28	GEN 1:28	Dutika pegkegnum yumigkiak: “Yujaktajum, nuniakjum nugkak ashí jamagtajum, tuja nayantsanmaya namak aidauk ashí atum kuitamkatajum, tuja agkajunum chigki nanamin aidaush, kuntin wegantu nugkanum yujaka dushakam ashí atumin umigtamtinme”, tiuwai.
89	GEN 4:9	Dutika yachin maamtai, Apajuí Caígkan chichajak: “¿Dusha amina yatsum Abelash wajukame?” tusa tama, Caín ayaak: “Achah, wikaitag mina yatsuju kuitamnun”, tiuwai.
207	GEN 9:1	Apajuí Noén niina uchiji aidaujai pegkegnum yumigkiak aatus tiuwai: “Yujaktajum, imaniakjum nugka pampankajum pimutkatajum.
356	GEN 14:19	Abragkan igkug pegkegnum yumigkiak aatus tiuwai: “Abragkah, Apajuí nayaimpinum pujuuwa nunú pegkegnum yumigtamsatin ati.
369	GEN 15:8	Tusa tama: “Tujash, Apu Tuke Pujuuwah ¿wisha wajuk shiijash dekamainaitja, wi wegantu aidauwap juju nugkanum batsamsatin ainawa tusanush?” tusa aatus Abram aikui.
384	GEN 16:2	Nunik pujai Sarai Abraman chichajak: “Nijah, amek Apajuí mina uchigmachu ati tusa tujutiuwa duka shiig dekame. Nuadui wait aneasam mina inakeg Agar puja au jukita. Nunikamin nuwi uchi akiinamtai, wi nuna jukin uchijimachainjash”, tiuwai. Tusa tama Abram niina nuwe tabaun antujus, ayu, tiuwai.
430	GEN 18:5	Atumek dekas wi atumin inakmin pujag nuwi taugme. Nuniku asagmin atum yuwatnun wi amastajime. Nunú yuwajum ichichmamjajum wetajum”, tiuwai. Tama dita aínak: “Ayu, ame tame duke ati”, tiajui.
453	GEN 18:28	Tujash namputchawame cuarenta y cinco aents pegkejam akuish, ¿ashí yaaktash tsaiktatmek?” tama Apajuí ayaak: “Atsa, cuarenta y cinco aents pegkejam akuishkam ijinashtatjai”, tiuwai.
455	GEN 18:30	Tujash Abraham ataktu awentsag iniak: “Apuh, wi kuashat iniimkuish, wait aneasam kajegtukaipa. Tujash ¿treinta aentskesh pegkeg akuish, itugkattame?” tau. Tama nii ayaak: “Treinta aents pegkeg yaaktanum pujakuishkam yaaktanak tsagkujattajai”, tiuwai.
460	GEN 19:2	Nunik chichaak: “Mina apug aidauwah, wika atumin inakegaitjai, nuadui wait aneasjum mina jegajui wayatajum, nunikagmin wi dawemin dijajatjime, dutikamtai mina jegajui kanagjum, kashin kashikmasjum wetajum” tau. Tama dita ayaak: “Atsah, nunikchattaji, juwi agá pujusa tsawagtatji”, tuidau.
461	GEN 19:3	Tusa tiagtaishkam: “Atsah, wait aneasjum tiigpa”, tusa imatjau niina jeen awayatatus. Tusa imatjam ayu tusag Lota jeen wayawajui. Nuwi wayawagmatai, Lot inamjamtai yutai pegkejan umikajui dita yuwatnun. Dutikak levadurajai pachimtsuk pag inajuamun yuwawajui.
511	GEN 20:15	Dutika chichajak: “Nijah, juju nugka juka ashí mina nugkajui. Tuwi ame ima shiig pujumain dekapeame, nunú etegkam nuwi pujusta”, tiuwai.
538	GEN 21:24	Tusa tama Abraham ayaak: “Ayu, Apajuísh shiig waitui, wika ame tujutam nunak imatiksanuk umiktatjai.
540	GEN 21:26	Tama Abimelec ayaak: “Achah, wika nunak makichkish dekatsjai, amek minak: Juka mina yumigmatjui, tusamkesh tujutchauwaitme. Wika yaki yumigmatnash jukiuwaita nunak yamaikish dekatsjai”, tiuwai.
597	GEN 24:5	Tusa tama niina inake ayaak: “Ayu, tujash nuwa wijai minitan dakitakuish ¿wisha utugmainaitja? ¿Amina uchigmin jukinuap ame pujaum ukukiuwaitam nuwi eman nuweattaja?” tau.
625	GEN 24:33	Nuna dutika, yutain inajuk umika apujtusui. Dutikamtai Abrahaman inake chichaak: “Eke wi chichaman tumain ajuta nuna amina ujatskek yumaitsujai”, tiuwai. Tama: “Ayu, waji tame tita”, tiuwai.
636	GEN 24:44	nii aijak: “Ayu, uwagta, nunikamin camellojum uwagtinnash shikigkatjai”, tusa tujuttata nunú dekas ati ame mina apujun uchiji nuwe atin egatkamuk’, tusan timajai.
649	GEN 24:57	Tusa tutai dita aínak: “Jasta, Rebeca untsuka dekajuami wajintig”, tuidau.
730	GEN 27:2	Tama nii ayaak: “Nijah, wika yamaik shiig muumpakjai, pachiachbaunum jamainaitjai.
749	GEN 27:21	Tujash Isaac niina chichajak: “Ayu, ame dekas mina uchig Esaúwaitkumek adijtukta achikan dekapsatjame”, tiuwai.
802	GEN 29:6	Tusa tiagtai Jacob ataktu iniak: “¿Niish pegkejak puja?” tau. Tama uwija kuitamin aidau: “Ehe, Labágkak pegkeg pujawai. Nijah diisia, juwi Raquel niina nawanji uwijan yajuak minawai”, tiajui.
834	GEN 30:3	Tusa tama nii ayaak: “Nijah, untsu mina inakeg Bilhá nuwatkata; dutikawamin nii uchigmakmatai, nuna wi uchigmakmawa dutikan uchijimatjai”, tiuwai.
865	GEN 30:34	Tusa tama Labán: “Ayu, ame tame duka nunisag ati”, tiuwai.
875	GEN 31:1	Labágka uchiji aidau Jacopan pachis augmatuinak: “Jacopak, iina apajinu aajakua nuna ashí yajuaku asa, imanik shiig wiakuch wajase” tusa chichaidaun dekauwai.
909	GEN 31:35	Nuna egak wekagun Raquel chichajak: “Apawah, kajekaipa, wi juwi eketag nuna akaikin kumpamtsujam nunak, mina tsawanjui jau asan aniajai”, tiuwai. Tuja Labágkak imatika egakushkam niina apajuímtaijinak wainkachui.
999	GEN 34:18	Tusa tama Hamor niina uchiji Siquemjai chichainak: “Ayu, kame duke ati” tiajui.
1029	GEN 35:17	Nunik uchigmak ashí jaka tepaun, uchi uchigmitkau chichajak: “Ishamkaipa, jushakam aishmag uchigmakume”, tau.
1137	GEN 38:17	Tusa tama Judá ayaak: “Makichik chivo tsakatan awetitjame”, tau. Tama nuwa ayaak: “Ayu, dekas takumek makichik waji ukugtukta, ame nunú chivo tsakat awetujiamin nuna juwakun awagtuktagme”, tau.
1181	GEN 40:8	Tusa tama dita aínak: “Kajamkagtugji, nunika wajukatnuk aannush kajamjaji, yaki ujapakainta tusa anentaimku pekagji”, tuidau. Tiagtai José ayaak: “¿Dekas Apajuíchukai atum aan kajamjaujum nuna ujapamainuk? Wajuk atum kajamjaugme duka mina ujatkatajum”, tiuwai.
1212	GEN 41:16	Tusa tama José ayaak: “Apuh, wika wikik tumaitsujai, ¡Apajuí minai pujau asa nii dekaskea nuna ujapakti!” tiuwai.
1221	GEN 41:25	Tusa ujaam José faraógkan ayaak: “Apuh, ame jimag kajanum kajamjaum duka makichkia duke. Nunak Apajuí nii dutikatnujin aminak iwaintugmake.
1265	GEN 42:12	Tiagtai José chichajak: “Atsa, wainkajum tajume, atumek wajuk utuaik jetemainaita tusajum dekamatasa yujagme”, tiuwai.
1299	GEN 43:8	Nuna tusag Judá niina apaji Israelan chichajak: “Apawah, uchik mina idaitugsata nii juki wegagmi, nuniashkuik ashí iina uchiji aidaujai nuigtu, ame aatsa nujantai jinattaji.
1302	GEN 43:11	Tusa tama apaji ditan ayaak: “Ayu, duka nunisag uminkati, tuja nuniktin asamtai, iina nugkenia dekas waji shiig pegkeg aina nunú apu susatin etegja jukitajum: Ujumak bálsamo, ujumak dapa yumiji, kugkuin mirra, nueces, almendra aaja tinamjajum jukitajum.
1335	GEN 44:10	Tusa tiagtai inak ditan chichajak: “Ayu, atum tajum duka nunisag uminkati. Tujash yana costaljin egketuk wainkatag duke mina inakjuk atatui. Untsu tikich aidautigmek agkan juwaktatjume”, tiuwai.
1439	GEN 47:18	Tujash nunú mijan nagkaemakmatai, yutain amukag waituinak, ataktu Josén kautuawag chichajuinak: “Apujuh, iik dekas kuichkik shiig ashimkaji, tuja iina tagkuji aidaushkam ashí aminu wajase. Ii tikich sujaku yutai yapagmainuk atsugtamji, ima aentsti aidautik iina nugkejaig juwakji.
1477	GEN 49:3	“Rubénkah, ametme mina uchig iwaimek, wi aminak nagkamchakun datsa asan akiauwaitjame, nuadui amek ajantusa diitai senchigtin wajasuitme.
1526	GEN 50:19	Tujash José ditan ayaak: “Ishamkagtukaigpajum, wika Apajuíchuitjai atumin suwimkan amastinnuk.
1636	EXO 5:3	Tutai dita ainak: “Apajuí, Tuke Pujuu tutai, hebreo aents aidauti emematin ainag nunú wantintugmakji. Nuniku asamtai, uwegshunum kampatum tsawantai jegatainum wetatji. Nuwi jegaa kuntin maa apeaku Tuke Pujuu iina Apajuíji emematiagmi taji. Tuja nunú ii nunishtaik niina suwimke, jatakesh jutiin iyanjamainai, nuniachkush shiwagkesh maaniamunum amupamainai”, tuidau.
1719	EXO 8:4	Imanikmatai, faraón Moisésan, Aarógjai untsuka itan chichajak: “Apajuí, Tuke Pujuu tutai, minash segatjitajum, takash mina, nuigtu mina aentsug aidaunash waitkagmaina nuna emegkagti. Dutikamtai wisha niina aentsji aidaunash kuntinu maa apeenak Tuke Pujuun ememattinme tusan idaitustajai”, tiuwai.
1720	EXO 8:5	Tusa tutai Moisés niina ayaak: “Amina, tuja amejai atuegak takau aina nuna, tuja amina aentsjum aina nujai takash aidau waitkagmaina nunú shiyakti, nunikag namaka utsaanatnume tusanush, wajutiya nunash segattatjame nunú ame tujutta”, tau.
1736	EXO 8:21	Imanikmatai faraón Moisésan, Aarógjai untsuka chichajak: “Wetajum, tujash atushat wetsuk atum batsatjum nuwig kuntin maa apeakjum atumin Apajuíji ememattajum”, tau.
1808	EXO 11:1	Tuke Pujuu Moisésan chichajak: “Faraógnak, niina aentsji egiptunmaya aina nujai tikich suwimkan awetittajai. Dutika ai atumnak wetajum tusa idaitamsattawai. ¡Tuja niina nugken batsatjum nunak ajumaish wakitki taashtinun jiipag ishipaktatui!
1927	EXO 15:6	“Chah, Tuke Pujuuwah, amina senchigmijai iina shiwaajig ijinamume,
2036	EXO 19:9	Tusa ujakam Tuke Pujuu Moisésan chichajak: “Nijah, wi amejai chichamun aents aidau antukag, dekaskeap tawa tusag, tuké antugtamin atinme tau asan, yujagminum pachiinkan wantintuktatjame”, tiuwai. Tusa timatai, Moisés Israel aents aidau tibaunak imatiksag ataktu awagki Tuke Pujuun ujakui.
2179	EXO 24:1	Tuke Pujuu Moisésan chichajak: “Ame, Aarón, Nadab, Abiú, nuigtu Israel aents aidaun apuji múun aidau setenta aatsajum wi pujamunum wakatajum. ¡Nunikjumesh ikaag tikishmagjum pujustajum!
2475	EXO 33:1	Tuke Pujuu Moisésan chichajak: “Abrahaman, Isaakan, Jacopan uchiji wegantu aidaun nugka susatnaitjai tusan wi tiuwaitag nuwi Israel aents aidau Egipto nugkanum batsatu ame jiigmayum nunú yajuakam wetá.
2495	EXO 33:21	Tusa nuigtushkam chichaak: “Nijah, minai ayaumas buchig awa juwi wajaim wajasta.
3293	LEV 19:11	“Kasamkaigpajum. “Waitjuawaigpajum, atumek pempeentunikjumesh tsanunijaigpajum.
4129	NUM 14:20	Tusa tama Tuke Pujuu Moisésan ayaak: “Ayu, ame segatam nunak imatiksanuk tsagkujattajai.
4322	NUM 20:10	Dutika juki Aarógjai aents aidaun kayanum ijumag chichajak: “Antuktajum, chichama intimkiu aidauwah: ¿Juju kaya juwiyan yumin jiikiag amasmatai, uwajagmi tusagmeka imatjum?”
4430	NUM 23:13	Tusa tamashkam Balac ataktu chichajak: “Wegajai, tikich yantama awi wemi, nunika awi diyam Israel aents aidau ujumak kanaka batsata nunú pegkegchaunum yumigtujata”, tiuwai.
5255	DEU 12:13	“Kuitamamkatajum, tikich yantamnum yujasjum Apajuí emematji tusajum kuntin maa apé yujaijum.
5770	DEU 32:10	“Nuadui, uwejush nugka buku, yumi atsau, dase umputainum batsatjin, nii kuitamjamak jintinjamauwai. Dutijamak makichik aents niina jiin shiig kuitamama imatikas kuitamjamkauwai.
5836	DEU 33:24	Tuja Asher wegantu aidaun Moisés juna aatus chichajak: “Apajuíyah, ame Aserak Jacopa uchiji tikich aina nuna nagkaesau pegkegnum yumigsata. Dutikamu asamtai, niina yachi aidau eme anentsa diitai ati. Tuja kuashat olivogtin asa aceitejishkam imanisag ajitin ati.
6746	JDG 8:25	Tusa timatai Israel aents aidauk jáanchin nugká ainak nuwi patakumtai yajuakbaun batsasajui. Dutikawag Gedeógkan chichajuinak: “Pai, juju jukita”, tiajui.
6894	JDG 13:8	Tusa ujakam Manoa Tuke Pujuun segaak aatus tiuwai: “Apujuh, ame aents awemaum nunú ataktu awekagtita tusan segajame, nunú taa uchi akiinkuish itugkattaji nuna ujapakti taji”, tiuwai.
6897	JDG 13:11	Tusa ujakam Manoa niina nuwejai nunú aents pujamunum weuwai. Nunik jegantun iniak: “¿Ameka tikich tsawantin mina duwagjai chichasmayum?” Tusa tama nii ayaak: “Ehe, witjai”, tiuwai.
6944	JDG 15:13	Tusa tutai dita ainak: “Atsa, ii aidautik mashtatjame, ayatak achika juki filisteo aidau susami tusa taji”, tuidau. Aatus tusag jimag soga yamagmai jigkajajui. Dutikawag uumak pujaun jiikiag jukiajui.
7159	RUT 2:8	Tusa timatai Booz Rutan jegantun chichajak: “Nawanta, wi tajam nunú shiig antukta. Wainka tikich aja aina nuwi wekeasamek makichkish juukaipa. Nuwa mina tsakatkeg aidau ajaka juwaak juwi batsata nujai pujusta.
7164	RUT 2:13	Tusa tama nii ayaak: “Apujuh, ame minak wait anenjujume. Ame tujutam nunú mina anentaignak ichichtujui. Wika amina tsakatkem aina nujaig makichkish betekchauwaitjai, nuniaig ame minak shiig anenjusam aujtusume”, tiuwai.
7175	RUT 3:1	Makichik tsawantai Noemí Rutan chichajak: “Nawantah, ame aishina shiig pujumainun egatkatjame”, tiuwai. Tusa chichajak:
7179	RUT 3:5	Tusa tama Rut ayaak: “Ayu, ame tujutam nunak imatiksanuk umiktajai”, tiuwai.
7229	1SA 1:15	Tusa tama nii ayaak: “Vinonakesh, tuja tikich uwaja nampetainakesh uwagchamjai. Shiig senchi wake besemag dekapeamu ajutu asamtai, wi waitiamujun pachisan ashí Tuke Pujuun ujaakun eketjai.
7258	1SA 2:16	Tusa tama aents ayaak: “Jasta, dekatkauk kuntinu wiyajin apeatjai. Dutikamtai ame wakegamu jukita.” Tama nii chichajak: “¡Tutsuk yamaikiuch sujusta! ¡Sujachkuminig wiki atankittagme!” tau.
7319	1SA 4:20	Nunik uchigmak jakauwai. Nunik eke jatsaig uchi uchigmitkau aidau chichajuinak: “Ishamkaipa, uchik aishmag uchigmakume”, tiajui. Tusa tamash nigka chichakchauwai, wagki jakau asa.
7405	1SA 9:12	Tutai ditá ainak: “Ehe, tujash imau yaakta nagkaiki pujawai. Wamak wejitajum, kuntinu maa, Apajuí emematak nainnum apeatatus yamai yaaktanum wakame.
7409	1SA 9:16	“Kashin, yamai etsa eketa juniai Benjamígka nugkenian makichik aentsun awetittajame, nunú mina aentsug Israel aents aina nuna apuji atin asamtai. Ame aceiteyai buuken nijaktatme. Nii mina aentsug Israel aents aidaun filisteo aidau waitkaina nuna ayamjuk agkanmitkattawai, wagki dita waituinak mina segatuinamunak wi antugkau asamtai”, tiuwai.
7449	1SA 11:2	Tusa tiagmatai Nahas ditan ayaak: “Ayu, untsu chicham umikmi takugminig, wi atumi jii untsuja nuna ashí ukuitjatjime. Dutika ai atum Israel aents aidautijum dushiktai datsan juwakminjum”, tiuwai.
7482	1SA 12:20	Imatiagtai Samuel ditan chichajak: “Ishamkaigpa, Tuke Pujuuk mantamachagtatui. Dekaske atum pegkegchau takasujum duka. Tujash nuniku akugmesh Tuke Pujuuwaig kanakaigpa. Duka nunitsuk ima nigki atumi anentaimijai ememattajum.
7517	1SA 14:7	Tusa tutai niina kumpaji ayaak: “Ayu, ame anentaimam duka betek umikta. Wika ame tujutbaun umiktasa wekaejai”, tiuwai.
7521	1SA 14:11	Nuadui mai juwakiag filisteo aidau batsatbaunum jegantag wantintukajui. Nuniagtai ditan wainak chichainak: “Nijah, au hebreo aents aidau waanum uumak batsatu jiinjajana”, tuidau.
7602	1SA 16:5	Tusa tama nii ayaak: “Utugchatak atsawai, ayatak kuntinu maa apeakun Tuke Pujuu ememattasan taajai”, tiuwai. Nuna tusa: “Umintsatajum, nunikjum wi kuntinu maa apeakun Tuke Pujuun emematkui uyuntustajum”, tiuwai. Aatus tusa eke kuntin maa apeatnunum wetsuk Samuel Jesén niina uchiji aidaujai dita pegkegchau takamsamujin iwagmitkak pegkeg emakui. Dutika nuadui ditajai kuntinu maa apeak Apajuín ememattatus weuwai.
7654	1SA 17:34	Tama David ayaak: “Apuh, wika mina apaju uwigjin kuitamnaitjai. Tujash ikamyawa, nuniachkush chayukesh uwija maa juki tupikakuig,
7712	1SA 19:4	Aatus tusa ukuak Jonatán Davitan ayamjak niina apaji Saúljai chichaak aatus tiuwai: “Apuh, amek amina inakem Davitak pegkegchau dutikatasamek wakemaitsume, wagki niig aminak makichkish pegkegchauk awajtamtsui, ayatak ame tabaunak betek uminuwe.
7947	1SA 28:2	Tusa tama David ayaak: “Ayu, kame atuktagme. Yamai wainkattame juju amina inakem David dutikatta nunú”, tiuwai. Tutai Aquísh Davitan ayaak: “Atujatkatin asamin, suntag mina kuitamjin aina nuna apuji adaikatjame”, tiuwai.
7958	1SA 28:13	Tutai Saúl chichajak: “Ishamkagtukaipa, ¿ya wainkaume?” tau. Tusa tama: “Makichik Apajuí nugkaya nayaimpinum waun wainjai”, tau.
8053	2SA 2:1	Saúl Jonatágjai jakamtai, David ditan eme anentus kantamjuawa nunú nagkaemakmatai pujus Tuke Pujuun iniak: “¿Tuke Pujuuwah, wi mina aentsug aidaujai filisteo nugken pujag nunash, Judá wegantu aidaun yaaktajinish pujumainchaukaitag?” tau. Tutai Tuke Pujuu ayaak: “Ehe, wemainaitme” tiuwai. Tama David iniak: “Tujash ¿tuu yaaktanum wemainaitja?” tau. Tutai Tuke Pujuu ayaak: “Yaakat Hebrón wetá”, tiuwai.
8154	2SA 5:19	Nunikagmatai nuna pachis David Tuke Pujuun iniak: “¿Filisteo aidau kauna nunash jetemainkaitag? tuja wi jeteakuish ¿yainkattamek?” tiuwai. Tusa iniam Tuke Pujuu ayaak: “Ehe, amina suntajum aidaujai jetekta, wi atumnak yaigtatjime depetmaktinme tusan”, tiuwai.
8201	2SA 7:18	Nuna antuk David Tuke Pujuujai chichastatus arca pujaunum wayauwai. Nunik Apajuíjai chichaak: “Apuh, Tuke Pujuuwah, wika tikima wainkauchitjai. Tuja mina pataag aidaushkam tikima wainkauch ainawai. Nuadui wika apu atajai tumamaitsujai.
8232	2SA 9:2	Tutai nuwiya makichik aents chichajak: “Saúl wegantu makichik inak Sibá daagtin pujawai”, tau. Tutai David niina chichajak: “Untsukta taati”, tiuwai. Tusa tima untsukam Sibá taamtai apu David iniak: “¿Amekaitam Sibá?” tama nii ayaak: “Ehe, witjai, ame tabaun umiktasan taajai apuh”, tau.
8237	2SA 9:7	Timatai David chichajak: “Ishamkagtukaipa, wi amina apajai shiig wainijaku asan aminak shiig kuitamkattagme. Tuja amina apachjum Saúl aajakua nuna nugke aina nunak awagtugmaktinme titatjai. Tuja amek wijai ekemsam mesanum yujumak tuké yutinaitme”, tiuwai.
8241	2SA 9:11	apu Davitan chichajak: “Apuh, ame tame nunak imatiksanuk umiktajai”, tiuwai. Tuja Mefi-boshetak apu uchijiskait tumain sillanum ekemas mesanum yuujakui.
8308	2SA 12:19	Tusa chichaidaun David antuk, dekas uchik jakaegapi tiuwai. Tusa ditan untsuka iniak: “¿Uchish jakachmaka?” tau. Tutai: “Ehe, uchik jakame”, tiajui.
8381	2SA 14:22	Tusa tama Joab Davitan eme anentus tsuntsuma nijayin nugka antig pujus chichaak: “Apuh, ame mina wait anenjam nunak yamai dekas shiig dekaajai. Wi amina segabiajam nunú antugtuku asam, ame minak inatme”, tiuwai.
8401	2SA 15:9	Tusa tutai apu ayaak: “Ayu, wetá”, tiuwai. Tusa tima Absalón yaakat Hebrógnum weuwai.
8407	2SA 15:15	Tusa tutai, apu Davita chichajuinak: “Apuh, iik ame tabau umiktasa umintsa dakamji”, tuidau.
8414	2SA 15:22	Tusa imattai David ayaak: “Ayu, kame takumek minita”, tiuwai. Tusa tima Itai David weamunum niina patayi aidaujai, nuigtu tikich aents aidau niina uyunaidaujai aatus ijunag weuwai.
8433	2SA 16:4	Tusa tutai David niina chichajak: “Ayu, dekas nii tuu wekagu asamtai, Mefiboshetdau aajaku aina nunak amina amastajame”, tiuwai. Tusa tima apu emtin tsuntsuma pujus chichaak: “Wi ame wakegamun umiakui, ame mina yamai wait anenjujum aikasmek tuké wait anenjugtin ata tajame”, tiuwai.
8485	2SA 18:4	Tusa tama: “Ayu, atum tajum duke ati”, tiuwai. Tusa tamawaik yaakta waitiji yantamen wajasui. Nunik wajai suntag mil akanjamu aidau, cien akanjamu aidaujai aatus jiinaidau.
8519	2SA 19:6	Imatak niina inamtaijin pujusa buutak pujuttaman, Joab jegajua chichajak: “Amina, tuja amina nuwem aidau, uchijum aidau, nawanjum aidau, ikaa nuwem aidau aatsa ayamjaku, amina kajegtamiagma duka yamai depetka ijinaji. Dutikau ajinig, amek ii pegkegchau takamsamtai datsankagtakum wajukmaina aan pujame.
8540	2SA 19:27	Tama nii ayaak: “Apujuh, wika shutuu asan wi ekemi wetinun burron itagtuati tusan mina inakjun inagbaijai. Tusa ti ai ayu tujutiatak, umikchau asamtai minichbaijai.
8622	2SA 22:17	“Apajuíyah, ame minak nayaimpinum pujusam, uwejum awentuntabiume, dutikam nayantsa kunajinia jiikim uwemtijugmayume.
8636	2SA 22:31	“Apajuíyah, ame dutikamu aina duka ashí pegkejai. Ame anagkagtuamua nunak dekaskeapi tajai. Tuke Pujuuk ya niyai dekaskeapi tuinawa nuna kuitamui.
8722	1KI 1:2	Nunitai niina kuitamin aidau chichajuinak: “Apuh, dekas amina kuitamjamkatin makichik nuwa muntsujut egaka itaami. Nunú aminí ayaumas kanakui, kukukut kanagminum”, tuidau.
8733	1KI 1:13	Nijah, apu David jegajua chichagkum: “Apuh, ame umiktinjum mina chichagtakum: “ ‘Wi jakamtaig, mina uchig Salomón apu wajas inamjattawai’ tusa tujutmayum nuniaish ¿wagka Adoníasash apush wajase? tita.
8737	1KI 1:17	Tama nii ayaak: “Apujuh, amina Apajuíjum Tuke Pujuu tutaya nunú adaisam chichagtakum: ‘Amina uchijum Salomón apu wajas inamjattawai’ tujutmayume.
8763	1KI 1:43	Tama Jonatán Adoníasan ayaak: “Atsa, chichamak pegkegchauwai. Iina apuji David Salomógkan apu adaikae.
8841	1KI 3:22	Tutai tikich nuwa chichaak: “Atsa, auk iwakua duka mina uchijui, jaka nunuwai amina uchigmik”, tau. Tutai yama nagkamchak chichakua nunú chichaak: “Atsa, auk uchi jakauwa duka aminui, untsu uchi iwakua nunuwai mina uchijuk”, tusag aatus apu emtin jiyanidau.
9352	1KI 18:8	Tama nii ayaak: “Ehe, witjai. Weme amina apujum Acab, Elías tae tusam ujakta”, tiuwai.