23282	MAT 4:4	Jesuuri saaja na riucuaree: —Maja. Pueyaso Rupaajiniacuajaari naa naajiotasano quiyatej: “Pueyanoori maja na naatanu saa miaquesanoocuaja. Seetanujuanaa saminio quiya cutaraari na tojishacari puetunu Pueyaso Rupaajanaa”.
23660	MAT 13:52	Jesuuri canaa sequeree: —Maniniacuajaqui. Tariucuacaanu Pueyaso Rupaajiniji niishitiojona jaara quiarinio cua niishitiojosano Pueyasojiniji niishirijiuhuaj, nojuaja cutaraari Pueyaso Rupaa niishijia seetanujuanaa. Nojuajaari juhua tia camaru, cante tariucuacaanu shanohua casamiriacacuajani, quiarinio casamiriacajuhuaj, na tiajiniaaco racatasano. Na panishacari, na camaruuri na racatasanojiniji na panishano rijia.
23695	MAT 14:29	Pedro sequereeri: —Mijicuarajaj. Pedroori ritia rosequiaari botejiniji. Mohuaca caco rucuanenu coteequiaariiri Jesuucua na quianura.
23715	MAT 15:13	Jesuuri canaa riucuaree: —Naajaa. Cuaara juaaquioora. Cuno pojoriiri juhua sesa jiyasocua, Sesaaca natasano cua Que cuhuariquiajinia. Nojoriiri juhua sesa jiyasocua jayotasaanutaniya.
23795	MAT 17:26	Pedroori Jesu riucuaree: —Taucuaca niquitiojoteshiyanocuaja nojori jiya jiitiana sequesano. Jesuuri na sequeree: —Naacuaaquiniatejaj. Naacuajitij, tama na pueyajaarijia maja na niquitionu. Pueyaso Secojojua tiacuajaari cua Que tia. Naaratej, maja cumaati Neyanu sequesaanu na niquitionura na cumaneeca.
23847	MAT 19:16	Tamonu mashajaari Jesuucua niquiaari. Na nequesotaseeri: —Niishitiojonanaa. Quiaari maninia pueyano. Cua sequere, ¿taa cua miiniutianiyani maninia cua quiniuria Pueyaso niquiara, pueyaracaanu quijiara cua quiniuriani?
23883	MAT 20:22	Jesuuri Santiago sequeree, Juannio: —Majaari nia niishiniu casaa nia maseyani. ¿Nia naatateeri rejeretanu naquiya miiniu taa cua miishaanutaniyacuaani? Nojoriiri saaja Jesu riucuaree: —Taaquiriirinij. Canaa naatacuaaquiniatejaj.
23984	MAT 22:43	Jesuuri nojori sequerohuacuhuaj: —Taaquiriirinij. Jaara naa quiritij, ¿niaateeri niishiyacuaja casaara David sequequiaari “cua Jiyaniijiata” Cristocuaraarini, Pueyaso Sohuanu jaara na pocuatequiaari? Naa sequequiaariiri:
24148	MAT 26:25	Na quiateriquiano Judasri socua Jesu nequesotareejuhuaj: —¿Janiya jiyoteeri Niishitiojonanaa? Judas riucuareeri: —Taaquiriirinij. Quiajaniyacuaaquiniatejaj.
24187	MAT 26:64	Jesuuri na riucuaree: —Jaa. Nojuacuajanijia taa quia sequereecuajani. Cua tojitiare. Na nuhuaji, niaari cua niquiniutianiya Pueyaso miaquetajara cajiyano. Niaari cua niquiniutianiyajuhuaj jiyocuacaanuji tacateyanohua cohuajajinia.
24202	MAT 27:4	Judasri nojori sequesee: —¡Janiyaqui sesa miiriucuaani, najuhuana cua quiatenuucua maninia pueyano niajaniya! Nojoriiri saa na riucuareejaa: —Naajaa. Maja canaa miishano. Cunocuajaari tama quia miishanojuaaja.
24209	MAT 27:11	Jesuuri jaatucusaaquiaari jiyaniijia Pilatoocua. Pilatoori Jesu nequesotaree: —¿Quiaate Judiocuaca jiyaniijia? Jesuuri na riucuaree: —Jaa. Naacuaaquiniatejaj, taa quia sequereecuajani.
24223	MAT 27:25	Puetunu pueyajanaari na riucuaree: —Naajaa. ¡Jaara mosaare, cuaara tiuutiasaaria canaacua, canaa niquiohuacuanio!
24325	MRK 1:41	Jesuuri nocua taraajequiaari. Na juaashiquia niaree nocuaari. Na sequereeri: —Taaquiriirinij. Quia naataniniu paniyanijia. Quia cuaqueya cuaara jeequehuara.
24343	MRK 2:14	Na nuhuaji, Jesu quiojosacari na saquiriojosano pueyata cuniquiji, Jesuuri Leví niquimiaa cajiyano Roma tiacajinia quijia jiyaniijiara cumaneeca masejojuajinia. Nojuajaari Alfeo niyanu quiquiaari. Jesuuri na sequeree: —Miji. Cua nuhuajiyare. Jiyacaritij, Leviiri sanequiaari. Jesu pueyanora quiaquiaariiri.
24588	MRK 8:19	Janiya jaara cinco pan neecasecanu cinco mil pueyaratej, ¿taa canaasatu nia mishinijiocanu miaquesano cureenotani? Nojoriiri na riucuaree: —Doce.
24589	MRK 8:20	—Naajuhuaj, janiya jaara siete pan neecaserucuaa cuatro mil pueyaratej, ¿taa canaasatu nia mishinijiorucuaani? Nojoriiri na riucuaree: —Siete.
24845	MRK 14:22	Nojori miaquenuusacari, Jesuuri pan ririi. Na Que Pueyaso secojoree nocuaraari. Na neecasenu nuhuaji, nojori niquitiojoreeri. Na niquitiojosacari, naa miriqui sequequiaariiri: —Jajaa. Nia miaquere. Nioori cua cuaqueya.
24897	MRK 15:2	Pilatoori Jesu nequesotaree: —¿Quiaate Judiocuaca jiyaniijia? Jesuuri na riucuaree: —Jaa. Naacuaaquiniatejaj, taa quia sequereecuajani.
25000	LUK 1:38	Maríari sequeree: —Maniniacuajaqui. Janiyacuajaari cua Jiyaniijia Pueyaso seruni. Pueyaso cuaara miiria janiya taa quia sequereecuajani. Na nuhuaji, Pueyaso seruuri quiacuhua.
25189	LUK 5:13	Jesuuri na quiaree. Na sequereeri: —Taaquiriirinij. Quia naataniniu paniyanijia. Quia cuaqueya cuaara jeequehuara. Naa na sequesacaritij, na lepraari shaajequee na cuaqueyajiniji.
25304	LUK 7:40	Jesuuri cuno Fariseo pueyano niishiriojosano niishiriquiaa. Cunora na sequereeri: —Simónnaa. Quia sequenu paniyanijia. Fariseo pueyanoori Jesu riucuaree: —Cua sequere, Niishitiojonanaa.
25307	LUK 7:43	Simónri Jesu riucuaree: —Cunocuajani, cante socua queraatia cumaneeca niquitiosaaquiaaricuajani. Jesuuri na sequeree: —Taaquiriirinij.
25360	LUK 8:46	Jesuuri saaja sequeree: —Maja. Cusosu cua quiareeni. Niishiyanijia cua cumaacaari tari na naatanirii.
25450	LUK 10:18	Jesuuri nojori sequeree: —Taaquiriirinij. Janiyari Sesaaca niquiquianuni juhua niaco tiyano jiyocuacaanuji.
25469	LUK 10:37	Moisés Rootasanojiniji niishitiojona pueyanoori Jesu riucuaree: —Cuno Samaria jiyajinijinio tahuecuajani, nocua taraajequiaarini. Jesuuri na sequeree: —Taaquiriirinij. Quia quiaarohua. Naa pueyacua taraajeja quia quirijiuhuaj, taa cuno tahue taraajequiaaricuaani.
25520	LUK 11:46	Jesuuri na riucuaree: —Taaquiriirinij. ¡Niaari taraatia miishaariquianojuhuaj, Moisés Rootasanojiniji niishitiojonaanaa! Puetunu nia rootasanojuanaari juhua jiyanohua niiquia casaa nitiasocoriquiano. Majaari nia tojitiajaca pueya nia naacunu quiquiaa quenaaja nia juaashiquia sacasaruta, cuno niiquia casaa nitiasaanura. Naacuajitij, pueyari maja na naata rejeretanu nia niishitiojosano.
25855	LUK 20:7	Nojoriiri cunora Jesu riucuaree: —Johuaj. Maja canaa niishiniu canaquitijia Juan jiyaroquiaari na tiuquinijionura pueyatej.
25968	LUK 22:35	Jesuuri na pueya nequesotaree: —Janiya jaara nia jiyaramiquiquiaari Pueyaso rupaa nia pohuatanura caashoqueejuni, cumaneeca quiquiooju, sapatuujunio, ¿niaateeri nia panishano casaa niquitioyaquishaaquiaari? Nojoriiri Jesu riucuaree: —Maja. Canaacuajaari puetunu canaa panishanojuanaa niquitiojosaaquiaarini.
25971	LUK 22:38	Nojoriiri Jesu sequeree: —Jiyaniijianaa, niya quiya caapiqui nijiniaquetucuaja mueruu. Nojori riucuareeri: —Tariucuaja.
26003	LUK 22:70	Naa Jesu sequesacaritij, puetunu nojorijianaari na sequeree: —¿Quiaateeri tama sequeyajaaja quiaari Pueyaso Niyanu? Jesuuri nojori riucuaree: —Taaquiriirinij. Naacuaaquiniatejaj, taa nia sequeyacuajani.
26007	LUK 23:3	Pilatoori Jesu nequesotaree: —¿Quiaate Judiocuaca jiyaniijia? Jesuuri na riucuaree: —Taaquiriirinij. Naacuaj, taa quia sequereecuajani.
26011	LUK 23:7	Nojoriiri na riucuaree: —Jaa. Cunora, Pilatoori pueya jiyarotaree Jesu, Galilea jiya jiyaniijia Herodescua. Herodesri namitia tii Jerusalén tiacajinia quiriquiaa jiyacari.
26134	JHN 1:21	Cuno pueyari socua na nequesotarohua: —¿Canteeri quiajaniyani? ¿Quiaa jiyoteeri Pueyaso sequesano caminiujiunia Elías soj? ¿Quiaa jiyoteeri samiitiarohuacuaa? Tiuquinijiona Juanri saaja nojori riucuaree: —Maja. Janiya maja supuetana Elíasni. Cuno pueyari socua na nequesotarohuacuhuaj: —¿Quiaa jiyoteeri Pueyaso sequesano caminiujiunia, nooj tariucuacaanu sequesaaquiaari niriquianotej? Juanri saaja nojori riucuaree: —Maja.
26152	JHN 1:39	Jesuuri canaa riucuaree: —Miji. Nia niquiquii. Canaari nata quiaareeni. Canaari na quijia niquitiushiini. Tari pananu piriuushacariiri quiriquiaa jiyacari. Cunora, canaari tii maquetusee Jesutani.
26292	JHN 5:13	Nojori riucuareeri: —Johuaj. Maja cua niishiniu canaquitijia cua naataniriitij. Jesu naatanishacari cuno pueyano, queraatia pueyari namitia tii quiriquiaa. Naacuajitij, Jesuuri ritia tajiniocuareequiaari pueya tajinia, na naatanishano pueyanoocuaji.
26512	JHN 9:3	Jesuuri canaa riucuaree: —Maja. Maja cunora naa na rasaanu quiquiaari. Naa rasaaquiaariiri Pueyaso cumaaca niishishaanura, na namijia jaara jeecasaare niquijiara na quiniuria.
26521	JHN 9:12	Pueyari na nequesotaree: —¿Teeteeri quia namijia jeecana pueyanoni? Nojori riucuareeri: —Johuaj. Maja cua niishiniu.
26891	JHN 18:37	Pilatoori Jesu nequesotaree: —¿Naatee? ¿Quiaateeri jiyaniijia? Jesuuri na riucuaree: —Jaa. Janiyacuaja Jiyaniijiani. Janiyacuajaari cunora rasaaquiaarini. Janiyari mijiria niquiaarini seetanu rupaajanaa cua niishitiniuria pueya. Cante seetanu rupaajanaa panijiani, nojoriiri cua sequesano tojitiajaca.
27331	ACT 10:3	Tamonu juuca, tariucua pananu piriuushacari, Cornelioori Pueyaso seru niquiquiaari juhua na maquenujinia nocua niyano na tiajinia. Na sequeseeri: —Cornelionaa.
27544	ACT 15:33	Nojoriiri Antioquiya tiacajinia camueenujuquiaari pasaja. Na nuhuaji, nojori quianu panishacariuhua Jerusalén tiacajiniohua na jiyaronaacua, Antioquiya tiacajinia quiniaa Pueyaso pueyari nojori sequequiaari: —Maniniacuaja. Juhuajaniya nia quiaarohuaqui.
27548	ACT 15:37	Bernabeeri na riucuaree: —Jajaa. Juan pa riyarecuarajaj, pa tarajariquiano. Juan sesaari Marco quiquiaarijiuhuaj.
27611	ACT 17:19	Na nuhuaji, nojoriiri Pablo jiyataquiaari tuhuananujiniji, tee nojori jiitiquiaari rerejonuunucuajani. Cuno tuhuananu sesaari quiquiaari Areópago. Nojoriiri naa sequetuquiaari Pablo: —Miji. Socua canaa tojishocoriquiano quia pohuataqueeruhuaj. Canaari quia pohuatasanojiniji socua maninia niishiniu paniyani.
27658	ACT 19:4	Pabloori nojori riucuaree: —Taaquiriirinij. Tiuquinijiona Juancuaaquiniateja pueya tiuquinijioquiaarijiaj, nojori jaara noojia tacatoquiaari sesa na miitiushanojiniji. Nojori sequequiaarijiaariuhuaj: “Cua nuhuaji Niriquianoocua nia tiuuri”. Naa Tiuquinijiona Juan sequesacaritij, nojuajaari Jesucristojiniji sequeriquiaa.
27746	ACT 21:14	Maja canaa naata na tarinitiniu quishacari, canaari socua na tarinitiareeni. —Cuajaquij. Pueyaso cuaara miiria taa na miiniu paniyacuajani.
27799	ACT 22:27	Comandanteeri ritia Pabloocua catecanoquiaari. Na nequesotaseeri: —¿Seetanutejanaa? ¿Quiaatena Romanotej? Pabloori na riucuaree: —Taaquiriirinij.
27824	ACT 23:22	Comandanteeri caya samijia sequequiaari: —Maniniacuaja. Majaari tamasaca pohuatanu quia sequesano janiya. Tariucuaja. Quia quiaarohua.
27969	ACT 28:2	Cuno jiya tucuaatiajaacua quijia taucuacaari maninia canaacua jiyanooquiaari. Shiniquiaari quiriquiaa. Maruuri niriquiaajuhuaj. Naa canaa shiniquiosacaritij, taucuacaari canaara noshitiquiaari puereetuuca mani. Na nuhuaji canaa sequetureeri: —Miji. Nia jitiushii.
31131	REV 21:9	Janiyacuajaari tari nia pohuataree cuno siete Pueyaso seyajinijini, canapuete siete miacojua patootanaa quiquiaaricuajani, mishaja Pueyaso saniitiotajata. Niquiriyatu nojorijinijinioori cucua nimiaa. Nojuajaari cua sequesee: —Miji. Quia niquitiriiria Borrego Niquiojua niquiorano. Nojuacuajaari pa Jiyaniijia pueya, na quiquiojaariuhuaj.