152	GEN 6:14	Arwerl mwerr-angker arterna, ntwa rtnwa arnwarnetyek warl-akert. Warl arnwarnetyek amentew-ament rwem-akert. Ankerel aperna kwen-then akwerr-ampeny-then.
337	GEN 13:18	Wak kalikw akely-rnem lhelherl-alhek akngeynemel apmer arwerl arnenty-akert ikwer-itwek aney-alhek apmer Mamre-arrangarr, Hebron-itwek. Apmer ikwer-itwek apwert ilperr-ilperr tyenkerrek-arelh ra arrernek, Akngey ikwer inkwerelhemel kwenirrek.
365	GEN 15:4	INGKARTel ilek, “Ntwa alerengkw ngkwenh atnyeneyenh. Warrkenh ngkwenhel nthakenh ingkerrenh iney-angenh. Alerengkw ngkwenhel ingkerrenh atnyeneyenh, nga ilwenty-kety.”
383	GEN 16:1	Sarai, Abram, ratherr anewart ampeweny anenh. Arelh warrkenh anyent ikwerenh, itnan Hagar. Sarai angkek Abram-warl, Akngeyel ayenh menty ilek ampekety. “Warrkenh atyenh ntwa ikngwa, ntwa ampa atnyenetyek.” Alakenhaym Abram ra arelh warrkenh-anem ikngwek. Abram apmer Canaan-itwek aherrety 10 anenh. Abram awelhek, anew ikwerenhelarl renh ilek. Sarai ra warrkenh Egypt-areny ikwerenh Abram renh anthek.
388	GEN 16:6	Abram angkek, “Warrkenh yanhan ngkwenharl. Ntwarrp kel atnyenetyek. Ayengan arlarl.” Sarai-el Hagar renh ayntarrp-ilek. Irrwernek. Hagar anterrek-anem ikwerety.
463	GEN 19:5	Rernem ayernek, “Artwa alethang weth-atherr-alew? Warl ngkwenharl aneyel atherr-alew? Akngetya renh-atherr anwantherr apmwa mpwaretyek ikwer-atherr-angkwarr.”
562	GEN 22:14	Abraham-el apmer renh itnewek INGKARTel Wantem. Lyert aley renh itneweyel INGKARTel Wantem apwert ikwerenhel. Itnan renh anthek, apmer Tyarlap-tyarlap ran. Itnan renh anthek Akngeyeley. Apwert ilperr-ilperr renhan.
597	GEN 24:5	Warrkenh ikwerenhel renh ayernek, “Nthakenharl arelh ra apetyetyek ilkelhey-angenhel. Ilek-apenyarl Isaac atha thwenenty, renh ikngwetyek.”
601	GEN 24:9	Warrkenh ra Abraham ikwer ilelhek, “Ayeng ngkweng awelheyel, ntwarl ayenh ilek-angkwarr-antey.”
604	GEN 24:12	Warrkenh ra kwenirremel irrwerl-warl-athek angkek, “Akngeyay, ngan Abraham Atyetyartarl aneyel. Ntwa ayenh arraty ila, anew atha Isaac-ek anetyek, ntwarl Abraham renh alhelek-angkwarr-antey.
615	GEN 24:23	Warrkenh ra ayernek, “Angwenh aynengkw ngkwenhan? Warl arlpimp ngkwenhan aynteyel, anwantherr ayntetyek?”
618	GEN 24:26	Warrkenh ra kwenirrek, Akngey-warl-athek angkemel.
625	GEN 24:33	Ikwer-penhan rernem amern-anem artwa renh-rnem anthek, rernem arlkwetyek. Warrkenhel ilek, “Amern arlkwey-alentyelan, angketangkwel atha ngenh ileman ilekekarl ayeng apetyek apmer nhenh-warl. Kel ilant ilekek nga apetyek,” Laban angkek.
626	GEN 24:34	Warrkenh ra ilelhek, “Ayengan Abraham-kenh warrkenharl.
648	GEN 24:56	Warrkenh angkek, “Arleng-alenty atyeng mpwarey-angenh ayeng anetyek, INGKARTel arraty innga iylparrernek-angkwarr. Ayeng kel alpem Atyetyart ikwer-warl.”
657	GEN 24:65	Warrkenh renh ayernek, “Artwa angwenh apetyeyel?” Warrkenh angkek, “Atyetyart atyenh yanhan apetyeyel, Isaac-an.” Rebekah arnkwa artelhek inngerr-angkwarran, artwel arey-ayntekerr.
658	GEN 24:66	Warrkenh ra ilek Isaac renh ilek-ilek-angkwarr ayntek.
822	GEN 29:26	Laban-el Jacob renh ilek, “Apmer anwekantherrenh-itwekan arrwekeleny-tangkwel itengirrem. Kwey arrwekeleny antheman, ingkerneny nthakenh anthey-angenh. Alakenh-anyem anwekantherrenh-angkwarran aynteyel, arrwekelenyant antheyel, ingkernenyan arrangkwarl. Wik anyentek-atwety mpwelanth Leah-atherr anetyek. Ikwer-penhan nga Rachel-itwek itengirrey-akenh, nga aherrety 7 ingwerek-atwety atyeng warrkirretyek, atharl Rachel anthek-penh, iteng-anem.”
823	GEN 29:27	Wik anyent-penh, kwenty arlkwek-penh Laban-el alerikw ikwerenh Rachel anthek Jacob-itwek itengirretyek. Laban-el arelh Bilhah renh ilanthek, Rachel-ek warrkirretyek. Jacob Rachel-itwek innganem ayntek. Ra Rachel ikwerant inkwerelhek, Leah-angkwarran. Aherrety 7 ingwerek-atwety warrkirrek.
834	GEN 30:3	Rachel-el anew renh ilek, “Warrkenh atyenh Bilhah ikngwerl-alpa, ngkweng-itwek ayntetyek, ampa ntwa atnyenetyek ikwer-angkwarr.”
887	GEN 31:13	Aray, ayeng Akngey apmer Bethel-areny. Wetharl ntwa apwert anterel apernek, ayenh arraty ilek. Arraty ntwa ayenh alhelek. Apmer nhenh ntwa iwerlelpetyek, apmer ngkwenh-warl-anem nga alpetyek.’”
1112	GEN 37:28	Joseph-kenh awayikw-rnemel renh tharlemiletyek weker-rnem-warl. Irrkethey tyerrek. Weker-rnemel renh payemelek, ngkwelty 20-pel-ek. Rernem Joseph renh akngek apmer Egypt-warl.
1120	GEN 37:36	Weker-rnemel Joseph renh tharlemilek, artwa Potiphar-warl. Potiphar Atyetyart anek artwa ahelengkw Egypt-areny-rnemek. ...
1161	GEN 39:11	Arlta anyentel, Joseph ra alhek, warl Potiphar-kenh-warl warrkirretyek. Potiphar-kenh anewikwel arnkwethey-anem renh anterrkwemel ilek, “Nga atyeng-itwek ayntetyek.” Joseph ra warl-they anterrek. Arelh ra renh arnkwa aleth-antey anterrkwenh. Warrkenh ingwer-rneman warl kwen aney-angenh arrangkw, arelh rantarl anenh.
1182	GEN 40:9	Warrkenh wayn anthey-angker ra Joseph renh ilek, “Aylpa irrpety atha arek grapes-itwek, amern-angketyarr irrpety-antey.
1189	GEN 40:16	Warrkenh amern amperney-angker ra altyerr ikwerenh-anem ilek Joseph-warl, rarl ingwel arek, Joseph-elarl arraty-angkwarr anayntilek. Ra Joseph renh ayernek, ilekekarl ra altyerr arekek. Atha altyerr arek arrpemarl.
1194	GEN 40:21	Warrkenh wayn anthey-angker arrernek arrpemarl, ra warrkirretyek arrpemarl, ra warrk renh antheynek arrpemarl.
1196	GEN 40:23	Ingkerrenh-angkwarr ayntek Joseph-elarl ilek-angkwarr-antey. Warrkenh wayn anthey-angker ra iylpelirrek. Atyetyart renh iley-angenh-antey, Joseph renh tyayl-they tyarlewetyek.
1234	GEN 41:38	Pharaoh angkek, “Warrkenh mwerr-angker anwantherr arrernem Joseph-arl, ran Akngey-kenh itnweng-akert.”
1307	GEN 43:16	Joseph-el renh-rnem arnarek Benjamin-akert. Warrkenh ikwerenh ilanthek, “Artwa yanh-rnem apmer atyenh-warl atnwenha, aker-anem ikwer-rnem atwemel, anwantherr ingkerrenh aker arlkwetyek.”
1308	GEN 43:17	Warrkenhel artwernem Joseph-kenh warl-warl atnwenhek.
1314	GEN 43:23	Warrkenh angkek, “Kel mwerr, Akngey arrekantherrenh ra apek arrernek man atyenh nhenh-anteyarl.” Warrkenhel Simeon ikwer-rnem-warl atnwenhey-alhek.
1315	GEN 43:24	Warrkenhel renh-rnem Joseph-kenh warl-warl atnwenhek, kwaty renh-rnem anthemel kwatyel-anem ingkernem lhewelhetyek. Warrkenhel tangkey atherrkel wantek, kwatyel-anem anthwengilek.
1325	GEN 43:34	Warrkenh-rnemel amern akngerr renh-rnem anthek. Benjamin renh amern akngerr innga anthek ingwer-rnem-angkwarr, ngkwarl-anem rernem antywemel tyenkerr-anem amern akngerr arlkwemel.
1329	GEN 44:4	Artwernem arrerenty-antey alpenh, Joseph-el warrkenh ikwerenh ilanthek, “Anterrkwetyek alha. Anterrkwentyelan renh-rnem ayernem, ‘Angwenhel irrkwa thilp-penh antywey-angker atyenh anyelkel inek irrtywerremel? Nhenh ikwerenh impen inngarl antywey-angker, akaltyiley-angker ikwerenh, ngangker-apeny. Arringkerr apmwel-areth mpwarek, ampwal atyenh anyelkel inerl-alhemel.’” Warrkenhel inngantey renh-rnem arey-alhek angath-antey alperl-anenty.
1335	GEN 44:10	Warrkenhel ilek, “Anyent ingweran atha aletharl anterrkwem, warrk ilkwa anthaynteyek. Ingwer-rnem atha tyarleweman.”
1360	GEN 45:1	Joseph ra artnenh-anem. Warrkenh ikwerenh-rnem ra ilek, “Aketh-warl tyerrelhenherr-arey!” Awayenheng rernemant-anem aneyelpek. Ra ikwer-rnem-warl ilelhek-anem, “Ayeng Joseph-arl.”
1637	EXO 5:4	Pharaoh angkek-anem Moses ikwer-atherr, “Ilek-kety mpwel Israel-kenh-rneman warrk-kety akngem wenh? Warrkan impenarl! Rernem akngerrarl! Warrk-kety mpwel arrkngert angkeyel! Iley-alpenherr-atherr ikwer-rnem-warl, ‘Arrantherr warrkirr-ayntetyek!’”
1640	EXO 5:7	“Israel-kenh-rnem rernem alhengkerrirrek warrk ilkwekety. Rernem arlkarirrek, bricks akngerr mpwarekerr menty. Warrk-kety-anem rernem arlkarerreyel, warrk-kety ipmelhetyek-anem. Alakenh rernem ayenh ayerneyel, ‘Anwernantherr arlpaw-warl alhetyek, aker tyenkerr arrtyemel anthetyek Akngey anwekantherrenhek.’ Israel-kenh-rnemek ayeng awelhey-angenharl. Arrantherr anthenh Israel-kenh-rnem atherrk arleny, bricks mpwaretyek. Nhepenh-anyem arrantherr atherrk arleny anthey-angenh-anem, menty-anem. Ilenherr-arey Israel-kenh-rnem, ‘Atherrk arlenyek ament nthweynetyek, bricks mpwaretyek. Wetharl akngerr mpwarenh-apeny, alakenh mpwaretyek!’ Bricks irrpetyap apek rernem mpwarenty alhengkerrel, renh-rnem iltenherr-arey alhengkerrerrentyan.
1644	EXO 5:11	Ra ilanthek arrpemarl, arrantherr atherrk arleny nthwemel akwetyetyek. Alhengkerrerrey-angenh warrkirretyek. Wetharl akngerr mpwarenh-apeny, alakenh mpwaretyek!”
1646	EXO 5:13	Egypt-arenyel-rnem renh-rnem irrwampenh-anthek, arnterr warrkirretyek. Rernem ilek, “Iparrp warrkirrenherr-areyay! Warrkirretyek wetharl arrantherr awank warrkirrek-apeny, bricks akngerr mpwaremel.” Ikwer-penh Israel-kenhel-rnem bricks akngerr mpwarey-angenh, arrangkw. Atherrk arleny akelyarl akwetyek, bricks irrpetyapant mpwarek.
1762	EXO 9:19	Warrkenh ngkwenh-rnem thwena apmer arrpanenh-warl. Renh-rnem ila, pwelek-rnem atnwenth ingwer-rnem-then anyenteletyek, warl ikwer-rnem-kenh-warl renh-rnem akwernetyek. Ingwepenh apertewel Egypt-itwek atwem-kety. Ingkerrenh-antey atwem-kety akethel rtneyel-rnem artwernem-then atnwenth-rnem-then. Akethel rtneyel-rnem ingkerrenh ilwenherrem.’” Alakenh Moses-el Pharaoh ilek.
1764	EXO 9:21	Warrkenh Pharaoh-kenh ingwer-rneman Moses-ek awelhey-angenh, angka INGKART-kenhek. Warrkenh-rnem tyayl-areny-apeny-rnem ikwer-rnem-kenh atnwenth-rnem-then rernem akngetyey-angenh warl ikwer-rnem-kenh-warl, akwerney-angenh. Akethel-antey rtnenherrenh.
1781	EXO 10:3	Moses Aaron-then Pharaoh-warl angketyek alhek. Warl ilkwa ikwerenh-warl aylpenhek, ratherr Pharaoh ikwer-warl angkey-alhek-anem, “Alakenh-anyem INGKART anwernekantherrenh ngkweng-warl angketyek, ‘Nga atyeng arleng-alenty awelhey-angenh, ngap tnakelheyelant. Atyenh-rnem apmer arlpaw-warl alhetyek, aker tyenkerr rernem ayenh arrtyemel anthetyek, atyeng inkwerelhemel. Ikwer-rnem arrngert angkey-angenh, tyarlewa renh-rnem!
1785	EXO 10:7	Warrkenh-rnem ikwerenh Pharaoh ikwer-warl angkek-anem, “Moses nhenhan anwenhantherrenh kwantheyelan. Ra apmwel-areth anwenhantherrenh mpwareyel, apmer nhenh-itwek. Ilek-anem nga menty angkeyel Moses-ekan? Israel-kenh-rnem tyarlewa apmer nhenh-they, rernem arlpaw-warl alhetyek, INGKARTek Akngey ikwer-rnem-kenhek tnakemel inkwerelhetyek. Ntwa iterl-areyel, ra apmer nhenh Egypt kel apmwelek.”
1833	EXO 12:16	Arlta anyent arrwekel ikwerel-anem arrantherr akarrirretyek, atyeng inkwerelhetyek wenh arlta anyent ingkern 7 ikwerel-then. Arlta atherrel, nthakenh arrantherr warrkirrey-angenh, arrangkw. Warrkant ipmenherr-arey, amernant alhewer ampernemel.
1861	EXO 12:44	Israel-kenhel apek warrkenh apmer ingwer-areny inem payemeletyek. Kel artwerrenty-penhel warrkenh rap aker tyenkerr alhewer-anem ra arlkwem. Warrkenh ra ampa apek, nthakenh aker tyenkerr arlkwey-angenh, arrangkwarl.
2436	EXO 31:15	Warrkirretyek Sunday-they Friday-ek-atwetyant arlta 6-ek-atwetyant. Alakenhan mwerrarl. Saturday arrpanenhel ltyerrayntetyek warrkirrey-angenh. Arlta Saturday-el arrantherr INGKARTek iterr-ayntetyek inkwerelhemel. Ingwerenty apek Saturday-el warrkirrenty, ipmek-antey renh atwem.
2450	EXO 32:11	Moses-el amperrngerremel ayernek INGKART, “INGKARTay! Ahelerrey-angenh ngkwenh-rnemek. Weth-rnem ntwa atnwenhey-alpek Egypt-they arawerrng rlterrkel.
2470	EXO 32:31	Moses alhek INGKART-warl ayernetyek, “Weth-rnemel apmwel-areth mpwarek. Rernem pwelek gold-penh mpwarek, ikwer kwenirr-ayntetyek inkwerelhemel.
7175	RUT 3:1	Wik irrpetyap-penhan Naomi angkek Ruth-ek, “Anherreyay, atha artwa ngkweng inetyek, ngenh arntarnt-aretyek.
7256	1SA 2:14	Warrkenhel fork arlpenty ilkwel atanthenh. Aker akngerr apek ra inenh, aker akely apek. Ratherr inenh alakenh apmwel-ayeth akngerr-wenh. Ratherrap Israel-wenh-rnem ingkerrew irrkaty-angkwarr mpwarenh, rernemarl alhenh apmer Shiloh-warl, aker INGKARTew anthaynteyew.
7258	1SA 2:16	Artwel ra apek tyernem, “Alerl anter-tangkwel arrtyey-ingkerr. Ntwap aker inem-anem.” Warrkenh ran angkenh, “Arrangkw! Anamerl ayenh anthay, rakerl-alhewerr-anem atha ngenh!”
7279	1SA 3:1	Awey Samuel-el ra artwamp ingkart Eli alpemelenh. Warrk ikwerenh alakenh ayntenh INGKARTew. Eli artwamp innganem irrew, arrkay-anem arenh. Rarl anenheng-arey, INGKART irrpetyapewant angkenh. Irrpetyapelant altyerr INGKART-wenh arenh. Ingwa ingwer-ingweran artwamp ankwayntenh.
7326	1SA 5:5	Warrkenh Dagon-wenh-rnemel ampwal arnangelew arriw-wety. Rernem ingwer-rnem-then arraty alhey-angenh-anemarl arriw-angkwarr. Rernem atnarnpenhenh-anem ikwer-angkwarr, warl ikwer-warlarl aylpenhenhan, ampwal renh lthwenewerr-arrpantey. Rernem atnarnpenhenh-antey angka nhenhan ingkwernenheng-arey.
7399	1SA 9:6	Warrkenhel tyernew, “Alerl-antey. Artwamp weth-alew, angka Akngey-wenh-akert? Ra apmer nhel arrer-antey aneyel. Tyak inngarl ran. Aylanth renh ayernemer. Ra apek iterl-areyel, tangkey-rnemarl alpew.” ...
7420	1SA 9:27	Samuel angkew-anem ikwer, “Artwa warrkenh yanh thwena, arrwekel irreyew. Ngan alerlarl mpwelha. Atha ngenh angka INGKART-wenh-tangkwel iley-alkenh.” Warrkenh ra anperl-alhew arrwekel.
7612	1SA 16:15	Warrkenh ikwerenh-rnem angkew ikwer, “Atyetyartay! Anantherr areyel, INGKARTelarl inweng apmwa ngkweng-warl thwenew, ngenh alhengkerr-antheyew.
7615	1SA 16:18	Warrkenh anyent angkew, “Atha iterl-areyel artwamp anyent Bethlehem-areny itnan Jesse-arl. Alerikw anyentan ikwerenh akaltyarl, ranap artwa mwerr-angker akelyarl. Ra anaynt angkem, ranap ater-weny arnkatyarl. INGKART arrer innga anem ikwer-itwel.”
7807	1SA 22:17	Rap warrkenh ikwerenh-rnem ilanthew, “Artwa ingkart-rnem ingkerr atwenh-arey ipmew! Rernem awelheyel David-ew, atyeng awelhey-angenharl. Rernem iterl-arew, rarl atyeng-wety anterrenh, atyeng iley-angenh, arrangkw!” Warrkenh-rnemelanap nthakenh INGKART-wenh warrkenh-rnem atwey-angenh.
7875	1SA 25:11	Warrkenh atyenh-rnemewant atha antheman amern aker-then kwaty-akerr. Nthakenh atha anthey-angenh arrewantherrant atyenh-rnem-wetyan. Atha arrenhantherrenh iterl-arey-angenh. David-el thweney-angenh apek arrenhantherrenh?”
7878	1SA 25:14	Warrkenh anyent Nabal-wenh anterrew akelty Nabal-wenh-warl Abigail-warl, iley-alhew-anem, “David-el thwenew angkakert-rnem apmer ikwer-they, atyetyart anewantherrenhew angkeyew. Ranap apmwel-ayeth angkew ikwer-rnem.
7883	1SA 25:19	Warrkenh ikwerenh-rnemew ra angkew, “Arrantherr arrwekel alhenh-arey. Ayengan ingkern-theyarl alhem.” Artwa ikwerenhew ra iley-angenh.
8185	2SA 7:2	Rap angkew artwa angkakertew Nathan-ew, “Ayengan aneyel warl mwerr-angker ilkwa nhenh-itwew, box impen Akngey-wenh ranap rtneyel kalikw-itwew-antey! Warl ingwer atha arteyew box ikwer.”
8189	2SA 7:6	Warlel ayengan aney-angenh, atharl atnwenhenheng-arey Israel-wenh-rnem Egypt-they. Aleyan ayeng warlel aney-angenh arrpemarl, kalikwel-anteyarl aneyel. Kalikwel-antey ayeng anenh, Israel-wenh-rnemarl alhenh ikwer-akert apmer arrpanenh-warl.
8265	2SA 11:3	Rap warrkenh ikwerenh thwenew, alakenh ayerneyew, “Angwenharl raw nhenhey?” Warrkenh rap apey-alpew ilemel, “Bathsheba-arl yanhan, Eliam-wenh alerikw. Mpwernikwan ikwerenh Uriah-arl Heth-wenh-antey.”
8272	2SA 11:10	Warrkenh anyentel David ilew, “Uriah-an ayntey-alpey-angenharl warl ikwerenh-itwew.” Rap warrkenh renh ilew, Uriah ingweyew. Rarl apetyew, David-el renh ayernew, “Ilek-wety ngan alpey-angenh, ltyerreyew? Artewentyarl nga warrkerrenh, arleng-they-then nga apetyew.”
8407	2SA 15:15	Warrkenh-rnemel tyernew, “Ya atyetyartay! Anantherr ngkweng awelhem, ntwarl ilem-angkwarr.”
8451	2SA 16:22	Warrkenh-rnemel kalikw mpwarew warl irrwerl-itwew, akngerrel areyew. Alerikw David-wenh ra aylpenhew arelh 10 ikwer-rnem-warl nyerr-weny.
23317	MAT 5:14	Lyenentyel arrtyernem-apeny, iwerr aketh arem. Ahern-areny ingkerrenhel arrenhantherr aketh-antey arem arrpemarl, nthenh-angkwarr alheman. Warl-rnem apwert irrwerl-itwek artelhenharl. Ingwer-rnemel anaynt arem arleng-they. Ingwer-rnemel arrenhantherr anaynt arem arrpemarl, rernem arraty-angkwarr apenteyelan.
23410	MAT 7:25	Kwaty-anem rntwey-alhek, atnyerr ilkwanem alhek. Warl atakelhey-angenh arrangkw, ra anyentel-antey apwert rlterrk ikwerel cement-apeny-itwek artelhenh.
23412	MAT 7:27	Kwaty ilkwa rntwey-alhek. Atnyerr alhek, awerel rlterrk pwey-alhek, warl apmwamwam renh-anem atakenhek, kel. Warl rlterrk intem-antey aneyenh, warl apmwamwam arrangkwarl, angath-antey atakelheyel. Artwa akalty intem-antey aneyel, Akngey-kenh. Artwa arwengk angath-antey ywerreyenh, warl apmwamwaman angath-antey ywerremel atakelhek-apeny.”
23471	MAT 9:23	Warl atyetyart-kenh-warl ra aylpenhek, ra arek ingwer-rnemarl artnalhelirrenh.
23498	MAT 10:12	Warl ikwer-warl aylpentyel, Akngey ayerna, renh-rnem ingkerrenh arntarnt-aretyek.
23635	MAT 13:27	Warrkenh ikwerenhel-rnem renh ayernek, ‘Nthakenharl atherrk apmwa nhenh-rneman lyapek mwerr-itwelan?’
23636	MAT 13:28	Atyetyartel renh-rnem ilek, ‘Artwa apmwel atherrk apmwernem lyapelhiletyek.’ Warrkenh ikwerenh-rnem angkerrenh, atherrk apmwernem tyerreynetyek. Rernemap renh ayernek, ‘Atherrk apmwernem anwantherr tyerreyneyarl?’
23647	MAT 13:39	Atherrk apmwa iwey-angkeran anayntileyel arrentyan. Warrkenh-rnem anayntileyel angel-rnem.
23827	MAT 18:31	Warrkenh ingwer-rneman ikwer amperrngirrek. Rernem-anem atyetyart renh ilek, ‘Artwa warrkenh ingweran tyayl-itwek aneyel.’
23861	MAT 19:30	Akngerr ilkelheyel Akngey-angkwarr apentetyek. Akngerr arrkernelheyel Atyetyart ilkwa anetyek, warrkenh iylpareth-rnem-they. Rernem arrangkwarl. Warrkenh iylpareth-rnem rernemant Atyetyart ilkwa aneyenh.”
23928	MAT 21:33	“Arrantherr atyeng awelhenherr-arey. Apmerek-artweyel amern grapes lyapelhilek, parrik apwert-penh artek, amern grapes lyapetyek parrikel kwen. Warl arlpenty ra artek, artwa anyent irrwerl anayntetyek, arntarnt-arelherl-anemel, ingwerenty irrtyert apetyekerr amern aketyek. Irrkanem kwen angernemel, amern grapes lthwayntetyek, akarr areyirretyek. Atyetyartel warrkenh-rnem arrernek amern grapes arntarnt-arayntetyek, ra apmer ingwer-warl alhey-kety. Kel ra apmer ingwer-warl alhek.
23944	MAT 22:3	Warrkenh-rnem thwenek, ingwer-rnem ikngwerl-alpetyek. Rerneman arlkarirrek ikwerety.
23993	MAT 23:6	Warl ikwer-warl rernem anyentirrem, angkerr-ayntetyek. Rernem arrwekel-warl arrernelheyel arrkngelemel ingwer-rnem-kety, rernemant tnakelhetyek. Ingkerrenhel inkwerelhemel amern arlkwetyek, rernemant arrwekel-warl arrernelhetyek arrkngelemel ingwer-rnem-kety, rernemant tnakelhetyek.
24014	MAT 23:27	Arrantherr iterl-arelheyel arraty-angkwarr-arrpanteyarl. Arrantherr arlka kwenan apmwakert-anteyarl! Warl mwerrarl intelheyel-arrpantey ntwa arem, warl apmwarl kwenan. Arrantherr apmwakert-antey aneyel, warl mwerr-arrpantey intelheyel-apeny.
24027	MAT 24:1	Jesus ra tyaty ilkwa iwerl-alhek-penh, kwertengerl ikwerenh-rnem apetyek ikwer-warl angkemel, “Warl nhenh-rnem ara!”
24071	MAT 24:45	“Artwa ilkwa anyent anem warrkenh akngerrew-artey. Atwerrpan ra angkem ikwerenh-rnemek, ‘Ayengarl alhem-kety, arrantherran warl atyenh akarerl-ayntenherr-arey! Mpwelherl-anemel, ayengant apey-alpetyek-atety, arntarnt-arelhemel.’ Akngerr apmer ikwerel akarrirrem, amern akngerr inkwerelhemel amern kwenty arlkwerrem. Ingwa ikwerel-antey artwa ilkwa ra alpem warl ikwerenh-warl. Warrkenh ikwerenh-rnem atyek-antey anem, arntarnt-arelhem ikwer lyenenty-akert. Artwa ilkwan inkwerelhem, warrkenh ikwerenh-rnemarl atyek-antey ikwer mpwelhemek, rarl ilanthek-angkwarr. Ra renh-rnem ilem arrernelhetyek, rap amentel-antey amern-anem ampernem, rernem arlkwetyek.
24074	MAT 24:48	Warrkenh ingweran arraty warrkirrey-angenh. Ra iterrem, ‘Atyetyart atyenh apey-alpey-angenh-antey, ywerreyel-antey.’
24075	MAT 24:49	Warrkenh apmwa ra warrkenh ingwer-rnem atwem. Ran aynterlant-anem, amernant akngerrarl arlkwemel, ngkwarl-then antywem, terangk irretyek-atwety.
24076	MAT 24:50	Warrkenh apmwa apal ayntem, atnaraty, atyetyartarl apey-alpeyenhek. Ingwer-ingerant atyetyart apey-alpek anyelkel.
24088	MAT 25:11	Ikwer-penhan aleyak akwerrp-rnem apey-alpek-anem warl ikwer-warl arrpemarl. Rernem arlkek, ‘Ingkartay! Warl altywerilay! Warl altywerilay! Anwernantherr aylpenhetyek arrpemarl!’
24099	MAT 25:22	Warrkenh ingwer 2,000-arl anthek, ranemarl ilelhek, ‘Atha 2,000 ingwer-anem ngkweng mpwarek.’
24101	MAT 25:24	Warrkenh ingweran 1,000-akertel atyetyart ikwer ilelhek, ‘Ayengan arrangkwarl. Atyetyartay, ngan artwa awerrarl. Ntwa arwa alhewer man iney-angkeran ingkerrenh-they.
24107	MAT 25:30	Warrkenh apmwa akwerr-ampeny-warl irrenteyenh, atayel arrangkeyel-rnem-warl.’”
24238	MAT 27:40	Rernem arlkek, “Weth ntwa anwernenhantherr ilek, ntwarl tyaty ilkwa Jew-rnem-kenh atakenty-penhel, ntwa tyaty ilkwa ingwer-anemarl artetyek akwel. Ngan arlertek ilkwakert akwel. Nga ament-anem itethelhila! Atwarra arwerl iylpeyl-atherr-they!”
24331	MRK 2:2	Rernemap akarrirrenhey-alhek-anem. Warl kwenan arrkngelek akngerrel, ingwer-rneman rtnenherrenh arriwelarl, Jesus-kenh angka awetyek. Jesus-el ilenh Akngey-kenh angka ikwer-rnem.
24725	MRK 11:16	Jesus arrkngert angkek ikwer-rnem, “Warl nhenh-angkwarr nthakenh aker akngey-angenh.”
24820	MRK 13:34	Atyetyart inwekel alhem-kety, ra warrkenh-rnem arrernerl-alhem, rernem apmer ikwerenh akarerl-ayntetyek. Warrkenh anyentel warl iwerr renh arntarnt-arem atyekel-antey, ingwer-rnem aylpenhey-alhekerr apmer-warl. Warrkenh-rnemel iterl-arey-angenh ilenger Atyetyart ra apey-alpeyenh, atwerrp apek, ingwa ampepel apek, ingwepenh apek. Atyek-antey mpwelhayntenherr-arey atyeng!