13944	PSA 1:1	ܛܘܼܒ݂ܵܐ ܠܐܢܵܫܵܐ ܕܒܡܸܠܟܵܐ ܕܒܝܼܫܹ̈ܐ ܠܵܐ ܚܕܝܼܪܹܗ، ܘܒܐܘܼܪܚܵܐ ܕܚܲܛܵܝܹ̈ܐ ܠܵܐ ܟܠܹܐ ܠܹܗ، ܘܒܡܵܘܬܒ݂ܵܐ ܕܡܲܣܚܸܪ̈ܵܢܹܐ ܠܵܐ ܝܬܝܼܒ݂ ܠܹܗ؛
13947	PSA 1:4	ܠܹܐ ܝܢܵܐ ܗܵܕܟ݂ܵܐ ܒܝܼܫܹ̈ܐ، ܐܸܠܵܐ ܐܲܝܟ݂ ܬܸܒ݂ܢܵܐ ܝܢܵܐ ܕܟܹܐ ܕܲܪܹܐ ܠܹܗ ܦܵܘܚܵܐ،
13948	PSA 1:5	ܒܘܼܬ ܐܵܗܵܐ، ܒܝܼܫܹ̈ܐ ܠܹܐ ܟܵܠܝܼ ܡܩܵܘܝܵܢܹ̈ܐ ܒܕܝܵܢܬܵ‌ܐ، ܐܵܦܠܵܐ ܚܲܛܵܝܹ̈ܐ ܒܟܢܘܼܫܝܵܐ ܕܙܲܕܝܼܩܹ̈ܐ؛
13949	PSA 1:6	ܣܵܒܵܒ ܟܹܐ ܝܵܕܹܥ ܡܵܪܝܵܐ ܐܘܼܪܚܵܐ ܕܙܲܕܝܼܩܹ̈ܐ، ܐܝܼܢܵܐ ܐܘܼܪܚܵܐ ܕܒܝܼܫܹ̈ܐ ܒܸܬ ܛܵܠܩܵܐ.
13951	PSA 2:2	ܫܩܝܼܠܔ ܠܗܘܿܢ ܫܵܘܦܵܝܗ‌ܝ ܡܲܠܟܹ̈ܐ ܕܐܲܪܥܵܐ، ܘܫܲܠܝܼ̈ܛܹܐ ܥܒ݂ܝܼܕ ܠܗܘܿܢ ܡܸܠܟܵܐ ܥܲܡ ܚܕܵܕܹ̈ܐ، ܥܲܠܔ ܡܵܪܝܵܐ ܘܥܲܠܔ ܡܫܝܼܚܹܗ، ܒܹܐܡܵܪܵܐ:
13952	PSA 2:3	”ܩܵܛܥܲܚ ܐܸܣܘܼܪ̈ܵܝܗ‌ܝ، ܘܪܲܦܲܚ ܡܥܲܠܲܢ ܚܲܒ݂ܠܵܝ̈ܗ‌ܝ.“
13953	PSA 2:4	ܝܵܬܒ݂ܵܢܵܐ ܒܫܡܲܝܵܐ ܒܸܓܚܵܟܵܐ ܝܠܹܗ، ܡܵܪܝܵܐ ܡܲܣܚܘܼܪܹܐ ܒܝܼܵܝܗ‌ܝ.
13954	PSA 2:5	ܗ̇ܝܓܵܗ ܒܸܬ ܗܲܡܙܸܡ ܐܸܠܵܝܗ‌ܝ ܒܟܲܪܒܹܗ، ܘܒܚܸܡܬܹܗ ܒܸܬ ܡܲܪܓܸܕ ܠܗܘܿܢ، ܒܹܐܡܵܪܵܐ:
13958	PSA 2:9	”ܒܸܬ ܬܵܒ݂ܪܹܬ ܠܗܘܿܢ ܒܩܵܛܝܼܵܐ ܕܦܪܸܙܠܵܐ، ܐܲܝܟ݂ ܡܵܐܢܵܐ ܕܦܲܚܵܪܵܐ ܒܸܬ ܛܵܒ݂ܚܹܬ ܠܗܘܿܢ.“
13960	PSA 2:11	ܦܠܘܿܚܘܼܢ ܠܡܵܪܝܵܐ ܒܙܕܘܼܥܬܵ‌ܐ، ܘܦܨܘܿܚܘܼܢ ܒܪܲܬܪܲܬܬܵ‌ܐ.
13961	PSA 2:12	ܢܫܘܿܩܘܼܢ ܠܒܪܘܿܢܵܐ ܕܠܵܐ ܟܵܪܹܒ ܘܐܵܙܠ݇ܝܼܬܘܿܢ ܠܐܲܒ݂ܕܵܢܵܐ ܓܵܘ ܐܘܼܪܚܵܐ، ܣܵܒܵܒ ܒܸܬ ܠܵܒ݂ܟ݂ܵܐ ܒܓ̰ܲܠܕܘܼܬܵ‌ܐ ܚܸܡܬܹܗ. ܛܘܼܒ݂ܵܐ ܠܐܵܢܝܼ ܕܫܵܩܠܝܼ ܓܵܘܣܵܐ ܒܝܼܹܗ.
13965	PSA 3:4	ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܡܵܛܵܠܵܐ ܝܘܸܬ ܠܚܵܕܸܪ̈ܘܵܢܝܼ، ܚܸܩܪܝܼ ܘܡܲܪܡܵܢܵܐ ܕܪܹܝܫܝܼ.
13969	PSA 3:8	ܩܘܼܡ، ܝܵܐ ܡܵܪܝܵܐ! ܦܲܪܸܩ ܠܝܼ، ܝܵܐ ܐܲܠܵܗ‌ܝܼ! ܣܵܒܵܒ ܡܸܚܝܵܝ ܝܘܸܬ ܟܠܵܝܗ‌ܝ ܕܸܫ̃ܡܸܢܝܼ̈ ܥܲܠܔ ܦܵܬܵܝܗ‌ܝ، ܟܹܟܹ̈ܐ ܕܒܝܼܫܹ̈ܐ ܬܒ݂ܝܼܪܵܝ ܝܘܸܬ.
13972	PSA 4:2	ܒܩܪܵܝܬ‌ܝܼ ܓ̰ܲܘܸܒ ܠܝܼ، ܝܵܐ ܐܲܠܵܗܵܐ ܕܙܲܕܝܼܩܘܼܬ‌ܝܼ، ܓܵܘ ܐܘܼܠܨܵܢܝܼ ܩܵܡ ܡܲܪܘܸܚܸܬ ܠܝܼ، ܪܲܚܸܡ ܥܲܠܝܼ ܘܫܡܹܥ ܠܨܠܘܿܬ‌ܝܼ.
13973	PSA 4:3	ܝܵܐ ܒܢܲܝ̈ܢܵܫܵܐ، ܗܲܠܔ ܐܝܼܡܲܢ ܡܲܕܸܪܝܼܬܘܿܢ ܐܝܼܩܵܪܝܼ ܠܢܟ݂ܝܼܦܬܵ‌ܐ؟ ܗܲܠܔ ܐܝܼܡܲܢ ܡܲܚܸܒܝܼܬܘܿܢ ܣܪܝܼܩܘܼܬܵ‌ܐ، ܘܛܵܥܹܝܬܘܿܢ ܒܵܬܪ ܕܘܼܓܠܵܐ؟ ܣܹܠܵܗ
13975	PSA 4:5	ܪܓܘܿܕܘܼܢ ܒܙܕܘܼܥܬܵ‌ܐ ܘܠܵܐ ܚܵܛܹܝܬܘܿܢ، ܗܲܓܹܝܡܘܼܢ ܒܠܸܒܵܘܟ݂ܘܿܢ ܥܲܠܔ ܫܘܝܼܬܵܘܟ݂ܘܿܢ ܘܦܘܼܫܘܼܢ ܫܸܠܝܹܐ. ܣܹܠܵܗ
13976	PSA 4:6	ܕܒ݂ܘܿܚܘܼܢ ܕܸܒ݂ܚܹ̈ܐ ܕܙܲܕܝܼܩܘܼܬܵ‌ܐ، ܘܣܒܘܿܪܘܼܢ ܒܡܵܪܝܵܐ.
13977	PSA 4:7	ܪܵܒܵܐ ܝܢܵܐ ܐܵܡܪ̈ܵܢܹܐ: ”ܡܵܢܝܼ ܡܵܨܹܐ ܡܲܚܙܹܐ ܠܲܢ ܛܵܒ݂ܬܵ‌ܐ؟“ ܡܲܪܸܡ ܥܲܠܲܢ ܒܲܗܪܵܐ ܕܦܵܬܘܼܟ݂، ܝܵܐ ܡܵܪܝܵܐ.
13978	PSA 4:8	ܕܪܹܐ ܠܘܼܟ݂ ܦܨܵܚܵܐ ܒܠܸܒܝܼ، ܒܘܼܫ ܙܵܘܕܵܐ ܡ̣ܢ ܙܲܒ݂ܢܵܐ ܕܦܸܪܝܘܼܬܵ‌ܐ ܕܕܲܚܠܵܝܗ‌ܝ ܘܚܲܡܪܵܝܗ‌ܝ.
13981	PSA 5:2	ܠܗܹܡܸܙܡܵܢܝܼ̈ ܨܲܠܝܼ ܢܵܬܵ‌ܐ، ܝܵܐ ܡܵܪܝܵܐ، ܡܲܣܸܡ ܒܵܠܵܐ ܠܬܲܢܲܚܬ‌ܝܼ.
13985	PSA 5:6	ܠܹܐ ܟܵܠܝܼ ܫܲܒ݂ܗܸܪ̈ܵܢܹܐ ܩܲܕܡ ܥܲܝ̈ܢܘܼܟ݂، ܟܹܐ ܣܵܢܹܝܬ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ.
13988	PSA 5:9	ܝܵܐ ܡܵܪܝܵܐ، ܡܗܲܕܝܼ ܠܝܼ ܒܙܲܕܝܼܩܘܼܬܘܼܟ݂ ܒܥܸܠܬܵ‌ܐ ܕܕܸܫ̃ܡܸܢܝܼ̈، ܥܒ݂ܘܿܕ ܬܪܘܼܨܬܵ‌ܐ ܩܲܕܡܝܼ ܐܘܼܪܚܘܼܟ݂.
13989	PSA 5:10	ܒܗ̇ܝ ܕܠܲܝܬ ܒܦܘܼܡܵܝܗ‌ܝ ܫܪܵܪܵܐ ܡܩܵܘܝܵܢܵܐ، ܓܵܘܵܝܗ‌ܝ ܚܪܵܒ݂ܵܐ ܝܠܹܗ. ܒܵܠܘܿܥܬܵܝܗ‌ܝ ܩܲܒ݂ܪܵܐ ܦܬܘܼܚܬܵ‌ܐ، ܒܠܸܫܵܢܵܝܗ‌ܝ ܟܹܐ ܫܲܕܠܝܼ.
13990	PSA 5:11	ܕܘܼܢ ܐܸܠܵܝܗ‌ܝ ܐܲܝܟ݂ ܚܲܝܵܒܹ̈ܐ، ܝܵܐ ܐܲܠܵܗܵܐ، ܫܒ݂ܘܿܩ ܢܵܦܠܝܼ ܒܡܸܠܟܵܐ ܕܓܵܢܵܝܗ‌ܝ، ܒܘܼܬ ܦܸܪܝܘܼܬܵ‌ܐ ܕܓܢܵܗܵܝ̈ܗ‌ܝ ܚܲܪܙܸܦ ܠܗܘܿܢ، ܒܗ̇ܝ ܕܗܘܹܐ ܠܗܘܿܢ ܡܵܪ̈ܘܿܕܹܐ ܥܲܠܘܼܟ݂.
13991	PSA 5:12	ܐܝܼܢܵܐ ܦܵܨܚܝܼ ܟܠܵܝܗ‌ܝ ܐܵܢܝܼ ܕܫܵܩܠܝܼ ܓܵܘܣܵܐ ܠܟܸܣܠܘܼܟ݂، ܫܲܒܚܝܼ ܒܚܲܕܘܼܬܵ‌ܐ ܠܥܵܠܲܡ، ܘܟܲܣܝܼ ܠܗܘܿܢ ܒܢܵܛܘܿܪܘܼܬܘܼܟ݂، ܕܦܨܵܚܵܐ ܦܵܨܚܝܼ ܒܝܼܘܼܟ݂ ܡܲܚܸܒܵܢܹ̈ܐ ܕܫܸܡܘܼܟ݂.
13992	PSA 5:13	ܣܵܒܵܒ ܐܲܢ݇ܬ ܟܹܐ ܒܲܪܟܸܬ ܠܙܲܕܝܼܩܵܐ، ܝܵܐ ܡܵܪܝܵܐ، ܐܲܝܟ݂ ܡܵܛܵܠܵܐ ܒܫܵܦܵܩܲܬ ܟܹܐ ܚܲܪܕܸܬ ܠܹܗ.
13994	PSA 6:2	ܒܟܲܪܒܘܼܟ݂ ܠܵܐ ܡܲܢܟܸܣܸܬ ܠܝܼ، ܝܵܐ ܡܵܪܝܵܐ، ܘܒܚܸܡܬܘܼܟ݂ ܠܵܐ ܬܲܥܠܡܸܬ ܠܝܼ.
13995	PSA 6:3	ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܒܗ̇ܝ ܕܟܪܝܼܗܵܐ ܝܘܸܢ ܐܵܢܵܐ، ܒܲܣܸܡ ܠܝܼ، ܝܵܐ ܡܵܪܝܵܐ، ܒܗ̇ܝ ܕܪܓܝܼܕ ܠܗܘܿܢ ܓܲܪ̈ܡܝܼ.
13998	PSA 6:6	ܒܗ̇ܝ ܕܠܲܝܬ ܓܵܘ ܡܵܘܬܵ‌ܐ ܕܟ݂ܵܪܘܼܟ݂، ܒܫܝܘܿܠܔ ܡܵܢܝܼ ܒܸܬ ܫܲܒܸܚ ܠܘܼܟ݂؟
13999	PSA 6:7	ܟܟ̰ܝܼܚ ܠܝܼ ܡ̣ܢ ܬܲܢܲܚܬ‌ܝܼ، ܟܹܐ ܡܲܣܚܹܝܢ ܫܘܝܼܬ‌ܝܼ ܟܠܹܗ ܠܲܝܠܹܐ، ܒܕܸܡܥܝܼ̈ ܕܘܼܟܵܐ ܕܕܡܵܟ݂ܬ‌ܝܼ ܟܹܐ ܡܲܬܪܹܝܢ.
14000	PSA 6:8	ܡ̣ܢ ܚܲܫܵܐ ܢܘܝܼܠܔ ܠܗܘܿܢ ܥܲܝܢܝܼ̈، ܚܒܹܐ ܠܗܘܿܢ ܒܥܸܠܬܵ‌ܐ ܕܟܠܵܝܗ‌ܝ ܕܲܠܩܘܼܒ݂ܠܵܝܝܼ̈.
14001	PSA 6:9	ܪܚܘܿܩܘܼܢ ܡܸܢܝܼ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، ܒܗ̇ܝ ܕܫܡܝܼܥ ܠܹܗ ܡܵܪܝܵܐ ܩܵܠܵܐ ܕܒܸܟ݂ܝܝܼ.
14009	PSA 7:6	ܫܒ݂ܘܿܩ ܢܵܦܹܠܔ ܕܸܫ̃ܡܸܢ ܒܵܬܪ ܓܵܢܝܼ ܘܡܵܛܹܐ ܥܲܠܝܼ، ܘܕܲܫܕܸܫ ܠܐܲܪܥܵܐ ܚܲܝܝܼ̈، ܘܡܲܬܸܒ݂ ܠܥܲܦܪܵܐ ܐܝܼܩܵܪܝܼ. ܣܹܠܵܗ
14010	PSA 7:7	ܩܘܼܡ، ܝܵܐ ܡܵܪܝܵܐ، ܒܟܲܪܒܘܼܟ݂، ܡܲܪܸܡ ܓܵܢܘܼܟ݂ ܥܲܠܔ ܚܸܡܬܵ‌ܐ ܕܕܸܫ̃ܡܸܢܝܼ̈، ܘܪܥܘܿܫ ܒܘܼܬ ܕܝܼܝܼ ܒܕܝܼܘܵܢ ܕܦܩܝܼܕܵܐ ܝܘܸܬ،
14011	PSA 7:8	ܘܫܒ݂ܘܿܩ ܟܸܢܫܵܐ ܕܐܸܡܘܵܬܹ̈‌ܐ ܓ̰ܵܡܥܝܼ ܚܵܕܸܪ̈ܘܵܢܘܼܟ݂، ܘܝܬܘܿܒ݂ ܥܲܠܵܝܗ‌ܝ ܕܲܝܵܢܵܐ ܡ̣ܢ ܪܵܘܡܵܐ.
14013	PSA 7:10	ܗܵܐ، ܫܒ݂ܘܿܩ ܬܵܝܡܵܐ ܒܝܼܫܬܵ‌ܐ ܕܪ̈ܲܫܝܼܥܹܐ، ܘܡܲܩܘܝܼ ܠܙܲܕܝܼܩܵܐ؛ ܝܵܐ ܒܵܚܪܵܢܵܐ ܕܠܸܒܵܘܵܬܹ̈‌ܐ ܘܪܸ̈ܥܝܵܢܹܐ، ܐܲܠܵܗܵܐ ܙܲܕܝܼܩܵܐ.
14015	PSA 7:12	ܕܲܝܵܢܵܐ ܙܲܕܝܼܩܵܐ ܝܠܹܗ ܐܲܠܵܗܵܐ، ܘܓܵܘ ܚܸܡܬܵ‌ܐ ܝܠܹܗ ܐܲܠܵܗܵܐ ܟܠܔ ܝܘܿܡ.
14016	PSA 7:13	ܐܸܢ ܠܵܐ ܬܲܘܸܒ ܐܢܵܫܵܐ، ܣܲܝܦܹܗ ܒܸܬ ܡܲܚܪܸܦ ܠܹܗ ܐܲܠܵܗܵܐ، ܩܸܫܬܹܗ ܡܬܝܼܚܘܼܗ̇ ܝܠܹܗ ܘܗܘܼܕܪܘܼܗ̇.
14018	PSA 7:15	ܗܵܐ، ܪܲܫܝܼܥܵܐ ܟܹܐ ܕܵܒܹܩ ܚܸܒ݂ܠܹ̈ܐ ܕܥܵܘܠܵܐ، ܘܟܹܐ ܒܵܛܹܢ ܐܘܼܠܨܵܢܵܐ، ܘܝܵܠܹܕ ܦܸܠܡܵܐ.
14019	PSA 7:16	ܒܹܐܪܵܐ ܟܹܐ ܥܵܩܹܪ ܘܚܵܦܹܪ، ܘܢܵܦܹܠܔ ܒܓܘܼܒܵܐ ܕܬܘܼܪܸܨ ܠܹܗ.
14023	PSA 8:2	ܡܵܪܝܵܐ، ܡܵܪܲܢ، ܟܡܵܐ ܡܫܘܼܒܚܵܐ ܝܠܹܗ ܫܸܡܘܼܟ݂ ܒܟܠܵܗ̇ ܐܲܪܥܵܐ، ܕܡܘܼܫܪܹܐ ܠܘܼܟ݂ ܚܸܩܪܘܼܟ݂ ܥܲܠܔ ܫܡܲܝܹ̈ܐ.
14024	PSA 8:3	ܡ̣ܢ ܦܘܼܡܵܐ ܕܝܵܠܹ̈ܕ݇ܐ ܘܝܲܠܘܼܕܹ̈ܐ ܫܘܼܬܐܸܣ ܠܘܼܟ݂ ܚܲܝܠܵܐ، ܒܥܸܠܬܵ‌ܐ ܕܕܲܠܩܘܼܒ݂ܠܵܝܘܼܟ݂، ܠܡܲܫܠܘܼܝܹܐ ܕܸܫ̃ܡܸܢ ܘܫܵܩܠܵܢܵܐ ܕܬܘܼܥܠܵܐ.
14025	PSA 8:4	ܐܝܼܡܲܢ ܕܓܲܫܩܸܢ ܠܫܡܲܝܘܼ̈ܟ݂، ܦܘܼܠܚܵܢܵܐ ܕܨܸܒܥܵܬܘܼ̈ܟ݂، ܣܲܗܪܵܐ ܘܟܵܘܟ݂ܒܹ̈ܐ ܕܡܘܼܬܒ݂ܵܝ ܠܘܼܟ݂ ܒܕܘܼܟܵܝܗ‌ܝ،
14026	PSA 8:5	ܡܘܼܕܝܼ ܝܠܹܗ ܐܢܵܫܵܐ ܕܕܵܟ݂ܪܹܬ ܠܹܗ، ܘܒܲܪܢܵܫܵܐ ܕܣܲܚܒܸܪܸܬ ܠܹܗ؟
14027	PSA 8:6	ܘܥܒ݂ܝܼܕ ܠܘܼܟ݂ ܐܸܠܹܗ ܚܲܕܟ̰ܵܐ ܒܘܼܫ ܒܵܨܘܿܪܵܐ ܡ̣ܢ ܡܲܠܲܐܟܹ̈ܐ، ܘܒܚܸܩܪܵܐ ܘܐܝܼܩܵܪܵܐ ܒܘܼܢܦܸܪܘܼܟ݂ ܐܸܠܹܗ.
14028	PSA 8:7	ܝܘܼܗܒܹܠܔ ܠܘܼܟ݂ ܫܘܼܠܛܵܢܵܐ ܐܸܠܹܗ ܥܲܠܔ ܦܘܼܠܚܵܢܹ̈ܐ ܕܐܝܼܕܵܬܘܼ̈ܟ݂؛ ܟܠܔ ܡܸܢܕܝܼ ܡܘܼܬܸܒ݂ ܠܘܼܟ݂ ܬܚܘܿܬ ܐܲܩܠܵܬܘܼ̈ܗ‌ܝ،
14029	PSA 8:8	ܥܸܪ̈ܒܹܐ ܘܬܵܘܪܹ̈ܐ ܟܠܵܝܗ‌ܝ، ܘܐܘܼܦ ܚܲܝܘܵܬܹ̈‌ܐ ܕܕܸܫܬܵ‌ܐ؛
14031	PSA 8:10	ܡܵܪܝܵܐ، ܡܵܪܲܢ، ܟܡܵܐ ܡܫܘܼܒܚܵܐ ܝܠܹܗ ܫܸܡܘܼܟ݂ ܒܟܠܵܗ̇ ܐܲܪܥܵܐ.
14034	PSA 9:3	ܒܸܬ ܚܵܕܹܝܢ ܘܒܸܬ ܦܵܨܚܹܢ ܒܝܼܘܼܟ݂، ܒܸܬ ܙܵܡܪܹܢ ܫܸܡܘܼܟ݂، ܝܵܐ ܥܸܠܵܝܵܐ.
14038	PSA 9:7	ܕܸܫ̃ܡܸܢ ܬܝܼܡ ܠܹܗ ܒܚܪܵܒ݂ܵܐ ܥܵܠܡܝܼܢܵܝܵܐ، ܘܡܕܝܼܢܵܬܵܝ̈ܗ‌ܝ ܥܩܝܼܪܘܼܟ݂، ܛܠܝܼܩ ܠܹܗ ܕܟ݂ܵܪܵܐ ܕܝܼܵܝܗ‌ܝ.
14044	PSA 9:13	ܒܗ̇ܝ ܕܫܵܩܠܵܢܵܐ ܕܬܘܼܥܠܵܐ ܕܕܸܡܵܐ ܟܹܐ ܕܵܟܹܪ ܠܡܘܼܠܝܸܨܹ̈ܐ؛ ܠܹܐ ܡܲܢܫܹܐ ܠܡܲܩܘܲܚܬܵܝܗ‌ܝ.
14045	PSA 9:14	ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܚܙܝܼ ܐܘܼܠܨܵܢܝܼ ܕܡ̣ܢ ܣܵܢܝܵܢܝܼ̈، ܝܵܐ ܡܲܪܡܵܢܝܼ ܡ̣ܢ ܕܲܪ̈ܘܵܙܹܐ ܕܡܵܘܬܵ‌ܐ،
14046	PSA 9:15	ܕܗܲܩܹܝܢ ܟܠܵܝܗ‌ܝ ܬܸܫܒܘܿܚܝܵܬܘܼ̈ܟ݂ ܒܕܲܪ̈ܘܵܙܹܐ ܕܒܪܵܬ ܨܸܗܝܘܿܢ، ܥܵܒ݂ܕܹܢ ܦܨܵܚܵܐ ܒܦܘܼܪܩܵܢܘܼܟ݂.
14047	PSA 9:16	ܛܒܝܼܥ ܠܗܘܿܢ ܐܸܡܘܵܬܹ̈‌ܐ ܒܓܘܼܒܵܐ ܕܚܦܝܼܪܗܘܿܢ، ܒܓܲܪܕܵܐ ܕܛܘܼܡܸܪܗܘܿܢ ܦܝܼܫ ܠܵܗ̇ ܕܒ݂ܝܼܩܬܵ‌ܐ ܐܲܩܠܵܝܗ‌ܝ.
14048	PSA 9:17	ܦܝܼܫܵܐ ܝܠܹܗ ܝܕܝܼܥܵܐ ܡܵܪܝܵܐ ܒܕܝܼܘܵܢ ܕܥܒ݂ܝܼܕ ܠܹܗ، ܪܲܫܝܼܥܵܐ ܒܦܘܼܠܚܵܢܵܐ ܕܐܝܼܕܘܼ̈ܗ‌ܝ ܟܹܐ ܦܵܐܹܫ ܕܒ݂ܝܼܩܵܐ ܒܩܘܼܠܬܵ‌ܐ. ܗܓܵܝܘܿܢ ܣܹܠܵܗ
14051	PSA 9:20	ܩܘܼܡ، ܝܵܐ ܡܵܪܝܵܐ، ܕܠܵܐ ܡܲܫ݇ܟ̰ܸܚ ܙܵܟ݂ܘܼܬܵ‌ܐ ܐܢܵܫܵܐ، ܦܵܝܫܝܼ ܕܝܼܢܹܐ ܐܸܡܘܵܬܹ̈‌ܐ ܩܲܕܡ ܦܵܬܘܼܟ݂.
14053	PSA 10:1	ܩܵܡܘܿܕܝܼ، ܝܵܐ ܡܵܪܝܵܐ، ܟܵܠܹܝܬ ܪܸܚܩܵܐ، ܛܲܫܹܝܬ ܓܵܢܘܼܟ݂ ܒܥܕܵܢܵܬܹ̈‌ܐ ܕܥܵܘܩܵܢܵܐ؟
14054	PSA 10:2	ܒܝܼܫܹ̈ܐ ܒܫܘܼܒ݂ܗܵܪܵܐ ܟܹܐ ܡܲܠܝܸܨܝܼ ܠܡܸܣܟܹܢܵܐ، ܫܒ݂ܘܿܩ ܦܵܝܫܝܼ ܕܒ݂ܝܼܩܹܐ ܒܚܘܼܫܵܒܹ̈ܐ ܕܥܒ݂ܝܼܕ ܠܗܘܿܢ.
14055	PSA 10:3	ܣܵܒܵܒ ܟܹܐ ܚܵܬܹܪ ܒܝܼܫܵܐ ܒܘܼܬ ܫܲܗܘܲܬܬܵ‌ܐ ܕܢܲܦ̮ܫܹܗ، ܘܚܵܛܘܿܦܵܐ ܟܹܐ ܠܵܐܹܛ ܘܟܹܐ ܡܲܣܠܹܐ ܠܡܵܪܝܵܐ.
14056	PSA 10:4	ܒܝܼܫܵܐ ܢܵܚܝܼܪܹܗ ܪܵܡܵܐ ܠܹܐ ܛܵܥܹܐ ܒܵܬܪܹܗ، ܠܲܝܬ ܐܲܠܵܗܵܐ ܒܟܠܵܝܗ‌ܝ ܚܘܼܫܵܒ݂ܘܼ̈ܗ‌ܝ.
14057	PSA 10:5	ܡܲܢܬܝܼܵܢܹ̈ܐ ܝܢܵܐ ܐܘܼܪ̈ܚܵܬܘܼܗ‌ܝ ܒܟܠܔ ܥܕܵܢܵܐ، ܪ̈ܵܡܹܐ ܝܢܵܐ ܕܝܼܘܵܢܘܼ̈ܟ݂، ܥܸܠܸܠܔ ܡ̣ܢ ܚܙܵܝܬܹܗ، ܟܹܐ ܓܲܫܸܩ ܒܥܲܝܢܵܐ ܕܡܲܣܠܲܝܬܵ‌ܐ ܠܟܠܵܝܗ‌ܝ ܕܸܫ̃ܡܸܢܘܼ̈ܗ‌ܝ.
14058	PSA 10:6	ܐܡܝܼܪܹܗ ܒܠܸܒܹܗ: ”ܠܹܐ ܫܵܥܫܹܢ، ܠܹܐ ܚܵܙܹܝܢ ܣܸܪܝܘܼܬܵ‌ܐ ܡ̣ܢ ܕܵܪܵܐ ܠܕܵܪܵܐ.“
14059	PSA 10:7	ܦܘܼܡܹܗ ܡܸܠܝܵܐ ܝܠܹܗ ܠܵܘܛܬܵ‌ܐ ܘܦܸܠܡܹ̈ܐ ܘܓܸܙܡܵܐ، ܬܚܘܿܬ ܠܸܫܵܢܹܗ ܡܲܠܝܲܨܬܵ‌ܐ ܘܥܵܘܠܵܐ.
14061	PSA 10:9	ܟܹܐ ܝܵܬܹܒ݂ ܒܣܸܬܵܪܹ̈ܐ ܐܲܝܟ݂ ܐܲܪܝܵܐ ܒܓܘܼܒܹܗ، ܟܹܐ ܝܵܬܹܒ݂ ܒܟܡܹܐܢܵܐ ܠܸܚܛܵܦܵܐ ܠܡܸܣܟܹܢܵܐ، ܟܹܐ ܚܵܛܹܦ ܠܡܸܣܟܹܢܵܐ ܐܝܼܡܲܢ ܕܓܵܪܹܫ ܠܹܗ ܠܓܲܪܕܹܗ.