30902	REV 8:7	Wapiyaro' inserʉ uya tʉwaai turunpa'pʉ. Mɨrɨ a'tai tuna tɨ'mooi ton mɨrɨ awonsi'kɨ apo' e'sumasa' mʉn pokon pe uta'pokʉ'pʉ non pona. Mɨrɨ yau ipʉ'kʉ pe rɨ, ⅓ e'to' airɨ non epo'tɨ'pʉ mɨrɨ awonsi'kɨ ipʉ'kʉ pe rɨ, ⅓ e'to' airɨ rɨ yu' epo'tɨ'pʉ tanporo rɨ isenan nɨ wana' epo'tɨ'pʉ.
30903	REV 8:8	Itisakon nʉ'pʉ uya tʉwaai turunpa'pʉ. Mɨrɨ a'tai, eke wʉ' waraino epo'tɨ apo' ke eno'ma'pʉ to' uya parau ka'. Ipʉ'kʉ pe rɨ, ⅓ e'to' airɨ parau ena'pʉ mʉn pe.
30904	REV 8:9	Mɨrɨ a'tai, itonpa pe rɨ, ⅓ e'to' airɨ rɨ parau kau te'san eri'pɨtʉ'pʉ, mɨrɨ awonsi'kɨ itonpa pe rɨ, ⅓ e'to' airɨ rɨ kanau epotorʉ'pʉ ton uma'ta'pʉ.
30905	REV 8:10	Itosorʉwano rʉ'pʉ uya tʉwaai turunpa'pʉ. Mɨrɨ a'tai, eke sirikɨ epo'tɨsa' ta'sʉrai' kasa uta'mo'ka'pʉ ka' ponsi'kɨ tuna tʉu'tɨsen ton tonpa ka', ⅓ e'to' airɨ mɨrɨ awonsi'kɨ non yai tepa'kasen tuna ton ka'ne.
30906	REV 8:11	Sirikɨ ese' esi I'ne'. Tuna tonpa, ⅓ e'to' airɨ ena'pʉ i'ne' pe. Mɨrɨ tensise tu'kan kon ka'pon amʉ' eri'pɨtʉ'pʉ, apʉne pʉra i'ne' pe tuna enasa' ke.
30907	REV 8:12	Mɨrɨ tʉpo to' asakɨrɨ'pano uya tʉwaai turunpa'pʉ. Mɨrɨ a'tai, ⅓ e'to' airɨ wʉi enu pʉ'kʉ, ⅓ e'to' airɨ kapʉi pʉ'kʉ mɨrɨ awonsi'kɨ ⅓ e'to' airɨ sirikɨ amʉ' tonpa ton e'wɨnɨ'pʉ, ⅓ e'to' airɨ rɨ. A'kwa pe iye'to' pʉra to' esi'pʉ, mɨrɨ awonsi'kɨ ⅓ e'to' airɨ wʉi naino pʉ'kʉ esi'pʉ iweyu pʉra, ⅓ e'to' airɨ kanan ewarupɨ pʉ'kʉ.
30923	REV 9:15	Asakɨrɨ'nan kon inserʉ amʉ' eukapɨtʉ'pʉ iya, to' e'kamasa' esi'pʉ serɨ a'taino pe, serɨ wʉi a'tai, serɨ kapʉi pɨ', mɨrɨ awonsi'kɨ serɨ wʉipiya pɨ', itonpa pe rɨ, ⅓ e'to' airɨ ka'pon amʉ' tʉ'kato' pe to' uya.
30926	REV 9:18	Itonpa pe rɨ, ⅓ e'to' airɨ ka'pon amʉ' wɨnɨ'pʉ mɨrɨ osorʉwawon paran; apo', ikɨrɨsin mɨrɨ awonsi'kɨ sorʉ'pa kaware amʉ' mʉta yai tepa'kasen uya.
30963	REV 12:4	Taukʉ ke ⅓ kaisa rɨ sirikɨ amʉ' tonpa mo'ka'pʉ iya ka' poi, mɨrɨpan kon eno'ma'pʉ iya non pona. Iye'mʉ'sa'kasa' esi'pʉ uri'san tentusen rau, imʉre anto' pe tʉuya iyentusa' a'tai.