2	GEN 1:2	Tem daa wãawa bitam. Gãanu kun wãa mɛ sɔɔ. Mɛn temɔ wɔru bɔkɔwa ɡa wãa mi, ma yam wɔ̃kura ɡu wukiri. Ma nim mu tɛrie tem mɛn wɔllu ɡia. Nim mɛn wɔllɔwa Gusunɔn Hunde ra n bɛllimɔ.
32	GEN 2:1	Nɡe mɛya Gusunɔ u ka wɔllu ka tem ka kpuro ye ya wãa sɔɔ taka kua u wiru ɡo.
57	GEN 3:1	N deema waa ya bwisi bo ɡbeeku yɛɛ kpuro sɔɔ yi Yinni Gusunɔ u taka kua. Yera ya na kurɔ win mi, ya nùn bikia ya nɛɛ, ka ɡem Gusunɔ u nɛɛ, i ku ɡbaa tenin dãa binu kpuro di?
67	GEN 3:11	Gusunɔ u nɛɛ, wara nun sɔ̃ɔwa ma terera a wãa. Nɡe a dãa ten binu diwa te na nɛɛ, a ku di.
71	GEN 3:15	Na kon maa yibɛrɛ tɛɛru doke wunɛ ka kurɔ win baa sɔɔ, ka maa wunɛn bweseru ka win bweserun baa sɔɔ. Win bweserun ɡoo u koo nun wiru kɔra, kaa maa win naa tokuru mɛɛra ko.
80	GEN 3:24	Nɡe mɛya u ka Adamu ɡira ma u wɔllun kɔ̃sobu doke Edɛnin ɡbaa ten kɔnnɔwɔ, ɡe ɡa wãa sɔ̃ɔ yari yerun bera ɡia. Ba takobi nɛni ba ye fĩamɔ ma ya ballimɔ sɔ̃ɔ sɔɔ nɡe dɔ̃ɔ yara, ba ka dãa tèn binu nu koo tɔnu wãaru wɛ̃ kɔ̃su.
89	GEN 4:9	Ma Yinni Gusunɔ u da Kaɛnin mi, u nùn bikia u nɛɛ, mana wunɛn wɔnɔ Abɛli u wãa. U wisa u nɛɛ, na yɛ̃ ro? Nɛna na nɛn wɔnɔn kɔ̃so?
94	GEN 4:14	A man ɡire ɡisɔ tem mɛn di. Na dɔɔ na n kukua mi n toma wunɛn min di, kpa na n sãa kpiko na n yaayaare mɔ̀ handunia sɔɔ. Wi u man wa kpuro, kpa u man ɡo.
96	GEN 4:16	Ma Kaɛni u doona n toma Yinni Gusunɔn min di, u da u sina Edɛnin sɔ̃ɔ yari yerun bera ɡia, Nɔduɔ. Yĩsi ten tubusiana yaayaaren tem.
102	GEN 4:22	Sila wi maa, u Tubali Kaɛni mara wi u ra dendi yãnu kpuro seku ye n sãa sisu ka sii ɡandu. Win sesun yĩsira Naama.
103	GEN 4:23	Yera Lemɛki u win kurɔbu sɔ̃ɔwa u nɛɛ, i man swaa dakio, bɛɛ nɛn kurɔbu, Ada ka Sila. Na tɔnu ɡo bɛɛn sɔ̃ yèn sɔ̃ u man mɛɛra kua.
135	GEN 5:29	Ma u nùn yĩsiru kã Nɔwɛ, u nɛɛ, winiwa koo sun somi bɛsɛn wasiraru ka bɛsɛn sɔm sɛ̃sɔɡia sɔɔ ye sa mɔ̀ yèn sɔ̃ Yinni Gusunɔ u tem bɔ̃rusi.
136	GEN 5:30	Nɔwɛn marubun biru Lemɛki wi, u maa bii tɔn durɔbu ka tɔn kurɔbu marumɔ sere n ka kua wɔ̃ɔ nɛɛra wunɔbu ka wɛnɛ ka wɔkura nɔɔbu (595).
138	GEN 5:32	Ye Nɔwɛ u kua wɔ̃ɔ nɛɛra wunɔbu (500), yera u Sɛmu ka Kamu ka Yafɛti mara.
146	GEN 6:8	Adama Gusunɔ u ka Nɔwɛ nɔnu ɡeu mɛɛra
151	GEN 6:13	Ma u Nɔwɛ sɔ̃ɔwa u nɛɛ, na ɡɔ̃ru doke n hunde koniba kpuro kpeerasia, domi ba dera handunian ɡɔba banda. Kon bu kpeerasia, be ka tem sannu.
152	GEN 6:14	Adama wunɛ Nɔwɛ, a tii kpakoro bakaru kuo ka dãa damɡia, ta n dii sɔsu mɔ, kpa a tu dãa fĩifĩinu tɛɛni ten sɔɔwɔ ka tɔɔwɔ.
160	GEN 6:22	Ma Nɔwɛ u kua kpuro ye Gusunɔ u nùn yiire.
161	GEN 7:1	Yen biruwa Yinni Gusunɔ u Nɔwɛ sɔ̃ɔwa u nɛɛ, wuna na wa a man mɛm nɔɔwammɛ saa yenin tɔmbu sɔɔ. Yen sɔ̃, i duo kpakoro te sɔɔ, wunɛ ka wunɛn yɛnuɡibu kpuro.
165	GEN 7:5	Ma Nɔwɛ u kua kpuro ye Yinni Gusunɔ u nùn yiire.
166	GEN 7:6	Sanam mɛ nim yibu bakara tunuma, Nɔwɛ u mɔwa wɔ̃ɔ nata (600).
169	GEN 7:9	yen baayere ya dua kpakoro te sɔɔ yiru yiru dwaa ka nia ka Nɔwɛ sannu nɡe mɛ Gusunɔ u nùn sɔ̃ɔwa.
171	GEN 7:11	Nɔwɛn wɔ̃ɔ natasen suru yirusen sɔ̃ɔ wɔkura nɔɔbu ka yiruse sɔɔ, yera n sãare nɡe ba wɔru bɔkɔ kɔria ma nim mu kurama ka dam tem di, ma ɡura nɛmɔ nɡe wɔlla ɡɛ̃ɛra.
173	GEN 7:13	Tɔ̃ɔ te sɔɔra Nɔwɛ dua kpakoro te sɔɔ, wi ka win kurɔ ka win bibu ita be, Sɛmu ka Kamu ka Yafɛti, ka maa ben kurɔbu ita,
175	GEN 7:15	Hunde koni baayere kpuro ɡesi, ya duawa ka Nɔwɛ sannu ɡoo ɡe sɔɔ yiru yiru dwaa ka nia, nɡe mɛ Gusunɔ u Nɔwɛ sɔ̃ɔwa. Ma Yinni Gusunɔ u nùn kɛnusi.
183	GEN 7:23	Hunde koniba kpuro handuniaɔ ba kam kuawa, saa tɔnu sere yɛɛ naasu nnɛɡii ka yi yi ra kabiri ka ɡunɔsu. Kpurowa n kam kua, ma n kun mɔ Nɔwɛ turo ka sere win tɔmbu ka yɛɛ yi yi wãa kpakoro te sɔɔ.
185	GEN 8:1	Adama Gusunɔ kun Nɔwɛ duari ka ɡbeeku yɛɛ kpuro ka yaa sabe ni kpuro yi yi ka nùn wãa kpakoro te sɔɔ. Ma u dera woo ɡa kua tem sɔɔ ma nim mɛ, mu kaaram torua.
186	GEN 8:2	Nim mɛ mu kuramɔ tem di mu yɔ̃ra, wɔlla maa kɛnua, ɡura yɔ̃ra.
187	GEN 8:3	Nim mu doonamɔ fiiko fiiko. Sɔ̃ɔ wunaa weeru ka wɔkurun biru ma mu kaara.
189	GEN 8:5	Nim mu kaaramɔ sere n ka kua suru wɔkuruse. Suru win tɔ̃ɔ ɡbiikiru sɔɔra ɡuunun wii wɔlla tera.
190	GEN 8:6	Ye n maa kua sɔ̃ɔ weeru, ma Nɔwɛ u kpakoro ten fɛnɛnti wukia.
193	GEN 8:9	Adama totobɛrɛ te, ta ǹ ayeru wa mi ta koo sura. Ma ta wura win mi, kpakoro te sɔɔ, yèn sɔ̃ nim ɡina tie tem sɔɔ kpuro. Ma Nɔwɛ u nɔmu dɛmia u tu mwa u doke kpakororu sɔɔ.
195	GEN 8:11	Ta wurama win mi yoka ta dãa wuru beku nɔɔ bɛri. Ma Nɔwɛ u ɡia ma nim mu kaarawa temɔ.
197	GEN 8:13	Yen dɔma tera n kua Nɔwɛn wɔ̃ɔ nata ka tiasen (601) suru ɡbiikoon tɔ̃ɔ ɡbiikiru. Ma u kpakoro te kpɛɛya u deema wee, nim mu kpa tem mu ɡberama.
199	GEN 8:15	Yera Gusunɔ u Nɔwɛ sɔ̃ɔwa u nɛɛ,
202	GEN 8:18	Ma Nɔwɛ u yara wi ka win kurɔ ka win bibu ka ben kurɔbu.
204	GEN 8:20	Saa yera Nɔwɛ u yãku yeru bana mi u koo Yinni Gusunɔ sã. Ma u yɛɛ ka ɡunɔsu ɡɔsa bweseru baatere sɔɔ te ba ra ka yãkuru ko. Ma u ka yãku dɔ̃ɔ mwaararuɡinu kua yãku yee ten wɔllɔ.
205	GEN 8:21	Ma Yinni Gusunɔ u yãku ni mwa ma u tii sɔ̃ɔwa u nɛɛ, na ǹ kon maa tem bɔ̃rusi tɔnun sɔ̃. Domi tɔnun ɡɔ̃run bwisikunu sãawa kɔ̃sunu saa win birun di. Na ǹ maa hunde koniba kpuro kpeerasiamɔ nɡe mɛ na kua.
207	GEN 9:1	Yen biru Gusunɔ u Nɔwɛ ka win bibu domaru kua u nɛɛ, i maruro i dabia kpa i yibu tem sɔɔ.
214	GEN 9:8	Gusunɔ u kpam Nɔwɛ ka win bibu sɔ̃ɔwa u nɛɛ,
220	GEN 9:14	Nà n ɡuru winu doke wɔllɔ, ɡuru waa ye, ya koo sɔ̃ɔsira ni sɔɔ,
222	GEN 9:16	Guru waa ye, ya koo sɔ̃ɔsira ɡuru wiru sɔɔ. Nà n ye mɛɛra kpa n arukawani nɔru sariɡia ye yaaya ye ya wãa nɛ Gusunɔ ka hunde koni baayeren baa sɔɔ.
223	GEN 9:17	Nɛn arukawani yen yĩrera mi.
224	GEN 9:18	Nɔwɛn bibu ita be ba raa dua kpakoro te sɔɔ ba yara, bera Sɛmu ka Kamu ka Yafɛti. Kamu sãawa Kananin tundo.
225	GEN 9:19	Be ita beya ba sãa Nɔwɛn bibu. Ben min diya handuniaɡiba tɛriara kpuro.
226	GEN 9:20	Sanam mɛya Nɔwɛ u wukubu torua u dãa bii ni ba mɔ̀ resɛm duura.
230	GEN 9:24	Sanam mɛ Nɔwɛn tam mu kpalla, yera u nua ye win bii yiruse u nùn kua.
234	GEN 9:28	Nim yibu baka ten biru Nɔwɛ u kua wɔ̃ɔ ɡooba wunɔbu ka weeraakuru (350).
236	GEN 10:1	Nɔwɛn bibu Sɛmu ka Kamu ka Yafɛti ben bweseru wee. Be ita kpuro ba bibu mara nim yibu baka ten biru.
243	GEN 10:8	Kusi u maa bii mara wi ba sokumɔ Nimurodu. Wiya u ɡbia u kua wɔruɡɔ damɡii handunia sɔɔ.
244	GEN 10:9	Yinni Gusunɔ u dera u kua taaso ɡeon tii tii. Yen sɔ̃na ba ra mɔndu ɡaru ko bu nɛɛ, Yinni Gusunɔ u nun ko taaso ɡeo nɡe Nimurodu.
245	GEN 10:10	Nimurodu wi, u ɡina ɡbia u bandu di Babɛliɔ ka Erɛkiɔ ka Akadiɔ ka Kalinɛɔ Sinɛan temɔ.
246	GEN 10:11	Tem min diya u yara u da Asirin temɔ. Ma u wuu sini bana si ba mɔ̀ Ninifu ka Rehobɔtuhiro ka Kalasi,
247	GEN 10:12	ka maa Resɛni, Ninifu ka Kalasin baa sɔɔ. Wuu si kpuro su kuawa wuu bɔkɔ teu.
248	GEN 10:13	Misiraimu wiya u Ludiba mara ka Ananiba ka Lehabuba ka Nafituba
267	GEN 10:32	Nɡe mɛ Nɔwɛn bibun bweserun kɛri yi sãa ka sere maa tem mi ba da ba wãa wãa ka barum mɛ kɛra baayere ya ra ɡere, mɛya mi. Ben min diya handunian bweseru baatere ta yara nim yibu baka ten biru.
268	GEN 11:1	N deema yellu handunia kpuro sɔɔ, barum tema ba ra ɡere mam mam.
277	GEN 11:10	Sɛmun bibun bweseru wee. Nim yibu baka ten biru n kua wɔ̃ɔ yiru yera u Aapasadi mara. N deema saa ye sɔɔra u mɔ wɔ̃ɔ wunɔbu (100).
289	GEN 11:22	Ye Seruɡu u kua wɔ̃ɔ tɛna ma u Nakori mara.
290	GEN 11:23	Nakorin marubun biru Seruɡu u maa bii tɔn durɔbu ka tɔn kurɔbu marumɔ sere n ka kua wɔ̃ɔ ɡoobu (200).
291	GEN 11:24	Ye Nakori u kua wɔ̃ɔ tɛna tia sari ma u Tera mara.
292	GEN 11:25	Teran marubun biru Nakori u maa bii tɔn durɔbu ka tɔn kurɔbu marumɔ sere n ka kua wɔ̃ɔ wunaa teeru tia sari (119).
293	GEN 11:26	Tera u kua wɔ̃ɔ wata ka wɔkuru ma u Aburamu ka Nakori ka Harani mara.
294	GEN 11:27	Teran bibun bweseru wee. Tera u Aburamu mara ka Nakori ka Harani. Ma Harani u seewa u Lɔtu mara.
296	GEN 11:29	Aburamu ka Nakori ba kurɔbu sua. Aburamun kurɔn yĩsira Saarai, Nakoriɡiin yĩsira maa Milika. Wi ka Yisika ba sãawa Haranin bibu.
308	GEN 12:9	Ma u maa seewa u win sanum wɔri u dɔɔ sɔ̃ɔ yɛ̃san nɔm dwaru ɡia Nɛɡɛbuɔ.
312	GEN 12:13	Na nun kanamɔ, a nɛɛ, wunɛ nɛn sesuwa kpa bu ku man wahala ko wunɛn sɔ̃, kpa a wa a nɛn wiru dwe.
320	GEN 13:1	Ma Aburamu u seewa Eɡibitin di u wura Nɛɡɛbu ɡia wi ka win kurɔ ka ye u mɔ kpuro ka Lɔtu sannu.
322	GEN 13:3	Ma u sanum so Nɛɡɛbun di u da Betɛli ɡia u tura mi u raa win dii bekuruɡinu ɡira Betɛli ka Ayin baa sɔɔ.
324	GEN 13:5	N deema Lɔtu u maa yãanu mɔ ka nɛɛ ka dii bekuruɡinu u ka Aburamu swĩi.
326	GEN 13:7	Yen sɔ̃na sannɔ ɡa dua Aburamun kparobu ka Lɔtuɡibun suunu sɔɔ. N deema Kananiba ka Feresiba ba wãa tem mɛ sɔɔ sanam mɛ.
329	GEN 13:10	Ma Lɔtu u nɔni seeya u Yuudɛnin daarun bera mɛɛra sere n ka da wuu ɡe ba mɔ̀ Soari. U wa tem mu ɡea sãa mu nike nikeru mɔ nɡe ɡbaa te Yinni Gusunɔ u kua Edɛniɔ, ǹ kun mɛ Eɡibitin tem. N deema Yinni Gusunɔ kun ɡina Sodomu ka Gomɔra kpeerasie.
341	GEN 14:4	N deema wɔ̃ɔ wɔkura yiruwa ba Kedolamɛɛ yoru diiya, adama wɔ̃ɔ wɔkura itase sɔɔ ba seewa ba ka tii yina.
350	GEN 14:13	Yera durɔ ɡoo wi u kpikiru sua Sodomun di u na u Aburamu, Heberu wi sɔ̃ɔwa. N deema Aburamu u sɔ̃ Manden sɔ̃ɔwɔ. Mande sãawa Amɔren bweseru, Ɛsikoli ka Anɛɛn wɔnɔ, be ba arukawani bɔkua ka Aburamu.
360	GEN 14:23	ma na ǹ ɡãanu ɡanu suamɔ ni nu sãa wunɛɡinu baa wɛ̃ɛ siira, baa bara wɛ̃ru kpa a ku ra ka nɛɛ, wuna a man kua dukiaɡii. Na ǹ ɡãanu ɡanu suamɔ,
366	GEN 15:5	Ma Gusunɔ u ka nùn da tɔɔwɔ u nɛɛ, a wɔllu mɛɛrio kpa a kperi ɡari, à n kaa kpĩ. Nɡe mɛya wunɛn bwesera koo dabiru nɛra.
379	GEN 15:18	Nɡe mɛya u ka Aburamu arukawani bɔkua tɔ̃ɔ te sɔɔ u nɛɛ, wunɛn bwesera kon tem mɛni wɛ̃ saa daa piibu ɡe ɡa wãa Eɡibitin tem nɔɔ bura yerun di sere daa baka ten mi, te ba mɔ̀ Efarati.
384	GEN 16:2	Ma Saarai u win durɔ sɔ̃ɔwa u nɛɛ, wee, Yinni Gusunɔ u man kua wĩro. Na nun kanamɔ, a ka nɛn yoo duo. Sɔrɔkudo kon bibu wa saa win min di. M a Aburamu u win kurɔn ɡari wura.
385	GEN 16:3	Saa ye sɔɔra Saarai u win yoo Aɡaa wi sua u win durɔ kã kurɔ. N deema ba wɔ̃ɔ wɔkuru kua kɔ Kananin temɔ.
387	GEN 16:5	Ma Saarai u Aburamu sɔ̃ɔwa u nɛɛ, nɛn wɔmburu tu wɔri wunɛ sɔɔ. Na nun nɛn yoo kã kurɔ, adama ye u wa ma u ɡura mɔ, yera u man ɡɛndu wɔri. Yinni Gusunɔwa koo sun siria nɛ ka wunɛ.
410	GEN 17:12	I n da bii tɔn durɔ baawure banɡo kue ù n sɔ̃ɔ nɔɔba ita tura. N ǹ mɔ be ba mara bɛɛn yɛnuɔ tɔna, ka maa be i ka ɡobi dwawa tɔn tukobun mi.
414	GEN 17:16	Kon nùn domaru kua kpa u nun bii tɔn durɔ marua. Nɛn doma ten saabu bwese dabinu ka sinambu ba koo kɔwara win min di.
435	GEN 18:10	Ma ben turon min di Gusunɔ u nɛɛ, ɡasɔku amadaare kon wurama wunɛn mi. Saa ye sɔɔ, wee, wunɛn kurɔ Saaraa u koo bii tɔn durɔ ma. N deema Saaraa u yɔ̃ u ɡari yi swaa daki dii kɔnnɔwɔ ɡe ɡa wãa sɔɔ win biruɔ.
439	GEN 18:14	Gãanu ɡanu wãa ni nu ka man sɛ̃? Nɡe mɛ na yi, suru nɔɔba nnɛn biru kon wurama kpa Saaraa u bii tɔn durɔ ma.
443	GEN 18:18	N ǹ ɡãanun sɔ̃, Aburahamun bwesera koo kpɛ̃a kpa ta n dam mɔ. Win min diya handunian bwesenu kpuro nu koo domaru wa.
450	GEN 18:25	N ǹ weenɛ a tɔn ɡeobu ka tɔn kɔ̃sobu kpeerasia sannu kpa be kpuro bu are tee wa. Yen bwesera kun ka nun weenɛ. Wunɛ wi kaa handunia kpuro siri, a ǹ kaa ko ye n wã?
453	GEN 18:28	Sɔrɔkudo tɔnu weeraaku te sɔɔ, nɔɔbu koo kaara. Nɔɔbu yen sarirun sɔ̃ kaa wuu ɡe kpeerasia? Ma Yinni Gusunɔ u nɛɛ, na ǹ ɡu kpeerasiamɔ nà n tɔn ɡeobu weeru ka nɔɔbu wa ɡe sɔɔ.
459	GEN 19:1	Tɔmbu yiru be ba raa Sodomun swaa wɔri ba tura mi yoka. N deema ba sãawa Gusunɔn ɡɔradoba. Wee, saa ye sɔɔ, Lɔtu u sɔ̃ wuun ɡbãra kɔnnɔwɔ mi wuun wiruɡibu ba ra sinɛ. Ye u bu wa u seewa
481	GEN 19:23	N deema sɔ̃ɔ yarima Lɔtu u sere dua Soariɔ.
497	GEN 20:1	Yeniban biru Aburahamu u seewa Manden di, ma u da sɔ̃ɔ yɛ̃san nɔm dwaru ɡia Nɛɡɛbuɔ Kadɛsi ka Surin baa sɔɔ, u da u wãa wuu ɡe ba mɔ̀ Geraɔ.
500	GEN 20:4	N deema Abimɛlɛki u ǹ ɡina ka Saaraa mɛnnare. Yera u Yinni Gusunɔ sɔ̃ɔwa u nɛɛ, kaa tɔnu ɡo wi u kun taarɛ ɡaa mɔ?
501	GEN 20:5	N ǹ win tiiwa u man sɔ̃ɔwa ma win sesuwa? Ma kurɔ win tii u maa ɡerua mɛ. Ǹ n mɛn na, na ǹ kɔ̃sa bwisika nɛn ɡɔ̃ruɔ n sere mam nɛɛ, na durum kua ka nɛn nɔma.
513	GEN 20:17	N deema Gusunɔ u raa Abimɛlɛki ka win kurɔ ka win yobu bararu kpɛ̃ɛ te ta ǹ derimɔ bu ma, ye u ka Saaraa mwan sɔ̃. Yen sɔ̃na ye u Saaraa wesia, Aburahamu u Gusunɔ kana, ma u bu bɛkia bu ka kpĩ bu ma.
553	GEN 22:5	Ma u win sɔm kowo be sɔ̃ɔwa u nɛɛ, i yɔ̃ro mini ka kɛtɛku. Nɛ ka nɛn bii sa dɔɔ ɡuu teɔnɔn mi, su sãaru ko kpa su wurama su bɛɛ deema.
568	GEN 22:20	Yeniban biruwa Aburahamu u nua ma Milika u maa ka win wɔnɔ Nakori bibu mara.
571	GEN 22:23	Bɛtuɛliwa u Rebeka mara. Bibu nɔɔba ita ye Milika u Aburahamun wɔnɔ Nakori marua, bera mi.