23288	MAT 4:10	“Atsii, umadayu kan teyak, Satanas, te ya nesurat ta lebru na Namaratu a ‘Namaratu la ya dayawan muy, a intu la tatakday ya pakidafun muy,’ kunna.”
23433	MAT 8:19	A ka-ma la umabikan hapa tentu ya takday mangituldu ta lintig na Namaratu, a “O, Mistro,” kunna te Hesus, “Dumagdagak hapa teko, te maski had sin ya eyam,” kunna.
23475	MAT 9:27	A ta nepagtugut nig Hesus ta iten a tinaliban da ya duwa na lalaki nga nagdaram, ammi dumagdag kid hapa nga nagayayag te Hesus. “O, Afu, Anak ni mina Dabid, Ikallak na kami O, Afu,” pakakin kid.
23476	MAT 9:28	A ta nesarok nig Hesus ta pagyanan na en bali a dumagdag hapa tentu ya daram kiden, a yen ya nepaguhohug ni Hesus tekid. “Ikatalak muy hud ta mabalin ku hala ya adangan muy teyak?” kunna hapa tekid, a “On, Afu,” kunda hapa.
23681	MAT 14:15	A tentu en marimat a nagburung na ya ituldu na kiden gafu ta tolay kiden, a enda nebar te Hesus. “Mappya, Afu, ta patugutam ya tolay kidin, petta e kid gumatang ta pamuhab da ta babali kidewan, te furab na a awan haman ta pangalapan ta isin,” kunda.
23695	MAT 14:29	“On, e ka mantu sin,” kunna ha ni Hesus tentu. A dumagut mantu i Pedru ta barangayen, a nagpapa-yat hapa ta danum kumin te Hesus.
23717	MAT 15:15	A ya uhohug hapa ni Pedru a “Mappya, Afu, ta pake ipasikkal mu ya ikayat mu uhohugan ta ikazigman na Namaratu, te awemi maawatan,” kunna.
23729	MAT 15:27	“Kakurugan, Afu, ya uhohug mina, ammi awena hud mangan na atu kiden ta hugta na dafu na en nga nahunnak ta lutak?” kunna hapa na babbayen.
23773	MAT 17:4	“Mappya, Afu, te itta kamin sin, te am ikayat mu a mamaddayak na ta tallu na ba-bali, petta tagtakday kam ni Moses ikid ni Eliyas ta ba-bali,” kunna.
23793	MAT 17:24	A tekiden dumatang ta ili na Kapernayum a nesimmun da ya magtuki kiden ta bwis na Simbaan. A pinohutan da hapa te Pedru am magpaga i Hesus ta bwis. “Anu, awena de magpaga na mistro muy ta bwis na Simbaan?” kunda tentu.
23797	MAT 18:1	A ta pagyan da para la ten a itta ya ikayat na ituldu na kiden ta pohutan da te Hesus, a “Afu, inya hud sangaw tekami ya pake kadakalan na makipagturay teko ta pagariyan na Namaratu ewan?” kunda.
23834	MAT 19:3	A umange hapa tentu ya kadwan kiden Pariseyu, te itta ya pinohutan da tentu ta pangparuba da tentu. “Mistro, had kun na pangawatam ta lintigen nga netuldu ni Moses gafu ta magatawa kiden, te mepalubus de ta igungay na lalaki ya atawa na ta kompormi la na razon?” kunda tentu.
23847	MAT 19:16	A magananwan la a itta ya umange nangpohut te Hesus. “Mistro, ibar mu haen teyak am anu mina ya tarabakuk nga mappya petta itta sangaw ya angat ku nga magnayun,” kunna.
23883	MAT 20:22	“Ahu, awemuy de amu ya zigat na adangan muy,” kun ni Hesus tekid. “Makkwa muy hud sangaw ya magattam ta kagitta na neatad na Namaratu teyak ta zigat kin?” kunna. “A on ay, makkwa mi hapa,” kunda.
23892	MAT 20:31	Ammi nehuya na kid na tolay kiden petta aweda mina magsitang. Ammi nepasikan da para ya iayag da, “Ay, Afu, Simsima ni mina Dabid, ikallak na kami haen, Afu,” kunda.
23894	MAT 20:33	“Ay, Afu, ipaita mi ya awemi in pakaita,” kunda hapa.
23957	MAT 22:16	A ya iningwa da a dinob da tentu ya kadwan kiden ituldu da ikid na kahulun kiden ni Herud petta paruban da i Hesus. A ya uhohug da hapa te Hesus a “Mistro, itta ya pohut mi teko, te amu mi ta matunung ka na tolay, a matunung hapa ya ngamin ituldum ta patarabaku na Namaratu tekitam, te awem la burungan am anu ya uray na tolay, ikid na awan ta idadumam.
23977	MAT 22:36	“Mistro, dangagan mi haen teko am had sin ya kadakalan na lintig ta ngamin kiden lintig na Namaratu,” kunna.
24024	MAT 23:37	A gafu ta madamdam i Hesus ta pagdaram na sakā tolay na kiden a tinangitan na kid; “Ay, anak ku nga taga Herusalem; mamempiga yak mina nga nangikerutan tekamuy ta kuman na manuken nga mangukup ta piyak na kiden, ammi awemuy ikayat, awa pinapasin muy hud la ya aglavun kiden nga dinob na Namaratu ta mangaskasaba tekamuy.
24029	MAT 24:3	A tekiden nakadatang ta utun na bagetay na Olibo, a nagtuttud i Hesusen. A umange ha tentu ya ituldu na kiden, a pinohutan da ya nebar na en tekid. “Afu, dangagan mi haen am kanu sangaw na araw ya nebar men nga kaperdi na simbaanen. A am magtugut kan sangaw a anu hapa sangaw ya pakaitan mi ta pagtolim sangaw sin ikid na pagaddetan na arawin yan?” kunda.
24149	MAT 26:26	A tekid para la nagkakan a nangalap i Hesus ta pan kapye na nepakimallak, kapye na hapa ginadgadwa, a sangaw nesaned na ta ituldu na kiden. “Yeh, kanan muy yan te ye-yan barikin,” kunna.
24150	MAT 26:27	A sangaw inalap na hapa ya basu na binarayangen kapye na ha nepakimallak, a sangaw negawat na hapa tekid, “Yeh, sa uminum kam ta isin,
24173	MAT 26:50	“A iko mantu, Kofun,” kun ni Hesus tentu, “Aran, ialistum mantu ya neangem sin,” kunna hapa tentu. A umabikan hapa ya kadwan kiden tolay, a ginafut da i Hesus.
24202	MAT 27:4	“Nakaliwatak, te netalabak haman ya awanen ta liwat,” kunna tekid. “A nekabat kami hud ta iningwam? Problemam yana,” kunda hapa tentu.
24209	MAT 27:11	A i Hesusen hapa a pinagtayuk da ta atubang na gubernadoren, petta imbestigaran na. “Anu, iko hud ya nebar da en nga Ari na Hudyo kiden?” kunna te Hesus, “A iko mina ya mangibar,” kunna hud la ni Hesus tentu.
24223	MAT 27:25	“Onay, ikami ikid na anak mi kiden ya makkamu ta pasi na,” kunda.
24227	MAT 27:29	A sangaw nangwa kid hapa ta sangngat na sit kapye da nesangngat ta ulu na en, yaga nepaibbal da tentu ya kulang na biraw petta kuman na baston na. A namalentud kid na ta atubang na en ta pamābānglu da tentu, a “Ihi, malalaki ya Ari na Hudyo kiden,” kun na kampon na dayaw da tentu.
24244	MAT 27:46	A ta mekatallu en na oras a nagayag i Hesus ta masikan, “Ilay, Ilay, lama sabaktani,” kunna ta agsitang na Hudyo kiden. A ya ikayat na uhohugan na ayag na en a “Dyos ku, Dyos ku, anu haman ta nagtalekudan nak,” kunna.
24245	MAT 27:47	“Anu, ayagan na de i Eliyas?” kunna hapa na kadwan kiden nga nagbuya tentu.
24307	MRK 1:23	A tentu para la nangituldu a ka-ma la kimahalwan hapa ya takday lalaki ta umag na kapilya en gafu ta anitu na en; “O, Hesus taga Nasaret, anu itta ka sin tekami? Amu ta ka, te iko ya kagitta na Namaratu ewan. Yen hud ya umeyam sin petta pakākāllakan na kami?” kunna.
24324	MRK 1:40	A sangaw itta ya takday lalaki nga naggalis, a umange namalentud ta atubang ni Hesus; “Ay, Afu, ikallak nak haen, te amuk ta maurum ya tabbit kin am ikayat mu,” kunna.
24334	MRK 2:5	A ta nepakaita ni Hesus ta pangikatalak da tentu a naguhohug hapa ta awanen makahehit; “Aleng, pakoman kun ya liwat mu kiden ta Namaratu,” kunna.
24474	MRK 5:41	A inibbalan na ya kamat na en kapye na binaran, “Talita kumi,” kunna la ta agsitang na Hudyo kiden. Ammi ya ikayat na uhohugan a “Aboy, imivwat kan,” kunna.
24511	MRK 6:35	A ta furab a nagburung ya ituldu na kiden ta tolay kiden, a enda nebar te Hesus, “Mappya, Afu, ta patugutam ya tolay kidin, petta e kid gumatang ta pamuhab da ta babali kidewan, te furab na a awan haman ta pangalapan ta isin,” kunda.
24540	MRK 7:8	“On, te baybay-an muy hapa ya lintig na Namaratu, a intu idulot muy ya gagangay na tolay.
24573	MRK 8:4	“Ahu, had ya pangalapan tam ta isin na lugar ta ipakan tam tekid, te adayu haman yan ta babali?” kunda hapa tentu.
24590	MRK 8:21	“Ay, awemuy para la de maawatan ya ikayat ken uhohugan tekamuy nga ‘Palanan muy mina ya beking na Pariseyu kiden ikid nig Herud?’” kunna.
24612	MRK 9:5	“Mappya, Afu, te itta kamin sin, te mamadday kami mina ta tallu na ba-bali, petta tagtakday kam ni Moses ikid ni Eliyas ta ba-bali,” kunna.
24631	MRK 9:24	“Ay, ikatalak ta ka, Afu, pagustum haen ya pagkurangan na pangikatalak ku,” kunna hapa nagtangit.
24645	MRK 9:38	A ya uhohug hapa ni Hwan tentu a “Mistro, itta ya naita mi nga magpatugut ta anitu na seanitu kiden, ammi usaran na hapa ya ngagam. A ginamman mi hapa te awena mehulun tekitam,” kunna.
24659	MRK 10:2	A umange hapa tentu ya kadwan kiden Pariseyu, te itta ya pohut da ta pangparuba da tentu. “Mistro, had kun na pangawatam ta lintig ni Moses gafu ta magatawa kiden, te mepalubus de ta igungay na lalaki ya atawa na?” kunda.
24674	MRK 10:17	A tentu en nagganwat nga ange ha magpasyar ta takwan na lugar a itta ya nagbilag nga ange namalentud ta atubang na en nga nakimemallak tentu. “Ay, Mistro, kakurugan ta mappya ka na tolay, a ibar mu haen teyak am anu mina ya tarabakuk nga mappya petta itta sangaw ya angat ku nga magnayun,” kunna.
24677	MRK 10:20	“Ay, kanayun kurugan ku yen kid na lintig abat ta kaabbing ku,” kunna hapa.
24692	MRK 10:35	A pake himebing tentu ig Santiago ikid ni Hwan nga anak ni Zibadeyu, a “Mistro, itta haen ya adangan mi teko,” kunda.
24695	MRK 10:38	“Ahu, awemuy de amu ya zigat na adangan muy. Makkwa muy hud sangaw ya magattam ta kagitta na neatad na Namaratu teyak ta zigat kin?” kunna.
24704	MRK 10:47	A ta pakadangag na ta magtalib na i Hesus taga Nasaret a nagayayag na, “Ay, Hesus, Simsima ni mina Dabid, ikallak nak haen, Afu,” pakakin.
24705	MRK 10:48	Ammi nehuya na kadwan kiden tolay petta awena magsitang, ammi nepasikan na para ya iayag na, “Ay, Simsima ni mina Dabid, ikallak nak haen, Afu,” kunna.
24719	MRK 11:10	“Bendisyonam, Afu, ya umange in nga magtogkok ta iturayan ni minakakayen Dabid. “Madaydayaw ya Namaratu nga kata-nangan na Dyos,” kunda ta pagayayag da.
24756	MRK 12:14	A ya uhohug da tentu a “Mistro, itta ya pohut mi teko, te amu mi ta matunung ka na tolay, a matunung hapa ya ngamin ituldum ta patarabaku na Namaratu tekitam, te awem la burungan am anu ya uray na tolay, ikid na awan ta idadumam. “A dangagan mi haen teko am ipalubus na lintig ni Moses ya pagpaga tam ta bwis ta ari na taga Roma kiden, petta amu mi am magpaga kami mina ono awan?” kunda.
24770	MRK 12:28	A ta pagintabtabbag da para la ni Hesus ikid na Saduseyu kiden, a neddatangan na kid na takday mangituldu. A gafu ta mappya ya tabbag ni Hesus ta Saduseyu kiden a itta hapa ya pinohutan na tentu. “Mistro, ta kuman na ituldum a had sin hud ya fun na ngamin kiden lintig na Namaratu?” kunna.
24787	MRK 13:1	A ta neuhet nig Hesus ta simbaanen a makibidan kid na takday ituldu na, a “Itam, Mistro, ya batu kiden nga nepadday da ta simbaanin, awa ispot kid kontodu ngamin bali in,” kun na ituldu na en tentu, te dappug kid na batu nga nataga, a nasalsalnuk kid abat ta utun. A ya tabbag hapa ni Hesus tekid a
24790	MRK 13:4	“Afu, damagan mi haen am kanu sangaw na araw ya nebar men nga kaperdi na simbaanen. A awan hud ta imunnan petta pakaitan mi ta tanagay na ya datang na?” kunda tentu.
24845	MRK 14:22	A tekid para la nagkakan a nangalap i Hesus ta pan kapye na nepakimallak, kapye na hapa ginadgadwa, a sangaw nesaned na ta ituldu na kiden. “Yeh, kanan muy yan te yeyan ya barikin,” kunna.
24859	MRK 14:36	“Amang, amuk ta mabalin ya ngamin teko, a azim haen ya zigatin yan. Ammi maski kunku a bakkan mina ta yen ya magdulot, te mappya ta ikayat men ya idulot ku,” kunna ta pakimallak na.
24888	MRK 14:65	A inuparan na hapa na kadwan kiden, otturu tinappanan da hapa ya mukat na kapye da sinilsiltuk. “O, ibar mu am inya ya nagsiltuk teko, te malalaki ka haman maglavun,” kunda. A sinilsiltuk da hapa na maggwardya kiden.
24897	MRK 15:2	A ta nepagpatayuk dan tentu ta atubang na gubernadoren a nagpohut hapa i Pilato tentu; “Anu, iko hud ya nebar da en nga ari na Hudyo kiden?” kunna te Hesus. “Iko mina ya mangibar,” kunna hud la ni Hesus tentu.
24913	MRK 15:18	A sangaw daydayawan da kampon ta “Ihi, malalaki ya Ari na Hudyo kiden,” kunda.
24929	MRK 15:34	A ta alas tres ta furab a nagayag i Hesus ta masikan, “Ilay, Ilay, lama sabaktani,” kunna ta agsitang na Hudyo kiden. A ya ikayat na uhohugan na ayag na en a “Dyos ku, Dyos ku, anu haman ta nagtalekudan nak,” kunna.
24930	MRK 15:35	“Anu, ayagan na de i Eliyas?” kunna hapa na kadwan kiden nga nagbuya tentu.
24996	LUK 1:34	A ya uhohug hapa ni Mariya a “Onay, ammi had kun na katarun ku, te awek para la nakidorug ta lalaki?” kunna.
25004	LUK 1:42	a nagsitang hapa ta masikan; “Iko, Mariya, ya pake nagāsāt ammi ta ngamin kiden bābāy, a Dyos hapa ya mangbendisyon ta anak mina.
25022	LUK 1:60	ammi ya uhohug na hina na abbingen a “Bakkan, te Hwan ya ngagan na,” kunna.
25071	LUK 2:29	“Ay, Afu, maski masi yak na ta kuman na inuhohug mu teyak,
25076	LUK 2:34	A ya uhohug na para ta hina na abbingen a “Dangagam, Aboy, ya ibar kin teko, te palattogan sangaw na Namaratu ya itta ta nonot na ngamin tolay gafu ta abbingin yan, a mapaakban hapa sangaw ya addu na Istralita gafu tentu, ikid na addu hapa sangaw ya mapātā-nāng. A maski am intu ya pakaitan ta ketta na Namaratu tekitam a addu sangaw ya magsoysoy tentu. A gafu ta ikatupag da sangaw a pake matakitan hapa sangaw ya nonot mu ta kuman na takit na amuku nga mekaddug,” kunna tentu.
25090	LUK 2:48	A ta nepakaita nig Mariya tentu a nagpaka-lat kid tentu, a nehuya na hapa na hina na en; “Aleng, anu haman ta nasirak ka ta isin, te pake nagburung kami ni Damam nga nagapag teko,” kunna.
25181	LUK 5:5	“Onay, ammi paghuhuklaw kami haman, Afu, nga nagtahukul, a awan haman ta naalap mi. Ammi gafu ta inuhohug mu a paruban mi ay,” kunna hapa ni Simon.
25184	LUK 5:8	A ta nepakaita ni Simon Pedru ta kaddu na naalap da a ka-ma la nagtakab ta atubang ni Hesus. “Ay, Afu, umadayu kan mina teyak, te pake dulayak na tolay,” kunna gafu ta amat na tentu.
25188	LUK 5:12	A sangaw ha ta mittan a itta ig Hesus ta takday ha na ili, a itta ya takday lalaki nga naggalis. A ta nepakaita na lalaki en te Hesus a umange namalentud ta atubang na en nga nakimemallak tentu. “Ay, Afu, ikallak nak haen, te amuk ta maurum ya tabbit kin am ikayat mu,” kunna.
25196	LUK 5:20	A ta nepakaita ni Hesus ta pangikatalak da tentu a naguhohug ta awanen makahehit, “Aleng, pakoman kun ya liwat mu kiden ta Namaratu,” kunna.
25268	LUK 7:4	A ta pakadatang da te Hesus a pake nakimemallak kid tentu gafu ta kapitanen; “Mappya, Afu, ta ikallak mu ya kapitanen te mappya hapa na tolay,
25278	LUK 7:14	otturu umabikan ta lungunen, a sini-ged na petta magimmang ya mangisaw kiden. “Aleng, imivwat kan,” kunna hapa ta nasi en,
25304	LUK 7:40	Ammi tinabbag hala ni Hesus ya itta en ta nonot na Pariseyu en, te ya nebar na a “Simon, itta haen ya ibar ku teko,” kunna tentu. “A anu yen, Afu?” kunna hapa.
25312	LUK 7:48	A ya uhohug ha ni Hesus ta babbayen, a “Mappya, Aboy, te pinakoma na Namaratu ya liwat mu kiden,” kunna.
25338	LUK 8:24	A gafu ta burung da a enda hinukal i Hesus. “Afu, Afu, magpasi kitam O,” kunda. A ta nekahukal ni Hesus a nehuya na ya paddad ikid na danumen nga pake nagpalung na, a nagimmang kid na, a nagsimpan ya danumen.
25344	LUK 8:30	“A anu hud ya ngagam,” kunna ha ni Hesus tentu. “Ay, Armado ya ngagan ku,” kunna hapa, te adaddu kan ya anitu na.
25360	LUK 8:46	“Awan, te itta ya takday nangsi-ged teyak, te nariknak ya nagafu ta barikin nga nagpamappya ta nagtakit,” kunna hapa.
25362	LUK 8:48	“Mappya, Aboy, te nekatalak nak, te yen ya nagmappyam. Dumatang kan la ta bali, a awem la sangaw magburung,” kunna.
25368	LUK 8:54	Ammi inibbalan na ya kamat na abbingen kapye na binaran; “Aboy, imivwat kan,” kunna.
25382	LUK 9:12	A ta furab a nagburung ya ituldu na kiden ta tolay kiden, a enda nebar te Hesus. “Mappya, Afu, ta patugutam ya tolay kidin, petta e kid magammak ikid na gumatang ta pamuhab da ta babali kidewan, te awan haman ta pangalapan ta isin,” kunda.
25408	LUK 9:38	A ya takday lalaki tekid a binaran na i Hesus; “Mistro, ikallak mu haen ya anak kin nga mementu in anak ku,
25412	LUK 9:42	A tentu en nangiange ta anak na en tentu a ka-ma la pinagkissiw na anitu na en. Ammi ginamman ni Hesus ya anitu en a nagmappyan ya abbingen, a “Yeh, alapam na,” kunna te dama na en.
25419	LUK 9:49	A sangaw nanonot hapa ni Hwan ya ibar na te Hesus, “Afu, itta ya naita mi nga magpatugut ta anitu na seanitu kiden, ammi ngaganan na hapa ya ngagam, ammi ginamman mi te awena haman mehulun tekitam,” kunna.
25427	LUK 9:57	A tekiden nagtugtugut ta dalanen a umabikan hapa tentu ya takday tolay, a binaran na i Hesus; “O, Mistro, dumagdagak hapa teko, te maski am had ya eyam,” kunna.
25449	LUK 10:17	A ta pagtoli na pitufulu duwa kiden nga dinob ni Hesus a pake matalakan kid. “O, Afu,” kunda tentu, “Magtalaw hapa ya anitu kiden tekami am patugutan mi kid ta pakapangwa na ngagam,” kunda.
25457	LUK 10:25	A ta takday ha na araw a nagtayuk ya takday abugadu nga mangpohut te Hesus petta paruban na. “Mistro, ibar mu haen am anu mina ya tarabakuk petta maatadanak sangaw ta magnayun na angat,” kunna.
25541	LUK 12:13	A ta pangituldu para la ni Hesus a itta ya takday lalaki nga nangbar tentu. “Mistro, ibar mu haen te kakaken ta ibingayan nak mina ta nesirak ni minamaken,” kunna.
25569	LUK 12:41	A gafu ta uhohug ni Hesus a nagpohut hapa i Pedru tentu, “Afu, ikami la de ya pangibaram ta keangarigan kidin, ono isipat mu hapa ya ngamin kidin kimalihung ta isin?” kunna.
25599	LUK 13:12	A ta nepakaita ni Hesus tentu a binaran na. “Ina, itam awa naubadan kan ta pagkavub mu,” kunna,
25610	LUK 13:23	A itta hapa ya takday nga umange nagpohut tentu; “Afu, assang la hud sangaw ya mekerutan ta pangpa-gang na Namaratu?” kunna.
25618	LUK 13:31	Awena pake nabayag a umange ya kadwan kiden Pariseyu nga mangibar te Hesus. “Mappya, Afu, ta umadayu kan ta isin, te doban kan ni Ari en Herud ya mamapasi teko,” kunda.
25621	LUK 13:34	otturu nanalasigak hapa gafu ta damdam na ta taga Herusalem kiden. “Ay, anak ku taga Herusalem; Mamengpiga yak mina nga nangikerutan tekamuy ta kuman na manuken nga mangukup ta piyak na kiden, ammi awemuy ikayat, awa papasin muy hud la ya aglavun kiden na Namaratu nga dinob na tekamuy.
25637	LUK 14:15	A ta nepakadangag na takdayen kahebing ni Hesus ta binida na en a “Umpa, magāsāt kitam sangaw am makikkanan kitam ta pagpamakan na Namaratu ta pagtogkok na Dafu tamen,” kunna.
25725	LUK 17:5	A ya uhohug hapa na turin na kiden nga mafulu duwa a “Mappya, Afu, ta padakalam ya pangurug mi, te kuman na assang,” kunda.
25735	LUK 17:15	Sa Hudyo kid ngamin fwera la ta takdayen, te taga Samariya yen. A ta nepakaita na taga Samariya en ta nagmappyan a awenan bit nagdulot ta padi kiden, te alistu hud la nagtoli te Hesus, a “Haleluya, Pres da Lord, Pres da Lord,” kunna ta masikan. A datang na te Hesus a namalentud ta atubang na en, a “Matalakak teko, Afu, te pinagmappya nak,” kunna.
25775	LUK 18:18	A sangaw itta ya takday pinadakal na Hudyo kiden nga umange nagpohut te Hesus; “Ay, Mistro, kakurugan ta mappya ka na tolay, a ibar mu haen am anu mina ya tarabakuk petta itta sangaw ya angat ku nga magnayun,” kunna.
25778	LUK 18:21	“Ay, kanayun kurugan ku yen kid na lintig abat ta kaabbing ku,” kunna hapa.
25795	LUK 18:38	A gafu ta kumanen a nagayayag na hapa ya nagdaramen, “Ay, Hesus, Simsima ni mina Dabid, ikallak nak haen, Afu,” pakakin.
25796	LUK 18:39	Ammi nehuya na kadwan kiden tolay petta awena mina magsitang, ammi nepasikan na para ya iayag na, “Ay, Simsima ni mina Dabid, ikallak nak haen, Afu,” kunna.
25798	LUK 18:41	“Anu hapa ya pakkwam teyak?” kunna tentu. “Ay, Afu, ipaitak teko ya awekin pakaita,” kunna hapa.
25805	LUK 19:5	A ta pakadatang ni Hesus ta agyan na kayu en a nagtayuk, a tinangad na i Sakyo, a binaran na. “Sakyo, alag mu, te dumagut kan, te mappya ta magdulotak ta bali men ta arawin,” kunna.