23439	MAT 8:25	Eaꞌ alipumi ananimi mafeꞌ minimbalona maꞌipana maꞌi, “Dembinai! Inaꞌ safel netopalopafa. Afaꞌ waꞌi ahigililafa owala embel!”
23446	MAT 8:32	Eaꞌ naꞌipagof naꞌi, “Ipaꞌ foꞌo!” Eaꞌ makwaha aman anamba mawisi mafeꞌ mawisa bogof. Eaꞌ bogof agwafomba hiagufi fasagih mafaꞌ mafeꞌ mehip mowala awagoma tata aꞌ mowala mala embel dumb afum hiꞌalam.
23725	MAT 15:23	Owaꞌ Jisas ina nagwamaꞌwa anif basef akoꞌw, owaꞌ. Eaꞌ amom alipumi ananimi mafiꞌmai anen maꞌipana maꞌi, “Nemataꞌw akwamba kwandaꞌam falafala kwagiꞌmafai. Inaꞌ sapaꞌakw kotanima kofoꞌo!”
23747	MAT 16:6	Eaꞌ Jisas naꞌipam naꞌi, “Ipaꞌ pindimafuma andeandeꞌ, solawaipama yis amamba amom Farisii maloma amom Sadyusii!”
23763	MAT 16:22	Eaꞌ Pita nofaꞌ Jisas nendelefata nasa gemba eaꞌ naꞌipana naꞌi, “Dembinai, owaꞌatin, aeꞌ andaiwaꞌ endilisi ma hiahaom amamba mogatagama inaꞌ, owaꞌi, hapaimi!”
23891	MAT 20:30	Eaꞌ amam biam naep pagasoꞌami tol mape felefeleꞌma ufiaꞌw. Eaꞌ mameꞌ basef saꞌi Jisas nafiꞌi eaꞌ mofalana mehip maꞌi, “Dembinai, inaꞌ akunamana Deviti, niti afaꞌ uwahipifa!”
23892	MAT 20:31	Eaꞌ esis amam nematawa hiasi sinifalom saꞌi mosopama malogof. Owaꞌ owaꞌatin, amom mofalana mehip aꞌowaꞌ maꞌi, “Dembinai inaꞌ akunamana Deviti, niti afaꞌ uwahipifa!”
23910	MAT 21:15	Owaꞌ amom pris dembami maloma anom dembami magawalipasa muꞌuli Godi mati anen nandaꞌ maol banagani fasini, eaꞌ mameꞌ esis awasi sondagalama anen gani ipat luꞌunai nomon saꞌi, “Apaꞌ maꞌi God aꞌ nondatopalopa Dembinai apeꞌinai akunamana Deviti!” Eaꞌ amom deiꞌ ukup awep kwapeteꞌa anen.
24220	MAT 27:22	Eaꞌ Pailat nahaliꞌas naꞌi, “Deiꞌ ipaꞌ paꞌi aeꞌ endaꞌmana main aman anamba Jisas pagaꞌi Kraisi?” Esis hiasi nahaliꞌas saꞌi “Dolana nil lawag usiꞌigai tiꞌwanaegai!”
24221	MAT 27:23	Eaꞌ Pailat nahaliꞌas naꞌi, “Deiꞌ main? Anen nandaꞌ waf maif awafi?” Owaꞌ esis gigal saꞌoh saꞌi mehip saꞌi, “Dolana lawag hana afuna!”
24227	MAT 27:29	Eaꞌ mowaloꞌmana anof mandof higatagufi, malaꞌwatefaf siꞌi hat mowaloꞌmanana balaga ananigai. Eaꞌ masoꞌana anota alifita nahapilata lagol ananigili. Amom mindiwa nembawa motawa felefeleꞌma anen, mandaꞌ salamal lahana maꞌi basef findiwaifi ma anen maꞌi, “Nemaf buꞌwafi, inaꞌ king dembinai esis Judai!”
24909	MRK 15:14	Eaꞌ Pailat nahaliꞌas naꞌi, “Deiꞌ main? Anen nandaꞌ waf maif awafi?” Owaꞌ esis gigal saꞌi mehip saꞌi, “Dolana lawag hana afuna!”
25184	LUK 5:8	Saimon Pita nati naꞌamba, eaꞌ nindiwa nembawa natawa felefeleꞌma boꞌwagah Jisasi naꞌipana naꞌi, “O Dembinai, inaꞌ kwaha aeꞌ, afoꞌo. Aeꞌ aman auwai!”
25346	LUK 8:32	Anamba anogof bogof hiagufi falutu faꞌ gwaꞌaisi anota damota felefeleꞌ. Eaꞌ ambagof awami mofala Jisas dindinip maꞌi, “Inaꞌ niꞌi ahoꞌma afaꞌ ofeꞌ uwis bogof gwagwafumba!” Eaꞌ naꞌi ahoꞌmam,
25733	LUK 17:13	mofalana mehip maꞌi, “Jisas, Dembinai, inaꞌ niꞌi uwahipigama afaꞌ!”
25795	LUK 18:38	Eaꞌ nofalana naꞌi, “Jisas, inaꞌ Devit akunamana, niti aeꞌ owahipiwi!”
25796	LUK 18:39	Epes isimba saliꞌ sagafiꞌi sinifalona naꞌamba saꞌi, “Inaꞌ sopama malogol!” Owaꞌ anen fala atin nape naꞌi, “Inaꞌ Devit akunamana, niti aeꞌ owahipiwi”
26900	JHN 19:6	Eaꞌ amom pris dembami maloma plisman amamumi ataꞌ matolona atin, maꞌias dindinip mehip aꞌowaꞌ maꞌi, “Dolana nil lawag usiꞌigai tiꞌwanaegai!” Eaꞌ Pailat nagwamama basef naꞌi, “Ipaꞌ atipa faꞌana dolanago. Apaꞌ aeꞌ owaꞌ, aeꞌ ina ati anef waf awafi anen nandaꞌafi ma endaꞌ kotimana, owaꞌatin.”
26954	JHN 20:18	Eaꞌ akoꞌw kwafeꞌma alipumi ananimi magapoma kwaꞌipam kwaꞌi, “Aeꞌ ati Dembinai eaꞌ!” Eaꞌ kwaꞌipama basef ifimba anen nagaꞌipaꞌwafi.
27098	ACT 4:7	Eaꞌ amom amamba hiami mandaꞌ amom aposel biam malutu nogohnaep amamisi mahaliꞌam dindinip maꞌi, “Ipaꞌ pefaꞌ banagami mamahoma paꞌi agol maigila deiꞌ pandaꞌ hiahawes isimba? Kias!”
27137	ACT 5:9	Eaꞌ Pita naꞌipaꞌw naꞌi, “Deiꞌ maina ipaꞌ bipa paꞌi basef basoꞌafi pandameꞌmaefa pagagwamba Ambal buꞌunai Dembinaii? Nemeꞌ! Amam amamba ataꞌ mofaꞌ waulunamena ineꞌinai mafeꞌ mawana, amamba mafiꞌi malutu uta. Atiasi mofaꞌ inaꞌ wapani nigiꞌmana nefeꞌ!”
27167	ACT 5:39	Apaꞌ iꞌi God atona nowaꞌ banaga amoma basef ifimba kofagefa ai, ipaꞌ ina daoꞌ atiasi laꞌifipama pegasopama amom, owaꞌatin. Naꞌamba ipaꞌ apepaꞌ peloma God!”
27244	ACT 7:59	Makwaha otamba mahana atin owaꞌ, nandabeten naꞌamba naꞌi, “O Dembinai Jisas, inaꞌ faꞌago ambal aeꞌali!”
27269	ACT 8:24	Eaꞌ Saimon nagwa basef naꞌi, “Ipaꞌ bipa pendabetena Dembinai ma anen nogatopalopa aeꞌ. Ama hiahaom amamba ipaꞌ pagaꞌiami ina aꞌ motagame, owa!”
27420	ACT 12:14	Owaꞌ kwameꞌ malogol Pitai aꞌ kogawana, okom akwaꞌumi sonahaꞌw aꞌowaꞌ eaꞌ ina kwawisiꞌ uta, owaꞌ. Kwasagih kotanima kwafeꞌ nomon kwaꞌipas kwaꞌi, “Pita nani nalutu uta andoꞌ!”
27421	ACT 12:15	Owaꞌ esis saꞌipaꞌw saꞌi, “Inaꞌ okom maolena aꞌa!” Owaꞌ akoꞌw dindinapiꞌw kwaꞌias kwaꞌi, “Owaꞌatin. Endilisi atis, anen nalutu andoꞌ.” Eaꞌ esis saꞌi, “Anamba ensel ananinai atona.”
27428	ACT 12:22	Eaꞌ esis sematefana saꞌi mehip saꞌi, “Anamba malogol anona dembinai siꞌi God. Anen ina malogol anona epeni, owaꞌatin!”
27494	ACT 14:11	Amam nematawa hiasi sati hiahawes isimba Pol nandaꞌasi eaꞌ soga saꞌi diga Likoniai naꞌamba saꞌi, “Amom god dembami apeꞌimi biam mataga siꞌi epes misilaꞌmai apaꞌ!”
27570	ACT 16:18	Dondol nemataꞌw akwamba kwandaꞌas naꞌamba atin nimaguf hiafi. Eaꞌ Pol okom iwanima akoꞌw aꞌowaꞌ, nandambema naꞌipa ambal anamba nagapauꞌwi naꞌi, “Aeꞌ aꞌipina agol Jisas Kraisi, kwahoꞌw nemataꞌw akwamba aꞌ nefeꞌ!” Eaꞌ ambal anamba nakwaha akoꞌw kwafalis aꞌ nafeꞌ.
27580	ACT 16:28	Owaꞌ Pol noga naꞌi mehip naꞌi, “Hai, inaꞌ owaꞌi nehambombaga ineꞌa! Apaꞌ hiapai mape!”
27768	ACT 21:36	Eaꞌ esis amam nematawa hiasi sagiꞌmana safeꞌ gigal saꞌoh dindinip saꞌi, “Hana ma afuna, hana ma afuna!”
27794	ACT 22:22	Esis Juda eaꞌ sameꞌ basef Poli fafeꞌ fatagama basef ifimba fagaꞌi epes isimba owaꞌ Judaisia. Eaꞌ esis galala mehip saꞌi, “Hana ma afuna! Epes naꞌambaimi ina mope itap, owaꞌ. Anen ina ataꞌ nope namona. Hapainai!”
27798	ACT 22:26	Eaꞌ kepten anamba nameꞌ basef ifimba, nafeꞌ naꞌipa soldia anamba dembinai naꞌi, “Inaꞌ naꞌi nendaꞌ main? Aman anamba anen Romunai!”
27805	ACT 23:3	Eaꞌ Pol naꞌipana naꞌi, “Inaꞌ aman aunai siꞌi anom indalelemb awami sandaꞌ pen buꞌwani afitini sagandisam andoꞌ atogini. Atiasi God aꞌ nehena. Inaꞌ nape naꞌa naila muꞌuli inimba Godi ma nandaꞌ kotima aeꞌ, eaꞌ inaꞌ atina nesambala muꞌuli inimba ma deiꞌ naꞌipam mogahe!”
27915	ACT 26:24	Pol naꞌipas naꞌamba owaꞌ, Festus noga naꞌi banagambel naꞌamba naꞌi, “Pol, inaꞌ okom naolena! Inaꞌ nati buk hiami natalifam nogawam deiꞌ gawa anamba luꞌunai nandaꞌena okom naolena!”
27918	ACT 26:27	Inaꞌ dembinai king Agripa, inaꞌ nahapifa basef Godi amom profet fowaꞌ magawalipasafi aꞌa owaꞌ? Aeꞌ egawa inaꞌ nahapifif!”
28199	ROM 8:15	Deiꞌ main, ipaꞌ ina pefaꞌ Ambal buꞌunai Godi nahapilipa sisihipa siꞌi sandaꞌ kalabusi ma ataꞌ ombel mogahepa wapani, owaꞌatin. Ipaꞌ apefaꞌ Ambal buꞌunai anamba nandaꞌepa pataga awasi Godi. Banagami Ambal buꞌunai atom deiꞌ mofalana maꞌi, “Ahamapa! Ahamapa!”
28271	ROM 10:15	Iꞌi God owaꞌ nosapaꞌi amam amambaia, deiꞌ atiasi amom mefeꞌ mowalapef miꞌimama? Owaꞌatin. Siꞌi Baibel nagaꞌi naꞌamba naꞌi, “Awasi! Maol inimba epes sofaꞌi basef buꞌwafi aeꞌafi sogafiꞌii, inimba fasini endilisi aꞌowaꞌ!”
29204	GAL 4:6	Apaꞌ mape awasi ananipai. Isimba atis deiꞌ God nasoꞌapa Ambal buꞌunai Nogamanai nawis ukup apeꞌipi. Ambal anamba nalef nofalana naꞌi, “Ahame, Ahame!”
30084	HEB 4:3	Amam nematawa magahapifa Godi apaꞌ deiꞌ mafeꞌ mawis mapoma nomaꞌw maloma God, siꞌi anen nagaꞌias naꞌi, “Aeꞌ okom numbutim eaꞌ aꞌi basef endilisifi atif banagafi aꞌi, esis ina suwis sopoma nomaꞌw solome, owaꞌatin endilisi!” Fowaꞌ nandaꞌ itap apaꞌe hiꞌalap eaꞌ napoma nomaꞌw nogota laota nafiꞌi nafiꞌi nataga deiꞌ. Anen napoma nomaꞌw nasasa esis suwis sopoma nomaꞌw sogalomana. Owaꞌ, esis ina sawis, owaꞌatin.
30314	HEB 13:6	Eaꞌ deiꞌ apaꞌ mondowaꞌ banaga nelelemb apeꞌilimbi eaꞌ miꞌias naꞌamba mindaꞌi, “Dembinai nagatopalopa apeꞌi. Apaꞌ ina ombal mohapa, owaꞌ. Atiasi epes laꞌifis sondaꞌ maina apaꞌ? Owaꞌatin endilisi!”
30376	JAS 2:16	anin ipeꞌini niꞌipa epes isimba niꞌi, “Ipaꞌ opalef awanelef pefeꞌ pifaꞌi luwaguf ipeꞌifi pewaheꞌef pembahoꞌ alop ipeꞌipi pefeꞌ peaꞌ gwaꞌaisi buꞌwasi!” Iꞌi ipaꞌ pigaꞌias naꞌamba ma, basef ifimba ipeꞌifi owaꞌ fetaga endilisia. Atiasi basef ifimba ipeꞌifi fetopalopas fiꞌimama? Owaꞌatin. Falafifi atif.
30862	REV 6:1	Eaꞌ aeꞌ ati sipsip noganai nahapila buk akwamba tep 7-pelailip pogowaꞌakwi eaꞌ nahapeꞌ tep pagaliꞌi. Eaꞌ ameꞌ anona ma amom amamba biamibiami naꞌi basef diga ananigai gandameꞌ siꞌi otaga diluluwagala. Anen naꞌi, “Inaꞌ fiꞌi!”
30864	REV 6:3	Sipsip noganai nahapeꞌ anona tep nagafeꞌma bifi nogowaꞌ buki eaꞌ ameꞌ anona ma amamba biamibiam nagafeꞌma bifi naꞌi, “Inaꞌ fiꞌi!”
30866	REV 6:5	Eaꞌ sipsip noganai nahapeꞌ anona tep nagafeꞌma wanifi wapani nogowaꞌ buki. Ameꞌ anona ma amamba biamibiam nagafeꞌma wanifi naꞌi, “Inaꞌ fiꞌi!” Eaꞌ aeꞌ atologon wapani ati anona hos alialinai. Eaꞌ aman nagatomanai nahapila anin skel siꞌi ikwaf dondoꞌma nowaloga gwaꞌaisi nigihimbaꞌmasa ikwaf dindiꞌi dondoꞌ.
30867	REV 6:6	Eaꞌ ameꞌ anef maf siꞌi anagol malogol gaꞌi laꞌafena amamba biamibiam gaꞌi, “Inaꞌ nesahoꞌ anep malep sagala saꞌutip witipi ma 3 kina. Eaꞌ nesahoꞌ maloh saꞌwihi wanoh bali siꞌi wit nagapaihi ma otamba 3 kina. Apaꞌ inaꞌ owaꞌi nehambombaga waini wel hiꞌilasa, owaꞌi!”
30868	REV 6:7	Eaꞌ sipsip noganai nahapeꞌ tep nagafeꞌma bifibifi nogowaꞌ buki, eaꞌ ameꞌ malogol anona ma amom nagafeꞌma biamibiami naꞌi, “Inaꞌ fiꞌi!”
30890	REV 7:12	Amom magaꞌi naꞌamba maꞌi, “Endilisi atis! Apaꞌ mandagala aꞌowaꞌ ma God apeꞌinai eaꞌ masaꞌma agol ananigili luꞌwagol! Anen Dembinai kofagonama mogogalaꞌi. Anen nomonas hiasi buꞌwasi sagapaunai eaꞌ apaꞌ manifelona masaꞌma agol ananigili! Anen banagami hiamunai endilisi! Ahoꞌ, banagami luꞌwami aꞌ mapoma anen! Amamba hiami ananimi atom lifilafi dondol. Endilisi!”
30908	REV 8:13	Eaꞌ ati anona komon luꞌunai nufiaꞌ nafeꞌ laꞌafen gani ilif ameꞌana naꞌi mehip naꞌi, “Uwahipis uwahipis aꞌowaꞌ esis amam nematawa sagape itapi ma anom akafimi nimanimi luꞌwami wapani mogatagamas. Deiꞌ main, anom ensel wanom maꞌi mufapula biugel amamini ma atiasi nimanimi akafimi amamba mogatagamas!”
30952	REV 11:12	Eaꞌ momeꞌ anagol malogol giꞌi gotagai heven gofalam mehip naꞌamba giꞌi, “Ipaꞌ bipa latai naꞌa ilif!” Eaꞌ mofeꞌ heven muwis ilagw nomon eaꞌ esis bousi sulutu sotolona mogafeꞌ.
30955	REV 11:15	Eaꞌ ensel anamba nagafeꞌma 7i nufapula biugel ananini, eaꞌ anagof malogof foga faꞌi mehip fatagai heven naꞌamba faꞌi, “Dembinai apeꞌinai naloma Krais amom biam deiꞌ mofaꞌ banagami mataga king dembami itap apaꞌe hiagoma mumafiagon. Eaꞌ anen aꞌ nope king Dembinai lifilafi dondol!”
30958	REV 11:18	Esis sogolalama Godi opalef awalef ukup numbutip, apaꞌ deiꞌ okom ineꞌimi wandafumi mataga eaꞌ. Deiꞌ nemaf inaꞌ negawaloga esis sagagaꞌii ma sogatagama kot. Deiꞌ nemaf inaꞌ nogasoꞌasa hiahaom fasimi ma amom profet mandaꞌ maol ineꞌinii. Deiꞌ inaꞌ nogasoꞌasa hiahawes fasisi esis amam nematawa ineꞌisi soloma isimba hiasi sandaꞌ lotuminai sagape lafela ineꞌi, esis agof fagatomasi soloma isimba agof akasi wapani. Deiꞌ nemaf inaꞌ negahambombaga epes isimba sagahambombaga epes sagape itapi!”
31008	REV 14:13	Eaꞌ ameꞌ anagol malogol gaꞌi gafiꞌi heven gaꞌi, “Inaꞌ daꞌa anif basef naꞌamba. Esis amam nematawa sahapifa Dembinaii sagagaꞌi, deiꞌ nimaguf hiafi anaf owagama wapani sonohas!” Ambal buꞌunai Godi wapani naꞌi, “Ahoꞌ, esis atiasi sokwaha numaꞌumi amamba esis sandaꞌami eaꞌ sopoma nomaꞌw. Esis ina sope dowaf, owaꞌatin. God atiasi niti waf buꞌwafi esis sandaꞌafi eaꞌ nogwamasa anom hiahaom fasimi esis. Waf buꞌwafi asasifi atiasi fisalias sondawalap.”
31013	REV 14:18	Eaꞌ anona ensel wapani nakwaha belita atamba sondolalima Goda nafiꞌi. Ensel anamba banagonai ma nugumafi nifi. Nofala ensel anamba nagahapila nogwatopi nofalana mehip naꞌamba naꞌi, “Inaꞌ faꞌai nogwatop apamba ineꞌipi hikalip aꞌowaꞌi, topaꞌ saꞌutip gwaꞌaipi pagaofi pagail mandelef waini itapi, eaꞌ nekolasom moꞌoh! Deiꞌ main, gwaꞌaimi amamba hiami maof eaꞌ!”
31040	REV 16:17	Ensel anamba nagafeꞌma 7i nakoloꞌwa dis ananimi eaꞌ fufin nofaꞌam. Eaꞌ anagol malogol gaꞌi gatagai sia king luꞌunai nomon ipat luꞌunai Godi gaꞌi mehip gaꞌi, “Amamba deiꞌ eaꞌ hiꞌalam!”
31072	REV 18:10	Atiasi amom ombel moham kwapeteꞌ endilisi ma akafimi amamba akoꞌw kogofaꞌami. Mulutu laogona akoꞌw miꞌias miꞌi, “Owahipipa owahipipa aꞌowaꞌ ma wambel Babilon! Ipaꞌ taun wambel banagonai! Iꞌi owaꞌ main kwafalis atis ipaꞌ pefaꞌ akafimi amamba ma waf awafi ipaꞌ pandaꞌafi!”
31089	REV 19:3	Eaꞌ esis sakoloꞌwa maguf wapani naꞌamba saꞌi, “Apaꞌ mondasaꞌma agol Godi luꞌwagola wambel ambalemba luꞌwambili fagandembel nogoh magalo. Amamba aꞌ malo malota ilif lifilafi atapim!”
31090	REV 19:4	Eaꞌ amom agufumi dembami 24-pelaim maloma amamba biamibiam magape namumii mindiwa nembawa motawa mandaꞌ lotuma God nagatoma sia luꞌwanii. Amom maꞌias maꞌi, “Endilisi atis, apaꞌ mondasaꞌma agol Godi luꞌwagol!”
31091	REV 19:5	Ama sia luꞌwani Godi eaꞌ anagol malogol gaꞌi gafiꞌi gaꞌi, “Ipaꞌ pandaꞌmana maol Godii, ombel mahepama anen pagaila basef ananifii, ipaꞌ epes agof akipai paloma epes isimba agufisi, ipaꞌ hipai pekolata pefela agol Godi!”
31127	REV 21:5	Eaꞌ aman anamba nagape sia luꞌwani kingi naꞌi, “Pemeꞌ! Deiꞌ andaꞌ hiahaom hiami mataga dambaim hiꞌalam!” Eaꞌ naꞌipi wapani naꞌi, “Inaꞌ daꞌa basef ifimba. Deiꞌ main, basef ifimba endilisifi atif aꞌowaꞌ ma sogahapilif endilisi.”
31169	REV 22:20	Aman anamba Dembinai nagaꞌi basefa hiahawes isimba hiasi sagail buk akwaꞌe deiꞌ naꞌi, “Endilisi atis, atiasi ifiꞌi kwafalis atis!” Ahoꞌ, Dembinai Jisas, inaꞌ nifiꞌi!