23251	MAT 2:13	Niishijiaca jaara quiaquiaariuhua, Pueyaso seruuri Joseecua muetaquiaari na maquenujinia. José sequereeri: —¡Quia sanere! ¡Conaaja quia mashitiare na nucuata Egipto jiyajiniara! Quiniqui nia quishii, janiya cuaara sequerohua quiajaniyajaatijia. Herodesri Belén tiacajinia na pueya pajetenutaniya conaaja, na motesocoriquiano.
23269	MAT 3:8	Niaa jaara seetanujuanaa nioojia tacatore sesa nia miiniujiniji, ¡saaja maninia nia miiri, maja sesa!
23272	MAT 3:11	—Janiyari moojinia nia tiuquinijiyani, nioojia nia tacatosacari sesa nia miishanojiniji. Cua nuhuaji, tamonuuri niriquiano cutara. Nojuajaari jiyanohua socua jiyaniijiajanaa janiyajiniji. Janiya maara jiyanohua shuquiriaatia quirini, nojuaja jaara cua sequere na seru cua quiniuria quenaaja na sapatu cua jocuanura nera. ¡Nojuajaari jiyaniijiajanaa cutara! Nojuajaari Pueyaso Sohuanu tiuquinijionutaniya nioojiajinia, cumaacaraca nia quiniuria, seetanu Pueyaso muerasujuanaa nia quiniuria. Nia jeequenutaniyajaariuhua juhua manitia, sesa nia miishanojiniji.
23275	MAT 3:14	Juanri saaja na sequeree: —Maja Jiyaniijianaa. ¡Quiaa cutaraari maninia pueyano! ¿Casaara cucua quia nimiaa cua tiuquininiuria quiajaniya moojiniani? ¡Cua tiuquiniri juhuari cutara!
23278	MAT 3:17	Jiyacaritij, jiyocuacaanuji Pueyaso rupaari tojishaaree naa sequeyano: —Nioori cua Niyanuniyojua. ¡Na shuquiritiaa jiyanohuanijia!
23315	MAT 5:12	Niaa jaara naa miishaaretej, jiyanohua nia timiquiore. ¡Shuquiriaatia nia quirijiuhuaj! Pueyasoori cunora jiyanohua maninia nia miiniutianiya jiyocuacaanu nia quishacari nata. Tariucuacaanu Pueyaso sequesano caminiujiuniaacuajaari naa naquiya miishaaquiaarijiuhuaj, nia supueyaquishaacarijiyojua.
23408	MAT 7:23	Janiyari saniniuujia naa sequejaca riucuanutaniyani: “Maja cua niishiniu niajaniya. ¡Nia quiojorohua! Niaari saaja sesa miijiaca quiquiaari”.
23439	MAT 8:25	Na pueyari cunora na niucuajasee. Jesu sequetureeri: —¡Jiyaniijianaa, canaa quia naacutare! ¡Paa tari tiuquitiaareeni!
23441	MAT 8:27	Jesu pueyari jiuujiatequee. Tama nojorijiaarijia sequequiaari: —¡Juhuej! ¿Taamueca pueyanotucuaanojoni? ¡Paratuuri na tojiya, mohuacajuhuaj!
23442	MAT 8:28	Jesuuri na saquiriojosano pueyata tiuquiijioquiaari caminia taquijiria Gadara jiyajinia. Jiyacaritij, caapiqui pueyanoori Jesuucua tohuareetaquiaari raacajiniji, macunucua nucuhua paaquiosaquiji. Nojoriiri samaruhuaraca quiquiaari. ¡Jiyanohua pueya pueresano! Cuno nucuaco, majaari pueya rucuanenu quijia, cuno pojori na puerenuucua.
23446	MAT 8:32	Jesuuri cuno samaruhua sequeree: —¡Nia quiaare! Samaruhuari cuno caapiqui pueyajiniji tohuareetaquiaari. Cushiyacua tiuquitiaseeri. ¡Cushiyari cocuatequee! Saaja caminiajinia totesee tacojinijiiri. Cushiyari tii shushiniuushii.
23451	MAT 9:3	Noojiaqueya Moisés Rootasanojiniji niishitiojonaari Jesu sequesano tojitiariquiaa. Nojoriiri tama noojiajiniajaaja niishiriojonuuquiaari: “¡Nio pueyanoori tama na cuaqueyajaaja jiyateya juhua Pueyaso na quiniuria naa na sequesacari! ¡Cunoori jiyanohua sacuaraatia!”.
23473	MAT 9:25	Jesuuri cuno pojori tohuatanijioree saaja. Na nuhuaji, sohuacamara tiuquimiaari macuucua. Na juaashiquiajiniji na quiaseeri. ¡Maaji samiriuuri sanemaa!
23476	MAT 9:28	Canaa tiuquishacariuhua canaa quijia tiajinia, cariyojuarujuriiri Jesuucua catecanoquiaari. Jesuuri nojori nequesotaree: —¿Niaate cucua tiuya nia namijiaa cua jeecanura? Jesu riucuatureeri: —Jaa, jiyaniijianaa. ¡Quia naatacuaaquiniatejaj!
23553	MAT 11:25	Jiyacaritij, Jesuuri na Que Pueyaso sequequiaari: —Quia shuquiritiaanijia cua Quenaa. Quiaari jiya camarnu, jiyocuacaanu camarnunio. ¡Quiaari maninia! Quiaari niishiyashijiaca pueya maninia casaa niishitirii, niishijiaca pueyacuaji quia jamosanoni. Niishijiaca pueyari saaja tama nojori niishishanoocuajaaja tiuujiaca.
23560	MAT 12:2	Fariseocuaca jaara canaa niquiquiaari naa miyanotej, Jesu sequetureeri: —¡Quia niquiri! ¡Quia pueya trigo shuniitiaa! ¡Na shuquiuquiojoniuyari! ¡Naa nojori miishacaritij, poonijioniuyari! Cuno maja panishano samaatenu juuca miiniuria. ¡Pa supuetana Moiséscuajaari naa pa rootaquiaaritij!
23670	MAT 14:4	Tiuquinijiona Juanri naa Herodes sequequiaari quiasano na quiyaquishacarijia: —¡Quiaari Pueyaso tojiyashijia! ¡Majaari maninia quia quiniuria Herodíasta! ¡Nojuacuajaari quia tarajanu Felipe niquiocua!
23673	MAT 14:7	Naaratej, Herodesri necanuru sequequiaari puetunu pueya niquiarajanaa: —Sanaunaa, cua sequere casaa quia paniyani. Janiyacua quia niquitiore quia panishanoni. ¡Seetanujuanaa quia sequeyanijia! Majaari cua rupaa cua jatanu quiniutianiya. ¿Casaa quia paniniutianiyani?
23692	MAT 14:26	¡Canaa niquishacari casaa mohuaca caco rucuaneyano, canaari jiyanohua shiriiquitiuriini! Canaari sariyocuatureeni. —¡Yae! ¡Samaruruhua!
23698	MAT 14:32	¡Nojori jaara botejinia tacataquiaariuhua, paratuuri jiyacari pueyajequee!
23704	MAT 15:2	—Quia pueyari shuquitioojua miaquenuuquiaa. ¿Casaara nojori tojitiaaquiquiaa canaa niishitiojosano pa supuetanaajinijini? ¡Nojori cuaara miiria taa pa supuetanaa miiquiaaricuaani!
23709	MAT 15:7	¡Sapuenu Pueyaso Rupaa tojitiajacanaa! Supuetana Isaíasquiiri maninia naajiotaquiaaricuaja niajaniyajiniji, na caminiujiushacari nio rupaa Pueyasojiniji:
23724	MAT 15:22	Canaa rucuanejosacari tii, cuno jiyajinijinio taatuuri Jesuucua niquiaari. Nojuajaari Cananeo pueyajinijinio maaji quiquiaari. Jesu nuhuaji nacariquiaari: —¡Jiyaniijianaa, cucua quia taraajere! ¡Pueyaso Jiyarosanonaa, cucua quia taraajere quenaaja! Quiyatu samaru jiitiaa. Jiyanohua taraatia na miiquiaari.
23725	MAT 15:23	Jesuuri maja na riucuanu quiquiaari. Sanaa canujuriquiaa saajaari. Naaratej, canaari Jesu catecanoquiaarini canaa sequenura nojuaja: —¡Jiyaniijianaa, na panishano quia miiri cuaara quiohuara! ¡Taajeta nacaa pa nuhuajini!
23739	MAT 15:37	¡Puetunu pueyajanaari maninia miaquenuuquiaari! Tooquioreeri. ¡Canaari miaquesano cureenota mishinijioquiaari siete canaasatuni!
23740	MAT 15:38	Queraatia pueyari na miaquenuuquiaari. ¡Saaja canuuri serojosaaquiaari cuatro mil pueya! Majaari maajipohua serojosaanu quiquiaari, naatujoorinio.
23763	MAT 16:22	Naa Jesu sequesacaritij, Pedroori Jesu jaatucuree tamocora na nacasunura tamajaaja. Jiyanohua Jesu sequereeri: —¡Maja naa pocuanutej! ¡Pueyaso cuaara cojuaara quiajaniya maja naa quia miishaanuratej!
23764	MAT 16:23	Jesuuri saaja Pedro nijiniaquequee. Na sequereeri: —¡Niiquiji quia quiaare Satanásnaa! ¡Quia sanaajere! Sesaacaari naa quia pocuateree Pedronaa. Quia sequesanoori maja Pueyasojiniji. Quia niishiriojosanoori juhua mijiria pueya niishiriojosano saaja. Naa quia sequesacaritij, quiaari cua Que sequesanoocuaji cua tarinitiniu paniya juucua.
23774	MAT 17:5	Pedro pocuasacarijia, shacantuuca najacaari nojori mishiquiomaa. Najacajiniji, rupaari tojishaaquiaari naa sequeyano: —¡Nioori cua Niyanuniyojua, cua shuquiritiasano! ¡Saaja nojuaja nia tojitiare!
23784	MAT 17:15	Jesu sequereeri: —¡Jiyaniijianaa, cua niyanuucua quia taraajere quenaaja! ¡Nojuajaari pueyaracaanu cusojoquiaa! Na jiitiasano cusonuuri na taquiriocuatequiaa. Na cusojosacari miiquiaa naquiyari. Naacuajitij, sequeyarucua manijinia tiquiaari, moojinianio.
23787	MAT 17:18	Mueya tiuquishacari nocua, Jesuuri samaru juaarii. ¡Na tohuatereeri! Jiyacaritij, caya samijiaari maninia quiquiuhua.
23803	MAT 18:7	¡Mijiria quiniaari jiyanohua cocuaatia miiquiaa sesa na miitishacari tamasaca! Mijiria, pueyari pueyaracaanu sesa miitishaaquiaajuhuanajaj. ¡Taraatia quiniutianiya cutaraari noo pueyanora, cante sesa miitirii tamonuni!
23822	MAT 18:26	Cuno na seru tojishacari naa na jiyaniijia sequesanotej, nocuara jacamaquiaariiri. Na jiyaniijia sequereeri: “¡Cua tarinitiare quenaaja cua jiyaniijianaa! ¡Rupaquijiara cua tarinitiarejaara! Janiyacuajaari quia cumaneeca niquitionutaniya puetunujuanaani”.
23823	MAT 18:27	Na jiyaniijiaari nocua taraajeree. ¡Na carterohua puetunujuanaari! Naa na jiyanooriiri, nocua na taraajenuucua.
23825	MAT 18:29	Narta seruuri na riquiajinia mininia cariquimiaji mojoquetaree. Na sequereeri: “¡Cua tarinitiarecuaraja quenaaja! ¡Janiyacuajaari quia cumaneeca quia niquitionutaniyani!”
23855	MAT 19:24	Pueyanaa, ¿camelloteeri na naata cusupuetaja cuhuoco tamajiria tajiniu? Maja na naata. Cua tojitiare. ¡Socua jiyanohua jiyajenetaari casamiriaca pueyanora, Pueyaso pueyanora na jatanishaanura!
23891	MAT 20:30	Jiyacaritij, caapiqui cariyojuaruuri nuu shuucuaji cajitiuriquiaa. Nojori niishishacari Jesuuri nojori tajiriquiaa, nojoriiri nacanu coteequiaari: —¡Jiyaniijianaa! ¡Canaacua quia taraajere! Quiaacuajaari Pueyaso Jiyarosano, Jiyaniijia quia quiniuria pa supuetanaa jiyaniijia David niti.
23895	MAT 20:34	Jesuuri nojoriicua taraajeree. Nojori namijiaa quiareeri. ¡Nojoriiri niquijiacara quiquii! Na nuhuaji, Jesuucua sacuaaree canaataari.
23904	MAT 21:9	Jesu puetanaa, mariyata na nuhuaji nijionaajuhuaj, nojoriiri naa coteequiaari nacoojonura: “¡Pueyanaa, nioori pocuaji Tacuna! ¡Nojuacuajaari pa Jiyaniijia, pa supuetanaa jiyaniijia David niti! ¡Cuaara quiiria shuquiriaatia pa Pueyaso jiyarosano! ¡Jiyanohua maniniaari pa Pueyaso! ¡Cuaara shuquiritiasano quiiria!”
23908	MAT 21:13	Jesuuri nojori sequeree: —Pueyaso sequesanocuajaari naa naajiotasaaquiaari tarijia: “Cua quiquioori sesojosaanutaniya Pueyaso Secojojua tia”. ¡Niaari saniniuujia na jiyatecanu nohuasenuujuaca quiquiora!
23910	MAT 21:15	Pueyacuara secojonaa jiyaniijianucuaari Moisés Naajioneejiniji niishitiojonaata Jesu shootiariquiaa cusosuhua naatanijiyano. Jiyacaritij, naatujooriiri Secojojua tiajinia naa nacooriquiaa Jesujiniji: “¡Pa supuetanaa jiyaniijia David niquiohuacuajinio supueno pueyano! ¡Nojuajaari pa Jiyaniijia!” Canaa Judiocuaca jiyaniijianucua niquishacari naa Jesu miishanotej, mariyata nojori tojishacari naatujoori, nojoriiri juaaquioree.
23911	MAT 21:16	Nojoriiri Jesu nequesotaree: —¿Quiaate naatujoori tojiya casaa nojori sequeyani? ¡Nojoriiri jiyaniya quiaari Pueyaso Jiyarosano! Jesuuri nojori riucuaree: —¡Taaquiriirinij! Na tojiyacuajanijia. Maniniacuajaari nojori sequesano. ¿Majateeri nia serojonu quiquiaacuaja tariucuacaanu Pueyaso Rupaajinia naa sequesanotej: “Quiaari naatujoori niishitirii conaajanio, seetanujuanaa nojori maniniuhuaqueetanura quia Jiyarosano”?
23914	MAT 21:19	Higo naana niquiriiri nuu shuriucua nujuaano. Nocua canujiyareeri. Shaanoori quiriquiaa, saa na jaamasucuaja. Cunora, Jesuuri naana sequeree: —Majaari socua quia jajau sanishaanu quiniutianiya. ¡Naanaari ritia sorequee!
23921	MAT 21:26	Saniniuujia, paa jaara sequereni: “Nojuajaari nareja pueya jiyarosano quiquiaari”, ¡puereeta quiniutianiyari pajaniyara! Paacuajaari niishiyani puetunu pueyajanaari sequequiaa Tiuquinijiona Juanna seetanujuanaa Pueyaso sequesano caminiujiunia quiquiaari.
23933	MAT 21:38	Cuhuariquia cojuanaa jaara niquiquiaari camarnujuanaa niyanu nojoriicua niyano, nojoriiri tama sequetooreejaaja: “¡Cunocuajaqui cuhuariquia camaru quiriquiano na que niti, na que jaara shaajequee! ¡Pa morej! Naacuajitij, pocua nio cuhuariquia camaruhuara quiquiini”.
23934	MAT 21:39	Naaratej, camarnujuanaa niyanu tiuquishacari, cuhuariquia cojuanaari na quiaree. Na jaatucutureeri cuhuariquiajiniji tamama. ¡Cuniqui na motureeri!
23954	MAT 22:13	Cunora, jiyaniijiaari na seya sequeree: “¡Nia morojore na cashacucua, na numatucuanio! ¡Niocua na jartarohua carijiniacuma ninishiqui! Tii sapuenutaniyari. Na quiaca miaquenutaniyajaariuhua na noonuta, naquiya na miishacari”.
24000	MAT 23:13	’¡Cua tojitiare, Moisés Rootasanojiniji niishitiojonaanaa, niajaniya Fariseocuacajuhuaj, niaari cocuaatia miiquiaa! ¡Niaari sapuenu juhua maninia quijiaca niquishano! Niaari pueya tarinitiaaquiquiaa nojori rupuenura Pueyaso. Niaari maja nia tiuuniu Pueyasoocua. Naajuhuaj, majaari pueya nia tarinitianu nojori tiuuniuria Pueyasoocua, na muerasura nojori quiniuria.
24008	MAT 23:21	Naajuhuaj, cante Pueyaso Secojojua tia sequeree najuhuanani, cunoori maja saaja Pueyaso Secojojua tia na sequenu quirii. Nojuajaari Pueyaso sequereecuaja, Pueyaso Secojojua tia na sequesacari. ¡Pueyasocuajaari na Secojojua tiajinia quijia!
24009	MAT 23:22	Naajuhuaj, pueyano jaara sequere na sequesano seetanujuanaa juhua jiya cajiniocua, nocua tiuushaanura, cunoori maja saaja jiya cajiniocua na sequenu quirii. ¡Pueyaso cajishaqui sequereejaariuhuaj, Pueyasojuanaa sequereejaariuhuaj, jiyocuacaanu casaa na sequesacari!
24010	MAT 23:23	’¡Niaari taraatia miishaanutaniya, Moisés Rootasanojiniji niishitiojonaanaa, niajaniyajuhuaj Fariseocuacanaa! Niaari sapuenu juhua maninia miijiaca niquishano. Niaari Pueyaso niquitiojoquiaa maninia puetunu nio nia nataujinijijianaa, shanohua jaanujua jaamasucua, miaquesanojinia jatasano casaa: menta, anis, cominonio. Niaari jacaria serojoquiaa diez casaa puetunu cuno cien casaajinijijianaa, Pueyasora nia niquitiosocoriquiano taa supuetana Moisés sequequiaaricuajani. ¡Niaari saniniuujia socua pa tojishocoriquiano Moisés rootasano tojitiaaquiquiaa! ¡Naacuajitij, majaari maninia pueyano nia quiniu taa Moisés rootaquiaaricuajani! ¡Majaari nia taraajenu quiquiaa niarta pueyanoocua! ¡Majaari nia tiuuniu Pueyasoocua! Niaari maninia niquitiojoquiaa nia nataacuacajiniji. Taa nia niquitiojoquiaa nia nataacuacajinijicuaani, ¡naa nia tojitiarejuhua socua pa tojishocoriquiano rootasano Moisés Naajiotasanojiniji!
24011	MAT 23:24	Pueya nia niishitiojosacari Moisés Rootasanojiniji juucua, niaari juhua cariyojuaru cante narta cariyojuaru jaatucuya juucuani. Niaari juhua tamonu pueyanojuhuaj. Na ratusacari, nujujua taquirii na mashacajinijiiri. Socua na ratusacariuhua, ¡saaja cuartia miataaree juhuajaniyari!
24013	MAT 23:26	¡Cariyojuaru Fariseocuacanaa, nia ratujua jiniacuma nia jeequere coteenu, nia miacojua jiniacumanio! Naacuajitij, na cuaqueyari maninia jeequesano quiniutianiyajuhuaj.
24021	MAT 23:34	¡Cua tojitiare! Janiyari Pueyaso rupaa caminiujiuniaa jiyaramiquiniutianiya niaacuani, Pueyaso Rupaa niishijiacajuhuaj, Pueyaso rupaa niishitiojonaanio. Nojoriiri nia pohuatanutaniya Pueyasojiniji. Niaari noojiaqueya nojorijinijinio puecoonutaniya. Niaari tamasaca teetejonutaniya niyacutesanojinia nojori nia monura. Niaari tamasaca majacunutaniya Pueyaso secojojua tiacajinia. Niaari tamasaca neteyojotanutaniya puetunu tiacajinijijianaa, naquiya nia miiniuria nojori.
24025	MAT 23:38	Cua tojitiare. ¡Niaari nia quiquiojiniji sanaajasaanutaniya niiquiji!
24028	MAT 24:2	Jesuuri saa canaa riucuareejaa: —Jaa, na niquiyacuajanijia. Niaa cumaati maninia na niquiyacujua. ¡Seetanujuanaa nia sequeyanijia, cuno tia niaa na niquiyani, cunoori niyartasaanutaniya puetunujuanaa! ¡Majaari quenaaja tamonu saajia manu quiniutianiya tamonu caco!
24083	MAT 25:6	Shiyaqueya, tamonu pueyanoori nacaquiaari: “¡Camiriquiano pueyano cumaji tari! ¡Nia naacusee!”
24103	MAT 25:26	Na jiyaniijiaari na juaarii: “¡Quiaaqui sesoriquia pueyano! ¡Taajeca seque! ¿Quiaateeri niishiquianu janiyari tamasaca natoosanojiniji senoojuani, tamasaca poonijiosanojiniji miajajuhuaj?
24118	MAT 25:41	’Na nuhuaji, janiyari cua muenecara nujuatiuyano sequenutaniyani: “¡Cua shuriucuaji niiquiji nia quiaare, sesoriquia pueyanaa! ¡Niaari cua Que sesacasano! Niaari mani quiquiojinia quejoosaanutaniya. Cuno mani quiquioori maquesaashijia. Shipinishaaquiaariiri samaruhua jiyaniijiaacuaji, na seya samaruhuacuajinio.
24132	MAT 26:9	¡Cuno jaanutaja maara queraatia cumaneecara niquitiosaare, casamiijiuniucua niquitiosocoriquiano!
24133	MAT 26:10	Jesu tojishacari taa canaa sequeriquiaa cuno maajini, canaa sequereeri: —¿Casaara nio maaji nia taroojiyani? ¡Na miishano janiyani, cunoori jiyanohua maninia quiria!
24161	MAT 26:38	Jiyacaritij, Jesuuri nojori sequeree: —¡Coojia quera jiaqueya jiyanohua cua taraajenuta! ¡Quera cusoyanijia! Niyaja cua sashitiuri. Nia sutere nia tarajanura janiya quenaaja.
24168	MAT 26:45	Na nuhuaji, na pueyacua nimiohuariuhuaj. Nojori sequesuhuari: —Quiarijia cutara nia maquetiuyare. Nia paniyatere cutara maquetunu. ¡Juaj! ¡Nia tojiri! ¡Janiyari tari quiatesaanutaniya sesa miijiaca pueyani! Nojoriiri cua miiniutianiya taa na panitiuyacuajani.
24169	MAT 26:46	¡Nia saneecuature! Pa quiaare. Cumaji tari cua quiateriquiano.
24170	MAT 26:47	Jesu pocuasacarijia, Judasri jiyacari tiuquishii. Nio Judascuajaari niquiriyatu canaajinijinio Jesu doce saquiriojosano pueyajiniji quiquiaari. ¡Queraatia pueyari Judasta nijioquiaari! Nojoriiri secojonaa jiyaniijianucua jiyaramiquishano pueya quiquiaari, canaa Judiocuaca camarucua jiyaramiquishano pueyajuhuaj. Nojoriiri nijiniaquetucuaja mueruu pooriquiaa, macacanio.
24186	MAT 26:63	Jesuuri saaja sanaa na tojiriquiaa. Nocuaji secojonaa jiyaniijiaari Jesu sequeree: —¡Cua tojiri! Paa niya quiya Pueyaso niquiarani. ¡Cua riucuare! ¡Majaari sapojonu! ¿Quiaate Cristo, Pueyaso Niyanu?
24188	MAT 26:65	Pueyacuara secojonaa jiyaniijia jaara tojiquiaari naa Jesu sequesanotej, tama na toque sutareejaarijia na juaaniutia. Nata quiniaa sequereeri: —¡Juhuej! ¡Nia tojishuriucuara na sequesano! ¡Nojuajaari tama na cuaqueyajaaja jiyateya juhua Pueyaso na quiniuria! ¡Jiyanohua sacuaraatiaari na sequesano Pueyaso niquiara! ¿Paatucua casaara sashiri socua tamonu saquiriojotanura nocuaraarini? Niaacuaja shusha tojitiaree tama na sequesanojuaaja sacuaraatia Pueyaso niquiara.
24195	MAT 26:72	Pedroori Jesujiniji socua seetanu camiriohuacuhuaj: —¡Maja cua niishiniu cuno pueyano! ¡Pueyasocuajaari niishiya, seetanujuanaa nia sequeyanijia!
24196	MAT 26:73	Pasaja na tarishiniu nuhuaji, quiniqui quiniaari Pedro sequetusee: —¡Quiaaqui seetanujuanaa cuno Jesu pueyajinijinio! ¡Quiaari juhua nojori pocuaajuhuaj!
24197	MAT 26:74	Jiyacaritij, Pedroori socua jiyacateree sapojonura. Naa cuno pueya sequereeri: —¡Pueyasocuajaari niishiya maja cua niishiniu cuno pueyano, niaa na sequeyani! ¡Pueyasocuajaari cua sequesano tojiya! ¡Majaari cua sapojonu niajaniya! Caacarajaari canashiyaquiji niunijioquee.
24198	MAT 26:75	Jiyacaritij, Pedroori naa cuno niucuaja Jesu sequesano niishiquii: “Pedronaa, caacaraja niunijiyaquishacarijia, quiaari tari janiyajiniji seetanu pacutejonutaniya”. Pedroori tia shocua matacajiniji tohuataquiaari ritia. ¡Jiyanohua nujuquequeeri na taraajenuta!
24217	MAT 27:19	Pilato cajishacari na nequesoreesaqui, necocuaari nocua jiyaroquiaari tamonu na seru, naa na numootenuratej: “¡Narejatejataj, nareja! ¡Janiyari niucua maquiyojoree puereeta cuno pueyanoocuajini!”
24222	MAT 27:24	Pilato cartenu saniniujiushacari Jesu juucua, pueyari saaja socua jiyanohua nacooriquiaa. ¡Socua jiyanohua juaaquioriquiaari! Pilato niishishacari maja na naata quiniutianiya Jesu cartenu, taa na paniriquiaa juucuacuajani, nojuajaari mohuaca maseree. Pueya niquiara shuquitiareeri. Na shuquitiasacari, Judiocuaca sequereeri: —¡Majaari cucua na tiuutiasaanu quiniutianiya nia mosacari nio maninia pueyano! Cunoori maja cua miishano quiniutianiya. ¡Cunoori tama nia miishanojuaaja!
24223	MAT 27:25	Puetunu pueyajanaari na riucuaree: —Naajaa. ¡Jaara mosaare, cuaara tiuutiasaaria canaacua, canaa niquiohuacuanio!
24238	MAT 27:40	—¡Jaj! ¡Cumaacaraca quijia naatiijia! Quiaacuajaari sequeja quiaa jaara Pueyaso Secojojua tia niyartare, quia naata na tianu tucuatanuhua jiuujianaraca juucajinia. ¿Naatee? ¡Quiaa jaara naa cumaacaraca quiritij, canaa niquiara quia roserecuarajaj, quiaa jaara Pueyaso Niyanu quiri seetanujuanaa!
24241	MAT 27:43	¡Pueyasoocua tiuujia naatiijia! Jaara naa quiritij, Pueyaso cuaara na roshiniiria, nojuaja jaara seetanujuanaa Pueyaso panishano quiri. Nojuacuajaari pa sequeja: “Janiyari Pueyaso Niyanuni”.
24245	MAT 27:47	Tamasaca na shuriucua nujuatunaari na tojitiariquiaa. Nojoriiri sequeree: —¡Nia tojiri! ¡Supuetana Elías jiiquioonuyano! Noo Elías, tariucuacaanu pueyara Pueyaso sequesano caminiujiunia quiquiaaritij.
24247	MAT 27:49	Tamasacaari sequeree: —¡Pa shanacure! ¡Elías jiyoteeri nocua niniutianiya na roshininiuria niyacutesanojiniji!
24248	MAT 27:50	¡Jiyacaritij, Jesuuri jiyanohua nacarohua! ¡Na nuhuaji na sohuanu tohuataniriiri! ¡Cusoqueeri!
24249	MAT 27:51	Pueyaso Secojojua tiajinia, shiquiaruque toquejiniji sohuacaari quiquiaari Pueyaso Quishaqui mishiquiotaja. ¡Jesu cusosacari, cuno toqueeri sutequee jiyocuacaanuji jiyocuara puetunujuanaa! ¡Rijiaari jiya jiuuquiutiaquiaari jiyanohua! ¡Sairi jiaquetacoquiaari noojiaacoji!
24250	MAT 27:52	¡Macunucua raacaari riatequequiaari! ¡Queraatia tariucuacaanu Pueyasoocua tiuuniaari samiitiacoquee na raacajinia!
24267	MAT 28:3	¡Pueyaso seruuri niquishaaquiaari shacantuuca juhua miacana! Na toqueeri jiyanohua cohuajaque quiquiaari, juhua sohuanatuu.
24283	MAT 28:19	¡Naaratej, nia quiojore! ¡Puetunu pueyapuejanaa nia pohuatare cua rupaa, cua tojitiajacara nojori quiniuria! Moojinia nia tiuquinijiore cua tojitiajaca Pueyaso sesajinia, nojori rupuesacari pa Que Pueyaso, janiya, na Sohuanunio.
24284	MAT 28:20	Nojori nia niishitiojore puetunu cua rootasanojuanaa niajaniya, nojori tojishocoriquiano. Nia niishiri nio: ¡janiyacuajaari niaata quiniutianiya pueyaracaanuni, jiya cuaara puequerejaatijia!
24287	MRK 1:3	Na nacanuuri tojishaanutaniya cariiquia jiyajinia. Naa pueya sequeyari: ‘¡Nia jeenucuare Jiyaniijia nuu! ¡Nia nuunore maninia, maja shuutiuniu!’”
24288	MRK 1:4	Quiari naataja, Tiuquinijiona Juanri seetanujuanaa naa miiquiaari cariiquia jiyajiniatej. Nocua nijionaa pueya tiuquinijioriquiaa moojiniaari. Tiuquinijiona Juanri cuno pueya sequequiaari: —¡Nioojia nia tacatore sesa nia miiniujiniji, moojinia cua tiuquinijionura niajaniya! ¡Pueyasocua sesa nia miishanojiniji nia jiyanoori puetunujuanaa!
24295	MRK 1:11	Jiyacaritij, jiyocuacaanuji tojishaaquiaariiri Pueyaso pocuaano. Naa Jesu sequequiaariiri: —¡Quiaari Quiyanuniyojua, cua panishano! ¡Jiyanohua quia timitiaanijia!
24308	MRK 1:24	—¡Nazaret tiacajinijinio Jesunaa!, ¿quiaateeri tari canaacua nimiaa, canaa quia shaajanura? Janiyari quia niishiyani. ¡Quiaacuajaari Pueyaso Niyanu!
24309	MRK 1:25	Jesuuri cuno samaru juaarii. Na sequereeri: —¡Quia sanaajere! ¡Quia tohuatare nio pueyanojiniji!
24311	MRK 1:27	Puetunu pueyajanaari shiriiquitiuquiaari. Tama nojorijiaarijia nequesoreetooquiaari: —¿Casaatucuaa nioni? ¡Nioruhua quiarinio niishitiojosano! ¡Nio pueyanoqui cumaacaraca! ¡Taa samaruhua tojitiaa nojori na jiyarosacariiri!
24336	MRK 2:7	Nojori tojishacari Jesu jiyanoyano cuno pueyano, nojoriiri niishiriojonuuree: “¿Casaara nio pueyano pocuaa naani? Majaari quenaaja pueyano naata pa jiyanooniu sesa pa miishanojiniji. ¡Nojuajaari tama na cuaqueyajaaja jiyateya juhua Pueyaso na quiniuria! ¡Cunoori jiyanohua sacuaraatia! ¡Saaja Pueyaso cutaraari na naata pa jiyanooniu!”
24340	MRK 2:11	—Cua tojiri. ¡Quia sanere! Quia matu quia patare. Quia tiajinia quia quiaarohua.
24353	MRK 2:24	Fariseocuaca jaara na niquiquiaari, Jesu sequetureeri: —¡Quia niquiri! ¿Casaara quia saquiriojosano pueya poonijiya samaatenu juucani? ¡Pueyaso Rupaajinia, paari piriyojoshiyacuajani maja samaatenu juuca pa poonijionura!
24440	MRK 5:7	Jesuucuara nacareeri: —¿Casaacua miji quia niyani, Jesunaa, jiyocuacaanu Quijia Pueyaso Niyanunaa? ¡Quia secojiyanijia maja naquiya quia miiniuria janiya!
24469	MRK 5:36	Jesuuri nojori sequesano tojirii. Naaratej, maaji samiriu que sequereeri: —¡Maja puerenu! ¡Cucua quia tiuuri saaja!
24513	MRK 6:37	Jesuuri nojori riucuaree saaja: —Niaa mariqui nojori miaquetereja saniya. Nojoriiri na sequeree: —¿Quiaateeri paniya queraatia pan masenuucua canaa quianura puetunu cuno pojoririajanaa? ¡Pa mianuutenura nojori, panishiyari dosciento cumaneeca! Majaari pa jiitianu.
24526	MRK 6:50	Puetunu nojorijianaari na niquitiurii. Shiriiquitiuriiri. Jesuuri ritia pocuaree. Nojori sequereeri: —¿Casaara nia puereyani? ¡Nioojia nia cumaquiri! ¡Maja pueretunu! Janiyacuajanijia.
24538	MRK 7:6	Jesuuri cuno pojori riucuaree: —¡Niaari sapuenu juhua maninia pueya niquishano! ¡Niaacuajaari seetanujuanaa sesa miijiaca! Pueyaso sequesano caminiujiunia Isaíasri maninia sequequiaari niajaniyajinijicuaja, naa na naajiotasacari Pueyaso sequesano: “Nio pueyari saaja na rupaata shuquiritiaa janiya. Nojori jiuujiaari saniniuujia tucuacaanu quiya janiyajiniji.
24541	MRK 7:9	Jesuuri socua naa sequequiaari cuno pojoritij: —Tama nia miiniu jiitishanoocua nia miiniuriajaaja, ¡niaari Pueyaso sequesano shocortaa saaja!
24593	MRK 8:24	Cariyojuaruuri niquiniu sanirii. Jesu sequereeri: —¡Jaa! ¡Pueya niquiyanijia, juhua nacuhua rucoyano!