1	GEN 1:1	Sanam mɛ Gusunɔ u handunia torua, u wɔllu ka tem taka kua.
2	GEN 1:2	Tem daa wãawa bitam. Gãanu kun wãa mɛ sɔɔ. Mɛn temɔ wɔru bɔkɔwa ɡa wãa mi, ma yam wɔ̃kura ɡu wukiri. Ma nim mu tɛrie tem mɛn wɔllu ɡia. Nim mɛn wɔllɔwa Gusunɔn Hunde ra n bɛllimɔ.
3	GEN 1:3	Yera Gusunɔ u nɛɛ, yam bururam mu kooro. Ye u ɡerua mɛ, ma mu koora.
6	GEN 1:6	Ma Gusunɔ u nɛɛ, ɡãanu nu tɛrio wɔllɔ nɡe ɡɔna kpa mu n nim bɔnu sãa.
9	GEN 1:9	Ma Gusunɔ u nɛɛ, nim mɛ mu wãa wom dirum temɔ mu subenu koowo kpa tem ɡbebum mu tera. Ye u ɡerua mɛ, ma n koora.
14	GEN 1:14	Ma Gusunɔ u nɛɛ, fitilanu nu kooro wom dirum sɔɔ kpa nu sɔ̃ɔ sɔɔ ka wɔ̃kuru wunana, kpa nu n sɔ̃ɔsimɔ saa ye wɔ̃su ka tɔ̃ɔ bakanu koo tore.
20	GEN 1:20	Ma Gusunɔ u nɛɛ, nim mu de hunde koniba dabi dabinu nu koora mɛ sɔɔ, kpa ɡunɔsu su n yɔ̃ɔmɔ wom dirum sɔɔ.
24	GEN 1:24	Ma Gusunɔ u nɛɛ, yɛɛ bwese bweseka yi maruro tem sɔɔ. Yiya kpaaku yɛɛ ka ɡbeeku yɛɛ ka yɛɛ yi yi ra kabiri, yi kpuro bwese bweseka. Ye u ɡerua mɛ, ma n koora.
26	GEN 1:26	Yen biru Gusunɔ u nɛɛ, kon tɔnu taka ko u n sãa nɛn weenasii mam mam, kpa u n sãa ye na taka kua kpuron wiruɡii. Yeya tem kpuro ka swɛ̃ɛ ka ɡunɔsu ka kpaaku yɛɛ ka yɛɛ yi yi ra kabiri temɔ kpuro.
32	GEN 2:1	Nɡe mɛya Gusunɔ u ka wɔllu ka tem ka kpuro ye ya wãa sɔɔ taka kua u wiru ɡo.
35	GEN 2:4	Sanam mɛ Yinni Gusunɔ u wɔllu ka tem taka kua,
36	GEN 2:5	dãru ɡara kun ɡina kpia tem sɔɔ, yakasu ɡasu kun maa kpia domi Yinni Gusunɔ kun ɡina ɡura nɛɛsie sanam mɛ. Tɔnu maa sari wi u koo tem mɛ wuku.
38	GEN 2:7	Yen biruwa Yinni Gusunɔ u tɔnu mɔma ka tem u nùn wãarun wom wɛ̃sie win wɛ̃rɔ, ma tɔnu kua waso.
39	GEN 2:8	Ma Yinni Gusunɔ u ɡbaaru kua Edɛniɔ sɔ̃ɔ yari yerun bera, ma u tɔnu wi u kua mi sua u doke sɔɔ.
42	GEN 2:11	Gbiikaan yĩsira Pisoni. Yeya ya tem mɛ ba mɔ̀ Hafila sikerenɛ.
44	GEN 2:13	Kɛra yirusen yĩsira maa Gihoni. Yeya ya tem mɛ ba mɔ̀ Kusi sikerenɛ.
46	GEN 2:15	Ye Yinni Gusunɔ u ɡbaa te sɔɔru kua u kpa Edɛniɔ, yera u tɔnu wi sua u doke sɔɔ u ka tu wuku kpa u n tu kɔ̃su.
49	GEN 2:18	Ka tema Yinni Gusunɔ u ɡbeeku yɛɛ kpuro kua ka ɡunɔsu kpuro, ma u ka ye kpuro na tɔnu win mi, u ka wa mɛ u koo ye yĩsiru kɛ̃. Ma tɔnu wi, u yaa sabenu kpuro ka ɡunɔsu ka ɡbeeku yɛɛ kpuro yĩsa kã. Yĩsi te tɔnu wi, u maa yaa baayere kã teya ba ka ye sokumɔ. Adama ye kpuro sɔɔ, sari ye ya ka nùn weenɛ ye ya koo nùn somi. Yen sɔ̃na Yinni Gusunɔ u nɛɛ, n ǹ wã tɔnu u n wãa wi turo. Kon nùn ɡoo kua u n sãa nɡe wi, wi u koo nùn somi.
52	GEN 2:21	Yera Yinni Gusunɔ u tɔnu wi dom mɔn bakaru kpɛ̃ɛ u dweeya. Ma u win yɛ̃san kuku teeru wuna ma u yɛ̃sa ye kɔrua ka yaa baasi.
57	GEN 3:1	N deema waa ya bwisi bo ɡbeeku yɛɛ kpuro sɔɔ yi Yinni Gusunɔ u taka kua. Yera ya na kurɔ win mi, ya nùn bikia ya nɛɛ, ka ɡem Gusunɔ u nɛɛ, i ku ɡbaa tenin dãa binu kpuro di?
61	GEN 3:5	Domi Gusunɔ u yɛ̃ dɔma te i ten binu di, bɛɛn nɔni koo wukiarawa kpa i n sãa nɡe win tii, i n ɡea ka kɔ̃sa yɛ̃.
64	GEN 3:8	Ye ba Yinni Gusunɔn nɔɔ nua u bɔsu ɡbaa te sɔɔ yoka, yera ba da ba nùn kukue ɡbaa ten dãnun suunu sɔɔ.
65	GEN 3:9	Adama Yinni Gusunɔ u durɔ wi soka u nɛɛ, mana a wãa.
67	GEN 3:11	Gusunɔ u nɛɛ, wara nun sɔ̃ɔwa ma terera a wãa. Nɡe a dãa ten binu diwa te na nɛɛ, a ku di.
69	GEN 3:13	Ma Yinni Gusunɔ u kurɔ wi bikia u nɛɛ, mban sɔ̃na a kua mɛ. Ma u wisa u nɛɛ, waa ya man kɔkura na ka di.
70	GEN 3:14	Yinni Gusunɔ u waa ye sɔ̃ɔwa u nɛɛ, yèn sɔ̃ a kua mɛ, a kua bɔ̃rura n yɛɛ kpuro kere. Wunɛn nukura kaa n da ka kabiri. Tema kaa n da di sere ka wunɛn wãarun nɔrɔ.
77	GEN 3:21	Ma Yinni Gusunɔ u Adamu ka win kurɔ yaa ɡɔnan yabenu kua u bu sebusia.
78	GEN 3:22	Ma Yinni Gusunɔ u nɛɛ, wee tɔnu wi, u kua nɡe mɛ na sãa, u ɡea ka kɔ̃sa ɡia. Tɛ̃ na ǹ kon de u dãa bii ni nu koo nùn wãaru wɛ̃ sɔri u di u n ka wãa ka baadommaɔ.
81	GEN 4:1	Yen biru Adamu ka win kurɔ Efa ba mɛnna ma Efa u ɡura sua u Kaɛni mara. Ma u nɛɛ, ka Yinni Gusunɔn somira na tɔnu taka kua.
83	GEN 4:3	Sɔ̃ɔ mɛɛrun biru, Kaɛni u ka win kɛ̃ru na Yinni Gusunɔn mi, te ta sãa win ɡberun dĩanu.
84	GEN 4:4	Ma Abɛli maa ka wiɡiru na te u ɡɔsa saa win yaa sabenun bii ɡbiikinun di ni nu bɔɔru. Yinni Gusunɔ u ka Abɛli nɔni ɡeu mɛɛra ma u win kɛ̃ru mwa.
86	GEN 4:6	Yera Yinni Gusunɔ u Kaɛni bikia u nɛɛ, mban sɔ̃na a mɔru bare, mban sɔ̃na wunɛn wuswaa burisinɛ.
87	GEN 4:7	Geema, à n ɡea mɔ̀, wunɛn bwɛ̃ra ko n kpĩ. Ǹ n maa kɔ̃san na a mɔ̀, durum ya kpĩ wunɛn dii kɔnnɔwɔ nɡe yaa ɡɔba ya nun mara. Adama a de a ye kamia.
89	GEN 4:9	Ma Yinni Gusunɔ u da Kaɛnin mi, u nùn bikia u nɛɛ, mana wunɛn wɔnɔ Abɛli u wãa. U wisa u nɛɛ, na yɛ̃ ro? Nɛna na nɛn wɔnɔn kɔ̃so?
90	GEN 4:10	Ma Yinni Gusunɔ u kpam nɛɛ, mba a kua mi. Wunɛn wɔnɔn yɛm mɛ mu yari temɔ, mu nɛn laakari seeye.
93	GEN 4:13	Yera Kaɛni u Yinni Gusunɔ sɔ̃ɔwa u nɛɛ, wee, a man sɛɛyasiamɔ bi bu man kere.
95	GEN 4:15	Adama Yinni Gusunɔ u nùn sɔ̃ɔwa u nɛɛ, aawo, n ǹ mɛ. Goo ù n nun ɡo, kon yɛ̃ro mɔru kɔsiawa tia tian nɔn nɔɔba yiru. Ma u Kaɛni yĩreru koosi, wi u nùn wa u ku ka nùn ɡon sɔ̃.
96	GEN 4:16	Ma Kaɛni u doona n toma Yinni Gusunɔn min di, u da u sina Edɛnin sɔ̃ɔ yari yerun bera ɡia, Nɔduɔ. Yĩsi ten tubusiana yaayaaren tem.
105	GEN 4:25	Adamu ka win kurɔ Efa ba mɛnna kpam, ma Efa u ɡura sua u bii tɔn durɔ mara u nùn yĩsiru kã Sɛti. U nɛɛ, domi Yinni Gusunɔ u kpam man bii tɔn durɔ kã u kua Abɛlin kɔsire, wi Kaɛni u ɡo.
106	GEN 4:26	Sɛtin tii, u bii tɔn durɔ mara ma u nùn yĩsiru kã Enɔsi. Sanam mɛ sɔɔra tɔmba Yinni Gusunɔ sãaru torua.
107	GEN 5:1	Wee nɡe mɛ ba Adamun bweserun yĩsa yorua. Dɔma te Gusunɔ u tɔn durɔ ka tɔn kurɔ taka kua u bu kuawa win weenasibu.
128	GEN 5:22	Mɛtuselan marubun biru Enɔku wi, u ka Gusunɔ swĩina. U bii tɔn durɔbu ka tɔn kurɔbu marumɔ sere n ka kua wɔ̃ɔ ɡooba wunɔbu (300).
130	GEN 5:24	U ka Gusunɔ swĩina, yen biru u doona wɔllɔ, domi Gusunɔ u nùn suawa wasiru.
135	GEN 5:29	Ma u nùn yĩsiru kã Nɔwɛ, u nɛɛ, winiwa koo sun somi bɛsɛn wasiraru ka bɛsɛn sɔm sɛ̃sɔɡia sɔɔ ye sa mɔ̀ yèn sɔ̃ Yinni Gusunɔ u tem bɔ̃rusi.
141	GEN 6:3	Ma ba ka bu mɛnna ba bibu mara. Bii beya ba kua durɔ ɡbebunu handunia sɔɔ, ni nu raa yĩsiru yara yellu. Ma Yinni Gusunɔ u nɛɛ, nɛn hunde kun ko n wãa tɔmbu sɔɔ ka baadommaɔ domi ba sãawa be ba koo ɡbi. Ka mɛ, kon de ba n ɡina wãa wɔ̃ɔ wunaa teeru.
146	GEN 6:8	Adama Gusunɔ u ka Nɔwɛ nɔnu ɡeu mɛɛra
147	GEN 6:9	domi u win woodaba mɛm nɔɔwa. U ǹ taarɛ mɔ win waati ye sɔɔ, ma u ka Gusunɔ swĩina. Bii tɔn durɔbu itawa u mara. Ben yĩsa wee, Sɛmu ka Kamu ka Yafɛti.
149	GEN 6:11	Saa ye sɔɔ, handunian kɔ̃sa kpɛ̃a Gusunɔn wuswaaɔ ma ya ɡɔba banda.
158	GEN 6:20	Gunɔsu ka yɛɛ yi yi ra kabiri, ye kpuron bwese bweseka sɔɔ, yiru yiruwa ya koo na wunɛn mi, a ka ye faaba ko.
160	GEN 6:22	Ma Nɔwɛ u kua kpuro ye Gusunɔ u nùn yiire.
161	GEN 7:1	Yen biruwa Yinni Gusunɔ u Nɔwɛ sɔ̃ɔwa u nɛɛ, wuna na wa a man mɛm nɔɔwammɛ saa yenin tɔmbu sɔɔ. Yen sɔ̃, i duo kpakoro te sɔɔ, wunɛ ka wunɛn yɛnuɡibu kpuro.
165	GEN 7:5	Ma Nɔwɛ u kua kpuro ye Yinni Gusunɔ u nùn yiire.
169	GEN 7:9	yen baayere ya dua kpakoro te sɔɔ yiru yiru dwaa ka nia ka Nɔwɛ sannu nɡe mɛ Gusunɔ u nùn sɔ̃ɔwa.
172	GEN 7:12	Gura ye, ya nawa tem sɔɔ sɔ̃ɔ sɔɔ weeru ka wɔ̃kuru weeru.
175	GEN 7:15	Hunde koni baayere kpuro ɡesi, ya duawa ka Nɔwɛ sannu ɡoo ɡe sɔɔ yiru yiru dwaa ka nia, nɡe mɛ Gusunɔ u Nɔwɛ sɔ̃ɔwa. Ma Yinni Gusunɔ u nùn kɛnusi.
177	GEN 7:17	Gura nɛmɔ ma nim mu kpɛ̃amɔ tem sɔɔ sere sɔ̃ɔ weeru, mu tɛriamɔ mu kpakoro te yĩiya ma ta seewa tem di ta ɡɛrua mɛn wɔllɔ.
185	GEN 8:1	Adama Gusunɔ kun Nɔwɛ duari ka ɡbeeku yɛɛ kpuro ka yaa sabe ni kpuro yi yi ka nùn wãa kpakoro te sɔɔ. Ma u dera woo ɡa kua tem sɔɔ ma nim mɛ, mu kaaram torua.
199	GEN 8:15	Yera Gusunɔ u Nɔwɛ sɔ̃ɔwa u nɛɛ,
204	GEN 8:20	Saa yera Nɔwɛ u yãku yeru bana mi u koo Yinni Gusunɔ sã. Ma u yɛɛ ka ɡunɔsu ɡɔsa bweseru baatere sɔɔ te ba ra ka yãkuru ko. Ma u ka yãku dɔ̃ɔ mwaararuɡinu kua yãku yee ten wɔllɔ.
205	GEN 8:21	Ma Yinni Gusunɔ u yãku ni mwa ma u tii sɔ̃ɔwa u nɛɛ, na ǹ kon maa tem bɔ̃rusi tɔnun sɔ̃. Domi tɔnun ɡɔ̃run bwisikunu sãawa kɔ̃sunu saa win birun di. Na ǹ maa hunde koniba kpuro kpeerasiamɔ nɡe mɛ na kua.
207	GEN 9:1	Yen biru Gusunɔ u Nɔwɛ ka win bibu domaru kua u nɛɛ, i maruro i dabia kpa i yibu tem sɔɔ.
214	GEN 9:8	Gusunɔ u kpam Nɔwɛ ka win bibu sɔ̃ɔwa u nɛɛ,
222	GEN 9:16	Guru waa ye, ya koo sɔ̃ɔsira ɡuru wiru sɔɔ. Nà n ye mɛɛra kpa n arukawani nɔru sariɡia ye yaaya ye ya wãa nɛ Gusunɔ ka hunde koni baayeren baa sɔɔ.
232	GEN 9:26	U maa nɛɛ, bu Gusunɔ siaro wi u sãa Sɛmun Yinni. Wiya u koo Kanani ko Sɛmun yoo,
237	GEN 10:2	Be Yafɛti u mara be wee, Gomɛɛ ka Maɡɔɡu ka Madai ka Yafani ka Tubali ka Mɛsɛki ka Tirasi.
238	GEN 10:3	Ma Gomɛɛ u seewa u maa Asikenasi ka Rifati ka Toɡaama mara.
244	GEN 10:9	Yinni Gusunɔ u dera u kua taaso ɡeon tii tii. Yen sɔ̃na ba ra mɔndu ɡaru ko bu nɛɛ, Yinni Gusunɔ u nun ko taaso ɡeo nɡe Nimurodu.
251	GEN 10:16	Win bibun ɡaba ba kua Yebusiba ka Amɔreba ka Giriɡasiba
254	GEN 10:19	Yi da da Sidoniɔ, Geran bera ɡia sere ka Gasaɔ ka maa Sodomuɔ ka Gomɔra ɡia ka Adima ka Seboimuɔ n ka ɡirari Lesaɔ.
258	GEN 10:23	Ma Aramu u seewa u maa Usi ka Uli mara ka Getɛɛ ka Masi.
272	GEN 11:5	Yera Yinni Gusunɔ u sarama u ka wuu ɡe ka ɡidambisa ye mɛɛri ye tɔmba banimɔ mi.
275	GEN 11:8	Yera Yinni Gusunɔ u bu yarinasia n toma min di, ba wuu ɡen bana deri ba da ba pusa tem kpuro sɔɔ.
276	GEN 11:9	Yen sɔ̃na ba wuu ɡe soka Babɛli, domi miya Yinni Gusunɔ u barum burisina. Min diya u maa tɔmbu kpuro yarinasia ba pusa handunia kpuro sɔɔ.
300	GEN 12:1	Yen biruwa Yinni Gusunɔ u Aburamu sɔ̃ɔwa u nɛɛ, a seewo wunɛn tem di a wunɛn wuu deri ka wunɛn tundon yɛnu a da tem ɡam mi kon nun sɔ̃ɔsi.
303	GEN 12:4	Yera Aburamu u swaa wɔri nɡe mɛ Yinni Gusunɔ u nùn sɔ̃ɔwa ma ba da sannu ka Lɔtu. Sanam mɛ ba yara Haranin di, Aburamu u mɔwa wɔ̃ɔ wata ka wɔkura nɔɔbu.
306	GEN 12:7	Sɔ̃ɔ teeru yera Yinni Gusunɔ u Aburamu kure u nɛɛ, wunɛn bibun bwesera kon tem mɛ wɛ̃. Ma u yãku yeru bana u ka Yinni Gusunɔ sã wi u nùn kure mi.
307	GEN 12:8	Yen biruwa u seewa min di u da ɡuuru ɡarun bera ɡia Betɛlin sɔ̃ɔ yari yerɔ u win dii bekuruɡinu ɡira. U Betɛli mɛɛra sɔ̃ɔ kpee yeru ɡia, Ayi maa sɔ̃ɔ yari yerɔ. Miya u maa yãku yeru bana u Yinni Gusunɔ sãwa.
316	GEN 12:17	Adama Yinni Gusunɔ u sunɔ wi ka win yɛnuɡibu kpuro wahala baka doke Saarai, Aburamun kurɔn sɔ̃.
323	GEN 13:4	Miya u Yinni Gusunɔ sãwa mi u raa yãku yeru bana.
329	GEN 13:10	Ma Lɔtu u nɔni seeya u Yuudɛnin daarun bera mɛɛra sere n ka da wuu ɡe ba mɔ̀ Soari. U wa tem mu ɡea sãa mu nike nikeru mɔ nɡe ɡbaa te Yinni Gusunɔ u kua Edɛniɔ, ǹ kun mɛ Eɡibitin tem. N deema Yinni Gusunɔ kun ɡina Sodomu ka Gomɔra kpeerasie.
332	GEN 13:13	Sodomuɡibu wee, tɔn kɔ̃soba. Ba sãawa durumɡibu mam mam Gusunɔn wuswaaɔ.
333	GEN 13:14	Ye Lɔtu ka Aburamu ba karana ba kpa, yera Yinni Gusunɔ u Aburamu sɔ̃ɔwa u nɛɛ, a nɔni seeyo kpa a sɔ̃ɔ yari yeru ka duu yeru mɛɛri n toma ka sɔ̃ɔ yɛ̃si yɛ̃sika.
337	GEN 13:18	Ma Aburamu u win dii bekuruɡinu kparenu kua u da u sina Manden sɔ̃ɔwɔ, wuu ɡe ba mɔ̀ Heboronin bɔkuɔ. Ma u yãku yeru bana u ka Yinni Gusunɔ sã mi.
338	GEN 14:1	Sanam mɛ Amurafɛli u sãa Sinɛan sunɔ, ma Ariɔku sãa Elasan sunɔ, ma Kedolamɛɛ sãa Elamun sunɔ, ma Tideali sãa Goyimun sunɔ,
339	GEN 14:2	sanam mɛya sinam be, ba tabu kua ka Bera, Sodomun sunɔ, ka Birisa, Gomɔran sunɔ, ka Sinɛabu, Adiman sunɔ, ka Semɛbɛɛ, Seboimun sunɔ, ka Belan sunɔ ye ba maa sokumɔ Soari.
345	GEN 14:8	Yera Sodomun sunɔ seewa ka Gomɔran sunɔ ka Adiman sunɔ ka Seboimun sunɔ ka Belan sunɔ ye ba maa sokumɔ Soari, ba da ba ka sinam be tabu yinna Sidimun wɔwaɔ.
346	GEN 14:9	Sinam beya Kedolamɛɛ, Elamun sunɔ, ka Tideali, Goyimun sunɔ, ka Amurafɛli, Sinɛan sunɔ, ka Ariɔku, Elasan sunɔ. Sinambu nnɛ be, ba ka nɔɔbu be tabu mɔ̀.
347	GEN 14:10	Sidimun wɔwa miya kɔntaan wɔrusu wãa nɡe dɔkɔba. Yera Sodomun sunɔ ka Gomɔran sunɔ ba duki sua ba da ba wɔriki si sɔɔ. Be ba tie ba maa duki doona ɡuunu ɡia.
348	GEN 14:11	Be ba bu tabu di, ba Sodomu ka Gomɔraɡibun dukia ɡura ka ben dĩanu kpuro ba ka doona.
356	GEN 14:19	U Aburamu domaru kua u nɛɛ, Gusunɔ, wi, wi u kpuro kere, u maa wɔllu ka tem taka kua, u koo nun domaru kua.
359	GEN 14:22	Aburamu u Sodomun sunɔ wisa u nɛɛ, na nɔmu sua wɔllɔ na bɔ̃rua ka Gusunɔn yĩsiru, wi, wi u kpuro kere u maa wɔllu ka tem taka kua,
362	GEN 15:1	Yeniba kpuron biru Yinni Gusunɔ u ka Aburamu ɡari kua kãsiru sɔɔ u nɛɛ, Aburamu, a ku bɛrum ko, nɛna na wunɛn tɛrɛru, wunɛn are ko n kpã ɡem ɡem.
363	GEN 15:2	Aburamu nùn wisa u nɛɛ, Yinni Gusunɔ, mba kaa maa man wɛ̃. Wee na ɡɔɔ dɔɔ bii sari kpa Ɛliesɛɛ Damasiɡii u ko nɛn tubi dio.
365	GEN 15:4	Yera Yinni Gusunɔ u Aburamu sɔ̃ɔwa u nɛɛ, n ǹ wi, u koo ko wunɛn tubi dio. Wunɛn tii tiin biiwa u koo wunɛn tubi di.