23240	MAT 2:2	Fey akulu ta Jerusalen waria mew, famngechi ramtuyawi engün: —¿Chew anta müley tati pu judiu tuwünche tañi longko ülmen, tati we choyüngelu? Pefiyiñ ti wangülen ñi küdetunagkülen chew ñi choyüngemum ti Cristo, feymew küpaiñ taiñ püramyeafiel ngillatun mew ―pi engün.
23246	MAT 2:8	Feymew werküfi ñi amuael engün ta Belen, fey ka feypifi: —Amumün üyew, ka küme inaramtupuafimün ñi chumngechi pichichengen tati püñeñ, fey pefilmün, kimelelmupatuan, tañi amuael kay ta iñche ñi püramyeafiel ngillatun mew ti pichiche ―pi.
23443	MAT 8:29	Fey eluwi engu ñi wirarün: —¡Kontumupakeliyiñ, Ngünechen ñi Fotüm! ¿Küpaymi anta faw tami kutrankamuafiel petu tañi puwnon tati medin antü? ―pi engu.
23450	MAT 9:2	Feyti mew yelelngey kiñe kutran lañmalelu ñi kuerpu, kudulelu kiñe pichi ngütantu mew. Feymew Jesus ngüneduamfilu tati pu che ñi rume feyentulen engün, feypifi tati kutran: —Yafüluwnge, weni. Dew wiñoduamangetuymi tami yafkan mew ―pifi ti wentru.
23454	MAT 9:6	Feymew tamün kimael tati Wentrukünuwpalu ñi nien ta pepiluwün tüfachi mapu mew ñi wiñoduamatuafiel ta che ñi yafkan mew, feypiafiñ tüfachi lemuwkenochi kutran: —Witratunge. Nütunge tami ngütantu, fey amutunge tami ruka mew ―pi.
23461	MAT 9:13	Amumün ka kimtukuaymün ñi chem piel ta tüfachi wirin dungu: ‘Iñche may ta duamnien tamün kutranpiwkeyecheael, welu tamün chalintukumekenoael tati langümelchi kulliñ müten.’ Iñche am küpanolu tati pu küme piwkekawünnngelu mew, welu may tati pu yafkafe ñi wiñorakiduamtuael ―pi.
23476	MAT 9:28	Feymew Jesus konpulu ti ruka mew, tati epu trawma fülkontueyew, fey Jesus ramtufi ti epu trawma: —¿Feyentuymu anta eymu iñche tañi pepi femael ta tüfachi dungu? —May, Ñidol ―llowdunguy ti epu wentru.
23538	MAT 11:10	Tati Wirin Chillka feypiley kisu mew: ‘Iñche werküan tañi werken, wüne kimeltuafilu tati trokiñche, femngechi tami küme llowaetew engün’ ―pi.
23543	MAT 11:15	Tati ayülu ñi allkütuael, allkütupe ―pi ta Jesus.
23566	MAT 12:8	Fey tati Wentrukünuwpalu ngüneniefi chem dungu rume ñi femael ti ürkütun antü mew ―pi.
23608	MAT 12:50	Iney rume ayülelu ñi küdawyeael iñche ñi wenu mapu mülechi Chaw ñi ayükeelchi dungu, fey ta iñche ñi ñuke reke feley, ñi lamngen ka ñi pu peñi ka müten ―pi.
23659	MAT 13:51	Fey Jesus ramtufi ñi pu disipulu: —¿Adümimün kay eymün kom tüfachi dungu? —May, Ñidol ―llowdunguyngün.
23692	MAT 14:26	Feymew tañi pu disipulu peetew tañi trekalen ta wente ko, fey rume llükay, ka wirari engün ñi fente llükan mew: —¡Kiñe perimon tati! ―pirkey engün.
23695	MAT 14:29	—Küpange may ―pi ta Jesus. Feymew Pedro tripay ti pichi farku mew, fey llituy ñi trekayael wente ko ñi puwael ta Jesus mew.
23736	MAT 15:34	Fey Jesus ramtufi ñi pu disipulu: —¿Tunten kofke am nieymün ta eymün? —Regle kofke, ka kiñe mufün pichike challwa ―llowdunguy kisu engün.
23756	MAT 16:15	—Eymün kay, ¿iney pimuken anta iñche? ―ramtungey engün.
23786	MAT 17:17	Fey Jesus feypi: —¡Eymün pu ngenofeyentun che ka wesake rakiduam nielu! ¿Tunteñma anta mülerkean ta eymün mew? ¿Tuntepu mew wüla anta fentekünurkean tamün peniewafiel? Küpalelmuchi tati pichiwentru ―pirkey.
23794	MAT 17:25	—May, kullikey ta kisu ―llowdunguy ta Pedro. Fey Pedro konputulu ruka mew, Jesus ramtufemeyew: —¿Eymi chumngentufimi kay, Pedro? Kiñe longko ülmen wentru ta tüfachi mapu mew, ¿ineykechi am kofrakefi impuestu: kisu tañi pu yall kam ti kakelu pu che?
23805	MAT 18:9	Tami nge yafkantukukeelmew, entufinge ka famentufinge ta eymi mew. Doy kümey tami mongeleael fey tami nien kiñe nge müten, fey nielmi epu nge tami tukungeael ta kütral mapu mew ―pi ta Jesus.
23849	MAT 19:18	—¿Chuchi werkün dungu am? ―ramtuy tati weche wentru. Fey Jesus llowdungueyew: —‘Langümchekilnge, ñiwaldomokilnge, weñekilnge, üñfitukefilnge koyla dungu mew ta kangelu,
23851	MAT 19:20	—Femken ta kom feychi dungu. ¿Ka chem am petu faltay? ―pi tati weche wentru.
23917	MAT 21:22	Itrokom tami eluen piel ta ngillatun mew feyentulelmün, llowaymün ―pi.
23926	MAT 21:31	¿Fey chuchi anta tüfachi epu fotüm femi tañi chaw tañi werküetewchi dungu? —Tati wünelu mew werküel ―pi ñi llowdungun engün. Fey Jesus ta feypifi tati pu longkolelu: —Rüf dungu feypiwayiñ tati pu kofrakelu impuestu Romangealu, ka tati pu küri domo, tañi feyentun mew ta wünelu mew konpuay engün ta Ngünechen ñi ülmen mülewe mew,
23962	MAT 22:21	Fey llowdungungey: —Tati emperador tañi üy ka tañi ange tatey ―pirkey engün. Feymew feypi ta Jesus: —Elufimün tati emperador kisu tañi koneltuleel, ka elufimün ñi koneltuleel ta Ngünechen.
24041	MAT 24:15	“Fey ti pelon wentru Daniel wirintukuy ñi müleael rume wesa dungu, fey pefilmün Ngünechen ñi kayñe ñi fill wesa meken ti ngillatuwe ruka mew ―tati chillkatulu, ngüneduampe―,
24138	MAT 26:15	fey feypifi: —¿Tunten pülata anta elumuafun kay? Fey iñche chalintukuleluwafuiñ ta Jesus ―pi. Fey kisu engün feypi ñi tunte wülael: —Küla mari moneda pülata ―pingey.
24148	MAT 26:25	Feymew Juda, tañi ngünenmanieetew, ramtueyew: —Kimeltufe, ¿iñche am tati? —May, eymi tati ―pi ta Jesus.
24197	MAT 26:74	Feymew Pedro kuyalltuy, feypilen mew: —¡Kimlafiñ tüfeychi wentru! ―pi. Feychi lelen mew müten kakaray ta kiñe alka,
24209	MAT 27:11	Fey Jesus ta yengey tati gobernador mew, fey ramtueyew ta Pilato: —¿Eymi am tati longko ülmenkülelu ti pu judiu mew? —May, eymi rüf dungu feypipeymi ―pi ñi llowdungun ta Jesus.
24433	MRK 4:41	Welu kisu engün ta rume llükalewey, ka welukonkechi ramtuwi engün: —¿Iney ürke anta tüfachi wentru kenü ti kürüf ka lafken kütu ta müngeltueyew? ―pi.
24574	MRK 8:5	Fey Jesus ta ramtufi ñi pu disipulu: —¿Mufü kofke am nieymün? —Regle kofke nieiñ ―pi engün.
24598	MRK 8:29	—Fey eymün kay, ¿iney pimuken? ―ramtungeyngün. Fey Pedro llowdungueyew: —Eymi lle tati Cristo pikeel.
24607	MRK 8:38	Iney rume ta yewentukuelimew ta iñche ka tañi werken dungu yewentukuñmaelimew tüfachi nor dungungenochi yafkafe pu che ñi adkiñ mew, ka femngechi tati Wentrukünuwpalu yewentukuaeyew küpale tañi Chaw ñi fütra küme pepiluwün mew ka ti pu werken püllü mew ―pi.
24800	MRK 13:14	“Fey pefilmün ñi mülen tati pelon wentru Daniel ñi wirielchi wesake dungu tati ngillatuwe ruka mew, tüfey mew ñi mülenoafel ti wesake dungu ―ti chillkatulu, küme ngüneduampe― feymew tati müleyelu ta Judea mew, ellkawpe ta fütrake lüngkawngechi wingkul mew.
24842	MRK 14:19	Kisu engün ta weñangkülewey, fey kake kiñeke eluwi engün tañi welukonkechi ramtuafiel ta Jesus: —¿Iñche pemay? ―pi engün.
24897	MRK 15:2	Fey Pilato ramtufi ta Jesus: —¿Eymi am tati pu judiu ñi longko ülmen? —Eymi ta feypipeymi ―llowdunguy ta Jesus.
24904	MRK 15:9	Fey Pilato ta llowdungufi ti pu che: —¿Ayüleymün anta eymün iñche tañi lifrenentutuafiel tati pu judiu tañi longko ülmen?―
25202	LUK 5:26	Feymew itrokom ti pu che afmatulewey, fey ka femngechi püramyefi engün ta Ngünechen. Fey rume llükan mew feypi engün: —Fachantü ta peiñ rume afmatufalchi dungu ―pi engün.
25287	LUK 7:23	¡Fey sakinngeay tati welulkawnolu ñi maneluwael iñche mew! ―pi.
25390	LUK 9:20	—Eymün kay, ¿iney pimuken anta iñche? ―ramtuy ta kisu. Feymew llowdungueyew Pedro: —Eymi ta Ngünechen ñi Cristo.
25990	LUK 22:57	Welu Pedro: —Kimlafiñ tati. Iñche no ngati, papay ―pirkey.
26007	LUK 23:3	Fey Pilato ramtufi ta Jesus: —¿Eymi am tati pu judiu ñi longko ülmen? —Eymi ta kisu feypimi iñche ñi longko ülmenngen ―llowdunguy ta Jesus.
26158	JHN 1:45	Feymew Felipe amuy ñi yemeafiel ta Natanael, fey feypifi: —Pefiñ ta tüyechi wentru, Moyse ñi tukulpael ñi wirielchi dungu mew, ka ti pu pelon wentru ñi chillka mew. Tüfachi wentru ta Jesus pingey, Jose tañi tremümel Nasaret tuwlu ―pi.
26183	JHN 2:19	Jesus llowdungufi ti pu judiu: —Teyfükafimün tüfachi ngillatuwe ruka, fey iñche küla antü mew wiñome dewmatuafiñ ―pirkey.
26197	JHN 3:8	Famngechi reke kürüf ta chew püle rume pimu amukey, fey tunte allküngeay rume ñi rarakün, pengekelay chew püle ñi küpan ka chew püle rume ñi amun. Ka femngechi femkey kom tati choyüngetulu tati Lif Küme Püllü mew ―pi.
26219	JHN 3:30	Kisu ta amuleay ñi doy wewkülen ka ñi yamfal wentrungeael, fey iñche amuleay ñi doy illamngetun ―pi.
26263	JHN 4:38	Iñche werküwiyiñ ta eymün tamün kosechayafiel ti fün ketran, fey ta pichin no rume tamün küdawtunoel; kakelu may tañi küdawel mew, fey eymün ta kosechakefimün kisu engün ñi küdawel ―pi.
26353	JHN 6:27	Poyekefilmün tati afkechi iyael, welu may tamün poyeafel tati rumel mülekechi iyael fey tamün eluafetew rumel mongen. Fey iñche tati Wentrukünuwpalu eluwayiñ tüfachi iyael, fey Chaw Ngünechen am adkünulu tüfachi dungu kisu ñi Fotüm mew ―pi.
26405	JHN 7:8	Amumün eymün tati kawiñ mew, welu iñche ta amulayan, petu puwnolu am iñche ñi medin antü ―pi.
26421	JHN 7:24	Welu eymün küme duamtukelayafimün tamün küme trokituel müten. Welu may ngüneduamkeafimün nor küme rakiduam mew ―pi.
26446	JHN 7:49	Welu tüfeychi pu che kimnofilu tati ley dungu, rume welulkawküley engün ―pi engün.
26449	JHN 7:52	Feymew ti pu farisew llowdungufi ta Nikodemo: —¿Eymi am tuwimi kay ta Galilea? Papeltufinge ti Wirin Chillka, fey kimaymi tañi tripakenon kiñe pelon wentru no rume ta Galilea mapu mew ―pingey. (
26461	JHN 8:11	Fey ti domo llowdunguy: —Kom amutuy engün tatey, Ñidol ―pi. Fey Jesus feypifi ti domo: —Iñche no rume ‘langümngepe’ pilayaeyu, fey amutunge ka wiñome yafkawekilnge.)
26468	JHN 8:18	Ka femngechi, iñche ka tañi Chaw iñchiw kiñewküleyu tayu dungu mew ―pi.
26489	JHN 8:39	Feymew ti pu judiu feypi: —¡Kangelu no tatey! ¡Iñchiñ taiñ nieelchi chaw Abraam pingey! ―pi. Welu Jesus llowdunguy: —Eymün ta rüf mew Abraam ñi reñma pu chengefulmün, femafuymün kisu tañi femel.
26501	JHN 8:51	Ka femngechi rüf dungu feypiwayiñ ta iney rume müngeltufile iñche ñi dungu, chumkawnorume lalayay ―pi.
26506	JHN 8:56	Eymün tamün kuyfi tuwün em Abraam pingelu, ayüwi allkülu tati feypikünuelchi dungu iñche mew, feymew rume ayüwi, fey Abraam kimetew am ñi ineyngen ta iñche ―pi.
26530	JHN 9:21	welu kimlayu chumngechi ta tüfa ñi pepi peloletun, ka femngechi kimlayu rume iney ñi eluetew ñi pelotuael. Ramtufimün ta kisu, dew fütachelewey tati. Kisu feypiaeymünmew ti nor dungu ―pi engu.
26532	JHN 9:23	Feymew feypi ñi chaw ka ñi ñuke: “Ramtullefimün may ta kisu. Dew füta wentrulewey tati” ―pi engu.
26571	JHN 10:21	Welu kakelu feypingün: —Iney rume niele kiñe weküfü femngechi dungulayafuy. ¿Kiñe weküfü am elupeafuy ñi pelotuael tati pu trawma? ―pi engün.
26580	JHN 10:30	Fey iñche tañi dew feypiel iñche ñi Chaw iñchiw kiñengeyu müten ―pi.
26619	JHN 11:27	Marta feypi: —May, Ñidol, iñche feyentun eymi tami Cristongen, Ngünechen tañi Fotüm, tati felelu ñi küpayael ta mapu mew ―pi.
26642	JHN 11:50	Ka ngüneduamkelaymün rume tañi doy kümeael eymünngealu ñi layael kiñe wentru müten tati waria che mew, welu tañi lanoael kom che mülelu taiñ trokiñ mapu mew ―pi.
26675	JHN 12:26	Fey kiñe che ayülele ñi poyeaetew, inaechimew, fey chew müleli ta iñche, üyew müleay tañi poyekeetew. Fey iney rume poyeelimew yamün mew, iñche ñi Chaw ta ka femngechi poyeafi yamün mew ―pi.
26685	JHN 12:36	Feyentufimün ta pelon petu tamün niefiel femngechi ta koneltuleaymün ta pelon mew ―pi. Fey dew feypilu tüfachi dungu, Jesus tripatuy fey ellkawi tañi penoaetew ta tüfeychi pu che.
26825	JHN 16:30	Fewla ngüneduamiyiñ tami küme kimnien kom dungu, fey ngelay chem dungu rume taiñ ramtuael. Fey tüfa famngechi feyentuiñ tami küpan ta Ngünechen mew ―pi engün.
26828	JHN 16:33	Dew feypiwiyiñ kom tüfachi dungu femngechi tamün nieael küme tüngün kiñewkülelu am eymün iñche mew. Tüfachi mapu mew eymün müley tamün kutrankawael, welu yafüluwkülemün, iñche am dew wewfilu kom wesake dungu tunte kutrankawün rume ―pi.
26865	JHN 18:11	Jesus feypifi ta Pedro: —Wiñome üchaftukutunge tami wayki chew tañi niekemum. Fey iñche feley ñi kutrankawael iñche ñi Chaw ñi piel mew chumngechi putungekey ti füre pulku. ¿Fey felerkelay am tañi putuafiel? ―pi.
26884	JHN 18:30	Fey ti pu judiu llowdungufi ta Pilato: —Fey tüfachi wentru kiñe wesa mongen nienofule, chalintukuleluwlayafuiñ ta eymi ―pi engün.
26892	JHN 18:38	Pilato feypi: —¿Fey chem am tati rüfngechi dungu? ―pi. Fey dew ramtukafilu tüfachi dungu, Pilato ka wiñome tripay ñi dunguafiel ti pu judiu, fey feypifi: —Iñche peñmalafiñ chem welulkan rume tüfachi wentru.
26901	JHN 19:7	Feymew ti pu judiu llowdungueyew: —Tüfachi wentru feley ñi layael, iñchiñ am nielu kiñe ley dungu, fey ñi chem pilen taiñ ley dungu feley ñi layael, ‘iñche ta Ngünechen ñi Fotüm’ pikelu am ―pi engün.
26906	JHN 19:12	Fey tüyechi lelen mew müten, Pilato rakiduamfuy chumngechi ñi lifrekünutuafiel ta Jesus, welu ti pu judiu wirareleyew: —¡Fey lifrekünutufilmi, weniyelafimi tati emperador! ¡Iney rume longko ülmenkünuwle, fey ta kayñeyefi tati emperador! ―pi engün.
26938	JHN 20:2	Feymew lefkülen amutuy chew ñi mülemum ta Simon Pedro ka ti kangelu disipulu Jesus ñi rume piwkeyefel, fey feypifi: —¡Nentungerkey ti rüngan lolo mew ta Ñidol ñi kuerpu, fey kimlaiñ chew ñi elkünungen! ―pi.
26959	JHN 20:23	Tüfey engün tamün wiñoduamatuel ta eymün tamün yafkan mew, fey engün ta wiñoduamangeay, tüfey engün tamün wiñoduamanoel, fey engün ta wiñoduamangelayay ―pi.
26989	JHN 21:22	Jesus llowdungueyew: —Fey iñche ayüfuli, kisu ta mongeleafuy wiñometuli wüla ta iñche. Eymi ta chumkonlaymi. Fey eymi ta inaen ―pi.
27068	ACT 3:3	Fey ti küntro wentru, pefilu ta Pedro ka Juan, epe konkülepulu ti ngillatuwe ruka mew: —Eluen ta pülata ―pifi.
27569	ACT 16:17	Tüfachi üllchadomo eluwi taiñ inanieaetew taiñ wirartunieetew Pablo iñchiñ: —¡Tüfachi pu wentru ta poyekefilu wenu mapu mülechi Ngünechen, kimelpapeeymünmew ta eymün ti montun küme dungu! ―pirkey ñi dungun.
27591	ACT 16:39	Fey tati pu kues amuyngün tañi peafiel ta Pablo ka Silas. Fey nentutufilu engün, feypifi: —Wiñoduamamuiñ taiñ welulkan mew. Fewla tripatuaymu taiñ waria mew ―pingey Pablo engu Silas.
27639	ACT 18:13	fey feypipufi engün tati gobernador: —Tüfachi wentru ta ngülamkiyawülfi tati pu che tañi püramyeafiel ta Ngünechen, welu tati ngülam welulkaley tati ley dungu mew ―pi engün.
28287	ROM 11:10	Trawmalechi che reke felepe engün tañi rakiduam mew. Rumel kutrankawpe engün kiñe püresukona reke tañi mupituafiel ti wimtun dungu ―pi ñi ngillatun.”
28332	ROM 12:19	Sakin pu peñi ka lamngen, eymün kisutu kayñetukefilmün tamün wesa femetew, welu may elufimün Ngünechen tañi kutrankayaetew, tati Wirin Chillka am feypilelu: “Iñche ta koneltulen tañi femael tati nor dungu. Iñche ta kutrankayafiñ ―piley ta Ñidol Ngünechen.”
30792	REV 2:7	¡Tati ayülu ñi allküael, allküpe tati Küme Püllü ñi feypifiel tati pu trokiñ feyentulelu! Fey tati wewfilu kom ti wesake dungu puway Ngünechen ñi küme mülewe mew, ka ipuay mongen wülkechi anümka ñi fün ―pi ta kisu.
30796	REV 2:11	¡Tati ayülu ñi allküael, allküpe ti Küme Püllü ñi feypifiel tati pu trokiñ feyentulelu! Tati wewlu chem wesa üllüfün mew rume, ngelay ñi llükaleael, Ngünechen am ütrüftukunoaetew kütral mapu mew ―pi ta kisu.
30802	REV 2:17	¡Tati ayülu ñi allküael, allküpe ti Küme Püllü ñi feypifiel tati pu trokiñ feyentulelu! Tati pu wewlu eluafiñ tañi iyael mana pingechi kofke, tati ellkalelu. Ka femngechi eluafiñ ta kiñe fülang kura, ñi wirikonkülemum ta kiñe we üy iney no rume tañi kimnoel, welu kimniey tüfey engün tati llowlu müten ―pi ta kisu.
30814	REV 2:29	¡Tati ayülu ñi allküael, allküpe ti Küme Püllü ñi feypifiel tati pu trokiñ feyentulelu! ―pi ta kisu.
30820	REV 3:6	¡Tati ayülu ñi allküael, allküpe ti Küme Püllü ñi feypifiel tati pu trokiñ feyentulelu! ―pi ta kisu.
30827	REV 3:13	¡Tati ayülu ñi allküael, allküpe ti Küme Püllü ñi feypifiel tati pu trokiñ feyentulelu! ―pi ta kisu.