955	GEN 32:27	Artwa rap angkek Jacob ikwer-warl, “Ipmanem ayenh, ingwepenh-anem irreyel-kety.” Jacob angkek, “Nthakenh alpey-angenh, mwerr-angkwarr atyeng angka, Akngeyel ayenh arntarnt-aretyek!”
1360	GEN 45:1	Joseph ra artnenh-anem. Warrkenh ikwerenh-rnem ra ilek, “Aketh-warl tyerrelhenherr-arey!” Awayenheng rernemant-anem aneyelpek. Ra ikwer-rnem-warl ilelhek-anem, “Ayeng Joseph-arl.”
1363	GEN 45:4	Joseph angkek, “Arrer-apeny apetyenherr-arey!” Rernem ikwer-warl arrer-anem alhek. Joseph ilelhek ikwer-rnem, “Ayeng aytey arrekingkerrenh. Awank-akerr arringkerr ayenh tharlemilek Egypt-areny-rnem-warl.
1558	EXO 2:3	Alkent irrpety-penh amikwan ywarn iterrenh alakenh, “Nthakenh atha awey akely warlek intem-antey irrtyert akwerney-angenh!” Rap rtnwa akely renh arnwarnek, ankerel apernek alyelkilemel, kwatyarl nthakenh aylpey-angenh. Ra awey akely inemel, rtnwek athenek, kwaty lher Nile-warl akngek, antywer arlpenty apenng-warl kwaty-warl. Rtnwa ampa akelyenp renh arrernek kwaty-warl, apenng-angketyarr-warl.
1561	EXO 2:6	Kel ra inerl-alpek kwey aleyak ikwer-warl. Kel ra altywerilek, awey akely-anem ra arek. Awey akely artnek-anem. Kwey aleyak ra amperrngirrekarl ikwer. Ra alhengk-arek, rap warrkenh anyent ilek-anem, “Ay! Ampa akely nhan Israel-kenharl!”
1573	EXO 2:18	Kwey aleyak-rnem alperlewek akngey ikwer-rnem-kenh-warl Jethro-warl. Ra ayernek-anem, “Ay! Ilekekarl arringkerr iparrpaw apey-alpek? Ingkeny akenhel-anteyaw! Ayengan iterrek, kwaty arringkerr thelerl-anentyek-athen alerl. Arringkerr iparrparl apey-alpek!”
1591	EXO 3:11	Moses apatemel ilelhek Akngeyek, “Ayengan arrangkwarl, mwerr-wenyarl. Artwa apmwamwam ayengan, atyetyart-weny. Atyetyart Pharaoh atyetyart awelhey-angenharl. Nthakenh atha Israel-kenh-rnem Egypt-they atnwenheyney-angenh!”
1612	EXO 4:10	Moses-arl INGKARTek awelhey-angenh nyerrerrenharl. Moses angkek-anem, “INGKARTay! Ayeng aleny apekap anenh ampa akelyank, arternp-antey ayeng angkem. Nga aremirrek atyeng-warl, ayeng aleny apekap-antey arrangkw-antey, ntwa ayenh mwerreley-areny!”
1651	EXO 5:18	Kel iparrp alpenherr-arey warrk-warl! Atherrk anthey-angenh-kety anemarl atha! Mpwarenherr-arey bricks akngerr arrantherr arrwekel mpwarek-apeny!”
1666	EXO 6:10	INGKART angkek Moses-ek, “Pharaoh iletyek alhay, Israel-kenh-rnem tyarlewetyek Egypt-they, arrkngert angkey-angenh!”
1723	EXO 8:8	Ikwer-penh Moses Aaron-then Pharaoh iwerl-alhek. Ingwepenh Moses INGKARTek arlkek, “Antyetyerr ingkerrenh aknga Egypt-they!”
1850	EXO 12:33	Egypt-arenyel-rnem Israel-kenh-rnem ilek, “Arrantherr Egypt-itwel anayntem, anwernantherr ingkerrenh-antey ilwenherrem! Anamerl apmer-they alpenherr-arey!”
1902	EXO 14:12	Anwernantherr ngkweng ilelhek Egypt-itwek, ‘Aney wenh anwernantherr nhel-antey, menty alpey-angenh warrk-anem irremel.’ Alakenh-anyem anwernantherr arrwekel ngkweng ilelhekan! Ntwa anwernenhantherr ilek, anwernantherr ngkweng-angkwarr alhetyekarl! Aleyan anwenhantherr arlpawek ahelengkw-rnemel atweyenh ingkerrenh-antey!”
1915	EXO 14:25	Pakey-kenh weyl aylpek ahern rtwel-anem, rernem ywarn ayteng-inenh. Egypt-areny-rnem arlkalhelerrek, “Anwantherr Israel-kenh-rnem menty ipmey-areny renh-rnem! INGKARTel renh-rnem arntarnt-areyel-kety, ikwer-rnem-they atweyel-kety!”
1950	EXO 16:2	Arlpaw-itwek amern-weny, arrangkw. Israel-kenh-rnem tyel-angkek-anem Moses-ek-atherr Aaron-ek-atherr ikwer-atherrety. “Ilekek mpwel apmer apmwarl nhenh-warl atnwenhey-alpek! Amern-weny arrangkwarl-anem! Anwantherr ingkerrenh ilweyenh wenh, amern-wenyel! Egypt-itwel amern akngerrarl anwantherr arlkwenh awankan aker-then. Egypt-itwel INGKARTel anwenhantherr ipmek atwenty, mwerrarl! Lyertan anwantherr apmer nhenhelarl ilweyenh amern-weny!”
2001	EXO 18:1	Arrwekel-antey Moses-el anewikw ikwerenh Zipporah alerikw-atherr-anem thwenek malyeyikw-warl Jethro-warl apmer Midian-warl. Moses-el alerikw ilkwa itnewek Gershom, alakenh anayntileyel, “Ayeng alethang apmer ingwer-areny.” Moses-el alerikw ingweran itnewek Eliezer, alakenh anayntileyel, “INGKART akngey atyenh-kenhel ayenh arntarnt-arenh, ayenh iteth-antey atnyenek, Egypt-areny ahelengkw-kety!” Jethro Moses-kenh malyeyikw artwa ingkart arrpemarl anenh Midian-areny-rnemek. Ra angka ilek-ilek awek, Akngeyelarl arntarnt-arek Moses Israel-kenh-rnem-then, INGKARTelarl Israel-kenh-rnem atnwenhey-alpek Egypt-they.
2443	EXO 32:4	Aaron-el iylpek-arelh-rnem akngerr arrernek tyampit ilkwewarl. Tyampit ilkwa rwitwek arrernek irrngwerretyek. Ra gold renh-anem ipert pwelek-apeny-warl thelek, pwelek irrwey-arrpantey gold-penh mpwarek. Israel-kenh-rnemel arek-penh, rernem angkerrek, “Israel-kenh-rnemay! Nhenh arenherr-arey! Akngey nhanyemelan anwenhantherrenh Egypt-they atnwenhey-alpek nhenh-warl!”
2463	EXO 32:24	Ayeng Israel-kenh-rnemek angkek, ‘Gold iylpek-arelh-rnem arrekantherrenh-they lhelenherr-arey, ilek-ilek gold-penh-then. Ayenh-anem anthemel.’ Ingkerrenh-antey gold-penh rernem atyeng anthek ampwal ilek-ilek. Gold-rnem atha rwewarl iwek, pwelek irrwey-anem rwethey tyerrelhenhey-ayntek!”
2528	EXO 34:31	Moses ikwer-rnemek atayel arlkek, “Atyengety aterirrey-angenh! Arrer-warl apetyenherr-arey!” Aaron artwamp-rnem-then arrer-warl ikwer-warl apetyek. Ra ikwer-rnem angkek.
7155	RUT 2:4	Artwa Boaz ran Bethlehem-they aremerreylpek katen ikwerenh-itwel-anem, rap angkek warrkenh ikwerenh-rnemek apmelerr-angkwarr, “INGKARTel arrenhantherrenh arntarnt-aretyek!” Rerneman tyernek, “INGKARTel ngenh arntarnt-aretyek arrpemarl!”
7171	RUT 2:20	Naomi-el apateyelpemel awek, rap angkek, “INGKARTel Boaz renh irrngerney-anthetyek!” INGKART ra aylenhanth iwerl-alhey-angenh, rap aylekanth iterreyel-antey, anew aylekanth-kenh-atherrek-then! Artwa yanh Boaz ra akwerrk anewaty-kenh Elimelek-kenh! Ranap artwa arelh inpert arntarnt-arey-angker anwekantherrenh-angkwarr!”
7182	RUT 3:8	Ampepenyel Boaz arwapeny atyekerrek, rap apateyelpek-anem. Rap angapety-iwelhemel arek, “Pwertay, arelh anyent aynteyel-kety!”
7315	1SA 4:16	Artwa ra anterrew Eli-warl angkey-alhew, “Artwampay! Ayengan anterrey-alhew, rernemarl atwerrenh-they!” Artwampel ayernew, “Nthakenh irreway?”
7316	1SA 4:17	Ra tyernew, “Anantherr Israel-wenh-rnem anterrey-alpew Philistia-areny-rnem-wety. Rernem artwa ahawarr ingwer-rnem anewantherrenh-rnem atwew, alerengkw ngkwenh-atherr-then. Box impen Akngey-wenh rernemap irrtyert-inew anewantherr-they!”
7328	1SA 5:7	Ashdod-areny-rnemel arew arntety apmwa, rernemap angkerrew, “Anantherr Akngey Israel-areny-angkwarr irrwernelhew innganem. Dagon-an Akngeyel atwem arrpemarl! Iwemer anantherr box Akngey-wenh!”
7332	1SA 5:11	Rernemap yangkelhew, artwa ilkwa apmer ingwer-ampeny-areny-rnem apetyeyew, akarrerreyew arrpemarl. Ekron-areny-rnem ikwer-rnem angkew, “Box yanh iwey! Thweneyney angkep apmer ikwerenh-warl, ingkerrenh-anem ipmew atwewerr apmer arrpanenh-itwew Philistia-ampeny!” Ilwernerrew akngerr arntety ikwer-penh. INGKARTel ater-anthew renh-rnem alakenharl. Rap apmwel-ayeth innga mpwarew Philistia-areny-rnemew.
7454	1SA 11:7	Pwelek ikwerenh-atherr ipmew atwew, nayp ilkwel akep-akalthemel akely-akely. Angkakert akngerr-tangkwel akarrelew, aker akely-akely anthemel ikwer-rnem. Rap apmer arrpanenh-warl Israel-ampeny-warl thwenew, angkey-alheyew alakenh, “Aker tyeylp nhenh arenh-arey! Artwa ingkerrenhel apenteyew Saul-then Samuel-then, Ammon-areny-rnem-then werreyew! Artwa anyent arteny anenty, Saul-elap pwelek ikwerenh-anem akep-akaltheyenh aker nhenh-apeny!” Alakenhan Saul-el akngerr ater-anthew, INGKARTelarl rlterrkelewel. Rernemap ikwer anyent-inger awelhew.
7575	1SA 15:13	Samuel-elarl renh arey-alhew, Saul angkew, “Samuel-ay! INGKARTel ngenh irrngerney-anthemer! Atha kel-antey mpwarew, rarl ilanthew-angkwarr!”
7609	1SA 16:12	Jesse-el thwenew ingwerenty, David ingweyew. Renhap ingwerl-alpew, ranap artwa mwerr-angker akely. INGKART angkew Samuel-warl, “Nhanyemart ran! Rtnerl-alhanem! Anter alip thelanem akapwert-warl!”
7663	1SA 17:43	Ilekew nga arwerl-akertan apetyeyel? Arengkang ayengan ngkweng? Kel apetya! Atha ngenh ipmew atweyew, thipel-then atnwenth ahelengkw-rnemel-then ngenh arlkweyew! Atha ngenh ilwerl-athenem!” Rap altyerr ikwerenh-rnem ayernenh, David atweyew.
7719	1SA 19:11	Saul-el artwernem thwenew, warl David-wenh arntarnt-areyew ingwel, ingwepenh renh ipmew-anem atweyew. Akelty ikwerenhel Michal-el renh ilanthew, “Anamerl anterra ingwel-antey! Mpwelhey-angenh! Ingwepenh rernem ngenh ipmew atwey-ayntewerr!”
7763	1SA 20:31	David iteth-antey anenty, nthakenh nga atyetyart Israel-itwew aney-angenh. Rlengk-antey artwa thwena, renh ingwerl-alpeyew atyeng. Nthakenh ra iteth aney-angenh!”
7806	1SA 22:16	Saul-an angkew, “Nga ngkwenh-rnem-then ilwem rlengk-antey!”
7877	1SA 25:13	David angkew artwa ikwerenh-rnemew, “Nayp arlpenty-rnem inenh-arey! Mpa, alhey ikwer-warl!” Nayp arlpenty-rnem rernem arrernerl-alhew pilt-warl. David-el nayp arlpenty ikwerenh inerl-alhew arrpemarl. Rap anpenhew artwernem 400-akert. 200 ingwer-rneman anenh, apmer arntarnt-araynteyew anteng.
7886	1SA 25:22	Atemwengkel-antey atha atweyenh artwa, awey-rnem ingkerr apmer ikwerenh-itwew. Atha alakenh mpwarey-angenhan, ayengap irrwernelhem Akngey-angkwarr!” Alakenh David iterreynenh.
7898	1SA 25:34	Innga INGKARTelarl ayenh artwerelew, ngkwenh-rnem atwewerr. Nga anamerl-antey atyeng arnekerrew, atha atemwengkel-antey atwewerr artwa, awey-rnem-then ingkerr apmer ngkwenh-itwew!”
7929	1SA 26:21	Saul-an angkew, “Ayengarl apmwelhelew. Ngan mwerrarl atyeng. Nthakenh ayeng ngkweng apmwelheley-angenh arrpemarl. Ntwan ayenh atwey-angenh-antey ipmew. Ayengarl apmwelhelew artewenty. Ngan alerey atyenh-apeny. Apey-alpa atyeng-warl!”
7955	1SA 28:10	Saul-el tyernew, “Atha ngenh arraty ilem, INGKARTelarl aweyel-wety. Nthakenh ngenh ingwerentyel atwey-angenh, ngkweng awakelhey-angenh!”
7957	1SA 28:12	Arelh angkew Samuel-wenh inwengew, rap apetyew ikwer-warl. Rarl renh arew, rap arlkenty iwew. Ran angkew Saul-ew, “Ilekew ntwa irrtywerl-ampernewan? Ngan Saul-arl!”
8273	2SA 11:11	Uriah-el tyernew, “Nthakenh ayeng alpey-angenh apmer atyenh-warl. Akngerr werreyel-antey Ammon-areny-rnem-then: ahawarr-rnem Israel-areny, ahawarr-rnem Judah-areny, atyetyart ahawarr-rnem, Joab-akerr. Rernemap aynteyel ampep-itwew, kalikwan intelheyel. Box impen Akngey-wenh wethan rtneyel arrpemarl. Nthakenh ayeng alpey-angenh apmer atyenh-warl akelty atyenh-warl, aker arlkweyew, ngkwarl-then antyweyew, arrangkw! Arraty atha ngenh ilem, nthakenh ayeng alakenh irrey-angenh!”
8396	2SA 15:4	Intem ra alakenh angkenh ingkerrew. Rap angkenh, “Ayeng atyetyart anemer apmer nhenh-itwewan! Ayeng mwerrarl ingkerrenhew anayntem irrkaty-angkwarr! Ingwerentyel apek ayenh ayernem, athap arratyarl ilem renh-rnem mwerr-angkwarr!”
8405	2SA 15:13	Ikwer-penh artwa angkakert anyent alhew David-ew, rap angkew, “Israel-wenh-rnemel apenteyel alerengkw-anemarl!”
8445	2SA 16:16	Artwa Hushai ra alhew, alerikw David-wenh rlwateyew. Hushai ra kwertengerl David-wenh-anteyarl anenh, ratherrarl awank-they alhenh akely-they. Ra irrtywerremel arlkew, “Atyetyart Absalom ngan mwerr! Nga atyetyart anemer intem-antey!”
8482	2SA 18:1	David-el akarrelew ahawarr ikwerenh-rnem, rap renh-rnem ilew akalkerreyew amentew-ament. Rap atyetyart ahawarr-rnem irrpety arrerneynew ikwer-rnem-akert, renh-rnem yerl-akngeyew; Joab, ayteyikw ikwerenh Abishai, Ittai Gath-areny-anem. Rap ingkerrenh ilew, aneyew 1,000 ingweran, 1,000 ingweran, 1,000 ingweran. Rap 1,000 ikwer-rnem atyetyart ahawarr anyentel-anyent arrernew. Irrkaty-angkwarr-anem rap akalkelhew arrpemarl 100-anemarl. Rap 100 ikwer-rnem atyetyart ahawarr anyentel-anyent arrernew. Rap angkew ingkerrew, “Mpa! Alhey-anem, atweyew anantherr renh-rnem! Ayengan alhem arrpemarl arrewantherr-angkwarr!”
8492	2SA 18:11	Joab angkew ikwer apatemel, “Innga ntwarl arew? Ntwap renh anamerl-antey atwemer ipmew! Athan ngenh apwert akngerr anthem atyetyart ahawarr-wenh pilt-then!”
8512	2SA 18:31	[Ikwer-theyan Joab-el artwa anyent thwenew, angkep anterreyneyew David-warl angkakert.] Rap angkey-alhew, “Atyetyartay! Angka mwerr-angker awa! INGKARTel atwew artewenty innga ingwer weth-rnem, ngkweng-wetyarl arlkarerrenh-rnem!”
23264	MAT 3:3	John rey-antey arlkeyel angkakert, Angkakert Isaiah-kenh pip arrwekel aynteyel: “Angkakert ra arlkeyel apmer arlpawel. Iwerr arraty-angkwarrant ingkerrenhel apenterl-ayntetyek!”
23299	MAT 4:21	Jesus ra alhenharl-antey, ra James-then John-then arek, Zebedee-kenh alerikw-atherr. Ratherr rtnwa kwen-itwek, aynikw-itwek netting mpwarenh. Jesus-el renh-atherr ayernek arrpemarl, “Atyeng-angkwarr apetyenherr-atherr!”
23439	MAT 8:25	Kwertengerl ikwerenh-rnemel Jesus akwentelhilek. Rernemap renh ilek, “Ingkartay, kwatyel anwenhantherr ilwerl-athenekerr!”
23543	MAT 11:15	Arrantherr atyeng awelhenherr-arey!”
23651	MAT 13:43	Akngey-kenh-rnem arrtyerneyenh ingkenyel-apeny, ikwerenh ingkerrenh. Angka nhanyem mwerr atha arrekantherr ilem, arrantherrap ingkerrenhel iterl-aretyek!”
23669	MAT 14:3	Herod-kenh awayikw anewikw ikwerenh arelh anyent itnan Herodias. Herod-el anew ikwerenh rakek. John-el renh ilek, “Ntwa nthakenharl awayengkwan anew ikwerenhan rakek? Apmwel-aretharl alakenhey! Awayengkw-anteyarl anew ikwerenh ntwa rakekan, arraty-wenyarl!” Arelh Herodias ra ahelirrek John ikwer. Herod-el artwa ahelengkw thwenek, John renh anterrkwetyek, tyayl-warl akwernetyek.
23681	MAT 14:15	Atwerrp, kwertengerl ikwerenh-rnem Jesus-warl apetyek, ikwer angkek, “Amern-wenyarl nhanyeman, arrangkwarl. Yanh-rnem ingkerrenh-antey thwena tawen-rnem-warl, amern-tangkwel inerl-alpetyek. Atwerrpirrekerrem-awaty!”
23684	MAT 14:18	Jesus-el renh-rnem ilek, “Atyeng-warl akngetyenherr-arey!”
23694	MAT 14:28	Peter-el renh tyernek, “Ingkartay, ayenh ila, ayeng kwaty-angkwarr alhetyek ngkweng-warl!”
23697	MAT 14:31	Jesus ra anamerl-antey iltya ikwerenh anterrkwek angkemel, “Ilek-kety ntwa ayenh tnakey-angenh!”
23724	MAT 15:22	Ikwer-penh arelh Jew-weny Caanan-areny-anem anterrey-alhenh Jesus ikwer-warl arlkemel, “Ingkartay, David-kenh, atyeng amperrngirra! Ampa atyenh arrenty-angketyarr!”
23735	MAT 15:33	Kwertengerl ikwerenh-rnemel renh ayernek, “Amernan anwantherr nthenh-itwel inem artwa arnkengeny wantetyek? Arrangkwarl nhenhan, aherretyarl! Atherrkeny-weny!”
23774	MAT 17:5	Peter rarl angkenh-antey, kwenpayel-anem renh-rnem artek ingkerrenh-antey. Rernem angkanem awek, irrwerl-theyarl angkek, “Nhenh alerey atyenh, ayeng ikwer inkwerelheyel, ikwer awelhenherr-arey!”
23776	MAT 17:7	Jesus-el renh-rnem arnep-arnek, angkemel, “Akemirrenherr-arey, aterirrey-angenh!”
23914	MAT 21:19	Arleng-they, ra arwerl tywerrk arek. Ra alhek arrer-warl amernek aretyek. Amern aney-angenh arrangkw-antey ra arek, alperrant. Jesus-el arwerl renh ilek, “Arwerl nhepenh nthakenh ingwerentyel amern arlkwey-angenharl intem-antey!” Arwerl arleny-anem irrek.
24309	MRK 1:25	Jesus angkek arrenty ikwer-warl, “Nga akater ana! Tyerrelha ikwer-they!”
24341	MRK 2:12	Artwa arntety-penh akwenterl-alhek, panty inerl-alhek. Alpek-anem ra apmer-warl, mwerr-anem. Akngerrel intwarek apatemel arntety rarl apmer-warl alpek. Rernem Akngeyek-anem inkwerelhek. Rernemap angkek-anem, “Ngay! Akngey inngarl yanhan! Artwa anper inngarl ilenhan! Mwerriley-angker inngarlap ran nhenhey! Aleyant anwantherr arek alakenh-anyem mwerriley-angker!”
24443	MRK 5:10	Artwa ra ilelhek, “Itna ayeng ‘Akngerr’, ayeng arrenty akngerr-akert.” Ra arrkngert angkek Jesus-ek, “Ntwa irrentey-angenh renh-rnem apmer arleng-warl!”
24494	MRK 6:18	Awayikw ikwerenh Herod-el anew ikwerenh rakek, itnan Herodias. John-el renh ilek, “Ntwa nthakenharl awayengkwan anew ikwerenhan rakek? Apmwel-aretharl alakenhey! Awayengkw-anteyarl anew ikwerenh ntwa rakekan, arraty-wenyarl!” Arelh Herodias ra ahelirrek John ikwer. Herod-el John renh anterrkwek, tyayl-warl akwernemel.
24560	MRK 7:28	Arelh anyent angkek ikwer, “Arengkel-rnem arlkwetyek arrpemarl, arengk-kenh amernan rernem iweyek arrpemarl. Jew-rnem rernem ingkerrenh atyenh-rnem-kety arlkarirreyel. Atyenh-rneman arengk-apenyarl aneyel, Jew-rnem-angkwarr. Jew-rnemel renh-rnem arntarnt-arey-angenh. Atha ngenh iterl-areyel, ntwa ingkerrenh arntarnt-arey-angker. Ayenh-then arntarnt-ara!”
24573	MRK 8:4	Kwertengerl ikwerenh-rnemel renh ayernek, “Amernan anwantherr nthek-warl inem? Akngerr nhenh-rnem-akertan? Arrangkwarl nhenhan, aherretyarl! Atherrkeny-weny!”
24614	MRK 9:7	Ikwer-penhan kwenpayel-anem renh-rnem artek. Akngey kwenpay-angkwarr angkek, “Nhanyem alerey atyenh. Ayeng ikwer inkwerelhem. Arrantherr ingkerrenh ikwerant awelhemel anenherr-arey!”
24723	MRK 11:14	Jesus-el arwerl renh ilek kwertengerl ikwerenh-rnemek, “Arwerl nhepenh nthakenh ingwerentyel amern arlkwey-angenharl intem-antey!” Kwertengerl ikwerenhel-rnem renh awek, rarl alakenh angkenh.
24842	MRK 14:19	Kwertengerl ikwer-rnem amperrngirrek Jesus ikwer, renharl awekel rarl ilelhek ikwer-rnem. Anyentel-anyentel rernem ilelhek, “Ayengan arrangkwarl! Atha ngenh ahelengkw-rnem-warl ahayiwey-angenharl!”
24987	LUK 1:25	Rap angkenh ament-antey, “Ayengan ampeweny anenh. Akngerrel ayenh kwanthenh, rernemap ayenh nyerrel anthenh. Aleyan Akngeyel ampa atyeng anthew-anem. Kel-anem, ayeng aketh-warl tyerrelhem. Ayenharl akngerrel areyenh, rernem atyeng inkwerelheyenh, Akngeyelan ayenh arntarnt-arayntemarl!”
24999	LUK 1:37	Inngarlap ra! Akngeyel ilek-ilek anthey-angker!” Alakenh-anyem antyerl angkew Mary-ew.
25023	LUK 1:61	Rernem ikwer angkew, “Ilekewarl ntwa John-an itnewem? Mpwelewanthenh-rneman itnan alakenh ayntey-angenh!”
25060	LUK 2:18	Yep-yepew-artey-rnemel angka ikwer-atherr ilew-penh, Mary intem-antey angka ikwer iterreynenh. Rernemap alpew-anem wak pwelek-wenh ikwer-they yep-yep-rnem-warl. Rernemarl alperlewenhel, rernem inkwerelhemel aylelheynenh Akngeyew alakenh, “Inngarl nhenhan! Anantherr ampa akely arey-alhew, antyerlelarl anewantherr ilew-angkwarr!” Ingwer-rnemel renh-rnem awew, inkwerelhemelarl aylelheynenh Akngeyew, rernemap apatew.
25091	LUK 2:49	Jesus-elan ayernew, “Ilekewarl mpwelanth atyeng nthwenh? Mpwelanthap iterl-aremer, Akngey atyenh-wenh apmerel ayeng anerl-aneyew!”
25154	LUK 4:22	Rernemarl awewel, Jesus-arl alakenh angkew, rernemap apateyelpew. Nakew-anem renh ayernerremel rernem, “Nthekwern ra angkeyel alakenh? Ran alerikw Joseph-wenh, apmer nhenh-areny!”
25167	LUK 4:35	Jesus-el arrenty iltew, “Nga akeleyt anaynta! Tyerrelha ikwer-they!” Arrentyelan artwa renh ilatwew athenemel, rap ikwer-they tyerrelhew-anem. Artwa renhanap akep-akalthey-angenh-antey, mwerr-antey.
25168	LUK 4:36	Ingkerrelap arew, rernemap apatew angkerremel-anem, “Angka ilek-apeny ran angkeyel? Artwa nhenhel angka rlterrk ingwer-lkwer ileyel. Ran arrenty-rnem ileyel, rernemap iylparethelarl awem! Rernem tyerrelherl-alhem, alpem-anem!”
25171	LUK 4:39	Ra rtney-alhew akelty arntety ikwer-itwel, rap angkew, “Ipmelha! Tyerrelha ikwer-they!” Arwapeny tyerrelherl-alhew arntety ran, rap ywerrerl-alhew-anem. Akelty rap akwentenhey-alpew, amern-anem ikwer-rnem anthew.
25173	LUK 4:41	Arrenty-rnem tyerrelhenh ingwer-rnem-they, arrenty rernemap ikwer arlkenh, “Ngan Alerikw Akngey-wenh!” Rernem iterl-arew, Akngeyelarl renh thwenew ahern nhenh-warl. Arrenty-rnem ilkelhew, angka ikwer-akert ingkerrenhew ileyew. Rap arrenty renh-rnem akeleytelew apatelhelemel, ilewerr ingwer-rnem-warl.
25280	LUK 7:16	Ingkerrel arew, artwa ipmepenh rtnerl-alhewarl, rernemap atererrew apateyelpemel. Rernem inkwerelhemel angkew alakenh Akngeyew, “Jesus ran angkakert Akngey-wenh! Akngey rlengkan apetyew, anenhantherrenh arntarnt-areyew!”
25303	LUK 7:39	Simon-el arelh arew, rarl mpwarenh, ra iterrew, “Inngarl artwa nhenh angkakert Akngey-wenh? Renh iterl-aremer ra! Arelh apmwel renh arnep-arneyel!”
25313	LUK 7:49	Ingwer-rnemel awew, rernem angkerrew, “Ra nthekwern alakenh angkey-angenh! Akngeyant alakenh angkey-angker!”
25322	LUK 8:8	Ntang ingwer-rneman ra iwew ahern itwelh-itwelh-warlarl. Atherrk-rnem rernemap mwerrarl lyapew ntang-penh. Atherrk-rnemarl ampeng-anem irrew, amern akngerr inngap ayntewan, rernem arlkwaynteyewan. Ntang anyent-they ntang akngerr lyapew, 100 innga.” Jesus-elarl angka ilew-penh, rap atayel ingkerrew angkew, “Iylpel mwanty-antey awenh-arey!”
25338	LUK 8:24	Jesus-anem rernem atyekelew, “Ingkart akwentay! Kwatyel anenhantherrenh ilwerl-athenewerr!” Rap akwentenhey-alpew, atayel innga angkew rwarrew-then kwatyew-then. Ingkerrap arternperreyelpew.
25342	LUK 8:28	Apmer ikwer-areny-rnemel renh arertnenh tyeynel itep-atherr ingkety-atherr-then. Arrentyarl angkep ikwer-warl aylpeyam-alpenh rlterrkelenh, rap tyeyn-rnem akalthenh, arleng-anem anterremel. Arrentyel rwew-alhenh, ra arleng ament alhaynteyew. Jesus-elan renh arew, rap arrenty-anem iltew, “Arrenty apmway! Tyerrelha ikwer-they!” Artwa ra arlkenty iwew atayel, rap kwenerrey-alhew, Jesus-arl rtnenh-itwew. “Jesus-ay! Nga Alerikw Akngey-wenh! Nthakenh ileyew ntwa ayenh? Ayengan irrepern apmwa. Ayenh irrwampenh-anthey-angenh!”
25360	LUK 8:46	Jesus angkew, “Innga wenh! Ingwerentyel ayenh arnew! Atha iterl-areyel, arawerrngarl tyerrelherl-alhew atyeng-they!”
25383	LUK 9:13	Ra tyernew, “Arrantherran anthenh-arey amern ikwer-rnem!” Artwernem 5,000 anew-anenh, arelh-rnem-then ampernem-akert; akngerr inngey. Kwertengerl-rnem angkew Jesus-ew, “Anantherr amern akelyant atnyeneyel, amern rtamp-rnem 5, aker aylperr atherr-then. Anantherr nthakenh alhey-angenh, amern akngerrew ineyew.” Ra kwertengerl ikwerenh-rnemew angkew, “Ilenh-arey renh-rnem, rernem arlwarey-arlwarey arrernelheyew, ingwer-rnem 50, ingwer-rnem 50 arrpemarl.”
25403	LUK 9:33	Artwa ingwer-atherr alpeyew-alenty rtnenh, Peter angkew, “Ingkartay! Mwerr anantherr mpwelhenh-antey! Anantherr lywenty-rnem irrpety mpwareyew; ngkwengarl anyentan, ingweran Moses-ewarl, ingweran Elijah-ewarl!” Ran iterl-arey-angenh, ranap apmwel-ayeth angkenh. Ra iterrenh, artwa atherrang anenty-arrpantey ahern nhenh-itwew alerl.
25411	LUK 9:41	Jesus angkew ikwer-rnemew ingkerrew, “Arrantherran atyeng awelhey-angenh arrangkw-antey! Arrantherran apmwel-ayetharl iterreyel. Ayengan arlkarewelheyel, arrenhantherrenh akalty-antheyel angkepelarreng! Ayeng nthakenh arrewantherrel-arleng aney-angenh arleng-alenty!” Rap artwa ikwer angkew, “Akngetya alerengkw ngkwenh atyeng-warl.”
25413	LUK 9:43	Ingwer-rnemarl rtnenherrenh, rernemap apatew. Rernem angkew, “Inngangay! Akngeyel arnwarnem arawerrng-akertel!” Ingkerrenh angkerrenh-antey, Jesus nakenh. Rap angkew kwertengerl ikwerenh-rnemew,
25449	LUK 10:17	Ikwer-penh ingwer-ingwer artwa 72 weth-rnem, Jesus-elarl thwenew-rnem, rernem inkwerelhemel apey-alpew Jesus-warl. Rernemap ilelhew, “Ingkartay! Innga wenh! Anwernantherr arrenty-rnem ilterl-apenh, itna ngkwenh itnewemel, rernemap awelhew anwernewantherr! Anwernantherr irrentew arntety-rnem-they, rernemap ywerrerl-alhew!”
25526	LUK 11:52	Yew-yew! Arrantherr angka Moses-wenhew akalty-anthey-angker-rnemay! Akngeyelan arrenhantherrenh inngarl artewentyel irrwampenh-antheyenh! Arrantherr angka Akngey-wenh arraty akalty-anthemer, akngerr ingwer-rnem akaltyerreyew, ikwerenh-angkwarr anaynteyew. Arrangkwaw! Rerneman angka ikwerenh iterl-arey-angenh, arrantherr-apeny!”
25542	LUK 12:14	Jesus-el tyernew, “Ayengan arla, mpwel-wenharl yanhan! Nthakenh atha iley-angenh. Mpwelarrp arlperrtyelenh-atherr!”
25588	LUK 13:1	Jesus-el akngerran akalty-anthenh-antey, ingwer-rneman apetyew ikwer-warl angka apmwakert. Rernemap ikwer-warl angkey-alhew, “Anantherran ngwampant apetyew Jerusalem-they. Nhakan akngerr Galilee-areny-rnem aylpew tyaty ilkwewarl Jew-rnem-wenh-warl, Akngeyew kwenerr-aynteyew. Atnwenth-rnem-then rernem Akngeyew atwew arrtyemel. Rernemarl alakenh irrenhewarl, Atyetyart Pilate-wenh ahawarr-rnem rernem alhew, aylpenhew-anem tyaty ilkwewarl. Rernemap Galilee-areny-rnem ingkerrenh atwey-alhew ipmew-antey!”
25618	LUK 13:31	Jesus-arl angkenhewarl, artwa Pharisee-rnem apetyew ikwer-warl angkey-alhew, “Artwa atyetyart apmer Galilee nhenh-areny, artwa Herod, ra ilanthew, ngenh ipmew-antey atweyew! Ngan alpeyew apmer nhenh-wety!”
25659	LUK 15:2	Artwa Pharisee-rnem artwa angka Moses-wenhew akalty-anthey-angker-rnem-then rernem tyel-angkenh Jesus-ew alakenh, “Artwa nhenhan apmwarl! Inkwerelhemel artwa apmwernem-itwew anerl-apeyel, amern-then arlkwerl-apeyel!”
25738	LUK 17:18	Anyent nhanyemant angkep iterrewan, inkwerelhemel angkeyew Akngeyew. Alethangarlap ran, apmer Samaria-areny!”
25807	LUK 19:7	Akngerrel intwarew, Jesus-arl alhew apmer Zacchaeus-wenh-warl. Rernemap angkerrew, “Pwertay! Nhak Jesus alhew artwa apmwewenh apmer-warl, aney-alheyew ikwer-itwel!”
25839	LUK 19:39	Artwa Pharisee-rnem rtnenherrenh arrpemarl ikwer-rnemel-arleng, rernemap angkew Jesus-ew, “Atyetyartay, ilta ngkwenh-rnem akeleytelemel! Nthakenh rernem ngenh alakenh nakey-angenh!”