23231	MAT 1:18	Fey famngechi choyüngey ta Jesucristo: Maria, Jesus tañi ñuke, Jose engu dew eludunguniewürkey tañi kureyewael, welu petu tañi kureyewnon engu, Maria kimuwi tañi niepüñeñkülen tati Lif Küme Püllü tañi pepiluwün mew.
23233	MAT 1:20	Fey Jose dew rakiduamlu tañi femngechi femael, feymew Ñidol tañi kiñe werken püllü pewfaluweyew ta pewma mew, ka feypieyew: “Jose, David tañi yomelche, ngünewkilnge tami kureyeafiel ta Maria, tati Lif Küme Püllü ñi pepiluwün mew nieay tañi püñeñ.
23240	MAT 2:2	Fey akulu ta Jerusalen waria mew, famngechi ramtuyawi engün: —¿Chew anta müley tati pu judiu tuwünche tañi longko ülmen, tati we choyüngelu? Pefiyiñ ti wangülen ñi küdetunagkülen chew ñi choyüngemum ti Cristo, feymew küpaiñ taiñ püramyeafiel ngillatun mew ―pi engün.
23251	MAT 2:13	Fey dew amutulu tati pu kimke wentru, Ñidol tañi kiñe werken püllü pewfaluwfi ta Jose pewma mew, fey feypifi: “¡Pepikawnge! Fey yefinge tati pichiche ka tañi ñuke Egipto mapu mew. Mülepuaymün ta üyew, fey iñche kimeluwayiñ wüla chumül tamün wiñometuael, Erode am ayülelu ñi kintuafiel tati püñeñ ñi langümafiel” pi.
23258	MAT 2:20	“¡Pepikawnge! Yetuafimi tati pichiwentru tañi ñuke engu, fey wiñotumün ta Israel mapu mew. Dew lay tati ayüfulu ñi langümafiel tati pichiwentru.”
23272	MAT 3:11	Iñche ta fawtisakefiñ ko mew tati pu che rüf dungu mew wiñorakiduamtulu tañi yafkan mew, welu tati inalepalu iñche mew, fawtisacheay ti Lif Küme Püllü mew ka kütral mew reke. Kisu ta doy fütra pepiluwün niey ta iñche mew. Iñche fente tañi yamniefiel mew ta kisu nentupüroñmalayafuiñ rume tañi okota.
23277	MAT 3:16	Fawtisangelu müten ta Jesus, tripapatuy ta ko mew. Feymew müten wengatripay reke ta kallfü wenu, fey Jesus pefi ñi nagpan ta Ngünechen ñi Lif Küme Püllü kiñe palluma reke, fey akuy kisu mew.
23279	MAT 4:1	Feymew müten tati Lif Küme Püllü ñi pepiluwün mew, Jesus puwi ti uwe mapu mew, tañi kintukaduamaetew tati weküfü.
23286	MAT 4:8	Fey ti weküfü ka puwülfi ta Jesus kiñe alü pürachi fütra wingkul mew. Pengelelpufi kom fütrake trokiñke mapu ka itrofill kümeke felen ñi nieel,
23287	MAT 4:9	fey feypifi: —Püramyeeli ngillatun mew, iñche eluaeyu kom tami peel.
23288	MAT 4:10	Fey Jesus ta llowdungueyew: —Kiñe püle tripange, weküfü. Tati Wirin Chillka feypiley: ‘Püramyeafimi ngillatun mew ka poyeafimi tami Ñidol Ngünechen müten.’
23296	MAT 4:18	Fey kiñe antü Jesus miyawlu inaltu ti Galilea pingechi lafken püle, pefi ti epu peñiwen, Simon ürke, tati Pedro pingekelu, ka Andre. Mür challwafe ürke engu, fey petu ütrüftukurkey ñi challwawe pu lafken.
23304	MAT 5:1	Pefilu tati fentren che, Jesus pürapuy kiñe wingkul mew ka anükünuwpuy. Fey ñi pu disipulu fülkontupueyew,
23346	MAT 5:43	“Ka femngechi allkükeymün tañi feypingeken ta kuyfi mew: ‘Piwkeyeafimi tami weni ka üdeafimi tami kayñe.’
23417	MAT 8:3	Fey Jesus nüfi ti kutran ñi kuwü mew, fey feypifi: —Feley. ¡Tremotunge! Pichin mew müten, tati niekelu lepra kutran tremolewetuy ñi kutran mew.
23428	MAT 8:14	Jesus amuy Pedro ñi ruka mew, feymew pepufi Pedro tañi llalla ngütantuluwkülelu, aling kutrankülelu am.
23429	MAT 8:15	Jesus nüñmapufi tañi kuwü ti kuse, fey ti kuse mongetuy. Feymew Pedro tañi llalla witratuy, fey eluwi ñi poyeafiel ta Jesus.
23439	MAT 8:25	Feymew tañi pu disipulu amuy ñi trepelmeaetew, fey feypimengey: —¡Ñidol, montulmuiñ! ¡Petu llañnagiyiñ!
23466	MAT 9:18	Petu dungumekelu ta Jesus, akuy kiñe longkolelu tati pu judiu mew, fey lukutunagi kisu ñi fülpüle ka feypieyew: —Tañi ñawe fewla we lapey, welu eymi amulmi ka fampuwülelfilmi tami kuwü, fey wiñomongetuay.
23480	MAT 9:32	Petu tripatulu tati epu trawma, küpalngey Jesus mew kiñe ketrongechi wentru konweküfülelu.
23488	MAT 10:2	Fey tüfa tañi üy tati mari epu apostol: wünelu mew ta Simon, tati Pedro pingekelu, ka kisu tañi peñi Andre pingelu; Santiaw ka kisu ñi peñi Juan pingelu, Sefedew tañi epu fotüm;
23506	MAT 10:20	Eymün no tati kisutu pepikayalu ñi dunguael, welu may tamün Chaw ñi Küme Püllü kelluaeymünmew tamün chem piael.
23536	MAT 11:8	Feyngenole, ¿chem am pemeymün? ¿Pemeymün am kiñe wentru kümeke takuwün tukunielu? Eymün kimnieymün tati kümeke takuwün tukuwkelu, miyawkey engün tati pu longko ülmen ñi ruka mew müten.
23553	MAT 11:25	Feychi mew Jesus feypi: “Püramyeeyu Chaw, Ñidolkülelu wenu mapu ka tüfachi nag mapu mew. Eymi tami adkünuelchi dungu elulafimi ñi kimael tati pu mallmangelu ka kimkawünngelu, welu fewla Chaw, eymi kimelelfimi tami dungu tati ñom piwkengechi pu che eymi tami pin mew.
23576	MAT 12:18	“Tüfa ñi mülen ñi poyekeetew, iñche tañi dulliel, tañi sakin, ka tañi sakiwkemum. Kisu mew müleay iñche tañi Lif Küme Püllü, ka kimelay ti montuluwün dungu kom trokiñ mapu mew.
23586	MAT 12:28	Fey iñche wemünentufili ta weküfü Ngünechen ñi Lif Küme Püllü ñi pepiluwün mew, fey tüfa famngechi fente küme kimfalküley Ngünechen tañi longko ülmenngen ñi dew mülepan ta eymün mew.
23589	MAT 12:31	Feymew feypiwayiñ Ngünechen wiñoduamatuafi tati pu wentru kom tañi yafkan ka kom tañi wesa piken mew, welu wiñoduamalayafi tati kayñetudungufilu ti Lif Küme Püllü.
23590	MAT 12:32	Ngünechen wiñoduamatuafi chem wesa pilu rume ñi üyawtudungufiel tati Wentrukünuwpalu, welu tati wesa üyawtudungufilu tati Lif Küme Püllü, wiñoduamatulayafi tüfachi mapu mew ka ti mületuachi mapu mew no rume.
23694	MAT 14:28	Feymew Pedro llowdungueyew: —Ñidol, rüf mew eymingelmi, werkünge iñche ñi trekalen amuael wente ko tañi puwael ta eymi mew.
23695	MAT 14:29	—Küpange may ―pi ta Jesus. Feymew Pedro tripay ti pichi farku mew, fey llituy ñi trekayael wente ko ñi puwael ta Jesus mew.
23697	MAT 14:31	Feymew müten, Jesus nüñmafi ñi kuwü ta Pedro ka feypifi: —¡Rume pichin mupiltun nierkeymi! ¿Chumngelu am maneluwlaymi iñche mew?
23717	MAT 15:15	Feymew feypieyew ta Pedro: —Küme kimelmuiñ tami feypimupefielchi dungu.
23730	MAT 15:28	Feymew feypieyew ta Jesus: —¡Papay, rume nieymi ta feyentun! Felepe may tami ngillatupeel. Feychi lelen mew müten tati domo ñi püñeñ tremolewetuy.
23732	MAT 15:30	Fentren che trawüluwpuy chew ñi mülen ta kisu, yeniey engün tati pu küntrongelu, ti pu trawmangelu, tati pu pepi trekakenolu, ti pu ketrongelu ka fentren kakelu kutran. Puwülngey engün ta Jesus mew, fey kisu kom tremolyetufi ti pu kutranche.
23743	MAT 16:2	Welu Jesus llowdungueyew: “Pu trafiayüm feypikeymün ta eymün: ‘Kelükünuwiyüm ta wenu, kümengetuay’ pikeymün.
23750	MAT 16:9	¿Petu kimlaymün am ka tukulpalaymün rume tati kechu kofke tañi wüdamkalelfiel tati kechu warangka pu che ka tunten kanasta ñi apolngetun sofrachi wükan kofke mew?
23757	MAT 16:16	Fey Simon Pedro llowdungueyew: —Eymi lle tati Cristo, tati rumel mongelekechi Ngünechen tañi Fotüm.
23758	MAT 16:17	Feymew Jesus feypifi ta Simon Pedro: —Sakinngeymi eymi, Simon, Jona tañi fotüm. Iney no rume mülelu tüfachi mapu mew feypilaeymew ta tüfachi dungu, tañi Chaw wenu mapu mülelu fey may ta kimeleymew tati.
23759	MAT 16:18	Iñche ta ka feypiaeyu, eymi ta Pedro, fey tüfachi kura mew amul trawültukuniean tañi trokiñche, welu chem wesa pepiluwün ñi ngünenieel ta weküfü no rume wewlayaeyew.
23763	MAT 16:22	Feymew püntünentueyew ta Pedro, fey eluwi tañi feypiafiel tüfachi dungu: —¡Ngünechen montulaeymew, Ñidol! ¡Fey tüfachi dungu mew ta rupalayaymi!
23764	MAT 16:23	Welu Jesus adkintufi ta Pedro, fey feypifi: —¡Püntütripange ta iñche mew, weküfü! ¡Katrülkaduammekeen ta iñche! Eymi ngüneduamkelafimi Ngünechen tañi dungu. Rakiduamküleymi re che ñi dungu mew müten.
23770	MAT 17:1	Fey kayu antü rupalu, Jesus yefi ta Pedro, Santiaw ka Juan (Santiaw tañi peñi), fey püntütripay ñi amuael engün kiñe alü pürachi wingkul mew.
23773	MAT 17:4	Fey Pedro feypifi ta Jesus: —Ñidol, ¡rume kümey taiñ mülepan tüfa mew! Pilmi, dewmayafuiñ küla pichike küni ruka: kiñe eymingealu, ka kiñe ta Moysengealu ka kiñe Eliangealu.
23774	MAT 17:5	Petu dungumekelu ta Pedro, kiñe alofkülechi tromü munulpaeyew kiñe llawfeñ reke, fey tati tromü mew tripay kiñe dungun feypilu: “Fey tüfa iñche tañi sakin Fotüm, iñche tañi dulliel. Allkütuñmafimün ñi dungu.”
23783	MAT 17:14	Puwlu engün chew tañi mülemum tati pu che, kiñe wentru fülkonpay ta Jesus mew, ka lukutupay kisu tañi fül mew, fey feypieyew:
23791	MAT 17:22	Petu miyawlu kiñentrür ñi disipulu engün Galilea tañi trokiñ mapu mew, Jesus feypifi ñi pu disipulu: —Iñche tati Wentrukünuwpalu ta chalintukungean tati pu wentru mew.
23793	MAT 17:24	Feymew Jesus ka tañi pu disipulu puwlu engün ta Kapernaum waria, tati pu kofrakelu impuestu ta ngillatuwe rukangealu amuy engün ñi pemeafiel ta Pedro, ka ramtufi engün: —¿Tami kimeltufe kullikelay ta impuestu tati ngillatuwe rukangealu?
23794	MAT 17:25	—May, kullikey ta kisu ―llowdunguy ta Pedro. Fey Pedro konputulu ruka mew, Jesus ramtufemeyew: —¿Eymi chumngentufimi kay, Pedro? Kiñe longko ülmen wentru ta tüfachi mapu mew, ¿ineykechi am kofrakefi impuestu: kisu tañi pu yall kam ti kakelu pu che?
23795	MAT 17:26	Fey Pedro llowdungufi ta Jesus: —Kofrakefi tati kakelu pu che. Fey Jesus feypi: —Feley tati, Pedro. Kümey tami piel. Chumngechi tati longko ülmen ñi pu yall ngelay ñi kulliael chem impuestu no rume, ka femngechi ngelafuy Ngünechen ñi pu yall ñi kulliael ti impuestu ta Ngünechen ñi ngillatuwe rukangealu.
23817	MAT 18:21	Feymew Pedro fülkontufi ta Jesus ka ramtufi: —Ñidol, ¿mufü rupachi am feley tañi wiñoduamatuael tañi chafche, chem wesa femelimew rume? ¿Regle rupachi pemay?
23820	MAT 18:24	Petu llitulu tañi ramtuafiel, feymew akulelngey kiñe tañi defenieetew rume fentren pülata.
23822	MAT 18:26	“Fey tati defelechi küdawfe lukutuy ti longko ülmen ñi fül mew, ka llellipufi: ‘Ñidol, kutranduamyeen ta iñche. Pichi üngümen. Kom wiñoleltuaeyu tati.’
23825	MAT 18:29	Fey ñi traf küdawfe lukutulen llellipueyew: ‘Kutranduamyeen ta iñche. Pichi üngümen. Kom wiñoleltuaeyu tati.’
23858	MAT 19:27	Feymew feypieyew ta Pedro: —Iñchiñ elkünuiñ kom taiñ niekefel fey ka inawiyiñ. ¿Chem am llowaiñ?
23877	MAT 20:16	“Feymew llemay tüfa tati inalelu, fey engün ta wüneletuay. Femngechi fewla ta wüneleyelu, inaleyetuay engün itrokom mew. Pütrüley tati mangelel, welu pichiley tati dullinieel.”
23883	MAT 20:22	Jesus ta llowdunguy: —Eymu kimlaymu tamu ngillatupeel. ¿Putuafuymu am tati füre pulku tañi putuael ta iñche? ¿Ka femngechi fawtisangeafuymu chumngechi fawtisangen ta iñche? Fey kisu engu feypi: —May, putuafuyu.
23898	MAT 21:3	Iney rume ramtuelmumew chumngelu tamu fempen, feypiafimu: ‘Ñidol ta duamtueyew tati’ ka ‘Pürüm wiñolpatuafiyu’ piaymu.
23902	MAT 21:7	Feymew yemefi engu tati kude furiku ka ti pichi furiku. Püramelngey chañu ti pichi furiku ñi wente furi, feymew Jesus pürakawelluy ti pichi furiku mew.
23904	MAT 21:9	Fey tati pu wüneleyelu ka tati pu inaleyelu wirarküley engün: “¡Püramyengepe tati longko ülmen David tañi Yomelche! ¡Püramyengepe tati küpalu Ngünechen mew! ¡Püramyengepe ta wenu mapu mew!”
23910	MAT 21:15	Welu tati pu longkolelu ti pu saserdote mew ka ti pu kimeltukelu tati ley dungu pefilu engün ti afmanngechi dungu ñi femel ta Jesus, ka allkülu engün ti pichikeche ñi wirarkülen tati ngillatuwe ruka ñi lepün mew fey ta famngechi: “¡Püramyengepe tati longko ülmen David mew tripachi dullin Yomelche!”, rume lladküy engün.
23928	MAT 21:33	“Allkütumün ka kiñe adkünu dungu: tati kiñe ngen ruka anümi ta kiñe ofadentu ka malalmafi. Pepikay kiñe mülewe chew tañi dewmayam ta pulku ka dewmay kiñe alüpürachi ruka kom püle tañi puwkintunieam ñi ofadentu. Feymew müten amediakünulelfi ñi mapu kiñeke pu küdawfe, fey kisu amuy kañpüle.
23941	MAT 21:46	Pürüm ayüfuy engün tañi püresuafiel, welu llükaniefi engün tati pu che, tüfa engün am kiñe fütra pelon wentru trokiniefilu ta Jesus.
23960	MAT 22:19	Pengelelmuchi ta kiñe moneda tañi kullingekemum ta impuestu. Kisu engün ta pengelelfi kiñe denario,
23978	MAT 22:37	Fey feypieyew ta Jesus: “Piwkeyefinge tami Ñidol Ngünechen kom tami piwke mew, kom tami mongen mew, ka kom tami kimün mew.”
23980	MAT 22:39	Fey tati inalechi werkün dungu ka tüfa famngechi feypiley: “Piwkeyefinge tami chafche chumngechi piwkeyeniewimi ta eymi.”
23982	MAT 22:41	Petu tañi trawüluwkülen tati pu farisew,
23984	MAT 22:43	Feymew Jesus feypifi: —¿Fey David, dungulu ti Küme Püllü ñi pepiluwün mew, chumngelu am Ñidol pifi kisu ñi yomelchengele? David am ta feypilu:
24026	MAT 23:39	Tüfa ka feypiwayiñ: wiñome pemuwelayan feypingele wüla tüfachi dungu: ‘¡Püramyengepe tati küpalelu Ñidol Ngünechen mew!’ ”
24028	MAT 24:2	Jesus feypieyew engün: —¿Pefimün am eymün kom ñi chumlen tüfachi ngillatuwe ruka? Rüf dungu feypiwayiñ, fey tüfachi ngillatuwe ruka mew ta ngewelayay kiñe kura no rume welu rentrolealu. Kom teyfükangeay.
24085	MAT 25:8	Feymew tati kechu pepikawkülenolu ñi nieael aseyte feypifi engün tati kechu pepikawkülelu: ‘Pichikelmuiñ eymün tamün nieelchi aseyte. Iñchiñ taiñ pelontuwe chongmekey.’
24086	MAT 25:9	Welu tati pepikawküleyechi pu üllchadomo llowdunguy engün: ‘Pilaiñ. Eluwliyiñ taiñ aseyte, müte pichileweafuy iñchiñngealu ka eymünngealu. Doy kümey tamün amuael chew tañi fendengekemum, fey ngillamün ta eymünngealu.’
24118	MAT 25:41	“Ka feymew müten tati longko ülmen feypiafi tati pu che müleyelu tañi wele püle: ‘Püntütripamün iñche mew, eymün tati müleyelu malisian dungu mew. Amumün chumkawnorume chongkenochi kütral mew pepikalelu ta weküfüngealu ka kisu ñi pu werken engün.
24120	MAT 25:43	Penolu iñche ñi umañtuam, ka elumulan tañi umañtuael tamün ruka mew. Nienolu takuwün iñche, eymün elumulan. Kutrankülelu iñche, ka mülelu karsel mew, witrankontumulan.’
24125	MAT 26:2	“Eymün kimnieymün, epu antü rupale müleay tati Paskua kawiñ antü, fey tati Wentrukünuwpalu chalintukungeay tañi langümngeael kürus mew.”
24130	MAT 26:7	feymew kiñe domo küpalnielu kiñe fotilla perfume, rume falilu, fülkontupafi ta Jesus. Petu tañi anülen ta Jesus inafül mesa, fey ti domo wütrunagümfi tati perfume Jesus ñi wente longko.
24141	MAT 26:18	Fey Jesus ta llowdungueyew: —Amumün ta waria mew, kiñe wentru tañi ruka mew, fey feypiafimün: ‘Tati kimeltufe ta feypi: Fülpay tañi ora, fey amuan tami ruka mew tañi kiñentrür ayüwael ti Paskua kawiñ mew tañi pu disipulu iñchiñ.’
24142	MAT 26:19	Tati pu disipulu femi chumngechi tañi werküetew ta Jesus, fey pepikapuy engün tati ilelkawün Paskua kawiñ.
24156	MAT 26:33	Fey Pedro ta llowdungueyew: —Tunte kom elkünutuay engün rume tañi maneluwün eymi mew, welu iñche femlayan.
24157	MAT 26:34	Jesus feypifi ta Pedro: —Rüf dungu feypiaeyu ta tüfachi pun müten, petu ñi kakaranon ta alka ‘kimlafiñ’ piaymi ta küla rupachi.
24158	MAT 26:35	Pedro ta feypieyew: —Tunte layan rume eymi iñchiw, ‘kimlafiñ’ pilayan. Fey kom tati pu disipulu ka femngechi feypi engün.
24160	MAT 26:37	Feymew yefi ta Pedro ka Sefedew tañi epu fotüm, feymew rume weñangkünagi ka yafüngewelay.
24163	MAT 26:40	Feymew müten küpatuy chew ñi mülemum tañi pu disipulu, fey pepatufi ñi umawkülen. Fey feypifi ta Pedro: —¿Kiñe ora rewall anta pepi trepelelaymün?
24171	MAT 26:48	Fey tati ngünenmachefe Juda, adkünurkey chumngechi ñi femael, feypilen mew: “Fey iñche tañi truyuel, fey tati. Püresuafimün.”
24172	MAT 26:49	Feymew, fülkonpalu ta Jesus mew, feypi: —¡Pun may, kimeltufe! Fey truyufi.
24181	MAT 26:58	Pedro inanieeyew alü kamapu, fey puwi tati Wünen Longko Saserdote tañi lepün ruka mew. Feymew konpuy, ka anükünuwpuy tati llüwatulekelu engün tati ngillatuwe ruka mew tañi ngüneduamafiel ñi chumngeael ta Jesus.
24192	MAT 26:69	Fey Pedro anülerkey wekuntu, tati lepün mew. Feymew, kiñe üllchadomo küdawkelu ti ruka mew, fülkontueyew, fey feypieyew: —Eymi ta ka miyawkeymi ta Jesus eymu, tati wentru Galilea tuwlu.
24193	MAT 26:70	Welu Pedro kom che ñi adkiñ mew, feypi: —Kimlan chem dungu tami feypipefiel.
24195	MAT 26:72	Fey ka wiñome feypi ta Pedro, kuyalltulen mew: —¡Kimlafin tüfeychi wentru!
24197	MAT 26:74	Feymew Pedro kuyalltuy, feypilen mew: —¡Kimlafiñ tüfeychi wentru! ―pi. Feychi lelen mew müten kakaray ta kiñe alka,
24198	MAT 26:75	fey Pedro tukulpay ñi feypietew ta Jesus: “Petu ñi kakaranon ta alka, küla rupachi ta ‘kimlafiñ’ piaymi.” Fey Pedro tripapatuy ta tiye mew, fey rume fütra ngümakawi.
24200	MAT 27:2	Feymew trarilen yengey, fey chalintukungepuy ta Pilato mew, tati gobernador Roma tuwlu.
24209	MAT 27:11	Fey Jesus ta yengey tati gobernador mew, fey ramtueyew ta Pilato: —¿Eymi am tati longko ülmenkülelu ti pu judiu mew? —May, eymi rüf dungu feypipeymi ―pi ñi llowdungun ta Jesus.
24211	MAT 27:13	Feymew Pilato ramtueyew: —¿Allkülaymi am tami femngechi dalluntukumekengen?
24215	MAT 27:17	fey trawüluwkülelu kisu engün, Pilato ramtufi ta Jesus: —¿Iney anta ayüniefimün ta eymün iñche ñi lifrenentutuafiel: tati Barabas, kam ta Jesus tati Cristo pingekelu?
24216	MAT 27:18	Pilato am rakiduamlu tati pu judiu tañi chalintukumekefiel tati Cristo re ñi ütrirfiel mew.
24217	MAT 27:19	Fey Pilato anülelu tribunal mew, fey tañi kure feypifaleyew: “Chumkefilnge rume tüfeychi ngenoyafkanngechi wentru. Trafia ta rume wesa pewman kisu tañi duam.”