8	GEN 1:8	Ma u ɡãa ni soka wɔllu. Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru yiruse.
13	GEN 1:13	Ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru itase.
19	GEN 1:19	Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru nnɛse.
23	GEN 1:23	Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru nɔɔbuse.
31	GEN 1:31	Yera u mɛɛra kpuro ye u kua, ma n nùn wɛ̃re ɡem ɡem. Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru nɔɔba tiase.
42	GEN 2:11	Gbiikaan yĩsira Pisoni. Yeya ya tem mɛ ba mɔ̀ Hafila sikerenɛ.
44	GEN 2:13	Kɛra yirusen yĩsira maa Gihoni. Yeya ya tem mɛ ba mɔ̀ Kusi sikerenɛ.
45	GEN 2:14	Kɛra itasewa maa Tiɡiri. Yeya ya kokumɔ tem mɛ ba mɔ̀ Asirin sɔ̃ɔ yari yeru ɡia. Kɛra nnɛsewa maa Efarati.
56	GEN 2:25	Saa ye sɔɔ, durɔ wi ka win kurɔ terera ba wãa. Sekura kun maa ben ɡoo mɔ̀.
63	GEN 3:7	Yera be yiru kpuron nɔni wukiara ba ɡia ma terera ba wãa. Ma ba da ba dãa te ba mɔ̀ fiɡien wuru bakasu bura ba swɛɛna ba ka tii ɡandi.
87	GEN 4:7	Geema, à n ɡea mɔ̀, wunɛn bwɛ̃ra ko n kpĩ. Ǹ n maa kɔ̃san na a mɔ̀, durum ya kpĩ wunɛn dii kɔnnɔwɔ nɡe yaa ɡɔba ya nun mara. Adama a de a ye kamia.
94	GEN 4:14	A man ɡire ɡisɔ tem mɛn di. Na dɔɔ na n kukua mi n toma wunɛn min di, kpa na n sãa kpiko na n yaayaare mɔ̀ handunia sɔɔ. Wi u man wa kpuro, kpa u man ɡo.
135	GEN 5:29	Ma u nùn yĩsiru kã Nɔwɛ, u nɛɛ, winiwa koo sun somi bɛsɛn wasiraru ka bɛsɛn sɔm sɛ̃sɔɡia sɔɔ ye sa mɔ̀ yèn sɔ̃ Yinni Gusunɔ u tem bɔ̃rusi.
188	GEN 8:4	Suru nɔɔba yirusen sɔ̃ɔ wɔkura nɔɔbu ka yiruse sɔɔ, yera kpakoro te, ta da ta yɔ̃ra ɡuu te ba mɔ̀ Araratin wɔllɔ.
191	GEN 8:7	U ɡbanamɡbaaru yɔ̃su ta n ka yaayaare mɔ̀ ta n daamɔ ta n wuramamɔ sere nim mu ka ɡbera temɔ.
226	GEN 9:20	Sanam mɛya Nɔwɛ u wukubu torua u dãa bii ni ba mɔ̀ resɛm duura.
246	GEN 10:11	Tem min diya u yara u da Asirin temɔ. Ma u wuu sini bana si ba mɔ̀ Ninifu ka Rehobɔtuhiro ka Kalasi,
265	GEN 10:30	Ba sinawa saa Mɛsan di sere ka ɡuu te ta wãa sɔ̃ɔ yari yeru ɡia te ba mɔ̀ Sefaa.
298	GEN 11:31	Yen biru Tera u win bii Aburamu sua ka Saarai Aburamun kurɔ ka Lɔtu Haranin bii, ba seewa ba yara sannu Urun di Kaladen temɔ ba dɔɔ Kananin temɔ. Ye ba tura wuu ɡe ba mɔ̀ Karaniɔ ma ba sina mi.
305	GEN 12:6	Ye ba tura mi, ma Aburamu u tem mɛ bukiana sere u ka tura Sikɛmuɔ mi dãa sɔ̃ɔ ɡa wãa ɡe ba mɔ̀ Mɔre. Kananiba maa wãa tem mɛ sɔɔ, saa ye.
329	GEN 13:10	Ma Lɔtu u nɔni seeya u Yuudɛnin daarun bera mɛɛra sere n ka da wuu ɡe ba mɔ̀ Soari. U wa tem mu ɡea sãa mu nike nikeru mɔ nɡe ɡbaa te Yinni Gusunɔ u kua Edɛniɔ, ǹ kun mɛ Eɡibitin tem. N deema Yinni Gusunɔ kun ɡina Sodomu ka Gomɔra kpeerasie.
337	GEN 13:18	Ma Aburamu u win dii bekuruɡinu kparenu kua u da u sina Manden sɔ̃ɔwɔ, wuu ɡe ba mɔ̀ Heboronin bɔkuɔ. Ma u yãku yeru bana u ka Yinni Gusunɔ sã mi.
343	GEN 14:6	Ba maa Horiba tabu di ben ɡuu te ba mɔ̀ Seiriɔ sere Paranin sɔ̃ɔwɔ ɡe ɡa wãa ɡbaburun bera.
346	GEN 14:9	Sinam beya Kedolamɛɛ, Elamun sunɔ, ka Tideali, Goyimun sunɔ, ka Amurafɛli, Sinɛan sunɔ, ka Ariɔku, Elasan sunɔ. Sinambu nnɛ be, ba ka nɔɔbu be tabu mɔ̀.
379	GEN 15:18	Nɡe mɛya u ka Aburamu arukawani bɔkua tɔ̃ɔ te sɔɔ u nɛɛ, wunɛn bwesera kon tem mɛni wɛ̃ saa daa piibu ɡe ɡa wãa Eɡibitin tem nɔɔ bura yerun di sere daa baka ten mi, te ba mɔ̀ Efarati.
394	GEN 16:12	Bii wi, u ko n sãawa nɡe kɛtɛku ɡbeeku. U ko n ka tɔmbu kpuro nɔɔ ɡɔmunu mɔ̀. Tɔmbu kpuro ba koo maa ka nùn nɔɔ ɡɔmunu ko. U ko n ka win dusibu tondinɛ.
406	GEN 17:8	Kpa n wunɛ ka wunɛn bibun bweseru Kananin tem mɛ wɛ̃, mɛ̀ sɔɔ a wãa mi, a sɔru dimɔ. Mɛ kpuro mu koo ko beɡim sere ka baadommaɔ kpa na n sãa ben Yinni.
444	GEN 18:19	Domi wiya na ɡɔsa u ka win bibu ka ben bweseru wooda wɛ̃ bu nɛn swaa swĩi kpa ba n sĩimɔ dee dee ba n nɛn kĩru mɔ̀, kpa n nɛn nɔɔ mwɛɛnu yibia ni na nùn kua.
446	GEN 18:21	Yen sɔ̃na kon sara kpa n wa bà n mɔ̀ ka ɡem nɡe mɛ na nɔɔmɔ. Ǹ kun mɛ, kpa na n yɛ̃.
449	GEN 18:24	Sɔrɔkudo tɔn ɡeobu weeraakuru ba ko n wãa wuu ɡe sɔɔ, be ba wunɛn kĩru mɔ̀. Ǹ n man na, kaa maa bu ɡowa? A ǹ wuu ɡen tɔmbu suuru kuammɛ tɔmbu weeraaku ten sɔ̃?
456	GEN 18:31	Ma Aburahamu u nɛɛ, Yinni, wee na kãka na ka nun ɡari mɔ̀. Ǹ n tɔn ɡeobu yɛndun na ta maa wãa mi ni? Ma Yinni Gusunɔ u nɛɛ, na ǹ ɡu kpeerasiamɔ nà n yɛn te wa.
473	GEN 19:15	Buru buru yam sãreru ɡɔrado be, ba Lɔtu nɔɔ ɡɛ̃ɛ ba mɔ̀, a seewo a wunɛn kurɔ sua ka wunɛn bii wɔndiaba yiru be ba wãa mini kpa i ku ra kam ko bà n wuu ɡe kpeerasiamɔ.
479	GEN 19:21	Ma ɡɔrado wi, u nɛɛ, kon kpam nun durom kua. Wuu ɡèn ɡari a mɔ̀ mi, na ǹ ɡu kpeerasiamɔ.
489	GEN 19:31	Yera win bii yeruma u win wɔnɔ sɔ̃ɔwa u nɛɛ, bɛsɛn tundo wee, u tɔkɔ kua. Tɔn durɔ ɡoo maa sari bera mi, wi u koo sun sua nɡe mɛ siba mɔ̀ tem baama.
497	GEN 20:1	Yeniban biru Aburahamu u seewa Manden di, ma u da sɔ̃ɔ yɛ̃san nɔm dwaru ɡia Nɛɡɛbuɔ Kadɛsi ka Surin baa sɔɔ, u da u wãa wuu ɡe ba mɔ̀ Geraɔ.
531	GEN 21:17	Gusunɔ u bii win nɔɔ nua ma win ɡɔrado u Aɡaa soka wɔllun di u nɛɛ, mba n nun mɔ̀, Aɡaa. A ku nanda, domi Gusunɔ u bii win nɔɔ nua mi u wãa.
534	GEN 21:20	Gusunɔ u wãa ka bii wi, sanam mɛ u kpɛ̃amɔ. U wãa ɡbaburɔ te ba mɔ̀ Parani, ma u kua tɛn towo. Win mɛro maa nùn kurɔ sua Eɡibitin tem di.
536	GEN 21:22	Saa ye sɔɔra Abimɛlɛki ka win tabu sunɔ wi ba mɔ̀ Pikoli ba na Aburahamun mi. Ba nùn sɔ̃ɔwa ba nɛɛ, sa wa ma Gusunɔ u wãa ka wunɛ ye a mɔ̀ kpuro sɔɔ.
572	GEN 22:24	Nakorin kurɔ ɡoo wi ba mɔ̀ Reuma u maa nùn bibu marua. Bera Tebaki ka Gahamu ka Tahasi ka Maaka.
581	GEN 23:9	kpa u man Makpelan kpee wɔru ɡe ɡa wãa win ɡbee ɡoorɔ deria kpa n nùn ɡobi kɔsia nɡe mɛ̀n nɔɔ u ɡerua, kpa ɡu ko nɛn siku yeru bɛɛn suunu sɔɔ.
641	GEN 24:49	Tɛ̃, ì n kĩ i nɛn yinni durom ka bɔrɔkiniru kua, i man sɔ̃ɔwɔ. Ì kun maa mɔ̀, i man sɔ̃ɔwɔ, kpa n da ɡam.
654	GEN 24:62	N deema Isaki u wurama dɔkɔn di ye ba mɔ̀ Gusunɔ u man waamɔ, ma u da u wãa ɡbaburɔ Nɛɡɛbuɔ.
670	GEN 25:11	Aburahamun ɡɔɔn biru Gusunɔ u win bii Isaki domaru kua. Saa ye sɔɔ, u wãawa dɔkɔn bɔkuɔ ye ba mɔ̀ Gusunɔ u man waamɔ.
688	GEN 25:29	Sɔ̃ɔ teeru nɡe mɛ Yakɔbu u aɡbaara ye ya swɛ̃ri mɔ̀, yera Esau u wurama taaso ɡberun di ka wasira bakaru.
700	GEN 26:7	Ye u wãa mi, tɔmbu bà n nùn win kurɔn ɡari bikia, u ra nɛɛ, win sesuwa yèn sɔ̃ u bɛrum mɔ̀ bu ku raa nùn ɡo ù n nɛɛ win kurɔwa. Domi Rebeka u sãawa kurɔ burɔ.
701	GEN 26:8	Nɡe mɛ u tɛɛmɔ wuu mi, yera sɔ̃ɔ teeru Abimɛlɛki Filisitiban sunɔ wi, u mɛɛrima saa win dirun fɛnɛntin di u wa wee, Isaki ka Rebeka ba bɔnda mɔ̀.
805	GEN 29:9	Saa ye u ka bu ɡari mɔ̀ mi, yera Rasɛli u tunuma ka win tundon yãanu, domi wiya u sãa nin kparo.
857	GEN 30:26	Kpa a de n ka nɛn kurɔbu ka nɛn bibu da bèn sɔ̃ na nun sãwa. A maa yɛ̃ kɔ mɛ̀n nɔɔ na nun sɔmburu kua.
860	GEN 30:29	Yera Yakɔbu u nùn wisa u nɛɛ, wunɛn tii a yɛ̃ nɡe mɛ̀n nɔɔ na nun sãwa. A maa wa nɡe mɛ̀n nɔɔ wunɛn yãa ɡɔ̃ɔ ɡa kuura nɛn nɔmaɔ.
875	GEN 31:1	Sɔ̃ɔ teeru Yakɔbu u nua Labanin bibu ba ɡerumɔ ba mɔ̀, Yakɔbu u bɛsɛn tundon arumani kpuro ɡura ma u kua dukiaɡii.
893	GEN 31:19	Ye ba doonɔ, yera Rasɛli u da u win tundo Labanin bũu wi ba mɔ̀ Terafimu ɡbɛna. N deema saa ye sɔɔ, Labani u win yãanun sansu bɔɔrimɔ.
895	GEN 31:21	U win ye u mɔ kpuro ɡura. Ma u da u daa te ba mɔ̀ Efarati tɔbura u doona Galadin ɡuunu ɡia.
901	GEN 31:27	Mban sɔ̃na a duka sua asiri sɔɔ, a ǹ man nɔɔ kanɛ. À n daa man sɔ̃ɔwa, kon de a doona ka nuku dobu ba n womusu mɔ̀, kpa ba n mɔrɔkunu ka ɡãasu soomɔ.
904	GEN 31:30	Wee a doonɔ wunɛn baaban yɛnuɔ ɡèn bɛkɛ a ra n mɔ̀, a ǹ maa wee mini. Adama mban sɔ̃na a nɛn bũu kpɛɛru ɡbɛna.
930	GEN 32:2	Yakɔbu u swaa mɔ̀ u doonɔ, yera Gusunɔn ɡɔradoba ba ka nùn yinna.
932	GEN 32:4	Yera u sɔmɔbu ɡɔra win mɔɔ Esaun mi, Edɔmun temɔ mɛ ba maa mɔ̀ Seiri.
940	GEN 32:12	Na nun kanamɔ a man wɔro saa nɛn mɔɔ Esaun nɔmun di. Domi na bɛrum mɔ̀ u ku raa sun wɔrima u ɡo ka nɛn kurɔbu ka bibu sannu.
954	GEN 32:26	Ye durɔ wi, u wa ma u ǹ kpɛ̃ u Yakɔbu sura, ma u win ɡãa kpɔɔ so, ɡa sɔsiara ye ba wɔri mɔ̀.
979	GEN 33:18	Yen biru u seewa min di u tura ka alafia Kananin temɔ mìn di u raa da Padanaramuɔ. Ma u win kunu ɡira wuu ɡe ba mɔ̀ Sikɛmun bɔkuɔ.
989	GEN 34:8	Sanam mɛ u tunuma u nɛɛ, nɛn bii Sikɛmu u wunɛn bii wɔndia wi ba mɔ̀ Dinan ɡɔɔ ɡbimɔ kĩrun sɔ̃. Yen sɔ̃, a suuru koowo a nùn wɔndia wi kɛ̃ɛyɔ u sua kurɔ.
991	GEN 34:10	Yen biru i ko n wãa bɛsɛn tem mɛ sɔɔ, i n mɔ̀ ye i kĩ, i n tenkuru mɔ̀ kpa i dukia wa.
993	GEN 34:12	Yen sɔ̃, i man dokiri ɡobi bɛkɛ bureo ka kɛ̃ɛ dabinu nɡe mɛ̀n nɔɔ i kĩ. Kon ye kpuro wɛ̃ ì n ko ɡesi man bii wi kɛ̃ n sua kurɔ.
1002	GEN 34:21	tɔn beni ba ka sun do. Yen sɔ̃, su de ba n wãa bɛsɛn tem mɛ sɔɔ ba n tenkuru mɔ̀. Domi tem mɛ, mu kpã. Kpa su ben wɔndiaba sua kurɔbu, kpa be, bu maa bɛsɛɡibu sua kurɔbu
1029	GEN 35:17	Sanam mɛ u wahala mɔ̀, yera marusio u nùn sɔ̃ɔwa u nɛɛ, a ku nanda, bii tɔn durɔwa a maa wa.
1039	GEN 35:27	Yen biru Yakɔbu u tura win tundo Isakin mi, Mandeɔ, Kiriati Ariban bɔkuɔ ye ba maa mɔ̀ Heboroni. Miya Aburahamu ka Isaki ba sɔru di.
1051	GEN 36:10	Elifasi, Adan bii u seewa u Temani mara ka Omaa ka Sefo ka Gatamu ka Kenasi. Ma win kurɔ wi ba mɔ̀ Tinna u nùn Amalɛki marua. Rewɛli, Basimatin bii u maa seewa u Nahati ka Seraki ka Sama ka Misa mara. Bera ba kua Rewɛlin bweseru.
1063	GEN 36:22	Ye Lotani u seewa ma u Hori mara ka Hemamu. N deema Lotani wi, u sesu ɡoo mɔ wi ba mɔ̀ Tinna.
1078	GEN 36:37	Ye Samula u ɡu ma Sɔɔlu u ɡɔna kɔsire kua. Sɔɔlu wi, u sãawa Rehobɔtuɡii. Wuu ɡe, ɡa wãawa daa te ba mɔ̀ Efaratin ɡoorɔ.
1086	GEN 37:2	Win bibun ɡari wee. Ye Yosɛfu u kua wɔ̃ɔ wɔkura nɔɔbu ka yiru, u yaa sabenu kparamɔ ka win maabu. U ra n wãawa ka win tundo turosibu, Biliha ka Silipan bibu sannu. Yera u ra ben tundo dɔmɛyɛ daa kɔ̃sa ye win maa be, ba mɔ̀.
1087	GEN 37:3	N deema Yakɔbu wi ba maa mɔ̀ Isireli u Yosɛfu kĩ n win bii be ba tie kpuro kere, yèn sɔ̃ tɔkɔru sɔɔra u nùn mara. Ma u nùn tako nɔni bwese bwesekaɡia kua.
1095	GEN 37:11	Win maaba ka nùn nisinu nɛni, adama win tundo u ye kpuro lasabu mɔ̀ win ɡɔ̃ruɔ.
1122	GEN 38:2	Miya u Kananin wɔndia bii ɡoo wa wìn tundo ba mɔ̀ Sua. Ma u nùn sua kurɔ, ba mɛnna.
1130	GEN 38:10	Ye Onani u mɔ̀ mi, ya ǹ Yinni Gusunɔ dore. Yen sɔ̃na u maa dera u ɡu.
1134	GEN 38:14	Ye u nua mɛ, yera u win ɡɔmini yãnu pota, ma u tii sɔnditia wukiri nɡe kurɔ tanɔ, u da u sina wuu ɡe ba mɔ̀ Enaimun kɔnnɔwɔ Tinnan swaaɔ. Domi u wa Sela u kpɛ̃a, ba ǹ maa nùn wi wɛ̃ durɔ.
1153	GEN 39:3	Yinni wi, u wa ma Yinni Gusunɔ u ka nùn wãa, ma u maa nùn swaa kusiammɛ yabu baayere sɔɔ ye u mɔ̀.
1160	GEN 39:10	Baadommawa kurɔ wi, u ra n ka nùn ɡari yi mɔ̀. Ka mɛ, Yosɛfu u yina u ka nùn kpuna. U ku ra mam kã ba n wãa sannu.
1173	GEN 39:23	Wiruɡii wi, u ku ra mɛɛri ye Yosɛfu u mɔ̀ domi Yinni Gusunɔ u wãa ka wi. Ma u dera win ye u kua kpuro ya wɛ̃ra.
1239	GEN 41:43	Ma u dera ba nùn yɔɔsia kɛkɛ sɔɔ ye dumi ɡawe ya wiɡia swĩi. Gaba nùn ɡbiiye ba mɔ̀, i yiiro i yiiro. Nɡe mɛya Eɡibiti sunɔ u ka Yosɛfu kua tem mɛ kpuron wiruɡii.
1241	GEN 41:45	Ma u Yosɛfu yĩsiru kã Safenati Paniaki te ta sãa be Eɡibitiɡibun yĩsiru. Ma u nùn Potiferan bii Asinati kã kurɔ. Potifera wi, u sãawa wuu ɡe ba mɔ̀ Onin yãku kowo. Yosɛfu u mɔwa wɔ̃ɔ tɛna sanam mɛ Eɡibiti sunɔ u nùn kua wiruɡii. Ma Yosɛfu u doona u da u Eɡibitin tem kpuro bera.
1254	GEN 42:1	Ye Yakɔbu u nua dĩanu wãa Eɡibitiɔ, yera u win bibu bikia u nɛɛ, mban sɔ̃na i mɛɛrinɛ i ǹ ɡãanu mɔ̀.
1267	GEN 42:14	Yosɛfu kpam bu wisa u nɛɛ, weesa i mɔ̀. I nawa i ka bɛsɛn tem saria mɛɛri.
1276	GEN 42:23	Sanam mɛ ba ɡari yi mɔ̀, ba ǹ yɛ̃ Yosɛfu u ben barum nɔɔmɔ. Domi ɡoowa u ra bu ɡari tusie.
1287	GEN 42:34	kpa su ka nùn bɛsɛn wɔnɔ wi u wãa yɛnuɔ mi naawa. Nɡe mɛya u koo be ka ɡia ma sa sãa tɔn ɡeobu, sa ǹ weesu mɔ̀, sa ǹ maa sãa be ba ben tem saria mɛɛrim na. Kpa u sun bɛsɛn turo wi wesia. Mɛya u koo be maa de su tenkuru ko ben tem mi.
1292	GEN 43:1	Sanam dɔɔ sanam wee, ɡɔ̃ɔra dam mɔ̀ Kananin temɔ ta dɔɔ.
1301	GEN 43:10	Wunɛn tii a wa saa mìn di sa ɡari yi mɔ̀, sà n dɔɔn na, sa n ɡɔsiramɛ nɔn mɛɛruse.
1316	GEN 43:25	Ma Yosɛfun maa be, ba ben kɛ̃nu sɔɔru mɔ̀ sere u ka tunuma sɔ̃ɔ sɔɔ, domi ba nua ma sanna ba koo di ka wi.
1357	GEN 44:32	Yen biru nɛ wi na ɡari mɔ̀ mini, nɛna na tii bii wi sɔbi, domi na nɛɛ, nà kun ka nùn wuramɛ, n kua nɛn sɔmunu sere ka baadommaɔ.
1371	GEN 45:12	Bɛɛ kpuro ka wunɛn tii Bɛnyamɛɛ, i wa ka nɔni ma nɛna Yosɛfu, nɛ wi na ka bɛɛ ɡari mɔ̀ mini.
1388	GEN 46:1	Yakɔbu wi ba mɔ̀ Isireli u seewa u swaa wɔri ka ye u mɔ kpuro u tura Beri Sebaɔ. Miya u Gusunɔ yãkuru kua nɡe mɛ win tundo Isaki u ra raa ko.
1459	GEN 48:7	Na yeni mɔ̀wa yèn sɔ̃ na wunɛn mɛro Rasɛli kĩ. Ye sa wee Padanin di u man ɡbiiriwa swaaɔ Kananin temɔ ye n tie fiiko su ka Efarata du. Miya na nùn sika. Efarata yera ba mɔ̀ Bɛtelehɛmu.
1466	GEN 48:14	Adama Isireli u win nɔm ɡeu dɛmia u sɔndi Efaraimun wirɔ wi u sãa yãkabu. Ma u win nɔm dwaru sɔndi Manasen wirɔ. N deema Isireli u yɛ̃ sãa sãa ye u mɔ̀. U yɛ̃ ma Manasewa u sãa yeruma.
1472	GEN 48:20	U bu domaru kua dɔma te, u nɛɛ, Isireliba bà n domaru mɔ̀, bɛɛn yĩsa ba koo ka ko bu nɛɛ, Gusunɔ u nun koowo nɡe Efaraimu ka Manase. Nɡe mɛya u ka Efaraimu ɡbiisia.
1517	GEN 50:10	Ye ba tura doo soo yerɔ te ba ra soku Atadi, Yuudɛnin daarun ɡuruɔ, miya ba nɔɔɡiru sua tãa tãa ba ɡɔɔ wuri mɔ̀. Ma Yosɛfu u win tundon ɡɔɔ wooru sina mi, sɔ̃ɔ nɔɔba yiru.
1518	GEN 50:11	Kananin temɡibu ba ɡɔɔ woo te wa Atadin doo soo yeru mi, ma ba nɛɛ, wee, Eɡibitiɡibu ba ko n damɡii ɡoon ɡɔɔ mɔ̀. Yen sɔ̃na ba doo soo yee te soka Abɛli Misiraimu ka ben barum. Ta wãawa Yuudɛnin daarun ɡuruɔ.
1531	GEN 50:24	Yen biru u win maabu sɔ̃ɔwa u nɛɛ, na kon ɡbi adama Gusunɔ u koo na u bɛɛ yara tem mɛn di, kpa u ka bɛɛ da tem mɛ sɔɔ, mɛ̀n nɔɔ mwɛɛru u Aburahamu ka Isaki ka Yakɔbu kua.
1547	EXO 1:14	Ba birikiba muramɔ ka sɔndu, ba maa ɡbee sɔma baayere mɔ̀. Ma ben wãara sɛ̃sia domi ka nuku kɔ̃sura ba ka bu sɔma ye kpuro koosiamɔ.
1555	EXO 1:22	Ma Eɡibiti sunɔ u win tɔmbu kpuro wooda wɛ̃ u nɛɛ, i Heberuban bii wɛ̃ɛ tɔn durɔbu kpuro kpɛ̃ɛyɔ daa baka te ba mɔ̀ Nilu sɔɔ, kpa i bii wɛ̃ɛ tɔn kurɔbu deri.
1566	EXO 2:11	Sanam dɔɔ sanam wure, Mɔwisi u kpɛ̃a. Yera u win mɛro bisibu Heberuba beram da, u wa ba sɔm sɛ̃sɔɡinu mɔ̀. Ma u mam Eɡibitiɡii ɡoo wa u ben turo soomɔ u kĩ u ɡo.
1573	EXO 2:18	Saa ye ba ɡɔsira yɛnuɔ, ben tundo Rewɛlin mi, wi ba maa mɔ̀ Yetoro, u nɛɛ, amɔna i ka yellu wɔma mɛ ɡisɔ.