98	GEN 4:18	Enɔku wi, u Iradi mara, Iradi maa Mɛhuyaɛli mara. Mɛhuyaɛli u Mɛtusaɛli mara ma Mɛtusaɛli u Lemɛki mara.
99	GEN 4:19	Lemɛki wi, u kurɔbu yiru sua. Turon yĩsira Ada, turoɡira maa Sila.
103	GEN 4:23	Yera Lemɛki u win kurɔbu sɔ̃ɔwa u nɛɛ, i man swaa dakio, bɛɛ nɛn kurɔbu, Ada ka Sila. Na tɔnu ɡo bɛɛn sɔ̃ yèn sɔ̃ u man mɛɛra kua.
104	GEN 4:24	Bà n wi u Kaɛni ɡo mɔru kɔsia nɔn nɔɔba yiru, ba koo nɛ Lemɛki mɔru kɔsia nɔn wata ka wɔkura nɔɔbu ka yiru.
131	GEN 5:25	Ye Mɛtusela u kua wɔ̃ɔ wunaa wɛnɛ ka nɔɔba yiru (187), yera u Lemɛki mara.
132	GEN 5:26	Lemɛkin marubun biru Mɛtusela wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nata ka wunaa wɛnɛ ka yiru (782).
134	GEN 5:28	Ye Lemɛki u kua wɔ̃ɔ wunaa wɛnɛ ka yiru (182), u bii tɔn durɔ mara.
136	GEN 5:30	Nɔwɛn marubun biru Lemɛki wi, u maa bii tɔn durɔbu ka tɔn kurɔbu marumɔ sere n ka kua wɔ̃ɔ nɛɛra wunɔbu ka wɛnɛ ka wɔkura nɔɔbu (595).
248	GEN 10:13	Misiraimu wiya u Ludiba mara ka Ananiba ka Lehabuba ka Nafituba
254	GEN 10:19	Yi da da Sidoniɔ, Geran bera ɡia sere ka Gasaɔ ka maa Sodomuɔ ka Gomɔra ɡia ka Adima ka Seboimuɔ n ka ɡirari Lesaɔ.
257	GEN 10:22	Ben yĩsa wee, Elamu ka Asuri ka Aapasadi ka Ludi ka Aramu.
294	GEN 11:27	Teran bibun bweseru wee. Tera u Aburamu mara ka Nakori ka Harani. Ma Harani u seewa u Lɔtu mara.
298	GEN 11:31	Yen biru Tera u win bii Aburamu sua ka Saarai Aburamun kurɔ ka Lɔtu Haranin bii, ba seewa ba yara sannu Urun di Kaladen temɔ ba dɔɔ Kananin temɔ. Ye ba tura wuu ɡe ba mɔ̀ Karaniɔ ma ba sina mi.
303	GEN 12:4	Yera Aburamu u swaa wɔri nɡe mɛ Yinni Gusunɔ u nùn sɔ̃ɔwa ma ba da sannu ka Lɔtu. Sanam mɛ ba yara Haranin di, Aburamu u mɔwa wɔ̃ɔ wata ka wɔkura nɔɔbu.
304	GEN 12:5	U win kurɔ Saarai sua ka Lɔtu win wɔnɔn bii ka ben arumani ye ba mɔ kpuro ka sɔm kowo be ba wa Haraniɔ. Be kpurowa ba swaa wɔri ma ba tura Kananin temɔ.
320	GEN 13:1	Ma Aburamu u seewa Eɡibitin di u wura Nɛɡɛbu ɡia wi ka win kurɔ ka ye u mɔ kpuro ka Lɔtu sannu.
324	GEN 13:5	N deema Lɔtu u maa yãanu mɔ ka nɛɛ ka dii bekuruɡinu u ka Aburamu swĩi.
326	GEN 13:7	Yen sɔ̃na sannɔ ɡa dua Aburamun kparobu ka Lɔtuɡibun suunu sɔɔ. N deema Kananiba ka Feresiba ba wãa tem mɛ sɔɔ sanam mɛ.
327	GEN 13:8	Yera Aburamu u Lɔtu sɔ̃ɔwa u nɛɛ, na nun kanamɔ, a ku de sikirinɔ ɡa n wãa nɛ ka wunɛn suunu sɔɔ, ǹ kun mɛ nɛn kparobu ka wunɛɡibun suunu sɔɔ. Domi bɛsɛ dusina.
329	GEN 13:10	Ma Lɔtu u nɔni seeya u Yuudɛnin daarun bera mɛɛra sere n ka da wuu ɡe ba mɔ̀ Soari. U wa tem mu ɡea sãa mu nike nikeru mɔ nɡe ɡbaa te Yinni Gusunɔ u kua Edɛniɔ, ǹ kun mɛ Eɡibitin tem. N deema Yinni Gusunɔ kun ɡina Sodomu ka Gomɔra kpeerasie.
330	GEN 13:11	Yera Lɔtu u Yuudɛnin wɔwa ye kpuro tii ɡɔsia ma u da sɔ̃ɔ yari yeru ɡia. Mɛya n kua ba ka karana.
331	GEN 13:12	Aburamu u sina Kananin temɔ, Lɔtu u maa da u sina wɔwa yen wusun bɔkuɔ ma u ka win dii bekuruɡinu susimɔ sere ka Sodomuɔ.
333	GEN 13:14	Ye Lɔtu ka Aburamu ba karana ba kpa, yera Yinni Gusunɔ u Aburamu sɔ̃ɔwa u nɛɛ, a nɔni seeyo kpa a sɔ̃ɔ yari yeru ka duu yeru mɛɛri n toma ka sɔ̃ɔ yɛ̃si yɛ̃sika.
349	GEN 14:12	Ba maa Aburamun wɔnɔn bii Lɔtu mwa wi u wãa Sodomuɔ ka win dukia kpuro ba ka doona.
353	GEN 14:16	U dukia ye kpuro wɔrama ma u win wɔnɔn bii Lɔtu wɔrama ka win ye u mɔ ka sere maa tɔn be ba raa mwɛɛra ka ben kurɔbu.
459	GEN 19:1	Tɔmbu yiru be ba raa Sodomun swaa wɔri ba tura mi yoka. N deema ba sãawa Gusunɔn ɡɔradoba. Wee, saa ye sɔɔ, Lɔtu u sɔ̃ wuun ɡbãra kɔnnɔwɔ mi wuun wiruɡibu ba ra sinɛ. Ye u bu wa u seewa
461	GEN 19:3	Adama Lɔtu u bu nɔɔ ɡɛ̃ɛ ba sere wura ba dua win yɛnuɔ. U tɔ̃ɔ baka dim kua ka pɛ̃ɛ ye ba kun seeyatia doke ma ba di.
463	GEN 19:5	Ma ba Lɔtu soka ba nɛɛ, mana durɔ be, ba wãa be ba sɔbia wunɛn yɛnuɔ yoka ye. A bu yarama su ka bu kpuna nɡe tɔn kurɔbu.
464	GEN 19:6	Ma Lɔtu u yara u bu deema yɛnu kɔnnɔwɔ, u ɡambo kɛnua birum birum.
467	GEN 19:9	Ba nɛɛ, wunɛ sɔɔwa, ma a kĩ a sun siri? A tii ɡawo min di, ǹ kun mɛ, ye sa ko nun kua ya koo beɡia kera. Ma ba Lɔtu bɔrikia ka dam sere ba kĩ bu win ɡambo kɔra.
468	GEN 19:10	Saa yera sɔɔ be, ba Lɔtu ɡawa ba sure yɛnuɔ ba ɡambo kɛnua.
470	GEN 19:12	Sɔɔ be, ba Lɔtu bikia ba nɛɛ, wara a mɔ mini maa. Wunɛn bibun durɔbu ka wunɛn bii tɔn durɔbu ka tɔn kurɔbu. Be ba sãa wunɛɡibu kpuro ɡesi, a bu mɛnnɔ i yari minin di.
472	GEN 19:14	Ma Lɔtu u yara u da u win bibun durɔ kɛ̃ɛrobu sɔ̃ɔwa bu seewo bu yari min di domi Yinni Gusunɔ u koo wuu ɡe kam koosia. Adama ba ɡari yi atafiiru kua.
473	GEN 19:15	Buru buru yam sãreru ɡɔrado be, ba Lɔtu nɔɔ ɡɛ̃ɛ ba mɔ̀, a seewo a wunɛn kurɔ sua ka wunɛn bii wɔndiaba yiru be ba wãa mini kpa i ku ra kam ko bà n wuu ɡe kpeerasiamɔ.
474	GEN 19:16	Ye ba wa ma Lɔtu u tɛɛmɔ, ba wi ka win kurɔ ka win bii wɔndiaba yiru yen nɔmu nɛnua ba ɡawa ba ka yara sere wuun biruɔ, domi Yinni Gusunɔ u ben wɔnwɔndu wa.
476	GEN 19:18	Ma Lɔtu u nɛɛ, aawo, yinni.
481	GEN 19:23	N deema sɔ̃ɔ yarima Lɔtu u sere dua Soariɔ.
484	GEN 19:26	Adama suaru sɔɔ Lɔtun kurɔ u sĩira, ma u ɡɔsira bɔɔ kperu.
487	GEN 19:29	Sanam mɛ Gusunɔ u batuma yen wusu kpeerasiamɔ, u Aburahamu yaaye ma u Lɔtu yara kam koo bin min di.
488	GEN 19:30	Yen biru Lɔtu u yara Soarin di u da u sina ɡuuru ɡarun kpee wɔru sɔɔ ka win bii wɔndiaba yiru ye sannu, domi u bɛrum bara u sina Soariɔ.
491	GEN 19:33	Wɔ̃ku te, ba ben tundo tam nɔrusia, ma yeruma u da u win tundo kpunɛ, adama Lɔtu kun yɛ̃ saa ye bii wi, u na u kpuna ka saa ye u seewa.
494	GEN 19:36	Ma Lɔtun bii tɔn kurɔbu yiru ye, ba win ɡuri sua.
621	GEN 24:29	N deema u sesu ɡoo mɔ, win yĩsira Labani.
622	GEN 24:30	Labani wi, u taabu ɡe ka sumi yi wa win sesu Rebekan nɔmaɔ, u maa win ɡere kpuro nua ye u nɛɛ, mɛsuma durɔ wi, u nùn sɔ̃ɔwa. Yera u yara ka duka u durɔ wi sennɔ da mi u wãa ka win yooyoosu bwian bɔkuɔ.
624	GEN 24:32	Ye durɔ wi, u tura yɛnu mi, Labani u dera ba yooyoosun sɔmunu kusia ma u su yakasu ka taka wɛ̃ su di. Ma u nim tama mɛ durɔ wi ka wiɡibu ba koo ka kɔ̃ri kpakia.
625	GEN 24:33	Ma ba nùn dĩanu yiiya. Adama u nɛɛ, na ǹ ɡina dimɔ ma n kun mɔ na ɡari yi na ka sĩimɔ ɡerua na kpa. Ma Labani u nɛɛ, a ɡeruo.
642	GEN 24:50	Labani ka Bɛtuɛli ba wisa ba nɛɛ, Yinni Gusunɔn min diya yeni kpuro ya wee. Sa ǹ kpɛ̃ su yen ɡea ǹ kun mɛ yen kɔ̃sa ɡere.
662	GEN 25:3	Ma Yokusani u seewa u Seba ka Dedani mara. Dedanin bibun bwesera Asuriba ka Letusiba ka Lumiba.
679	GEN 25:20	Ye Isaki u kua wɔ̃ɔ weeru yera u Rebeka sua kurɔ. Rebeka u sãawa Labanin sesu. Ben baawa Bɛtuɛli Aramuɡii. Ben wuuwa maa Padanaramu.
771	GEN 27:43	Tɛ̃ nɛn bii, a nɛn ɡari swaa dakio. A seewo a kpikiru da nɛn sesu Labanin mi Haraniɔ.
776	GEN 28:2	Yen sɔ̃, a seewo a da Padanaramuɔ, Bɛtuɛli wunɛn mɛron baaban yɛnuɔ kpa a kurɔ sua mi, Labani wunɛn dwaanin bibu sɔɔ.
779	GEN 28:5	Isaki u dera Yakɔbu u da Padanaramu ɡia Labanin mi, wi u sãa Bɛtuɛli Aramuɡiin bii, Yakɔbu ka Esaun dwaani.
793	GEN 28:19	U yam mi yĩsiru kã Betɛli. Yen tubusiana Gusunɔn wãa yeru. Adama wuu ɡe ɡa wãa mi, ba ra raa ɡu sokuwa Lusi.
801	GEN 29:5	U bu bikia u nɛɛ, i Labani Nakorin bii yɛ̃? Ba nɛɛ, oo, sa nùn yɛ̃.
806	GEN 29:10	Ye Yakɔbu u win dwaani Labanin bii Rasɛli wa ka win yãa ɡɔ̃ɔ, u susi u kpee te swɛnya dɔkɔn nɔɔn di ma u yãa ni nim kã.
809	GEN 29:13	Ye Labani u win dwaanibu Yakɔbun labaari nua, u duka na u nùn senna. U nùn tɔbura u nùn bɔkasi u sɔ̃su, ma u ka nùn da yɛnuɔ. Ma Yakɔbu u Labani sɔ̃ɔwa kpuro ye u ka sĩimɔ.
810	GEN 29:14	Yera Labani u nɛɛ, ka ɡem nɛ ka wunɛ yɛm tema. Ma Yakɔbu u sina Labanin mi suru tia.
811	GEN 29:15	Yen biru Labani u Yakɔbu sɔ̃ɔwa u nɛɛ, kaa man sɔmburu kua kam yèn sɔ̃ a sãa nɛn dusi? A man sɔ̃ɔwɔ nyen na kaa man mwaari.
812	GEN 29:16	N deema Labani u bii tɔn kurɔbu yiru mɔ. Gbiikoon yĩsira Lea, wɔnɔɡira maa Rasɛli.
813	GEN 29:17	Lean nɔni kun dam mɔ, adama Rasɛli kurɔ burɔwa, win wasi ka win wuswaa ya ɡirima mɔ.
814	GEN 29:18	Yakɔbu u Rasɛli kĩ. Ma u Labani sɔ̃ɔwa u nɛɛ, kon nun sɔmburu kua sere wɔ̃ɔ nɔɔba yiru wunɛn bii Rasɛlin sɔ̃.
815	GEN 29:19	Ma Labani u nɛɛ, ya wã. N buram bo n nun wi kɛ̃, ye kon ka nùn durɔ ɡoo kɛ̃. Ǹ n mɛn na, a ka man sinɔ.
816	GEN 29:20	Yera n dera Yakɔbu u sɔmburu kua wɔ̃ɔ nɔɔba yiru Labanin mi. Ma n nùn kua nɡe sɔ̃ɔ yiru yèn sɔ̃ u Rasɛli kĩ.
817	GEN 29:21	Yen biru u Labani sɔ̃ɔwa u nɛɛ, a man nɛn kurɔ wɛ̃ɛyɔ kpa n nùn yɛnu doke, domi nɛn tɔ̃ra yiba.
818	GEN 29:22	Yera Labani u win wɔɔ beran tɔmbu mɛnna kpuro ma u tɔ̃ɔ baka dim kua.
819	GEN 29:23	Ye n kua yoka, u win bii Lea sua u Yakɔbu duusia ma ba mɛnna.
820	GEN 29:24	Ma u win yoo tɔn kurɔ Silipa sua u win bii Lea wɛ̃.
821	GEN 29:25	Sisiru bururu, wee Yakɔbu deema Leawa. Ma u Labani sɔ̃ɔwa u nɛɛ, mban bwesera a man kua mɛni. N ǹ Rasɛlin sɔ̃na na nun sãwa ro? Mban sɔ̃na a man weesu kua.
822	GEN 29:26	Labani u nɛɛ, n ǹ bɛsɛn komaru bu wɔnɔ kurɔ kpaaru sua kpa mɔɔ u n wãa.
823	GEN 29:27	A ɡina kurɔ kpaarun sɔ̃ɔ nɔɔba yiru dakuro ka Lea. Yen biru sa ko maa nun wiɔnɔ wɛ̃. Kpa a kpam man sɔmburu kua wɔ̃ɔ nɔɔba yiru win sɔ̃.
824	GEN 29:28	Ma Yakɔbu u kua nɡe mɛ. U sɔ̃ɔ nɔɔba yiru ye dakura ka Lea. Yen biru Labani u nùn win bii Rasɛli kã kurɔ.
826	GEN 29:30	Yakɔbu u ka Rasɛli mɛnna, u nùn kĩa n kere Lea. Ma u kpam Labani sɔmburu kua wɔ̃ɔ nɔɔba yiru.
827	GEN 29:31	Ye Yinni Gusunɔ u wa ma Yakɔbu u ǹ Lea kĩ, ma u dera Rasɛli u kua wĩro ma u Lea kua bii mɛro.
830	GEN 29:34	Simɛɔn biru u maa ɡura sua u bii tɔn durɔ mara, ma ba nùn yĩsiru kã Lefi. Yera u nɛɛ, tɛ̃ra nɛn durɔ u koo man tii ɡawe, domi na nùn bii tɔn durɔbu ita marua.
831	GEN 29:35	Lefin biru u maa ɡura sua u bii tɔn durɔ mara, ma u nɛɛ, tɛ̃ kon Yinni Gusunɔ siara. Yen sɔ̃na u bii wi yĩsiru kã Yuda. Yen biru u ɡina marubu yɔ̃ra.
840	GEN 30:9	Saa ye Lea u deema u marubu yɔ̃ra, yera u win yoo Silipa sua u Yakɔbu wɛ̃ kurɔ.
842	GEN 30:11	Lea u nɛɛ, anna a nɛn wii dobu wa! Ma u nùn yĩsiru kã Gadi.
844	GEN 30:13	Yera Lea u nɛɛ, doo nɔɔruɡiiwa na sãa, domi tɔn kurɔbu ba koo man soku doo nɔɔruɡii. Ma u nùn yĩsiru kã Asɛɛ.
845	GEN 30:14	Sɔ̃ɔ teeru doo ɡɛ̃ɛrun saa sɔɔ, yera Rubɛni u seewa u da yakasɔ u dãa te ba sokumɔ mandaraɡoren binu sɔrima u ka win mɛro Lea wɔma. Saa yera Rasɛli u Lea sɔ̃ɔwa u nɛɛ, a suuru koowo, a man wunɛn biin dãa bii ni sɔko.
846	GEN 30:15	Lea u nùn wisa u nɛɛ, ye a man nɛn durɔ mwaari n ǹ nun tura? Yera a kpam kĩ a man nɛn biin dãa binu mwaari? Rasɛli nɛɛ, a suuru koowo, kon de bɛsɛn durɔ u ka nun du yoka ye, wunɛn biin dãa bii nin sɔ̃.
847	GEN 30:16	Ye n kua yoka Yakɔbu u ɡberun di wee, yera Lea u seewa u da u ka nùn yinna ma u nɛɛ, nɛna kaa ka du ɡisɔ, domi nɛn biin mandaraɡoren bina na ka nun dwa. Ma Yakɔbu u ka nùn dua dɔma te.
848	GEN 30:17	Ma Gusunɔ u Lean kanaru mwa, u ɡura sua u Yakɔbu bii tɔn durɔ nɔɔbuse marua.
850	GEN 30:19	Isakarin biru Lea u kpam ɡura sua u Yakɔbu bii tɔn durɔ nɔɔba tiase marua.
856	GEN 30:25	Saa ye Rasɛli u Yosɛfu mara, yen biruwa Yakɔbu u Labani sɔ̃ɔwa u nɛɛ, a den man karo mɛ, n we nɛn temɔ.
858	GEN 30:27	Ma Labani u nùn wisa u nɛɛ, a suuru koowo, a de a yɔ̃ra ɡina. Domi na wa ma wunɛn sɔ̃na Gusunɔ u man domaru kua.
862	GEN 30:31	Ma Labani u nùn wisa u nɛɛ, mba kon nun wɛ̃. Yakɔbu u nɛɛ, na ǹ kĩ a man ɡãanu ɡanu wɛ̃. Ye kon nun sɔ̃ wee. À n wura, a de n kpam wunɛn yãa ɡɔ̃ɔ ɡe sua n kpara.
865	GEN 30:34	Labani u nùn wisa u nɛɛ, n kooro nɡe mɛ a ɡerua.
866	GEN 30:35	Yen tɔ̃ɔ te, Labani wi, u bonu ka yãa ni nu bausu mɔ ka ni nu tĩri wuna u yi nɛnɛm ma u nu win bibu nɔmu bɛria.
873	GEN 30:42	Adama ù n wa ni nu ǹ ɡea sãa, niya nu yɔɔnamɔ, u ra yi suewa min di kpa ni, nu n sãa Labaniɡinu.
875	GEN 31:1	Sɔ̃ɔ teeru Yakɔbu u nua Labanin bibu ba ɡerumɔ ba mɔ̀, Yakɔbu u bɛsɛn tundon arumani kpuro ɡura ma u kua dukiaɡii.
876	GEN 31:2	Yen biru u wa ma Labani kun maa nùn mɛɛra nɡe yellu.
878	GEN 31:4	Ma Yakɔbu u win kurɔbu Lea ka Rasɛli sokusia bu na win mi kpara ɡberɔ.
886	GEN 31:12	Ma u nɛɛ, wiya Gusunɔ, wi, wi u man kure Betɛliɔ mi na kperu ɡira na ɡum wisi ta n ka sãa yĩreru. Miya na maa nùn nɔɔ mwɛɛru kua. Tɛ̃, n nɔni seeyo kpa n wa ma sabe nin dwanu kpuro bausu mɔwa. Domi u wa ye Labani u man kua. Kpa n se tem minin di n wura tem mi ba man mara.