2	GEN 1:2	Tem daa wãawa bitam. Gãanu kun wãa mɛ sɔɔ. Mɛn temɔ wɔru bɔkɔwa ɡa wãa mi, ma yam wɔ̃kura ɡu wukiri. Ma nim mu tɛrie tem mɛn wɔllu ɡia. Nim mɛn wɔllɔwa Gusunɔn Hunde ra n bɛllimɔ.
4	GEN 1:4	Ma yam bururam mɛ, mu nùn wɛ̃re. Saa yera u mu wunana ka yam wɔ̃kuru.
5	GEN 1:5	Ma u yam bururam soka sɔ̃ɔ sɔɔ, yam wɔ̃kuru maa wɔ̃kuru. Ma sɔ̃ɔ sɔɔ ɡe ka wɔ̃ku te, n swĩina ma n kua tɔ̃ɔ ɡbiikiru.
6	GEN 1:6	Ma Gusunɔ u nɛɛ, ɡãanu nu tɛrio wɔllɔ nɡe ɡɔna kpa mu n nim bɔnu sãa.
8	GEN 1:8	Ma u ɡãa ni soka wɔllu. Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru yiruse.
9	GEN 1:9	Ma Gusunɔ u nɛɛ, nim mɛ mu wãa wom dirum temɔ mu subenu koowo kpa tem ɡbebum mu tera. Ye u ɡerua mɛ, ma n koora.
10	GEN 1:10	Ma u tem ɡbebum mɛ soka tem, ma u maa nim sube nin baatere soka nim wɔ̃ku. Ma n nùn wɛ̃re.
12	GEN 1:12	Tem mu ɡãa dabinu kpia, ka yaka bwese bweseka si su binu marumɔ, ka dãa binuɡii bwese bweseka ni nu bweseru mɔ nin marum sɔɔ. Ma n nùn wɛ̃re.
14	GEN 1:14	Ma Gusunɔ u nɛɛ, fitilanu nu kooro wom dirum sɔɔ kpa nu sɔ̃ɔ sɔɔ ka wɔ̃kuru wunana, kpa nu n sɔ̃ɔsimɔ saa ye wɔ̃su ka tɔ̃ɔ bakanu koo tore.
17	GEN 1:17	Ma u ni kpuro doke wɔllɔ nu n ka tem yam bururasie,
18	GEN 1:18	kpa nu n sãa sɔ̃ɔ sɔɔ ka wɔ̃kurun sunɔ, kpa nu n yam bururam ka yam wɔ̃kuru wunanɛ. Ma n nùn wɛ̃re.
20	GEN 1:20	Ma Gusunɔ u nɛɛ, nim mu de hunde koniba dabi dabinu nu koora mɛ sɔɔ, kpa ɡunɔsu su n yɔ̃ɔmɔ wom dirum sɔɔ.
21	GEN 1:21	Yera u swɛ̃ɛ bɛkɛ taka kua ka yɛɛ kpuro yi yi sĩimɔ yi yiba nim mɛ sɔɔ bwese bweseka. U maa ɡunɔsu kua bwese bweseka. Ma n nùn wɛ̃re.
24	GEN 1:24	Ma Gusunɔ u nɛɛ, yɛɛ bwese bweseka yi maruro tem sɔɔ. Yiya kpaaku yɛɛ ka ɡbeeku yɛɛ ka yɛɛ yi yi ra kabiri, yi kpuro bwese bweseka. Ye u ɡerua mɛ, ma n koora.
25	GEN 1:25	U ɡbeeku yɛɛ kua bwese bweseka ka kpaaku yɛɛ ka yɛɛ yi yi ra kabiri. Ma n nùn wɛ̃re.
28	GEN 1:28	Ma u bu domaru kua u nɛɛ, i maruro i dabia i handunia yibu ya n sãa bɛɛɡia kpa i n yɛɛ kpuro nɔma sikerenɛ. Yiya swɛ̃ɛ ka ɡunɔsu ka yɛɛ yi yi sĩimɔ temɔ kpuro.
30	GEN 1:30	Ma u maa handunian yɛɛ kpuro yi yi hunde mɔ yi sĩimɔ temɔ ka ɡunɔsu kpuro sɔ̃ɔwa u nɛɛ, na bɛɛ yakɔ beku baaɡere wɛ̃ i n da di. Ye u ɡerua mɛ, ma n koora.
34	GEN 2:3	Ma u nɔɔba yiruse te yi nɛnɛm win sɔ̃, u tu domaru kua yèn sɔ̃ te sɔɔra u wɛ̃ra ye u kpuro taka kua u kpa.
39	GEN 2:8	Ma Yinni Gusunɔ u ɡbaaru kua Edɛniɔ sɔ̃ɔ yari yerun bera, ma u tɔnu wi u kua mi sua u doke sɔɔ.
40	GEN 2:9	Ma u dãa bwese bweseka kpiisia te sɔɔ, ni nu waabu wã ka ni nu dim do, ka sere dãa tèn binu nu koo tɔnu wãaru wɛ̃, ka maa tèn binu nu koo tɔnu ɡea ka kɔ̃sa ɡiasia. Dãnu yiru ye, nu wãawa ɡbaa ten suunu sɔɔ.
41	GEN 2:10	Daaru ɡara wãa ɡbaa te sɔɔ, te ta tu nike nikeru sãa. Min diya ta yara ma ta kɛri kua nnɛ.
47	GEN 2:16	Ma u nùn wooda yeni wɛ̃ u nɛɛ, kaa kpĩ a ɡbaa ten dãnu kpuron binu di.
49	GEN 2:18	Ka tema Yinni Gusunɔ u ɡbeeku yɛɛ kpuro kua ka ɡunɔsu kpuro, ma u ka ye kpuro na tɔnu win mi, u ka wa mɛ u koo ye yĩsiru kɛ̃. Ma tɔnu wi, u yaa sabenu kpuro ka ɡunɔsu ka ɡbeeku yɛɛ kpuro yĩsa kã. Yĩsi te tɔnu wi, u maa yaa baayere kã teya ba ka ye sokumɔ. Adama ye kpuro sɔɔ, sari ye ya ka nùn weenɛ ye ya koo nùn somi. Yen sɔ̃na Yinni Gusunɔ u nɛɛ, n ǹ wã tɔnu u n wãa wi turo. Kon nùn ɡoo kua u n sãa nɡe wi, wi u koo nùn somi.
52	GEN 2:21	Yera Yinni Gusunɔ u tɔnu wi dom mɔn bakaru kpɛ̃ɛ u dweeya. Ma u win yɛ̃san kuku teeru wuna ma u yɛ̃sa ye kɔrua ka yaa baasi.
53	GEN 2:22	Ma u tɔn kurɔ taka kua ka tɔn durɔn kuku te, te u wuna. Ma u ka nùn na tɔn durɔ win mi.
58	GEN 3:2	Ma kurɔ wi, u ye wisa u nɛɛ, sa ra ɡbaa ten dãa binu di ni,
62	GEN 3:6	Ma kurɔ wi, u wa dãa te, ta ka dii dobu weenɛ ta waabu wã, ta koo maa kpĩ tu nùn ko bwisiɡii. Ma u ten bii ni sɔra u di. U maa win durɔ wɛ̃ ka wi ba wãasinɛ, ma wi, u maa di.
63	GEN 3:7	Yera be yiru kpuron nɔni wukiara ba ɡia ma terera ba wãa. Ma ba da ba dãa te ba mɔ̀ fiɡien wuru bakasu bura ba swɛɛna ba ka tii ɡandi.
69	GEN 3:13	Ma Yinni Gusunɔ u kurɔ wi bikia u nɛɛ, mban sɔ̃na a kua mɛ. Ma u wisa u nɛɛ, waa ya man kɔkura na ka di.
76	GEN 3:20	Ma Adamu u win kurɔ yĩsiru kã Efa, domi wiya u sãa tɔmbu kpuron mɛro.
77	GEN 3:21	Ma Yinni Gusunɔ u Adamu ka win kurɔ yaa ɡɔnan yabenu kua u bu sebusia.
78	GEN 3:22	Ma Yinni Gusunɔ u nɛɛ, wee tɔnu wi, u kua nɡe mɛ na sãa, u ɡea ka kɔ̃sa ɡia. Tɛ̃ na ǹ kon de u dãa bii ni nu koo nùn wãaru wɛ̃ sɔri u di u n ka wãa ka baadommaɔ.
81	GEN 4:1	Yen biru Adamu ka win kurɔ Efa ba mɛnna ma Efa u ɡura sua u Kaɛni mara. Ma u nɛɛ, ka Yinni Gusunɔn somira na tɔnu taka kua.
82	GEN 4:2	Ma u maa ɡura sua u Abɛli, Kaɛnin wɔnɔ mara. Abɛli wiya u ra yãanu kpare, Kaɛni maa kua ɡbee wuko.
84	GEN 4:4	Ma Abɛli maa ka wiɡiru na te u ɡɔsa saa win yaa sabenun bii ɡbiikinun di ni nu bɔɔru. Yinni Gusunɔ u ka Abɛli nɔni ɡeu mɛɛra ma u win kɛ̃ru mwa.
85	GEN 4:5	Adama u ǹ ka Kaɛni nɔnu ɡeu mɛɛra, u ǹ maa win kɛ̃ru mwɛ. Ma Kaɛni u mɔru bara sere win wuswaa burisina.
89	GEN 4:9	Ma Yinni Gusunɔ u da Kaɛnin mi, u nùn bikia u nɛɛ, mana wunɛn wɔnɔ Abɛli u wãa. U wisa u nɛɛ, na yɛ̃ ro? Nɛna na nɛn wɔnɔn kɔ̃so?
90	GEN 4:10	Ma Yinni Gusunɔ u kpam nɛɛ, mba a kua mi. Wunɛn wɔnɔn yɛm mɛ mu yari temɔ, mu nɛn laakari seeye.
95	GEN 4:15	Adama Yinni Gusunɔ u nùn sɔ̃ɔwa u nɛɛ, aawo, n ǹ mɛ. Goo ù n nun ɡo, kon yɛ̃ro mɔru kɔsiawa tia tian nɔn nɔɔba yiru. Ma u Kaɛni yĩreru koosi, wi u nùn wa u ku ka nùn ɡon sɔ̃.
96	GEN 4:16	Ma Kaɛni u doona n toma Yinni Gusunɔn min di, u da u sina Edɛnin sɔ̃ɔ yari yerun bera ɡia, Nɔduɔ. Yĩsi ten tubusiana yaayaaren tem.
97	GEN 4:17	Yen biru Kaɛni ka win kurɔ ba mɛnna ma kurɔ wi, u ɡura sua u Enɔku mara. Ma Kaɛni u wuu ɡaɡu bana u ɡu soka Enɔku nɡe win biin yĩsiru.
98	GEN 4:18	Enɔku wi, u Iradi mara, Iradi maa Mɛhuyaɛli mara. Mɛhuyaɛli u Mɛtusaɛli mara ma Mɛtusaɛli u Lemɛki mara.
109	GEN 5:3	Ye Adamu u kua wɔ̃ɔ wunaa teeru ka wɔkuru (130) u bii tɔn durɔ mara wi u ka nùn weenɛ mam mam. Ma u nùn yĩsiru kã Sɛti.
118	GEN 5:12	Ye Kenani u kua wɔ̃ɔ wata ka wɔkuru, yera u Mahalalɛɛli mara.
119	GEN 5:13	Mahalalɛɛlin marubun biru Kenani wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nɛnɛ ka weeru (840).
121	GEN 5:15	Ye Mahalalɛɛli u kua wɔ̃ɔ wata ka nɔɔbu, yera u Yerɛdi mara.
122	GEN 5:16	Yerɛdin marubun biru Mahalalɛɛli wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nɛnɛ ka tɛna (830).
127	GEN 5:21	Ye Enɔku u kua wɔ̃ɔ wata ka nɔɔbu, yera u Mɛtusela mara.
128	GEN 5:22	Mɛtuselan marubun biru Enɔku wi, u ka Gusunɔ swĩina. U bii tɔn durɔbu ka tɔn kurɔbu marumɔ sere n ka kua wɔ̃ɔ ɡooba wunɔbu (300).
131	GEN 5:25	Ye Mɛtusela u kua wɔ̃ɔ wunaa wɛnɛ ka nɔɔba yiru (187), yera u Lemɛki mara.
132	GEN 5:26	Lemɛkin marubun biru Mɛtusela wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nata ka wunaa wɛnɛ ka yiru (782).
135	GEN 5:29	Ma u nùn yĩsiru kã Nɔwɛ, u nɛɛ, winiwa koo sun somi bɛsɛn wasiraru ka bɛsɛn sɔm sɛ̃sɔɡia sɔɔ ye sa mɔ̀ yèn sɔ̃ Yinni Gusunɔ u tem bɔ̃rusi.
141	GEN 6:3	Ma ba ka bu mɛnna ba bibu mara. Bii beya ba kua durɔ ɡbebunu handunia sɔɔ, ni nu raa yĩsiru yara yellu. Ma Yinni Gusunɔ u nɛɛ, nɛn hunde kun ko n wãa tɔmbu sɔɔ ka baadommaɔ domi ba sãawa be ba koo ɡbi. Ka mɛ, kon de ba n ɡina wãa wɔ̃ɔ wunaa teeru.
144	GEN 6:6	Ma win ɡɔ̃ru ɡa sankira yèn sɔ̃ u tɔmbu taka kua handuniaɔ. Ya nùn dua too sere win nukurɔ.
145	GEN 6:7	Ma u nɛɛ, wi, u koo kpuro kpeerasiawa handunia sɔɔn di, saa tɔnun min di n ka ɡirari yɛɛyɔ yi yi ra sĩ ka yi yi ra kabiri ka ɡunɔsu. Domi win nukura sankira yèn sɔ̃ u yeba kpuro taka kua.
151	GEN 6:13	Ma u Nɔwɛ sɔ̃ɔwa u nɛɛ, na ɡɔ̃ru doke n hunde koniba kpuro kpeerasia, domi ba dera handunian ɡɔba banda. Kon bu kpeerasia, be ka tem sannu.
160	GEN 6:22	Ma Nɔwɛ u kua kpuro ye Gusunɔ u nùn yiire.
165	GEN 7:5	Ma Nɔwɛ u kua kpuro ye Yinni Gusunɔ u nùn yiire.
167	GEN 7:7	Ma u dua kpakoro te sɔɔ ka win kurɔ ka win bibu ka ben kurɔbu bu ka wa bu nim yibu baka te suuri.
175	GEN 7:15	Hunde koni baayere kpuro ɡesi, ya duawa ka Nɔwɛ sannu ɡoo ɡe sɔɔ yiru yiru dwaa ka nia, nɡe mɛ Gusunɔ u Nɔwɛ sɔ̃ɔwa. Ma Yinni Gusunɔ u nùn kɛnusi.
179	GEN 7:19	Ma mu kpɛ̃amɔ mu sosimɔ sere mu ɡuu bakanu kpuro mwɛ tem sɔɔ.
180	GEN 7:20	Mu kpam ɡunia ɡuunun wɔllun di sere ɡɔm soonu wɔkura nɔɔbu.
181	GEN 7:21	Ma hunde koni baayere handunia sɔɔ ya ɡu, saa tɔmbu sere ka yaa sabenu ka ɡbeeku yɛɛ ka ɡunɔsu ka ye ya kabirimɔ temɔ kpuro.
184	GEN 7:24	Ma nim mɛ, mu tɛrie handunia sɔɔ sɔ̃ɔ wunaa weeru ka wɔkuru.
185	GEN 8:1	Adama Gusunɔ kun Nɔwɛ duari ka ɡbeeku yɛɛ kpuro ka yaa sabe ni kpuro yi yi ka nùn wãa kpakoro te sɔɔ. Ma u dera woo ɡa kua tem sɔɔ ma nim mɛ, mu kaaram torua.
193	GEN 8:9	Adama totobɛrɛ te, ta ǹ ayeru wa mi ta koo sura. Ma ta wura win mi, kpakoro te sɔɔ, yèn sɔ̃ nim ɡina tie tem sɔɔ kpuro. Ma Nɔwɛ u nɔmu dɛmia u tu mwa u doke kpakororu sɔɔ.
195	GEN 8:11	Ta wurama win mi yoka ta dãa wuru beku nɔɔ bɛri. Ma Nɔwɛ u ɡia ma nim mu kaarawa temɔ.
196	GEN 8:12	Ma u maa mara sɔ̃ɔ nɔɔba yiru, u kpam totobɛrɛ te yɔ̃su. Ta ǹ maa wuramɛ win mi.
197	GEN 8:13	Yen dɔma tera n kua Nɔwɛn wɔ̃ɔ nata ka tiasen (601) suru ɡbiikoon tɔ̃ɔ ɡbiikiru. Ma u kpakoro te kpɛɛya u deema wee, nim mu kpa tem mu ɡberama.
202	GEN 8:18	Ma Nɔwɛ u yara wi ka win kurɔ ka win bibu ka ben kurɔbu.
203	GEN 8:19	Ma yɛɛ yi yi naasu nnɛ mɔ kpuro ka yi yi ra kabiri ka ɡunɔsu kpuro, yaa baayere ɡesi ye ya wãa temɔ kpurowa ya yara ɡoon di, baayere ka yen bweseru.
204	GEN 8:20	Saa yera Nɔwɛ u yãku yeru bana mi u koo Yinni Gusunɔ sã. Ma u yɛɛ ka ɡunɔsu ɡɔsa bweseru baatere sɔɔ te ba ra ka yãkuru ko. Ma u ka yãku dɔ̃ɔ mwaararuɡinu kua yãku yee ten wɔllɔ.
205	GEN 8:21	Ma Yinni Gusunɔ u yãku ni mwa ma u tii sɔ̃ɔwa u nɛɛ, na ǹ kon maa tem bɔ̃rusi tɔnun sɔ̃. Domi tɔnun ɡɔ̃run bwisikunu sãawa kɔ̃sunu saa win birun di. Na ǹ maa hunde koniba kpuro kpeerasiamɔ nɡe mɛ na kua.
231	GEN 9:25	Ma u nɛɛ, kam koorewa Kanani. U koo kowa win maabu ka win wɔnɔbun yoo.
237	GEN 10:2	Be Yafɛti u mara be wee, Gomɛɛ ka Maɡɔɡu ka Madai ka Yafani ka Tubali ka Mɛsɛki ka Tirasi.
238	GEN 10:3	Ma Gomɛɛ u seewa u maa Asikenasi ka Rifati ka Toɡaama mara.
240	GEN 10:5	Yafɛtin bwese tera ta da ta sina nim wɔ̃kun bɔkuɔ ka tem burenɔ. Miya ba marura ma ben baawure u da u sina yam tem ka win bwese kɛra, ba ben barum ɡerumɔ.
241	GEN 10:6	Be ba maa sãa Kamun bibu, be wee, Kusi ka Misiraimu ka Puti ka Kanani.
246	GEN 10:11	Tem min diya u yara u da Asirin temɔ. Ma u wuu sini bana si ba mɔ̀ Ninifu ka Rehobɔtuhiro ka Kalasi,
248	GEN 10:13	Misiraimu wiya u Ludiba mara ka Ananiba ka Lehabuba ka Nafituba
250	GEN 10:15	Kanani u maa Sidoni mara. Wiya u sãa win bii ɡbiikoo. Ma u maa Hɛti mara.
255	GEN 10:20	Beya ba sãa Kamun bibu. Ma ben baawure u da u sina yam tem ka win bwese kɛra, ba ben barum ɡerumɔ.
258	GEN 10:23	Ma Aramu u seewa u maa Usi ka Uli mara ka Getɛɛ ka Masi.
259	GEN 10:24	Aapasadi u maa Sela mara. Ma Sela u maa Heberu mara.
260	GEN 10:25	Ma Heberu u bii tɔn durɔbu yiru mara. Turowa ba sokumɔ Pelɛɡi, yèn sɔ̃ win waati sɔɔra duniaɡiba tem bɔnu kua. Win wɔnɔn yĩsira maa Yokutani.
261	GEN 10:26	Ma Yokutani wi, u maa Alimɔdadi mara ka Selɛfu ka Hasamafɛti ka Yeraa
265	GEN 10:30	Ba sinawa saa Mɛsan di sere ka ɡuu te ta wãa sɔ̃ɔ yari yeru ɡia te ba mɔ̀ Sefaa.
266	GEN 10:31	Be ba sãa Sɛmun bibu bera mi. Ma ben baawure u da u sina yam tem ka win bwese kɛra, ba ben barum ɡerumɔ.
269	GEN 11:2	Ma ba seewa ba doona saa sɔ̃ɔ yari yerun di ba batuma deema Sinɛan temɔ ma ba sin yeru kua mi.
270	GEN 11:3	Yera ba ɡeruna ba nɛɛ, too, i de su biriki mura su ye wɔ̃ yu ɡbera. Ma ba ka biriki ye bana kua yèn sɔ̃ ba ǹ kpenu mɔ. Ma ba kɔntaa kua ben simaa.
273	GEN 11:6	Ma u nɛɛ, be wee, ba sãa bwese teeru ba maa barum tem ɡerumɔ ma ba bwisika bu yeni ko. Saa tɛ̃n di ɡãanu kun bu yinarimɔ bu ka ko ye ba bwisika kpuro.
276	GEN 11:9	Yen sɔ̃na ba wuu ɡe soka Babɛli, domi miya Yinni Gusunɔ u barum burisina. Min diya u maa tɔmbu kpuro yarinasia ba pusa handunia kpuro sɔɔ.
294	GEN 11:27	Teran bibun bweseru wee. Tera u Aburamu mara ka Nakori ka Harani. Ma Harani u seewa u Lɔtu mara.
296	GEN 11:29	Aburamu ka Nakori ba kurɔbu sua. Aburamun kurɔn yĩsira Saarai, Nakoriɡiin yĩsira maa Milika. Wi ka Yisika ba sãawa Haranin bibu.
305	GEN 12:6	Ye ba tura mi, ma Aburamu u tem mɛ bukiana sere u ka tura Sikɛmuɔ mi dãa sɔ̃ɔ ɡa wãa ɡe ba mɔ̀ Mɔre. Kananiba maa wãa tem mɛ sɔɔ, saa ye.