37	GEN 2:6	Adama kakoru ɡaru ta ra se tem di tu tem mɛ nikererasia kpuro.
45	GEN 2:14	Kɛra itasewa maa Tiɡiri. Yeya ya kokumɔ tem mɛ ba mɔ̀ Asirin sɔ̃ɔ yari yeru ɡia. Kɛra nnɛsewa maa Efarati.
48	GEN 2:17	Adama dãa tèn binu nu koo tɔnu ɡea ka kɔ̃sa ɡiasia, a ku ra ten binu di, domi dɔma te a nu di, kaa ɡbiwa.
49	GEN 2:18	Ka tema Yinni Gusunɔ u ɡbeeku yɛɛ kpuro kua ka ɡunɔsu kpuro, ma u ka ye kpuro na tɔnu win mi, u ka wa mɛ u koo ye yĩsiru kɛ̃. Ma tɔnu wi, u yaa sabenu kpuro ka ɡunɔsu ka ɡbeeku yɛɛ kpuro yĩsa kã. Yĩsi te tɔnu wi, u maa yaa baayere kã teya ba ka ye sokumɔ. Adama ye kpuro sɔɔ, sari ye ya ka nùn weenɛ ye ya koo nùn somi. Yen sɔ̃na Yinni Gusunɔ u nɛɛ, n ǹ wã tɔnu u n wãa wi turo. Kon nùn ɡoo kua u n sãa nɡe wi, wi u koo nùn somi.
65	GEN 3:9	Adama Yinni Gusunɔ u durɔ wi soka u nɛɛ, mana a wãa.
76	GEN 3:20	Ma Adamu u win kurɔ yĩsiru kã Efa, domi wiya u sãa tɔmbu kpuron mɛro.
77	GEN 3:21	Ma Yinni Gusunɔ u Adamu ka win kurɔ yaa ɡɔnan yabenu kua u bu sebusia.
80	GEN 3:24	Nɡe mɛya u ka Adamu ɡira ma u wɔllun kɔ̃sobu doke Edɛnin ɡbaa ten kɔnnɔwɔ, ɡe ɡa wãa sɔ̃ɔ yari yerun bera ɡia. Ba takobi nɛni ba ye fĩamɔ ma ya ballimɔ sɔ̃ɔ sɔɔ nɡe dɔ̃ɔ yara, ba ka dãa tèn binu nu koo tɔnu wãaru wɛ̃ kɔ̃su.
81	GEN 4:1	Yen biru Adamu ka win kurɔ Efa ba mɛnna ma Efa u ɡura sua u Kaɛni mara. Ma u nɛɛ, ka Yinni Gusunɔn somira na tɔnu taka kua.
82	GEN 4:2	Ma u maa ɡura sua u Abɛli, Kaɛnin wɔnɔ mara. Abɛli wiya u ra yãanu kpare, Kaɛni maa kua ɡbee wuko.
84	GEN 4:4	Ma Abɛli maa ka wiɡiru na te u ɡɔsa saa win yaa sabenun bii ɡbiikinun di ni nu bɔɔru. Yinni Gusunɔ u ka Abɛli nɔni ɡeu mɛɛra ma u win kɛ̃ru mwa.
85	GEN 4:5	Adama u ǹ ka Kaɛni nɔnu ɡeu mɛɛra, u ǹ maa win kɛ̃ru mwɛ. Ma Kaɛni u mɔru bara sere win wuswaa burisina.
87	GEN 4:7	Geema, à n ɡea mɔ̀, wunɛn bwɛ̃ra ko n kpĩ. Ǹ n maa kɔ̃san na a mɔ̀, durum ya kpĩ wunɛn dii kɔnnɔwɔ nɡe yaa ɡɔba ya nun mara. Adama a de a ye kamia.
88	GEN 4:8	Sɔ̃ɔ teeru Kaɛni u win wɔnɔ Abɛli sɔ̃ɔwa u nɛɛ, su da ɡberɔ. Sanam mɛ ba wãa mi, yera u win wɔnɔ wi sɛ̃re u ɡo.
89	GEN 4:9	Ma Yinni Gusunɔ u da Kaɛnin mi, u nùn bikia u nɛɛ, mana wunɛn wɔnɔ Abɛli u wãa. U wisa u nɛɛ, na yɛ̃ ro? Nɛna na nɛn wɔnɔn kɔ̃so?
94	GEN 4:14	A man ɡire ɡisɔ tem mɛn di. Na dɔɔ na n kukua mi n toma wunɛn min di, kpa na n sãa kpiko na n yaayaare mɔ̀ handunia sɔɔ. Wi u man wa kpuro, kpa u man ɡo.
95	GEN 4:15	Adama Yinni Gusunɔ u nùn sɔ̃ɔwa u nɛɛ, aawo, n ǹ mɛ. Goo ù n nun ɡo, kon yɛ̃ro mɔru kɔsiawa tia tian nɔn nɔɔba yiru. Ma u Kaɛni yĩreru koosi, wi u nùn wa u ku ka nùn ɡon sɔ̃.
99	GEN 4:19	Lemɛki wi, u kurɔbu yiru sua. Turon yĩsira Ada, turoɡira maa Sila.
100	GEN 4:20	Ada u Yabali mara. Wiya u sãa be ba wãa kunɔ ba yaa sabenu kparamɔn baaba.
103	GEN 4:23	Yera Lemɛki u win kurɔbu sɔ̃ɔwa u nɛɛ, i man swaa dakio, bɛɛ nɛn kurɔbu, Ada ka Sila. Na tɔnu ɡo bɛɛn sɔ̃ yèn sɔ̃ u man mɛɛra kua.
105	GEN 4:25	Adamu ka win kurɔ Efa ba mɛnna kpam, ma Efa u ɡura sua u bii tɔn durɔ mara u nùn yĩsiru kã Sɛti. U nɛɛ, domi Yinni Gusunɔ u kpam man bii tɔn durɔ kã u kua Abɛlin kɔsire, wi Kaɛni u ɡo.
107	GEN 5:1	Wee nɡe mɛ ba Adamun bweserun yĩsa yorua. Dɔma te Gusunɔ u tɔn durɔ ka tɔn kurɔ taka kua u bu kuawa win weenasibu.
109	GEN 5:3	Ye Adamu u kua wɔ̃ɔ wunaa teeru ka wɔkuru (130) u bii tɔn durɔ mara wi u ka nùn weenɛ mam mam. Ma u nùn yĩsiru kã Sɛti.
110	GEN 5:4	Sɛtin marubun biru Adamu wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nɛnɛ (800).
146	GEN 6:8	Adama Gusunɔ u ka Nɔwɛ nɔnu ɡeu mɛɛra
152	GEN 6:14	Adama wunɛ Nɔwɛ, a tii kpakoro bakaru kuo ka dãa damɡia, ta n dii sɔsu mɔ, kpa a tu dãa fĩifĩinu tɛɛni ten sɔɔwɔ ka tɔɔwɔ.
153	GEN 6:15	Amɛniwa kaa tu koosina. A de ten dɛ̃ɛbu bu n sãa ɡɔm soonu ɡooba wunɔbu (300) kpa ten yasum mu n sãa ɡɔm soonu weeraakuru, kpa ten ɡunum mu n sãa ɡɔm soonu tɛna.
154	GEN 6:16	A de ta n kpɛɛru mɔ wɔllɔ. Kpɛɛ te sɔɔ, kpa a fɛnɛnti ko yen dɛ̃ɛbu ka yasum mu n sãa ɡɔm soo teeru. Kpa a kɔnnɔ yaba ten yɛ̃saɔ, a kɛnutiru doke. A de ta n sãa ɡidambisa ita.
156	GEN 6:18	Adama wuna kon wure n ka nɛn arukawani bɔke. Kaa du kpakoro te sɔɔ, wunɛ ka wunɛn kurɔ ka wunɛn bibu ka ben kurɔbu sannu.
159	GEN 6:21	A maa dĩa ni ba ra di kpuro mɛnnɔ a yi kpa nu ko wunɛ ka yɛɛ yin dĩanu.
185	GEN 8:1	Adama Gusunɔ kun Nɔwɛ duari ka ɡbeeku yɛɛ kpuro ka yaa sabe ni kpuro yi yi ka nùn wãa kpakoro te sɔɔ. Ma u dera woo ɡa kua tem sɔɔ ma nim mɛ, mu kaaram torua.
188	GEN 8:4	Suru nɔɔba yirusen sɔ̃ɔ wɔkura nɔɔbu ka yiruse sɔɔ, yera kpakoro te, ta da ta yɔ̃ra ɡuu te ba mɔ̀ Araratin wɔllɔ.
193	GEN 8:9	Adama totobɛrɛ te, ta ǹ ayeru wa mi ta koo sura. Ma ta wura win mi, kpakoro te sɔɔ, yèn sɔ̃ nim ɡina tie tem sɔɔ kpuro. Ma Nɔwɛ u nɔmu dɛmia u tu mwa u doke kpakororu sɔɔ.
210	GEN 9:4	Adama i ku yaa tem ka yen yɛm sannu, i kun ye sake, domi yen yɛma mu dera ya wãa.
213	GEN 9:7	Adama i n maruramɔ i n dabiamɔ kpa i tɛria tem sɔɔ.
217	GEN 9:11	Arukawani yera, nim yiburu ta ǹ maa hunde koniba kpuro kam koosiamɔ, mɛya ta ǹ maa handunia kpeesiamɔ.
218	GEN 9:12	Arukawani ye na wure na bɔkumɔ ka bɛɛ ka hunde koni baayere sere ka baadommaɔ, yen yĩreru wee.
238	GEN 10:3	Ma Gomɛɛ u seewa u maa Asikenasi ka Rifati ka Toɡaama mara.
245	GEN 10:10	Nimurodu wi, u ɡina ɡbia u bandu di Babɛliɔ ka Erɛkiɔ ka Akadiɔ ka Kalinɛɔ Sinɛan temɔ.
246	GEN 10:11	Tem min diya u yara u da Asirin temɔ. Ma u wuu sini bana si ba mɔ̀ Ninifu ka Rehobɔtuhiro ka Kalasi,
248	GEN 10:13	Misiraimu wiya u Ludiba mara ka Ananiba ka Lehabuba ka Nafituba
251	GEN 10:16	Win bibun ɡaba ba kua Yebusiba ka Amɔreba ka Giriɡasiba
252	GEN 10:17	ka Hefiba ka Aakiba ka Siniba
253	GEN 10:18	ka maa Aafadiba ka Semariɡibu ka Hamatiba. Yen biru Kananin bwese kɛri yi, yi yarina.
254	GEN 10:19	Yi da da Sidoniɔ, Geran bera ɡia sere ka Gasaɔ ka maa Sodomuɔ ka Gomɔra ɡia ka Adima ka Seboimuɔ n ka ɡirari Lesaɔ.
257	GEN 10:22	Ben yĩsa wee, Elamu ka Asuri ka Aapasadi ka Ludi ka Aramu.
258	GEN 10:23	Ma Aramu u seewa u maa Usi ka Uli mara ka Getɛɛ ka Masi.
259	GEN 10:24	Aapasadi u maa Sela mara. Ma Sela u maa Heberu mara.
261	GEN 10:26	Ma Yokutani wi, u maa Alimɔdadi mara ka Selɛfu ka Hasamafɛti ka Yeraa
263	GEN 10:28	ka Obali ka Abimaɛli ka Saba
277	GEN 11:10	Sɛmun bibun bweseru wee. Nim yibu baka ten biru n kua wɔ̃ɔ yiru yera u Aapasadi mara. N deema saa ye sɔɔra u mɔ wɔ̃ɔ wunɔbu (100).
278	GEN 11:11	Aapasadin marubun biru Sɛmu u maa bii tɔn durɔbu ka tɔn kurɔbu marumɔ sere n ka kua wɔ̃ɔ nɛɛra wunɔbu (500).
279	GEN 11:12	Ye Aapasadi u kua wɔ̃ɔ tɛna ka nɔɔbu ma u Sela mara.
280	GEN 11:13	Selan marubun biru Aapasadi u maa bii tɔn durɔbu ka tɔn kurɔbu marumɔ sere n ka kua wɔ̃ɔ nɛɛru ka ita (403).
293	GEN 11:26	Tera u kua wɔ̃ɔ wata ka wɔkuru ma u Aburamu ka Nakori ka Harani mara.
294	GEN 11:27	Teran bibun bweseru wee. Tera u Aburamu mara ka Nakori ka Harani. Ma Harani u seewa u Lɔtu mara.
296	GEN 11:29	Aburamu ka Nakori ba kurɔbu sua. Aburamun kurɔn yĩsira Saarai, Nakoriɡiin yĩsira maa Milika. Wi ka Yisika ba sãawa Haranin bibu.
298	GEN 11:31	Yen biru Tera u win bii Aburamu sua ka Saarai Aburamun kurɔ ka Lɔtu Haranin bii, ba seewa ba yara sannu Urun di Kaladen temɔ ba dɔɔ Kananin temɔ. Ye ba tura wuu ɡe ba mɔ̀ Karaniɔ ma ba sina mi.
300	GEN 12:1	Yen biruwa Yinni Gusunɔ u Aburamu sɔ̃ɔwa u nɛɛ, a seewo wunɛn tem di a wunɛn wuu deri ka wunɛn tundon yɛnu a da tem ɡam mi kon nun sɔ̃ɔsi.
303	GEN 12:4	Yera Aburamu u swaa wɔri nɡe mɛ Yinni Gusunɔ u nùn sɔ̃ɔwa ma ba da sannu ka Lɔtu. Sanam mɛ ba yara Haranin di, Aburamu u mɔwa wɔ̃ɔ wata ka wɔkura nɔɔbu.
305	GEN 12:6	Ye ba tura mi, ma Aburamu u tem mɛ bukiana sere u ka tura Sikɛmuɔ mi dãa sɔ̃ɔ ɡa wãa ɡe ba mɔ̀ Mɔre. Kananiba maa wãa tem mɛ sɔɔ, saa ye.
306	GEN 12:7	Sɔ̃ɔ teeru yera Yinni Gusunɔ u Aburamu kure u nɛɛ, wunɛn bibun bwesera kon tem mɛ wɛ̃. Ma u yãku yeru bana u ka Yinni Gusunɔ sã wi u nùn kure mi.
307	GEN 12:8	Yen biruwa u seewa min di u da ɡuuru ɡarun bera ɡia Betɛlin sɔ̃ɔ yari yerɔ u win dii bekuruɡinu ɡira. U Betɛli mɛɛra sɔ̃ɔ kpee yeru ɡia, Ayi maa sɔ̃ɔ yari yerɔ. Miya u maa yãku yeru bana u Yinni Gusunɔ sãwa.
309	GEN 12:10	Ye Aburamu u tura mi, yera ɡɔ̃ɔra tunuma tem mɛ sɔɔ. Ma u seewa u da Eɡibitin temɔ u sina mi, domi ɡɔ̃ɔ te, ta kpɛ̃a win tem mi.
310	GEN 12:11	Sanam mɛ ba Eɡibitin tem turuku kua, Aburamu u win kurɔ Saarai sɔ̃ɔwa u nɛɛ, wee wunɛ kurɔ burɔwa.
315	GEN 12:16	Ma u Aburamu ɡea kua ɡem ɡem kurɔ win sɔ̃. U nùn yãanu kã ka nɛɛ ka kɛtɛkunu ka kɛtɛku mɛrobu ka yooyoosu ka yoo tɔn durɔbu ka tɔn kurɔbu.
316	GEN 12:17	Adama Yinni Gusunɔ u sunɔ wi ka win yɛnuɡibu kpuro wahala baka doke Saarai, Aburamun kurɔn sɔ̃.
317	GEN 12:18	Yera u Aburamu soka u nɛɛ, mban sɔ̃na a man kua mɛ. Mban sɔ̃na a ǹ man sɔ̃ɔwa ma wunɛn kurɔwa.
320	GEN 13:1	Ma Aburamu u seewa Eɡibitin di u wura Nɛɡɛbu ɡia wi ka win kurɔ ka ye u mɔ kpuro ka Lɔtu sannu.
321	GEN 13:2	Aburamu u sãawa dukiaɡii. U yaa sabenu mɔ ka sii ɡeesu ka wura.
322	GEN 13:3	Ma u sanum so Nɛɡɛbun di u da Betɛli ɡia u tura mi u raa win dii bekuruɡinu ɡira Betɛli ka Ayin baa sɔɔ.
324	GEN 13:5	N deema Lɔtu u maa yãanu mɔ ka nɛɛ ka dii bekuruɡinu u ka Aburamu swĩi.
326	GEN 13:7	Yen sɔ̃na sannɔ ɡa dua Aburamun kparobu ka Lɔtuɡibun suunu sɔɔ. N deema Kananiba ka Feresiba ba wãa tem mɛ sɔɔ sanam mɛ.
327	GEN 13:8	Yera Aburamu u Lɔtu sɔ̃ɔwa u nɛɛ, na nun kanamɔ, a ku de sikirinɔ ɡa n wãa nɛ ka wunɛn suunu sɔɔ, ǹ kun mɛ nɛn kparobu ka wunɛɡibun suunu sɔɔ. Domi bɛsɛ dusina.
328	GEN 13:9	A ǹ tem waamɔ kpuro wunɛn wuswaaɔ? A de su kabana. À n da nɔm dwarɔ, kon da nɔm ɡeuɔ, ǹ n maa nɔm ɡeu ɡian na a da, kon da nɔm dwarɔ.
331	GEN 13:12	Aburamu u sina Kananin temɔ, Lɔtu u maa da u sina wɔwa yen wusun bɔkuɔ ma u ka win dii bekuruɡinu susimɔ sere ka Sodomuɔ.
333	GEN 13:14	Ye Lɔtu ka Aburamu ba karana ba kpa, yera Yinni Gusunɔ u Aburamu sɔ̃ɔwa u nɛɛ, a nɔni seeyo kpa a sɔ̃ɔ yari yeru ka duu yeru mɛɛri n toma ka sɔ̃ɔ yɛ̃si yɛ̃sika.
336	GEN 13:17	A seewo a tem mɛ bɔsu kpa a mɛn kpãaru wa nɡe mɛ mu nɛ. Domi wuna kon mu wɛ̃.
337	GEN 13:18	Ma Aburamu u win dii bekuruɡinu kparenu kua u da u sina Manden sɔ̃ɔwɔ, wuu ɡe ba mɔ̀ Heboronin bɔkuɔ. Ma u yãku yeru bana u ka Yinni Gusunɔ sã mi.
338	GEN 14:1	Sanam mɛ Amurafɛli u sãa Sinɛan sunɔ, ma Ariɔku sãa Elasan sunɔ, ma Kedolamɛɛ sãa Elamun sunɔ, ma Tideali sãa Goyimun sunɔ,
339	GEN 14:2	sanam mɛya sinam be, ba tabu kua ka Bera, Sodomun sunɔ, ka Birisa, Gomɔran sunɔ, ka Sinɛabu, Adiman sunɔ, ka Semɛbɛɛ, Seboimun sunɔ, ka Belan sunɔ ye ba maa sokumɔ Soari.
342	GEN 14:5	Yera wɔ̃ɔ wɔkura nnɛse, Kedolamɛɛ ka sinam be ba wãa ka wi, ba tabu da ma ba Refaba tabu di Asiterɔtu Kaanaimuɔ, ma ba Susiba tabu di Hamuɔ, ma ba Emiba tabu di Safe Kiriataimuɔ.
344	GEN 14:7	Yen biru ba ɡɔsirama ba da Eni Misipatiɔ, ye ba maa sokumɔ Kadɛsi. Miya ba Amalɛkiba tabu wɔri ba kamia ben tem kpuro sɔɔ ka Amɔreba be ba tɛrie Hasasɔntamaaɔ.
345	GEN 14:8	Yera Sodomun sunɔ seewa ka Gomɔran sunɔ ka Adiman sunɔ ka Seboimun sunɔ ka Belan sunɔ ye ba maa sokumɔ Soari, ba da ba ka sinam be tabu yinna Sidimun wɔwaɔ.
346	GEN 14:9	Sinam beya Kedolamɛɛ, Elamun sunɔ, ka Tideali, Goyimun sunɔ, ka Amurafɛli, Sinɛan sunɔ, ka Ariɔku, Elasan sunɔ. Sinambu nnɛ be, ba ka nɔɔbu be tabu mɔ̀.
349	GEN 14:12	Ba maa Aburamun wɔnɔn bii Lɔtu mwa wi u wãa Sodomuɔ ka win dukia kpuro ba ka doona.
350	GEN 14:13	Yera durɔ ɡoo wi u kpikiru sua Sodomun di u na u Aburamu, Heberu wi sɔ̃ɔwa. N deema Aburamu u sɔ̃ Manden sɔ̃ɔwɔ. Mande sãawa Amɔren bweseru, Ɛsikoli ka Anɛɛn wɔnɔ, be ba arukawani bɔkua ka Aburamu.
351	GEN 14:14	Ye Aburamu u nua ma ba win wɔnɔn bii yoru mwa, yera u win sɔm kowo wɔruɡɔba ɡɔsa ɡooba wunɔbu ka wɔkura nɔɔbu ka ita (318) be ba mara win yɛnuɔ u bu tabu yãnu wɛ̃. Ma u ka sinam be naa ɡira sere Danuɔ.