98	GEN 4:18	Enɔku wi, u Iradi mara, Iradi maa Mɛhuyaɛli mara. Mɛhuyaɛli u Mɛtusaɛli mara ma Mɛtusaɛli u Lemɛki mara.
201	GEN 8:17	I ka yɛɛ bwese bweseka kpuro yario saa ɡunɔsu sere yɛɛ naasu nnɛɡii ka yɛɛ yi yi ra kabiri temɔ, kpa yi marura yi dabia kpa yi tɛria temɔ.
211	GEN 9:5	I n maa yɛ̃ ma hunde koni baayere ye ya tɔnu ɡo, kon ye win yɛm kɔsire bikia.
393	GEN 16:11	Wee a ɡura mɔ, kaa bii tɔn durɔ ma kpa a nùn yĩsiru kɛ̃ Isimɛɛli. Domi Yinni Gusunɔ u wunɛn nɔɔ nua nɔni swãa te sɔɔ.
397	GEN 16:15	Yen biru Aɡaa u Aburamu bii tɔn durɔ marua, ma Aburamu u bii wi yĩsiru kã Isimɛɛli.
398	GEN 16:16	Aburamun wɔ̃ɔ ɡa sãawa wɛnɛ ka nɔɔba tia sanam mɛ ba Isimɛɛli mara.
408	GEN 17:10	Arukawani ye wee, ye na ka bɛɛ bɔkumɔ, ye i ko nɛnɛ wunɛ ka wunɛn bibun bweseru. I ko i tɔn durɔ baawure banɡo kua wi u wãa bɛɛn suunu sɔɔ.
410	GEN 17:12	I n da bii tɔn durɔ baawure banɡo kue ù n sɔ̃ɔ nɔɔba ita tura. N ǹ mɔ be ba mara bɛɛn yɛnuɔ tɔna, ka maa be i ka ɡobi dwawa tɔn tukobun mi.
411	GEN 17:13	I ko be kpuro banɡo kuawa kpa nɛn arukawani yen yĩreru ta n wãa bɛɛn wasi sɔɔ sere ka baadommaɔ.
416	GEN 17:18	Yera u Gusunɔ sɔ̃ɔwa u nɛɛ, a de Isimɛɛlin sanu sanusu su nun wɛ̃re kpa u nɛn tubi di.
417	GEN 17:19	Ma Gusunɔ u nɛɛ, aawo, wunɛn kurɔ Saaraawa koo nun bii tɔn durɔ marua kam kam, kpa a nùn yĩsiru kɛ̃ Isaki. Wiya kon wure n ka nɛn arukawani bɔke ye ya ǹ kpeemɔ win bweserɔ.
418	GEN 17:20	Mɛya na wunɛn kanaru nua te a kua Isimɛɛlin sɔ̃. Wee, kon maa nùn domaru kua kpa u marura, win bibu bu dabia sere ba ǹ ɡarirɔ. U koo bibu wɔkura yiru ma, kpa bii be, bu ko bwese bakarun kɛri wɔkura yirun nuuru.
419	GEN 17:21	Adama nɛn arukawani ye, ya ko n wãawa Isakin mi, wi Saaraa koo nun marua ɡasɔku amadaare.
421	GEN 17:23	Yen biru Aburahamu u Isimɛɛli sua ka yobu kpuro be ba mara win yɛnuɔ ka be u ka ɡobi dwa, tɔn durɔ be ba wãa win yɛnuɔ kpuro ɡesi, ma u bu banɡo kua dɔma te, nɡe mɛ Gusunɔ u nùn sɔ̃ɔwa.
423	GEN 17:25	Win bii Isimɛɛli u maa mɔwa wɔ̃ɔ wɔkura ita.
424	GEN 17:26	Sɔ̃ɔ tee tera ba Aburahamu ka win bii Isimɛɛli banɡo kua.
429	GEN 18:4	I de bu nim tama i ka bɛɛn kɔ̃ri kpakia kpa i wɛ̃ra dãa saaru mini.
466	GEN 19:8	Wee, na bii wɔndiaba yiru mɔ be ba kun ɡina durɔ yɛ̃. I de n bɛɛ bu yarama kpa i ka bu ko nɡe mɛ n bɛɛ wɛ̃re. Adama durɔ beni, i man bu derio domi sɔba.
517	GEN 21:3	Aburahamu u bii wi yĩsiru kã Isaki.
518	GEN 21:4	Ye Isaki kua sɔ̃ɔ nɔɔba ita u nùn banɡo kua nɡe mɛ Gusunɔ u raa nùn wooda wɛ̃.
519	GEN 21:5	Aburahamu mɔwa wɔ̃ɔ wunɔbu (100) sanam mɛ ba win bii Isaki mara.
523	GEN 21:9	Ye Saaraa wa ma bii wi Aɡaa Eɡibitiɡii wi, u Aburahamu marua u Isaki yɛ̃ɛmɔ,
525	GEN 21:11	Gari yi, yi Aburahamu dua ɡem ɡem win bii Isimɛɛlin sɔ̃.
526	GEN 21:12	Adama Gusunɔ u Aburahamu sɔ̃ɔwa u nɛɛ, a ku ɡari yi ɡɔburu wa wunɛn yoo wi ka win biin sɔ̃. A Saaraa kuo ye u nun bikia kpuro. Domi Isakin min diya bwese baka tèn nɔɔ mwɛɛru na nun kua ta koo yari.
550	GEN 22:2	Ma u nɛɛ, a Isaki wunɛn bii teere te suo wi a kĩ mi, a ka da Mɔriyan temɔ kpa a ka nùn yãku dɔ̃ɔ mwaararuɡiru ko ɡuuru ɡarun wɔllɔ te kon nun sɔ̃ɔsi.
551	GEN 22:3	Yera Aburahamu u seewa buru buru yellu u win kɛtɛku ɡaari bɔkua ma u win sɔm kowo aluwaasiba yiru sua ka win bii Isaki sannu. U yãku dãa bɛsuka. Yen biru ba swaa wɔri ba dɔɔ mi Gusunɔ u nùn sɔ̃ɔwa.
554	GEN 22:6	Ma Aburahamu u yãku dãa ye sua u win bii Isaki sɔbi. Win tii u dɔ̃ɔ ka woburu sua u nɛni ma be yiru ba swĩinɛ.
555	GEN 22:7	Yera Isaki u nùn bikia u nɛɛ, baaba. Aburahamu u nɛɛ, nɛ wee, nɛn bii. Isaki nɛɛ, dɔ̃ɔ ka dãa wee, adama mana yãku yãara wãa.
557	GEN 22:9	Ye ba tura mi Gusunɔ u raa nùn yĩreru kua, Aburahamu u yãku yeru kua u yãku dãa ye tɛria ten wɔllɔ, ma u win bii Isaki bɔkua u sɔndi mi.
558	GEN 22:10	Yen biru Aburahamu u woburu sua u ka win bii Isaki saka.
596	GEN 24:4	Adama kaa da nɛn temɔ sere nɛn wuuɔ a nɛn bii Isaki kurɔ kasuama.
606	GEN 24:14	Ben wi kon nim nɔruram kana n nɔ, kpa u win tooru sika u nɛɛ, n nɔruo, kpa u maa nɛn yooyoosu kɛ̃, a de wɔndia wi, u n sãa wi a wunɛn bɔ̃ɔ Isaki ɡɔsia. À n kua mɛ, ko na n yɛ̃ ma a nɛn yinni durom kuawa.
654	GEN 24:62	N deema Isaki u wurama dɔkɔn di ye ba mɔ̀ Gusunɔ u man waamɔ, ma u da u wãa ɡbaburɔ Nɛɡɛbuɔ.
656	GEN 24:64	Rebekan tii u maa nɔni seeya u mɛɛra u Isaki wa ma u sara yooyoon di
658	GEN 24:66	Ye ba ka Isaki yinna, yoo wi, u nùn ɡari yi kpuro saaria ye u kua.
659	GEN 24:67	Ma Isaki u ka Rebeka da win mɛro Saaraan kuu bekuruɡirɔ. Ma u nùn sua win kurɔ. U nùn kĩa ɡem ɡem. Nɡe mɛya Isakin nukura ka yɛmia win mɛron ɡɔɔn biru.
664	GEN 25:5	Adama ye Aburahamu u mɔ kpuro, Isaki turowa u wɛ̃.
665	GEN 25:6	Ma u win kurɔ be ba tien bibu kɛ̃nu kã kã. Yen biru u bu ɡira Isakin min di, ba da sɔ̃ɔ yari yerun bera ɡia.
668	GEN 25:9	Yera win bibu Isaki ka Isimɛɛli ba na ba nùn sikua Makpelan kpee wɔruɔ Eforoni Sokaan biin ɡberɔ, Manden deedeeru. Eforoni wi, u sãawa Hɛti.
670	GEN 25:11	Aburahamun ɡɔɔn biru Gusunɔ u win bii Isaki domaru kua. Saa ye sɔɔ, u wãawa dɔkɔn bɔkuɔ ye ba mɔ̀ Gusunɔ u man waamɔ.
671	GEN 25:12	Isimɛɛlin bibun bweseru wee. Isimɛɛli u sãawa Aburahamun bii wi u ka Aɡaa Eɡibitiɡii mara. Aɡaa wi, u sãawa Saaraan yoo wi u Aburahamu wɛ̃ kurɔ.
672	GEN 25:13	Isimɛɛli wiya u seewa u bibu mara. Ben yĩsa wee nɡe mɛ ba bɔm wɛ̃ɛna. Nɛbayɔtuwa u sãa win bii ɡbiikoo. Nɛbayɔtun wɔnɔba Kedaa ka Adibɛli ka Mibusamu
676	GEN 25:17	Isimɛɛli u kuawa wɔ̃ɔ wunaa teeru ka wɔkura nɔɔbu ka yiru. Yen biru u kpuna u ɡu u win baababa deema ɡɔriɔ.
678	GEN 25:19	Aburahamun bii Isakin bibun bweseru wee.
679	GEN 25:20	Ye Isaki u kua wɔ̃ɔ weeru yera u Rebeka sua kurɔ. Rebeka u sãawa Labanin sesu. Ben baawa Bɛtuɛli Aramuɡii. Ben wuuwa maa Padanaramu.
680	GEN 25:21	Isaki u Yinni Gusunɔ kana win kurɔn sɔ̃ domi u kua wĩro. Gusunɔ u win kanaru mwa, ma win kurɔ Rebeka u ɡura sua.
685	GEN 25:26	Yen biru yiruse maa yarima. Win nɔma Esaun naa tokuru nɛni. Ma ba nùn yĩsiru kã Yakɔbu . Isaki u mɔwa wɔ̃ɔ wata sanam mɛ ba bu mara.
687	GEN 25:28	Isaki u Esau kĩru bo, domi u ra win taasorun yaa tem. Ma Rebeka u maa Yakɔbu kĩru bo.
694	GEN 26:1	Gɔ̃ɔra kpam dua tem mɛ sɔɔ, nɡe mɛ ta raa kua Aburahamun waati. Ma Isaki u da u wãa Abimɛlɛki Filisitiban sina bokon mi Geraɔ.
695	GEN 26:2	Sɔ̃ɔ teeru Yinni Gusunɔ u Isaki kure u ka nùn ɡari kua u nɛɛ, a ku ra da Eɡibitiɔ. A de a sina tem mɛ kon nun sɔ̃ɔsi sɔɔ.
699	GEN 26:6	Yera n dera Isaki u sina Geraɔ.
701	GEN 26:8	Nɡe mɛ u tɛɛmɔ wuu mi, yera sɔ̃ɔ teeru Abimɛlɛki Filisitiban sunɔ wi, u mɛɛrima saa win dirun fɛnɛntin di u wa wee, Isaki ka Rebeka ba bɔnda mɔ̀.
702	GEN 26:9	Ma u Isaki sokusia. Ye u na, u nùn bikia u nɛɛ, ase wunɛn kurɔwa Rebeka. Ma a sun weesu kua a nɛɛ, wunɛn sesuwa? Isaki u nùn wisa u nɛɛ, na ǹ kĩ bu man ɡowa. Yen sɔ̃na na ka ɡerua mɛ.
704	GEN 26:11	Saa yera u kpara u nɛɛ, wi u Isaki ǹ kun mɛ win kurɔ baba ba koo yɛ̃ro ɡowa.
705	GEN 26:12	Yeniba kpuron biru Isaki u ɡberu kua tem mi. Ma win dĩanu ɡea kua wɔ̃ɔ ɡe sɔɔ. Nu kuawa ye u duuran nɔn wunɔbu (100) yèn sɔ̃ Yinni Gusunɔ u nùn domaru kua.
706	GEN 26:13	Nɡe mɛya Isakin dukia ya ka kuuramɔ ya dɔɔ. Ma u kua ɡobiɡii kpoko.
710	GEN 26:17	Ma Isaki u doona ben min di u da u wãa daru wɔwa ɡaan mi, Geran tem mɛ sɔɔ.
712	GEN 26:19	Ma Isakin yoo be, ba dɔkɔ ɡba wɔwa ye sɔɔ, ba nim ɡem kamɛ.
713	GEN 26:20	Ka mɛ, Geraɡibun naa kparoba na ba Isakin naa kparobu sannɔ nɔɔ kuura ba nɛɛ, ben dɔkɔwa. Ma Isaki u dɔkɔ ye yĩsiru kã Sikirinɔsu.
714	GEN 26:21	Yera Isakin yoo be, ba kpam dɔkɔ ɡaa ɡba, ma Geraɡibun naa kparo be, ba kpam na ba ka bu sanna dɔkɔ yen sɔ̃. Ma Isaki u dɔkɔ ye yĩsiru kã Yibɛrɛ.
716	GEN 26:23	Yen biru Isaki u doona saa min di ma u da Beri Sebaɔ.
718	GEN 26:25	Ma Isaki u yãku yeru bana Beri Seba mi, u Yinni Gusunɔ sãwa. U win kuu bekuruɡinu ɡira, ma win yoba dɔkɔ ɡba mi.
719	GEN 26:26	Saa yera Abimɛlɛki ka win bɔrɔ Ahusati ka sere maa win tabu sunɔ Pikoli ba seewa Geran di ba Isaki beram da.
723	GEN 26:30	Ma Isaki u bu yaarɛ kua, ba di ba nɔra ma ba kpuna mi.
724	GEN 26:31	Yera ba seewa buru buru yellu ba arukawani ye bɔkua ka bɔ̃ri. Ma Isaki u dera ba doona ka alafia.
725	GEN 26:32	Yen tɔ̃ɔ tera Isakin yobu ba na ba nùn sɔ̃ɔwa ba nɛɛ ba nim wa dɔkɔ ye ba ɡba sɔɔ.
728	GEN 26:35	Adama kurɔ be, ba Isaki ka Rebeka nuki sanka to.
729	GEN 27:1	Sanam mɛ Isaki u tɔkɔ kua, win nɔni dam dwiiya, u ǹ maa yam waamɔ, ma u win bii yeruma soka u nɛɛ, Esau. Esau u nɛɛ, nɛ wee.
730	GEN 27:2	Ma Isaki u nɛɛ, wee na tɔkɔ kua, na ǹ maa nɛn ɡɔɔn tɔ̃ru yɛ̃.
733	GEN 27:5	Ma Esau u seewa u da yakasɔ u ka ɡbeeku yaa ye ɡooma. N deema Rebeka u nɔɔmɔ ye Isaki u win bii Esau sɔ̃ɔmɔ.
742	GEN 27:14	Ma Yakɔbu u da u ka boo ni na u win mɛro wɛ̃. U ka yaa dibu kua bi Isaki u ra kã.
748	GEN 27:20	Ma Isaki u nùn bikia u nɛɛ, amɔna a ka ye wa fuuku mɛ, nɛn bii. Yakɔbu u nùn wisa u nɛɛ, Gusunɔ wunɛn Yinniwa u man ye ɡawama.
749	GEN 27:21	Ma Isaki u nɛɛ, ǹ n mɛn na, a susima nɛn bii, n nun baba n wa à n sãa Esaun na ka ɡem.
750	GEN 27:22	Yakɔbu u susi win baaba Isakin mi, ma u nùn baba u nɛɛ, Yakɔbun nɔɔwa na nɔɔmɔ, adama Esaun nɔma na baba.
753	GEN 27:25	Isaki u nɛɛ, a ka susima n wunɛn taasorun yaa tem kpa n nun domaru kua. Yakɔbu u ka susi win mi, ma u di. U maa tam sua u nùn wɛ̃ ma u nɔra.
754	GEN 27:26	Yen biru Isaki u nùn sɔ̃ɔwa u nɛɛ, a susima a man sɔ̃su, nɛn bii.
755	GEN 27:27	Yakɔbu u susi u nùn sɔ̃su. Isaki u win yãnun nuburu nua ma u nùn domaru kua u nɛɛ, wee nɛn biin nubura ka ɡberun nuburu weenɛ te Yinni Gusunɔ u domaru kua.
758	GEN 27:30	Ye Isaki u Yakɔbu domaru kua u kpa, sanam mɛ Yakɔbu u doona kese, yera win mɔɔ Esau u wurama taasorun di.
760	GEN 27:32	Win tundo Isaki u nùn bikia u nɛɛ, wuna were. U nɛɛ, nɛna Esau wunɛn bii yeruma.
761	GEN 27:33	Ma Isaki u diira ɡem ɡem u nɛɛ, ǹ n mɛn na, wara u man ɡbeeku yaa tama na tema a sere tunuma, na maa nùn domaru kua. Yɛ̃ro koo maa baruka ko.
763	GEN 27:35	Isaki u nɛɛ, wunɛn wɔnɔ u na u wunɛn domaru mwa ka bwisi.
765	GEN 27:37	Isaki u nùn wisa u nɛɛ, wee na nùn kua wunɛn yinni, na maa nùn win mɛro bisibu kpuro wɛ̃ bu ko win yobu. Na maa sii dĩanu ka dãa bii ni ba ra ka tam ko kpuron domaru kua. Ǹ n mɛn na, mba kon kpĩ n maa nun kua, nɛn bii.
767	GEN 27:39	Win tundo Isaki u nùn sɔ̃ɔwa u nɛɛ, wee ye kon nun sɔ̃. Wunɛn tem kun baruka wasi. Mɛya ɡura kun maa nɛmɔ wunɛn mi. Wunɛn takobin areya kaa n dimɔ a n ka wãa.
774	GEN 27:46	Yera Rebeka u da u Isaki sɔ̃ɔwa u nɛɛ, na ka nɛn wãaru wasira Esaun kurɔ benin daan sɔ̃, be ba sãa Hɛtiba. Yakɔbu ù n maa kurɔ sua tem mini nɡe be, mban wãara ko na n maa wãa.
775	GEN 28:1	Yera Isaki u Yakɔbu soka u nùn domaru kua, ma u nùn sɔ̃ɔwa u nɛɛ, a ku ra ko a Kanani minin kurɔ sua.
779	GEN 28:5	Isaki u dera Yakɔbu u da Padanaramu ɡia Labanin mi, wi u sãa Bɛtuɛli Aramuɡiin bii, Yakɔbu ka Esaun dwaani.
780	GEN 28:6	Esau u wa ma Isaki u Yakɔbu domaru kua ma u nùn ɡɔra Padanaramu ɡia u win kurɔ kasu. U maa nua ma saa ye u nùn domaru kuammɛ u nɛɛ, u ku raa kurɔ sue Kananin bii tɔn kurɔbu sɔɔ.
783	GEN 28:9	Ma u seewa u da Isimɛɛlin mi, u win bii Mahalati, Nɛbayɔtun sesu sua kurɔ u doke kurɔ be u raa mɔ sɔɔ. Isimɛɛli wi, u sãawa Aburahamun bii.
787	GEN 28:13	Yinni Gusunɔn tii u yɔ̃ yen wɔllɔ ma u ka nùn ɡari kua u nɛɛ, nɛna Gusunɔ, Aburahamu wunɛn debun Yinni ka Isakin Yinni. Tem mi a kpĩ mi, wuna kon mu wɛ̃ ka sere maa wunɛn bibun bweseru.
803	GEN 29:7	Yakɔbu u nɛɛ, wee sɔ̃ɔ kpã, saa kun tura ɡina i ka yaa sabenu mɛnna. I nu nim kɛ̃ɛyɔ kpa i kpam da i nu kpara.
849	GEN 30:18	Yera u nɛɛ, Gusunɔ u man nɛn are wɛ̃, yèn sɔ̃ na dera nɛn durɔ u nɛn yoo sua kurɔ. Ma u bii wi yĩsiru kã Isakari.
850	GEN 30:19	Isakarin biru Lea u kpam ɡura sua u Yakɔbu bii tɔn durɔ nɔɔba tiase marua.
892	GEN 31:18	Ma u win dukia kpuro sua ka win sabe ni u wa Padanaramuɔ. U swaa wɔri u dɔɔ win tundo Isakin mi, Kananin temɔ.
916	GEN 31:42	Gusunɔ, wi, wi Aburahamu ka nɛn baaba Isaki ba nasie ù kun daa ka man wãa, kaa man deriwa nɔm dira. Wee, u nɛn wɔnwɔndu wa ka nɛn wahala ye na kua. Yen sɔ̃na u man siria ɡĩa.