23992	MAT 23:5	“Kakina ka ijita8adj, kidji motci pabiziskenimigo8adjin a8iagon eta 8edji ijita8adj ii. Odani micatona8a ii mitigo8ajicini ka panaskapido8adj oskatigo8akag acitc oniki8akag, taji ka iji pidjisinigin nandam mazinaiganesan eji mazinadenig pagi Kije Manido Omazinaigan adi ekidomaganig. Acitc odani kagan8abigitona8an odagog8adjigani8an odaimi8akag, ‘kitci aiamie8ag’ kidji inenimagani8i8adj.
24041	MAT 24:15	“8eckadj ako, niganadjimo8inni Danian (Daniel) omikomaban ini a8ian ‘Kitci madji kegon ka kitci kotadendag8ag’ ka ijinikazondjin. Kiga 8abama8a dac aa madji a8iag pidigamig kitci aiamiemigi8amikag, taji ma8adji ka iji kitcit8a8endag8anig. Aa8e ke nabo8adag oo8e, panima 8e8enda oda k8ag8e nisidotan.
24630	MRK 9:23	Jesos ogi inan: “ ‘Kicpin kackito8an’ kidikidonan. Aa8e ka teb8etaojidj, kakinagotc kegoni oga kackiton.”
24800	MRK 13:14	“Kiga 8abama8a aa8e ‘Kitci madji kegon ka kitci kotadendag8ag’ ka ijinikazodj. Kada te dac iima ega ka iji inendagozidj kidji tedj. Aa8e ke nabo8adag oo8e, panima 8e8enda oda k8ag8e nisidotan. Ii dac apitc, igi8e Coda (Judée) akikag ka tajike8adj, panima pik8adinakag kada ipai8e8ag.
25038	LUK 1:76	Kin dac, nidabinodjijim, ‘Kije Manido ma8adji ka icpendagozidj oniganadjimo8inniman’ kiga ijinikanigo. Ab8amaci pi tag8icig ka Tibendjigedj, kin nitam kiga tibadjimonan, kidji 8idama8ad8a a8iagog kidji eco8i8adj kidji tag8icinindjin ka Tibendjigendjin,
25664	LUK 15:7	Mi pejig8an ki8idamonom, na8adj kada min8endamog icpimig ka te8adj apitc pejig eta ka patadidj a8iag odji an8endizodj, apitc8in cagidasomidana acitc cagidatcin a8iagog ka mino inadizi8adj, ‘Ka8in mamakadj niga an8endizosimin’ ka inenimidizo8adj.”
26583	JHN 10:33	Igi8e Coda8innig ogi nak8e8ajia8an: “Ka8in 8in egi mino ijitcigean ke odji nisigo8an. Ki8i nisigo osa mega kimanazoma Kije Manido. Kimotci anicinabe8inan, midac ‘Nikije Manido8inan’ eji ikido8an.”
26813	JHN 16:18	Adi 8a ikidomaganig ‘Peconag8an aja’ acitc ‘Ka8in kin8ej’ ka ikidodj? Ka8in ninisidotasinanan adi 8a ikidodj,” ki ikido8an.
27296	ACT 9:11	Ka Tibendjigendjin ogi igon: “Pazig8in, ijan iima mikanakag ‘Ka k8aiakojimog’ ka ijinikadeg. Aa dac nabe Codas ka ijinikazodj omigi8amikag iji pidigen. Iima dac nanada kikenim pejig nabe Saul e ijinikazodj, Tasis (Tarse) odena e odjidj. Mi iima nogom e taji aiamiedj.
28248	ROM 9:25	Mi gotc maia kagi ikidodj Kije Manido, kagi iji ojibiigedj niganadjimo8inni Osea (Osée): “8eckadj ako ka8in nitibenimasi8abanig igi a8iagog, ‘nidanicinabemag’ dac niga ijinikanag igi. 8eckadj ako ka8in nisagiasi8abanig igi a8iagog, ‘ka kitci sagiag8a’ dac niga ijinikanag igi.”
30852	REV 5:5	Pejig aa kitci anicinabe nigi inig: “Ka8in ma8iken. Inabin, mi aa8e ‘Micibiji ka ogimakada8adjin Coda (Juda) ka inakanezindjin a8iagon’ kagi ijinikanagani8igobanen. Mi aa kitci ogima David odanike ojisan. 8in kakina kegoni ogi cagodjiton. Ogagi manibidonan dac ini nij8atcin pazag8aiganan acitc ogagi abisk8anenan ii ka tidibanakosinig mazinaigani.”