23214 | MAT 1:1 | Tüfa Jesucristo tañi kuyfike tuwün pu che em, David em ka Abraam em tañi pu yomel ürke: |
23215 | MAT 1:2 | Abraam em yallfi ta Isaak, Isaak em yallfi ta Jakob. Jakob em yallfi ta Juda ka tañi pu peñi. |
23216 | MAT 1:3 | Juda em Tamar mew yallfi ta Fares ka Sara. Fares em yallfi ta Esrom. Esrom em yallfi ta Aram. |
23217 | MAT 1:4 | Aram em yallfi ta Aminadab, Aminadab em ta Nason, Nason em ta Salmon. |
23220 | MAT 1:7 | Salomon em yallfi ta Roboam, Roboam em ta Abia, Abia em yallfi ta Asa. |
23221 | MAT 1:8 | Asa em yallfi ta Josafat, Josafat em ta Joram, Joram em yallfi ta Usia. |
23222 | MAT 1:9 | Usia em yallfi ta Jotam, Jotam em ta Akas, Akas em yallfi ta Esekias. |
23223 | MAT 1:10 | Esekias em yallfi ta Manase, Manase em ta Amon, Amon em yallfi ta Josias. |
23226 | MAT 1:13 | Sorobabel em yallfi ta Abiud, Abiud em ta Eliakim, Eliakim em yallfi ta Asor. |
23227 | MAT 1:14 | Asor em yallfi ta Sadok, Sadok em ta Akim, Akim em yallfi ta Eliud. |
23230 | MAT 1:17 | Femngechi ta kom tati mülekechi pu che, llitulu ta Abraam mew ka David mew, fentepulu mari meli tuwünche em ürke: llitulu ta David mew ka tunteñma ñi püresukonalepun ti pu israelche ta Babilonia trokiñ mapu mew ka femngechi rupay ta mari meli tuwünche. Ka femngechi mari meli tuwünche ta rupay dew lifreletulu engün tañi püresuyengefel tati israelche Babilonia trokiñ mapu mew ka puwi mari meli tuwünche feychi choyüngelu ta Jesus tati Cristo. |
23246 | MAT 2:8 | Feymew werküfi ñi amuael engün ta Belen, fey ka feypifi: —Amumün üyew, ka küme inaramtupuafimün ñi chumngechi pichichengen tati püñeñ, fey pefilmün, kimelelmupatuan, tañi amuael kay ta iñche ñi püramyeafiel ngillatun mew ti pichiche ―pi. |
23256 | MAT 2:18 | “Allküngey kiñe dungun ta Rama trokiñ mapu mew, rume fütra ngümakawün ka fütrake etüngün. Rakel reke ngümakawmekey kom domo langümüñmangen mew tañi püñeñ engün, fey pilay tañi yafülngeael, dew lalu am ti pichikeche” pi. |
23260 | MAT 2:22 | Welu Jose kimlu Arkelaw ñi longkoletun ta Judea mapu mew chew longkolekefuy kisu ñi chaw Erode, llükay ñi amuael ta üyew, kom feypietew am ta Ngünechen pewma mew, fey amuy Galilea trokiñ mapu mew. |
23270 | MAT 3:9 | Rakiduamkilmün tamün welukonkechi feypiael müten: ‘Abraam ñi tuwünche ta iñchiñ’. Iñche ta feypiwayiñ: Ngünechen tüfachi pu kura femkünuafuy Abraam ñi yomelchengeael. |
23296 | MAT 4:18 | Fey kiñe antü Jesus miyawlu inaltu ti Galilea pingechi lafken püle, pefi ti epu peñiwen, Simon ürke, tati Pedro pingekelu, ka Andre. Mür challwafe ürke engu, fey petu ütrüftukurkey ñi challwawe pu lafken. |
23306 | MAT 5:3 | “Ayüwün niey tati duamnielu ñi llowael Ngünechen ñi küme dungu, kisu engün ta koneltuley Ngünechen tañi ülmen mülewe mew. |
23307 | MAT 5:4 | Ayüwün niey tati pu weñangkülelu, Ngünechen am yafülaetew engün. |
23308 | MAT 5:5 | Ayüwün niey tati ñom piwkengelu, kisu engün am llowalu tati mapu Ngünechen tañi tukulpakünuletew. |
23309 | MAT 5:6 | Ayüwün niey tati ngüñülelu ka wüywülelu reke ñi femael Ngünechen tañi ayükeelchi dungu, kisu engün lloway itrokom ñi ayütunieel Ngünechen mew. |
23310 | MAT 5:7 | Ayüwün niey tati kutranduamyekefilu ta kakelu che, Ngünechen ta ka femngechi kutranduamyeaeyew ta kisu engün. |
23311 | MAT 5:8 | Ayüwün niey tati lif piwkengelu, kisu engün peafi ta Ngünechen. |
23312 | MAT 5:9 | Ayüwün niey tati ngülamtukefilu kom kakelu che ñi kümelkawkületuael, Ngünechen am ta ‘iñche ñi yall’ ñi piaetew. |
23313 | MAT 5:10 | Ayüwün niey tati kutrankawkelu ñi kayñetuyawülngen mew ñi femkeel mew Ngünechen ñi werkünieelchi dungu, Ngünechen tañi ülmen mülewe mew ta koneltuley. |
23314 | MAT 5:11 | Ayüwküleaymün ta eymün, iñche ñi duam fillpikaelmünmew ta pu che ka kutrankangelmün, ka üyawtungelmün epe fill koyla dungu mew. |
23315 | MAT 5:12 | Ayüwküleaymün, lliduamküleaymün, eymün am llowalu kiñe fütra fürenen ta wenu mapu, ka femngechi ta kayñetuyawülngekefuy tati pu pelon wentru tati wüne mülekelu ta eymün mew. |
23398 | MAT 7:13 | “Konpuaymün tati pichi rupachi wülngiñ mew. Alü rupay ka rume feyünngey tati wülngiñ ka tati rüpü yeniefilu ta che welulkawün mew, fey rume fentren che amuley feychi rüpü mew. |
23418 | MAT 8:4 | Feymew Jesus feypikünufi ti wentru: —Feypiaeyu, iney no rume feypilayafimi tüfachi dungu. Amunge, pewfaluwmenge tati saserdote mew müten, ka yenge ta ofrenda Moyse tañi feypikünuel ñi femael ta che, femngechi tañi kimael kom che tami dew tremolewetun tati kutran mew. |
23421 | MAT 8:7 | Fey Jesus llowdungufi ti kapitan: —Amuan tañi tremolafiel. |
23425 | MAT 8:11 | Feypiwayiñ fentren che ñi küpayael tripawe antü püle ka konwe antü püle, ka anüay ñi iyael Abraam, Isaak ka Jakob engün Ngünechen tañi ülmen mülewe mew, |
23427 | MAT 8:13 | Feymew müten Jesus feypifi tati kapitan: —Amutunge tami ruka mew. Felepe kom chumngechi tami feyentun. Feychi lelen mew müten tañi kona tremolewetuy. |
23446 | MAT 8:32 | Fey Jesus feypifi ti pu weküfü: —Amumün. Fey tati pu weküfü tripatuy tati epu wentru mew, fey konpuy engün tati pu sañwe mew. Fey pichin mew kom tati pu sañwe tuwi ñi lefmawün, fey lefkonpuy engün ti pichi lafken mew. Fey tüfey mew kom ürfipuy engün. |
23461 | MAT 9:13 | Amumün ka kimtukuaymün ñi chem piel ta tüfachi wirin dungu: ‘Iñche may ta duamnien tamün kutranpiwkeyecheael, welu tamün chalintukumekenoael tati langümelchi kulliñ müten.’ Iñche am küpanolu tati pu küme piwkekawünnngelu mew, welu may tati pu yafkafe ñi wiñorakiduamtuael ―pi. |
23488 | MAT 10:2 | Fey tüfa tañi üy tati mari epu apostol: wünelu mew ta Simon, tati Pedro pingekelu, ka kisu tañi peñi Andre pingelu; Santiaw ka kisu ñi peñi Juan pingelu, Sefedew tañi epu fotüm; |
23489 | MAT 10:3 | Felipe ka Bartolome; Tomas ka Matew, tati kofrakelu impuestu Romangealu; Santiaw, Alfew tañi fotüm, ka Tadew, |
23492 | MAT 10:6 | Amuaymün may tati pu Israel trokiñche mew, tati ñamkülechi ufisa reke felelu. |
23493 | MAT 10:7 | Amulelmün fey kimelaymün ñi fülkülepan Ngünechen tañi longko ülmenngeael. |
23532 | MAT 11:4 | Fey Jesus llowdungueyew: “Amutumün ka feypiputuafimün ta Juan tamün peel ka tamün allküel. |
23534 | MAT 11:6 | ¡Ayüwün niey tati welulkawnolu ñi maneluwael iñche mew!” pi. |
23549 | MAT 11:21 | “¡Awngeymün ta eymün, Korasin waria che! ¡Ka femngechi awngeymün ta eymün, Betsayda waria che! Tiro ka Sidon waria mew pengefule ti afmanngechi pepiluwün tati femel eymün tamün adkiñ mew, kuyfi tukuafuy engün yunge wesake takuwün ka anüafuy engün trufken mew, fey ta femngechi kimfalafuy ñi wiñorakiduamtun engün Ngünechen mew. |
23557 | MAT 11:29 | Ayütufimün tati yuku tamün tukuleluwfiel, ka inakintuaymün ta iñche mew, iñche am ñom piwkengelu ka mallmangelan rume, fey ta famngechi kansatuaymün. |
23582 | MAT 12:24 | Allkülu tüfachi dungu, tati pu farisew feypi engün: “Belsebu, tati longkolelu ti pu weküfü mew, fey ta elueyew pepiluwün ta tüfachi wentru tañi wemünentuael ta weküfü.” |
23597 | MAT 12:39 | Fey Jesus llowdungueyew: —Eymün wesake piwkengelu ka müngeltukenolu. Ayükeymün tamün peael afmatufal dungu, welu pengeleluwlayayiñ kangelu afmatufal dungu, dew kimnielu am eymün tati pelon wentru Jona ñi rupaelchi afmatufal dungu mew. |
23605 | MAT 12:47 | Fey feypingey ta Jesus: —Tami ñuke ka tami pu peñi wekuntu mülepay. Ayüley engün tami dunguaetew. |
23621 | MAT 13:13 | Feymew ta dungukefiñ engün re adkünu dungun mew: ‘Kisu engün am adkintukelu, welu pekelay engün reke. Allkütukey engün, welu küme longkontukukelay engün ka ngüneduamkelafi rume engün.’ |
23659 | MAT 13:51 | Fey Jesus ramtufi ñi pu disipulu: —¿Adümimün kay eymün kom tüfachi dungu? —May, Ñidol ―llowdunguyngün. |
23712 | MAT 15:10 | Feymew müten Jesus mütrümfi tati pu che ka feypifi: —Allkütumün ka küme kimaymün: |
23734 | MAT 15:32 | Jesus mütrümfi tañi pu disipulu, ka feypifi: —Rume kutranpiwkeyefiñ tati pu che ta küla antü dewma ñi mülepan ta tüfa mew iñche engün ka chem rume niewelay engün tañi iyael. Ayülelan tañi amutuael engün ñi ruka mew petu tañi inon tati pu che. Rume ngüñüle tranapuafuy engün rüpü mew. |
23774 | MAT 17:5 | Petu dungumekelu ta Pedro, kiñe alofkülechi tromü munulpaeyew kiñe llawfeñ reke, fey tati tromü mew tripay kiñe dungun feypilu: “Fey tüfa iñche tañi sakin Fotüm, iñche tañi dulliel. Allkütuñmafimün ñi dungu.” |
23775 | MAT 17:6 | Allkülu engün tüfachi dungun, tati pu disipulu lloyünagümkünuy ñi longko engün pülli mew, fente ñi llükan mew. |
23803 | MAT 18:7 | “¡Awngey fentren kintukaduamngen dungu ñi mülen mew tüfachi mapu! Feyngey ñi mülen tüfachi wesake dungu mapu mew, welu ¡awngey tiyechi che yafkan mew tukufile ta kakelu che! |
23835 | MAT 19:4 | Feymew Jesus llowdungufi ti pu farisew: —¿Adümlafimün am tati wirikonkülechi dungu ta llituka mew müten, feychi dewmangelu ta wentru domo engu? |
23852 | MAT 19:21 | Jesus llowdungueyew: —Ayülmi tami nieael nor mongen, amunge, fendenge tami nieel ka elufinge tati pu nienolu chem no rume. Femngechi fütra küme felen nieaymi ta wenu mapu mew. Fey küpange ka inaen. |
23868 | MAT 20:7 | Llowdungungey: ‘Iney no rume am elukenoetew küdaw ta iñchiñ.’ Feymew feypingey engün: ‘Amumün kay eymün tamün küdawael iñche tañi ofadentu mew.’ |
23870 | MAT 20:9 | Akuyey engün, tati konyelu tañi küdawael kechu ora naglu dewma ta antü, fey kake kiñeke llowi engün tunteke ñi wewken ta kiñe küdawfe kiñe antü mew. |
23897 | MAT 21:2 | fey feypifi: —Amumu tati adkiñkülechi waria mew. Fey tiye mew pepuaymu ta kiñe kude furiku trapelkülelu kiñe pichi furiku inafül mülelu. Nentutrapelafimu, fey küpalelmuan. |
23900 | MAT 21:5 | “Feypifimün tati Sion waria che: ‘Adkintumün, tamün longko ülmen küpaley eymün tamün pepayaetew, ñom piwke mew, kawellutuley kiñe furiku, kiñe we pichi furiku mew, kutama yekechi kude kulliñ tañi koñi.’ ” |
23911 | MAT 21:16 | Feymew feypifi engün ta Jesus: —¿Allküymi am tañi feypimeken tüfachi pichikeche? Fey llowdungueyew ta Jesus: —May, allküñmafiñ. Welu ¿adümlafimün anta eymün tati wirikonkülechi dungu ta Wirin Chillka mew? Fey feypiley: ‘Ayüwimi tami püramyeaetew tati pu pichikeche ka tati pu llusu pichikeche.’ |
23928 | MAT 21:33 | “Allkütumün ka kiñe adkünu dungu: tati kiñe ngen ruka anümi ta kiñe ofadentu ka malalmafi. Pepikay kiñe mülewe chew tañi dewmayam ta pulku ka dewmay kiñe alüpürachi ruka kom püle tañi puwkintunieam ñi ofadentu. Feymew müten amediakünulelfi ñi mapu kiñeke pu küdawfe, fey kisu amuy kañpüle. |
23950 | MAT 22:9 | Amumün ta rüpü mew chew ñi doy miyawkemum ta che, fey mangelafimün ti mafün mew kom tamün peelchi pu che.’ |
23973 | MAT 22:32 | ‘Iñche ta Abraam, Isaak ka Jakob tañi Ngünechen’? ¡Fey Ngünechen tati pu lalelu tañi Ngünechen no, welu may tati pu mongelelu tañi Ngünechen! |
23974 | MAT 22:33 | Allkülu engün tüfachi dungu, tati pu che rume afmatulewey femngechi ñi kimeltun mew ta Jesus. |
23985 | MAT 22:44 | ‘Ta Ñidol Ngünechen feypifi iñche tañi Ñidol: Anüpange iñche tañi man ad püle, wewfili wüla tami pu kayñe.’ |
23992 | MAT 23:5 | “Itrokom wimtun dungu femkey engün tañi peaetew tati pu che. Ayükey ñi yeael engün ñi tol mew ka ñi lipang mew pichike wirin dungu trarilelu alüke rupachi katrün pañu mew, ka tukukey engün fütrake chiñayngechi takuwün. |
24000 | MAT 23:13 | “¡Awngeaymün ta eymün, pu kimeltukelu tati ley dungu ka pu farisew, pu koyla ngünenngelu! Rakümkefimün ta Ngünechen tañi wenu mapu wülngiñ kisu tañi ülmen mülewe mew tañi konpunoael ta kangelu. Welu eymün rume ta konpukelaymün, ka elukelafimün ñi konpuael ta kakelu che tati ayülu ñi konpuael. |
24001 | MAT 23:14 | “¡Awngeaymün eymün, pu kimeltukelu ta Moyse ñi ley dungu ka pu farisew koyla ngünenngelu! Chumngechi rume müntuñmakefimün ñi chemkün tati pu lantu domo, fey tamün küme kimngenoael ngillatukawkeymün. Fey tüfachi dungu mew ta doy fütra kondengeaymün. |
24002 | MAT 23:15 | “¡Awngeaymün eymün, pu kimeltukelu ta Moyse ñi ley dungu ka eymün pu farisew, koyla ngünenngelu! Kom mapu mew miyawkelu ka lafken mew tañi kimeltuafiel ta kakelu, fey dew femyüm engün, doy küme amuntukukefi ta che ti kütral mapu mew eymün ta famentuwkeymün. |
24003 | MAT 23:16 | “¡Awngeymün ta eymün, pu rüpütultrawmakelu!, tati feypikelu: ‘Iney rume ta wüldungulu kuyalltun mew tati ngillatuwe ruka mew, chem mew rume eluwkelay tañi koneltuael, welu kuyalltule tati oro mew mülelu ta ngillatuwe ruka mew, feymewke ta eluwküley tañi koneltuael.’ |
24010 | MAT 23:23 | “¡Awngeymün ta eymün, pu kimeltukelu ta Moyse ñi ley dungu ka pu farisew, koyla ngünenngelu! Wichuentulkefimün ta Ngünechen kiñe trokiñ mari puwlu mew tati menta, ka anis ka tati kuminu, welu ngüneduamkelafimün tati doy duamtufalchi dungu mülelu ti ley dungu mew: ñi müleael rüf nor dungu, tamün kutranpiwkeyecheael ka tamün rumel mupituleael kom dungu mew. Fey tüfa feley tamün femael, ka tamün elkünunoafiel ta kangelu dungu. |
24012 | MAT 23:25 | “¡Awngeymün ta eymün, kimeltukelu ta Moyse ñi ley dungu ka pu farisew, koyla ngünenngelu! Eymün ta wekuntu küchalechi fasu reke feleymün, welu ponwitu ta eymün apoleymün re weñen mew, ngünen mew, ka kom wesake dungu mew. |
24014 | MAT 23:27 | “¡Awngeymün eymün, pu kimeltukelu ti ley dungu ka pu farisew, koyla ngünenngelu! Fülangkülechi küfwe reke feleymün. Wekuntu rume adküley, welu apoley ponwitu foro la mew ka epe fill wesake pod mew. |
24016 | MAT 23:29 | “¡Awngeymün eymün, pu kimeltukelu ti ley dungu ka pu farisew, koyla ngünenngelu! Küme eleltukefimün tati pu pelon wentru ñi küfwe ka adelkalkefimün ñi küfwe tati kümeke piwkengefulu em kuyfi mew. |
24022 | MAT 23:35 | Feymew Ngünechen eymün rume fütra kutrankayaeymünmew tañi langümngen mew kom nor piwkengechi pu che. Fey tüfa llituy Abel ñi langümngen mew, fey puwi tati nor mongenngelu Sakaria, Ferekia tañi fotüm, langümngelu tati ngillatuwe ruka ka ti ngillatuwe ñi rangiñ mew. |
24045 | MAT 24:19 | ¡Awngey tati pu domo tiyechi antü mew niepüñeñkülele kam niele moyol püñeñ! |
24049 | MAT 24:23 | “Fey iney rume feypielmünmew: ‘Allkütumün. Tüfa tañi mülen tati Cristo’, kam feypielmünmew: ‘Allkütumün. Tiye tañi mülen’, feyentukefilmün. |
24052 | MAT 24:26 | “Feymew ta feypingelmün: ‘Allkütumün. Tiye tañi mülen uwe mapu mew’, wütukefilmün. Ka feypingelmün: ‘Allkütumün. Tüfa tañi mülen’, feyentukefilmün. |
24118 | MAT 25:41 | “Ka feymew müten tati longko ülmen feypiafi tati pu che müleyelu tañi wele püle: ‘Püntütripamün iñche mew, eymün tati müleyelu malisian dungu mew. Amumün chumkawnorume chongkenochi kütral mew pepikalelu ta weküfüngealu ka kisu ñi pu werken engün. |
24141 | MAT 26:18 | Fey Jesus ta llowdungueyew: —Amumün ta waria mew, kiñe wentru tañi ruka mew, fey feypiafimün: ‘Tati kimeltufe ta feypi: Fülpay tañi ora, fey amuan tami ruka mew tañi kiñentrür ayüwael ti Paskua kawiñ mew tañi pu disipulu iñchiñ.’ |
24168 | MAT 26:45 | Feymew wiñotuy chew tañi mülemum tati pu disipulu, fey feypifi: —¿Amukonküley tamün umawkülen ka tamün kansatulen? Akuy tati ora tañi chalintukungeael tati Wentrukünuwpalu tati pu yafkafe wentru mew. |
24169 | MAT 26:46 | Witrapüramün. Amutuiñ. Dewma fülpay tañi ngünenmayaetew. |
24183 | MAT 26:60 | welu pelay engün. Akuyefuy rume fentren che tañi feypintukupayaetew re koylake dungu mew, welu kiñe no rume kiñewlay engün tañi feypintukupaelchi dungu mew. Feymew wüla akuy epu wentru, |
24211 | MAT 27:13 | Feymew Pilato ramtueyew: —¿Allkülaymi am tami femngechi dalluntukumekengen? |
24235 | MAT 27:37 | Ka kisu tañi wente longko tukuy engün ta kiñe letreru, chew tañi wirikonkülemum chem dungu mew tañi kondenangen. Tati letreru feypiley: FEY TÜFA TA JESUS, TATI PU JUDIU ÑI LONGKO ÜLMEN. |
24255 | MAT 27:57 | Fey dewma pu trafialu, akuy kiñe riku wentru Jose pingelu, Arimatea tuwünche, ka feyentulelu ta Jesus mew. |
24262 | MAT 27:64 | Feymew, werkünge ta eymi tañi fente küme llüwatuniengeael tati rüngan lolo, fey küla antü wüla puwle ñi kisukünungetuael. Anokechi küpayafuy tañi pu disipulu, fey weñenentupatuafuy engün ta Jesus ñi kuerpu, fey “wiñomongetuy ta Jesus” pituafuy engün tati pu che. Feymew tati inan koyla dungu, doy fütra koylangeafuy. |
24283 | MAT 28:19 | Amumün, kom chüf mapu müleyechi pu che mew. Ka kimeltuafimün femngechi tañi kimaetew engün ka iñche ñi disipulungeael engün. Fawtisayafimün ta Chaw tañi üy mew ka Fotüm ka tati Lif Küme Püllü mew, |
24299 | MRK 1:15 | feypilen mew: “Akuy ta antü, ka dew mülepay Ngünechen tañi longko ülmenngen. Wiñorakiduamtumün ta Ngünechen mew, ka feyentun mew llowfimün kisu tañi we kimelün dungu.” |
24300 | MRK 1:16 | Jesus ta trekaley Galilea tañi inaltu pichi lafken püle, fey pefi ti epu peñiwen Simon Andre engu. Challwafe ürke engu. Fey petu ütrüftukulu engu tañi challwawe pu lafken, |
24313 | MRK 1:29 | Tripapatulu engün tati sinagoga mew, Jesus, Santiaw ka Juan amuy engün ta Simon ka Andre tañi ruka mew. |
24322 | MRK 1:38 | Welu ta kisu llowdunguy: —Amuiñ tati fülküleyechi lof che mew taiñ kimelafiel engün kay tati werken dungu. Fey tüfachi dungu mew am ta küpalu ta iñche. |
24325 | MRK 1:41 | Jesus ta kutranduamyeeyew, fey nüñmaeyew ñi kuwü ka feypieyew: —Ayülen tami tremotuael. ¡Tremotunge! |
24328 | MRK 1:44 | —Allkütunge. Iney no rume feypikefilnge tüfachi dungu, fey amunge tati saserdote mew tami leliwülaetew tami tremotun. Ka yeaymi tati ofrenda ta mañumtun reke, Moyse tañi werküel, femngechi ta kom che ñi kimael tami dew tremolewetun tami kutran mew. |