40	GEN 2:9	Ma u dãa bwese bweseka kpiisia te sɔɔ, ni nu waabu wã ka ni nu dim do, ka sere dãa tèn binu nu koo tɔnu wãaru wɛ̃, ka maa tèn binu nu koo tɔnu ɡea ka kɔ̃sa ɡiasia. Dãnu yiru ye, nu wãawa ɡbaa ten suunu sɔɔ.
41	GEN 2:10	Daaru ɡara wãa ɡbaa te sɔɔ, te ta tu nike nikeru sãa. Min diya ta yara ma ta kɛri kua nnɛ.
61	GEN 3:5	Domi Gusunɔ u yɛ̃ dɔma te i ten binu di, bɛɛn nɔni koo wukiarawa kpa i n sãa nɡe win tii, i n ɡea ka kɔ̃sa yɛ̃.
66	GEN 3:10	Durɔ wi, u wisa u nɛɛ, ye na wunɛn nɔɔ nua ɡbaaru sɔɔ, bɛrum man mwa domi terera na wãa, ma na kukua.
68	GEN 3:12	Durɔ wi, u nɛɛ, kurɔ wi a man wɛ̃ u n ka man wãa wiya man dãa ten binu wɛ̃ ma na di.
107	GEN 5:1	Wee nɡe mɛ ba Adamun bweserun yĩsa yorua. Dɔma te Gusunɔ u tɔn durɔ ka tɔn kurɔ taka kua u bu kuawa win weenasibu.
143	GEN 6:5	Domi u wa tɔmbun daa kɔ̃sa kpɛ̃a handunia sɔɔ. Ben ɡɔ̃run bwisikunu nu ra n wãawa kɔ̃sa sɔɔ baadomma.
145	GEN 6:7	Ma u nɛɛ, wi, u koo kpuro kpeerasiawa handunia sɔɔn di, saa tɔnun min di n ka ɡirari yɛɛyɔ yi yi ra sĩ ka yi yi ra kabiri ka ɡunɔsu. Domi win nukura sankira yèn sɔ̃ u yeba kpuro taka kua.
164	GEN 7:4	Domi sɔ̃ɔ nɔɔba yirun biru kon de ɡura yu nɛ sɔ̃ɔ sɔɔ weeru ka wɔ̃kuru weeru kpa n hunde koni baayere kam koosia ye na taka kua.
205	GEN 8:21	Ma Yinni Gusunɔ u yãku ni mwa ma u tii sɔ̃ɔwa u nɛɛ, na ǹ kon maa tem bɔ̃rusi tɔnun sɔ̃. Domi tɔnun ɡɔ̃run bwisikunu sãawa kɔ̃sunu saa win birun di. Na ǹ maa hunde koniba kpuro kpeerasiamɔ nɡe mɛ na kua.
239	GEN 10:4	Yafaniwa u maa Elisa ka Taasisi ka Kitimu ka Dodanimu mara.
242	GEN 10:7	Kusi u seewa ma u Saba ka Hafila ka Sabuta mara ka Raema ka Sabuteka. Raema u maa seewa u Seba ka Dedani mara.
262	GEN 10:27	ka Hadoramu ka Usali ka Dikila
327	GEN 13:8	Yera Aburamu u Lɔtu sɔ̃ɔwa u nɛɛ, na nun kanamɔ, a ku de sikirinɔ ɡa n wãa nɛ ka wunɛn suunu sɔɔ, ǹ kun mɛ nɛn kparobu ka wunɛɡibun suunu sɔɔ. Domi bɛsɛ dusina.
334	GEN 13:15	Domi tem mɛ a waamɔ mi kpuro, wunɛ ka wunɛn bibun bwesera kon mu wɛ̃ ka baadommaɔ.
336	GEN 13:17	A seewo a tem mɛ bɔsu kpa a mɛn kpãaru wa nɡe mɛ mu nɛ. Domi wuna kon mu wɛ̃.
351	GEN 14:14	Ye Aburamu u nua ma ba win wɔnɔn bii yoru mwa, yera u win sɔm kowo wɔruɡɔba ɡɔsa ɡooba wunɔbu ka wɔkura nɔɔbu ka ita (318) be ba mara win yɛnuɔ u bu tabu yãnu wɛ̃. Ma u ka sinam be naa ɡira sere Danuɔ.
352	GEN 14:15	Ma u win tɔmbu bɔnu kua u ka bu wɔri wɔ̃kuru, wi ka win sɔm kowobu. U bu tabu di ma u bu naa swĩi sere Kobaɔ, ye ya wãa Damasin sɔ̃ɔ yɛ̃san nɔm ɡeu ɡia.
355	GEN 14:18	Ma Mɛɛkisidɛki, Salɛmun sunɔ u ka pɛ̃ɛ na mi ka tam. Durɔ wi sãawa Wɔrukoon yãku kowo.
363	GEN 15:2	Aburamu nùn wisa u nɛɛ, Yinni Gusunɔ, mba kaa maa man wɛ̃. Wee na ɡɔɔ dɔɔ bii sari kpa Ɛliesɛɛ Damasiɡii u ko nɛn tubi dio.
393	GEN 16:11	Wee a ɡura mɔ, kaa bii tɔn durɔ ma kpa a nùn yĩsiru kɛ̃ Isimɛɛli. Domi Yinni Gusunɔ u wunɛn nɔɔ nua nɔni swãa te sɔɔ.
395	GEN 16:13	Ye Yinni Gusunɔ u ka Aɡaa ɡari yi kua u kpa, ma Aɡaa u nùn yĩsiru kã u nɛɛ, wuna Yinni wi u waamɔ. Domi u tii bikia u nɛɛ, ka ɡem na Gusunɔ wa ka nɔni, ma na wãa na ǹ ɡu?
396	GEN 16:14	Yen sɔ̃na ba dɔkɔ ye soka Gusunɔ u man waamɔ. Dɔkɔ ye, ya wãawa Kadɛsi ka Barɛdin baa sɔɔ.
399	GEN 17:1	Ye Aburamu kua wɔ̃ɔ wunɔbu tia sari yera Yinni Gusunɔ u nùn kure u nɛɛ, nɛna na Gusunɔ Dam kpuroɡii. A n sĩimɔ nɛn wuswaaɔ kpa a kun taarɛ mɔ.
412	GEN 17:14	Tɔn durɔ wi ba ǹ banɡo kue, i ko i nùn wunawa wiɡibun min di i ɡo. Domi u nɛn arukawani sanka.
440	GEN 18:15	Ma Saaraa u siki u nɛɛ, na ǹ yɛ̃ɛ. Domi bɛrum nùn mwa. Adama Yinni Gusunɔ u nɛɛ, weesa, a yɛ̃ɛ.
444	GEN 18:19	Domi wiya na ɡɔsa u ka win bibu ka ben bweseru wooda wɛ̃ bu nɛn swaa swĩi kpa ba n sĩimɔ dee dee ba n nɛn kĩru mɔ̀, kpa n nɛn nɔɔ mwɛɛnu yibia ni na nùn kua.
471	GEN 19:13	Domi sa ko wuu ɡe kpeerasia tɛ̃ yèn sɔ̃ tɔmbun weeweenu kpɛ̃a ni ba Gusunɔ koosimɔ ɡen tɔmbun daa kɔ̃san sɔ̃. Yen sɔ̃na u sun ɡɔrima su ka ɡu kam koosia.
526	GEN 21:12	Adama Gusunɔ u Aburahamu sɔ̃ɔwa u nɛɛ, a ku ɡari yi ɡɔburu wa wunɛn yoo wi ka win biin sɔ̃. A Saaraa kuo ye u nun bikia kpuro. Domi Isakin min diya bwese baka tèn nɔɔ mwɛɛru na nun kua ta koo yari.
530	GEN 21:16	Ma u da u sina n dɛsire n tura mi bà n sɛ̃u toba ɡa koo wen saka. Domi u nɛɛ, u ǹ kpɛ̃ u n win bii mɛɛra u n ɡbimɔ. Mi u sɔ̃ mi, ma u wura takana u swĩ.
560	GEN 22:12	Ma ɡɔrado wi, u nɛɛ, a ku ra bii wi baba, a ku nùn ɡãanu ɡanu kua. Domi na ɡia tɛ̃ ma a man nasie, a ǹ maa ka man wunɛn bii teere te yinari.
613	GEN 24:21	Durɔ wi, u nùn mɛɛra ka biti, adama u mari u ka wa Yinni Gusunɔ ù n win sanum mɛ dorasiamɔn na.
662	GEN 25:3	Ma Yokusani u seewa u Seba ka Dedani mara. Dedanin bibun bwesera Asuriba ka Letusiba ka Lumiba.
673	GEN 25:14	ka Mikima ka Duma ka Masa
696	GEN 26:3	A ku doona tem minin di. Ko na n wãa ka wunɛ kpa n nun domaru kua. Domi wunɛn bibun bwesera kon tem mɛ wɛ̃. Mɛsuma kon ka nɛn nɔɔ mwɛɛru yibia te na wunɛn tundo Aburahamu kua.
698	GEN 26:5	Domi Aburahamu u nɛn ɡere mɛm nɔɔwa, u maa nɛn woodaba swĩi ye na nùn sɔ̃ɔwa kpuro.
700	GEN 26:7	Ye u wãa mi, tɔmbu bà n nùn win kurɔn ɡari bikia, u ra nɛɛ, win sesuwa yèn sɔ̃ u bɛrum mɔ̀ bu ku raa nùn ɡo ù n nɛɛ win kurɔwa. Domi Rebeka u sãawa kurɔ burɔ.
720	GEN 26:27	Ye ba tura mi, yera u bu bikia u nɛɛ, mban sɔ̃na i maa man naa swĩi. Domi bɛɛya i man tusa i ɡira bɛɛn suunu sɔɔn di.
773	GEN 27:45	Win mɔru yà n sara wunɛn min di, u koo duari ye a nùn kua. Sanam mɛya kon de a ɡɔsirama. Domi na ǹ kĩ n bɛɛ yiru kpuro bia sɔ̃ɔ teeru.
777	GEN 28:3	Kpa Gusunɔ Dam kpuroɡii u nun domaru kua, a marura a tɛria a ka ko bwese dabinun nuuru.
789	GEN 28:15	Wee na wãa ka wunɛ, ko na n maa nun kɔ̃su yam kpuro mi a dɔɔ kpa n maa ka nun wurama tem mɛ sɔɔ. Domi na ǹ nun derimɔ sere n ka ko nɡe mɛ na nun sɔ̃ɔwa.
808	GEN 29:12	U Rasɛli sɔ̃ɔwa u nɛɛ, sa sãawa dusinu. Domi nɛ Rebekan biiwa. Ma Rasɛli u duka da u win tundo ɡari yi sɔ̃ɔwa.
837	GEN 30:6	Rasɛli u nɛɛ, Gusunɔ u nɛn kanaru nua ma u man siria ma u man bii tɔn durɔ kã. Yen sɔ̃na u bii wi yĩsiru kã Danu.
838	GEN 30:7	Danun biru Biliha u maa ɡura sua ma u Yakɔbu bii tɔn durɔ marua.
852	GEN 30:21	Yen biru u bii tɔn kurɔ mara ma u nùn soka Dina.
858	GEN 30:27	Ma Labani u nùn wisa u nɛɛ, a suuru koowo, a de a yɔ̃ra ɡina. Domi na wa ma wunɛn sɔ̃na Gusunɔ u man domaru kua.
861	GEN 30:30	Domi yãa ɡɔ̃ɔ piibuwa a raa mɔ n sere tunuma wunɛn mi. Adama ye na tunuma, Yinni Gusunɔ u nun domaru kua ma ɡa kpɛ̃a. Ǹ n mɛn na, saa yerà kaa den man yɔ̃su n nɛn tiin sɔmburu ko.
864	GEN 30:33	Siara ɡem mu koo sɔ̃ɔsira sanam mɛ a na a ka nɛn kɔsiaru wa. Domi boo ni nu ǹ bausu mɔ ka yãa ni nu ǹ tĩri nù n wãa nɛɡinu sɔɔ, a man ɡarisio ɡbɛnɔ.
882	GEN 31:8	Domi bɛɛn tundo wi, ù n nɛɛ, sabe ni nu bau bakasu mɔ niya nu ko n sãa nɛɡinu, ni kpurowa nu ra bau si ko. Ù n maa nɛɛ, ni nu bau piiminu mɔ, ni kpurowa nu ra ko mɛ.
884	GEN 31:10	Saa ye sabe ni, nu yɔɔnamɔ na dosa. Dosu ɡe sɔɔ, na nɔni seeya wɔllɔ na wa nin dwanu kpuro bausu mɔwa.
886	GEN 31:12	Ma u nɛɛ, wiya Gusunɔ, wi, wi u man kure Betɛliɔ mi na kperu ɡira na ɡum wisi ta n ka sãa yĩreru. Miya na maa nùn nɔɔ mwɛɛru kua. Tɛ̃, n nɔni seeyo kpa n wa ma sabe nin dwanu kpuro bausu mɔwa. Domi u wa ye Labani u man kua. Kpa n se tem minin di n wura tem mi ba man mara.
939	GEN 32:11	Na ǹ tura n ka wunɛn durom bakam ka wunɛn bɔrɔkiniru kpuro wa te a man sɔ̃ɔsi, nɛ wi na sãa wunɛn bɔ̃ɔ. Domi na Yuudɛni yeni tɔburawa ka nɛn dɛka tɔna. Adama tɛ̃ nɛn tɔmbu ka nɛn sabenu kua wuunu yiru.
940	GEN 32:12	Na nun kanamɔ a man wɔro saa nɛn mɔɔ Esaun nɔmun di. Domi na bɛrum mɔ̀ u ku raa sun wɔrima u ɡo ka nɛn kurɔbu ka bibu sannu.
949	GEN 32:21	Ma Yakɔbu u maa nɛɛ, i ɡeruo i nɛɛ, wee, nɛ win bɔ̃ɔ na wee bɛɛn biruɔ. Domi u bwisika win tii sɔɔ u nɛɛ, Esau ù n kɛ̃ɛ te na ɡbiisie wa, win mɔru koo sure. Yen biru nɛ ka wi sa ko waana nɔni ka nɔni. Sɔrɔkudo u koo man dam koosia ka nuku dobu.
957	GEN 32:29	Durɔ wi, u maa nɛɛ, ba ǹ maa nun sokumɔ Yakɔbu. Isireliwa ba koo nun soku yèn sɔ̃ a ka Gusunɔ ɡabirina ka maa tɔnu, ma a kamia.
971	GEN 33:10	Yera Yakɔbu u nɛɛ, aawo, à n ka man nɔnu ɡeu mɛɛra, a nɛn kɛ̃ɛ te mɔɔ. Domi ye a man dam koosia ka nuku dobu na wunɛn wuswaa waasinawa nɡe Gusunɔɡia.
972	GEN 33:11	Ǹ n mɛn na, a nɛn kɛ̃ɛ te mɔɔ. Domi Gusunɔ u man durom kua u man wɛ̃ kpuro yèn bukata na mɔ. Ma u Esau suuru kana ɡem ɡem u sere kɛ̃ɛ te mwa.
982	GEN 34:1	Sanam mɛ ba wãa Sikɛmu mi, yera Dina, Lean bii tɔn kurɔ, wi u Yakɔbu marua, u da win wɔndia kpaasibun mi, be ba sãa tem miɡibu.
983	GEN 34:2	Ma Sikɛmu wi u sãa Hamɔri, tem min sunɔn bii u Dina wa. Ma u nùn ɡaba u sɛ̃re u ka kpuna. N deema Hamɔri wi, u sãawa Hefi.
984	GEN 34:3	Sikɛmu wi, u Dina kĩa ɡem ɡem sere u ka nùn ɡari kua u wa u ka win ɡɔ̃ru sĩiyɛ win mi.
986	GEN 34:5	Saa ye sɔɔra Yakɔbu u maa nua ma ba ka win bii Dina kpuna ka dam. Yera u mari u ǹ ɡãanu ɡerua sere ye win biba wɔma kpara ɡberun di.
987	GEN 34:6	Ye ba ɡari yi nua, ma be kpuro ba mɔru bɛsira ye Sikɛmu u ka Isirelin bweserun yĩsiru sanka u ka ben sesu Dina kpuna. Domi n ǹ weenɛ bu yen bweseru ko ben suunu sɔɔ. Yen biru Hamɔri, Sikɛmun tundo wi, u seewa u da Yakɔbun mi, u ka nùn ɡari yi ko.
989	GEN 34:8	Sanam mɛ u tunuma u nɛɛ, nɛn bii Sikɛmu u wunɛn bii wɔndia wi ba mɔ̀ Dinan ɡɔɔ ɡbimɔ kĩrun sɔ̃. Yen sɔ̃, a suuru koowo a nùn wɔndia wi kɛ̃ɛyɔ u sua kurɔ.
990	GEN 34:9	Domi bɛsɛn bibu bà n suana sa ko ko tia bɛsɛ ka bɛɛ. Yen sɔ̃, i sun bɛɛn wɔndiaba wɛ̃ɛma kpa su maa bɛsɛɡibu bɛɛ wɛ̃.
994	GEN 34:13	Adama yèn sɔ̃ Sikɛmu u Dina sanka, yen sɔ̃na Yakɔbun bii be, ba wi ka win tundo Hamɔri wisa ka bwisi ba nɛɛ,
1002	GEN 34:21	tɔn beni ba ka sun do. Yen sɔ̃, su de ba n wãa bɛsɛn tem mɛ sɔɔ ba n tenkuru mɔ̀. Domi tem mɛ, mu kpã. Kpa su ben wɔndiaba sua kurɔbu, kpa be, bu maa bɛsɛɡibu sua kurɔbu
1006	GEN 34:25	Ye tɔn be, ba banɡo ye kua ba wãa wahala sɔɔ ɡina, ba tamaa ɡoo kun bu wɔrimɔ, yen sɔ̃ɔ itasera Yakɔbun bibu Simɛɔ ka Lefi, Dinan sesubu, ba ben takobiba sua ba wuu ɡe wɔri ba ɡen tɔn durɔbu kpuro ɡo.
1007	GEN 34:26	Mɛya ba maa Hamɔri ka win bii Sikɛmu ɡo. Ma ba ben sesu Dina yara Sikɛmun yɛnun di.
1011	GEN 34:30	Yera Yakɔbu u win bibu Lefi ka Simɛɔ sɔ̃ɔwa u nɛɛ, wahala baka i ka man kasu mi. I dera nɛn bwɛ̃ra kun kpĩ. Domi Kananiba ka Feresiba ba koo man tusi. Yen biru bà n da nɔɔ tia kua ba man wɔrima ba koo sun kpeerasiawa mam mam, domi nɛn tɔmba kun dabi.
1015	GEN 35:3	Domi sa ko se su da Betɛliɔ. Miya kon Gusunɔ yãku yeru kua domi wiya u man somi sanam mɛ na wãa wahala sɔɔ. Mɛya u maa ka man wãa nɛn sanum kpuro sɔɔ.
1019	GEN 35:7	Yera u Yinni Gusunɔ yãku yee te bania ma u tu yĩsiru kã Gusunɔ u wãa Betɛliɔ. Domi miya u nùn kure sanam mɛ u win mɔɔ duka suurimɔ.
1020	GEN 35:8	Yam miya Debora wi u Rebeka nɔɔri birun di u ɡu. Ma ba nùn sikua Betɛlin ɡuurun nuurɔ dãa bakaru ɡarun korɔ. Yen sɔ̃na ba dãa te soka ɡɔɔ wurin dãru.
1023	GEN 35:11	U maa nɛɛ, nɛ Gusunɔ na sãawa Dam kpuroɡii. A maruro kpa wunɛn bibu bu kɔwara kpa bwese dabinu ka sinambu bu marura wunɛn min di.
1037	GEN 35:25	Be ba sãa Biliha, Rasɛlin yoon bibu, bera Danu ka Nɛfitali.
1048	GEN 36:7	Domi ben yaa sabenu dabi sere ayera kun bu turi bu ka nu kpara. Yen sɔ̃, ba ǹ kpɛ̃ ba n wãa yam tem.
1062	GEN 36:21	ka Disoni ka Esɛɛ ka Disani. Bera ba kua Horiban sikadoba be ba wãa Edɔmun temɔ saa yellun di.
1066	GEN 36:25	Wiya u Disoni ka win sesu Oholibama mara.
1067	GEN 36:26	Be ba maa sãa Disoniɡibu, bera Hɛmudani ka Ɛsibani ka Yitirani ka Kerani.
1069	GEN 36:28	Ma Disani u maa Usi ka Arani mara.
1070	GEN 36:29	Beniwa ba kua Horiban bwese kɛrin wiruɡibu Edɔmun temɔ, Lotani ka Sobali ka Sibeoni ka Ana ka Disoni ka Esɛɛ ka Disani.
1073	GEN 36:32	Bela, Beorin bii, win wuun yĩsira Dinaba.
1089	GEN 37:5	Sɔ̃ɔ teeru Yosɛfu u dosa. Yera u win maabu dosu ɡe saaria. U bu sɔ̃ɔwa u nɛɛ, i swaa dakio n bɛɛ nɛn dosu sɔ̃. Doo bɔka sa bɔkumɔ ɡberɔ, yera nɛn doo bɔkuru ta seewa ta yɔ̃ra, ma bɛɛɡinu na nu tu sikerena nu tu kpunammɛ. Ye ba win ɡari nua yera ba nùn tusiru sosi
1101	GEN 37:17	Durɔ wi, u nɛɛ, ba doona minin di. Domi na nua ba nɛɛ, bu doona Dotani ɡia. Ma Yosɛfu u win maabu naa ɡira u bu deema Dotaniɔ.
1131	GEN 38:11	Yera Yuda u Tamaa sɔ̃ɔwa u nɛɛ, a doo a ɡɔminiru di sere nɛn bii Sela ù n kpɛ̃a. Domi u tii sɔ̃ɔwa u nɛɛ, Sela ù n kurɔ wi sua, u koo ra maa ɡbi nɡe win maabu. Ma Tamaa u doona u da u wãa win tundon yɛnuɔ.
1134	GEN 38:14	Ye u nua mɛ, yera u win ɡɔmini yãnu pota, ma u tii sɔnditia wukiri nɡe kurɔ tanɔ, u da u sina wuu ɡe ba mɔ̀ Enaimun kɔnnɔwɔ Tinnan swaaɔ. Domi u wa Sela u kpɛ̃a, ba ǹ maa nùn wi wɛ̃ durɔ.
1136	GEN 38:16	Ma u susi win bɔkuɔ u ka nùn ɡari kua u nɛɛ, su da wunɛn yɛnuɔ n ka nun kpuna. Domi u ǹ yɛ̃ win biiɡii kurɔwa. Ma kurɔ wi, u nùn wisa u nɛɛ, mba kaa man kɛ̃ à n ka man kpuna.
1182	GEN 40:9	Ma wi u ra Eɡibiti sunɔ tam nɔra wɛ̃, u win dosu Yosɛfu saaria u nɛɛ, nɛn dosu sɔɔ wee, na resɛm dãru wa nɛn wuswaaɔ ta kpia. Dãa te, ta kãasi ita mɔ. Ma ta wɛ̃su kua ta binu mara nu ye.
1188	GEN 40:15	Domi ba man ɡbɛnawa saa Heberuban tem di, ba ka man na mini. Yen biru na ǹ maa ɡãanu kue ba ka man kpɛ̃ɛma pirisɔm diru mi.
1203	GEN 41:7	Doo wii sako si, su doo wii ɡeenu mwɛ mwɛ. Ma u dom yanda u deema u dosawa.
1217	GEN 41:21	Adama ye yi yi mwɛ mɛ, a ǹ kaa n mam yɛ̃ nɡe yi ɡãanu mwɛ. Domi mɛ yi woore yellun di, mɛya yi woore mi. Ma na dom yanda.
1220	GEN 41:24	Doo wii sako si, su doo wii ɡee ni mwɛ mwɛ. Na dosu ɡe nɛn sɔrobu saaria adama ben ɡoo kun man ɡu tubusie.
1243	GEN 41:47	Deburun wɔ̃ɔ nɔɔba yiru ye sɔɔ, tem mu dĩanu kua ɡem ɡem.
1245	GEN 41:49	Dĩa ni u mɛnna mi, nin kpãara banda sere ba ǹ kpɛ̃ bu nin ɡeeru ɡia. Nu sãawa nɡe yani sɛɛri.