1670	EXO 6:14	Israel-kenh-rnem akngerr anew-anenh. Nhenh-rnem itnernem alakenh: Jacob itna ingweran Israel, alerikw ilkwa ikwerenh itnan Reuben. Reuben-kenh alerikw awey-rnem 4-pel, itnan Hanoch-then, Pallu-then, Hezron-then Carmi-then. Awey rernem alkenhirrek. Alerikw akngerr arrengey akngerr-then apetyek ikwer-rnem-they. Nhenh-rnem Reuben-kenh-rnem.
7210	RUT 4:18	Perez-kenh-rnem alakenh aynteyel: Perez-an aynikw Hezron-kenh anek,
7685	1SA 18:7	Rernem alakenh aylelherl-apenh: “Saul-el ahelengkw akngerr atwew, David-elan ahelengkw akngerr inngarl atwew!”
7738	1SA 20:6	Aynelengkw atyeng ayernenty, ila renh alakenh: ‘David-el ayenh ayernew, “Mwerrang ayeng alheman apmer Bethlehem-warl? Aherrety arrpanenh atyenh-rnem akarrerrem arrpemarl apmelerr-angkwarr apmer ikwer-itwew, aker arrtyeyew INGKARTew.” ’
7855	1SA 24:14	Ntwa angka iterl-areyel, anantherrarl ilerrem. Anantherr alakenh ilem: ‘Akngerrel nthakenh apmwa mpwarey-angenh. Apmwelant mpwarem alakenhan.’ Nthakenh atha ngenh atwey-angenh.” ...
7882	1SA 25:18	Abigail ra mpwelhey-angenh. Rap ilek-ilek akarrelew: rtamp-rnem 200, ngkwarl arranty nanikwet-wenh yenp-penh-akert atherr, aker yep-yep ampeng-rnem 5, ntang ampeng yakweth-akert 5 arrpemarl, amern akngerr akatyerr-apeny, amern akngerr tywerrk-apeny. Rap tywenew tangkey-rnem-warl-anem.
8061	2SA 2:9	Abner-el renh arrernew atyetyart ingwer-rnemew: Gilead-areny-rnemew, Asher-areny-rnemew, Jezreel-areny-rnemew, Ephraim-areny-rnemew, Benjamin-areny-rnemew-then.
8188	2SA 7:5	Ra ilew, alakenh David ileyew: “David, ngan warrkenh atyenh. Ayenh awa. Menty ayntey, warl artey-angenh box impen ikwer.
8273	2SA 11:11	Uriah-el tyernew, “Nthakenh ayeng alpey-angenh apmer atyenh-warl. Akngerr werreyel-antey Ammon-areny-rnem-then: ahawarr-rnem Israel-areny, ahawarr-rnem Judah-areny, atyetyart ahawarr-rnem, Joab-akerr. Rernemap aynteyel ampep-itwew, kalikwan intelheyel. Box impen Akngey-wenh wethan rtneyel arrpemarl. Nthakenh ayeng alpey-angenh apmer atyenh-warl akelty atyenh-warl, aker arlkweyew, ngkwarl-then antyweyew, arrangkw! Arraty atha ngenh ilem, nthakenh ayeng alakenh irrey-angenh!”
8307	2SA 12:18	Arlta 6-penh ampa akely ahaperrew. David-wenh warrkenh-rnem atererrew, renh ilewerr angka apmwa. Rernem iterrenh alakenh: “Ampa akelyarl iteth-antey anenheng-arey, anantherr ywarn iterrew, angkeyew ikwer. Ran iylpelant awenh anenhantherrenh. Nthakenh anantherr angka apmwa nhenh iley-angenh, ra artewenty atwelhewerr!”
8402	2SA 15:10	Alerikw David-wenhel ra angkakert anyelkel thwenew, Israel-wenh-rnem ileyew alakenh: “Terampet arlkenty awem, arrantherr ingkerr arlkenh-arey, ‘Absalom ra atyetyart anewantherr! Rernemap renh arrernew atyetyart Hebron-itwew!’”
8436	2SA 16:7	Rap apmwel-ayeth angkew David-ew alakenh: “Irrwerney-angker apmwa! Ahelengkw! Atwenh-atwenh! Atyetyart-arrpantey! Alpa!
8463	2SA 17:11	Alakenh-wety nga irremer: ahawarr-rnem-tangkwel akarrelemer Israel-itwew apmer arrpanenh-itwew, akngerr innga alperr-apeny. Ntwarrp renh-rnem yerl-akngem.
8493	2SA 18:12	Artwa ran tyernew, “Nthakenh atha alakenh iley-angenh! Ya, ntwa rlengk apwert akngerr anthem ayenh. Athanap renh ipmew atwey-angenharl atyetyart-wenh alerikwan, arrangkw! Anantherr ingkerrel awew, rarl Ittai-then mpwelenh ilanthenh alakenh: ‘Absalom-ew amperrngerrenh-arey! Alerey atyenh-anteyarl ran!’
23244	MAT 2:6	Akngey-kenh pip arrwekeleny alakenh aynteyel: ‘Judea-ampenyel Bethlehem-areny-rnem rernem atyetyart ilkwakert-anem aneyenh. Bethlehem-areny anyent ra atyetyart Israel-kenh-rnem arntarnt-areyenh.’”
23264	MAT 3:3	John rey-antey arlkeyel angkakert, Angkakert Isaiah-kenh pip arrwekel aynteyel: “Angkakert ra arlkeyel apmer arlpawel. Iwerr arraty-angkwarrant ingkerrenhel apenterl-ayntetyek!”
23276	MAT 3:15	Jesus-el renh ilek, “Kel aleyan alakenh aynteyel: arraty-angkwarr-antey marenyel-areth, Akngey-kenh angka aynteyel-angkwarr-antey.” John-anem ikwer awelhek.
23282	MAT 4:4	Jesus-el renh tyernek, “Akngey-kenh pipel aynteyel: ‘Ingwerenty nthakenh amernelant itethirrey-angenh. Rernem angka Akngey-kenh-angkwarrant itethirretyek.’”
23284	MAT 4:6	Arrentyel renh ilek, “Akngey-kenh alerikw apekap ngan? Kel irrwerl-they nhenh atnarnpa. Nthakenh nga atwelhey-angenh. Akngey-kenh pipel alakenh aynteyel: ‘Akngeyel angel-rnem thwenem, ngenh anterrkwetyek, atwelhekerr.’”
23285	MAT 4:7	Jesus-el renh tyernek, “Akngey-kenh pipel alakenh aynteyel: ‘Nthakenh Ingkart Akngey arrkerney-angenh rlterrkek, rlterrk ilkwangkwarr.’”
23288	MAT 4:10	Jesus-el renh tyernek, “Arrenty, atyengety alhay! Akngey-kenh pipel aynteyel: ‘Akngey anyent ikwerant awelhetyek, Ingkart Akngey renhant apenterl-ayntetyek.’”
23330	MAT 5:27	“Akngey-kenh angka alakenh aynteyel: ‘Ingwer-kenh anewikw nthakenh ikngwey-angenh.’
23334	MAT 5:31	“Angka arrwekeleny alakenh aynteyel: ‘Mwerr arelh ikwerenh iwem. Artwa pip-warl itna inkwernelhemel, arelh ikwerenh pip renh anthemel, arelh ra pip renh aremel, artwa renh iwey-alentyan.’
23341	MAT 5:38	“Angka arrwekeleny aynteyel: ‘Ingwerentyel annga atwenty, ntwa renh annga angkep atweynetyek arrpemarl. Ingwerel ngenh arntek renh atwenty, renh arntek atwem arrpemarl.’
23538	MAT 11:10	Ranap irrkaty-antey, Akngey-kenh pipel aynteyelarl. Angkakert anyent impen rey-antey: ‘Atha angkakert thwenetyek arrwekel, iwerr mpwaretyek, rarl apetyemek.’
23643	MAT 13:35	Akngey-kenh angkakert ra arrwekel ingkwernek-angkwarr-antey, kel arraty innga ayntek. Akngey-kenh angka alakenh aynteyel: “Atha angka anyelk ikwer-rnem iley. Arrwekeleny-rnemel angka anyelk-rnem awey-angenh-antey.”
23706	MAT 15:4	Atha ileyel Akngey-kenh angkel: ‘Arrantherr ameyek akngeyek awelhenherr-arey.’ Moses-kenh angka alakenh-anyemarl aynteyel arrwekelenyan: ‘Akngeyek ameyek apmwel-areth angkentyek, renh ipmek atwem.’
23838	MAT 19:7	Rernem renh ilek, “Alakenh Moses-kenh angka aynteyel: ‘Artwa pip-warl itna inkwernelhemel, arelh ikwerenh pip renh anthemel, arelh ikwerety ipmelhetyek.’”
23908	MAT 21:13	Ra renh-rnem ingkerrenh ilek, “Akngey-kenh angka alakenh aynteyel: ‘Ingkerrenh akarrirrerl-ayntetyek warl nhenh-warl, Akngeyek inkwerelhemel.’ Irrtyert-awarr-rnemantarl apmer nhenh-warlan arrantherr arrernek!”
23911	MAT 21:16	“Ntwa apek yanh-rnem alhengk-aweyel, rernemarl arlkalhelirreyel?” Jesus-el renh-rnem ilek, “Angka Akngey-kenh arrwekeleny aynteyel: ‘Ampernemel ayenh tnakeyel arraty-angkwarr.’”
23937	MAT 21:42	Jesus-el renh-rnem ilek, “Arrantherr Akngey-kenh angka arrwekeleny iterl-arey-areny. Angka alakenh aynteyel: ‘Arwerl arlpenty ingwerel iwem apmwek-athen. Arwerl ran impen-antey, lywenty artetyek. Ingkartel renh arrernek anwekantherr.’
23980	MAT 22:39	Akngey-kenh angka ingweran alakenhaym aynteyel: ‘Arrantherr ingwer-rnem arntarnt-arayntetyek, ikwer-rnem inkwerelh-ayntetyek, ampa arrekantherrenh-rnem arntarnt-areyel-apeny.’
24147	MAT 26:24	Angka Akngey-kenh alakenh aynteyel: ‘Akngey-kenh Artwa Anyent Impen ra ilwem.’ Artwa anyentel ayenh ahayiwem artwa ahelengkw-rnem-warl, ayenh atwetyek. Ikwer-penh rap irrkngerney-weny-anemarl aneyenh. Akngeyel renh atwem. Artwa ilenh rarl apmwangkwarr alkenhirrek.”
24154	MAT 26:31	Jesus angkek, “Ingwel lyert arrantherr alhem, arlperrtyirremel, yep-yep-rnem arlperrtyirremel anterrem, weth-apeny. Akngey-kenh angka arrwekeleny alakenh aynteyel: ‘Yep-yep arntarnt-arey-angker atwenty, yep-yep-rnemarl ingkerrenh arlperrtyirremel anterrem.’
24207	MAT 27:9	Jeremiah-kenh pip alakenh arraty innganem aynteyel, rarl arrwekel ilenh-angkwarr-antey: “Ngkwelty 30-el payemeletyek, man rernem Israel-kenh artwa anyentek payemeletyek.
24661	MRK 10:4	Rernem renh ilek, “Moses-kenh angka nhenh aynteyel: ‘Artwa pip-warl itna ingkwernelhemel, arelh ikwerenh pip renh anthemel, arelh renh iwetyek.’”
24844	MRK 14:21	Angka Akngey-kenh alakenh aynteyel: ‘Akngey-kenh Artwa Anyent Impen ra ilwem. Artwa anyentel ayenh ahayiwem artwa ahelengkw-rnem-warl, ayenh atwetyek.’ Artwa anyent rarl ayenh ahayiwem-penh, rap irrkngerney-weny-anemarl aneyenh. Ayenh ahayiwek ahelengkw-rnem-warl, Akngeyel renh atwem. Artwa ilenh rarl apmwangkwarr alkenhirrek, rernem renh alkenhilek apmwangkwarr.”
24850	MRK 14:27	Jesus angkek, “Akngey-kenh angka alakenh aynteyel: ‘Yep-yep arntarnt-arey-angker atwenty, yep-yep-rnemarl ingkerrenh arlperrtyirremel alhem.’ Ingwel lyert arrantherr alhem, arlperrtyirremel, yep-yep-rnem arlperrtyirremel alhem, weth-apeny.
25008	LUK 1:46	Mary rap alakenh Ingkartew aylelhenh-anem: “Yew! Akngeyan atyeng iterreyel, ilek-ilek atyeng mpwareyew. Ayengan kwey aleyakarl, Akngeyewant anem, akely-anteyarl ayeng. Atha renh nakem. Ayengan Akngey-warl-athek inkwerelheyel, rarl ayenh arntarnt-areyel. Nhepenh-anyem akngerran angkayntem, ‘Mary-ay! Akngeyel ilek-ilek ngkweng mpwarenh!’ Akngey mwerr-angker innga.
25029	LUK 1:67	John-wenh aynikw Zechariah rarl alakenh-anyem Inweng Mwerr-angker-akert aylelhenh:
25038	LUK 1:76	Rap awey akelyew John-ew-anem alakenh aylelhew: “Alereyay! Ngarl ilkwerreyenhan, ingwer-rnemel ngenh angkakert Akngey-wenh ilayntem. Akngeyan inngarl wenh irrwerl aneyel. Nga alheyenh, ingwer-rnem alakenh ileyew, ‘Ingkartan apey-alpeyenh rlengk-penh-antey!’ Nga alheyenh, ingwer-rnem apmwangkwarr aneyel-rnem alakenh ileyew, ‘Akngeyelan arrenhantherrenh irrarlkey-angker!’ Rap renh-rnem iteth atnyen-ayntem ikwer.
25055	LUK 2:13	Antyerlarl angkew-penh, antyerl akngerr-anem aremerrew irrwerl-they apmer ikwer-itwew, rernemap Akngey alakenh nakew:
25065	LUK 2:23	Moses-wenh-angkwarr alakenh aynteyel: “Awey arrwekeleny atnyenem, aynelikw-then amelikw-then renh Akngey-warl-tangkwel anthem.”
25070	LUK 2:28	Simeon-el ampa akely Jesus arey-alhew, rap renh iney-alhew. Rap renh antwerrkew-anem, angkemel irrwerl-warl Akngey-warl-athek alakenh:
25097	LUK 3:3	Kel John-el angka Akngey-wenh awew, rap ilpay Jordan-el-antey alhenh, rap angka ilerl-apenh akngerr ingwer-rnemew alakenh: “Arrantherran amperrngerrenh-arey, apmwethey angkeperrenhey-alpenh-arey! Arrantherr iterrenh-arey, arraty-angkwarr Akngey-warl-athek anaynteyew! Akngey rap apmwa ingkerr arrewantherrenh irrarlkem. Atharl arrenhantherrenh baptise-emelem kwaty-warl, ingwer-rnemel areyew, arrantherr apmwewety angkeperrenty!” Alakenh-anyem John-el ingkerrenh ilenh.
25098	LUK 3:4	Nhenhan angka irrkaty-antey John-akert, Isaiah-el pip-warl ingkwernew awank-akerr. Ranap angkakert Akngey-wenh, rap alakenh ingkwernew: “Artwa anyent apmer arlpawel ament-areny arlkeyel-anem alakenh, ‘Arrantherr iwerr arratyelenh-arey, Ingkart anewantherrenh rarl apetyeyenhew!
25101	LUK 3:7	Akngerr akarrerrenh John-warl apmer arrpanenh-they, ra renh-rnem kwaty-warl baptise-emel-aynteyew. John rap ikwer-rnem angkew, “Arrantherr irrtywerl-amperney-angker-rnem! Arrantherr apmwel-ayeth apmwel-ayeth apek alakenh iterreyel: ‘Anantherran Akngey-wenh-angkwarr alheyel. Anantherran kwaty-warl baptise-emelenty, Akngeyelanap anenhantherrenh apmwa antwey-angenh.’ Arrangkwaw! Apmwel-ayetharl aneyel-rnem, Akngeyel renh-rnem ikwer-wety arleng irrentem. Arrantherran apmwel-ayeth anenty, Akngeyelan arrenhantherrenh-anem arleng irrentem intem-antey.
25102	LUK 3:8	Apmwel-ayetharl alheyel-penh, arraty-angkwarr-anem alhaynteyew. Apmwewety angkeperrenhey-alpenh-arey, Akngeyel areyew, arrantherrarl aneyel arraty-angkwarr. Arrantherr alakenh angkeyel: ‘Anantherran Abraham-wenh-antey awank-akerr-penh. Akngeyel Abraham arntarnt-arenh, rap anenhantherrenh arleng ikwer-wety thweney-angenh, arrangkw.’ Arrantherr apmwel-ayeth iterreyel! Akngey ilkelhenty, ran Abraham-wenh-rnem apwert nhenh-rnem-they arnwarnewerr arrewantherr-wety. Rap arrenhantherrenh intem-antey irrentem. Nhan inngarl!
25136	LUK 4:4	Jesus-el tyernew, “Arrangkw wenh! Nthekwern atha arnwarney-angenh! Alakenh aynteyel pip Akngey-wenhel: ‘Nthekwern arrantherr iteth intem-antey aneyang, amernant arlkwemel.’”
25140	LUK 4:8	Jesus-el tyernew, “Arrangkw wenh! Nthekwern ayeng ngkweng awelhey-angenh! Alakenh aynteyel pip Akngey-wenhel: ‘Arrantherr kwenerr-aynteyew Akngeyewant. Anyentew ikwerew awelh-aynteyew.’”
25142	LUK 4:10	Alakenh aynteyel pip Akngey-wenhel: ‘Antyerl-rnem ileyenh Akngeyelan, ngenh mwanty arntarnt-araynteyew.
25144	LUK 4:12	Jesus-el tyernew, “Arrangkw wenh! Nthekwern ayeng ngkweng awelhey-angenh! Alakenh aynteyel pip Akngey-wenhel arrpemarl: ‘Akngey arrkerney-angenh, ra apmwelheleyew-arrpantey.’”
25149	LUK 4:17	Artwa rltwa warlew-arteyel pip arlpenty anthew ikwer, ranap angkakert Isaiah-el awank-akerr ingkwernewarl. Ranap pip panty-apeny ataperreleyelarl. Jesus-el pip arlpimpelew, rap angka nhanyem arew-anem, rap ingwer-rnemew alakenh reytemelew-anem:
25210	LUK 5:34	Jesus-el angka ilew renh-rnem alakenh: “Arrantherr iterl-areyel, artwethen arelh-then arlwentherrem anewantherrenh-angkwarr. Artwa arlwentherreyew-athath, ikwer apelty-rnem apetyem apmer ikwerenh-warl, rernemap tyenkerr-anem arlkwem ingkerrenhel. Rernemap arlkweyel aleth-antey, rarl aneyel-awaty ikwer-rnemel-arleng.
25229	LUK 6:14	Artwa nhenh-rnem rlwanew Jesus-el: Simon, renh Peter itnewew; ayteyikw Peter-wenh Andrew; awayenheng-atherr James-then John-then; Philip; Bartholomew;
25254	LUK 6:39	Jesus-el angka akely irrpety-anem ilenh: “Artwa aparrngel nthekwern atnwenhey-angenh artwa aparrng ingwer itep-they, arrangkw. Ratherr atherr-anteyarl aytnewerr irrkewarl.”
25270	LUK 7:6	Jesus angkew, “Kel ayeng alhem.” Ra anperl-alhew ikwer-rnemel-arleng. Artwa anyent anterrew, artwa ahawarr alkenh ileyew, Jesus-arl apetyenh. Artwa ahawarr alkenhel awew, Jesus-arl arrer-anem apetyenh, rap nyerrerrew. Rap ikwer apelty-rnem ikwer-warl thwenew, renh ileyew apetyey-angenh. Rernemap renh ampep-itwew arey-alhew, angkanem ilew ikwer, artwa ahawarr alkenharl angkew-angkwarr: “Ngan alkenharl atyeng-angkwarr. Ayengan artwa mwerr-wenyarl. Ayeng nyerrerreyel, ngenh nthakenh atha rlwatey-angenh, arrangkw. Warl atyenh-warl apetyey-angenh.
25459	LUK 10:27	Artwa akalty angkew, “Alakenh angka Moses-wenhel aynteyel: ‘Artewentyel ilkelh-aynta Akngeyewan, ikwer anthelhemel, ikwerant iterremel, ikwer warrkerremel.’ Alakenh-then ra aynteyel: ‘Ngarl arntarnt-arelhem-apeny mwanty, ntwap ingwer-rnem arntarnt-araynta arrpemarl.’”
25476	LUK 11:2	Jesus-an angkew ikwer-rnem, “Alakenh angkayntenh-arey: ‘Akngeyay, ingkerrelarl ngenh iterl-aremer, nakemel angkerl-anemer. Ngan Atyetyart ingkerrew. Anantherr ingkerrenh ngkweng awelhem.
25570	LUK 12:42	Jesus-elan tyernew alakenh: “Atha angka arrenhantherrenh artwa akalty-akert ileyew, rarl arraty intem Akngeyew anem. Artwa ilkwel artwa nhelkwer-anyem arew. Rap renh arrernew, atyetyart ampepel aneyew, rarl warrkenh ingwer-rnem arntarnt-araynteyew, amern antherl-aynteyew.
25633	LUK 14:11	Kel alakenh-anyem aynteyel: nga ilkwa aneyew arrkernelhem, ingwer-rnemelap ngenh akelyarl ilem. Nga apek akely-antey inkwerelhemel anem, ingwer-rnemelap ngenh ilkwarl ilem.”
25777	LUK 18:20	Angka weth Moses-wenh ntwa iterl-areyel. Ran alakenh aynteyel: ‘Anew ingwerentyak-wenh-itwel ayntey-angenh, ipmew atwey-angenh ingwerentyak, ayntengeny irrtyert-iney-angenh, court-itwew ilerl-aney-angenh ingwerentyak irrtywerremel, awelh-aynta aynewengkw-then amewengkw-then iylpareth.’”
25783	LUK 18:26	Akngerrel awew, rarl alakenh angkew. Rernemap apmwel-ayeth iterrenh alakenh: “Apwert akngerrarl ilek-ilek-then atnyeneyel-rnem, Akngeyel ikwer-rnem anthem. Ra renh-rnem anthem alakenh, rarl inkwerelhem ikwer-rnem. Innga ampwal akngerr-akert-rnem Akngey-wenh-rneman.” Apmwel-ayeth alakenh iterremel rernem angkerrenh, “Akngeyel ingwer-rnem ampwal akngerr-akert-rnem iwerlelpem, ilek-apenyarlap ikwerenh-rneman?”
25808	LUK 19:8	Ikwer-penh, rernemarl anemel arlkwenheng-arey, rtnerl-alhew-anem Zacchaeus angkemelan, “Ingkartay! Atha apwert ilek-ilek-then akalkeleyew. Apwert ingweran antheyew irrepern-rnemew amern-weny-rnemew, ingweran atyengarl ayntem. Ayengan apwert akarreley-angker kapmentew. Atha inenh irrtyertel arrpemarl ingwer-rnem-they. Athan apwert ilkwewant ayernenh, athap akert-they atyeng inenh. Atha angkep antheynem ingwerentyan alakenh: 100 tala atha inenh ingwer-they, athap antheynem 400 arrpemarl, mwerrant-atherr aneyew ikwer-penhan. Alakenh atha ingkerr-warl angkep antheynem. Athap angkep antheyneyew-anem akngerr-rnemew rlengkan.”
25814	LUK 19:14	Akngerr apmer ikwer-areny-rnem ikwer-wety arlkarerrenh. Rernemap angka ingkern-they thwenew atyetyart ilkwewarl: ‘Nthakenh ntwa arrerney-angenh artwa ilkwa weth atyetyart anewantherr. Anantherran arlkarerreyel ikwer-wety.’
25822	LUK 19:22	Artwa ilkwa ikwer ahelerrew. ‘Ngan artwa warrkenh apmwarl! Arraty nga angkeyel: atha pwerep-anthem ingwer-rnem, warrkerr-aynteyew atyeng, ayenh-then anthaynteyew.
25837	LUK 19:37	Apwert Alip-they Jesus-el arew, Jerusalem arrer-anem. Rarl atwarreynenh kwenel-athek tangkey-akert, akngerrelan renh apenteynenh. Rernem kel-antey arew, Jesus-elarl arntety-rnem akngerr mwerrelenh apmer arrpanenh-itwew. Rernemap inkwerelhemel arlkalhelerrenh alakenh:
25846	LUK 19:46	Rap renh-rnem iltew alakenh: “Nthakenh arrantherr aker tharlemeley-angenh nhenh-itwew. Ingwerentyam arrewantherr irrtyert-awarr, warl ingwerenty-wenh-itwewarl irrtyert-inenh. Nthakenh irrtyert-aylpey-angenh nhenh-itwew, iltyemwerneyelarl antwerrkey-angenh, arrangkw. Warl nhenhan Akngey-wenh. Angka ikwerenh alakenh aynteyel: ‘Warl ilkwa nhenhan atyenharl, ingwer-rnem arleng-they apety-aynteyew, ayenh nakemel ikwer-warl aylpaynteyew.’”
25853	LUK 20:5	Rernem arreyterrenh alakenh: “Nthakenh anantherr angkem? Nthakenh anantherr iley-angenh, ‘Akngeyel wenh John thwenew.’ Ra anenhantherrenh ayernewerr, ‘Kel ilek-wety arrantherr ikwer awelhey-angenh?’
25855	LUK 20:7	Rernemap tyernew alakenh: “Anantherr iterl-arey-angenh, angwenhelarl John thwenew.”
25875	LUK 20:27	Ikwer-penh artwa ilkwa ingwer-rnem apetyew Jesus-warl, renh ayerneyew, itnan Sadducee-rnem. Rernem apmwel-ayeth iterrenh alakenh: “Ingwerenty nthakenh ipmepenh itetherrey-angenh. Ipma intemarl ayntem.”
25876	LUK 20:28	Rernem angkew ikwer, “Atyetyartay, awank-akerr Moses-el angka rlterrk nhenh ingkwernenh anewantherr: ‘Iteng anem ampeweny apek. Artwa ra ahaperrenty, ayteyikw ikwerenhel-anem amarl inpert inem, ampa aneyew. Ratherr iterremer alakenh, “Ampa nhenh awayikw-wenh-apeny.” ’
25890	LUK 20:42	Awank-akerr David-el aylelhenty nhenh ingkwernew pip Psalms-ewan: ‘Akngey angkew atyetyart atyenh-warl Christ-warl: “Ngan ana arrerenty atyengel-arleng arraty-angkwarrarl.
25926	LUK 21:31	Alakenh-anyeman arrantherr iterreyenh, arrantherrarl arenty, ahern-then alker-then ingwer-lkwererrenty: ‘Ya, apetyeyenh-anem Jesus. Ra atyetyart-anem aneyew ikwerenh-rnemew arntarnt-aremel.’
25935	LUK 22:2	Artwa rltwernem Jew-rnem-wenh tyaty ilkwareny-rnem artwa angka Moses-wenhew akalty-anthey-angker-rnem-then rernem angkerrenh alakenh: “Nthakenh Jesus-an anantherr irrtyertel antwerrkem, renh atweyew?” Akngerr-wety rernem ywarn iterrenh apatemel, ingwer-rnem ikwer-rnem ahelerrewerr.
25970	LUK 22:37	Akngey-wenh pipelan alakenhan aynteyel: ‘Rernem angkeyenh, atharl angka Moses-wenh apentey-angenh.’ Ya, angka yanhan atyeng-akert. Rlengkan rernem atyeng-akert alakenh-anyem ilem, Akngey-wenh pipelarl aynteyel-angkwarr.”
26066	LUK 24:6	Ran nhenhel aney-angenh, arrangkw! Ran itetherrenhey-alpew, alhew-anem. Arrantherrarlap iterl-areyel, wetharl arrwekel arrewantherrel-arleng anenh apmer Galilee-itwew. Angka nhenh ra ilenh arrewantherr:
26107	LUK 24:47	Ra angkew arrpemarl, rarl ikwerenh-rnem thweneyenh apmer arrpanenh-warl, angka mwerr-angker ilerl-apaynteyew. Alakenh aynteyelan arrpemarl: Jerusalem-warl-tangkwel rernem alheyenh. Akngerr-anem ilaynteyenh, apmwewety ipmelheyew, nyerrerremel angkeperrenhey-alpeyew Akngey-warl-athek. Akngeyel apmwa ikwer-rnem-wety irrarlkemel, ikwer-rnem awakelhey-angenh.
26261	JHN 4:36	Amern weyt rernem lyapelhilek, artwa anyentel ntang weyt-rnem arlperrty iwek. Ntang weyt lyapek, amern-akert irremel, artwa ingwer apetyek, ra amern weyt ampeng-rnem akeynetyek-anem arlenyarl irrek. Ratherr atherr-antey inkwerelhek amern-rnemek. Angka arraty innga aynteyel: ‘Artwa anyentel ntang weyt iwerl-apenh, artwan anyent ingwerelan amern weyt akaltherl-apenh ingkern-theyarl.’”
26435	JHN 7:38	Akngey-kenh angka alakenh aynteyel: arrantherr atyeng-angkwarr apententy, arrantherr itethirretyek, angkethakwel kwaty antywem-apeny.
26439	JHN 7:42	Akngey-kenh angka alakenh aynteyel: ‘Christ ra atyetyart David-they apetyem. Christ ra ilkwerrey-areny David-kenh apmer-itwek Bethlehem-itwek.’ Bethlehem-itwek atyetyart David anenh awank-akerr.”
26584	JHN 10:34	Jesus angkek ikwer-rnemek, “Akngey-kenh angka arrwekeleny aynteyel: ‘Arrantherr akngey-rnem atyeng-apeny anetyek.’ Akngey-kenh pip arrwekelenyel aynteyel, angka nhenh arraty innga aynteyel intem-antey. Pip-itwek Ingkart angkek ikwer-rnem-warl, ra renh-rnem akngey itnewek ikwer-apeny.
26663	JHN 12:14	Kel Jesus-el tangkey-anem arey-alhek. Ra tangkey ikwer-warl nganerl-alhek, iwerrel-antey alhenh. Angka nhenh irrkaty-antey Akngey-kenh pip arrwekeleny-itwek ayntenh-antey: “Jerusalem-areny-rnem arrantherr aterirrey-angenh anetyek! Atyetyart anwekantherrenh apetyeyel, tangkey-akert.”
26683	JHN 12:34	Ingkerrenh Jesus-warl angkek, “Arrangkw. Akngey-kenh Artwa Impen renh rernem tywenemel atwey-angenh. Akngey-kenh pip alakenh aynteyel: ‘Christ ra aleth-antey iteth aneyenh.’ Angwenharlart ran, Akngey-kenh Artwa Impen?”
26687	JHN 12:38	Angka nhenh awank-akerr angkakert Isaiah-el arrwekel ingkwernek. Angka arraty innganem irrek. Isaiah-kenh alakenh ayntenh: “Ingkartay! Angwenhel anenhantherr tnakem, angka ngkwenh anwantherr ileyel? Arrangkw. Ingkerrenhel tnakey-angenh-antey. Angwenhel arek, ntwa ilek-ilek-angkwarr mpwarek rlterrkel? Arrangkw. Rernem arey-angenh-antey.”
26688	JHN 12:39	Isaiah-el angka ingweran ingkwernek awank-akerr: “Ingkartel renh-rnem mpwarek, rernem aparrng-apeny anayntetyek, Ingkart renh iterl-arey-angenh. Renh-rnem mpwarek arrpemarl, rernem angka Ingkart-kenh awey-angenh anetyek. Alakenh-anyem-they rernem Ingkart-kenh-angkwarr angkepirrey-angenh! Ra nthakenh renh-rnem mwerriley-angenh.” Alakenh Isaiah-el awank-akerr ingkwernenh. Alakenh-anyem-they Jew-kenh atyetyart-rnemel Jesus apentey-angenh.
26717	JHN 13:18	Arrantherr alyelk aneyel mwerr-angkwarr. Anyentant alyelk-weny aneyel apmwa. Ingwer-inger artwa anyent ra atyengety intwemelirrenty arrantherr areyenh. Akngey-kenh angka aynteyel alakenh: ‘Artwa ikwer-angkwarr atha amern-then aker-then arlkwem, ra atyengety intwemelirrem-anem apmwangkwarr.’ Alakenh-anyem ayeng artwa ikwer-penh angkeyel arrwekel, arrantherr atyeng awelhetyek. Arrantherr renh areyenh atyengety intwemelirrenty, arrantherr angka atyenh iterl-areyenh, inngarl ayengan, Akngey-kenh alerikwan.
26780	JHN 15:12	Nhenhan angka atha arrekantherr intem-antey arrernek: Ayengarl arrekantherr-itwel mwerr-angkwarr aneyel-apeny, arrantherr ingwer-rnem-then mwerrant-arey anayntetyek.
26785	JHN 15:17	Atha arrekantherr ileyel arrpemarl, angka nhenh aynteyel-angkwarr: Arrantherr mwerr-angkwarr anayntetyek, artewentyel ilkelh-ayntetyek ingwer-rnemek.”
26793	JHN 15:25	Akngey-kenh angka alakenh arrwekel aynteyel: ‘Ingwer-rnem arwa atyengety arlkarirreyelarl apmwangkwarrarl.’” Angka innganem irrek.
26918	JHN 19:24	Irlkenty-rnem angkerrek, “Arnkwa anyentek anwantherr arrkenirretyek, arnkwa renh antengiletyek. Anyentel renh antengiletyek anyent-antey, arnkwa ilterrey-angenh.” Apwert akely-rnem iwemel rernem arrkenirrenh arnkwa renh antengiletyek. Angka arrwekel alakenh ayntenh Akngey-kenh pip-itwek: “Rernem arrkenirreyel arnkwa atyenh-rnemek, arnkwa atyenh arlperrtyileyel.” Angka arraty innganem irrek-anem.
26930	JHN 19:36	Pip arrwekelenyel alakenh-anyem aynteyel: “Ngkwern akelhey-angenh arrangkw. Ingwer-rnemel renh atantheyenh.” Alakenh angka arraty innganem irrek.
27012	ACT 1:20	Peter-el renh-rnem ilek arrpemarl, “Akngey-kenh angka arrwekeleny Psalm pip-itwekan arrwekel aynteyelarl, Judas ra ilwekerr-awaty: ‘Warl ikwerenh arltwanem aynteyenh. Ingwerenty aney-angenh-anem arrangkw innganem. Ingwerenty-anem warrk ikwerenh-warl arrernelhetyek, rarl ilwek-kety.’
27035	ACT 2:17	Akngey angkek ikwer-angkwarr: ‘Arlta ingkern ikwerel atha ingkerrenh-anem Itnweng atyenh antheyenh ingkerrenhekek. Ikwer-penh awey arrekantherrel-rnem kwey arrekatherrel-rnem angka atyenh ileyenh. Ayeng artwa akely-rnem arrekantherrenh-warl aremirreyenh, artwa ampwernem-warl-then, rernem altyerr areyenh.
27043	ACT 2:25	Atyetyart David-el ingkwernek pip-warl arrwekel-antey Jesus-arl aremirreyenh. Ra alakenh-anyem ingkwernek: ‘Ingkart ra atyeng-itwek arrer aneyel. Artwa ingwer-rnem ywarn atyeng arrkernelheyenh, ayenh ilpertiletyek.
27052	ACT 2:34	David ra alker-warl alhey-angenh. Ra angka nhenh ingkwernek, ament ikwerenh-angkwarr-weny: ‘Ingkart angkek Ingkart atyenh-warl, “Atyeng-itwel ana!
27227	ACT 7:42	Akngey ikwer-rnem-kety intwemelirrek, ra renh-rnem ipmek. Rernem antyarr-rnemek inkwerelhek, Akngey-kenh angkakert arrwekeleny aynteyel: ‘Israel-kenh-rnemel ayenh tyenkerr anthey-angenh aherrety 40-ek-atwety.
27233	ACT 7:48	Akngey irrwerl-areny nthakenh warl ilkwa aney-angenh, ahern-arenyelarl mpwarek-itwek. Akngey-kenh angkakert arrwekelenyel alakenhaym aynteyel:
27460	ACT 13:29	Akngey-kenh angka arrwekeleny alakenh aynteyel: ‘Itethiley-angker ra ilwetyek.’ Kel arraty-angkwarr aynteyel. Rernem-anem renh arwerl iylpeyl-atherr-they atwarrelhilek, awenng intey-warl akwernek.
27465	ACT 13:34	Akngeyel Jesus renh ipmepenh akemelhilek arlka ikwerenh apmwirrey-angenh. Akngey-kenh angka alakenh aynteyel: ‘Atha arraty innga alheleyel atharl David alhelek-apeny.’