23236	MAT 1:23	yi yi nɛɛ, “Wɔndia ɡoo u koo ɡura sua kpa u bii tɔn durɔ ma, kpa bu nùn yĩsiru kɛ̃ Emanuɛli.” Yĩsi ten tubusiana, Gusunɔ wãa ka bɛsɛ.
23244	MAT 2:6	“Wunɛ, Bɛtelehɛmu, Yudean tem sɔɔ, n ǹ mɔ wuna a piiburu bo Yudean wuu bakasu sɔɔ. Domi wunɛn min diya sunɔ u koo yari wi u koo nɛn tɔmbu Isireliba kpara.”
23253	MAT 2:15	U sina mi sere Herodu u ka ɡu. Yeni ya koora kpa Yinnin ɡari yi u ɡerua saa win sɔmɔn nɔɔ sɔɔn di yi ka koora ye u nɛɛ, “Eɡibitin diya na nɛn bii sokuma.”
23256	MAT 2:18	“Ba swĩi ɡɛɛ nɔɔmɔ Ramaɔ. Yɛ̃ro u sumɔ u weeweenu mɔ̀. Ase Rasɛliwa u sumɔ win bibun sɔ̃. Ma u yina bu nùn suuru kana domi bii be kpurowa ba ɡu.”
23261	MAT 2:23	Ma u da u sina wuu ɡe ba sokumɔ Nasarɛtiɔ, kpa Gusunɔn sɔmɔbun ɡari yi ka koora yi yi nɛɛ, “Ba koo nùn sokuwa Nasarɛtiɡii.”
23264	MAT 3:3	Yohanu wiya wìn ɡari Gusunɔn sɔmɔ Esai u mɔ̀ sanam mɛ u nɛɛ, “Goo u ɡerumɔ ka dam ɡbaburɔ u mɔ̀, i Yinnin swaa sɔnwɔ, kpa i n ye nɔɔ nɛrasiamɔ yu dɛnda.”
23284	MAT 4:6	Ma u nɛɛ, à n sãa Gusunɔn Biin na, a yɔ̃ɔwɔ a sura temɔ domi Gusunɔn ɡari yi ɡerua yi nɛɛ, “Gusunɔ u koo win ɡɔradoba nɔɔ kɛ̃ wunɛn sɔ̃ bu nun nɛnɛ ka ben nɔma, kpa a ku ra ka wunɛn naasu kperu sokura.”
23285	MAT 4:7	Yesu nùn wisa u nɛɛ, adama Gusunɔn ɡari yi maa ɡerua yi nɛɛ, “A ku ra Gusunɔ wunɛn Yinnin dam mɛɛri a ka wa mɛ mu nɛ.”
23288	MAT 4:10	Ma Yesu u wisa u nɛɛ, a doonɔ min di Setam. Domi ba yorua ba nɛɛ, “Kaa Gusunɔ wunɛn Yinni sã, kpa a n wi turon wãaru wãa.”
23293	MAT 4:15	“Sabulonin tem ka Nɛfitalin tem mu wãa nim wɔ̃ku ɡia, daa te ba mɔ̀ Yuudɛnin ɡuruɔ Galileɔ mi tɔn tukoba wãa.
23294	MAT 4:16	Be ba sɔ̃ yam wɔ̃kuru sɔɔ mi, ba koo yam bururam bakam wa. Be, be ɡɔɔn bɛrum wukiri nɡe yam wɔ̃kuru, bera yam bururam koo kurema.”
23330	MAT 5:27	Ma Yesu maa nɛɛ, i nua ma ba ɡasɔɡibu sɔ̃ɔwa ba nɛɛ, “I ku ra sakararu ko.”
23334	MAT 5:31	Ma Yesu nɛɛ, ba maa ɡasɔɡibu sɔ̃ɔwa ba nɛɛ, “Durɔ wi u win kurɔ yina, u koo kurɔ wi yinanaan tireru wɛ̃.”
23336	MAT 5:33	Ma Yesu nɛɛ, i maa nua ma ba kpam ɡasɔɡibu sɔ̃ɔwa ba nɛɛ, “A ku ra bɔ̃re ka ɡari weesuɡii, adama kaa nɔɔ mwɛɛnu yibia nì sɔɔ a bɔ̃rua Yinnin wuswaaɔ.”
23341	MAT 5:38	Ma Yesu nɛɛ, i nua ma ba raa ɡerua, “Wi u win winsim nɔnu wĩa, ba koo maa wiɡuu wĩa. Wi u maa win winsim dondu bua, ba koo maa wiɡiru buawa.”
23346	MAT 5:43	Ma Yesu maa nɛɛ, i nua ma ba raa ɡerua, “A wunɛn beruse kĩɔ, kpa a wunɛn yibɛrɛ tusi.”
23431	MAT 8:17	U yeni kua kpa Gusunɔn sɔmɔ Esain ɡari yi ka koora, yi u nɛɛ, “Win tii u bɛsɛn wasin dam sariru sua, ma u ka bɛsɛn baranu doona.”
23461	MAT 9:13	I doo i Gusunɔn ɡarin tubusianu kasu yi yi nɛɛ, “Wɔnwɔnda na kĩ, n ǹ mɔ yãkuru.” Domi na ǹ nɛ n ka ɡeeɡibu soku ma n kun mɔ torobu.
23538	MAT 11:10	Domi Yohanu wiya wìn sɔ̃ Gusunɔn ɡari nɛɛ, “N wee na nɛn sɔmɔ ɡɔriɔ wunɛn wuswaaɔ wi u koo wunɛn swaa sɔmɛ.”
23565	MAT 12:7	Ì n daa tuba ye Gusunɔn ɡari ɡerua yi yi nɛɛ, “Wɔnwɔnda na kĩ, n ǹ mɔ yãkuru,” i ǹ daa taarɛ sariruɡibu taarɛ wɛ̃ɛmɔ.
23576	MAT 12:18	Gari yi sɔɔ, Gusunɔ u nɛɛ, “Nɛn sɔm kowo wi na ɡɔsa wee, nɛn kĩnasi wì sɔɔ nɛn ɡɔ̃ru dobu kpuro wãa. Na kon nùn nɛn hunde wɛ̃, kpa u nɛn ɡem kpara bwesenu kpuron mi.
23579	MAT 12:21	kpa bwesenu kpuro nu nin yĩiyɔbu doke win yĩsiru sɔɔ.”
23622	MAT 13:14	Nɡe mɛya ɡari yi Esai u ɡerua ben sɔ̃ yi sɔ̃ɔsiramɔ, ye u nɛɛ, “I ko n nɔɔmɔ ka ɡem, adama n ǹ koo bɛɛ yeeri. I ko n mɛɛrimɔ adama i ǹ ko i wa.
23623	MAT 13:15	Domi tɔn benin ɡɔ̃ru ɡa ǹ biti mɔ. Ba ben tiin swaa kɔrua, ba nɔni yinwa. Kpa bu ku wa ka ben nɔni. Kpa bu ku nɔ ka ben swaa. Kpa bu ku ɡia ka ben bwisi. Kpa bu ku raa ka ɡɔsirama nɛn mi n ka bu bɛkia.”
23643	MAT 13:35	Nɡe mɛya Gusunɔn sɔmɔn ɡari yi koora yi yi nɛɛ, “Mɔnna ko na n da ka bu ɡari sɔ̃. Na kon maa ye ɡere batuma sɔɔ ye ya kukua saa handunian taka kobun di.”
23706	MAT 15:4	Domi Gusunɔ u nɛɛ, “A wunɛn tundo ka wunɛn mɛro bɛɛrɛ wɛ̃ɛyɔ.” U maa nɛɛ, “Wi u win tundo ǹ kun mɛ win mɛro kɔ̃sa ɡerusi ba koo nùn ɡowa.”
23710	MAT 15:8	“Tɔn beni ba man bɛɛrɛ wɛ̃ɛmɔ ka nɔɔ. Adama ben ɡɔ̃ru ɡa ka man toma.
23711	MAT 15:9	Kama ba man sãamɔ. Domi tɔmbun woodawa ya kua ben sɔ̃ɔsiru.”
23835	MAT 19:4	Yesu u nɛɛ, i ǹ ɡarire Gusunɔn ɡari sɔɔ ma “Toren di Taka kowo u bu kuawa durɔ ka kurɔ.”
23836	MAT 19:5	Ma yi kpam nɛɛ, “Yen sɔ̃na, durɔ u koo win tundo ka win mɛro deri kpa wi ka win kurɔ ba n maninɛ kpa be yiru kpuro bu ko wasi tee.”
23900	MAT 21:5	“I Yerusalɛmuɡibu sɔ̃ɔwɔ i nɛɛ, wee, ben sunɔ sisi ben mi. Wi, tɔn duuduowa, u kɛtɛku sɔni, kɛtɛku buu kpɛmbu.”
23908	MAT 21:13	Ma u bu sɔ̃ɔwa u nɛɛ, Gusunɔn ɡari nɛɛ, “Nɛn dira ko n sãawa kanarun diru.” Adama bɛɛ i tu ɡɔsia ɡbɛnɔbun wãa yeru.
23911	MAT 21:16	Ma ba Yesu sɔ̃ɔwa ba nɛɛ, a sere nɔɔmɔ ye ba ɡerumɔ? Ma Yesu nɛɛ, oo, i ǹ ɡarire Gusunɔn ɡari sɔɔ mi ba nɛɛ, “A dera bii piiminu ka bii wɛ̃ɛnu nu nun siaramɔ.”
23937	MAT 21:42	Yesu bu sɔ̃ɔwa u nɛɛ, i ǹ ɡarire Gusunɔn ɡari sɔɔ mi ba nɛɛ, “Kpee te banɔba yina, tera ta kua ɡani ɡɔmburun dam. Yinniwa ye kua, ma n kua maamaaki bɛsɛn nɔni sɔɔ.”
23978	MAT 22:37	Yesu nùn wisa u nɛɛ, “A Gusunɔ wunɛn Yinni kĩɔ ka wunɛn ɡɔ̃ru kpuro ka wunɛn bwɛ̃ra kpuro ka wunɛn bwisikunu kpuro.”
23980	MAT 22:39	Yen yiruse wee, ye ya ka ye weenɛ yera “A wunɛn tɔnusi kĩɔ nɡe wunɛn tii tii.”
23985	MAT 22:44	“Yinni Gusunɔ u nɛn Yinni sɔ̃ɔwa u nɛɛ, a sinɔ nɛn nɔm ɡeuɔ sere n ka nun wunɛn yibɛrɛba taarea.”
24041	MAT 24:15	Yesu maa nɛɛ, Gusunɔn sɔmɔ Daniɛli u raa “Kam koosion bwãaroku kɔ̃sun” ɡari kua. Geya i ko wa ɡa yɔ̃ yam dɛɛram sɔɔ. Wi u tire teni ɡarimɔ, u tubuo sãa sãa.
24154	MAT 26:31	Yera Yesu u win bwãabu sɔ̃ɔwa u nɛɛ, ɡisɔn wɔ̃ku te, bɛɛ kpuro i ko tora nɛn sɔ̃, domi ba yorua Gusunɔn ɡari sɔɔ, “Kon yãa kparo ɡo, kpa yãanu nu yarina yam kpuro.”
24207	MAT 27:9	Yera Gusunɔn sɔmɔ Yeremin ɡari yi koora yi yi nɛɛ, “Ba sii ɡeesun ɡobi tɛna ye sua, ɡobi yi Isireliba ba wesiana ba wɛ̃ win sɔ̃,
24208	MAT 27:10	ba ka tem dwa mɔmɔn mi, nɡe mɛ Yinni u man yiire.”
24286	MRK 1:2	Gusunɔn sɔmɔ Esai u yen ɡari yorua win tireru sɔɔ u nɛɛ, Gusunɔ u nɛɛ, “N wee, na nɛn sɔmɔ ɡɔriɔ wunɛn wuswaaɔ u wunɛn swaa sɔmɛ.
24287	MRK 1:3	Nɛn sɔmɔn nɔɔ ɡa ɡbãramɔ ɡbaburu sɔɔ ɡa ɡerumɔ ɡa mɔ̀, i Yinnin swaa sɔnwɔ, kpa i n ye nɔɔ nɛrasiamɔ yu dɛnda.”
24404	MRK 4:12	kpa “Bu ka mɛɛri ba kun wa. Bà n maa nua, kpa n ku bu yeeri, kpa bu ku raa ka ɡɔ̃ru ɡɔsie, Gusunɔ u sere bu suuru kua.”
24538	MRK 7:6	Ma Yesu u bu wisa u nɛɛ, Esai u raa Gusunɔn ɡari ɡerua sãa sãa bɛɛ murafitiban sɔ̃ sanam mɛ u yorua, “Gusunɔ u nɛɛ, bwese teni ta man bɛɛrɛ wɛ̃ɛmɔ ka nɔɔ. Adama ten ɡɔ̃ru ɡa ka man toma.
24539	MRK 7:7	Kama ta man sãamɔ. Domi tɔmbun woodawa ya kua ben sɔ̃ɔsiru.”
24542	MRK 7:10	Domi Mɔwisi u ɡerua u nɛɛ, “A wunɛn tundo ka wunɛn mɛro bɛɛrɛ wɛ̃ɛyɔ.” Ma u kpam nɛɛ, “Wi u win tundo ǹ kun mɛ win mɛro kɔ̃sa ɡerusi, ba koo yɛ̃ro ɡowa.”
24676	MRK 10:19	N ǹ a wooda yɛ̃ rò ye ya ɡerumɔ, “I ku tɔnu ɡo. I ku sakararu ko. I ku ɡbɛni. I ku ɡoo ɡari mani. I ku ɡoo taki di. I bɛɛn tundo ka mɛro bɛɛrɛ wɛ̃ɛyɔ.”
24718	MRK 11:9	Be ba nùn ɡbiiye ka be ba nùn swĩi biruɔ, ba ɡbãsukumɔ ba mɔ̀, “Baruka! U sãawa domaruɡii wi u sisi Yinnin yĩsiru sɔɔ.
24719	MRK 11:10	Domaruɡira bɛsɛn baaba Dafidin ban te ta sisi. Bu Gusunɔ siaro wɔllɔ!”
24726	MRK 11:17	Yera u tɔn be sɔ̃ɔbu wɔri u nɛɛ, ba yorua ma Gusunɔ u nɛɛ, “Win diru ta ko n sãawa kanarun diru tɔmbu kpuron sɔ̃.” Adama bɛɛ i tu kua ɡbɛnɔbun wãa yeru.
24752	MRK 12:10	Bɛɛ i ǹ ɡari yini ɡara Gusunɔn ɡari sɔɔ yi yi nɛɛ, “Kpee te banɔba yina, tera ta kua ɡani ɡɔmburun dam.
24753	MRK 12:11	Yinniwa ye kua, ma n kua maamaaki bɛsɛn nɔni sɔɔ.”
24768	MRK 12:26	Ye n maa sãa ɡɔribun seebun ɡari, i ǹ ɡarire Mɔwisin tireru sɔɔ mi awĩi dɔ̃ɔɡiin ɡari wãa nɡe mɛ Gusunɔ u ka nùn ɡari kua u nɛɛ, “Wiya Aburahamun Yinni, ka Isakin Yinni, ka Yakɔbun Yinni.”
24771	MRK 12:29	Yesu u nɛɛ, wooda ye ya kere wee. “Bɛɛ Isireliba, i swaa dakio, Gusunɔ bɛsɛn Yinni, wi turowa Yinni.
24772	MRK 12:30	A Gusunɔ wunɛn Yinni kĩɔ ka wunɛn ɡɔ̃ru kpuro ka wunɛn bwɛ̃ra kpuro ka wunɛn bwisikunu kpuro ka wunɛn dam kpuro.”
24773	MRK 12:31	Yen yiruse wee. “A wunɛn tɔnusi kĩɔ nɡe wunɛn tii tii.” Wooda ɡaa maa sari ye ya yeni kere.
24778	MRK 12:36	Dafidin tii, ka Hunde Dɛɛron sɔ̃ɔsiru u nɛɛ, “Yinni Gusunɔ u nɛn Yinni sɔ̃ɔwa u nɛɛ, a sinɔ nɛn nɔm ɡeuɔ sere n ka nun wunɛn yibɛrɛba taarea.”
24850	MRK 14:27	Olifin ɡuuru miya Yesu u bu sɔ̃ɔwa u nɛɛ, bɛɛ kpurowa i ko i biru wura. Domi ba yorua Gusunɔn ɡari sɔɔ ba nɛɛ, “Ba koo yãa kparo ɡo, kpa yãanu nu yarina.”
24923	MRK 15:28	Nɡe mɛya Gusunɔn ɡari yi koora yi yi nɛɛ, “Ba nùn ɡarisi kɔ̃san kowobu sɔɔ.”]
24929	MRK 15:34	Kɔba ita yen sakawa Yesu u ɡbãra ka dam, u nɛɛ, “Eloi, Eloi, lema sabatani.” Yen tubusiana, Gusunɔ nɛn Yinni, mba n kua a ka man deri.
25064	LUK 2:22	Amɛniwa ba yorua Yinnin wooda sɔɔ ba nɛɛ, “Bii tɔn durɔ ɡbiikoo baawure wi ba mara, ba koo nùn wunawa nɛnɛm Yinni Gusunɔn sɔ̃.” Yen sɔ̃na ye sanam yiba bu ka tii sãrasia nɡe mɛ Mɔwisin wooda ya ɡerua, Maari ka Yosɛfu ba ka bii wi da Yerusalɛmuɔ bu nùn Yinni tusia,
25066	LUK 2:24	kpa bu ka yãkuru ko nɡe mɛ ba ɡerua Yinnin wooda sɔɔ ba nɛɛ, “Kparukonu yiru, ǹ kun mɛ totobɛrɛ binu yiru.”
25098	LUK 3:4	Nɡe mɛya ye Gusunɔn sɔmɔ Esai u yorua win tirerɔ ya koora ye u nɛɛ, “ɡoo u ɡbãramɔ ɡbaburɔ u mɔ̀, i Yinnin swaa sɔnwɔ. Kpa i n ye nɔɔ nɛrasiamɔ yu dɛnda.
25100	LUK 3:6	Tɔmbu kpurowa ba koo Gusunɔn faaba wa.”
25136	LUK 4:4	Ma Yesu nùn sɔ̃ɔwa u nɛɛ, ba yorua Gusunɔn ɡari sɔɔ ba nɛɛ, “Tɔnu kun ko n wãa dĩanu tɔnan sɔ̃.”
25140	LUK 4:8	Ma Yesu u nùn sɔ̃ɔwa u nɛɛ, Gusunɔn ɡari nɛɛ, “Gusunɔ wunɛn Yinniwa kaa n sãamɔ, kpa a n wi turon wãaru wãa.”
25142	LUK 4:10	domi Gusunɔn ɡari nɛɛ, “U koo win ɡɔradoba nɔɔ kɛ̃wa wunɛn sɔ̃ bu ka nun kɔ̃su.”
25143	LUK 4:11	“Ba koo nun nɛnɛ ben nɔma sɔɔ, kpa wunɛn naasu ku raa kperu sokura.”
25144	LUK 4:12	Yesu u nùn sɔ̃ɔwa u nɛɛ, Gusunɔn ɡari maa nɛɛ, “A ku ra Gusunɔ wunɛn Yinnin dam mɛɛri a ka wa mɛ mu nɛ.”
25150	LUK 4:18	“Yinni Gusunɔn Hunde ka man wãa. U man ɡɔsa n ka dam sariruɡibu Labaari ɡea nɔɔsia. U man ɡɔrima n ka yobu sɔ̃ ma ba koo yakiara, n ka wɔ̃kobu sɔ̃ ma ba koo yam wa, n ka maa takasiɡibu yɔ̃su bu doona,
25151	LUK 4:19	kpa n maa ka kpara ma saa ya wee yè sɔɔ Yinni u koo tɔmbu durom kua.”
25155	LUK 4:23	U bu sɔ̃ɔwa u nɛɛ, ka ɡem, i ko kpĩ i man mɔn te kua i nɛɛ, “Timɡii, a wunɛn tii bɛkio,” kpa i ɡere n koowo nɛn tem sɔɔ mini ye i nua na kua kpuro Kapenamuɔ.
25291	LUK 7:27	Domi Yohanu wiya wìn ɡari ba yorua ba nɛɛ, “N wee, na nɛn ɡɔro ɡɔra wunɛn wuswaaɔ wi u koo nun ɡbiiya u wunɛn swaa sɔmɛ.”
25324	LUK 8:10	U nɛɛ, bɛɛya ba wɛ̃ i ka Gusunɔn bandun asiri ɡia, adama ba ɡabu ɡari yi sɔ̃ɔmɔ ka mɔnnu, “kpa bu ka mɛɛri ba kun wa, bà n maa nua, kpa n ku bu yeeri.”
25459	LUK 10:27	U wisa u nɛɛ, “Kaa Gusunɔ wunɛn Yinni kĩa ka wunɛn ɡɔ̃ru kpuro, ka wunɛn bwɛ̃ra kpuro, ka wunɛn dam kpuro, ka wunɛn bwisikunu kpuro, kpa a wunɛn tɔnusi kĩa nɡe wunɛn tii tii.”
25777	LUK 18:20	A wooda yɛ̃ ye ya ɡerumɔ ya nɛɛ, “i ku sakararu ko, i ku tɔnu ɡo, i ku ɡbɛni, i ku seeda weesuɡia di, i bɛɛn tundo ka mɛro bɛɛrɛ wɛ̃.”
25846	LUK 19:46	U bu sɔ̃ɔwa u nɛɛ, ba yorua, “Nɛn diru ta ko n sãawa kanarun diru.” Adama bɛɛ i tu kua ɡbɛnɔbun wãa yeru.
25865	LUK 20:17	Adama Yesu u bu nɔni kɔ̃ u ka da ma u nɛɛ, mba ɡari yin tubusianu yi ba yorua ba nɛɛ, “Kpee te banɔba yina, tera ta kua ɡani ɡɔmburun dam.”
25876	LUK 20:28	yinni, n wee ye Mɔwisi u sun yorua. U nɛɛ, “Goon bɛɛrɛ̀ ù n ɡu u kurɔ deri, ma u kun ka kurɔ wi bii mara, u koo kpĩ u nùn tubi di, kpa u ka win bɛɛrɛ̀ bweseru waawa.”
25885	LUK 20:37	Mɔwisin tii u sɔ̃ɔsi sãa sãa ma ɡɔriba koo se, ye u Gusunɔ soka u nɛɛwa, “Gusunɔ Aburahamun Yinni, ka Isakin Yinni, ka Yakɔbun Yinni” awĩi dɔ̃ɔɡii yin ɡari sɔɔ.
25890	LUK 20:42	Domi Dafidin tii u ɡerua Womusun tireru sɔɔ u nɛɛ, “Yinni Gusunɔ u nɛn Yinni sɔ̃ɔwa u nɛɛ, a sinɔ nɛn nɔm ɡeuɔ,
25891	LUK 20:43	sere n ka nun wunɛn yibɛrɛba taarea.”
25970	LUK 22:37	Domi na bɛɛ sɔ̃ɔmɔ, nɡe mɛ ba yorua, “Ba nùn ɡarisi tɔn kɔ̃so.” Ya ǹ koo ko ya kun man koore mɛ. Ye n maa sãa nɛn ɡari ya wiru ɡoorɔ.
26136	JHN 1:23	Yohanu u nɛɛ, “nɛna nɔɔ ɡe ɡa ɡbãramɔ ɡbaburɔ ɡa mɔ̀, i Yinni swaa dɛndasio,” nɡe mɛ Gusunɔn sɔmɔ Esai u raa ɡerua.
26181	JHN 2:17	Yera win bwãaba yaaya ye ba yorua Gusunɔn ɡari sɔɔ ba nɛɛ, “Wunɛn dirun kĩra man mɛnimɔ nɡe dɔ̃ɔ.”
26357	JHN 6:31	Bɛsɛn sikadoba ba dĩa ni ba ra soku manna di ɡbaburu sɔɔ, nɡe mɛ ba yorua ba nɛɛ, “Saa Gusunɔ wɔllun diya u bu dĩanu kã ba di.”
26371	JHN 6:45	Gusunɔn sɔmɔbu ba yorua ba nɛɛ, “Gusunɔn tii u koo baawure keu sɔ̃ɔsi.” Ǹ n mɛn na, baawure wi u Baaban nɔɔ nua, ma u win sɔ̃ɔsiru mwa, yɛ̃ro u koo na nɛn mi.
26584	JHN 10:34	Yesu u nɛɛ, ba ǹ yorua bɛɛn tiin wooda sɔɔ ma Gusunɔ u nɛɛ, “I sãawa Wɔrukoon bibu?”
26664	JHN 12:15	“I ku bɛrum ko, Yerusalɛmuɡibu. N wee bɛɛn sunɔ u sisi. U kɛtɛku kpɛmbu sɔni.”
26687	JHN 12:38	Kpa ɡari yi Gusunɔn sɔmɔ Esai u ɡerua yi ka koora, yi u nɛɛ, “Yinni wara u naanɛ doke ye sa nɔɔsia. Wara Yinni Gusunɔ u win dam sɔ̃ɔsi.”
26689	JHN 12:40	“Gusunɔ u bu kua wɔ̃kobu ma u ben bwisi kawa. Kpa bu ku raa ka ben nɔni yam wa. Kpa bu ku ɡia ka ben bwisi. Bu ku raa ɡɔ̃ru ɡɔsia, kpa n bu bɛkia.”
26717	JHN 13:18	N ǹ mɔ bɛɛ kpuron ɡariya na mɔ̀. Na yɛ̃ be na ɡɔsa. Adama Gusunɔn ɡari yi ǹ koo ko yì kun koore yi yi nɛɛ, “Wi u ka man dimɔ sannu, u ɡɔsira nɛn yibɛrɛ.”
26793	JHN 15:25	Nɡe mɛya n sãa kpa ɡari yi ba yorua woodan tirerɔ yi ka koora, yi yi nɛɛ, “Ba man tusa, ba ǹ ten wiru ka naasu yɛ̃.”
26918	JHN 19:24	Ma tabu kowo be, ba ɡeruna ba nɛɛ, bu ku raa te ɡĩa, adama bu de bu tu tɛtɛ toosi kpa bu wa wiɡiru ta koo ko. Nɡe mɛya Gusunɔn ɡari yi koora yi yi nɛɛ, “Ba nɛn yãnu bɔnu kua ben tii tiinɛ sɔɔ. Ma ba nɛn yaberu tɛtɛ toosi.” Nɡe mɛya tabu kowo be, ba kua.
26930	JHN 19:36	Yeniwa ya kua kpa Gusunɔn ɡari yi ka koora yi yi nɛɛ, “Baa win kuku teeru, ta ǹ kɔsiramɔ.”
26931	JHN 19:37	Gusunɔn ɡari maa nɛɛ, “Ba koo nùn mɛɛri wi ba sɔka.”
27012	ACT 1:20	Domi ba yorua Dafidin womusun tirerɔ ba nɛɛ, “A de win wãa yeru tu ko bansu. Goo u ku maa sina mi.” Ba maa yorua, “A de ɡoo u ko win kɔsire sɔmburu sɔɔ.”
27035	ACT 2:17	U nɛɛ, “Gusunɔ u nɛɛ, yeniwa kon ko sanam dãakim sɔɔ. Kon nɛn Hunde doke tɔmbu kpuro sɔɔ. Bɛɛn bii tɔn durɔbu ka tɔn kurɔbu, ba koo Gusunɔn ɡari ɡere. Bɛɛn aluwaasiba ba ko n kãsinu waamɔ, kpa bɛɛn durɔ tɔkɔnu nu n dosusu mɔ̀.
27039	ACT 2:21	Adama baawure wi u Yinnin yĩsiru soka dɔma te, u koo faaba wa.”
27043	ACT 2:25	Win ɡari wee yi Dafidi u yorua. U nɛɛ, “Na Yinni Gusunɔ waamɔ baadomma. U wãa nɛn nɔm ɡeuɔ kpa n ku ka wurura.
27046	ACT 2:28	A man wãarun swɛɛ sɔ̃ɔsi. Nà n maa wãa ka wunɛ, ko na n nuku dobu yiba.”
27052	ACT 2:34	Domi Dafidin tii u ǹ de Gusunɔ wɔllɔ, adama u nɛɛ, “Yinni Gusunɔ u nɛn Yinni sɔ̃ɔwa u nɛɛ, a sinɔ nɛn nɔm ɡeuɔ,
27053	ACT 2:35	sere n ka nun wunɛn yibɛrɛba taarea.”
27087	ACT 3:22	Domi Mɔwisi u nɛɛ, “Yinni Gusunɔ u koo bɛɛ sɔmɔ ɡoo seeya bɛɛn bweserɔ nɡe wi. Ye u koo bɛɛ sɔ̃ kpuro i ye swaa dakio.
27088	ACT 3:23	Baawure wi u kun sɔmɔ win ɡari swaa daki, ba koo nùn wuna Gusunɔn tɔmbun suunu sɔɔn di bu nùn kpeerasia.”
27090	ACT 3:25	Bɛɛya Gusunɔn sɔmɔbun tubi diobu, i maa bɔnu mɔ nɔɔ mwɛɛ te sɔɔ, te Gusunɔ u bɛɛn sikadoba kua, ye u Aburahamu sɔ̃ɔwa u nɛɛ, “Handunian bwesenu kpuro nu koo domaru wa saa wunɛn bweserun di.”
27116	ACT 4:25	Wuna a maa ɡerua ka Hunde Dɛɛron baa saa bɛsɛn sikado Dafidi wunɛn sɔm kowon nɔɔn di a nɛɛ, “Mban sɔ̃na tɔn tukobu ba mɔru bara. Mban sɔ̃na tɔmba bwisikumɔ ye ya ǹ koorɔ.
27117	ACT 4:26	Handunian sinamba seewa. Ma wiruɡiba mɛnna bu ka Yinni Gusunɔ ka win Kirisi tabu ko.”
27227	ACT 7:42	Adama Gusunɔ u tii ɡawa ben min di, ma u dera ba sɔ̃ɔ ka suru ka kperi sãwa, nɡe mɛ u ɡerua win sɔmɔbun tireru sɔɔ u nɛɛ, “Bɛɛ Isireliba i ka kua wɔ̃ɔ weeru ɡbaburu sɔɔ i man yãkunu ka kɛ̃nu kuare?
27228	ACT 7:43	Bwãarokuna i sɔɔwa ni i kua i ka bũnu sã, nɡe Mɔlɔkun kuu bekuruɡiru ka Refanin kpera. Yen sɔ̃na na kon bɛɛ bɔrie sere Babilonin bera ɡiɔ.”
27234	ACT 7:49	“Yinni Gusunɔ u nɛɛ, wɔlla nɛn sina ɡɔna. Ma tem mu sãa nɛn naa sɔnditia. Ǹ n mɛn na, dii teren bwesera i ko i man bania. Nɡe wãa yee terà ta ko n sãa nɛn wɛ̃ra yeru.
27235	ACT 7:50	N ǹ nɛn nɔma ya ye kpuro taka kua?”
27277	ACT 8:32	Ye wee ye durɔ wi, u ɡarimɔ saa Gusunɔn ɡarin di. “Ba ka nùn da nɡe yãa te ba koo saka. Nɡe yãa buu ɡe ɡa maari sɛ̃ɛ sanam mɛ ba ɡen sansu buramɔ, nɡe mɛya u ǹ win nɔɔ baaye.
27278	ACT 8:33	Ba nùn kawa, ma ba yina bu nùn siria dee dee. Wara koo kpĩ u saa yen tɔmbun ɡari ɡere. Domi ba nùn wãaru wunari, u ǹ maa wãa tem mɛ sɔɔ.”
27464	ACT 13:33	Ye kpurowa u sun kua bɛsɛ be sa sãa ben bibu sanam mɛ u Yesu seeya ɡɔrin di, nɡe mɛ ba yorua Dafidin womu yiruse sɔɔ, mi Gusunɔ u nɛɛ, “Wuna a sãa nɛn Bii. Gisɔra na kua wunɛn tundo.”
27465	ACT 13:34	Gusunɔ u raa ɡerua u koo nùn seeya ɡɔrin di kpa u ku maa kɔ̃si. Yeya u ɡerua u nɛɛ, “Kon bɛɛ domaru kua te ta dɛɛre ta ǹ sika mɔ, tèn nɔɔ mwɛɛru na Dafidi kua.”
27466	ACT 13:35	Yen sɔ̃na u kpam ɡerua Dafidin womu ɡaɡu sɔɔ u nɛɛ, “A ǹ derimɔ wunɛɡii wi u naanɛ mɔn wasi yi kɔ̃si.”
27472	ACT 13:41	“I mɛɛrio, bɛɛ tɔn yaako kowobu, i biti sooro kpa i kam ko. Domi kon ɡãanu ko bɛɛn nɔni biru ni i ǹ naanɛ mɔ̀ baa ɡoo ù n bɛɛ nu tusia.”
27478	ACT 13:47	N wee ye Yinni Gusunɔ sun yiire su ko. U nɛɛ, “Na bɛɛ kua tɔn tukobun yam bururam, kpa i ka faaba da handunian ɡoonu nnɛ kpuro sɔɔ.”
27527	ACT 15:16	“Yinni Gusunɔ u nɛɛ, saa yera na kon wurama kpa n Dafidin diru seeya te ta wɔruma. Kon ten bansu seeya kon kpam tu bani.
27529	ACT 15:18	Nɛ Yinni Gusunɔwa na yeni ɡerua nɛ wi na ɡãa ni sɔ̃ɔsi yellun di.”
27807	ACT 23:5	Pɔlu u nɛɛ, mɛro bisibu na ǹ yɛ̃ yãku kowo tɔnwerowa. Domi Gusunɔn ɡari yi nɛɛ, “I ku bɛɛn tɔmbun wiruɡiin kɔ̃sa ɡere.”
27993	ACT 28:26	u nɛɛ, “A doo tɔn ben mi, a nɛɛ, ba ko n nɔɔmɔ ka ɡem, adama n ǹ koo bu yeeri. Ba ko n mɛɛrimɔ, adama ba ǹ koo wa.
27994	ACT 28:27	Domi tɔn benin ɡɔ̃ru ɡa ǹ biti mɔ. Ba ben tiin swaa kɔrua. Ba nɔni yinwa kpa bu ku wa ka ben nɔni, kpa bu ku nɔ ka ben swaa, kpa bu ku ɡia ka ben ɡɔ̃ru, kpa bu ku raa ka ɡɔsirama nɛn mi n ka bu bɛkia.”
28015	ROM 1:17	Labaari ɡea ye, ya sɔ̃ɔsimɔ nɡe mɛ Gusunɔ u ra tɔnu ɡem wɛ̃. Gem mɛn torubu ka mɛn nɔru, naanɛ dokeba. Nɡe mɛ ba yorua, “Wi u kua ɡemɡii naanɛ dokebu sɔɔ, u ko n wãawa.”
28054	ROM 2:24	Domi Gusunɔn ɡari sɔɔ ba yorua ba nɛɛ, “Bɛɛn saabuwa tɔn tukobu ba Gusunɔn yĩsiru ɡari kam ɡerusimɔ.”
28063	ROM 3:4	Aawo, n ǹ mɛ. Baa bà n tɔnu baawure soka weesuɡii, ba n yɛ̃ ma Gusunɔ sãawa ɡeeɡii. Nɡe mɛ Gusunɔn ɡari ɡerumɔ, “Ba koo nun ɡem wɛ̃wa wunɛn ɡari ɡerubu sɔɔ kpa a siribu di.”
28069	ROM 3:10	Nɡe mɛ ba yorua, “Gemɡii sari, baa turo.
28077	ROM 3:18	Ba ǹ Gusunɔ nasie.”
28093	ROM 4:3	Domi mba ba yorua Gusunɔn ɡari sɔɔ. Ba nɛɛ, “Aburahamu u Gusunɔ naanɛ kua, yen sɔ̃na u nùn ɡarisi ɡemɡii.”
28097	ROM 4:7	U nɛɛ, “Doo nɔɔruɡiiwa wìn toranu ba suuru kua, ma ba win kɔ̃sa ɡo.
28098	ROM 4:8	Doo nɔɔruɡiiwa wìn kɔ̃sa Yinni Gusunɔ kun ɡarisi.”
28107	ROM 4:17	Nɡe mɛ Gusunɔn ɡari ɡerumɔ, “Na nun kua bwese dabinun baaba.” U sãa bɛsɛn baaba, Gusunɔ wi u naanɛ doken wuswaaɔ. Gusunɔ wiya u ra ɡɔribu seeye, u ra maa taka ko ye ya ǹ daa wãa.
28108	ROM 4:18	Aburahamu u Gusunɔ naanɛ doke ka yĩiyɔbu, baa mɛ u ǹ ka yen swaa wa ye u yĩiyɔ. Yen sɔ̃na u kua “bwese dabinun baaba” nɡe mɛ Gusunɔ u raa ɡerua u nɛɛ, “nɡe mɛya wunɛn bwesera koo dabia.”
28113	ROM 4:23	Adama ye ba yorua ba nɛɛ, “ba nùn ɡarisi ɡemɡii,” ba ǹ yi yorua wi turon sɔ̃.
28166	ROM 7:7	Ǹ n mɛn na, mba sa ko ɡere. Wooda ya sãa toraru? Aawo. Woodan saabuwa na mam toraru ɡia. Domi na ǹ daa binɛ ɡiamɔ wooda yà kun nɛɛ, “I ku ra binɛ ko.”
28220	ROM 8:36	Nɡe mɛ ba yorua, “Wunɛn sɔ̃na ba sun ɡoomɔ tɔ̃ru baatere. Ba sun mɛɛra nɡe yãa ni ba koo saka.”
28230	ROM 9:7	N ǹ maa mɔ be kpuro be ba marura Aburahamun min di beya ba sãa win bibu Gusunɔn mi. Domi Gusunɔ u Aburahamu sɔ̃ɔwa u nɛɛ, “Isakin biba ba koo soku wunɛn bweseru.”
28232	ROM 9:9	Gari yi wee, yi Gusunɔ u ka nɔɔ mwɛɛ te kua. U nɛɛ, “Gasɔkun amadaare kon wurama, yen biru Saaraa koo bii tɔn durɔ ma.”
28234	ROM 9:11	Adama Gusunɔ u ra tɔmbu ɡɔsiwa win himba sɔɔ, n ǹ mɔ ben kookoosun sɔ̃, adama ka win sokura. U ka sɔ̃ɔsi ma u win himba ye swĩi, u Rebeka sɔ̃ɔwa u nɛɛ, “Mɔɔ u koo win wɔnɔ wiru kpĩiya.” U ye ɡerua Rebeka u sere win bibu mara sanam mɛ ba ǹ ɡea ǹ kun mɛ kɔ̃sa koore.
28236	ROM 9:13	Nɡe mɛ ba yorua Gusunɔn ɡari sɔɔ, “Na Yakɔbu kĩa adama na Esau yina.”
28238	ROM 9:15	Domi u Mɔwisi sɔ̃ɔwa u nɛɛ, “Wìn wɔnwɔndu na mɔ, wiya kon wɔnwɔndu kua. Wi na maa ka duure, wiya na kon ka duura.”
28240	ROM 9:17	Domi ba yorua ma Gusunɔ u Eɡibitin sunɔ sɔ̃ɔwa u nɛɛ, “Yenin sɔ̃na na nun seeya, kpa n ka nɛn dam sɔ̃ɔsi wunɛ sɔɔ, kpa nɛn yĩsiru tu ka nɔɔra handunia kpuro sɔɔ.”
28248	ROM 9:25	Yeniwa Gusunɔ u ɡerua win sɔmɔ Oseen tireru sɔɔ. U nɛɛ, “Tɔn be ba ǹ daa sãa nɛɡibu, kon bu soku nɛn tɔmbu. Bwese te na ǹ daa kĩɛ, kon tu soku nɛn kĩnasiru.
28249	ROM 9:26	Yam mi ba raa maa bu sɔ̃ɔwa ba nɛɛ, ba ǹ sãa nɛn tɔmbu, miya ba koo bu soku Gusunɔ Yinni wason bibu.”
28250	ROM 9:27	Ma Gusunɔn sɔmɔ Esai u nɔɔɡiru sua u ɡerua Isireliban sɔ̃ u nɛɛ, “Baa Isireliba bà n dabia, nɡe nim wɔ̃kun yanim, ben sukum tɔnawa koo faaba wa.
28251	ROM 9:28	Domi Gusunɔ koo yande win ɡere yibia mam mam handunia sɔɔ ye u raa ɡɔ̃ru doke.”
28252	ROM 9:29	N sãawa nɡe mɛ Esai u raa ɡerua u nɛɛ, “Gusunɔ, wɔllu ka tem Yinni ù kun daa sun bweseru tie, sa ko raa kowa nɡe Sodomu. Sa ko raa ka Gomɔra weena.”
28256	ROM 9:33	tèn ɡari ba yorua ba nɛɛ, “N wee, na kpee sokuratiru dokemɔ Siɔniɔ, kpee te ta ra torasie. Adama wi u nùn naanɛ doke u ǹ sekuru wasi.”
28261	ROM 10:5	Domi Mɔwisi u yorua u nɛɛ, “tɔnu wi u ɡea mɔ̀ ye wooda ya yiiremɔ, ɡea yen min diya u koo wãaru wa”.
28262	ROM 10:6	Adama nɡe mɛ ba koo tɔnu ɡem wɛ̃ naanɛ dokebun sɔ̃, yen ɡari wee, “A ku ɡere wunɛn ɡɔ̃ruɔ a nɛɛ, wara u koo yɔ Gusunɔ wɔllɔ.” Yen tubusiana, u ka Kirisi sarasiama.
28263	ROM 10:7	A ku maa ɡere, “Wara u koo du tem sɔɔwɔ.” Yen tubusiana, u ka Kirisi seesia ɡɔrin di.
28264	ROM 10:8	Adama mba ɡari yi, yi ɡerua. Yi nɛɛwa, “Gusunɔn ɡari yi, yi wãa wunɛn turuku, yi mam wãa wunɛn nɔɔwɔ ka wunɛn ɡɔ̃ruɔ.” Yi sãawa naanɛ dokebun ɡari yi sa waasu mɔ̀, yi yi nɛɛ,
28267	ROM 10:11	Nɡe mɛ ba yorua Gusunɔn ɡari sɔɔ ba nɛɛ, “Baawure wi u nùn naanɛ doke, u ǹ sekuru wasi.”
28269	ROM 10:13	Domi ba yorua ba nɛɛ, “Baawure wi u Yinnin yĩsiru soka, u koo faaba wa.”
28271	ROM 10:15	Amɔna ba koo ka ɡari yi waasu ko ɡoo ù kun bu ɡɔre. Nɡe mɛ ba yorua, “Anna a ben naarun dobu nɔ be ba Labaari ɡea kparamɔ.”
28272	ROM 10:16	Adama n ǹ be kpuro ba Labaari ɡea wura, domi Gusunɔn sɔmɔ Esai u nɛɛ, “Yinni, wara u naanɛ doke ye sa nɔɔsia.”
28274	ROM 10:18	Adama na bikiamɔ, ka ɡeema ba ǹ nɔɔre ro? Ba nua. Domi ba yorua, “Nɔɔ ɡe, ɡa nɔɔra tem kpuro sɔɔ, ma ɡari yi, yi tura sere handunian nɔrɔ.”
28275	ROM 10:19	Na bikiamɔ kpam, Isireliba ba ǹ yɛ̃ ro? Gbiikaa, Mɔwisi u yorua, ma Gusunɔ u nɛɛ, “Na kon bɛɛn nisinu seeya ka bwese te i ǹ ɡarisi ɡãanu. Kon maa bɛɛn mɔru seeya ka bwese bwisi sariruɡiru.”
28276	ROM 10:20	Yen biru Esai u yorua ka toro sindu ma Gusunɔ u nɛɛ, “Be ba ǹ man kasu ba man wa. Na maa bu nɛn tii sɔ̃ɔsi be ba ǹ man bikiamɔ.”
28277	ROM 10:21	Adama u maa yorua Isireliban sɔ̃ ma Gusunɔ u nɛɛ, “Na tɔn be ba ra n man seesimɔ nɔma ɡãri tɔ̃ru kpuro.”
28280	ROM 11:3	“Yinni, ba wunɛn sɔmɔbu ɡo ba wunɛn yãku yenu surura. Nɛ turowa na tie, ba maa kasu bu man hunde wuna.”
28281	ROM 11:4	Adama mba Gusunɔ u wisa. U nɛɛ, “Na nɛn tii tɔmbu nɔrɔbun suba nɔɔba yiru (7.000) derie, be ba kun yiirare bũu wi ba mɔ̀ Baalin nuurɔ.”
28285	ROM 11:8	Nɡe mɛ ba yorua, “Gusunɔ u ben laakari sikarisia. U bu nɔni wɛ̃ yi ba ǹ kpɛ̃ bu ka yam wa. U maa bu swasu wɛ̃ si ba ǹ kpɛ̃ bu ka ɡari nɔ sere ka ɡisɔ.”
28286	ROM 11:9	Ma Dafidi u nɛɛ, “Kpa ben tɔ̃ɔ baka dim mu de bu tora kpa bu yina mwaara, kpa bu sɛɛyasiabu wa bi bu ka bu dɛnde.
28287	ROM 11:10	A de ben nɔni yi wukiri bu ku ka wa. Kpa a de ba n bu taare ka baadommaɔ.”
28303	ROM 11:26	Nɡe mɛya Isireliba kpuro ba koo faaba wa, nɡe mɛ ba yorua, “Yakio u koo na saa Siɔnin di. Kpa u Gusunɔn bɛɛrɛ yɛ̃ru sariru wuna saa Yakɔbun bweserun di.
28304	ROM 11:27	Yeniwa arukawani ye kon ka bu bɔke sanam mɛ kon ben toraru wuna.”
28311	ROM 11:34	Ka ɡeema ba yorua, “Wara u Yinnin bwisikunu yɛ̃. Wara u nùn bwisi kɛ̃ɛre.
28312	ROM 11:35	Wara u ɡbia u nùn ɡãanu kɛ̃ɛre, u n ka sere nin kɔsire yĩiyɔ.”
28332	ROM 12:19	Kĩnasibu, i ku maa mɔru kɔsia bɛɛn tii, adama i de Gusunɔ u bɛɛ mɔru kɔsia, domi ba yorua, Gusunɔ u nɛɛ, “Wiya u koo bu mɔru kɔsie. Kpa u bu sɛɛyasia.”
28333	ROM 12:20	Ba maa yorua, “Gɔ̃ɔru tà n wunɛn yibɛrɛ mɔ̀, a nùn dĩanu kɛ̃ɛyɔ u di. Nim nɔru ɡà n nùn mɔ̀, a nùn nim kɛ̃ɛyɔ u nɔ. Domi à n kua mɛ, a nùn dɔ̃ɔ sɔbiwa mi.”
28343	ROM 13:9	Domi wooda yeniba be ba nɛɛ, “I ku ra sakararu ko, i ku ra tɔnu ɡo, i ku ra ɡbɛni, i ku ra binɛ ko,” ka wooda kpuro ye ya tie, ya wãa ɡari yini sɔɔ mi ba nɛɛ, “A wunɛn tɔnusi kĩɔ nɡe wunɛn tii tii.”
28359	ROM 14:11	Domi ba yorua, “Yinni Gusunɔ u nɛɛ, sere ka nɛn wãaru, dũuru baatere ta koo yiira nɛn wuswaaɔ. Nɔɔ baaɡere ɡa koo maa man bɛɛrɛ wɛ̃.”
28374	ROM 15:3	Domi baa Kirisin tii u ǹ ɡɔsa ye n da nùn dore, adama nɡe mɛ ba yorua, u Gusunɔ sɔ̃ɔwa u nɛɛ, “Be ba nun wɔmmɔ, ben wɔma wɔri nɛ sɔɔ.”
28380	ROM 15:9	Kpa tɔn tukobu bu nùn bɛɛrɛ wɛ̃ win wɔnwɔndun sɔ̃ nɡe mɛ win ɡari ɡerua yi nɛɛ, “Yen sɔ̃na, kon nun siara bwesenun suunu sɔɔ. Kpa n womu ko n ka wunɛn yĩsiru bɛɛrɛ wɛ̃.”
28381	ROM 15:10	Yi kpam nɛɛ, “Bɛɛ tɔn tukobu, i nuku dobu koowo ka win tɔmbu sannu.”
28382	ROM 15:11	Ma yi maa nɛɛ, “Bɛɛ bwesenu kpuro, i Yinni Gusunɔ siaro. Bɛɛ handuniaɡibu kpuro, i nùn bɛɛrɛ wɛ̃ɛyɔ.”
28383	ROM 15:12	Gusunɔn sɔmɔ Esai maa nɛɛ, “Isain bweserun di, ɡoo u koo se nɡe dãa kpii pɔtura. Kpa u ko tɔn tukobun sunɔ. Kpa ba n yĩiyɔbu mɔ wi sɔɔ.”
28392	ROM 15:21	Adama nɡe mɛ ba yorua, “Bèn mi ba ǹ daa win ɡari ɡerure, ba koo yam wa. Be ba kun daa maa win baaru nɔɔre, n ko n bu yeeri.”
28450	1CO 1:19	Domi ba yorua ma Gusunɔ u nɛɛ, “Kon laakariɡibun laakari kam koosia, kpa n bwisiɡibun bwisi kpeerasia.”
28462	1CO 1:31	Yen sɔ̃, “Wi u woo kanamɔ, u woo kanɔ Yinnin sɔ̃,” nɡe mɛ ba yorua.
28471	1CO 2:9	Adama nɡe mɛ ba yorua, “Ye nɔni kun waare, ye swaa kun nɔɔre, ye ya ǹ maa duure tɔnun ɡɔ̃ru sɔɔ, yeya Gusunɔ u bu sɔɔru kua be ba nùn kĩ.”
28478	1CO 2:16	“Domi wara u Yinnin bwisikunu yɛ̃. Wara u nùn bwisi kɛ̃ɛre.” Goo sari. Adama bɛsɛra sa Kirisin bwisikunu yɛ̃.
28497	1CO 3:19	Domi handunian bwisi sãawa wiiraru Gusunɔn nɔni sɔɔ. Ba yorua, “U ra dewa bwisiɡibun tiin bwisi yi bu yina mwa.”
28498	1CO 3:20	Ba kpam yorua ba nɛɛ, “Yinni Gusunɔ u tɔmbun bwisikunu yɛ̃, u yɛ̃ ma nu sãawa kam dirum.”
28551	1CO 6:16	I ǹ yɛ̃ ma wi u ka kurɔ tanɔ mɛnna, u kua wasi tee ka wi? Domi ba yorua, “Be yiru ba koo ko wasi tee.”
28617	1CO 9:9	Domi Mɔwisin wooda sɔɔ ba yorua, “I ku bɛɛn naa kinɛrun nɔɔ bɔke saa ye ta sɔmburu mɔ̀ dĩanu sɔɔ.” Naan sɔ̃na Gusunɔ u yeni ɡerua?
28642	1CO 10:7	Kpa i ku ra maa bũu sã nɡe mɛ beɔnɔn ɡabu ba kua. Domi ba yorua, “Tɔn be, ba sina ba di, ba nɔra, ma ba seewa ba kom bɛrɛtɛkɛ mɔ̀.”
28767	1CO 14:21	Gusunɔn woodan tireru sɔɔ ba yorua, “Yinni u nɛɛ, kon de bu nɛn ɡari nɔ be ba barum tukum ɡerumɔn nɔɔn di, ka maa sɔbun nɔɔ sɔɔn di. Adama ka mɛ, ba ǹ nɛn ɡari swaa dakimɔ.”
28813	1CO 15:27	Domi ba yorua ba nɛɛ, “Ba dera u kua ɡãanu kpuron wiruɡii.” Adama sanam mɛ u ɡerua ba dera u kua ɡãanu kpuron wiruɡii, n sun yeeri ma wi u dera u kua yen wiruɡii, u ǹ wãasi sɔɔ.
28840	1CO 15:54	Tɛ̃ yi yi ra sankire yì n kɔsa yi yi ku ra sankire, ɡɔɔɡii yì n maa kɔsa yi yi ku ra ɡbi, yera ye ba yorua ya koo koora ye ba nɛɛ, “U dera ɡɔɔ kpa, ma nasara sina.”
28841	1CO 15:55	“Gɔɔ, mana wunɛn nasara wãa. Gɔɔ, mana wunɛn sɔsɔ dɛ̃ɛɡira wãa.”
28925	2CO 3:16	Adama nɡe mɛ Gusunɔn ɡari ɡerumɔ, “Sanam mɛ tɔnu u Yinni wuswaa kisi, sɔnditia ye, ya ra wunarewa.”
28940	2CO 4:13	Bɛsɛn naanɛ dokebu bu sãa nɡe yɛ̃roɡibu wi u yorua u nɛɛ, “Na naanɛ doke, yen sɔ̃na na ɡari ɡerua.” Ǹ n mɛn na, bɛsɛ maa sa naanɛ doke, yen sɔ̃na sa ɡari ɡerumɔ.
28968	2CO 6:2	Domi Gusunɔ u nɛɛ, “Na nun swaa daki sanam mɛ na tɔmbu durom kuammɛ. Na nun somi faaban tɔ̃ru.” Wee, tɛ̃ra n weenɛ i Gusunɔn durom mwa, ɡisɔra faaban tɔ̃ru.
28982	2CO 6:16	Amɔna Gusunɔn sãa yeru ka bũnu ko n ka nɔɔ tia sãa. Domi bɛsɛra sa sãa Gusunɔ, Yinni wason wãa yeru nɡe mɛ win tii u ɡerua, “Kon sina na n wãa ben suunu sɔɔ. Kon ko ben Yinni, kpa bu ko nɛn tɔmbu.”
28983	2CO 6:17	Yen sɔ̃na Yinni u nɛɛ, “I yario bwese tukunun suunu sɔɔn di. I ku ɡãanu baba ni nu disi mɔ. Kon bɛɛ wura.
28984	2CO 6:18	Kon ko bɛɛn Baaba. Bɛɛ maa kpa i ko nɛn bii tɔn durɔbu ka tɔn kurɔbu. Yeya Yinni dam kpuroɡii u ɡerua.”