| 81 | GEN 4:1 | Adam-then Eve-then ratherr awey akely atnyenek. Awey akely ikwerenh itnan Cain. Eve angkek, “Atha renh itnewey Cain, INGKARTelarl awey akely ayenh anthek.” Itna Cain angka ikwerenh-angkwarr aynteyel, “INGKARTel ampa anthek INGKART-they renh inek.” |
| 82 | GEN 4:2 | Ikwer-penhan, Eve ra awey ingwer-anemarl atnyenek. Amelikw renh itnewek Abel. Ratherr ilkwerrek-anem. Abel yep-yep arntarnt-arenh-arenh, Cain ran amern atherrkarl ingwerek-ingwer lyapelhelenh. |
| 83 | GEN 4:3 | Ingwer-ingeran Cain ra amern INGKART-anemarl tyenkerr anthek. |
| 85 | GEN 4:5 | Cain-ekan ra inkwerelheyangarl. Cain ra artwerrety-anem anenh, ahelirremel. |
| 86 | GEN 4:6 | INGKARTel Cain renh ilek, “Ilekek ngarl aneyel artwerretyan? |
| 88 | GEN 4:8 | Cain-el ayteyikw ikwerenh irrtyelherl-alhek, “Mpa, ayla awangk alhey arrkent, peleyn ilkwewarl.” Irrtyelherl-alhek ratherr arrkent alhetyek-arrpantey irrtywerremel, renh ra atnwenhek akwerr-warl, ra atwey-alhetyek renh. Cain-el renh atwek, ipmek-antey. |
| 89 | GEN 4:9 | INGKARTel Cain renh ayernek, “Abel-alew? Ayteyengkw ngkwenh-alew?” Cain-el renh irrtywerremel tyernek, “Inpa, ayeng arlarl.” |
| 93 | GEN 4:13 | Cain-el renh ilek, “Ntwa atyeng angka awerr arrernek. Apmer nhetheyarl apmer ingwerel-anem ayeng anayntem. Apmer-wenyengarl ayenh ingwerentyel atwetyek alhewer, mentyan.” |
| 96 | GEN 4:16 | Apmer Nod-warl ra alpek, Eden-they akngerrakw. Cain aney-alpek intem-antey INGKART ikwerety, angkepirreyang arrangkw, ikwerenh-rnem-warl. Ingwer-kenh apmer-itwek aney-alpek. ... |
| 295 | GEN 11:28 | Haran Ur tawen-itwek atnyenek Chaldea-areny-rnem-kenh apmer-itwek. Ra apmer ikwerel-antey ilwek, aynikw ikwerenh Terah iteth anenhel-antey. |
| 298 | GEN 11:31 | Terah anperl-alhek Ur tawen-they, Canaan ikwer-warl anperl-alhetyek. Ra Abram alerikw ikwerenh akngek, Sarai, amikw ikwerenh, arrengikw ikwerenh, Lot ra akngek arrpemarl. Rernem Haran tawen-el-anem aney-alpek. |
| 303 | GEN 12:4 | Abram aherrety 75 anenh, artwa ampwanem, Akngeyelarl ilek apmer ingwer-warl-anem ra alpetyek. Abram Akngeyek awelhek. Anew ikwerenh Sarai ampikw ikwerenh Lot, ampwal ilek-ilek ingkerrenh warrkenh-rnem-then, rernemarl apmer Canaan ikwer-warl alpek. |
| 305 | GEN 12:6 | Abram ra arwerl ilkwewarl, arwerl arnenty ikwer-warl alhek, ikwerenh-rnem-akert. Abram arwerl arnenty apmer Moreh ikwer-warl alhek, apmer Shechem-itwek. Canaan-areny-rnem arrwekel-antey apmer ikwer-itwek anenh. |
| 309 | GEN 12:10 | Apmer arrpanenh Canaan-ampenyel, amern lyapey-angenh-anem ra arenh, aherrety innganem. |
| 320 | GEN 13:1 | Abram Sarai atherr alhek apmer arlpaw Canaan-ampeny-warl, Lot ra ikwer-atherr-angkwarr alhek arrpemarl. |
| 331 | GEN 13:12 | Abram anek apmer Canaan-ampenyel. Lot alhek tawen Sodom arrerenty, wak-rnem artey-alhek, artwa apmwernem arrerenty-itwek, rernem INGKARTek irrpelthirrenh. |
| 345 | GEN 14:8 | ... Atyetyart tawen ikwer-areny-rnem, Sodom-areny, Gomorrah-areny, Admah-areny, Zeboim-areny, Bela-areny. Rernem atwerrenh Atyetyart ingwer-areny-rnem-then. Atyetyart Chedorlaomer, Elam-areny atyetyart, Tidal, Goiim-areny atyetyart. Amraphel, Shinar-areny atyetyart. Arioch, Ellasar-areny atyetyart. Atyetyart 5-pel-ek aherrety 12 anek, ikwer-rnemek. |
| 368 | GEN 15:7 | Akngeyel ilek, “Ayeng Akngey ra, atharl ngenh apmer Ur-they, Chaldea-rnem-kenh apmer-they atnwenhey-alhek, apmer nhenh ngenh anthetyek, ngkwenh-rnem-akert.” |
| 383 | GEN 16:1 | Sarai, Abram, ratherr anewart ampeweny anenh. Arelh warrkenh anyent ikwerenh, itnan Hagar. Sarai angkek Abram-warl, Akngeyel ayenh menty ilek ampekety. “Warrkenh atyenh ntwa ikngwa, ntwa ampa atnyenetyek.” Alakenhaym Abram ra arelh warrkenh-anem ikngwek. Abram apmer Canaan-itwek aherrety 10 anenh. Abram awelhek, anew ikwerenhelarl renh ilek. Sarai ra warrkenh Egypt-areny ikwerenh Abram renh anthek. |
| 405 | GEN 17:7 | Atha ngenh arntarnt-arem, atha ngenh alhelek-angkwarr. Atha arrenhantherr apmer Canaan-anem antheyenh, arrantherr apmerek-artwey-wenyarl aneyel, atha arrenhantherr apmer Canaan anthem arrekantherr.” |
| 573 | GEN 23:1 | Sarah aherrety 127 anenh, apmer Kiriath Arba ilwemel-antey ikwer-itwek-antey. Apmer itna ingweran Hebron, Canaan-itwek. |
| 595 | GEN 24:3 | “Anew apmer Canaan-areny iney-angenh alerey atyenhek. |
| 629 | GEN 24:37 | Atha Atyetyart atyenh ilek, ayengarl ikwer awelheyek, rarl ayenh ilek-angkwarr. Ra ayenh ilek, ‘Menty arelh Canaan-areny ikngwey-angenh alerey atyenhek. |
| 654 | GEN 24:62 | Isaac ra Caanan-they antekerr-ampeny anenh. Apmer ra Beer Lahai Roi-they apetyek, apmer Canaan-they antekerr-ampenyel anenh. |
| 694 | GEN 26:1 | Awank-akerr, Abraham rarl iteth anenh-angkwarr, apmer Canaan amern-weny irrek. Irrkaty-angkwarr arrpemarl apmer ra amern-weny irrek arrwekel. Isaac tawen Gerar-warl alhek, Abimelech-warl, Philistia-areny Atyetyart ikwer-warl, INGKARTelarl Abraham renh ilek-angkwarr. |
| 775 | GEN 28:1 | Isaac Jacob-ek arlkek, renh rlterrkel iletyek. Ra mwerr angkek ikwer, renh rlterrkiletyek. Ra Jacob renh ilek, “Arelh Canaan-areny-rnem itengirrey-angenh. Kel menty-anem renh-rnem ipma! |
| 892 | GEN 31:18 | Rernem alpek aynikw ikwerenh apmer-warl, apmer Canaan-warl. Atnwenth-rnem ingkerrenh ampwal-rnem-then rarl inek malyikw-they, ra akngeynetyek. |
| 1085 | GEN 37:1 | Jacob ra apmer Canaan-itwek anenh, aynikw ikwerenharl Isaac anenh-itwek. Angka nhenh Jacob-kenh-rnem-akert. Joseph aherrety 17-anem anenh. Yep-yep-rnem-then nanikwet-rnem-then arntarnt-arenh, atherrk-warl ra akngenh, apmer Shechem-itwek. Kakey ikwerenhel-rnem. Aynikwel Joseph thwenek awayengkw-rnem-warl, “Alha yep-yep-rnem arntarnt-arayntetyek.” Joseph awayikwel-rnem-then yep-yep-rnem arntarnt-arek. Amikw ingwer atherr-kenh Bilhah-kenh-rnem, Zilpah-kenh-rnem. Jacob-kenh anew atherr-kenh. Joseph-el aynikw ikwerenh angka apmwa ikwer-rnem ilenh. |
| 1260 | GEN 42:7 | Rernem Joseph renh alhengk-arey-angenh, rant renh-rnem alhengk-arek, ra ingwer-arrpantey anenh. Ra renh-rnem iltek, “Nthenh-they arringkerr apetyek?” “Anwingkerr apmer Canaan-they apetyek, ntang weyt inerl-alpetyek, amern-weny-kety,” rernem renh ilek. |
| 1266 | GEN 42:13 | Rernem Joseph renh ilek, “12-an anwingkerr anekan, artwamp anyent-kenh-antey. Akelyan artwamp anwekingkerrenh-itwek anerl-anem Canaan-itwek. Anyent ingweran ilwekarl.” |
| 1282 | GEN 42:29 | Apmer Canaan-warl rernem alpek, rernem aynikw ikwer-rnem-kenh angka ilek-ilek iley-alpek ikwer-warl. |
| 1285 | GEN 42:32 | 12-an anwingkerr anekan, artwamp anyent-kenh-antey. Akelyan artwamp anwekingkerrenh-itwek anerl-anem Canaan-itwek. Anyent ingweran ilwekarl.’ |
| 1333 | GEN 44:8 | Anwingkerr man angkep antheynek Canaan-itwek. |
| 1370 | GEN 45:11 | Atha arrenhantherr arntarnt-arem apmer Goshen-itwek aherrety 5-pelek-atwety. Canaan-itwek arringkerr anentyan atnwenth-rnem-akert arrantherr ilwemarl amern-wenyel. |
| 1376 | GEN 45:17 | Pharaoh-el Joseph renh ilek, “Awayengkw-rnem ila, rernem ampwal-rnem tangkey-rnem-warl tywenetyek, rernem apmer Canaan-warl alpetyek. |
| 1380 | GEN 45:21 | Jacob-kenh alerikw-rnem awelhek Atyetyart ikwer. Joseph-el pakey-rnem renh-rnem anthek, amern-rnem-then, rernem apmer Canaan ikwer-warl akngeynetyek, atyetyartarl ilanthek-angkwarr. |
| 1383 | GEN 45:24 | Joseph-el renh-rnem ilek, “Ampep-itwek ahel ilterrey-angenh! Mwerrant-arey arringkerr alpenherr-arey Canaan-warl.” |
| 1384 | GEN 45:25 | Rernem ayerrer Egypt-they alpek, aynikw ikwerenh-rnem-kenh-warl, apmer Canaan-warl. |
| 1388 | GEN 46:1 | Jacob Canaan-they anperl-alhek atnwenth-rnem-akert ampwal-rnem-akert-then. Tawen Beersheba ikwer-itwek, ra tyenkerr anthek Akngeyek, renharl Isaac-el Akngeyek anthek-apeny. |
| 1503 | GEN 49:29 | ... Jacob-el alerikw ingwer-rnem ilek, “Arrer-anem ayeng ilwetyekan. Irrkaty ikwer-warl arringkerr ayenh akwernetyek, Abraham rarl payemelek Hitt-kenh-rnem-itwek, akngey atyenh-itwek-antey. Intey ra akngerrakw-ampeny, apmer Canaan-itwek. |
| 1512 | GEN 50:5 | Akngey atyenh ilweyew-athath, atha renh alhelek, intey apmer Canaan-itwek renh akwernetyek.” |
| 1532 | GEN 50:25 | Rap renh-rnem ilek, “Arringkerr arraty ayenh iletyek. Ayeng ilwenty, arrewaly ayenh aknga Akngeyel arrenhingkerr atnwenheyneyel apmer Canaan ikwer-warl, ikwer-itwek akwernetyek.” Kel rernem renh arraty ilek. |
| 1588 | EXO 3:8 | Ikwer-penh ayeng apetyek, Israel-kenh-rnem atnwenheynetyek Egypt-they. Ayeng apetyek atnwenheynetyek apmer mwerr-angker-warl, amern-angketyarr-warl, apmer atherrkeny-warl. Aleyan ingwer-rnem aneyel-antey apmer ikwer-itwel, Canaan-areny-rnem, Hitt-kenh-rnem-akerr, Amor-areny-rnem-akerr, Perizz-areny-rnem-akerr, Hiv-areny-rnem-akerr, Jebus-areny-rnem-akerr. |
| 1596 | EXO 3:16 | Akngey Moses-warl angkek arrpemarl, “Artwamp weth-rnem Israel-kenh-rnem ntwa ikngwerl-alpa, angka atyenh ilemel. Rernem arternp ngkweng awelhetyek.” Kel Moses-el artwamp-rnem ikngwerl-alpek ilemel, “Akngey rey-antey arrpemarl, arrwekeleny-rnemel arrwel renh apentek, Abraham-then Isaac-then Jacob-then. Itnan ikwerenh INGKARTarl. Rey-antey atyeng iylparrernelhek, angkemel, ‘Atha arek, Egypt-areny-rnemel arrenhantherr irrwampenh-anthenh atwerl-anemel. Atha alakenh alhelek, atha Egypt-they arrenhantherrenh atnwenhey-alpetyek atweyelarl-kety. Atha atnwenhey-alpetyek apmer mwerr-warl amern-angketyarr-warl. Aley-anem artwa ingwer-rnem nhak aneyel, Canaan-areny-rnem, Hitt-kenh-rnem-akerr, Amor-areny-rnem-akerr, Perizz-areny-rnem-akerr, Hiv-areny-rnem-akerr, Jebus-areny-rnem-akerr. Arrekantherr atha anthetyek apmer renh.’ Arrantherr Pharaoh-warl alhenherr-arey. Ilenherr-arey ikwer alakenh, ‘Anwantherr Israel-kenh-rnem Akngey anwekantherrenh apenteyel-rnem. Itnan ikwerenh INGKARTarl. Ra iylparrernelhek anwekantherr-warl. Anwantherr arlpaw-warl alhetyek irrpety-ingerek-atwety, aker tyenkerr arrtyemel anthetyek INGKARTek, Akngey anwekantherrenhek, ikwer inkwerelhemel. Mwerrang anwantherr alhem wenh?’ Alakenh ntwa artwampel-rnem-then ilenherr-arey Pharaoh-ek. |
| 1660 | EXO 6:4 | Atha renh-rnem alhelek, ingwer-inger apmer Canaan renh-rnem anthetyek. Rernem anenh apmer Canaan-el, apmeran ingwer-rnem-kenharlap, rerneman apmerek-artwey-wenyarl, alethangarl. |
| 1670 | EXO 6:14 | Israel-kenh-rnem akngerr anew-anenh. Nhenh-rnem itnernem alakenh: Jacob itna ingweran Israel, alerikw ilkwa ikwerenh itnan Reuben. Reuben-kenh alerikw awey-rnem 4-pel, itnan Hanoch-then, Pallu-then, Hezron-then Carmi-then. Awey rernem alkenhirrek. Alerikw akngerr arrengey akngerr-then apetyek ikwer-rnem-they. Nhenh-rnem Reuben-kenh-rnem. |
| 1671 | EXO 6:15 | Alerikw ingwer Israel-kenh itnan Simeon. Simeon-kenh alerikw awey-rnem 6-pel, itnan Jemuel, Jamin, Ohad, Jakin, Zohar, Shaul. Shaul-kenh amikw Canaan-areny. Awey rernem alkenhirrek. Alerikw akngerr arrengey akngerr-then apetyek ikwer-rnem-they. Nhenh-rnem Simeon-kenh-rnem. |
| 1873 | EXO 13:5 | Awank-akerr INGKARTel ilek Abraham-ek, Isaac-ek-then, Jacob-ek-then, arrwekeleny-rnem arrekantherrenhek, apmer Canaan anthetyek arrekantherr. INGKARTel alhelek ikwer-rnem, ‘Ingwer-inger atha apmer nhenh ingkern-penh-rnemek ngkwenh-rnemek anthem. Lyertan apmerel aneyel Canaan-areny-rnem, Hitt-kenh-rnem, Amor-areny-rnem, Hiv-areny-rnem, Jebus-areny-rnem.’ Angka nhenh arraty innga! INGKARTel arrenhantherr amern-angketyarr-warl atwenheyneyenh. Apmer ikwerel aney-alpentyel, arlta impen anyentel renh atnyenetyek aherrety arrpanenhel, arrantherr iterl-arayntetyek. Arrantherr akarrerr-ayntetyek aherrety arrpanenhel, iylpangkerl-ayntetyek, arrantherrarl Egypt-they alpek. |
| 1879 | EXO 13:11 | Moses-el ilek, “INGKARTel arrenhantherr apmer ikwer-warl atnwenhem, apmer Canaan-warl. INGKARTel alhelek, ‘Atha apmer arrekantherr anthetyek.’ Apmer irrkaty ra alhelek arrwekeleny-rnemek, ra apmer ikwer-rnem anthetyek. |
| 1885 | EXO 13:17 | Pharaoh-el Israel-kenh-rnem Egypt-they tyarlewek-penh, Akngeyel renh-rnem atnwenhey-angenh iwerr Philistia-angkwarr. Iwerr Egypt-they arraty-antey aynteyneyel Philistia-angkwarr apmer Canaan-warl. Akngey iterrenh, “Atha Israel-kenh-rnem atnwenhenty iwerr Philistia aynteyel-angkwarr, ahelengkwel-rnem renh-rnem ater-anthekerr, renh-rnem atwey-ayntekerr. Rernem angkep alpekerr Egypt-warl. Menty, iwerr ingwer-angkwarr atha atnwenheynem.” Alakenh-anyem Akngey ra iterrek. |
| 1887 | EXO 13:19 | Moses-el Joseph arrewaly ngkwern akngeynenh. Awank-akerr Joseph ra ilwey-alenty, ra awayikw-rnemek angkek alakenh-anyem, “Akngeyel arrenhingkerr arntarnt-arem. Ra arrenhingkerr atnwenheyenh Egypt-they. Arringkerr arraty ayenh alheletyek, ayeng ilwenty, arringkerr arrewaly ngkwern ayenh akngeynetyek apmer Canaan-warl, ikwer-itwek akwernetyek.” Kel alakenh-anyem Joseph renh alhelek awayikw-rnemel. |
| 1983 | EXO 16:35 | Israel-kenh-rnemel amern mana arlkwenh, aherrety 40-ek-atwety. Apmer arlpaw-itwek rernem ampererrenh ingketyel aleth-antey. Ikwer-penhan rernem apmer Canaan-warl arrer-anem irrek, INGKARTel renh-rnem amern mana anthey-angenh-anem, arrangkw-anem. |
| 2168 | EXO 23:23 | Antyerl atyenh arrwekel yerlirr-ayntem, arrantherr apent-ayntetyek apmer Canaan-warl. Aleyan Amor-areny-rnem, Hitt-kenh-rnem-akerr, Perizz-areny-rnem-akerr, Canaan-areny-rnem-akerr, Hivite-areny-rnem-akerr, Jebus-areny-rnem-akerr rernem anew-aneyel. Atha renh-rnem irrarlkemel ilwerl-atheneyenh. |
| 2172 | EXO 23:27 | INGKART angkek Israel-kenh-rnemek, “Arrantherr Canaan-warl alhentyel, arrantherr tawen arrpanenh-warl alhey-alenty, atha tawen-areny-rnem ater-antheyenh. Rernem ingkerrenh anterreyenh arrekantherrety. |
| 2173 | EXO 23:28 | Atha ingwer-rnem Hivite-areny-rnem Canaan-areny-rnem-then Hitt-kenh-rnem-then irrenteyenh, arrantherr apmer ikwer-rnem-kenh-warl alhey-alenty. |
| 2174 | EXO 23:29 | Arrantherr Canaan-warl alhey-alenty, atha apek renh-rnem irrentey-angenh aherrety anyentel, menty. Apmer ingkeny, werrk-apeny, atnwenth ateralth-angketyarr, apmer alther. Alakenh atha apmer-areny-rnem Canaan-they irrenterl-ayntem arternpel-antey. |
| 2176 | EXO 23:31 | INGKART angkek Israel-kenh-rnemek, “Apmer arrekantherrenh Canaan-ampeny kwaty alay Apenng-angketyarr-they altwerl ayerrer ayntayntem. Apmer kwaty alay itna Ilkwarl-they akngerrakw ayntayntem. Apmer arlpaw itna Sinai-they ayerrer ayntayntem. Apmer kwaty lher Euphrates-they antekerr ayntayntem. Apmer Canaan ampepelarl. Atha arrenhantherr rlterrkilem, arrantherr-anem yanh-areny-rnem Canaan-they irrenterl-ayntem. |
| 2178 | EXO 23:33 | Canaan-el apmer arrekantherrenhel rernem ilkelhem anayntetyek. Menty. Nthakenh rernem aney-angenh, arrangkw. Arrngert angkenherr-arey. Rernem arrenhantherrenh apmwangkwarr ilekerr. Rernem altyerr-arrpantey-rnem apenteyel. Rernem arrenhantherrenh-anem ilanthekerr, arrantherr altyerr-arrpantey-rnem apenterl-ayntetyek. Rernem arrenhantherrenh arrkernekerr, arrantherr apmwangkwarr apenterl-ayntetyek.” |
| 2452 | EXO 32:13 | Abraham-ek-then Isaac-ek-then Jacob-ek-then iterra! Awank-akerr ntwa alhelenh ikwer-rnem angkemel, ‘Ntwa alerengkw-then artartey-rnem-then arrengey-rnem-then akngerr atnyenem. Rernem akngerr innga aneyenh, antyarr alkerel aneyel-apeny. Atha apmer Canaan ikwer-rnem anthem, ikwer-rnem aleth-antey ayntetyek.’ Alakenh-anyem ntwa renh-rnem alhelek.” |
| 2476 | EXO 33:2 | Atha arrwekel-antey antyerl thwenem arrekantherr-warl yanh-areny-rnem irrentetyek, Canaan-areny-rnem, Amor-areny-rnem-then, Hitt-kenh-rnem-then, Perizz-areny-rnem-then, Hiv-areny-rnem-then, Jebus-areny-rnem-then. |
| 2508 | EXO 34:11 | Arrantherr angka atyenhek awelhetyek, atharl lyert ilem. Atha Amor-areny-rnem, Canaan-areny-rnem-then, Hitt-kenh-rnem, Perizz-areny-rnem, Hiv-areny-rnem, Jebus-areny-rnem-then ingkerrenh irrenteyenh apmer ikwer-they, apmer atharl arrwekel arrekantherr alhelek. |
| 2509 | EXO 34:12 | Arrantherr apmer Canaan-warl alhentyel, mwanty arntarnt-arelhemel anayntetyek yanh-rnem-kety, mwerrant-arey arrantherr aney-angenh ikwer-rnem-itwel, rernem arrenhantherrenh apmwangkwarr-anem akngartewekerr. |
| 2521 | EXO 34:24 | Arrantherr aherrety arrpanenhel irrpety-inger atyeng-warl apetyenty, atha Canaan-areny-rnem arrwekel-antey apmer ikwer-they irrentem. Atha arrenhantherrenh apmer akngerr arrpemarl anthem. Nthakenh ingwer-rnemel apmer renh angkep rakeyney-angenh arrekantherr-they. |
| 7365 | 1SA 7:11 | Israel-wenh-rnemel alwernew Mizpah-they apmer Beth Car-ew-atety, akngerr ipmew atwenhew ampep-itwew. |
| 7574 | 1SA 15:12 | Ingwepenh-antey Samuel akwentew, alhew-anem, Saul-ew nthweyew. Ingwerentyel renh iley-ayntew, “Arrangkw nhenh. Saul ra alhew apwert Carmel-warl. Apwert ikwer-itwew apwert arlpenty-anem ra rnkernew, ingkerrel iterl-araynteyew, rantarl Amalek-areny-rnem ywerrelhelemel atwew. Ikwer-penh ra alhew apmer Gilgal-warl-anem.” |
| 7866 | 1SA 25:2 | Artwa anyent apmer Maon-areny anenh itna Nabal, Caleb-wenh-antey. Apmer ikwerenhan apmer Carmel-ampeny-itwew. Ran apwert akngerr-akert, yep-yep-rnem 3,000, nanikwet-rnem 1,000. Artwa ahelengkwarlap ran. Akelty ikwerenh itnan Abigail. Ranap inngerr mwerr-angker, tyakarl anenh. Ingwer-ingweran Nabal-el yep-yep alta akenh apmer ikwer-itwew. |
| 7869 | 1SA 25:5 | Rap ilew artwa akely-rnem 10 alakenh, “Carmel-warl alhenh-arey, artwa Nabal areyew. Alakenh ikwer angkenh-arey, ‘Atyetyart David mwerr-angkwarr angkeyel ngkweng! |
| 7903 | 1SA 25:39 | David-elarl awew, rarl ahaperrew, rap angkew, “Nakem INGKART! Artwamp ra apmwel-ayeth atyeng angkenh. INGKARTel renh ywerrelhelew, apmwel-ayetharl angkenh-penh. Ra ayenh artwerelew arrpemarl, apmwa mpwarewerr.” David-el angka thwenew Abigail-warl, renh ayernew, itengerreyew ikwer-warl. Rap angkakert-rnem thwenew apmer ikwer-warl Carmel-warl, rernemap angkey-alhew Abigail ikwer, “David-el anenhantherrenh thwenew. Nga ikwerenh-anem aneyew.” |
| 8054 | 2SA 2:2 | Kel David alpew, aney-alpew-anem apmer ikwer-itwew. Akelty ikwerenh-atherr alpew ikwer-angkwarr; Ahinoam Jezreel-areny, Abigail Carmel-areny-then, inpertarl irrew Nabal-ew. |
| 23214 | MAT 1:1 | Arrwekeleny Abraham anenh. Abraham-they Jesus-kenh-rnem anenh arrpemarl, atyetyart David-ek-atwety. Nhenh-rnem Jesus Christ-kenh, |
| 23229 | MAT 1:16 | Jacob Joseph-kenh aynikw, Joseph Mary-kenh anewikw, Mary rey-antey Jesus renh ampa akely atnyenek. Renhey-antey itneweyel Christ-an. |
| 23230 | MAT 1:17 | Abraham-they David-ek-atwety, 14 anenhek. Atyetyart David-they 14-ek-atwety arrpemarl anenhel Babylonia-el anenh-rnemek-atwety. Babylonia-el anenh-penh 14-ek-atwety anenhek Christ-ek-atwety. |
| 23291 | MAT 4:13 | Ra Nazareth-itwek aney-angenh, ra anper-antey alhek Capernaum tawen-warl, ikwer-itwel aney-alhek, apmer Zebulun-itwel, Napthali-itwel. |
| 23419 | MAT 8:5 | Jesus apmer Capernaum-warl-anem alpek. Artwa ahelengkw atyetyart irlkentyek-artwey Rome-areny ikwer-warl apetyek, ayernetyek. |
| 23449 | MAT 9:1 | Jesus rtnwewarl nganek, kwaty-angkwarr artarnpenhek. Ra angkep-anem alpek apmer ikwerenh-warl, tawen Capernaum-warl. |
| 23551 | MAT 11:23 | Tawen Capernaum-areny-rnem-alew? Rerneman apmwel-areth iterreyel alakenh, ‘Akngeyel anwernantherrenh irrwerl-warl akngeyneyenh, ikwer-itwel aney-alpetyek. Jesus-el ilek-ilek mwerr-angker mpwarenh arrekantherr-itwek.’ Alakenhap rernem iterreyelan. Rernem atyeng awelhey-angenh-anteyarl. Akngey rap renh-rnem atweyenh. Sodom-areny-rnem-alew? Akngeyel renh-rnem atwek, rernem renh arraty apentey-angenh-they. Alakenh-anyem ra arrenhantherr atwemarl.” |
| 23724 | MAT 15:22 | Ikwer-penh arelh Jew-weny Caanan-areny-anem anterrey-alhenh Jesus ikwer-warl arlkemel, “Ingkartay, David-kenh, atyeng amperrngirra! Ampa atyenh arrenty-angketyarr!” |
| 23754 | MAT 16:13 | Jesus ra apmer Caesarea Philippi-warl apetyek, ra kwertengerl ikwerenh-rnem ayernek, “Artwa angwenh Akngey-kenh Impenan rernem ileyel?” |
| 23757 | MAT 16:16 | Simon Peter-el renh ilek, “Nga Christ-arl, Akngey-kenh alerikwarl.” |
| 23779 | MAT 17:10 | Kwertengerl ikwerenhel-rnem Jesus renh ilek, “Moses-kenh angka akalty-anthenh-anthenhel-rnem ileyel, ‘Elijah retangkwelarl apetyeyenh arrwekelan, Christ-ek-athath.’” |
| 23793 | MAT 17:24 | Jesus kwertengerl ikwerenh-rnem-akert Capernaum tawen-warl apetyek. Man akwetyey-angker rernem Peter renh ayernek, “Atyetyart ngkwenhel man antheyel Jew-kenh tyaty ilkwareny-rnemek, arrangkw apek?” |
| 23962 | MAT 22:21 | Rernem ikwer ilek, “Caesar, atyetyart kapment ilkwarlap ran nhenhey!” Jesus-el renh-rnem ilek, “Man-areny-rnemelarl arrenhantherr manek ankem, arrantherr man renh-rnem anthenherr-arey, rernem-anem kapment man renh anthetyek. Akngey-kenh warrk-rnemel man ineynem, arrantherr ingkerrenhel arrernetyek arrpemarl, Akngey ikwer-anem rernem man renh arrernetyek.” |
| 23983 | MAT 22:42 | “Nthakenh arrantherr iterl-areyel Christ itethiley-angker renhan. Angwenh-kenh ran?” “Ranem Atyetyart David-kenh,” rernem renh tyernek. |
| 23984 | MAT 22:43 | Jesus-el-anem renh-rnem tyernek, “Akngey-kenh itnwengel ikwer lwewarrernek. David-el Christ renh itnewek ‘Atyetyart atyenh’. |
| 24022 | MAT 23:35 | Awank-akerr Cain-el ayteyikw Abel-tangkwel atwek. Ingwer-rnemel-anem atwenh angkakert Akngey-kenh-rnem. Artwa anyent Zechariah Barachiah-kenh alerikw rernem atwek arrpemarl, rarl rtnenh tyaty ilkwa Jew-rnem-kenh kwen-itwel, ampwal rwek-arelh arrerenty. Yaw-yaw, atha arrenhantherrenh arraty ileyel. Akngeyan ahelirreyel arrekantherr. Arrwekeleny-rnemel angkakert Akngey-kenh-rnem awank-akerr atwenh-they, Akngeyel arrenhantherr atweyenh arrpemarl.” |
| 24049 | MAT 24:23 | Akngerr arrekantherr-warl apetyem, arrenhantherr irrtywerremel iletyek, Akngeyel renh-rnem thwenenty-arrpantey ahern nhewarl, Christ-apeny. Rernem alakenh ingkerrenh-warl ilelhem. Arrantherr iylpelant renh-rnem awetyek, arrenhantherr ilpertileyekarl ilenhan arrkernelheyel. |
| 24050 | MAT 24:24 | Rernem apetyem, Christ-arrpantey Akngey-kenh angkakert-arrpantey, angka ilek-ilek-akert rernem arrekantherr arrkernelhetyek, arrantherr ikwer-rnem-kenh-angkwarr apentetyek. |
| 24052 | MAT 24:26 | “Ingwer-rnemel alakenh ileyel, ‘Christ ra apmer arlpawelarl aremirrek.’ Ingwer-rnemel ileyel, ‘Christ ra warl kwenel irrtyertewelheyel ingwer-rnem-kety.’ Ikwer-rnem awelhey-angenh. |
| 24126 | MAT 26:3 | Moses-kenh-rnem-then, tyaty-areny ilkwernem-then Atyetyart Jew-rnem-kenh-then, rernem akarrirrek, atyetyart ilkwa tyaty-areny Caiaphas-kenh apmer-warl. |
| 24180 | MAT 26:57 | Ahelengkwel-rnem Jesus renh akngek Caiaphas-kenh warl-warl atyetyart ilkwewarl. Atyetyart ilkwernem-then Moses-kenh-rnem-then ikwer-warl akarrirrek. |
| 24186 | MAT 26:63 | Jesus akater anek, tyerney-angenh. Atyetyart ilkwel ayernek arrpemarl, “Akenhel arem, nga arraty-antey atyeng ilelha! Ngenhang Christ Akngeyel anwernenhantherr ilek, ngenh thwenetyek anwernekantherr-warl, ahern nhewarl, Akngey-kenh alerikw?” |
| 24215 | MAT 27:17 | Rernem ingkerrenh akarrirrek, Pilate-el renh-rnem ayernek, “Angwenh athan tyarlewem tyayl-theyan? Barabbas apek? Jesus apek, rernem renh itneweyel Christ, Akngeyelarl arrwekel ilek, renh thwenetyek ahern nhenh-warl ingkerrenh itethiletyek.” |
| 24220 | MAT 27:22 | Pilate-el renh-rnem ayernek arrpemarl, “Nthakenh atha Jesus renh ilem? Rernem renh Christ antweyel Akngeyelarl thwenek?” Rernem arlkek artewentyel, “Renh arwerl iylpeyl-atherr-warl atanthenherr-arey, renh atwetyek!” |
| 24230 | MAT 27:32 | Artwa anyent, itnan Simon apmer Cyrene-areny. Ahelengkw-rnemel arwerl iylpeyl-atherr-anem arrernek Simon ikwer-warl, ra arwerl renh aylpwer-akngeyn-ayntetyek. Simon-el arwerl iylpeyl-atherr iytarr-akngeynenh. |
| 24285 | MRK 1:1 | Nhanyeman angka mwerr-angker Jesus Christ-ek, Akngey-kenh Alerikw. |
| 24305 | MRK 1:21 | Jesus kwertengerl ikwerenh-rnem-akert tawen Capernaum-warl alhek. Jesus alhek Jew-rnemarl warl kwenel angkerrenh-warl Saturday-el, arlta anyent impenel. Ra renh-rnem akalty-anthek. |
| 24317 | MRK 1:33 | Ingkerrenh tawen Capernaum-areny-rnem akarrirrek warl arriw-warl, rernem Jesus renh aretyek. |
| 24330 | MRK 2:1 | Jesus angkep-anem apetyek apmer Capernaum-warl, ra apmer anyentel-antey anenh. Ingkerrenhel awek Jesus ra apmerelarl aney-alpek. |