1784 | EXO 10:6 | Intelty-rnem warl ngkwenh-warl aylpeyenh, warl warrkenh-rnem-kenh-warl-then, warl Egypt-areny-rnem-kenh-warl-then, warl ingkerrenh-warl. Arrwekelenyel-rnem alakenh intelty akngerr innga arey-angenh. Egypt-arenyel-rnem alakenh arey-angenh, arrangkw. Aleyant-anem areyenh.’” Alakenh Moses Pharaoh-warl angkek, intwemel alpek-anem. |
7458 | 1SA 11:11 | Saul-el ikwerenh-rnem irrpety-inger akalkelh-ayntew ingkeny tyerrelhey-angenhel-antey, 110,000 ingkerr amentew-ament, 330,000-penh. Aherlkewarlel-anem rernem anterrerrew apmer Ammon-areny-rnem-wenh-warl, artwa akngerr ipmew atwew. Rernemap renh-rnem atwenh-antey ingkeny ampepew-atety. Irrpetyapant-anem Ammon-areny-rnem aneyelpew, rernemap anterrerrew ingweram-angkwarr. ... |
7567 | 1SA 15:5 | Ra renh-rnem atnwenhew apmer Amalek-areny-rnem-wenh-warl, rernemap irrtyert-aylpew atwaty-itwew, apmer ikwer-itwew arrer-antey. |
23242 | MAT 2:4 | Herod-el-anem tyaty-areny atyetyart ilkwernem-then akarrilek, artwa Moses-kenh angka akalty-anthey-angker-rnem-then, renh-rnem ayernek, “Nthenharlap ran, artwa itethiley-angker nheng aynteyel. Nthenh-itwek ra aremirreyenhan, pip arrwekeleny Akngey-kenhel aynteyel-angkwarr-antey?” |
24736 | MRK 11:27 | Jesus kwertengerl ikwerenh-rnem-akert Jew-rnem-kenh tyaty ilkwewarl aylpenhek, apmer Jerusalem-itwel. Moses-kenh akalty-anthenh-anthenh-rnem-then, atyetyart ikwer-areny-rnem-then Jesus ikwer-warl apetyek. |
26913 | JHN 19:19 | Pilate-el irlkenty ilanthek, pip arwerl iylpeyl-atherr irrwerl-ampeny-warl tywenetyek. Rernem angka irrpety-angkwarr ingkwernek, Jew-rnem-kenh-angkwarr, Rome-areny-rnem-kenh-angkwarr, Greece-areny-rnem-kenh-angkwarr. Angka nhanyem aynteyel pipel, “Nhanyem Jesus Nazareth-areny, Jew-rnem-kenh atyetyart ilkwa.” Jesus ra arwerl iylpeyl-atherr-itwek aylpar-anenh, Jerusalem-arrangarr aketh-ampeny. Ingwer-rnem angkepelarreng arwerl iylpeyl-atherr-angkwarr alhenh, rernem pip renh irrwerl-ampeny-itwek reytemilerl-apenh. |
27300 | ACT 9:15 | Ingkartel renh ilek, “Kel alha, atha renh rlwanek, atha renh thweneyenh Jew-weny-rnem-warl, atyetyart ilkwernem-warl Israel-kenh-rnem-warl-then, ra renh-rnem angka atyenh akalty-anthetyek. |
28239 | ROM 9:16 | Ran ilkelheyel-angkwarr, Akngeyel ingkerrenh arntarnt-arey-angker. Alakenh-anyemarl aynteyel, ahern-areny-kenh-angkwarr-weny, ikwerenh-angkwarrant. Angka ikwerenh alakenh aynteyel, anyent. |