nunú kantamkujum nii ememattajum! Tuja yamajam kantamtai kantamkujum nii eme anentsajum shiig aneakjum untsumtajum.
14420	PSA 34:13	¿Kuashat tsawan pujustasamesh wakegamek? Iwaku pujusam shiig takakum dakujustasamesh ¿wakegamek?
14661	PSA 47:7	¡Kantamtai Apajuí kantamjuatajum! ¡Kantamtai iina apuji kantamjuawagmi!
14894	PSA 63:7	Kashi kanaku tepesnush aminí anentaimsanuk tepajai.
14991	PSA 69:3	Kucha amutnunum tepeajai, wajai emetumainkesh atsugtawai. Dekas namaka kunajin akaejai, namak chichijam asa ajektawai.
15270	PSA 80:14	Paki utsantua tegaja ijinui. ¡Kuntin ikamia aidau amuinawai!
15437	PSA 89:47	Chah, Tuke Pujuuwah, ¿uumjutkamek pujuttam? ¿Kajegtukbaukek pujuttam?
15457	PSA 90:14	Kashikmasa nagkamsam amina anenkagmea nunú sukagtusta, dutikagtuawaminig ashí tsawantai, shiig aneasa tuké kantamtinaitji.
15458	PSA 90:15	Kuashat mijanai waitujakuitag imatiksamek shiig aneasa pujut sukagtusta.
15521	PSA 95:1	Kaunatajum, Tuke Pujuu, iina kuitamjamak uwemtijamna nunú shiig aneasa kantamjuawagmi.
15681	PSA 105:8	Kuashat mijan nagkaemataish, nuna dutikatjai tusa anagkagtuamujinak Apajuík tuke kajimatkishtinai.
15904	PSA 115:6	Kuwishish ajuidau, tujash antuchu; nujintin, tujash mayatchau;
15959	PSA 118:22	Kaya ekenag jegamin aidau kaya pegkegchauwai tusag, dakitjajua nunú yamai dekas kaya ima pegkeg atsumtai wajase.
16451	PSA 148:10	¡Kuntin tagkumtai, kuntin tagkumchatai, chigki aidau, kuntin japiinas yujau aidautigmesh,
16665	PRO 7:20	Kuichkin aimak juki wemayi, nuadui wamkek tashtatui, nantu antumai taattawai”, tau.
17030	PRO 20:6	Kuashat aents aidau, amina kumpauchijum atajai tuinawai; ¿tujash dekas aents imanush igkumainashit?
17240	PRO 27:1	Kashin nuna imatikan takastatjai tusamek emtikamek tumamipa, wagki amek dekatsme kashinish wajukatamki duka.
17242	PRO 27:3	Kaya, kamatak aina duka senchi kijin ainawai, tujash nuna nagkaesau kijinai aents anentainkachu nii wakegamun umiktakama kajeamujiya nunú.
17243	PRO 27:4	Kajeamua duka pegkegchauwai, tutitjan itawai, tujash nuna nagkaesau kakajus depetmainchauwa duka, tikich takakui diisa kajegkagtamua nunuwai.
17589	ECC 11:6	Kashikmasam ajakmata, tuja agkushkam ajakmata, wagki yama nagkamchaku ajaamua nunuwash ima shiig nejekat, atsa, ukuunum ajamua nunuwash ima shiig nejekat, aatsa nuniachkush mai betekash nejekat duka dekamainchau asamtai.
17594	ECC 12:1	Eke múuntuch wetsuk yamai datsauchitam duik Apajuí amina najapauwa nunú aneaku ata. Tuja tsawan waitiamu jegamtai, ame chichaakum: “Kuashat tsawan waitu pujutak shiig awajtatsui”, titinaitme.
17747	ISA 1:23	Atumi apuji aidauk aents intimkiu, pegkegchau aina nuna kumpaji ainawai. Kuichik akiam, tuja waji aidau suwam nuna juwinak, aents takamsachunak jujuwai takamsauk tuinawai. Tuja bitaik aidaunash, waje aidaunash waitkainawai, dutikainau asag makichkish yainatsui.
17758	ISA 2:3	Kuashat aents aidau kaunainak: “¡Minitajum au muja Tuke Pujuu etegkamua awi wakagmi, tuja jega Apajuí emematku ijuntai jegamkamua awi wakagmi. Awi Apajuí niina chichamen jintinjamamtai, nunú antuka nii tabauwa duke umikagmi!” titinai. Wagki nii chichame umiktin agagbauwa duka Siógnumia wantintinai. Tuja niina chichameshkam Jerusalégnumia jiinki antuetinai.