39	GEN 2:8	Ma Yinni Gusunɔ u ɡbaaru kua Edɛniɔ sɔ̃ɔ yari yerun bera, ma u tɔnu wi u kua mi sua u doke sɔɔ.
45	GEN 2:14	Kɛra itasewa maa Tiɡiri. Yeya ya kokumɔ tem mɛ ba mɔ̀ Asirin sɔ̃ɔ yari yeru ɡia. Kɛra nnɛsewa maa Efarati.
46	GEN 2:15	Ye Yinni Gusunɔ u ɡbaa te sɔɔru kua u kpa Edɛniɔ, yera u tɔnu wi sua u doke sɔɔ u ka tu wuku kpa u n tu kɔ̃su.
76	GEN 3:20	Ma Adamu u win kurɔ yĩsiru kã Efa, domi wiya u sãa tɔmbu kpuron mɛro.
79	GEN 3:23	Yera u nùn ɡira Edɛnin ɡbaa ten min di u da u tem wuku mɛ u ka nùn mɔma.
80	GEN 3:24	Nɡe mɛya u ka Adamu ɡira ma u wɔllun kɔ̃sobu doke Edɛnin ɡbaa ten kɔnnɔwɔ, ɡe ɡa wãa sɔ̃ɔ yari yerun bera ɡia. Ba takobi nɛni ba ye fĩamɔ ma ya ballimɔ sɔ̃ɔ sɔɔ nɡe dɔ̃ɔ yara, ba ka dãa tèn binu nu koo tɔnu wãaru wɛ̃ kɔ̃su.
81	GEN 4:1	Yen biru Adamu ka win kurɔ Efa ba mɛnna ma Efa u ɡura sua u Kaɛni mara. Ma u nɛɛ, ka Yinni Gusunɔn somira na tɔnu taka kua.
96	GEN 4:16	Ma Kaɛni u doona n toma Yinni Gusunɔn min di, u da u sina Edɛnin sɔ̃ɔ yari yerun bera ɡia, Nɔduɔ. Yĩsi ten tubusiana yaayaaren tem.
97	GEN 4:17	Yen biru Kaɛni ka win kurɔ ba mɛnna ma kurɔ wi, u ɡura sua u Enɔku mara. Ma Kaɛni u wuu ɡaɡu bana u ɡu soka Enɔku nɡe win biin yĩsiru.
98	GEN 4:18	Enɔku wi, u Iradi mara, Iradi maa Mɛhuyaɛli mara. Mɛhuyaɛli u Mɛtusaɛli mara ma Mɛtusaɛli u Lemɛki mara.
105	GEN 4:25	Adamu ka win kurɔ Efa ba mɛnna kpam, ma Efa u ɡura sua u bii tɔn durɔ mara u nùn yĩsiru kã Sɛti. U nɛɛ, domi Yinni Gusunɔ u kpam man bii tɔn durɔ kã u kua Abɛlin kɔsire, wi Kaɛni u ɡo.
106	GEN 4:26	Sɛtin tii, u bii tɔn durɔ mara ma u nùn yĩsiru kã Enɔsi. Sanam mɛ sɔɔra tɔmba Yinni Gusunɔ sãaru torua.
112	GEN 5:6	Ye Sɛti u kua wɔ̃ɔ wunɔbu ka nɔɔbu (105), yera u Enɔsi mara.
113	GEN 5:7	Enɔsin marubun biru, Sɛti wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nɛnɛ ka nɔɔba yiru (807).
115	GEN 5:9	Ye Enɔsi u kua wɔ̃ɔ wɛnɛ ka wɔkuru, yera u Kenani mara.
116	GEN 5:10	Kenanin marubun biru Enɔsi wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nɛnɛ ka wɔkura nɔɔbu (815).
124	GEN 5:18	Ye Yerɛdi u kua wɔ̃ɔ wunaa wata ka yiru (162), yera u Enɔku mara.
125	GEN 5:19	Enɔkun marubun biru Yerɛdi wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nɛnɛ (800).
127	GEN 5:21	Ye Enɔku u kua wɔ̃ɔ wata ka nɔɔbu, yera u Mɛtusela mara.
128	GEN 5:22	Mɛtuselan marubun biru Enɔku wi, u ka Gusunɔ swĩina. U bii tɔn durɔbu ka tɔn kurɔbu marumɔ sere n ka kua wɔ̃ɔ ɡooba wunɔbu (300).
239	GEN 10:4	Yafaniwa u maa Elisa ka Taasisi ka Kitimu ka Dodanimu mara.
245	GEN 10:10	Nimurodu wi, u ɡina ɡbia u bandu di Babɛliɔ ka Erɛkiɔ ka Akadiɔ ka Kalinɛɔ Sinɛan temɔ.
257	GEN 10:22	Ben yĩsa wee, Elamu ka Asuri ka Aapasadi ka Ludi ka Aramu.
309	GEN 12:10	Ye Aburamu u tura mi, yera ɡɔ̃ɔra tunuma tem mɛ sɔɔ. Ma u seewa u da Eɡibitin temɔ u sina mi, domi ɡɔ̃ɔ te, ta kpɛ̃a win tem mi.
310	GEN 12:11	Sanam mɛ ba Eɡibitin tem turuku kua, Aburamu u win kurɔ Saarai sɔ̃ɔwa u nɛɛ, wee wunɛ kurɔ burɔwa.
311	GEN 12:12	Eɡibitiɡibu bà n nun wa ba koo nɛɛ, a sãa nɛn kurɔ kpa bu man ɡo bu nun deri.
313	GEN 12:14	Ye ba tura Eɡibitiɔ, Eɡibitiɡiba wa ma kurɔ wi, u wã ɡem ɡem.
314	GEN 12:15	Eɡibiti sunɔn bwãaba nùn wa ma ba na ba sunɔ kurɔ win buram ɡari saaria, ma sunɔ u dera ba ka nùn na win mi.
320	GEN 13:1	Ma Aburamu u seewa Eɡibitin di u wura Nɛɡɛbu ɡia wi ka win kurɔ ka ye u mɔ kpuro ka Lɔtu sannu.
329	GEN 13:10	Ma Lɔtu u nɔni seeya u Yuudɛnin daarun bera mɛɛra sere n ka da wuu ɡe ba mɔ̀ Soari. U wa tem mu ɡea sãa mu nike nikeru mɔ nɡe ɡbaa te Yinni Gusunɔ u kua Edɛniɔ, ǹ kun mɛ Eɡibitin tem. N deema Yinni Gusunɔ kun ɡina Sodomu ka Gomɔra kpeerasie.
338	GEN 14:1	Sanam mɛ Amurafɛli u sãa Sinɛan sunɔ, ma Ariɔku sãa Elasan sunɔ, ma Kedolamɛɛ sãa Elamun sunɔ, ma Tideali sãa Goyimun sunɔ,
342	GEN 14:5	Yera wɔ̃ɔ wɔkura nnɛse, Kedolamɛɛ ka sinam be ba wãa ka wi, ba tabu da ma ba Refaba tabu di Asiterɔtu Kaanaimuɔ, ma ba Susiba tabu di Hamuɔ, ma ba Emiba tabu di Safe Kiriataimuɔ.
344	GEN 14:7	Yen biru ba ɡɔsirama ba da Eni Misipatiɔ, ye ba maa sokumɔ Kadɛsi. Miya ba Amalɛkiba tabu wɔri ba kamia ben tem kpuro sɔɔ ka Amɔreba be ba tɛrie Hasasɔntamaaɔ.
346	GEN 14:9	Sinam beya Kedolamɛɛ, Elamun sunɔ, ka Tideali, Goyimun sunɔ, ka Amurafɛli, Sinɛan sunɔ, ka Ariɔku, Elasan sunɔ. Sinambu nnɛ be, ba ka nɔɔbu be tabu mɔ̀.
379	GEN 15:18	Nɡe mɛya u ka Aburamu arukawani bɔkua tɔ̃ɔ te sɔɔ u nɛɛ, wunɛn bwesera kon tem mɛni wɛ̃ saa daa piibu ɡe ɡa wãa Eɡibitin tem nɔɔ bura yerun di sere daa baka ten mi, te ba mɔ̀ Efarati.
383	GEN 16:1	Aburamu ka win kurɔ Saarai ba ǹ bii mara. Wee Saarai wi, u yoo tɔn kurɔ ɡoo mɔ wi u sãa Eɡibitiɡii. Win yĩsira Aɡaa.
523	GEN 21:9	Ye Saaraa wa ma bii wi Aɡaa Eɡibitiɡii wi, u Aburahamu marua u Isaki yɛ̃ɛmɔ,
534	GEN 21:20	Gusunɔ u wãa ka bii wi, sanam mɛ u kpɛ̃amɔ. U wãa ɡbaburɔ te ba mɔ̀ Parani, ma u kua tɛn towo. Win mɛro maa nùn kurɔ sua Eɡibitin tem di.
580	GEN 23:8	U nɛɛ, ì n kĩ n nɛn kurɔ sike kpa na kun win ɡoru mɛɛra, i Eforoni Sokaan bii sɔ̃ɔwɔ yèn bukata na mɔ,
582	GEN 23:10	N deema Eforoni Hɛti wi, u sɔ̃ ka wuun wiruɡibu ɡbãra kɔnnɔwɔ mi ba ra sinɛ. Ma u Aburahamu wisa Hɛti be ka be ba dumɔ min nɔni biru u nɛɛ,
585	GEN 23:13	u Eforoni sɔ̃ɔwa u nɛɛ, a maa nɛɡii swaa dakio. Kon nun ɡbee ten ɡobi kɔsiawa. A yi mɔɔ kpa n nɛn kurɔ sike mi.
586	GEN 23:14	Adama Eforoni u Aburahamu sɔ̃ɔwa u nɛɛ,
588	GEN 23:16	Aburahamu u Eforonin ɡari yi wura, ma u sii ɡeesun ɡobi nɛɛ te sua u Eforoni wɛ̃ Hɛtiba kpuron nɔni biru. Sii ɡeesun ɡobi yira tenkuba ba ra ka kiaru dwe saa ye sɔɔ.
589	GEN 23:17	Nɡe mɛya Eforonin ɡbee te ka ten kpee wɔru ɡe ka ten dãa ni nu wãa mi kpuro
663	GEN 25:4	Madiani u maa seewa u bibu mara. Bera Efa ka Efɛɛ ka Enɔku ka Abida ka Ɛlida. Beni kpurowa ba sãa Keturan bibu ka win nikurɔminu.
668	GEN 25:9	Yera win bibu Isaki ka Isimɛɛli ba na ba nùn sikua Makpelan kpee wɔruɔ Eforoni Sokaan biin ɡberɔ, Manden deedeeru. Eforoni wi, u sãawa Hɛti.
671	GEN 25:12	Isimɛɛlin bibun bweseru wee. Isimɛɛli u sãawa Aburahamun bii wi u ka Aɡaa Eɡibitiɡii mara. Aɡaa wi, u sãawa Saaraan yoo wi u Aburahamu wɛ̃ kurɔ.
677	GEN 25:18	Win bibu ba wãawa nɛnɛm ba ka Aburahamun bii be ba tie tondinɛ. Ba da ba sina Hafila ka Surin tem baa sɔɔ Eɡibitin tem sɔ̃ɔ yari yeru ɡia, Asirin swaaɔ.
684	GEN 25:25	Gbiikoo u yara ma win wasi sansu yiba, ma ba nùn yĩsiru kã Esau .
685	GEN 25:26	Yen biru yiruse maa yarima. Win nɔma Esaun naa tokuru nɛni. Ma ba nùn yĩsiru kã Yakɔbu . Isaki u mɔwa wɔ̃ɔ wata sanam mɛ ba bu mara.
686	GEN 25:27	Bii be, ba seewa ba kpɛ̃a. Esau u kua taaso ɡeo, u ra n wãawa yakasɔ. Adama Yakɔbu u kuawa tɔn sɛ̃ɛ wi u ra n wãa yɛnuɔ.
687	GEN 25:28	Isaki u Esau kĩru bo, domi u ra win taasorun yaa tem. Ma Rebeka u maa Yakɔbu kĩru bo.
688	GEN 25:29	Sɔ̃ɔ teeru nɡe mɛ Yakɔbu u aɡbaara ye ya swɛ̃ri mɔ̀, yera Esau u wurama taaso ɡberun di ka wasira bakaru.
689	GEN 25:30	Yera u Yakɔbu sɔ̃ɔwa u nɛɛ, a man yabu swãa ye sɔko n nɔ, domi na wasira too. Yen sɔ̃na ba Esau soka Edɔmu. Yen tubusiana tɔn swãɔ.
691	GEN 25:32	Esau u nɛɛ, n wee na ɡɔɔ dɔɔ. Mba nɛn yerumarun arufaani.
693	GEN 25:34	Saa yera Yakɔbu u pɛ̃ɛ ka aɡbaara yè sɔɔ u swii doke sua u Esau wɛ̃. Esau u di u nɔra ma u wiɡiru doona. Nɡe mɛya n kua u ka win yerumaru ɡɛma.
695	GEN 26:2	Sɔ̃ɔ teeru Yinni Gusunɔ u Isaki kure u ka nùn ɡari kua u nɛɛ, a ku ra da Eɡibitiɔ. A de a sina tem mɛ kon nun sɔ̃ɔsi sɔɔ.
727	GEN 26:34	Esau u mɔwa wɔ̃ɔ weeru u ka kurɔbu yiru sua. Bera Yuditi, Berin bii, ka Basimati, Elonin bii. Be kpuro ba sãawa Hɛtiba.
729	GEN 27:1	Sanam mɛ Isaki u tɔkɔ kua, win nɔni dam dwiiya, u ǹ maa yam waamɔ, ma u win bii yeruma soka u nɛɛ, Esau. Esau u nɛɛ, nɛ wee.
733	GEN 27:5	Ma Esau u seewa u da yakasɔ u ka ɡbeeku yaa ye ɡooma. N deema Rebeka u nɔɔmɔ ye Isaki u win bii Esau sɔ̃ɔmɔ.
734	GEN 27:6	Yera u win bii Yakɔbu sɔ̃ɔwa u nɛɛ, wee na nua wunɛn baa u wunɛn mɔɔ Esau sɔ̃ɔwa u nɛɛ,
743	GEN 27:15	Yen biru u win bii ɡbiikoo Esaun tɔ̃ɔ baka yãnu sua ni nu wãa dirɔ u nu Yakɔbu sebusia.
747	GEN 27:19	Yakɔbu u win tundo wisa u nɛɛ, nɛna Esau, wunɛn bii yeruma. Wee, na kua nɡe mɛ a ɡerua. A seewo a sina a nɛn taasorun yaa tem, kpa a man doma te kua.
749	GEN 27:21	Ma Isaki u nɛɛ, ǹ n mɛn na, a susima nɛn bii, n nun baba n wa à n sãa Esaun na ka ɡem.
750	GEN 27:22	Yakɔbu u susi win baaba Isakin mi, ma u nùn baba u nɛɛ, Yakɔbun nɔɔwa na nɔɔmɔ, adama Esaun nɔma na baba.
751	GEN 27:23	U ǹ nùn tuba yèn sɔ̃ win nɔma sansu mɔ nɡe Esauɡia. Adama ye u kĩ u nùn domaru kua,
752	GEN 27:24	u ɡina nɛɛ, wuna nɛn bii Esau ka ɡem? U wisa u nɛɛ, oo, nɛna.
758	GEN 27:30	Ye Isaki u Yakɔbu domaru kua u kpa, sanam mɛ Yakɔbu u doona kese, yera win mɔɔ Esau u wurama taasorun di.
760	GEN 27:32	Win tundo Isaki u nùn bikia u nɛɛ, wuna were. U nɛɛ, nɛna Esau wunɛn bii yeruma.
762	GEN 27:34	Ye Esau u ɡari yi nua win tundon nɔɔn di, yera u wura kua ka nuku sankira bakanu, ma u win tundo sɔ̃ɔwa u nɛɛ, baaba, a maa nɛn tii domaru kuo.
764	GEN 27:36	Esau u nɛɛ, wee u man taki di nɔn yiru nɡe mɛ win yĩsiru. U man nɛn yerumaru mwaari. Gisɔ u maa nɛn domaru mwa. A ǹ maa domaru ɡaru mɔ a man kua?
766	GEN 27:38	Esau u nɛɛ, ǹ n mɛn na, doma teni tɔnawa a mɔ, baaba? A maa man domaru kuo. Ma u wura nɔɔ kpɛ̃ɛ u swĩ.
769	GEN 27:41	Saa dɔma ten diya Esau u Yakɔbu tusa doma te ben tundo nùn kuan sɔ̃. Ma u ɡerua win tii sɔɔ u nɛɛ, nɛn baaban ɡɔɔ turuku kua. Win ɡɔɔ ɡbabu sindun biruwa kon nɛn wɔnɔ ɡo.
770	GEN 27:42	Ba Rebeka ɡari yi dɔmɛya yi win bii ɡbiikoo Esau u ɡerua. Ma u win bii dãako Yakɔbu sokusia u nùn sɔ̃ɔwa u nɛɛ, n wee, wunɛn mɔɔ u kĩ u win mɔru kɔsia u nun ɡo.
774	GEN 27:46	Yera Rebeka u da u Isaki sɔ̃ɔwa u nɛɛ, na ka nɛn wãaru wasira Esaun kurɔ benin daan sɔ̃, be ba sãa Hɛtiba. Yakɔbu ù n maa kurɔ sua tem mini nɡe be, mban wãara ko na n maa wãa.
779	GEN 28:5	Isaki u dera Yakɔbu u da Padanaramu ɡia Labanin mi, wi u sãa Bɛtuɛli Aramuɡiin bii, Yakɔbu ka Esaun dwaani.
780	GEN 28:6	Esau u wa ma Isaki u Yakɔbu domaru kua ma u nùn ɡɔra Padanaramu ɡia u win kurɔ kasu. U maa nua ma saa ye u nùn domaru kuammɛ u nɛɛ, u ku raa kurɔ sue Kananin bii tɔn kurɔbu sɔɔ.
895	GEN 31:21	U win ye u mɔ kpuro ɡura. Ma u da u daa te ba mɔ̀ Efarati tɔbura u doona Galadin ɡuunu ɡia.
932	GEN 32:4	Yera u sɔmɔbu ɡɔra win mɔɔ Esaun mi, Edɔmun temɔ mɛ ba maa mɔ̀ Seiri.
933	GEN 32:5	U bu wooda wɛ̃ u nɛɛ, amɛniwa i ko nɛn tɔnwero Esau sɔ̃ i nɛɛ, nɛ Yakɔbu win bɔ̃ɔ, na da na sina Labanin mi sere n ka kua ɡisɔ.
935	GEN 32:7	Sɔmɔ be, ba da ba wurama Yakɔbun mi, ba nɛɛ, sa tura wunɛn mɔɔ Esaun mi, u maa sun sennɔ sisi ka tabu kowobu tɔmbu nɛɛru (400).
937	GEN 32:9	Ma u nɛɛ, baa Esau ù n na u sube teeru wɔri u tu kamia, te ta tie ta koo yari baani.
940	GEN 32:12	Na nun kanamɔ a man wɔro saa nɛn mɔɔ Esaun nɔmun di. Domi na bɛrum mɔ̀ u ku raa sun wɔrima u ɡo ka nɛn kurɔbu ka bibu sannu.
942	GEN 32:14	Yam miya Yakɔbu u sɔbia u kpuna. Ma u win yaa sabenun sukum sua u ka win mɔɔ Esau kɛ̃.
946	GEN 32:18	Ma u ɡbiikoo sɔ̃ɔwa u nɛɛ, Esau nɛn mɔɔ ù n ka nun yinna, ù n nun bikia weren min diya a wee, mana a dɔɔ, weren sabena a ɡbiisie,
949	GEN 32:21	Ma Yakɔbu u maa nɛɛ, i ɡeruo i nɛɛ, wee, nɛ win bɔ̃ɔ na wee bɛɛn biruɔ. Domi u bwisika win tii sɔɔ u nɛɛ, Esau ù n kɛ̃ɛ te na ɡbiisie wa, win mɔru koo sure. Yen biru nɛ ka wi sa ko waana nɔni ka nɔni. Sɔrɔkudo u koo man dam koosia ka nuku dobu.
962	GEN 33:1	Yeniban biru Yakɔbu u nɔni seeya u wa wee, Esau u wee ka win tabu kowobu tɔnu nɛɛ te. Yera Yakɔbu u win bibu bɔnu kua u Lea nùn wiɡibu wɛ̃. Ma u maa Rasɛli wiɡii wɛ̃. Ma u maa win yoo tɔn kurɔbu yiru beɡibu wɛ̃.
965	GEN 33:4	Yera Esaun tii u maa duka na u Yakɔbu ɡaba wĩirɔ ba bɔkasina ba sɔ̃suna. Ma be yiru kpuro ba swĩ.
966	GEN 33:5	Ye Esau u nɔni seeya u Yakɔbun kurɔ be ka bii be wa, yera u nɛɛ, berà beni. Yakɔbu u nùn wisa u nɛɛ, bii be Gusunɔ u man kã win durom saabu, bera mi.