13944	PSA 1:1	ܛܘܼܒ݂ܵܐ ܠܐܢܵܫܵܐ ܕܒܡܸܠܟܵܐ ܕܒܝܼܫܹ̈ܐ ܠܵܐ ܚܕܝܼܪܹܗ، ܘܒܐܘܼܪܚܵܐ ܕܚܲܛܵܝܹ̈ܐ ܠܵܐ ܟܠܹܐ ܠܹܗ، ܘܒܡܵܘܬܒ݂ܵܐ ܕܡܲܣܚܸܪ̈ܵܢܹܐ ܠܵܐ ܝܬܝܼܒ݂ ܠܹܗ؛
13945	PSA 1:2	ܐܸܠܵܐ ܒܢܵܡܘܿܣܵܐ ܕܡܵܪܝܵܐ ܝܠܹܗ ܒܘܼܣܵܡܹܗ، ܘܒܢܵܡܘܿܣܹܗ ܟܹܐ ܗܲܓܹܐ ܐܝܼܡܵܡܵܐ ܘܠܲܝܠܹܐ؛
13949	PSA 1:6	ܣܵܒܵܒ ܟܹܐ ܝܵܕܹܥ ܡܵܪܝܵܐ ܐܘܼܪܚܵܐ ܕܙܲܕܝܼܩܹ̈ܐ، ܐܝܼܢܵܐ ܐܘܼܪܚܵܐ ܕܒܝܼܫܹ̈ܐ ܒܸܬ ܛܵܠܩܵܐ.
13950	PSA 2:1	ܩܵܡܘܿܕܝܼ ܫܵܓ݂ܫܝܼ ܐܸܡܘܵܬܹ̈‌ܐ، ܘܥܲܡܡܹ̈ܐ ܗܲܓܝܼ ܒܣܪܝܼܩܘܼܬܵ‌ܐ؟
13952	PSA 2:3	”ܩܵܛܥܲܚ ܐܸܣܘܼܪ̈ܵܝܗ‌ܝ، ܘܪܲܦܲܚ ܡܥܲܠܲܢ ܚܲܒ݂ܠܵܝ̈ܗ‌ܝ.“
13953	PSA 2:4	ܝܵܬܒ݂ܵܢܵܐ ܒܫܡܲܝܵܐ ܒܸܓܚܵܟܵܐ ܝܠܹܗ، ܡܵܪܝܵܐ ܡܲܣܚܘܼܪܹܐ ܒܝܼܵܝܗ‌ܝ.
13961	PSA 2:12	ܢܫܘܿܩܘܼܢ ܠܒܪܘܿܢܵܐ ܕܠܵܐ ܟܵܪܹܒ ܘܐܵܙܠ݇ܝܼܬܘܿܢ ܠܐܲܒ݂ܕܵܢܵܐ ܓܵܘ ܐܘܼܪܚܵܐ، ܣܵܒܵܒ ܒܸܬ ܠܵܒ݂ܟ݂ܵܐ ܒܓ̰ܲܠܕܘܼܬܵ‌ܐ ܚܸܡܬܹܗ. ܛܘܼܒ݂ܵܐ ܠܐܵܢܝܼ ܕܫܵܩܠܝܼ ܓܵܘܣܵܐ ܒܝܼܹܗ.
13964	PSA 3:3	ܪܵܒܵܐ ܝܢܵܐ ܐܵܡܪ̈ܵܢܹܐ ܒܘܼܬ ܓܵܢܝܼ: ”ܠܲܝܬ ܠܹܗ ܦܘܼܨܵܝܵܐ ܒܐܲܠܵܗܵܐ.“ ܣܹܠܵܗ
13966	PSA 3:5	ܒܩܵܠܝܼ ܠܡܵܪܝܵܐ ܟܹܐ ܩܵܪܹܝܢ، ܘܟܹܐ ܓ̰ܲܘܸܒ ܠܝܼ ܡ̣ܢ ܛܘܼܪܵܐ ܕܩܘܼܕܫܹܗ. ܣܹܠܵܗ
13967	PSA 3:6	ܐܵܢܵܐ ܟܹܐ ܕܵܡܟܹܢ ܘܛܵܠܥܹܢ، ܟܹܐ ܪܵܥܫܹܢ، ܣܵܒܵܒ ܡܵܪܝܵܐ ܟܹܐ ܣܵܢܹܕ ܠܝܼ.
13969	PSA 3:8	ܩܘܼܡ، ܝܵܐ ܡܵܪܝܵܐ! ܦܲܪܸܩ ܠܝܼ، ܝܵܐ ܐܲܠܵܗ‌ܝܼ! ܣܵܒܵܒ ܡܸܚܝܵܝ ܝܘܸܬ ܟܠܵܝܗ‌ܝ ܕܸܫ̃ܡܸܢܝܼ̈ ܥܲܠܔ ܦܵܬܵܝܗ‌ܝ، ܟܹܟܹ̈ܐ ܕܒܝܼܫܹ̈ܐ ܬܒ݂ܝܼܪܵܝ ܝܘܸܬ.
13970	PSA 3:9	ܕܡܵܪܝܵܐ ܝܠܹܗ ܦܘܼܨܵܝܵܐ، ܥܲܠܔ ܥܲܡܘܼܟ݂ ܝܼܠܵܗ̇ ܒܘܼܪܟܬܘܼܟ݂. ܣܹܠܵܗ
13973	PSA 4:3	ܝܵܐ ܒܢܲܝ̈ܢܵܫܵܐ، ܗܲܠܔ ܐܝܼܡܲܢ ܡܲܕܸܪܝܼܬܘܿܢ ܐܝܼܩܵܪܝܼ ܠܢܟ݂ܝܼܦܬܵ‌ܐ؟ ܗܲܠܔ ܐܝܼܡܲܢ ܡܲܚܸܒܝܼܬܘܿܢ ܣܪܝܼܩܘܼܬܵ‌ܐ، ܘܛܵܥܹܝܬܘܿܢ ܒܵܬܪ ܕܘܼܓܠܵܐ؟ ܣܹܠܵܗ
13975	PSA 4:5	ܪܓܘܿܕܘܼܢ ܒܙܕܘܼܥܬܵ‌ܐ ܘܠܵܐ ܚܵܛܹܝܬܘܿܢ، ܗܲܓܹܝܡܘܼܢ ܒܠܸܒܵܘܟ݂ܘܿܢ ܥܲܠܔ ܫܘܝܼܬܵܘܟ݂ܘܿܢ ܘܦܘܼܫܘܼܢ ܫܸܠܝܹܐ. ܣܹܠܵܗ
13976	PSA 4:6	ܕܒ݂ܘܿܚܘܼܢ ܕܸܒ݂ܚܹ̈ܐ ܕܙܲܕܝܼܩܘܼܬܵ‌ܐ، ܘܣܒܘܿܪܘܼܢ ܒܡܵܪܝܵܐ.
13979	PSA 4:9	ܒܫܠܵܡܵܐ ܒܸܬ ܕܵܡܟܹܢ ܐܘܼܦ ܒܸܬ ܛܵܠܥܹܢ، ܣܵܒܵܒ ܐܲܢ݇ܬ ܒܢܲܦ̮ܫܘܼܟ݂، ܝܵܐ ܡܵܪܝܵܐ، ܒܫܲܝܢܵܐ ܒܸܬ ܡܲܫܪܹܝܬ ܠܝܼ.
13981	PSA 5:2	ܠܗܹܡܸܙܡܵܢܝܼ̈ ܨܲܠܝܼ ܢܵܬܵ‌ܐ، ܝܵܐ ܡܵܪܝܵܐ، ܡܲܣܸܡ ܒܵܠܵܐ ܠܬܲܢܲܚܬ‌ܝܼ.
13984	PSA 5:5	ܒܗ̇ܝ ܕܐܲܢ݇ܬ ܠܹܐ ܝܘܸܬ ܐܲܠܵܗܵܐ ܕܒܵܣܡܵܐ ܠܹܗ ܒܒܝܼܫܬܵ‌ܐ، ܠܹܐ ܥܵܡܹܪ ܒܝܼܫܵܐ ܥܲܡܘܼܟ݂.
13985	PSA 5:6	ܠܹܐ ܟܵܠܝܼ ܫܲܒ݂ܗܸܪ̈ܵܢܹܐ ܩܲܕܡ ܥܲܝ̈ܢܘܼܟ݂، ܟܹܐ ܣܵܢܹܝܬ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ.
13987	PSA 5:8	ܐܝܼܢܵܐ ܐܵܢܵܐ ܒܣܲܓܝܼܐܘܼܬܵ‌ܐ ܕܛܵܒ݂ܵܬܘܼ̈ܟ݂ ܒܸܬ ܥܵܒ݂ܪܹܢ ܠܒܲܝܬܘܼܟ݂، ܒܙܕܘܼܥܬܵ‌ܐ ܡܸܢܘܼܟ݂ ܒܸܬ ܣܵܓ݂ܕܹܢ ܠܓܹܒܵܐ ܕܗܲܝܟܠܵܐ ܕܩܘܼܕܫܘܼܟ݂.
13991	PSA 5:12	ܐܝܼܢܵܐ ܦܵܨܚܝܼ ܟܠܵܝܗ‌ܝ ܐܵܢܝܼ ܕܫܵܩܠܝܼ ܓܵܘܣܵܐ ܠܟܸܣܠܘܼܟ݂، ܫܲܒܚܝܼ ܒܚܲܕܘܼܬܵ‌ܐ ܠܥܵܠܲܡ، ܘܟܲܣܝܼ ܠܗܘܿܢ ܒܢܵܛܘܿܪܘܼܬܘܼܟ݂، ܕܦܨܵܚܵܐ ܦܵܨܚܝܼ ܒܝܼܘܼܟ݂ ܡܲܚܸܒܵܢܹ̈ܐ ܕܫܸܡܘܼܟ݂.
13992	PSA 5:13	ܣܵܒܵܒ ܐܲܢ݇ܬ ܟܹܐ ܒܲܪܟܸܬ ܠܙܲܕܝܼܩܵܐ، ܝܵܐ ܡܵܪܝܵܐ، ܐܲܝܟ݂ ܡܵܛܵܠܵܐ ܒܫܵܦܵܩܲܬ ܟܹܐ ܚܲܪܕܸܬ ܠܹܗ.
13994	PSA 6:2	ܒܟܲܪܒܘܼܟ݂ ܠܵܐ ܡܲܢܟܸܣܸܬ ܠܝܼ، ܝܵܐ ܡܵܪܝܵܐ، ܘܒܚܸܡܬܘܼܟ݂ ܠܵܐ ܬܲܥܠܡܸܬ ܠܝܼ.
13995	PSA 6:3	ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܒܗ̇ܝ ܕܟܪܝܼܗܵܐ ܝܘܸܢ ܐܵܢܵܐ، ܒܲܣܸܡ ܠܝܼ، ܝܵܐ ܡܵܪܝܵܐ، ܒܗ̇ܝ ܕܪܓܝܼܕ ܠܗܘܿܢ ܓܲܪ̈ܡܝܼ.
13999	PSA 6:7	ܟܟ̰ܝܼܚ ܠܝܼ ܡ̣ܢ ܬܲܢܲܚܬ‌ܝܼ، ܟܹܐ ܡܲܣܚܹܝܢ ܫܘܝܼܬ‌ܝܼ ܟܠܹܗ ܠܲܝܠܹܐ، ܒܕܸܡܥܝܼ̈ ܕܘܼܟܵܐ ܕܕܡܵܟ݂ܬ‌ܝܼ ܟܹܐ ܡܲܬܪܹܝܢ.
14005	PSA 7:2	ܝܵܐ ܡܵܪܝܵܐ ܐܲܠܵܗ‌ܝܼ، ܒܝܼܘܼܟ݂ ܫܩܝܼܠܔ ܠܝܼ ܓܵܘܣܵܐ، ܦܲܪܸܩ ܠܝܼ ܡ̣ܢ ܟܠܵܝܗ‌ܝ ܪ̈ܵܕܘܿܦܝܼ ܘܦܲܨܝܼ ܠܝܼ.
14008	PSA 7:5	ܐܸܢ ܦܪܝܼܥ ܠܝܼ ܒܝܼܫܬܵ‌ܐ ܠܡ̇ܢ ܕܝܼܠܹܗ ܒܫܠܵܡܵܐ ܥܲܡܝܼ، ܘܣܠܝܼܒ ܠܝܼ ܠܕܲܠܩܘܼܒ݂ܠܵܝܝܼ ܒܠܵܐ ܥܸܠܬܵ‌ܐ؛
14009	PSA 7:6	ܫܒ݂ܘܿܩ ܢܵܦܹܠܔ ܕܸܫ̃ܡܸܢ ܒܵܬܪ ܓܵܢܝܼ ܘܡܵܛܹܐ ܥܲܠܝܼ، ܘܕܲܫܕܸܫ ܠܐܲܪܥܵܐ ܚܲܝܝܼ̈، ܘܡܲܬܸܒ݂ ܠܥܲܦܪܵܐ ܐܝܼܩܵܪܝܼ. ܣܹܠܵܗ
14016	PSA 7:13	ܐܸܢ ܠܵܐ ܬܲܘܸܒ ܐܢܵܫܵܐ، ܣܲܝܦܹܗ ܒܸܬ ܡܲܚܪܸܦ ܠܹܗ ܐܲܠܵܗܵܐ، ܩܸܫܬܹܗ ܡܬܝܼܚܘܼܗ̇ ܝܠܹܗ ܘܗܘܼܕܪܘܼܗ̇.
14024	PSA 8:3	ܡ̣ܢ ܦܘܼܡܵܐ ܕܝܵܠܹ̈ܕ݇ܐ ܘܝܲܠܘܼܕܹ̈ܐ ܫܘܼܬܐܸܣ ܠܘܼܟ݂ ܚܲܝܠܵܐ، ܒܥܸܠܬܵ‌ܐ ܕܕܲܠܩܘܼܒ݂ܠܵܝܘܼܟ݂، ܠܡܲܫܠܘܼܝܹܐ ܕܸܫ̃ܡܸܢ ܘܫܵܩܠܵܢܵܐ ܕܬܘܼܥܠܵܐ.
14025	PSA 8:4	ܐܝܼܡܲܢ ܕܓܲܫܩܸܢ ܠܫܡܲܝܘܼ̈ܟ݂، ܦܘܼܠܚܵܢܵܐ ܕܨܸܒܥܵܬܘܼ̈ܟ݂، ܣܲܗܪܵܐ ܘܟܵܘܟ݂ܒܹ̈ܐ ܕܡܘܼܬܒ݂ܵܝ ܠܘܼܟ݂ ܒܕܘܼܟܵܝܗ‌ܝ،
14026	PSA 8:5	ܡܘܼܕܝܼ ܝܠܹܗ ܐܢܵܫܵܐ ܕܕܵܟ݂ܪܹܬ ܠܹܗ، ܘܒܲܪܢܵܫܵܐ ܕܣܲܚܒܸܪܸܬ ܠܹܗ؟
14036	PSA 9:5	ܣܵܒܵܒ ܥܒ݂ܝܼܕ ܠܘܼܟ݂ ܕܝܼܘܵܢܝܼ ܘܕܝܵܢܬ‌ܝܼ؛ ܝܬܝܼܒ݂ ܠܘܼܟ݂ ܥܲܠܔ ܟܘܼܪܣܝܵܐ ܒܸܕܝܵܢܵܐ ܒܙܲܕܝܼܩܘܼܬܵ‌ܐ.
14039	PSA 9:8	ܐܝܼܢܵܐ ܡܵܪܝܵܐ ܠܥܵܠܲܡ ܝܬܝܼܒ݂ܵܐ ܝܠܹܗ، ܡܘܼܩܘܝܼܵܐ ܝܠܹܗ ܟܘܼܪܣܝܹܗ ܠܕܝܵܢܬܵ‌ܐ.
14041	PSA 9:10	ܘܒܸܬ ܗܵܘܹܐ ܡܵܪܝܵܐ ܒܹܝܬ ܓܵܘܣܵܐ ܠܡܘܼܠܝܸܨܹ̈ܐ، ܒܹܝܬ ܓܵܘܣܵܐ ܒܥܕܵܢܵܐ ܕܐܘܼܠܨܵܢܵܐ.
14042	PSA 9:11	ܘܒܸܬ ܣܵܒܪܝܼ ܒܝܼܘܼܟ݂ ܝܵܕܥܵܢܹ̈ܐ ܕܫܸܡܘܼܟ݂، ܒܗ̇ܝ ܕܠܹܐ ܝܘܸܬ ܫܒ݂ܝܼܩܵܐ ܠܛܵܥܝܵܢܹ̈ܐ ܕܐܸܠܘܼܟ݂، ܝܵܐ ܡܵܪܝܵܐ.
14045	PSA 9:14	ܪܲܚܸܡ ܥܲܠܝܼ، ܝܵܐ ܡܵܪܝܵܐ، ܚܙܝܼ ܐܘܼܠܨܵܢܝܼ ܕܡ̣ܢ ܣܵܢܝܵܢܝܼ̈، ܝܵܐ ܡܲܪܡܵܢܝܼ ܡ̣ܢ ܕܲܪ̈ܘܵܙܹܐ ܕܡܵܘܬܵ‌ܐ،
14048	PSA 9:17	ܦܝܼܫܵܐ ܝܠܹܗ ܝܕܝܼܥܵܐ ܡܵܪܝܵܐ ܒܕܝܼܘܵܢ ܕܥܒ݂ܝܼܕ ܠܹܗ، ܪܲܫܝܼܥܵܐ ܒܦܘܼܠܚܵܢܵܐ ܕܐܝܼܕܘܼ̈ܗ‌ܝ ܟܹܐ ܦܵܐܹܫ ܕܒ݂ܝܼܩܵܐ ܒܩܘܼܠܬܵ‌ܐ. ܗܓܵܝܘܿܢ ܣܹܠܵܗ
14050	PSA 9:19	ܣܵܒܵܒ ܠܥܵܠܲܡ ܠܹܐ ܦܵܐܹܫ ܡܘܼܢܫܝܼܵܐ ܣܢܝܼܩܵܐ، ܠܹܐ ܛܵܠܹܩ ܣܲܒ݂ܪܵܐ ܕܡܸܣܟܹܢܹ̈ܐ ܠܥܵܠܲܡ.
14052	PSA 9:21	ܡܲܬܸܒ݂، ܝܵܐ ܡܵܪܝܵܐ، ܙܕܘܼܥܬܵ‌ܐ ܥܲܠܵܝܗ‌ܝ، ܕܝܵܕܥܝܼ ܐܸܡܘܵܬܹ̈‌ܐ ܕܒܢܲܝ̈ܢܵܫܵܐ ܝܢܵܐ ܐܵܢܝܼ. ܣܹܠܵܗ
14054	PSA 10:2	ܒܝܼܫܹ̈ܐ ܒܫܘܼܒ݂ܗܵܪܵܐ ܟܹܐ ܡܲܠܝܸܨܝܼ ܠܡܸܣܟܹܢܵܐ، ܫܒ݂ܘܿܩ ܦܵܝܫܝܼ ܕܒ݂ܝܼܩܹܐ ܒܚܘܼܫܵܒܹ̈ܐ ܕܥܒ݂ܝܼܕ ܠܗܘܿܢ.
14055	PSA 10:3	ܣܵܒܵܒ ܟܹܐ ܚܵܬܹܪ ܒܝܼܫܵܐ ܒܘܼܬ ܫܲܗܘܲܬܬܵ‌ܐ ܕܢܲܦ̮ܫܹܗ، ܘܚܵܛܘܿܦܵܐ ܟܹܐ ܠܵܐܹܛ ܘܟܹܐ ܡܲܣܠܹܐ ܠܡܵܪܝܵܐ.
14057	PSA 10:5	ܡܲܢܬܝܼܵܢܹ̈ܐ ܝܢܵܐ ܐܘܼܪ̈ܚܵܬܘܼܗ‌ܝ ܒܟܠܔ ܥܕܵܢܵܐ، ܪ̈ܵܡܹܐ ܝܢܵܐ ܕܝܼܘܵܢܘܼ̈ܟ݂، ܥܸܠܸܠܔ ܡ̣ܢ ܚܙܵܝܬܹܗ، ܟܹܐ ܓܲܫܸܩ ܒܥܲܝܢܵܐ ܕܡܲܣܠܲܝܬܵ‌ܐ ܠܟܠܵܝܗ‌ܝ ܕܸܫ̃ܡܸܢܘܼ̈ܗ‌ܝ.
14058	PSA 10:6	ܐܡܝܼܪܹܗ ܒܠܸܒܹܗ: ”ܠܹܐ ܫܵܥܫܹܢ، ܠܹܐ ܚܵܙܹܝܢ ܣܸܪܝܘܼܬܵ‌ܐ ܡ̣ܢ ܕܵܪܵܐ ܠܕܵܪܵܐ.“
14060	PSA 10:8	ܟܹܐ ܝܵܬܹܒ݂ ܒܟܡܹܐܢܵܐ ܓܵܘ ܡܵܬܘܵܬܹ̈‌ܐ، ܓܵܘ ܣܸܬܵܪܹ̈ܐ ܟܹܐ ܩܵܛܹܠܔ ܠܙܲܟܵܝܵܐ، ܥܲܝܢܘܼ̈ܗ‌ܝ ܒܛܸܫܘܵܐ ܟܹܐ ܛܵܥܝܼ ܠܒܝܼܫܓܲܕܹ̈ܐ.
14061	PSA 10:9	ܟܹܐ ܝܵܬܹܒ݂ ܒܣܸܬܵܪܹ̈ܐ ܐܲܝܟ݂ ܐܲܪܝܵܐ ܒܓܘܼܒܹܗ، ܟܹܐ ܝܵܬܹܒ݂ ܒܟܡܹܐܢܵܐ ܠܸܚܛܵܦܵܐ ܠܡܸܣܟܹܢܵܐ، ܟܹܐ ܚܵܛܹܦ ܠܡܸܣܟܹܢܵܐ ܐܝܼܡܲܢ ܕܓܵܪܹܫ ܠܹܗ ܠܓܲܪܕܹܗ.
14063	PSA 10:11	ܐܡܝܼܪܹܗ ܒܠܸܒܹܗ: ”ܠܹܐ ܡܲܣܸܡ ܒܵܠܵܐ ܐܲܠܵܗܵܐ، ܟܘܼܣܝܘܼܗ̇ ܝܠܹܗ ܦܵܬܹܗ، ܠܹܐ ܚܵܙܹܐ ܠܥܵܠܲܡ.“
14064	PSA 10:12	ܩܘܼܡ، ܝܵܐ ܡܵܪܝܵܐ ܐܲܠܵܗܵܐ، ܡܲܪܸܡ ܐܝܼܕܘܼܟ݂، ܠܵܐ ܢܵܫܹܝܬ ܠܡܸܣܟܹܢܹ̈ܐ.
14065	PSA 10:13	ܩܵܡܘܿܕܝܼ ܡܲܣܠܹܐ ܪܲܫܝܼܥܵܐ ܠܐܲܠܵܗܵܐ؟ ܐܡܝܼܪܹܗ ܒܠܸܒܹܗ: ”ܠܹܐ ܚܲܫܒܸܢܵܗ̇ ܥܲܠܝܼ.“
14066	PSA 10:14	ܐܝܼܢܵܐ ܚܸܙܝܵܐ ܠܘܼܟ݂ ܐܲܢ݇ܬ! ܟܹܐ ܚܵܝܪܹܬ ܠܥܵܘܩܵܢܵܐ ܘܠܚܲܫܵܐ، ܠܸܫܩܵܠܵܐ ܓܵܘ ܐܝܼܕܵܬܹ̈‌ܐ ܕܓܵܢܘܼܟ݂؛ ܥܲܠܘܼܟ݂ ܟܹܐ ܣܲܦܹܐ ܠܵܗ̇ ܓܵܢܹܗ ܒܝܼܫܓܲܕܵܐ، ܠܝܲܬܘܼܡܵܐ ܐܲܢ݇ܬ ܟܹܐ ܗܵܘܹܝܬ ܗܲܝܸܪܵܢܵܐ.
14069	PSA 10:17	ܛܠܵܒܬܵ‌ܐ ܕܡܸܣܟܹܢܹ̈ܐ ܫܡܝܼܥ ܠܘܼܟ݂، ܝܵܐ ܡܵܪܝܵܐ، ܒܸܬ ܡܲܩܘܹܝܬ ܠܸܒܵܝܗ‌ܝ، ܒܸܬ ܨܲܠܹܝܬ ܢܵܬܘܼܟ݂.
14071	PSA 11:1	ܒܡܵܪܝܵܐ ܫܩܝܼܠܔ ܠܝܼ ܓܵܘܣܵܐ، ܕܐܲܝܟ݂ ܐܵܡܪܝܼܬܘܿܢ ܠܓܵܢܝܼ: ”ܥܪܘܿܩܝ ܠܛܘܼܪܵܟ݂ܝ ܐܲܝܟ݂ ܛܲܝܪܵܐ؟“
14073	PSA 11:3	ܐܝܼܡܲܢ ܕܫܲܬܐܸܣܹ̈ܐ ܦܵܝܫܝܼ ܬܠܝܼܚܹܐ، ܡܘܼܕܝܼ ܥܵܒܹܕ ܙܲܕܝܼܩܵܐ؟
14074	PSA 11:4	ܡܵܪܝܵܐ ܒܗܲܝܟܠܵܐ ܕܩܘܼܕܫܹܗ، ܡܵܪܝܵܐ ܒܫܡܲܝܵܐ ܟܘܼܪܣܝܹܗ، ܥܲܝܢܘܼ̈ܗ‌ܝ ܟܹܐ ܚܵܙܝܼ، ܛܸܠܦܵܦܘܼ̈ܗ‌ܝ ܟܹܐ ܒܵܚܪܝܼ ܠܒܢܲܝ̈ܢܵܫܵܐ.
14075	PSA 11:5	ܡܵܪܝܵܐ ܟܹܐ ܒܵܚܹܪ ܠܙܲܕܝܼܩܵܐ، ܐܝܼܢܵܐ ܠܒܝܼܫܵܐ ܘܠܡܲܚܸܒܵܢܵܐ ܕܛܠܘܼܡܝܵܐ ܟܹܐ ܣܵܢܝܵܐ ܓܵܢܹܗ.
14076	PSA 11:6	ܒܸܬ ܡܲܥܪܹܐ ܥܲܠܔ ܪ̈ܲܫܝܼܥܹܐ ܦܲܚܹ̈ܐ، ܢܘܼܪܵܐ، ܘܟܸܒܪܝܼܬ، ܘܦܵܘܚܵܐ ܚܲܡܝܼܡܵܐ؛ ܣܵܗܡܵܐ ܕܟܵܣܵܝܗ‌ܝ.
14080	PSA 12:3	ܣܪܝܼܩܘܼܬܵ‌ܐ ܟܹܐ ܗܲܡܙܸܡܝܼ ܐܢܵܫܵܐ ܥܲܡ ܚܲܒ݂ܪܹܗ؛ ܒܣܸܦܘܵܬܹ̈‌ܐ ܟ̰ܘܼܥܝܹ̈ܐ، ܒܬܪܹܝ ܠܸܒܹ̈ܐ ܦܪ̈ܝܼܫܹܐ ܟܹܐ ܗܲܡܙܸܡܝܼ.
14081	PSA 12:4	ܒܸܬ ܩܵܛܹܥ ܡܵܪܝܵܐ ܟܠܵܝܗ‌ܝ ܣܸܦܘܵܬܹ̈‌ܐ ܟ̰ܘܼܥܝܹ̈ܐ، ܘܠܸܫܵܢܵܐ ܕܗܲܡܙܸܡ ܡܸܢܕܝܼܵܢܹ̈ܐ ܓܘܼܪܹ̈ܐ.
14082	PSA 12:5	ܐܵܢܝܼ ܕܐܡܝܼܪܗܘܿܢ: ”ܒܠܸܫܵܢܲܢ ܒܸܬ ܙܲܪܒܸܢܲܚ، ܣܸܦܘܵܬܲܢ̈ ܕܝܼܲܢ ܝܼܢܵܐ، ܡܵܢܝܼ ܝܠܹܗ ܡܵܪܵܐ ܥܲܠܲܢ؟“
14083	PSA 12:6	”ܡ̣ܢ ܥܸܠܬܵ‌ܐ ܕܛܠܘܼܡܝܵܐ ܕܡܸܣܟܹܢܹ̈ܐ، ܡ̣ܢ ܥܸܠܬܵ‌ܐ ܕܬܲܢܲܚܬܵ‌ܐ ܕܣܢܝܼܩܹ̈ܐ، ܐܵܕܝܼܵܐ ܒܸܬ ܩܵܝܡܹܢ،“ ܒܹܐܡܵܪܵܐ ܝܠܹܗ ܡܵܪܝܵܐ، ”ܒܸܬ ܡܲܬܒܸܢܗܘܿܢ ܒܫܲܝܢܵܐ، ܐܲܝܟܵܐ ܕܪܲܚܪܘܼܚܹܐ ܝܢܵܐ ܕܗܵܘܝܼ.“
14084	PSA 12:7	ܗܹܡܸܙܡܵܢܹ̈ܐ ܕܡܵܪܝܵܐ، ܗܹܡܸܙܡܵܢܹ̈ܐ ܕܸܟ݂ܝܹ̈ܐ ܝܢܵܐ، ܐܲܝܟ݂ ܣܹܐܡܵܐ ܨܘܼܪܸܦܵܐ ܒܐܲܬܘܼܢܵܐ ܕܐܲܪܥܵܐ، ܨܘܼܦܝܵܐ ܫܒܲܥ ܓܵܗܹ̈ܐ.
14086	PSA 12:9	ܒܟܠܔ ܓܹܒܵܐ ܪ̈ܲܫܝܼܥܹܐ ܟܹܐ ܚܵܕܪܝܼ، ܐܝܼܡܲܢ ܕܡܲܣܠܲܝܬܵ‌ܐ ܦܵܝܫܵܐ ܡܝܘܼܩܸܪܬܵ‌ܐ ܓܵܘ ܒܢܲܝ̈ܢܵܫܵܐ.
14092	PSA 13:6	ܐܝܼܢܵܐ ܐܵܢܵܐ ܒܛܲܝܒܘܼܬܘܼܟ݂ ܣܒܝܼܪܝܼ، ܒܸܬ ܦܵܨܹܚ ܠܸܒܝܼ ܒܦܘܼܪܩܵܢܘܼܟ݂. ܒܸܬ ܙܵܡܪܹܢ ܠܡܵܪܝܵܐ، ܒܗ̇ܝ ܕܒܦܸܪܝܘܼܬܵ‌ܐ ܩܵܡ ܦܵܪܹܥ ܠܝܼ.
14093	PSA 14:1	ܐܡܝܼܪܹܗ ܣܲܟ݂ܠܵܐ ܒܠܸܒܹܗ: ”ܠܲܝܬ ܐܲܠܵܗܵܐ.“ ܚܪܝܼܒܹܐ ܝܢܵܐ، ܥܒ݂ܝܼܕ ܠܗܘܿܢ ܦܘܼܠܚܵܢܹ̈ܐ ܛܲܢ̈ܦܹܐ، ܠܲܝܬ ܥܵܒ݂ܕܵܢܵܐ ܕܛܵܒ݂ܬܵ‌ܐ.
14098	PSA 14:6	ܡܸܠܟܵܐ ܕܡܸܣܟܹܢܵܐ ܟܹܐ ܡܲܣܠܹܝܬܘܿܢ، ܐܝܼܢܵܐ ܡܵܪܝܵܐ ܝܠܹܗ ܒܹܝܬ ܓܵܘܣܹܗ.
14099	PSA 14:7	ܛܘܼܒ݂ܵܐ ܕܐܵܬܹ‌ܐ ܡ̣ܢ ܨܸܗܝܘܿܢ ܦܘܼܪܩܵܢܵܐ ܕܐܝܼܣܪܵܐܹܝܠܔ؛ ܐܝܼܡܲܢ ܕܡܲܕܸܪ ܡܵܪܝܵܐ ܠܥܲܡܹܗ ܡ̣ܢ ܓܵܠܘܼܬܵ‌ܐ، ܒܸܬ ܦܵܨܹܚ ܝܲܥܩܘܿܒ݂، ܒܸܬ ܚܵܕܹܐ ܐܝܼܣܪܵܐܹܝܠܔ.
14103	PSA 15:4	ܘܒܥܲܝܢܘܼ̈ܗ‌ܝ ܦܝܼܫ ܠܹܗ ܡܘܼܣܠܝܼܵܐ ܟܵܦܘܿܪܵܐ، ܘܟܹܐ ܡܝܲܩܸܪ ܠܙܕܝܼ̈ܥܹܐ ܕܡܵܪܝܵܐ، ܘܟܹܐ ܝܵܡܹܐ ܠܓܵܢܹܗ ܘܠܹܐ ܫܲܚܠܸܦ، ܐܵܦܸܢ ܕܐܵܬܝܵܐ ܥܲܠܘܼܗ‌ܝ ܒܝܼܫܬܵ‌ܐ.
14104	PSA 15:5	ܘܠܹܐ ܡܲܕܝܸܢ ܣܹܐܡܹܗ ܒܙܵܘܕܘܼܢܝܵܐ، ܘܠܹܐ ܫܵܩܹܠܔ ܪܸܫܘܲܬ ܥܲܠܔ ܙܲܟܵܝܵܐ. ܥܵܒ݂ܕܵܢܹ̈ܐ ܕܐܲܢܹܐ ܠܹܐ ܫܵܥܹܫ ܠܥܵܠܲܡ.
14105	PSA 16:1	ܢܛܘܿܪܝܼ، ܝܵܐ ܐܲܠܵܗܵܐ، ܒܗ̇ܝ ܕܫܩܝܼܠܔ ܠܝܼ ܓܵܘܣܵܐ ܒܝܼܘܼܟ݂.
14107	PSA 16:3	ܒܘܼܬ ܩܲܕܝܼܫܹ̈ܐ ܕܒܐܲܪܥܵܐ، ܕܝܼܢܵܐ ܚܩܝܼܪܹ̈ܐ، ܟܠܵܝܗ‌ܝ ܒܘܼܣܵܡܝܼ ܒܝܼܵܝܗ‌ܝ ܝܠܹܗ.
14108	PSA 16:4	ܒܸܬ ܙܵܝܕܝܼ ܐܘܼܠܨܵܢܹ̈ܐ ܕܐܵܢܝܼ ܕܪܵܚܛܝܼ ܒܵܬܪ ܐܲܠܵܗܵܐ ܐܚܹܪܢܵܐ، ܠܹܐ ܨܲܢܨܸܠܸܢ ܢܘܼܩܵܝܵܝ̈ܗ‌ܝ ܕܕܸܡܵܐ، ܘܠܹܐ ܡܲܕܟܸܪܸܢ ܫܸܡܵܢܵܝ̈ܗ‌ܝ ܥܲܠܔ ܣܸܦܘܵܬ‌ܝܼ̈.
14109	PSA 16:5	ܡܵܪܝܵܐ ܝܠܹܗ ܣܵܗܡܝܼ ܘܟܵܣܝܼ، ܐܲܢ݇ܬ ܕܒ݂ܝܼܩܵܐ ܝܘܸܬ ܒܐܝܼܕܘܼܟ݂ ܦܸܫܟܝܼ.
14110	PSA 16:6	ܟܝܘܼܠܹ̈ܐ ܢܦܝܼܠܔ ܠܗܘܿܢ ܐܸܠܝܼ ܒܕܘܼܟܵܢܹ̈ܐ ܒܲܣܝܼܡܹ̈ܐ، ܐܘܼܦ ܝܵܪܬܘܼܬ‌ܝܼ ܫܦܝܼܪܵܗ̇ ܒܥܲܝܢܝܼ̈.
14112	PSA 16:8	ܡܘܼܬܸܒ݂ ܠܝܼ ܠܡܵܪܝܵܐ ܒܲܠܩܘܼܒ݂ܠܝܼ ܐܲܡܝܼܢܵܐܝܼܬ، ܣܵܒܵܒ ܡ̣ܢ ܝܲܡܝܼܢܝܼ ܝܠܹܗ، ܠܹܐ ܫܵܥܫܹܢ.
14114	PSA 16:10	ܣܵܒܵܒ ܠܹܐ ܫܵܒ݂ܩܹܬ ܠܓܵܢܝܼ ܒܫܝܘܿܠܔ، ܠܹܐ ܝܵܗܒܹܬ ܠܩܲܕܝܼܫܘܼܟ݂ ܠܸܚܙܵܝܵܐ ܚܪܵܒ݂ܵܐ.
14115	PSA 16:11	ܒܸܬ ܡܲܕܥܸܬ ܠܝܼ ܐܘܼܪܚܵܐ ܕܚܲܝܹ̈ܐ، ܣܘܼܒ݂ܵܥܬܵ‌ܐ ܕܚܲܕܘܼܝܵܬܹ̈‌ܐ ܐܝܼܬ ܒܗܸܙܘܼܪܘܼܟ݂، ܒܘܼܣܵܡܹ̈ܐ ܒܝܲܡܝܼܢܘܼܟ݂ ܠܥܵܠܲܡ.
14116	PSA 17:1	ܫܡܹܥ، ܝܵܐ ܡܵܪܝܵܐ، ܠܦܲܪܦܲܠܬܵ‌ܐ ܙܲܕܝܼܩܬܵ‌ܐ، ܨܘܼܬ ܠܡܲܩܘܲܚܬ‌ܝܼ، ܗܲܒ݂ܠܔ ܢܵܬܵ‌ܐ ܠܨܠܘܿܬ‌ܝܼ، ܕܠܹܐ ܝܠܵܗ̇ ܒܣܸܦܘܵܬܹ̈‌ܐ ܕܦܸܠܡܵܐ.