23332	MAT 5:29	Na nuhuaji, Jesuuri nio miriqui sequesano sequequiaari pueyara, jiyanohua na niishitiojonura nojori: —Naaratej, quia miaquetajara quia namijia jaara sesa miitiri quiajaniya, quia namijia quia jiatere. Tamocora quia jatare. Quiajaniyara socua maninia cutaraari namijiijiu quia quiniuria, maja quia jatasaanura mani quiquiojinia puetunu quia cuaqueyatajanaa.
23416	MAT 8:2	Tamonu pueyano cusosuuri jiyacari Jesuucua catecanoquiaari. Jiyanohua sesa cusonu jiitiaquiaariiri. Tahue rupaajinia, cuno cusonu sesaari quiquiaari “lepra”. Pueyano shuuri juhua miaquesano quijia na cuaqueyajinia cuno cusonu na jiitiasacari. Cusosuuri Jesu cariquimiaji mojoquetaquiaari Jesu na sequenura na panishano. Naa na sequereeri: —Jiyaniijianaa, quia jaara paniri, niishiyacuajanijia quia naata cua cusonu cushiriitiniu.
23417	MAT 8:3	Jesuuri nocua taraajequiaari. Nocua niaree na juaashiquiaari. Na sequereeri: —Jaa, paniyanijia. Cuaara cushiriiria quia cusonu. ¡Jiyacaritij, ritia cushiriiquiiri! Jeequerohuari.
23420	MAT 8:6	Naa na sequequiaariiri: —Jiyaniijianaa, cua seruuri cusosu mataa maquetujinia. Majaari na naata pooniniu quenaaja. Jiyanohua naquiya miya na noonutaari.
23433	MAT 8:19	Jiyacaritij, Moisés Rootasanojiniji niishitiojona pueyanoori Jesu sequeree: —Niishitiojonanaa, janiyari quiata quianu paniyani. Janiyacua quia tarajareni puetunu tiquiyocuajanaa quia rucuanejosacari.
23436	MAT 8:22	Jesuuri na riucuaree: —Naajaa, cuata quia quiaare cutara. Quia tarinitiare nojuaja. Macunucua cuaara jamoora tama narta macujuaaja. Naatej, cante Pueyaso tojitiaashijiacani, nojoriiri tariucua juhua macunucua quiya Pueyasora.
23476	MAT 9:28	Canaa tiuquishacariuhua canaa quijia tiajinia, cariyojuarujuriiri Jesuucua catecanoquiaari. Jesuuri nojori nequesotaree: —¿Niaate cucua tiuya nia namijiaa cua jeecanura? Jesu riucuatureeri: —Jaa, jiyaniijianaa. ¡Quia naatacuaaquiniatejaj!
23596	MAT 12:38	Noojiaqueya Moisés Rootasanojiniji niishitiojonaari tii quiriquiaa Fariseocuacata. Nojoriiri Jesu sequequiaari: —Niishitiojonanaa, jiyajeneta casaa quia miiri Pueyaso cumaacata canaa niquishocoriquiano.
23618	MAT 13:10	Jesuuri naa pohuataquiaari miriqui pueya niquiaratej. Na nuhuaji, canaa, Jesu saquiriojosano pueyani, canaari nocua catecanoquiaarini. Canaari na nequesotaquiaarini: —Jiyaniijianaa, ¿casaara pueya quia niishitiojoriquiaa miriquini?
23673	MAT 14:7	Naaratej, Herodesri necanuru sequequiaari puetunu pueya niquiarajanaa: —Sanaunaa, cua sequere casaa quia paniyani. Janiyacua quia niquitiore quia panishanoni. ¡Seetanujuanaa quia sequeyanijia! Majaari cua rupaa cua jatanu quiniutianiya. ¿Casaa quia paniniutianiyani?
23697	MAT 14:31	Jesuuri ritia Pedro juaashiquiajiniji quiaree. Na sequereeri: —Pedronaa, majaqui puera quia tiuuniu cucua. ¿Casaara cua sequesanoocuaji quia taacanuureeni?
23712	MAT 15:10	Na nuhuaji, Jesuuri puetunu pueyajanaa sequeree: —Miji, niya cua tojitiaseecuarajaj maninia nia niishiniuria.
23714	MAT 15:12	Jiyacaritij, canaa, Jesu saquiriojosano pueyani, canaari nocua catecanoquiaarini naa canaa sequenura nojuaja: —Jiyaniijianaa, ¿quiaate niishiya Fariseocuacaari juaaquioree naa quia sequesacaritij?
23717	MAT 15:15	Pedroori Jesu sequeree: —Jiyaniijianaa, canaa quia niishitiojoreja casaa quia sequenu paniriquiaa quia pohuatasacari pa miasanojinijini.
23788	MAT 17:19	Na nuhuaji, tamajaaja canaa quishacari Jesuta, canaari na nequesotareeni: —Jiyaniijianaa, ¿casaara maja canaa naata cuno samaru tohuatenu quiriquiaani?
23797	MAT 18:1	Jiyacaritij, canaa, Jesu saquiriojosano pueyani, canaari Jesuucua catecanoquiaarini naa canaa nequesotanura nojuaja: —Jiyaniijianaa, canaa quia sequeretoj, puetunu quia pueyajinijiniojuanaani, ¿cante jiyaniijiajanaa cutarani?
23817	MAT 18:21	Jiyacaritij, Pedroori Jesu nequesotasee: —Jiyaniijianaa, tamonu pueyano jaara sesa miiniu pacutejore janiya, ¿janiyatucua pueyaracaanu na jiyanoorini? ¿Majateeri tariucuaja, janiya jaara na jiyanoori siete sesa na miishanojiniji janiyani?
23884	MAT 20:23	Jesuuri nojori sequeree: —Seetanujuanaa, niaari naquiya miishaanutaniya taa cua miishaanutaniyacuaani. Janiya cutaraari maja cua naata sequenu niajaniya, cante cua miaquetajara cajiniutianiyani, cua muenecaranio, Jiyaniijia cua quishacari. Saaja cua Que cutaraari tari na saquiriojosano pueya sequenutaniya cua shuriucua nojori cajitiuniuria, teyano pojoriicuaji na jeenucuaquiaaricuajani.
23922	MAT 21:27	Naaratej canaa Judiocuaca jiyaniijianucuaari Jesu riucuaree: —Maja canaa niishiniu canariquitijia na jiyaroquiaaritijiaj. Jesuuri nojori sequeree: —Janiyajuhuaj, majaari cua sequenu quiniutianiya niajaniya cante cua Jiyaronani, naa cua miiniuriatej.
23937	MAT 21:42	Jesuuri nojori sequeree: —Jaa, naa miiniutianiyari. ¿Majate nia serojonu quiquiaaricuaja nio, tariucuacaanu Pueyaso Rupaajiniani?: “Pueyari saitia tiariquiaa. Nojoriiri tamonu saajia jiyaniquiaari saajia sesarujuajau naasucua. Cuno saajiacuajaari socua panishano saajia quiquiaari. Jiyaniijiajanaari naa na jiyatequiaari. Cuno saajiata tiaree maninia cutaraari. Pueya niquishacari, jiuujiatecoreeri”. Naa naajiotasano quiyacuajaari.
23957	MAT 22:16	Na nuhuaji, Fariseocuacaari na niishitiojosano pueya jiyaramiquirii Jesuucua, jiyaniijia Herodes panijiaca pueyata. Herodesri jiyaniijia César jiyatesano quiquiaari Judea jiyajinia jiyaniijia na quiniuria. Fariseocuaca jiyaramiquishano pueyari Jesu sequesee: —Niishitiojonanaa, canaari niishiyani quiaari maninia pueyano. Majaari quia cuaracashijionu. Quiaari seetanujuanaa casaa niishitiojoquiaa cutara taate canaa naata maninia quiniu Pueyaso niquiarani. Majaari quia puerenu quiquiaa, pueya niquiara quia pohuatanura quia niishishano. Majaari rimiajata quia niquiniu pueya.
23965	MAT 22:24	—Niishitiojonanaa, supuetana Moisésri pa sequequiaari na naajiotasanojinia, pueyano jaara cusoyare mueyaju, na tarajanu cuaara camiiria mashiquio, mueya na mueratenura tarajanu niti.
23977	MAT 22:36	—Niishitiojonanaa, ¿Pueyaso rootasanojinijini, teyanote socua pa tojishocoriquianoni?
24028	MAT 24:2	Jesuuri saa canaa riucuareejaa: —Jaa, na niquiyacuajanijia. Niaa cumaati maninia na niquiyacujua. ¡Seetanujuanaa nia sequeyanijia, cuno tia niaa na niquiyani, cunoori niyartasaanutaniya puetunujuanaa! ¡Majaari quenaaja tamonu saajia manu quiniutianiya tamonu caco!
24090	MAT 25:13	Naa na pohuatanu nuhuajitij, Jesuuri canaa na saquiriojosano pueya sequeree: —Pueyanaa, nia quiri juhua sutejaca, nia niishiyaquishacari taacari cua tiuquiniutianiuhuani, casaa juucatej.
24140	MAT 26:17	Puetunu marijiarajanaa, canaa Judiocuacani, canaari poreetesoo pan miaquenuuquiaari puetunu siete juucajanaani. Coteenu juucaari sesojosaaquiaari Pascua juuca. Naaratej, Pascua juuca, canaa, Jesu saquiriojosano pueyani, canaari nocua catecanoquiaarini naa canaa nequesotanura nojuaja: —Jiyaniijianaa, ¿tee quia paniya canaa majeetenura quiocuaji borregoni, pa miaquesocoriquiano quiarijia Pascuarani?
24149	MAT 26:26	Canaa miaquesacari, Jesuuri pan ririi. Na Que Pueyaso secojoree nocuaraari. Na nuhuaji, na neecasereeri puetunu canaarajanaa, canaa miaquesocoriquiano. Canaa sequereeri: —Jajaa, nia masere. Nia miaquere. Nio panri cua cuaqueya.
24163	MAT 26:40	Na nuhuaji, Jesuuri na pueya niquishuhua. Nojoriiri saaja maqueturiquiaa. Pedro sequereeri: —Pedronaa, ¿majate nia naata cuata sutenu quenaaja rupaquijia?
24215	MAT 27:17	Pueya rerejosacari Jesu na nacoojotasacari Pilato niquiara, Pilatoori nojori nequesotaquiaari: —Judiocuacanaa, ¿teyano pueyano nia paniya cua cartenurani, Barrabástee, Jesu soj? Nojuajaari pueya sequesano, Pueyaso jiyarosanona.
24261	MAT 27:63	Naa na sequetuseeri: —Jiyaniijianaa, canaari cuno sapojojua pueyano sequesano niishiquiini, na sequesano saminio na quishacarijia. Nojuajaari sequeja: “Janiyari jiuujianaraca juucajinia samiitianutaniuhuani”.
24334	MRK 2:5	Jesuuri cusosu patanaa pueya niquirii seetanujuanaa nocua tiuyano. Naaratej, Jesuuri cusosu sequeree: —Quiyanunaa, sesa quia miishanojiniji quia jiyanoorii taricuajanijia.
24380	MRK 3:23	Naaratej, Jesuuri cuno pojori sequequiaari nojori na niishiriojotenura: —Miji, niya cua tojitiasee. ¿Pueyanoteeri na naata Satanás tohuatenu pueyanojiniji tama Satanás cumaacatajaaja? Maja na naata.
24467	MRK 5:34	Na nuhuaji, Jesuuri na sequeree: —Sanaunaa, cucua quia tiuuniuucua, quiaacuaja tari quia cusonujiniji naatarohua. Juhuajaniya quia quiaarohua. Quia cusonucuaja tari tajiyatemohua quiocuaji.
24474	MRK 5:41	Macu juaashiquiajiniji quiaseeri. Na sequereeri: —Talita, cumi. Nioori pueyano rupaajinia sequeya: “¡Maaji samiriuniaa, quia sequeyanijia, quia sanere!”
24507	MRK 6:31	Na nuhuaji, Jesuuri nojori sequeree: —Miji, pueya quiyaquishaqui pa quiaare tamaqui, tii pa samaatenura rupaquijia quenaaja. Jiyanohua queraatia pueyari pueyaracaanu nojoriicua nijioriquiaa. Tamasacaari quiojoriquiohuacuaa. Tamasacaari saniniuujia shusha tiuquiijioriquiaacujua. Naaratej, majaari jeya nojori quiniu quiquiaari na miaquenura quenaaja.
24560	MRK 7:28	Maajiiri Jesu riucuaree: —Jaa, Jiyaniijianaa. Naajaa, sareyacuajaari miaqueja cariquiacoji tatucuaja, muerasu totinijiosano miaquesano shiriya.
24589	MRK 8:20	—Naajuhuaj, janiya jaara siete pan neecaserucuaa cuatro mil pueyaratej, ¿taa canaasatu nia mishinijiorucuaani? Nojoriiri na riucuaree: —Siete.
24612	MRK 9:5	Jiyacaritij, Pedroori Jesu sequeree: —Niishitiojonanaa, ¡canaa namitia niya quiyani! ¡Canaacua niaacuaji suhuorojoreni: quiara, Moisésra, Elíasranio!
24619	MRK 9:12	Jesuuri nojori riucuaree: —Seetanujuanaacuaaquiniatejaj, Elíasri coteenu tiuquiriquiano quiquiaari, puetunu cucuaji jeenucuariquianojuanaa. ¿Niaate niishiya casaara tariucuacaanu Pueyaso Rupaajinia naa naajiotasaaquiaari janiyajinijini: “Pueyaso Jiyarosanoori naquiya miishaanutaniya? Pueyari na soonutaniyajuhuaj”.
24677	MRK 10:20	Pueyanoori Jesu riucuaree: —Niishitiojonanaa, janiyacuajaari puetunu cuno rootasanojuanaa tojijia pueyaracaanu cua naatujuajinijini.
24681	MRK 10:24	Na saquiriojosano pueyari shiriiquitiuquiaari naa na sequesacaritij. Na nuhuaji, Jesuuri nojori sequenu pacutequiaari: —Sanajooriniaa, seetanujuanaa nia sequeyanijia. Jiyanohua jiyajenetaari casamiriaca pueyano quiniuria Pueyaso pueyanora.
24685	MRK 10:28	Pedroori Jesu sequeree: —Jiyaniijianaa, canaari puetunu canaa jiitiasanojuanaa tiujiaquiaarini quia pueya canaa quiniuria.
24692	MRK 10:35	Na nuhuaji, Santiagoori, tarajanu Juanta Jesuucua catecanoquiaari. Nojoriiri Zebedeo niquiohua quiquiaari. Jesu sequetuseeri: —Niishitiojonanaa, canaara quia miiri canaa masenu panishano quiajaniya.
24696	MRK 10:39	Nojoriiri na riucuaree: —Taaquiriirinij, canaa naatacuaaquiniateja naquiya miiniu rejeretanu juhua quiajaniya. Jesuuri nojori sequeree: —Seetanujuanaa, niaari na nuhuaji cua ratusano raturiquianojuhuaj. Niaari juhua manijinia tiuquinishaariquianojuhuaj, taa cua tiuquinishaanutaniyacuaani. Jesuuri naa nojori sequeriquiaa miriqui, taa jiyanohua naquiya na miishaanutaniyani, na cusosacari pueyacuara. Jesuuri naa nojori sequeree socuatej:
24730	MRK 11:21	Pedroori jiyacari Jesu sequesano niishiquii. Jesu sequereeri: —Niishitiojonanaa, ¡quia niquiri! ¡Quia sesacasano higo naanaqui tari soreree!
24742	MRK 11:33	Naacuajitij, maja na naata na riucuatunu quishacari, Jesu sequetureeri: —Maja canaa niishiniu. Jesuuri nojori sequeree: —Janiyajuhuaj, maja cua sequenu quiniutianiya niajaniya, cante cua jiyaroquiaari naa cua miiniuriani.
24756	MRK 12:14	Naaratej, cuno pojoriiri Jesuucua nijioquiaari. Na sequetuseeri: —Niishitiojonanaa, canaari niishiyani quiaa cutaraari sapojiyashijia. Quiaari seetanujuanaa sequeja. Majaari rimiajata quia niquiniu pueyajuhuaj. Majaari pueya naata sapojonu quiajaniya. Quiaari seetanujuanaa pueya jiuujia niquijia. Quiaa cutaraari seetanujuanaa Pueyasojiniji niishitiojojua, taate pa naata maninia quiniu Pueyaso niquiarani. Naaratej, canaa quia sequere, ¿maniniate pa niquitiojonura pa cumaneecajiniji jiyaniijia Césarra, taa cuno tahue sequequiaari pajaniyacuajani? ¿Taa quia sequeyani, niquitiojoshiyatee, maja soj?
24761	MRK 12:19	—Niishitiojonanaa, supuetana Moiséscuajaari pa rootaa na naajioneejinia, pueyano jaara cusoyare mueyaju, tarajanu cuaara camiiria mashiquio, mueya na mueratenura tarajanu niti.
24787	MRK 13:1	Jesu tohuareetasacari Pueyaso Secojojua tiajiniji, tamonu na saquiriojosano pueyajinijinioori na sequeree: —Niishitiojonanaa, quia niquiri Pueyaso Secojojua tia, puereetujuaaca saitia tiasano. ¡Jiyanohua shanohua tia!
24835	MRK 14:12	Puetunu marijiarajanaa, Judiocuacaari Jerusalén tiacajinia rerejoquiaari poreetesoo pan nojori miaquenuunura siete juuca. Coteenu juuca sesaari quiquiaari “Pascua”. Cuno juuca puecoosaaquiaariiri Pascuara riuriotaca borregohua, Pueyaso niquiara miaquenuusocoriquiano. Naaratej, Pascua juuca quishacari, Jesu saquiriojosano pueyari Jesu nequesotaree: —Jiyaniijianaa, ¿tee quia paniya canaa majeetenura quiocuaji borregoni, pa miaquesocoriquiano quiarijia Pascuarani?
24853	MRK 14:30	Jesuuri saaja na sequeree: —Pedronaa, janiya seetanujuanaa quia sequeyani, nio niucuajani, quiaari janiyajiniji naa seetanutaniya pueya niquiara: “¡Maja cua niishiniu Jesu!” Quiaari naa pacutejonutaniya sequenutej, caacaraja caminiujiyaquishacarijia niunijionu.
24860	MRK 14:37	Na secojonu nuhuaji, na saquiriojosano pueyacua tacateyarohuari. Nojori riuriatasuhua maquetiuyanoori. Jesuuri Pedro sequeree: —Simónnaa, ¿quiaate maqueya? ¿Majateeri quenaaja quia naata rejeretanu rupaquijia quia maquenu?
24885	MRK 14:62	Jesuuri na riucuaree: —Jaa, nojuacuajanijia. Niaari cua niquiniutianiya jiyocuacaanu cumaaca Jiitiana miaquetajara cajiyano. Na nuhuaji, niaari cua niquiniutianiya tacatehuano cohuajajinia jiyocuacaanuji.
24890	MRK 14:67	Pedro niquishii cajiyanoori, mani jitiuyano. Tacuriitia na shootiariquiaari. Na nuhuaji na sequereeri: —Jaj, quiaacuajaruhua Jesuta rucuanejojuajuhuaj, cuno Nazaret tiacajinijinio pueyanotani.
24893	MRK 14:70	Pedroori socua na seetaquiaari. Pasaja na tarishishacari, cuniqui nata quiniaari Pedro sequeree socua: —Seetanujuanaa, quiaari cuno pueyajinijinio. Quiaacuajaari Galilea jiyajinijinio pueyano. Canaa tojishacari quiajaniya, quia pocuanuuri juhua nojori pocuanujua.
24929	MRK 15:34	Jiyacaritij, Jesuuri jiyanohua na rupaa paaretaquiaari: —Eloi, Eloi, ¿lama sabactani? Nioori sequeya: “Cua Pueyasonaa, cua Pueyasonaa, ¿casaara quia carteree janiyani?”
24953	MRK 16:11	María Magdalenaari nojori sequesee: —Pueyanaa, ¡Jesu tari samiitiarohua! ¡Janiya na niquiriini! Nojoriiri María sequesano cuaracashitirii saaja.
24992	LUK 1:30	Na nuhuaji, Pueyaso seruuri na sequeree: —Maríanaa, maja puerenu. Pueyasoori quia shuquiritiniutianiya. Quiaacuajaari na timitiasano.
25090	LUK 2:48	Na queya jaara na niquiquiaari, nojoriiri shiriiquitiuquiaari. Na nucuaari na sequeree: —Quiyanunaa, ¿casaara naa quia miirii canaani? ¡Janiyari quia queta quia pajeriquiaani jiyanohua canaa tacaaniutia quiocua!
25106	LUK 3:12	Roma tiacajinia quijia jiyaniijiajanaa Césarra cumaneeca masejonaari Tiuquinijiona Juancua nijioquiaarijiuhuaj. Nojoriiri tiuquinijiosano quiniu paniriquiaajuhuaj. Naaratej, nojoriiri Juan nequesotaree: —Niishitiojonanaa, ¿canaarijiataj, casaa canaa miyarinijia?
25153	LUK 4:21	Jesuuri juhuacatecara pocuarohua. Naa sequereeri: —Quiarijiani, Pueyaso Rupaajinia nio naajiotasanoori tari tohuateeree nia niquiara.
25181	LUK 5:5	Simónri na riucuaree: —Niishitiojonanaa, canaacuajaari tari jaquerootariquiaa najuhuanani. Canaari naajaa nocua juhuaquemaani. ¡Saa shaa quiriquiaanojua! Naajaa, quiaacuaja na sequeya, socua canaa jaquerootarohuacuaraquij.
25188	LUK 5:12	Tamonu tiacajinia Jesu quishacari, lepraraca cusosu pueyanoori tii quiquiaari. Na niquishacari Jesu, nocuara jacamareeri. Jesu sequereeri: —Jiyaniijianaa, quiaa jaara paniri, quia naata cua naataniniu cua cusonujiniji.
25196	LUK 5:20	Jesu niquishacari taa nojori tiuuriquiaa nocuani, cunora Jesuuri cusosu sequeree: —Pueyanonaa, quiaacuaja tari jiyanooshaaree sesa quia miishanojiniji.
25270	LUK 7:6	Naacuajitij, Jesuuri nojoritia quiaquiaari capitán tiajiniara. Tari Jesu quishacari cateca na tiaacuara, capitánri na rupuenaa pueya jiyaroquiaari Jesuucua, nojori caminiujiuniuria na sequesano Jesura. Naaratej, nojoriiri naa Jesu caminiujiushii capitán sequesano: —Jiyaniijianaa, capitán naa sequeya: “Cua Jiyaniijianaa, majaari cua taajetenu paniniu quiajaniya. Janiyari maja maninia pueyanoni cucua quia tiuquiniuria cua tiajinia.
25278	LUK 7:14	Jesuuri macuucua catecanoree. Macu quiquio quiatareeri. Na patanaari pootia na nujuataquee. Jesuuri macu sequeree: —Mashajanaa, janiya quia sequeyani: “¡Quia sanere!”
25307	LUK 7:43	Simónri Jesu riucuaree: —Cunocuajani, cante socua queraatia cumaneeca niquitiosaaquiaaricuajani. Jesuuri na sequeree: —Taaquiriirinij.
25359	LUK 8:45	Jiyacaritij, Jesuuri pueya nequesotaree: —¿Cante cua quiareeni? Puetunu na shocuaqueya pueyajanaari sequeree: —Maja canaa quianu quirii quiajaniya. Pedroori Jesu sequeree: —Niishitiojonanaa, ¿majateeri quia niquiniucuaja? Queraatia pueyacuajaari quia tanuujiya.
25362	LUK 8:48	Jesuuri na sequeree: —Sanaunaa, cucua quia tiuuniuucua, quiaari naatarohua. Quioojia quia cajitiriohua. Juhuajaniya quia quiaarohua.
25419	LUK 9:49	Juanri Jesu sequeree: —Niishitiojonanaa, canaari pueyano niquiriucuaani samaruhua tohuatanijiyano quia cumaacata. Canaari na tenujurucuaani nojuaja quiyaquiniuucua pajaniyajinijinio.
25424	LUK 9:54	Santiago, Juan niishishacari cuno Samaria pueyari nojori sooriquiaa, nojoriiri cunora Jesu nequesotaree: —Jiyaniijianaa, ¿quiaate paniya canaa tininiuria mani jiyocuacaanuji, cuno pojori na catijianura, taa tariucuacaanu Pueyaso sequenu panishano caminiujiunia Elías miiquiaaricuaani?
25427	LUK 9:57	Nojori quiojosacari nucuaco, tamonu pueyanoori Jesu sequequiaari: —Jiyaniijianaa, quia pueyanora quiniu paniyanijia. Janiyacua quia tarajareni puetunu tiquiyocua quia rucuanejosacarijianaa.
25430	LUK 9:60	Jesuuri na riucuaree: —Naajaa, quia tarinitiare. Cua tojitiaashijiacaari juhua macunucua. Naaratej, cuno macunucua cuaara jamoora tama narta macujuaaja. Quia rucuanejore cutara Pueyaso rupaa quia pohuatanura.
25431	LUK 9:61	Na nuhuaji, tamonu pueyanoori Jesu sequeree: —Jiyaniijianaa, janiya cutara quiata quianu paniyani. Coteenu cua tiajinia quiquiooraj, cua pueya cua niquiniuria cua nuhuajiria.
25457	LUK 10:25	Na nuhuaji, Moisés Rootasanojiniji niishitiojona pueyanoori Jesuucua niquiaari nata na pocoojonura. Jesu na pocuatenura sesa juucua, naa na nequesotareeri: —Niishitiojonanaa, ¿taa cua miiniutianiya pueyaracaanu rishijia cua quiniuriani?
25468	LUK 10:36	Nio pohuatanu nuhuaji, Jesuuri cuno pueyano nequesotaree: —Quiarijiani, ¿taa quia sequeyani? Cuno jiuujianaraca rucoonaa pueyajinijinioni, ¿teyano cuno pojorijinijiniote narta pueyanoocua taraajeja cutarani?
25472	LUK 10:40	Marta cutaraari poonijioriquiaa queraatia na miishocoriquiano na jiitiasacari. Cunora, Martaari Jesuucua catecanoree. Na sequereeri: —Jiyaniijianaa, ¿majate cucua quia taraajenu? Cua tarajanuuri cua tarinitiaquee niquiriyatujua, puetunu nio poonijiosanotajanaa. ¡Quia sequere na naacutanura janiya!
25473	LUK 10:41	Jesuuri saaja na sequeree: —Martanaa, quioojia quia cajitiri sanaunaa. Quiaari puera quia miishano tacaatiaa.
25475	LUK 11:1	Tamacari, Jesuuri Pueyaso secojoriquiaa tamaqui. Na puecasacari secojonu, tamonu na pueyajinijinioori na sequeree: —Jiyaniijianaa, canaa quia niishitiojore canaa secojonura Pueyaso, taa Tiuquinijiona Juan niishitiojoquiaari na pueyacuaani.
25541	LUK 12:13	Tamonu pueyanoori pueya tajiniji naa Jesu sequequiaari: —Niishitiojonanaa, cua tarajanu quia sequere na niquitionura janiya canaa shipininio jiitiasanojiniji, taa canaa shipininio sequequiaari canaacuajani, saminio na quishacarijia.
25542	LUK 12:14	Jesuuri saaja na riucuaree: —Pueyanonaa, ¿janiyateeri pueya nequesoreenara jiyatesaaquiaarini, cua serotanura niajaniya nia shipininio casamini?
25569	LUK 12:41	Jiyacaritij, Pedroori Jesu nequesotaree: —Jiyaniijianaa, ¿quiaate nio pohuataree saa canaaraja, puetunu pueyarajanaa soj?
25610	LUK 13:23	Jiyacaritij, tamonu pueyanoori na nequesotaree: —Jiyaniijianaa, ¿saaja quenaaraqui pueyateeri Pueyaso pueyara jiyatesaanutaniya? Jesuuri nojori riucuaree miriqui:
25721	LUK 17:1	Na nuhuaji, Jesuuri na pueya sequequiaari: —Mijiria, pueyari pueyaracaanu sesa miitishaaquiaa. Jiyanohua taraatia quijiaari cuno, cante sesa miitirii tamonuni.
25725	LUK 17:5	Jesu saquiriojosano pueyari Jesu sequequiaari: —Jiyaniijianaa, socua jiyanohua canaa quia tiuutiri Pueyasoocua, socua cumaaca canaa jiitianura.
25785	LUK 18:28	Pedroori Jesu sequeree: —Jiyaniijianaa, ¿canaarijiataj? Canaari puetunu canaa jiitiasanojuanaa tiujiaquiaarini canaa nuhuajiniuria quiajaniya.
25805	LUK 19:5	Jesu tajishacari Zaqueo cariquiaco, Jesuuri nocua mauree. Na sequereeri: —Zaqueonaa, ¡ritia quia rosemohua! Janiya quiarijia quia tiajinia maquenutaniyani.
25856	LUK 20:8	Naaratej, Jesuuri nojori sequeree: —Janiyajuhuaj, majaari cua sequenu quiniutianiya niajaniya, cante cua jiyaroquiaarini naa cua miiniuriatej.
25869	LUK 20:21	Naacuajitij, cuno pueyari Jesu nequesotaquiaari: —Niishitiojonanaa, canaari niishiyani, quiaari maninia niishitiojona. Majaari sesa quia sequesano. Naajuhuaj, majaari rimiajata quia niquiniu pueya. Quiaacuajaari seetanujuanaa niishitiojoquiaa, taa Pueyaso paniya canaa miiniuriacuajani.
25876	LUK 20:28	—Niishitiojonanaa, supuetana Moiséscuajaari pa rootaa na naajioneejinia, pueyano jaara cusoyare mueyaju, tarajanu cuaara camiiria mashiquio, mueya na mueratenura tarajanu niti.
25902	LUK 21:7	Na pueyari Jesu nequesotaquiaari: —Niishitiojonanaa, ¿taacari nio tia niyartasaanutaniyarini? ¿Casaa canaa niquiniutianiyarini, canaa niishiniuria quia sequesanoori quera tohuateya?
25950	LUK 22:17	Na nuhuaji, Jesuuri ratujua pataree. Pueyaso sequereeri: —Paacarasho nio mashacara. Na pueya sequereeri: —Jajaa, nio nia masetare. Nia rature puetunu niajaniyajanaa.
25958	LUK 22:25	Jesuuri nojori sequeree saaja: —Mijiria, jiya jiyaniijianucuaari jiyanohua jiyaramiquiniu niishijia nojori jiitiasano pueya, juhua nojori poonitijiosano pueya. Nojoriiri tama nojorijinijijiaaja sequeja: “Canaari maninia miiquiaa canaa pueyani”.
25964	LUK 22:31	Jiyaniijia Jesuuri Pedro sequequiaari: —Simónnaa, cua tojiri. Satanásri niaacuara sequerucuaa Pueyaso, jiyanohua na saniniujiuniuria niajaniya. Naacuajitij, niaari jiyanohua saniniujiushaanutaniya, naatej, taa trigo quejooshiya jiyocuacaanucuaani, paratu panura na cocua.
25967	LUK 22:34	Jesuuri na sequeree: —Pedronaa, seetanujuanaa quia sequeyanijia, caacaraja niunijiyaquishacarijia quiarijia, quiaari tari naa cucuaji seetanu caminiujiuniutianiya pueya niquiara: “¡Maja cua niishiniu Jesu!”
25971	LUK 22:38	Nojoriiri Jesu sequeree: —Jiyaniijianaa, niya quiya caapiqui nijiniaquetucuaja mueruu. Nojori riucuareeri: —Tariucuaja.
25981	LUK 22:48	Jesuuri na sequeree: —Judasnaa, ¿quiaate tama cua tacartaajaaja, quia nujuunuta sapojonu janiya?
25982	LUK 22:49	Jesu pueya niquishacari casaa cuno pueya miiniu paniriquiaani, nojoriiri Jesu nequesotaree: —Jiyaniijianaa, ¿canaate nojori miaqueyani?
25990	LUK 22:57	Pedroori seetaree. Naa sequereeri: —Niyacoonaa, ¡majaari quenaaja cua niishishano cuno pueyano!
26046	LUK 23:42	Na nuhuaji, narta sesa miijia juaaniaari Jesu sequeree: —Jesunaa, majaari cua niyajetanuujua, Pueyaso jaara quia jiyatere Jiyaniijiajanaa quia quiniuria.