1	GEN 1:1	Sanam mɛ Gusunɔ u handunia torua, u wɔllu ka tem taka kua.
4	GEN 1:4	Ma yam bururam mɛ, mu nùn wɛ̃re. Saa yera u mu wunana ka yam wɔ̃kuru.
7	GEN 1:7	Ye u ɡerua mɛ, ma wom mu tɛria mu nim mɛ bɔnu kua. Sukum wãa nim wɔllɔ, sukum maa wãa temɔ.
8	GEN 1:8	Ma u ɡãa ni soka wɔllu. Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru yiruse.
19	GEN 1:19	Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru nnɛse.
23	GEN 1:23	Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru nɔɔbuse.
31	GEN 1:31	Yera u mɛɛra kpuro ye u kua, ma n nùn wɛ̃re ɡem ɡem. Saa ye u yeba mɔ̀, sɔ̃ɔ sɔɔ ka wɔ̃kuru n swĩina ma n kua tɔ̃ru nɔɔba tiase.
35	GEN 2:4	Sanam mɛ Yinni Gusunɔ u wɔllu ka tem taka kua,
56	GEN 2:25	Saa ye sɔɔ, durɔ wi ka win kurɔ terera ba wãa. Sekura kun maa ben ɡoo mɔ̀.
73	GEN 3:17	U maa durɔ wi sɔ̃ɔwa u nɛɛ, yèn sɔ̃ a wunɛn kurɔn ɡari wura, ma a dãa ten binu di te na nɛɛ, a ku di, na tem bɔ̃rusi wunɛn sɔ̃. Sãkunu ka awĩiya mu koo nun kpiiya, wunɛn wãaru kpuro sɔɔ, nɔwiawa kaa n da ko kpa a wɛnya a sere wunɛn dĩanu wa ɡberɔ. Yen biru kaa ɡbi kpa bu nun sike temɔ, domi tema na ka nun kua. Kaa maa wura a ko tem mɛ.
83	GEN 4:3	Sɔ̃ɔ mɛɛrun biru, Kaɛni u ka win kɛ̃ru na Yinni Gusunɔn mi, te ta sãa win ɡberun dĩanu.
88	GEN 4:8	Sɔ̃ɔ teeru Kaɛni u win wɔnɔ Abɛli sɔ̃ɔwa u nɛɛ, su da ɡberɔ. Sanam mɛ ba wãa mi, yera u win wɔnɔ wi sɛ̃re u ɡo.
99	GEN 4:19	Lemɛki wi, u kurɔbu yiru sua. Turon yĩsira Ada, turoɡira maa Sila.
102	GEN 4:22	Sila wi maa, u Tubali Kaɛni mara wi u ra dendi yãnu kpuro seku ye n sãa sisu ka sii ɡandu. Win sesun yĩsira Naama.
103	GEN 4:23	Yera Lemɛki u win kurɔbu sɔ̃ɔwa u nɛɛ, i man swaa dakio, bɛɛ nɛn kurɔbu, Ada ka Sila. Na tɔnu ɡo bɛɛn sɔ̃ yèn sɔ̃ u man mɛɛra kua.
105	GEN 4:25	Adamu ka win kurɔ Efa ba mɛnna kpam, ma Efa u ɡura sua u bii tɔn durɔ mara u nùn yĩsiru kã Sɛti. U nɛɛ, domi Yinni Gusunɔ u kpam man bii tɔn durɔ kã u kua Abɛlin kɔsire, wi Kaɛni u ɡo.
106	GEN 4:26	Sɛtin tii, u bii tɔn durɔ mara ma u nùn yĩsiru kã Enɔsi. Sanam mɛ sɔɔra tɔmba Yinni Gusunɔ sãaru torua.
109	GEN 5:3	Ye Adamu u kua wɔ̃ɔ wunaa teeru ka wɔkuru (130) u bii tɔn durɔ mara wi u ka nùn weenɛ mam mam. Ma u nùn yĩsiru kã Sɛti.
110	GEN 5:4	Sɛtin marubun biru Adamu wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nɛnɛ (800).
112	GEN 5:6	Ye Sɛti u kua wɔ̃ɔ wunɔbu ka nɔɔbu (105), yera u Enɔsi mara.
113	GEN 5:7	Enɔsin marubun biru, Sɛti wi, u bii tɔn durɔbu ka tɔn kurɔbu marumɔ sere n ka kua wɔ̃ɔ nɛnɛ ka nɔɔba yiru (807).
138	GEN 5:32	Ye Nɔwɛ u kua wɔ̃ɔ nɛɛra wunɔbu (500), yera u Sɛmu ka Kamu ka Yafɛti mara.
139	GEN 6:1	Sanam mɛ tɔmba kɔwarabu torua handunia sɔɔ ma ba bii tɔn kurɔbu marumɔ,
147	GEN 6:9	domi u win woodaba mɛm nɔɔwa. U ǹ taarɛ mɔ win waati ye sɔɔ, ma u ka Gusunɔ swĩina. Bii tɔn durɔbu itawa u mara. Ben yĩsa wee, Sɛmu ka Kamu ka Yafɛti.
149	GEN 6:11	Saa ye sɔɔ, handunian kɔ̃sa kpɛ̃a Gusunɔn wuswaaɔ ma ya ɡɔba banda.
166	GEN 7:6	Sanam mɛ nim yibu bakara tunuma, Nɔwɛ u mɔwa wɔ̃ɔ nata (600).
170	GEN 7:10	Sɔ̃ɔ nɔɔba yirun biru nim yibu baka te, ta tunuma tem sɔɔ.
173	GEN 7:13	Tɔ̃ɔ te sɔɔra Nɔwɛ dua kpakoro te sɔɔ, wi ka win kurɔ ka win bibu ita be, Sɛmu ka Kamu ka Yafɛti, ka maa ben kurɔbu ita,
187	GEN 8:3	Nim mu doonamɔ fiiko fiiko. Sɔ̃ɔ wunaa weeru ka wɔkurun biru ma mu kaara.
188	GEN 8:4	Suru nɔɔba yirusen sɔ̃ɔ wɔkura nɔɔbu ka yiruse sɔɔ, yera kpakoro te, ta da ta yɔ̃ra ɡuu te ba mɔ̀ Araratin wɔllɔ.
189	GEN 8:5	Nim mu kaaramɔ sere n ka kua suru wɔkuruse. Suru win tɔ̃ɔ ɡbiikiru sɔɔra ɡuunun wii wɔlla tera.
204	GEN 8:20	Saa yera Nɔwɛ u yãku yeru bana mi u koo Yinni Gusunɔ sã. Ma u yɛɛ ka ɡunɔsu ɡɔsa bweseru baatere sɔɔ te ba ra ka yãkuru ko. Ma u ka yãku dɔ̃ɔ mwaararuɡinu kua yãku yee ten wɔllɔ.
206	GEN 8:22	Sere dunia yu ka kpe, duurubu ka ɡɛ̃ɛbun saa ka wooru ka yam susurun saa ka sɔ̃ɔ sãreru ka wuburun saa, ka sere maa sɔ̃ɔ sɔɔ ka wɔ̃kuru, yen ɡaa kun kpeemɔ.
224	GEN 9:18	Nɔwɛn bibu ita be ba raa dua kpakoro te sɔɔ ba yara, bera Sɛmu ka Kamu ka Yafɛti. Kamu sãawa Kananin tundo.
226	GEN 9:20	Sanam mɛya Nɔwɛ u wukubu torua u dãa bii ni ba mɔ̀ resɛm duura.
227	GEN 9:21	Sɔ̃ɔ teeru u nin tam nɔra ya nùn ɡoomɔ, ma u da win kurɔ u kpuna tereru.
228	GEN 9:22	Ye Kamu Kananin tundo u win baan tere te wa u da tɔɔwɔ u win mɔɔ ka wɔnɔ, Sɛmu ka Yafɛti sɔ̃ɔwa.
230	GEN 9:24	Sanam mɛ Nɔwɛn tam mu kpalla, yera u nua ye win bii yiruse u nùn kua.
232	GEN 9:26	U maa nɛɛ, bu Gusunɔ siaro wi u sãa Sɛmun Yinni. Wiya u koo Kanani ko Sɛmun yoo,
233	GEN 9:27	kpa u maa Yafɛti dukia sosia, u de wi ka Sɛmu ba n wãa sannu, kpa Kanani u ko ben yoo.
236	GEN 10:1	Nɔwɛn bibu Sɛmu ka Kamu ka Yafɛti ben bweseru wee. Be ita kpuro ba bibu mara nim yibu baka ten biru.
242	GEN 10:7	Kusi u seewa ma u Saba ka Hafila ka Sabuta mara ka Raema ka Sabuteka. Raema u maa seewa u Seba ka Dedani mara.
245	GEN 10:10	Nimurodu wi, u ɡina ɡbia u bandu di Babɛliɔ ka Erɛkiɔ ka Akadiɔ ka Kalinɛɔ Sinɛan temɔ.
250	GEN 10:15	Kanani u maa Sidoni mara. Wiya u sãa win bii ɡbiikoo. Ma u maa Hɛti mara.
252	GEN 10:17	ka Hefiba ka Aakiba ka Siniba
253	GEN 10:18	ka maa Aafadiba ka Semariɡibu ka Hamatiba. Yen biru Kananin bwese kɛri yi, yi yarina.
254	GEN 10:19	Yi da da Sidoniɔ, Geran bera ɡia sere ka Gasaɔ ka maa Sodomuɔ ka Gomɔra ɡia ka Adima ka Seboimuɔ n ka ɡirari Lesaɔ.
256	GEN 10:21	Be ba maa sãa Sɛmu, Yafɛtin mɔɔn bibun bweseru beya Heberuba.
259	GEN 10:24	Aapasadi u maa Sela mara. Ma Sela u maa Heberu mara.
261	GEN 10:26	Ma Yokutani wi, u maa Alimɔdadi mara ka Selɛfu ka Hasamafɛti ka Yeraa
263	GEN 10:28	ka Obali ka Abimaɛli ka Saba
265	GEN 10:30	Ba sinawa saa Mɛsan di sere ka ɡuu te ta wãa sɔ̃ɔ yari yeru ɡia te ba mɔ̀ Sefaa.
266	GEN 10:31	Be ba sãa Sɛmun bibu bera mi. Ma ben baawure u da u sina yam tem ka win bwese kɛra, ba ben barum ɡerumɔ.
269	GEN 11:2	Ma ba seewa ba doona saa sɔ̃ɔ yari yerun di ba batuma deema Sinɛan temɔ ma ba sin yeru kua mi.
273	GEN 11:6	Ma u nɛɛ, be wee, ba sãa bwese teeru ba maa barum tem ɡerumɔ ma ba bwisika bu yeni ko. Saa tɛ̃n di ɡãanu kun bu yinarimɔ bu ka ko ye ba bwisika kpuro.
277	GEN 11:10	Sɛmun bibun bweseru wee. Nim yibu baka ten biru n kua wɔ̃ɔ yiru yera u Aapasadi mara. N deema saa ye sɔɔra u mɔ wɔ̃ɔ wunɔbu (100).
278	GEN 11:11	Aapasadin marubun biru Sɛmu u maa bii tɔn durɔbu ka tɔn kurɔbu marumɔ sere n ka kua wɔ̃ɔ nɛɛra wunɔbu (500).
279	GEN 11:12	Ye Aapasadi u kua wɔ̃ɔ tɛna ka nɔɔbu ma u Sela mara.
280	GEN 11:13	Selan marubun biru Aapasadi u maa bii tɔn durɔbu ka tɔn kurɔbu marumɔ sere n ka kua wɔ̃ɔ nɛɛru ka ita (403).
281	GEN 11:14	Ye Sela u kua wɔ̃ɔ tɛna ma u Heberu mara.
282	GEN 11:15	Heberun marubun biru Sela u maa bii tɔn durɔbu ka tɔn kurɔbu marumɔ sere n ka kua wɔ̃ɔ nɛɛru ka ita (403).
287	GEN 11:20	Rehu u kua wɔ̃ɔ tɛna ka yiru ma u Seruɡu mara.
288	GEN 11:21	Seruɡun marubun biru Rehu u maa bii tɔn durɔbu ka tɔn kurɔbu marumɔ sere n ka kua wɔ̃ɔ ɡoobu ka nɔɔba yiru (207).
289	GEN 11:22	Ye Seruɡu u kua wɔ̃ɔ tɛna ma u Nakori mara.
290	GEN 11:23	Nakorin marubun biru Seruɡu u maa bii tɔn durɔbu ka tɔn kurɔbu marumɔ sere n ka kua wɔ̃ɔ ɡoobu (200).
296	GEN 11:29	Aburamu ka Nakori ba kurɔbu sua. Aburamun kurɔn yĩsira Saarai, Nakoriɡiin yĩsira maa Milika. Wi ka Yisika ba sãawa Haranin bibu.
297	GEN 11:30	Saarai u sãawa wĩro, u ǹ bii mara.
298	GEN 11:31	Yen biru Tera u win bii Aburamu sua ka Saarai Aburamun kurɔ ka Lɔtu Haranin bii, ba seewa ba yara sannu Urun di Kaladen temɔ ba dɔɔ Kananin temɔ. Ye ba tura wuu ɡe ba mɔ̀ Karaniɔ ma ba sina mi.
303	GEN 12:4	Yera Aburamu u swaa wɔri nɡe mɛ Yinni Gusunɔ u nùn sɔ̃ɔwa ma ba da sannu ka Lɔtu. Sanam mɛ ba yara Haranin di, Aburamu u mɔwa wɔ̃ɔ wata ka wɔkura nɔɔbu.
304	GEN 12:5	U win kurɔ Saarai sua ka Lɔtu win wɔnɔn bii ka ben arumani ye ba mɔ kpuro ka sɔm kowo be ba wa Haraniɔ. Be kpurowa ba swaa wɔri ma ba tura Kananin temɔ.
305	GEN 12:6	Ye ba tura mi, ma Aburamu u tem mɛ bukiana sere u ka tura Sikɛmuɔ mi dãa sɔ̃ɔ ɡa wãa ɡe ba mɔ̀ Mɔre. Kananiba maa wãa tem mɛ sɔɔ, saa ye.
306	GEN 12:7	Sɔ̃ɔ teeru yera Yinni Gusunɔ u Aburamu kure u nɛɛ, wunɛn bibun bwesera kon tem mɛ wɛ̃. Ma u yãku yeru bana u ka Yinni Gusunɔ sã wi u nùn kure mi.
310	GEN 12:11	Sanam mɛ ba Eɡibitin tem turuku kua, Aburamu u win kurɔ Saarai sɔ̃ɔwa u nɛɛ, wee wunɛ kurɔ burɔwa.
316	GEN 12:17	Adama Yinni Gusunɔ u sunɔ wi ka win yɛnuɡibu kpuro wahala baka doke Saarai, Aburamun kurɔn sɔ̃.
329	GEN 13:10	Ma Lɔtu u nɔni seeya u Yuudɛnin daarun bera mɛɛra sere n ka da wuu ɡe ba mɔ̀ Soari. U wa tem mu ɡea sãa mu nike nikeru mɔ nɡe ɡbaa te Yinni Gusunɔ u kua Edɛniɔ, ǹ kun mɛ Eɡibitin tem. N deema Yinni Gusunɔ kun ɡina Sodomu ka Gomɔra kpeerasie.
331	GEN 13:12	Aburamu u sina Kananin temɔ, Lɔtu u maa da u sina wɔwa yen wusun bɔkuɔ ma u ka win dii bekuruɡinu susimɔ sere ka Sodomuɔ.
332	GEN 13:13	Sodomuɡibu wee, tɔn kɔ̃soba. Ba sãawa durumɡibu mam mam Gusunɔn wuswaaɔ.
338	GEN 14:1	Sanam mɛ Amurafɛli u sãa Sinɛan sunɔ, ma Ariɔku sãa Elasan sunɔ, ma Kedolamɛɛ sãa Elamun sunɔ, ma Tideali sãa Goyimun sunɔ,
339	GEN 14:2	sanam mɛya sinam be, ba tabu kua ka Bera, Sodomun sunɔ, ka Birisa, Gomɔran sunɔ, ka Sinɛabu, Adiman sunɔ, ka Semɛbɛɛ, Seboimun sunɔ, ka Belan sunɔ ye ba maa sokumɔ Soari.
340	GEN 14:3	Beni kpurowa ba mɛnna nim wɔ̃ku bɔruɡuu ɡe ba maa sokumɔ Sidimu, ɡen wɔwaɔ.
342	GEN 14:5	Yera wɔ̃ɔ wɔkura nnɛse, Kedolamɛɛ ka sinam be ba wãa ka wi, ba tabu da ma ba Refaba tabu di Asiterɔtu Kaanaimuɔ, ma ba Susiba tabu di Hamuɔ, ma ba Emiba tabu di Safe Kiriataimuɔ.
343	GEN 14:6	Ba maa Horiba tabu di ben ɡuu te ba mɔ̀ Seiriɔ sere Paranin sɔ̃ɔwɔ ɡe ɡa wãa ɡbaburun bera.
345	GEN 14:8	Yera Sodomun sunɔ seewa ka Gomɔran sunɔ ka Adiman sunɔ ka Seboimun sunɔ ka Belan sunɔ ye ba maa sokumɔ Soari, ba da ba ka sinam be tabu yinna Sidimun wɔwaɔ.