Wildebeest analysis examples for:   awx-awx   i    February 24, 2023 at 23:40    Script wb_pprint_html.py   by Ulf Hermjakob

1  GEN 1:1  Yakapde hikngä Anätutä kepkät yekäpkät yawän yiwikin.
2  GEN 1:2  U yawän yiwikin gwenune, kewu moyo wom yiwikut. Tiwän kupitäkngatä yanggä gwende enetängä yiwikut. Tiwän Anätule Wawunggä yanggä unggwende enetängä kungapgut.
3  GEN 1:3  Tixäwik Anätutä using yakut. “Kwakäpä täknga tingalayok,” yawän, kwakäpä täknga tingalakut.
4  GEN 1:4  Tiwän kwakäpä uläknganin kake, täke natäpgut. Tikengä kwakäpä täkngaxät kupitäkngaxät matäkut.
5  GEN 1:5  Matäke, kwakäpätäne umanä “kwakäpä” yang inikut. Tikengä kupilätäne umanä “kupilä” yang inikut. Tiwän täpduxu yakawu unggwenu tukwake kwakakut.
6  GEN 1:6  Tiwänä Anätutä using yakut. “Yanggä matäwikge, wangga womdu yanggä bänäkängän tingalayok,” yawän,
7  GEN 1:7  iu yakut using tike, uwomdä yanggä bänäkängän matäwän, yanggä käwutdu uwomde enetängä yiwän, käwutdu kematde yiwikut.
8  GEN 1:8  Tiwän wangga uwomu umanä “yekäp” yang inikut. Tiwän täpduxu 2 unggwenu tukwake kwakakut.
9  GEN 1:9  Tiwänä Anätutä using yakut. “Yanggä yekäp gepbine yiwixaxu womdunekän täku yiwän, womdu koxolä yiwiyok,” yawän, iu yakut using tikut.
10  GEN 1:10  Tiwän koxolä yiwikulu uwomu umanä “kep” yang inike, yanggä u päku yiwikulu umanä “yanggä gwen” yang inikut. Tikengä unin dayike, täke natäpgut.
11  GEN 1:11  Tikengä hipdu using yakut. “Kep däkänetä songäsongä, pa, äwä nak yang alätnong. Tike saliiinäne alätnong,” yawän, iu yakut using alakin.
12  GEN 1:12  Kep däkäne songäsongä, pa äwä nak yang doke, saliiinäne alakin. Tiwän unin dayike, täke natäpgut.
13  GEN 1:13  Tiwän täpduxu 3 unggwenu tukwake kwakakut.
14  GEN 1:14  Tiwänä Anätutä using yakut. “Kwakäpä täknga äwä kupitäknga yang tuwängutningge, kakalä gwenggwenu yekäwune alätnong. Tikengä hopä täpduk, gusit täpduk, äwä täpduxu inulung gwenggwen yangu tuwängutning.
15  GEN 1:15  Iyekäwune yiwike, kep däkäle kwakäpä imining,” yäwan, iu yakut using alakin.
16  GEN 1:16  Anätutä kakalä inulungu gwenalä pahakut. Kakalänä inulung hikngä gwenu, kwakäpänele tahakut. Tikengä kakalänä mätekngä bigwenu, kupilänele tahake, kuminamkäyä pahakut.
17  GEN 1:17  Tikengä kep däkäle kwakäpä imike, kupitäknga kwakäpä täknga yang matäke daying yiwitningge, yekäwune pewän yiwikin. Tikengä unin dayike, täke natäpgut.
19  GEN 1:19  Tiwän täpduxu 4 unggwenu tukwake kwakakut.
20  GEN 1:20  Tiwänä Anätutä using yakut. “Yanggä gwenkätanu pis, hängä ulung pahanangäsä yangu meya yiwitnong. Tixawän kwäwitkäyä alake, enetängä wepmähikunong,” yang yakut.
21  GEN 1:21  Hängä inulung hikngä täpäläpä yanggä gwenkätan yiwixaying äwä hängä undä ulung tahake yanggä gwenkätanu meyä yiwixaying yangu, iinäne pahakut. Tixäwik kwäwitkäyä iinäne undä pahakut. Tikengä unin dayike, täke natäpgut.