84	GEN 4:4	Abel ra yep-yep akwerrk atwemel, INGKART ra tyenkerr anthek arrpemarl. Yep-yep akwerrk lyertenyankarl atnyenek. Abel-el aker atwek, ra INGKART renh tyenkerr anthetyek. Aker ikwer-penh ra tyelk mwerr-rnemant rlwanemel INGKART renh tyenkerr anthetyek, mpwerrkenty anter-akngerr. INGKART Abel ikwerant inkwerelhek, renharl ra tyenkerr anthekek.
221	GEN 9:15	Nthakenh atha atnyerr ilkwel atwey-angenh ywerrelhilemel aleth-antey. Yanh-angkwarr atha ilek, nthakenh atwey-angenh.
430	GEN 18:5	Amern-then atha arrekantherr iney-akenh alethel arrantherr alpetyek.” “Ya, kel mwerr,” rernem angkek.
479	GEN 19:21	Angel-el ilek, “Ya, kel mwerr, atha apmer renh atwey-angenh.
527	GEN 21:13	Arelh warrkenh-kenh ampikw yanh menty-anem. Yanhan alerengkw ngkwenh arrpemarl. Ikwer-they akngerram-akngerrirreyenh arrpemarl.”
550	GEN 22:2	“Isaac, alerengkw ngkwenhant aknga apmer yanh-warl, Moriah-warl. Atyeng aknga Apwert renhan atha ngkweng tnernemarl. Aknga renh tyenkerr-anem atyeng. Atwey-alha renh, tyenkerr-anem. Ikwerek-anem tyenkerr-anem atyeng atwa! Yanhan alerengkw ngkwenhan.”
555	GEN 22:7	Awey rap apatey-alhek, “Aker nthenharl ngkwenh tyenkerrew? Yep-yepew?” Abraham renh-anem ayernenh. Awey apatenh-anem. Abraham-anem ikwer angkenh, “Akngeyelarl tyenkerr anthem.”
560	GEN 22:12	“Ipmay! ipmay! Abraham ipmay!” Angel-an angkek. “Abraham ipmay! Atwey-angenh! Yanh atha ngenh iterl-areyel-anem. Alerengkw ngkwenh ayenh anthek ntwa. Ngkwenh. Anyent-antey. Impen-antey. Iterl-areyel-anem. Athap ngenh anthem ampa arnkengeny-anem. Akngerr-anem.”
752	GEN 27:24	“Nga alerey atyenh Esau innga?” Isaac-el ayernek. “Ya, ayengan alerengkw ngkwenharl, Esau-arl,” Jacob-el irrtywerremel ilek.
798	GEN 29:2	Ra ngenty-anem arey-alhek. Ngenty ra apwert-rnemel artekarl. Yep-yep akngerr rtnenherrenh, kwaty ngenty-itwel, apwertelarl artek-itwel.
799	GEN 29:3	Yep-yep arntarnt-arey-angker-rnemel apwert renh arnangilek, yep-yep-rnem kwaty anthwengiley-alkenh. Kwaty yep-yep-rnemarl ayntwek-penh, rernem angkep arrpemarl marteynenh apwert ikwerel-antey.
862	GEN 30:31	Laban-el renh ayernek, “Ilek atha ngenh antheman, nga nhel atyeng-itwel anetyek? Ilek-angkwarr ngkweng mwerran?” Jacob-el renh ilek, “Kel menty, man-weny. Ngkwelty ntwa ayenh antheyang. Yep-yepel-then nanikwetel-thenant ntwa ayenh kwartewa.
872	GEN 30:41	Yep-yep rlterrk-rnem-kety arwerl-rneman alperr-akertan rnkernenh arrpemarl ra. Alakenh-anyem Jacob-el arlwerrek ikwerenh-rnem rlterrk ingkerr. Laban-kenh-rnem rlterrk-weny-antey.
873	GEN 30:42	Yep-yep-rnem nanikwet-rnem-then mwerr ingkerrenh arntety-weny akngerrirrek ikwerenh.
884	GEN 31:10	Kel atha altyerr arek, atnwenth-rnem ingkerrenh. Yep-yep-then nanikwet-rnem-then akngerr inngan anek, lthweyakw-lthweyakw ingkerrenh.
912	GEN 31:38	Iterl-aray, ayengarl ngkweng warrkirrek aherrety 20-ek-atwety. Yep-yep akwerrk-rnem arek ilwey-angenharl mwerr. Ingkerrenh mwerr itethewek. Yep-yep irrwey atha anyelkel ngkwenh iney-angenh, inemel atwey-angenh.
1085	GEN 37:1	Jacob ra apmer Canaan-itwek anenh, aynikw ikwerenharl Isaac anenh-itwek. Angka nhenh Jacob-kenh-rnem-akert. Joseph aherrety 17-anem anenh. Yep-yep-rnem-then nanikwet-rnem-then arntarnt-arenh, atherrk-warl ra akngenh, apmer Shechem-itwek. Kakey ikwerenhel-rnem. Aynikwel Joseph thwenek awayengkw-rnem-warl, “Alha yep-yep-rnem arntarnt-arayntetyek.” Joseph awayikwel-rnem-then yep-yep-rnem arntarnt-arek. Amikw ingwer atherr-kenh Bilhah-kenh-rnem, Zilpah-kenh-rnem. Jacob-kenh anew atherr-kenh. Joseph-el aynikw ikwerenh angka apmwa ikwer-rnem ilenh.
1103	GEN 37:19	“Yanh ra apetyeyel altyerr arey-angker, tnakelherl-aney-angker. Atyetyart ilelherl-aney-angker! Mpa, anwingkerr ywerrelhemel atwey!
1204	GEN 41:8	Ingwepenh Pharaoh ra artewentyel iterrek. Artwa ingwerek-ingwer-anem yangkelhek, ra renh-rnem ayernetyek, rarl altyerr arek-penh. Ngangker-akert-rnemek ra yangkelhek. Ywarn-antey ra renh-rnem ayernek. Rernem ikwer arraty anaytiletyek-arrpantey, ywarn-antey rarl altyerr arek.
1326	GEN 44:1	Joseph-el warrkenh-rnem ilek, “Yakweth-rnem-warl amern arriwek-atwety arrernerr-arey.
1563	EXO 2:8	Kwey aleyak angkek, “Ya! Kel mwerraw! Kel anamerl alhay ikngwetyek!” Angkwerikw alhek, amikw ikwerenh ikngwetyek. Kel-anem ra ikngwerl-alpek amikw ikwerenh kwey aleyak-warl.
1589	EXO 3:9	Ya, atha aweyel, Israel-kenh-rnem arlkeyelarl. Atha iterl-areyel, Egypt-areny-rnemelarl renh-rnem irrwampenh-anthemel atwenh.
1594	EXO 3:14	Akngey itnewelhek-anem, “Itnan ayeng Yaway, alakenh anayntileyel, ‘AYENGARLAP ALETHARL ANEYEL’. Ntwa Israel-kenh-rnem ila, ‘Yanhey-antey, rarl ayenh thwenek.’”
1601	EXO 3:21	Yew, Egypt-areny-rnem aterirreyenh ngkwengety Israel-kenh-rnem-kety-then. Arrantherr alperlewenty Egypt-they, Egypt-areny-rnemel ilek-ilek akngerr anthem arrekantherr.
1616	EXO 4:14	INGKART ahelerrek Moses-ek, ra angkek-anem, “Yaw! Awayengkw ngkwenh Aaron-alew? Ranap Levi-kenh arrpemarl. Atha renh ilanthem ngkweng-angkwarr alhetyek. Angka rlterrk-akertarlap ran. Aaron-el ngenh arentyel, rap irrkngerneyarl irreman.
1721	EXO 8:6	Pharaoh angkek Moses-warl, “Ingwelarreng INGKART ayerna.” Moses angkek, “Ya! Ayeng angkem INGKARTek ingwelarreng. Antyetyerr-rnem ingkerrenh alpetyek ngkweng-they, warrkenh Egypt-areny-rnem ingkerrenh-they. Rernem warl-rnem-they tyerrelhem, kwaty lher Nile-warl ingkerrenh alpem. Ikwer-penh ntwa iterl-arem INGKART ra innga anyent-antey, Akngey anwekantherrenh, ingwer-rnem-apeny-weny.”
1729	EXO 8:14	Ikwer-penh ngangker-akert-rnem arrkernelhenh, aheny-rnem ahern-they tyerretyek-arrpantey, ikwer-rnem-kenh-angkwarr. Ywarn-antey arrkernelhenh, arrangkw. Aheny-rnem artwernem-itwek atnwenth-rnem-itwek anenh-antey.
1736	EXO 8:21	Pharaoh-el thwenek warrkenh anyent Moses Aaron-then ikngwerl-alpetyek. Pharaoh angkek ikwer-atherr, “Ya! Apmer nhek-antey arrantherr aker tyenkerr arrtyemel antherl-ayntetyek Akngey arrekantherrenhek!”
1739	EXO 8:24	Pharaoh-el ilek Moses-ek, “Ya, arrantherr alhenherr-arey arlpaw-warl Egypt-they. Arleng alhey-angenh. Angath-antey alhenherr-arey, aker tyenkerr arrtyemel anthetyek INGKARTek Akngey arrekantherrenhek. Alhey-alentyel, ayerna INGKART, ameng-rnem irrentetyek anwernekantherr-they.”
1740	EXO 8:25	Moses angkek ikwer, “Ya. Ayeng alpem, ayeng angkey-alpem INGKARTek. Ingwelarreng ameng-rnem ngkweng-they alpem, warrkenh ngkwenh-rnem-they-then Egypt-areny-rnem-they-then. Atyeng awelha! Irrtywerremel iley-angenh! Arrngert angkey-angenh, anwernantherr arlpaw-warl alhetyek, aker tyenkerr arrtyemel anthetyek INGKARTek.”
1786	EXO 10:8	Kel warrkenh-rnem alhek, Moses Aaron-atherr ikngwerl-alpek. Pharaoh angkek ikwer-atherr, “Ya! Kel alhenherr-arey apmer arlpaw-warl, tnakemel inkwerelhetyek INGKARTek Akngey arrekantherrenhek. Atha arrenhantherr menty tyarlewem, arrngert angkey-angenh-anem. Kel angwenharlap apmer arlpaw-warl alhem. Akngerr?”
1802	EXO 10:24	Pharaoh-el thwenek warrkenh renh, Moses ingwerl-alpetyek. Pharaoh ikwer angkek, “Ya! Arrantherr alhenherr-arey apmer arlpaw-warl, INGKART tnaketyek, ikwer inkwerelhetyek. Atha arrenhantherr nthakenh antwerrkey-angenh. Arelh-rnem-then ampernem-then atnwenheynenherr-arey. Pwelek-rnem-then yep-yep-rnem-then nanikwet-rnem-then nhel-antey anerl-ayntetyekarl.”
1822	EXO 12:5	Yep-yep ilek-apeny arrantherr rlwanem wenh, arlkwetyek? Yep-yep ampwerrk aherrety anyentel ilkwerrek irrwey mwerr-angker rlwanetyek, alyelk inngarl. Yep-yep-wenyelan nanikwet irrwey akely rlwanenherr-arey.’”
1823	EXO 12:6	INGKARTel renh-atherr ilek, “Yep-yep renh inenty, arrantherr renh arntarnt-aretyek arlta 4-ek-atwety. Ikwer-penhan ingkeny aylpenhentyelan, Israel-kenh-rnem arrantherr aker yep-yep atwetyek-anem inkwarteyel, warl arrpanenh-itwek-anem.
1839	EXO 12:22	Yep-yep atwentyel, arrnga tyampit-warl thelenh-arey. Ikwer-penh alperr tyekert arrnga-warl apelyelem. Arriw-warl apernem akern-ampeny irrker-atherr. Arrantherr anenherr-arey warl kwenel-antey ingwepenhek-atwety. Aketh-warl tyerrelhey-angenh.
1841	EXO 12:24	INGKARTel ilek, “Arrantherr angka nhanyem apentenherr-arey intem-antey. Yep-yep akely arrantherr atwenherr-arey aherrety arrpanenhel, intem-antey. Angka nhenh atha arrernek arrekantherr, aler-rnem-then arrengey-rnem-then artartey-rnem-then, arrantherr apenterl-ayntetyek intem-antey.
1845	EXO 12:28	Ikwer-penh rernem apmer-warl-anem alpek. Yep-yep rernem atwek, warl-anem arriw ingkerrenh arrngel aperneynenh, INGKARTel Moses-then Aaron-then ilek-angkwarr-antey.
1849	EXO 12:32	Yep-yep-rnem pwelek-rnem-then atnwenheynemel ingkerrenh-antey. Alhenherr-arey ikwer-rnem-akert apmer arlpaw-warl. INGKART-anem ayernenh-atherr, ayenh-then arntarnt-arayntetyek.” Alakenh-anyem Pharaoh-el ilek Moses-atherr Aaron-atherr.
1851	EXO 12:34	Israel-kenh-rnem rernem arrwekel-antey arlengarr amern arletyenp-warl kwaty thelek, amern mpwaretyek. Pikinpat arrerney-angenh-antey. Israel-kenh-rnem anyentarl-anyentarl arlengarr amernenp renh arrernek-anem yakweth-warl. Yakweth amernenp renh arertnek anpeth-warl, akngeyn-ayntetyek.
1855	EXO 12:38	Apmer ingwer-areny-rnem alhek arrpemarl, Israel-kenh-rnemel-arleng. Rernem ingkerrenh-antey alhekan. Yep-yep-rnem pwelek-rnem-then nanikwet-rnem-then akngerr atnwenheynek.
1869	EXO 13:1	INGKART angkek Moses-ek, “Israel-kenh ingkerrenh ila, ‘Artwa arelh-then ratherr awey arrwekeleny INGKARTek anthetyek, warrkirr-ayntetyek ikwer. Pwelek irrwey akely arrwekeleny Israel-kenhel-rnem tyenkerr INGKARTek anthetyek arrpemarl. Yep-yep-then nanikwet-then tangkey-then irrkaty-angkwarr ikwer anthetyek arrpemarl. Arrwekeleny-rnemant INGKART-kenh ingkerrenh, ingwer-rnem mentyarl.’”
1881	EXO 13:13	Tangkey irrwey akely arrwekeleny-akert apek, arrantherr arrekantherr atnyen-ayntetyek. Alakenh-anyem mwerr. Tangkey ntwa atnyenentyel, ntwap yep-yeparl atwemel anthetyek INGKARTek. Ikwer-penhan ntwa tangkey yanh ngkwenhant-anem atnyena. Yep-yep atwey-angenhel, tangkey yanh atwa rtemal arternemel INGKARTek, yep-yep mentyarl. Awey arrwekeleny-rnem arrekantherrenh arrantherr INGKART-they angkep payemeletyek.” ...
1893	EXO 14:3	Pharaoh ra alakenh-anyem iterrem, ‘Ya nthakenh Israel-kenh-rnem anterrey-angenh aleyan, rernem iterl-areyang, nthek-angkwarr alpetyek wenh. Rernem atyengety anterrey-angenh. Arrangkw aleyan. Atha renh-rnem antwerrkeyenh arrer-antey arlpaw-itwek.’ Alakenh-anyem Pharaoh ingwer-inger iterretyek.
2169	EXO 23:24	Yanh-areny-rnemel mpwarem altyerr-arrpantey-rnem apwert-penh arwerl-penh-then gold-penh-then. Altyerr-arrpantey-rnem ikwer-rnem-kenhek kwenerrey-angenharl anetyek arrantherr, angka ikwer-rnem-kenhek awelhey-angenh anetyek. Altyerr-arrpantey-rnem ikwer-rnem-kenh ingkerrenh ngkweltyeletyek. Apwert arlpenty-rnem ikwer-rnem-kenh ingkerrenh ngkweltyeletyek arrpemarl.
2493	EXO 33:19	INGKART angkek ikwer-warl, “Ya. Ayeng ngkweng-angkwarr rwaylpenhem. Ayeng ngkweng aremirrem. Ntwa aretyek, ayengarl mwerr-angker innga. Ayeng ngkweng itna mwerr-angker atyenh-anem ilelhetyek. Itnan atyenh INGKART. Ayeng ilkelhenty atha ingwer-rnemek amperrngirremel arntarnt-arem arrpemarl.
2500	EXO 34:3	Ingwerenty akngetyey-angenh, ngant apetya. Ingwer-rnem ila, ‘Apwert nhenh-warl apetyekerr!’ Yep-yep-rnem-then pwelek-rnem-then renh-rnem antwerrketyek, atherrk apwert ilkwa-angkwarr rernem arlkweynekerr.”
7130	RUT 1:1	Awank-akerr artwa anyent anenh itnan Elimelek. Rap tawen Bethlehem-itwel anenh Judah-ampeny-itwel. Ranap Ephrath-kenh-antey. Anewikw ikwerenh itnan Naomi. Youngfella ikwer-atherrenh itna Mahlon-then Kilion-then. Ingwer-ingweran apmer ra arlenyerrek-anem. Elimelek-rnem angwayak anenh, rernemap Bethlehem iwerl-alhek, apmer ingwer-itwel Moab-itwel aney-alpek-anem.
7141	RUT 1:12	Ya, apmer-warl-anem alpetyek. Ayengan arelhampw-anem, nthakenh itengerrey-angenh-anem. Anherrey-atherray, arwa angkeyel-anem. Ayeng apek lyert ingwel artwitwel intengerrem, ikwer-penh ingwer-ingweran awey atherr-anem atnyenemel. Nthakenh-anem irrem?
7142	RUT 1:13	Mpwelan nthakenh mpwelhey-angenh awey ikwer-atherr arrpemarl, ratherrarl alkenherretyek! Arrangkw wenh, alakenh-weny! Mpwel amperrngerremel anerl-anekerr inpert-antey arleng-alenty. Ya, rlterrk-anem aynteyel mpwelek. Rlterrk innganemarl aynteyel atyeng. INGKARTelan ayenh artewentyel irrwerneyel, amperrngelemel.”
7164	RUT 2:13	Ruth angkek ikwerek, “Ya, atyetyart. Ngan mwerr atyeng aneyel, ngap mwerr-angkwarr angkeyel atyeng. Ayengan iterreyel, nga alakenh apek anayntem atyeng. Ayengan arelh warrkenh ngkwenh-wenyarl, ntwanap ayenh arntarnt-areyel.”
7172	RUT 2:21	Ruth angkek-anem, “Yew-yew, artwel ayenh ilek, warrkenh ikwerenh-rnem-itwel pweyterretyek, ntang akwety-ayntetyek. Ra angkek atyeng arrpemarl, ‘Mwerr ntwa nhenh-itwel akwety-ayntetyek, antywer parley ywerretyek-atwety.’”
7173	RUT 2:22	Naomi-el tyernek-anem, “Ya, mwerr ntwa ntang akwety-ayntetyek arelh warrkenh-rnem-itwel Boaz-kenh katen-itwel. Katen ingwerentyak-kenh-itwel artwernemel ngenh apmwangkwarr inekerr.”
7179	RUT 3:5	Ruth-el tyernek, “Yew. Atha mpwarem, ntwarl ayenh ileyel-angkwarr.”
7184	RUT 3:10	Boaz-el tyernek, “Atha INGKART katy ayernem ngkweng, mwerr anetyek ngkweng inkwerelhemel. Nga athamerrenh anherrengkw ngkwenhek, mwerr-angkwarr arntarnt-aremel. Atyenganap nga inngarl-anem athamerreyel. Ayengan ngkweng-they arrwekel! Youngfella akngerr aneyel, ingwer-rneman man akngerr-akert, ingwer-rneman arrangkwarl. Ntwanap renh-rnem mentyarl arenh, ntwap ayenhan rlwanek!
7186	RUT 3:12	Yew, ayeng akwerrk Naomi-kenh anewikw-kenh aneyel. Ikwer-artwey anyent ngkweng itengerremer. Artwa ingweran apek ngkweng itengerremer ayeng-mernt? Kakey atyenh apek? Remernt apek ngkweng itengerrem, ngenh arntarnt-aremel?
7196	RUT 4:4	Ayengan iterrenh, ngkweng-warl angketyek. Aleyaym nga ilkelhem apek, katen yanh payemeletyek, artwamp-rnemel aweyelarl-kety. Ntwemernt payemelemer. Nganap apek iterreyel, mentyarl aretyek. Kel mwerr. Athanemarl payemeletyek.” Artwa ingwerelan awek, rap angkek, “Ya, mwerr, atha payemelem.”
7198	RUT 4:6	Artwa ran angkek Boaz-ek, “Yew! Boaz, nga arraty angkeyel. Kel nthakenh ayeng Ruth-itwel itengerrey-angenh. Atha apmer payemelenty, aleraty atyenh-rnemel nthakenh iney-angenh, ayengarl ahaperrenty-penh. Kel nthakenh atha iney-angenh. Ntwantey inetyek!”
7203	RUT 4:11	Artwamp-rnemel ingwer-rnemel-then awek, rernemap angkek Boaz-ek, “Yew! Anantherran anngetherr arek. Mwerr alakenhan. Anantherrap INGKART ayernem, arelh renh arntarnt-arayntetyek, rarl apmer ngwenh-itwel aney-alpetyek. Anantherr INGKART ayernem, renh anthetyek ampernem akngerr. Awank-akerr artwa arwekeleny Jacob ra Rachel-then Leah-then-itwel itengerrek, ratherrap ampa akngerr atnyenek. Alakenh. Arelh atherr-they anantherr Israel-wenh-rnem akngerrerrek apmer nhenh-itwel. Ephrath-kenh-rnem ingkerrenhelan ngenh nakayntetyek. Bethlehem-areny-rnem ingkerrenhel ngenh iterl-aretyek.
7282	1SA 3:4	INGKART arlkew awey ikwer, “Samuel-ay!” Ra tyernew, “Yew! Ilekay?”
7286	1SA 3:8	INGKART arlkew arrpemarl, “Samuel-ay!” Rap akwentew, Eli-warl arrpemarl anterremel angkey-alhew, “Yew! Ilekay? Nga atyeng arlkew.” Artwampel iterl-arew-anem, INGKARTarl arlkenh ikwer,
7294	1SA 3:16	Artwampan arlkew ikwer, “Samuel apetya!” Samuel-el tyernew, “Yew! Ilekay?”
7410	1SA 9:17	Samuel-el Saul warrkenh-then arnarew, INGKART angkew ikwer, “Yanh ra apetyeyel, atharl ngenh ilew apmwerrkel. Ran atyenh-rnemew atyetyart aneyenh.” Samuel mpwelhew ikwer-atherr keyt-itwew.
7578	1SA 15:16	Samuel-el renh akeleytelew. “Akeleyt awelha atyeng-tangkwel! Atha ngenh ileyew, INGKARTarl atyeng angkew-angkwarr ingwel.” “Ya, ila ayenh.”
7583	1SA 15:21	Artwa ahawarr-rnemel, rernem inew atnwenth mwerr-rnemant ikwer-rnem-wenh! Yep-yep-then pwelek-rnem-then rernem akngey-alpew, ntwaw arrtyeyew INGKARTew apmer nhenh-itwew Gilgal-itwew.”
7602	1SA 16:5	Samuel-el tyernew, “Ya, ayeng inkwerelhemel apetyew, kapey-kapey nhenh arrtyemel antheyew INGKARTew arrewantherr-itwel. Arrewantherrenh-rnem ilenh-arey arnwarnelheyew, anantherraw kapey-kapey ingkerrenhel arrtyeyew INGKARTew.” Artwamp renh Jesse ra ilew arrpemarl alerikw ikwerenh-rnem-then. Rap renh-rnem alpemelew arnwarnelheyew.
7604	1SA 16:7	INGKARTan angkew Samuel-ew, “Nhenh-weny. Atha yanh rlwaney-angenh. Ya, atha iterl-areyel, ran arlpenty rlterrkarl. Kel artwernem arrantherr alakenh iterrem. Atyenh-angkwarran alakenharl; atha renh kanper iterl-areyel.”
7608	1SA 16:11	Samuel-elap ayernew, “Alerengkw ingwer apek ngkwenh aneyel?” Rap tyernew, “Ya. Alerey akely David-anem, ranap peleyn-itwew yep-yep-rnem arntarnt-areyel.” Samuel angkew, “Ingwerenty thwena, renh ingwerleweyew. Anantherrap ikwer-tangkwel mpwelhem. Nthakenh arlkwey-angenh amentel.”
7614	1SA 16:17	Saul angkew ikwer-rnem, “Ya, artwa mwerrew nthweyew alhenh-arey, ampwal mwerr pelayerrey-angkerew, akngetyemel atyeng-warl.”
7637	1SA 17:17	Ingwer-ingweran aynikw ikwerenh angkew, “Yakweth nhenh ina ntang ampeng-akert, rtamp-rnem 10-anem. Aknga awayewengkw-rnem.
7648	1SA 17:28	David-wenh awayikw alkenh Eliab ra awew, rap ahelerrew ikwer. “Ilekewarl ngaw apetyew? Yep-yep irrpetyap akely weth-rnem-alew? Angwenhel renh-rnem arntarnt-areyel aleyan? Ngan apmwelheleyel! Ilekew nga arrkernelheyel ilkwarrpantey? Nga arrkent apetyew arwa, araynteyew werreyelarl!”
7654	1SA 17:34	David-an angkew, “Yep-yep aynaty-wenh-rnem atha arntarnt-arem. Layenel yep-yep anyent apek antwerrkem, iytarr-akngemel arlkweyew, payel apek.
7780	1SA 21:6	David angkew, “Ya! Alakenh arrpemarl anantherr irrem, atyetyart ilkwewarl warrkerreyelelan. Anantherr kel-antey arelh-rnem-wety amenterrew.”
7784	1SA 21:10	Ra tyernew, “Ya, nayp arlpenty yanhan artwa Philistia-areny-wenh Goliath-wenh. Ntwa renh ipmew atwew apmer peleyn Ila-itwew. Arrangkw-anem ingwer atnyeney-angenh. Nga ilkelhentyelan aknga. Pantyelarl artelheyel aynteyel, arnkwa artwa ingkart-wenh arrerenty.” David-an angkew, “Mwerr-angkerarl yanhan ingwer-rnem-wenh-angkwarran! Antha atyeng.” ...
7803	1SA 22:13	Saul-el ayernew, “Ilekew ngan iterrew, ayenh alakenh irrtywerl-amperneyew? Atyeng-wety rlengkan arlkarerreyel nga. Nga apek iterreyel, Jesse-wenh alerikw atyetyart ilkwa arrerneyew? Ntwa renh alpemelew amernel, nayp arlpenty-then ntwa anthew renh. INGKART-then ntwa ayernew ikwer! Yanhan atyeng-wetyarl arlkarerrewarl. Rap ingwer-ingwer mpwelhem, ayenh ipmew atweyew!”
7846	1SA 24:5	Artwerneman arreytenh David-warl, “Ntwa iterl-areyel, INGKART alakenh angkew, ‘Atha ngenh alpemelemarl, ngkweng-warl apmwa mpwarem-rnem atweyewarl. Ntwap mpwarem alhewer ikwer-rnem, nga ilkelhentyelan.’ Ya, ntwap renh ipmew atwemer!” Rap aperteynenh Saul-warl, arnkwanem akert akely ilterrenhew nayp ikwerenhel. Saul-an anenh-antey, awey-angenh-antey.
7905	1SA 25:41	Ra kwenerremel angkew alakenh, “Ya, ayeng alpem. Ayeng ikwer warrkerrem artwa ikwerenh-rnemew-then, ingkety-then apek irrarlk-aynteyew.”
7926	1SA 26:18	David-el tyernew, “Ya atyetyart, ayeng angkeyel! Ilekew ntwan ayenh intem alwerneyel? Ayengan apmwelheley-angenharl! Ilekew ayenhan ayntarrp-ileyel?
8016	1SA 31:4	Ahawarr ingwerelan alkwertarl katy antwerrkenh. Saul angkew ikwer, “Nayp arlpenty ngkwenh ina, atanthanem ayenh ipmew! Yanh-rnemel INGKART iterl-arey-angenh-rnemel arrkentelhelewerr ayenh, ayenh-mernt atwewerr!” Ahawarran atererrew, nthakenh renh atwey-angenh. Saul ran amentel-antey nayp ikwerenh inew, atanthelhemel atnert-antey ipmew.
8053	2SA 2:1	Ikwer-penh David-el INGKART ayernew, “Nthakenh irrem? Alpemang ayeng, aney-alpeyew, apmer anyent-itwew Judah-ampeny-itwew?” INGKARTel tyernew, “Ya, alpa.” David-el ayernew, “Apmer nthenh-warl?” “Hebron-warl.”
8138	2SA 5:3	Alakenh angkemel artwamp-rnem alhew David-warl, Hebron-warl rarl anenh-warl. Rap angkew, “Ya, ayeng atyetyart anem arrewantherr ingkerrew, arrantherrarl angkew-angkwarr.” Rap alakenh ingkwernew pip-warl-anem. Ingkerrenh ingkwernelhew pip ikwer-warl. Artwamp-rnemel renh atyetyart arrernew Israel-ew-anem, anter alip thelemel akapwert-warl, ikwer-rnem-wenh-angkwarr.
8302	2SA 12:13	David-an angkew Nathan-ew, “Ayeng apmwelhelew INGKART-angkwarr.” Nathan angkew, “Ya, arraty! Alakenharl apmwelhelemel arrkentelheleyel INGKART renh. Ranap ngkweng awakelhey-angenh. Ra nthakenh ngenh ipmew atwey-angenh. Awey irrngarl ngkwenh rantap ahaperreyenharl.”
8306	2SA 12:17	Akngerr-inger warrkenh ikwerenh-rnem apetyenh ikwer-warl araynteyew. Ywarn-antey renh ilenh rtnerl-alheyew. Ywarn rernem arrkernelhenh, amern antheyew.
8308	2SA 12:19	David-el warrkenh-rnem arew arreyterrenharl. Rap iterl-arew, ampa akelyarl ahaperrew. “Ayengan alerey-weny-anem anem, ngay?” Rernem tyernew, “Ya.”
8311	2SA 12:22	Ra tyernew, “Ya, amparl iteth anenheng-arey, ayeng ayntemelant artnenh, amern arlkwey-angenh. Ayengan iterrenh, ‘INGKART apek atyeng amperrngerreyew. Ampa akely ra mwerreleyew apek.’
8407	2SA 15:15	Warrkenh-rnemel tyernew, “Ya atyetyartay! Anantherr ngkweng awelhem, ntwarl ilem-angkwarr.”
8448	2SA 16:19	Aley mwerr-angkwarr-anem. Ayeng ngkweng warrkerrem irrkaty-angkwarr, ayengarl aynewengkw warrkerrenh-apeny.” Alerikw David-wenh ament iterrew, “Ya inngarl ra ileyel.”
8456	2SA 17:4	Alerikw David-wenh artwamp Israel-wenh-rnem-then rernem angkerrew, “Ya, alakenhan mwerrarl.”
8493	2SA 18:12	Artwa ran tyernew, “Nthakenh atha alakenh iley-angenh! Ya, ntwa rlengk apwert akngerr anthem ayenh. Athanap renh ipmew atwey-angenharl atyetyart-wenh alerikwan, arrangkw! Anantherr ingkerrel awew, rarl Ittai-then mpwelenh ilanthenh alakenh: ‘Absalom-ew amperrngerrenh-arey! Alerey atyenh-anteyarl ran!’
23340	MAT 5:37	Yaw apek, arrangkw apek, alakenh arraty innga nga ilelhetyek. Ingwer-angkwarr nga ilelhenty, arrenty-kenh-angkwarrarl.”
23496	MAT 10:10	Yakweth akngey-angenh, arnkwernem akngey-angenh, ingkety aylpey-angker mentyarl, irrertety akngey-angenh. Ingwerentyel arrenhantherr anthem mwerr-angkwarr, warrk-penh.
23569	MAT 12:11	Jesus-el artwa ilkwernem ilek, “Angka nhenhek iterrenh-arey arrantherr. Yep-yep apek aytnem irrkewarl, mwernelhemel. Ntwa renh angkep tyerrenhey-alpem itethilemel? Yep-yep itethilem-apeny arlta Saturday-elan,
23681	MAT 14:15	Atwerrp, kwertengerl ikwerenh-rnem Jesus-warl apetyek, ikwer angkek, “Amern-wenyarl nhanyeman, arrangkwarl. Yanh-rnem ingkerrenh-antey thwena tawen-rnem-warl, amern-tangkwel inerl-alpetyek. Atwerrpirrekerrem-awaty!”
23736	MAT 15:34	Jesus-el renh-rnem ayernek, “Amern akngerrelang arrekantherrenhan?” Rernem renh tyernek, “Ya, amern ampeng 7-ant aynteyel, aker irrpeng irrpety.”
23780	MAT 17:11	Jesus angkek, “Ya, arraty inngarl! Elijah kel arrwekel apetyek, ingkerrenh akaltyiletyek, rernem Akngey-angkwarr arratyirretyek. Rernem Elijah ikwer irrpelthirrenh. Alakenh-anyem rernem ayenh Artwa Anyent Impen Akngey-kenh irrpelthirremel atweyenh, ipmek-atwety. Akngey-kenh angka alakenh aynteyel.”
23794	MAT 17:25	“Yaw, ra man antheyel,” Peter-el renh-rnem ilek. Peter ra apmer-warl alpek. Jesus-el renh ayernek, “Atyetyart ahern-areny-rnemel angwenh-rnem-they man-rnem ineyel, alerikw-rnem-they apek, ingwer-rnem-they apek?”
23808	MAT 18:12	Artwa anyentel yep-yep akngerr 100 arntarnt-arenh. Yep-yep anyent amentirrek ikwer-rnem-they. Aperrertirrek. Artwa ra yep-yep ingwer-rnem iwerl-alhem, yep-yep anyent ikwer nthwetyek. Rap nthwem yep-yep anyent renh arey-alheyek-atwety.
23883	MAT 20:22	Jesus-el awayenheng ilek, “Mpwel atyeng mwerranty awelhenherr-atherr. Ahelengkw-rnemel ayenh artewentyel irrwampetyek atweyenh. Mpwel-alew? Mpwel arlka menty anthelhem arrpemarl, ayeng anthelhem-apeny?” Ratherr ilelhek Jesus ikwer-warl, “Ya, menty ahelengkw-rnemel aylernenh irrwampetyek atwey!”