1740	EXO 8:25	Moses angkek ikwer, “Ya. Ayeng alpem, ayeng angkey-alpem INGKARTek. Ingwelarreng ameng-rnem ngkweng-they alpem, warrkenh ngkwenh-rnem-they-then Egypt-areny-rnem-they-then. Atyeng awelha! Irrtywerremel iley-angenh! Arrngert angkey-angenh, anwernantherr arlpaw-warl alhetyek, aker tyenkerr arrtyemel anthetyek INGKARTek.”
2457	EXO 32:18	Moses angkek Joshua-ek, “Arrangkw. Israel-kenh-rnem inkwerelhey-angenh, rernem atwerrenty-penh. Rernem artney-angenh, rernem atwerrenty-penh. Atha renh-rnem aweyelarl, rernem aylelherreyel.”
2493	EXO 33:19	INGKART angkek ikwer-warl, “Ya. Ayeng ngkweng-angkwarr rwaylpenhem. Ayeng ngkweng aremirrem. Ntwa aretyek, ayengarl mwerr-angker innga. Ayeng ngkweng itna mwerr-angker atyenh-anem ilelhetyek. Itnan atyenh INGKART. Ayeng ilkelhenty atha ingwer-rnemek amperrngirremel arntarnt-arem arrpemarl.
7179	RUT 3:5	Ruth-el tyernek, “Yew. Atha mpwarem, ntwarl ayenh ileyel-angkwarr.”
7237	1SA 1:23	Elkanah-el tyernew, “Kel. Ngarl ilkelhem alakenh. Alerl anayntenh-atherr, awey aylpaty-wety ipmelhentyew. INGKARTel ngenh alpemelem, ntwarl arretengelew-angkwarr.” Hannah-an anenh awey ikwerenh alerl-antey alkenhelenh, rarl aylpaty antywenh-antey-akert.
7283	1SA 3:5	Rap anterrew Eli-warl angkey-alhew, “Ilekay? Nga atyeng arlkew.” Eli-an angkew, “Arrangkwew. Ayengan arlkey-angenh. Alpa ayntey-alpa.” Rap alpew ayntey-alpew-anem.
7393	1SA 8:22	INGKARTel tyernew, “Awelha ikwer-rnem. Atyetyart yanh-lkwer arrerna ikwer-rnem.” Samuel angkew artwamp-rnemew, “Kel. Alakenh mpwarem atha. Alpenh-arey-anem apmer-warl ingkerr.”
7449	1SA 11:2	Atyetyartel thweneynew angkakert angkep, alakenh angkeyew, “Kel. Atha arrenhantherrenh atwey-angenh. Anngant arraty-ampeny atha tyerrem arrewantherr-itwew. Alakenharlan Israel-wenh-rnem nyerr-antheyew.”
7606	1SA 16:9	Jesse-el thwenew Shammah-anem. Samuel angkew, “Arrangkw. INGKARTel yanhan rlwaney-angenh arrpemarl.”
7608	1SA 16:11	Samuel-elap ayernew, “Alerengkw ingwer apek ngkwenh aneyel?” Rap tyernew, “Ya. Alerey akely David-anem, ranap peleyn-itwew yep-yep-rnem arntarnt-areyel.” Samuel angkew, “Ingwerenty thwena, renh ingwerleweyew. Anantherrap ikwer-tangkwel mpwelhem. Nthakenh arlkwey-angenh amentel.”
7657	1SA 17:37	INGKARTel ayenh arntarnt-arew atnwenth ahelengkw-rnem-wety, rap ayenh arntarnt-arem arrpemarl artwa ahelengkw yanh-wety.” Saul-an angkew ikwer, “Kel. Alha, atwerreyew mpwelanth, INGKARTel ngenh arntarnt-aremarl.”
7968	1SA 28:23	Ran angkew, “Arrangkw. Nthakenh atha arlkwey-angenh.” Artwa ikwerenh-atherr irrkaty-angkwarr angkew, “Atyetyartay, amern ntwa arlkwemer!” Rap awelhew ikwer-rnem. Rap akwentew, pangkel-anem anenh.
8274	2SA 11:12	David-an angkew ikwer, “Kel. Apmer atyenh-itwew anerl-alha. Ingwelarrengant atha ngenh thwenem.” Kel Uriah atherr-inger ayntew Jerusalem-itwew.
8401	2SA 15:9	David-el tyernew, “Kelaw. Mwerr nga alhewer alpem.” Rap alhew Hebron-warl-anem.
8449	2SA 16:20	Alerikw David-wenh ra angkew artwa ingwerew-anem, artwa anper arey-angker wethew, “Kelap. Ntwanem ila anewantherr, nthakenh irrem anantherr?”
8457	2SA 17:5	Alerikw David-wenh angkew-anem, “Kel. Kwertengerl Hushai weth, iley renh-anem, apetyeyew anewantherr-warl. Angka ikwerenhew-tangkwel anantherr awelheyew.”
8485	2SA 18:4	David-el tyernew, “Kel. Ayeng awelhem, arrantherrarl angkew-angkwarr.” Rap arlkew atayel, akngerrel aweyew, “Joab! Abishai! Ittai! Athamerrenh-arey Absalom-ew! Ran alerey atyenhan!” Rap keytel rtnenh, ahawarr-rnem intwarenh, rernemarl anperl-alhew.
25110	LUK 3:16	John-an ingkerrew angkew, “Arrangkw. Ayengan artwa ingwerarl. Atha arwa baptise-emeley-angker kwaty-warlant. Rlengk-penh-antey ranem apetyeyel, ayeng-apeny-wenyarlap ran. Ayengan warrkenh akelyarl, ranem atyetyart ilkwarl. Atharl kwaty-warl arrenhantherrenh baptise-emeley-angker. Ranap arrenhantherrenh irrarlkey-angker Inweng Mwerr-angkerelarl, rwelarl apmwamwam irrarlkemel ampem-apeny.
25432	LUK 9:62	Jesus-el tyernew, “Arrangkw. Ntwa ayenh apententy, nthekwern nga angkeperrey-angenh. Ngan iterreyel angkeperreyew, nthekwern ntwa angka Akngey-wenh iley-angenh, rarl atyetyart ingkerrew aneyel, arrangkw.”
25502	LUK 11:28	Jesus-el tyernew, “Arrangkwarl. Ingwer-rnem angka Akngey-wenhewarl awelheyel-rnem, rernemarl inkwerelheyel inngan.”
25873	LUK 20:25	Rernem tyernew, “Atyetyart ilkwa Rome-areny.” “Kelap. Ingkerr ilek-ilek atyetyart Rome-areny-wenh arrantherr ikwerarl anthemer. Ingkerr ilek-ilek Akngey-wenhan arrantherr ikwer anthemer.”
26167	JHN 2:3	Kel wayn ywerrek, arrangkw-anem. Amikw Jesus-kenh ikwer-warl angkek. “Arrangkw. Wayn ingweran ntwa iney-angenh-anteyarl.”
26168	JHN 2:4	Jesus ikwer-warl angkek, “Menty. Alerl-antey. Ingwer-ingerant arlta atyenhel, atha ilek-ilek mpwaretyek, rernem ayenh iterl-aretyek-anem.”
26583	JHN 10:33	Rernem Jesus ikwer irrpelthirrek, “Arrangkw. Nthakenh anwantherr ngenh atwey-angenh warrk ngkwenh-angkwarr. Ngan Ingkart-wenyarl. Ngan Akngey ilkwarrpantey irrtywerremel ilelheyel, anyent-angkwarr-arrpantey! Alakenh-they anwantherr ngenh apwertel wetyek!”
26683	JHN 12:34	Ingkerrenh Jesus-warl angkek, “Arrangkw. Akngey-kenh Artwa Impen renh rernem tywenemel atwey-angenh. Akngey-kenh pip alakenh aynteyel: ‘Christ ra aleth-antey iteth aneyenh.’ Angwenharlart ran, Akngey-kenh Artwa Impen?”
30580	2PE 2:13	Ranap artewentyel inngey renh-rnem irrwamperl-anthem, rernemarl apmwangkwarr aneyel ingwer-rnemew. Rerneman angkeyel, “Mwerraw. Anantherran alhewer itwernew anerl-ayntem apmwangkwarr. Anantherr ilkelhentyan, anantherrap terangkerremarl.” Rernemap itengerremel anem arrewantherr, amern arlkwemel aker-then, alakenh-anyeman rernem nyerrel-anthemarl. Aley rernem aneyel arrewantherr-itwel, rernemarl atherreyel arrkent-then ilek-ilek apmwangkwarrew, mwerr-arrpantey. Rerneman nyerrerrey-angenh, rernemap arrenhantherrenh nyerrel-antheyel, tyaty arrewantherrenh alakenh apmwelemel.