23374	MAT 6:23	Welu femngechi femnole, kom tami kuerpu dumiñmaleay reke. Fey tami rakiduam dumiñmalele reke, ¡doy wesalkaley tati dumiñ mew!
23377	MAT 6:26	Ngüneduamfimün tati pu üñüm: ngankelay engün ka kosechakelayngün rume, ka nielay engün kakon rume ñi elkünuael ñi fün ketran, welu eymün tamün Chaw Ngünechen mülelu ta wenu mapu elukeeyew ta iyael. ¡Fey eymün ta doy faliymün tati pu üñüm mew!
23390	MAT 7:5	¡Küme piwkefaluwkelu! Wünelu mew wiñorakiduamtunge tami fütra yafkan mew, fey wüla ngülamafimi ta kangelu che ñi pichi yafkan mew.
23396	MAT 7:11	Fey eymün, tamün wesake piwkengefel rume, elukefimün kümeke chemkün tamün pu yall, ¡doyelchi femay tamün Chaw wenu mapu mülelu, fey eluaeymünmew re kümeke chemkün iney rume ‘eluen’ pieleyew ñi duamtuel!
23408	MAT 7:23	Welu feymew iñche llowdunguafiñ: ‘Chumkawnorume kimuwkelayiñ. ¡Kiñe püle tripamün iñche mew, wesake dungu femkelu!’
23412	MAT 7:27	Eluwi ñi mawael, fey mangiy ta lewfü. Fütra kürüfmay ti ruka, fey tranarupay. ¡Rume wesa dungu mew rupay!”
23439	MAT 8:25	Feymew tañi pu disipulu amuy ñi trepelmeaetew, fey feypimengey: —¡Ñidol, montulmuiñ! ¡Petu llañnagiyiñ!
23440	MAT 8:26	Fey kisu llowdunguy: —¿Chumngelu anta fente llükaymün? ¡Müna pichin mupiltun nieymün ta eymün! Feymew feypikünulu, witrapüray, fey werküfi tati kürüf ka ti rew lafken ñi tüngnagael. Feymew ti kürüf ka ti rew lafken tüngkülewetuy.
23534	MAT 11:6	¡Ayüwün niey tati welulkawnolu ñi maneluwael iñche mew!” pi.
23549	MAT 11:21	“¡Awngeymün ta eymün, Korasin waria che! ¡Ka femngechi awngeymün ta eymün, Betsayda waria che! Tiro ka Sidon waria mew pengefule ti afmanngechi pepiluwün tati femel eymün tamün adkiñ mew, kuyfi tukuafuy engün yunge wesake takuwün ka anüafuy engün trufken mew, fey ta femngechi kimfalafuy ñi wiñorakiduamtun engün Ngünechen mew.
23551	MAT 11:23	Ka eymün, Kapernaum waria che, ¿puwalu wenu mapu trokiwküleymün am kay? Femlayaymün. ¡Doy fütra ponwitu lolo mew ta ütrüfkonpuaymün! Sodoma mew femngefule tati afmanngechi pepiluwün tati femngeel ta eymün tamün adkiñ mew, feychi waria ta petu müleafuy ta fantepu.
23570	MAT 12:12	Fey ¡kiñe wentru ta doy faliy kiñe ufisa mew! Feymew feypiwayiñ: feley ta che ñi femael kümeke dungu ti ürkütun antü mew.
23592	MAT 12:34	¡Eymün pu farisew, kuñiwünngechi llepü filu reke feleymün! Eymün am wesa piwkengelu, ¿chumngechi feypiafuymün kümeke dungu? Chem dungu ñi mülen ta piwke mew, fey dungukey ta wün.
23693	MAT 14:27	Welu Jesus dungufi ñi pu disipulu, feypilen mew: —¡Yafüluwmün! ¡Iñche tati! ¡Llükakilmün!
23709	MAT 15:7	¡Koyla ngünen! Fente küme feypi tati pelon wentru Isaia ta dungulu eymün mew, feychi feypilu:
23724	MAT 15:22	Fey kiñe kananche domo müley tiyechi mapu mew, fey wirarkülen fülkontupaeyew: —¡Ñidol, David ñi Yomel tuwünche, kutranpiwkeyeen! ¡Ñi püñeñ konweküfüley!
23749	MAT 16:8	Jesus am kimnielu ñi femngechi rakiduamkülen engün, fey feypifi ñi pu disipulu: —¿Chumngelu anta ‘nielaiñ kofke’ pipeymün? ¡Rume pichin feyentun nieymün ta eymün!
23763	MAT 16:22	Feymew püntünentueyew ta Pedro, fey eluwi tañi feypiafiel tüfachi dungu: —¡Ngünechen montulaeymew, Ñidol! ¡Fey tüfachi dungu mew ta rupalayaymi!
23764	MAT 16:23	Welu Jesus adkintufi ta Pedro, fey feypifi: —¡Püntütripange ta iñche mew, weküfü! ¡Katrülkaduammekeen ta iñche! Eymi ngüneduamkelafimi Ngünechen tañi dungu. Rakiduamküleymi re che ñi dungu mew müten.
23773	MAT 17:4	Fey Pedro feypifi ta Jesus: —Ñidol, ¡rume kümey taiñ mülepan tüfa mew! Pilmi, dewmayafuiñ küla pichike küni ruka: kiñe eymingealu, ka kiñe ta Moysengealu ka kiñe Eliangealu.
23803	MAT 18:7	“¡Awngey fentren kintukaduamngen dungu ñi mülen mew tüfachi mapu! Feyngey ñi mülen tüfachi wesake dungu mapu mew, welu ¡awngey tiyechi che yafkan mew tukufile ta kakelu che!
23904	MAT 21:9	Fey tati pu wüneleyelu ka tati pu inaleyelu wirarküley engün: “¡Püramyengepe tati longko ülmen David tañi Yomelche! ¡Püramyengepe tati küpalu Ngünechen mew! ¡Püramyengepe ta wenu mapu mew!”
23973	MAT 22:32	‘Iñche ta Abraam, Isaak ka Jakob tañi Ngünechen’? ¡Fey Ngünechen tati pu lalelu tañi Ngünechen no, welu may tati pu mongelelu tañi Ngünechen!
24004	MAT 23:17	¡Ngenorakiduam ka trawma! ¿Chem anta doy poyefali: tati oro kam tati ngillatuwe ruka? ¿Tati oro falintufali ñi mülen mew müten tati ngillatuwe ruka mew?
24013	MAT 23:26	¡Trawmalechi farisew! Wünelu mew liftufinge ponwitu tati fasu, fey femngechi ta ka lifkülewetuay wekuntu.
24019	MAT 23:32	¡Eymün amulnieymün tamün femael tamün fütakeche em ñi femkefelchi dungu!
24020	MAT 23:33	“¡Eymün ta rume wesa piwkengechi che! ¡Chumkawnorume montuluwlayaymün ti chongnoachi kütral mew!
24024	MAT 23:37	“¡Jerusalen, Jerusalen mülechi pu che, langümkefilu tati pu pelon wentru ka ütrüftukakefilu kura mew Ngünechen tañi werken! ¡Mufü rupachi küpa ingkaniewfuiñ eymün, chumngechi ta kiñe kude achawall trapümniekey tañi pu pichike achawall tañi miñche müpü, welu pilaymün!
24045	MAT 24:19	¡Awngey tati pu domo tiyechi antü mew niepüñeñkülele kam niele moyol püñeñ!
24083	MAT 25:6	“Epe rangi punlu, allküngey ñi wirarün: ‘¡Dew küpaley tati nofio! ¡Tripamün tamün llowafiel!’
24147	MAT 26:24	Fey tati Wentrukünuwpalu feley tañi layael chumngechi tañi feypilen tati Wirin Chillka, welu ¡awngeay tañi ellka wültukuaetew! Doy kümeafuy tañi choyüngenoafel ta tüyechi wentru.
24188	MAT 26:65	Feymew tati Wünen Longko Saserdote wikürkay tañi takuwün ñi kimngeael tañi rume lladkün, fey feypi: —¡Tüfachi wentru tañi dungun mew notukafi ta Ngünechen! Chem dungu rume duamtuwelaiñ tañi feypintukungeael. ¡Eymün allküñmafimün tañi wesa notukafiel ta Ngünechen ñi dungun mew!
24191	MAT 26:68	ka feypiniengey: —Eymi tati Cristongelmi, ¡feypimuiñ iney tami wüleletew!
24202	MAT 27:4	fey feypifi: —Yafkan tañi chalintukufiel mew tañi langümngeael ta kiñe yafkakenochi wentru. Welu kisu engün ta llowdungueyew: —¿Fey iñchiñ am chumkoniyiñ? ¡Eymi may tami dungu tati!
24238	MAT 27:40	feypilen mew: —¡Eymi, tati feypikelu tami teyfüafiel ti ngillatuwe ruka ta küla antü mew tami wiño dewmatuafiel, kisutu montuluwnge! ¡Ngünechen ñi Fotümngelmi, nagpatunge ti kürus mew!
24240	MAT 27:42	—Kangelu montulfi, welu kisutu pepi montuluwlay. Israel tañi longko ülmen: ¡nagpatunge ta kürus mew, fey feyentuaiñ ta eymi mew!
24311	MRK 1:27	Kom ti pu che mülelu sinagoga mew llükay engün, ka welukonkechi ramtuwi engün: “¿Chem dungu anta tüfa? ¡Kimeltuy ta kiñe kangerumechi we kimelün dungu kom rüfkünu dungu mew! ¡Kenü tati weküfü kütu ta werküfi, ka müngeltueyew!”
24440	MRK 5:7	fey wirarkülen feypifi ta Jesus: —¡Kontupakeeli ta iñche, Jesus, fütra pepiluwünngechi Ngünechen tañi Fotüm! ¡Llellipuaeyu Ngünechen mew tami kutrankanoafiel!
24569	MRK 7:37	Fey rume afmatulen mew, feypi engün: “Kom ti dungu ñi femkeel rume kümey. ¡Pilu kütu ta pepi allkültufi ka ti pu dungukenolu, eluyetufi ñi dunguael!”
24612	MRK 9:5	Feymew Pedro feypifi ta Jesus: —Kimeltufe, ¡müna kümey taiñ mülepan! Dewmayaiñ ta küla pichike ruka: kiñe eymingealu, Moysengealu ka kiñe Eliangealu.
24630	MRK 9:23	Fey Jesus ta feypifi ti ngen fotüm: —¿Chumngechi am pepilfulmi pimi? ¡Kom pepilfali tati feyentulu mew!
24631	MRK 9:24	Feymew tati pichiwentru ñi chaw wirari: —Iñche ta feyentun. ¡Kelluen tañi doy feyentuael!
24681	MRK 10:24	Fey tüfachi dungu ta rumeñma afmatulkafi tati pu disipulu, welu Jesus ka wiñome feypifi ñi pu disipulu: —Pu weni, ¡rume küdawngey konpuael Ngünechen ñi longko ülmenngeelchi mülewe mew, feyti pu che maneluwlu ñi fentren chemkün mew!
24718	MRK 11:9	Feymew tati wüneleyelu ka ti pu inaleyelu kütu, wirarkülen amuley engün: “¡Osana! ¡Rumel montulepe ti longko ülmen! ¡Fütra küme felen niepe tati küpalelu ta Ñidol ñi üy mew!
24719	MRK 11:10	¡Fütra küme felen niepe tati longko ülmenngealu, taiñ longko ülmen David em ñi tuwünche! ¡Fütra küme püramyengepe ta wenu mapu mew!”
24769	MRK 12:27	¡Fey Ngünechen ta lalechi pu che ñi Ngünechen no, welu may tati pu mongelelu ñi Ngünechen! Fey eymün ta rume welulkawküleymün.
24803	MRK 13:17	¡Awngey tati pu domo tüfey engün feychi antü mew niepüñeñküleyele kam niele moyol püñeñ rume!
24823	MRK 13:37	Tüfachi dungu tamün feypiwpefiel, itrokom chengealu: ¡Trepeluwkülemün ta eymün!”
24844	MRK 14:21	Tati Wentrukünuwpalu feley ñi rupayael feychi dungu mew chumngechi wiriley ti Wirin Chillka mew, welu ¡awngeay may tati wentru tañi ellka wültukuaetew! Doy kümeafuy ta kisu ñi choyüngenoafel.
24927	MRK 15:32	¡Nagpatupe ta kürus mew ta tüfeychi Cristo, Israel tañi longko ülmen, taiñ peafiel ka taiñ feyentuafiel! Ka femngechi tati weñefe tati petu langümngelu kürus mew, kafey wesa lladkütudungueyew.
25011	LUK 1:49	Rume fütra dungu pengeli iñche mew tati kom pepiluwünngelu, tati ¡trürümfalnochi küme üy nielu!
25168	LUK 4:36	Femngechi kom pellkey engün, ka welukonkechi feypiwi engün: “¿Chem dungun anta tüfa? Kom pepiluwün mew ka newentu dungun mew tüfachi wentru wemünentufi ti weküfü ñi tripatuael ti wentru mew, ¡fey ti pu weküfü tripatukey!”
25239	LUK 6:24	¡Welu awngeaymün ta eymün pu riku, dew nielu am eymün tamün ayüwün!
25240	LUK 6:25	¡Welu awngeaymün eymün tati nielu kom kümeke felen, fey ngüñütuaymün! ¡Awngeaymün eymün tati ayekawkülekelu, welu ta ngümayaymün ta weñangkün mew!
25241	LUK 6:26	¡Awngeaymün ta eymün kom che mülelu mapu mew püramyeelmew, femngechi ta femkefuy tüfachi pu che kisu ñi kuyfike tuwün em, tati koylake pu pelon wentru mew!
25257	LUK 6:42	Fey ngüneduamnolmi tami nien ti fütra trolüf mamüll reke felelu kisu tami nge mew, fey ¿chumngelu am feypikefimi tami peñi: ‘Nentuñmaeyu ti pichi itrom pinu tami nge mew?’ ¡Koyla ngünenngelu! Wüne nentufinge ti fütra trolüf mamüll kisu tami nge mew, feymew wüla feypiafimi tañi nentuñmayafiel ti itrom pinu ñi nieel tami peñi ñi nge mew.
25287	LUK 7:23	¡Fey sakinngeay tati welulkawnolu ñi maneluwael iñche mew! ―pi.
25338	LUK 8:24	Feymew amuy engün ñi trepelafiel ta Jesus, ka feypifingün: —¡Kimeltufe! ¡Kimeltufe! ¡Petu llañkoniyiñ! Feymew Jesus witrapüray, fey werküdungufi ti kürüf ka ti fütrake rew lafken, feymew kom tüngnagtuy ka küme ñüküfkülewetuy.
25342	LUK 8:28	Fey pefilu ta Jesus, lukunagi ti wentru ñi inafül mew, fey wirarkülen feypifi ta Jesus: —¡Fülpakilnge ta iñche mew, Jesus fütra pepiluwün niechi Ngünechen ñi Fotüm! ¡Iñche llellipuaeyu tami kutrankanoafiel!
25403	LUK 9:33	Fey tüyechi epu wentru petu püntütripatulu Jesus mew, Pedro feypifi ta Jesus: —Kimeltufe, ¡rume kümey taiñ mülepan tüfa mew! Dewmayaiñ küla pichike küni ruka, kiñe eymingealu, kangelu Moysengealu ka Eliangealu. Welu Pedro kimlay ñi chem pimeken.
25445	LUK 10:13	“¡Awngeaymün eymün Korasin waria che! ¡Awngeaymün eymün Betsayda waria che! Tüfachi afmatufal dungu pengefule ta Tiro waria ka Sidon waria mew, kuyfitu dewma wiñorakiduamtuafuyngün ta Ngünechen mew. Anükünuwafuy wente trufken ka tukuafuy ti lingoychi wesa takuwün.
25447	LUK 10:15	Eymün kay Kapernaum waria che. ¿Eymün anta feyentuleymün tamün puwael ta wenu mapu? ¡Doy fütra ponwitu lolo mew ta ütrüftukungeaymün!
25487	LUK 11:13	Chumngechi wesa piwkengeafuymün rume ta eymün, kimimün tamün eluafiel kümeke chemkün tamün pu yall. ¡Fey ta wenu mapu Chaw doyelchi eluafi tati Lif Küme Püllü tüfey engün tañi ngillatuetew!”
25514	LUK 11:40	¡Ngenokimün che! Tati küchafilu ti rali kom küme küchakefi ponwitu ka wekuntu.
25552	LUK 12:24	Ngüneduamfimün tati yeku pingechi üñüm. Ngankelay ka kosechakelay, ka nielay kakon, welu Ngünechen eluniekeeyew ta iyael. ¡Doy faliymün ta eymün tati pu üñüm mew!
25556	LUK 12:28	Ngünechen eluniefi ñi tremküleael ti kachu. Fachantü müley lelfün mew, welu wüle lüpümtukukünungeay kütral mew, ¡fey doyelchi eluaeymünmew tamün tukutuwael, eymün, chi pu che newe mupiltulenolu!
25577	LUK 12:49	“Iñche ta küpan üyümafiel reke ta kütral kom mapu mew ka ¡ayülefun chey tañi üyküleael dewma!
25578	LUK 12:50	¡Iñche ta rupayan kiñe fütra kutrankawün mew! ¡Ka femngechi rume weñangkülen tüfachi dungu mew, fey dew rupali wüla tüfachi wesa kutrankawün dungu nor duamkületuan!
25584	LUK 12:56	¡Koyla ngünen che! Eymün küme kimnieymün tamün ngüneduamafiel ñi chumleken tati kallfü wenu ka nag mapu. ¿Fey chumngelu am ngüneduamlaymün chem dungu ñi mülen fantepu mew?
25614	LUK 13:27	Welu kisu llowdunguaeymünmew: ‘Dew feypiwpeyiñ kimlan tamün chew tuwün. ¡Püntütripamün iñche mew wesake dungu femkelu!’
25621	LUK 13:34	“¡Jerusalen, Jerusalen mülechi pu che, langümkefilu tati pu pelon wentru ka ütrüftukakefimi ta kura mew Ngünechen tami werkülelfetew! ¡Tunte rupachi chey ayüfun tañi trawülafiel tami pu che, chumngechi nga kiñe kude achawall ayükey ñi trawülael ñi pichike achawall miñche ñi müpü mew, welu pilaymün!
25680	LUK 15:23	Fey ka küpalfimün ti doy motrichi tripantu kulliñ, fey langümfimün. ¡Iyaiñ ka nieaiñ kawiñ.
25718	LUK 16:29	Abraam feypi: ‘Kisu engün dew niey Moyse ñi wirielchi dungu ka ti pu pelon wentru ñi wirielchi dungu: ¡Fey müngeltuafi engün!’
25721	LUK 17:1	Jesus feypifi ñi pu disipulu: “Rumel müleay dungu kintukaduamkefilu ta che ñi yafkayael, welu ¡awngeay ti che yafkan mew tukufile ta kakelu che!
25723	LUK 17:3	¡Rume kuñiwtukuwmün tüfachi dungu mew! Eymi tami peñi yafkale, katrütudungufe, welu wiñoduamtule ñi nietuael kiñe küme femün, fey wiñoduamatuafimi.
25738	LUK 17:18	¿Chem dungu anta tüfa? ¡Kiñengey müten ñi wiñometun tañi püramyeafiel ta Ngünechen tüfachi katripanche!
25825	LUK 19:25	Kisu engün feypieyew: ‘Ñidol, ¡Welu kisu dew wewi doy mari rupachi!’
25838	LUK 19:38	Fey feypi engün: “¡Fütra küme felen niepe ti longko ülmen küpalelu Ñidol Ngünechen ñi piel mew! ¡Küme tüngün mülepe ta wenu mapu mew ka fütra pepiluwün mülepe ta wenu mew!”
25886	LUK 20:38	fey ¡Ngünechen am tati pu la ñi Ngünechen no, welu ti pu mongelelu ñi Ngünechen may, fey Ngünechen mew am kom che ta mongelelu!
25914	LUK 21:19	¡Afeluwkilnge tami maneluwküleael iñche mew, femngechi ta peaymün montun!
25918	LUK 21:23	¡Awngey tati pu domo niepüñeñkülelu tüyechi antü mew kam niele moyol püñeñ rume! Rume mülealu am fentren kutrankawün ti trokiñ mapu mew, ka fütra kutrankangeay tüfeychi waria mew mülechi pu che.
25955	LUK 22:22	Femngechi tati Wentrukünuwpalu fente küme amuley ti rüpü mew tañi legtukünulngeel, welu ¡awngeay tañi ellka wültukuaetew!
26022	LUK 23:18	Welu kom ti pu che kiñentrür eluwi ñi wirarün engün: —¡Langümngepe tüfa! ¡Fey lifrekünutungepe ta Barabas!
26025	LUK 23:21	welu kisu engün doy newentu wirarüy: —¡Langümngepe ta kürus mew! ¡Langümngepe ta kürus mew!
26066	LUK 24:6	¡Ngelay tati tüfa mew! ¡Dew wiñomongetuy! Tukulpamün tamün feypietew petu mülelu ta Galilea trokiñ mapu mew:
26162	JHN 1:49	Fey Natanael feypifi ta Jesus: —Kimeltufe, ¡eymi ta rüf mew Ngünechen ñi Fotüm! ¡Eymi ta israelche ñi longko ülmen!
26180	JHN 2:16	Fey Jesus feypifi ti pu fendekelu palluma: —¡Tüfa nentutufimün faw! ¡Kiñe merkaw reke nielayafimün iñche ñi Chaw ñi ruka!
26489	JHN 8:39	Feymew ti pu judiu feypi: —¡Kangelu no tatey! ¡Iñchiñ taiñ nieelchi chaw Abraam pingey! ―pi. Welu Jesus llowdunguy: —Eymün ta rüf mew Abraam ñi reñma pu chengefulmün, femafuymün kisu tañi femel.
26490	JHN 8:40	Welu may tunte dew feypiwfuyiñ ti rüfngechi dungu Ngünechen tañi kimeletew, fey eymün ayüleymün tamün langümmuafiel. ¡Abraam ta chumkawnorume femngechi femlay!
26662	JHN 12:13	Feymew Jesus amulelu rüpü mew, ti pu che katrünentuyey tapül palmera ka tripay engün ñi llowmeafiel wirarkülen: “¡Osana, tüfa ta montulaeiñmew! ¡Küme felen nieay tati küpalu Ñidol ñi üy mew! ¡Küme felen nieay ta Israel ñi longko ülmen!”
26668	JHN 12:19	Welu ti pu farisew welukonkechi feypiwingün: —Fey fantepu mew petu pepi chumlafiyiñ rume. ¡Kom mapu mülechi pu che feyentuay kisu mew!
26676	JHN 12:27	Fey Jesus amuley ñi feypilen: ¡Fewla ta rume wesa kutrantupiwkelen! Kimlan ñi chem piael. ¿Feypian may: “Chaw, montulaen tüfachi wesa dungu mew”? ¡Welu feypilayan tüfachi dungu iñche am küpalu ñi rupayael tüfachi lan dungu mew!
26736	JHN 13:37	Feymew Pedro feypi: —Ñidol, ¿chumngelu am pepi inalayaeyu ta fewla? ¡Dew eluwkülen ñi lakonael rume ta eymi iñchiw!
26900	JHN 19:6	Feymew peetew ti pu longkolelu pu saserdote mew ka ti pu llüwatulekelu ti ngillatuwe ruka mew, eluwi engün ñi wirarael: —¡Langümngepe kürus mew! ¡Langümngepe kürus mew! Fey Pilato feypi: —Yefimün may ka langümfimün ta kürus mew, welu iñche peñmalafiñ chem yafkan no rume kisu mew.
26906	JHN 19:12	Fey tüyechi lelen mew müten, Pilato rakiduamfuy chumngechi ñi lifrekünutuafiel ta Jesus, welu ti pu judiu wirareleyew: —¡Fey lifrekünutufilmi, weniyelafimi tati emperador! ¡Iney rume longko ülmenkünuwle, fey ta kayñeyefi tati emperador! ―pi engün.
26909	JHN 19:15	Welu kisu engün wirari: —¡Langümngepe! ¡Langümngepe! ¡Langümngepe ta kürus mew! Fey Pilato ramtuy: —¿Iñche anta langümafun tamün longko ülmen? Fey ti pu longkolelu tati pu saserdote mew llowdungueyew: —¡Iñchiñ ta nielaiñ kangelu longko ülmen, tati emperador müten!
26965	JHN 20:29	Jesus feypieyew: —¿Tami pefiel mew wüla feyentuymi? ¡Welu sakinngeay tati feyentulu fey ñi penoetew rume!
27029	ACT 2:11	Kiñekentu judiungey choyüngelu müten ka kiñekentu ayülu ñi judiungeael. Ka müley ti pu che tuwlu Kreta ka Arabia. ¡Kom tüfa engün allküñmafiyiñ ñi wewpin Ngünechen ñi afmanngechi dungu iñchiñ taiñ dungun mew!”
27580	ACT 16:28	Welu Pablo wirareleyew: —¡Chem wesa femuwkilnge rume! ¡Kom mülekaiñ tatey!
27589	ACT 16:37	Welu Pablo feypifi tati longkolelu karsel mew: —Iñchiw, tayu romachengen wimakangeyu, fey tayu penieetew ta kom che, fey tayu küme ramtukangenon rume chem mew tayu welulkan, ka püresuntukungeyu karsel mew. ¿Fey tüfa am ellka neykümngetualu ta iñchiw? ¡Ngelay tayu femngeael iñchiw ta romache! Kisu engün ta küpape tayu neykümpatuaetew.