16	GEN 1:16	U fitila bakanu yiru kua, niya sɔ̃ɔ ka suru. U maa kperi kua. U sɔ̃ɔ kuawa u n ka bandu dii sɔ̃ɔ sɔɔ, ma u suru kua u n ka bandu dii wɔ̃kuru.
21	GEN 1:21	Yera u swɛ̃ɛ bɛkɛ taka kua ka yɛɛ kpuro yi yi sĩimɔ yi yiba nim mɛ sɔɔ bwese bweseka. U maa ɡunɔsu kua bwese bweseka. Ma n nùn wɛ̃re.
25	GEN 1:25	U ɡbeeku yɛɛ kua bwese bweseka ka kpaaku yɛɛ ka yɛɛ yi yi ra kabiri. Ma n nùn wɛ̃re.
27	GEN 1:27	Ye u ɡerua mɛ, ma u tɔnu taka kua u ka nùn weenɛ mam mam. U bu kuawa durɔ ka kurɔ.
29	GEN 1:29	U maa nɛɛ, wee ye i ko n da di. Yeya yakɔ bweseru baatere tem sɔɔ kpuro te ta ra binu ma, ka dãa binuɡiru baatere te ta ten bweseru mɔ ten marum sɔɔ.
62	GEN 3:6	Ma kurɔ wi, u wa dãa te, ta ka dii dobu weenɛ ta waabu wã, ta koo maa kpĩ tu nùn ko bwisiɡii. Ma u ten bii ni sɔra u di. U maa win durɔ wɛ̃ ka wi ba wãasinɛ, ma wi, u maa di.
73	GEN 3:17	U maa durɔ wi sɔ̃ɔwa u nɛɛ, yèn sɔ̃ a wunɛn kurɔn ɡari wura, ma a dãa ten binu di te na nɛɛ, a ku di, na tem bɔ̃rusi wunɛn sɔ̃. Sãkunu ka awĩiya mu koo nun kpiiya, wunɛn wãaru kpuro sɔɔ, nɔwiawa kaa n da ko kpa a wɛnya a sere wunɛn dĩanu wa ɡberɔ. Yen biru kaa ɡbi kpa bu nun sike temɔ, domi tema na ka nun kua. Kaa maa wura a ko tem mɛ.
89	GEN 4:9	Ma Yinni Gusunɔ u da Kaɛnin mi, u nùn bikia u nɛɛ, mana wunɛn wɔnɔ Abɛli u wãa. U wisa u nɛɛ, na yɛ̃ ro? Nɛna na nɛn wɔnɔn kɔ̃so?
105	GEN 4:25	Adamu ka win kurɔ Efa ba mɛnna kpam, ma Efa u ɡura sua u bii tɔn durɔ mara u nùn yĩsiru kã Sɛti. U nɛɛ, domi Yinni Gusunɔ u kpam man bii tɔn durɔ kã u kua Abɛlin kɔsire, wi Kaɛni u ɡo.
108	GEN 5:2	U bu soka tɔmbu ma u bu domaru kua.
111	GEN 5:5	U kuawa wɔ̃ɔ nɛnɛ ka wunaa teeru ka wɔkuru (930) ma u kpuna u ɡu.
114	GEN 5:8	U kuawa wɔ̃ɔ nɛnɛ ka wunɔbu ka wɔkura yiru (912) ma u kpuna u ɡu.
117	GEN 5:11	U kuawa wɔ̃ɔ nɛnɛ ka wunɔbu ka nɔɔbu (905) ma u kpuna u ɡu.
120	GEN 5:14	U kuawa wɔ̃ɔ nɛnɛ ka wunɔbu ka wɔkuru (910) ma u kpuna u ɡu.
123	GEN 5:17	U kuawa wɔ̃ɔ nɛnɛ ka wɛnɛ ka wɔkura nɔɔbu (895) ma u kpuna u ɡu.
126	GEN 5:20	U kuawa wɔ̃ɔ nɛnɛ ka wunaa wata ka yiru (962) ma u kpuna u ɡu.
128	GEN 5:22	Mɛtuselan marubun biru Enɔku wi, u ka Gusunɔ swĩina. U bii tɔn durɔbu ka tɔn kurɔbu marumɔ sere n ka kua wɔ̃ɔ ɡooba wunɔbu (300).
129	GEN 5:23	U kuawa wɔ̃ɔ ɡooba wunɔbu ka wata ka nɔɔbu (365).
130	GEN 5:24	U ka Gusunɔ swĩina, yen biru u doona wɔllɔ, domi Gusunɔ u nùn suawa wasiru.
133	GEN 5:27	U kuawa wɔ̃ɔ nɛnɛ ka wunaa wata ka nɔɔba nnɛ (969) ma u kpuna u ɡu.
137	GEN 5:31	U kuawa wɔ̃ɔ nata ka wunaa wata ka wɔkura nɔɔbu ka yiru (777) ma u kpuna u ɡu.
147	GEN 6:9	domi u win woodaba mɛm nɔɔwa. U ǹ taarɛ mɔ win waati ye sɔɔ, ma u ka Gusunɔ swĩina. Bii tɔn durɔbu itawa u mara. Ben yĩsa wee, Sɛmu ka Kamu ka Yafɛti.
191	GEN 8:7	U ɡbanamɡbaaru yɔ̃su ta n ka yaayaare mɔ̀ ta n daamɔ ta n wuramamɔ sere nim mu ka ɡbera temɔ.
194	GEN 8:10	U maa mara n kua sɔ̃ɔ nɔɔba yiru u sere maa totobɛrɛ te yɔ̃su.
231	GEN 9:25	Ma u nɛɛ, kam koorewa Kanani. U koo kowa win maabu ka win wɔnɔbun yoo.
232	GEN 9:26	U maa nɛɛ, bu Gusunɔ siaro wi u sãa Sɛmun Yinni. Wiya u koo Kanani ko Sɛmun yoo,
258	GEN 10:23	Ma Aramu u seewa u maa Usi ka Uli mara ka Getɛɛ ka Masi.
262	GEN 10:27	ka Hadoramu ka Usali ka Dikila
295	GEN 11:28	Harani wi, u ɡu ben wuu Uru sɔɔ, Kaladen temɔ mi ba nùn mara, win tundo Tera u sɔ̃.
298	GEN 11:31	Yen biru Tera u win bii Aburamu sua ka Saarai Aburamun kurɔ ka Lɔtu Haranin bii, ba seewa ba yara sannu Urun di Kaladen temɔ ba dɔɔ Kananin temɔ. Ye ba tura wuu ɡe ba mɔ̀ Karaniɔ ma ba sina mi.
304	GEN 12:5	U win kurɔ Saarai sua ka Lɔtu win wɔnɔn bii ka ben arumani ye ba mɔ kpuro ka sɔm kowo be ba wa Haraniɔ. Be kpurowa ba swaa wɔri ma ba tura Kananin temɔ.
307	GEN 12:8	Yen biruwa u seewa min di u da ɡuuru ɡarun bera ɡia Betɛlin sɔ̃ɔ yari yerɔ u win dii bekuruɡinu ɡira. U Betɛli mɛɛra sɔ̃ɔ kpee yeru ɡia, Ayi maa sɔ̃ɔ yari yerɔ. Miya u maa yãku yeru bana u Yinni Gusunɔ sãwa.
315	GEN 12:16	Ma u Aburamu ɡea kua ɡem ɡem kurɔ win sɔ̃. U nùn yãanu kã ka nɛɛ ka kɛtɛkunu ka kɛtɛku mɛrobu ka yooyoosu ka yoo tɔn durɔbu ka tɔn kurɔbu.
321	GEN 13:2	Aburamu u sãawa dukiaɡii. U yaa sabenu mɔ ka sii ɡeesu ka wura.
329	GEN 13:10	Ma Lɔtu u nɔni seeya u Yuudɛnin daarun bera mɛɛra sere n ka da wuu ɡe ba mɔ̀ Soari. U wa tem mu ɡea sãa mu nike nikeru mɔ nɡe ɡbaa te Yinni Gusunɔ u kua Edɛniɔ, ǹ kun mɛ Eɡibitin tem. N deema Yinni Gusunɔ kun ɡina Sodomu ka Gomɔra kpeerasie.
352	GEN 14:15	Ma u win tɔmbu bɔnu kua u ka bu wɔri wɔ̃kuru, wi ka win sɔm kowobu. U bu tabu di ma u bu naa swĩi sere Kobaɔ, ye ya wãa Damasin sɔ̃ɔ yɛ̃san nɔm ɡeu ɡia.
353	GEN 14:16	U dukia ye kpuro wɔrama ma u win wɔnɔn bii Lɔtu wɔrama ka win ye u mɔ ka sere maa tɔn be ba raa mwɛɛra ka ben kurɔbu.
356	GEN 14:19	U Aburamu domaru kua u nɛɛ, Gusunɔ, wi, wi u kpuro kere, u maa wɔllu ka tem taka kua, u koo nun domaru kua.
368	GEN 15:7	Ma u kpam nùn sɔ̃ɔwa u nɛɛ, nɛna na Yinni Gusunɔ, nɛ wi na nun yarama saa Urun di Kaladen temɔ kpa n ka nun tem mɛni wɛ̃.
378	GEN 15:17	Ye sɔ̃ɔ kpa yam tĩra niki niki, yera Gusunɔ u kurama yaa bɛsi yin kpoo kpooka sɔɔ. U sãa nɡe dɔ̃ɔ bokon wiisu ka dɔ̃ɔ yari.
390	GEN 16:8	U nɛɛ, Aɡaa, Saarain yoo, man diya a wee. Mana a dɔɔ. Aɡaa u nɛɛ, na duka suɔwa nɛn yinni Saarain min di.
394	GEN 16:12	Bii wi, u ko n sãawa nɡe kɛtɛku ɡbeeku. U ko n ka tɔmbu kpuro nɔɔ ɡɔmunu mɔ̀. Tɔmbu kpuro ba koo maa ka nùn nɔɔ ɡɔmunu ko. U ko n ka win dusibu tondinɛ.
418	GEN 17:20	Mɛya na wunɛn kanaru nua te a kua Isimɛɛlin sɔ̃. Wee, kon maa nùn domaru kua kpa u marura, win bibu bu dabia sere ba ǹ ɡarirɔ. U koo bibu wɔkura yiru ma, kpa bii be, bu ko bwese bakarun kɛri wɔkura yirun nuuru.
427	GEN 18:2	U nɔni seeya u mɛɛra. Wee tɔn durɔbu ita ba yɔ̃ saruɔ. Ye u bu wa yera u seewa u duka da ben mi, u yiira ben wuswaaɔ.
431	GEN 18:6	Yera Aburahamu u ɡɔsira ka sɛndaru win dii bekuruɡirɔ Saaraan mi. U nùn sɔ̃ɔwa u nɛɛ, a wasi suo a som sakakun nɔɔ ita sua a buri kpa a kiraru sɔmɛ.
461	GEN 19:3	Adama Lɔtu u bu nɔɔ ɡɛ̃ɛ ba sere wura ba dua win yɛnuɔ. U tɔ̃ɔ baka dim kua ka pɛ̃ɛ ye ba kun seeyatia doke ma ba di.
465	GEN 19:7	U nɛɛ, kpaasibu, i suuru koowo i ku daa kɔ̃sa ko mɛ.
483	GEN 19:25	U wuu si kpeerasia ka sin tɔmbu kpuro ka sin batuma ka ye ya kpia mi kpuro.
503	GEN 20:7	Ǹ n mɛn na, a durɔ wi nùn win kurɔ wesio tɛ̃, domi nɛn sɔmɔwa u sãa. U koo maa nun kanaru kua kpa a ku ɡbi. À n maa yina a nùn kurɔ wi wesia, i ko ɡbiwa wunɛ ka wunɛn tɔmbu kpuro.
515	GEN 21:1	Yinni Gusunɔ u yaaye ye u raa Saaraa sɔ̃ɔwa. U maa win nɔɔ mwɛɛru yibia.
521	GEN 21:7	U kpam nɛɛ, wara koo raa Aburahamu sɔ̃ ma nɛ Saaraa kon bii bɔm kɛ̃. Wee tɛ̃ na nùn bii tɔn durɔ marua win tɔkɔru sɔɔ.
528	GEN 21:14	Ye n kua sisiru Aburahamu u seewa buru buru yellu u dĩanu ka nim bwãaru sua u Aɡaa wɛ̃. U maa nùn bii wi nɔmu bɛria u nɛɛ, bu doo. Ma ba doona ba da ba tora ɡbaburɔ te ba ra soku Beri Seba.
533	GEN 21:19	Saa yera Gusunɔ u kurɔ win nɔni wukia ma u dɔkɔ ɡaa wa mi. U da u bwãa te nim yibia u bii wɛ̃ u nɔra.
534	GEN 21:20	Gusunɔ u wãa ka bii wi, sanam mɛ u kpɛ̃amɔ. U wãa ɡbaburɔ te ba mɔ̀ Parani, ma u kua tɛn towo. Win mɛro maa nùn kurɔ sua Eɡibitin tem di.
551	GEN 22:3	Yera Aburahamu u seewa buru buru yellu u win kɛtɛku ɡaari bɔkua ma u win sɔm kowo aluwaasiba yiru sua ka win bii Isaki sannu. U yãku dãa bɛsuka. Yen biru ba swaa wɔri ba dɔɔ mi Gusunɔ u nùn sɔ̃ɔwa.
569	GEN 22:21	Win bii ɡbiikoon yĩsira Usi. Usin wɔnɔba Busi ka Kemuɛli wi u sãa Aramun tundo,
580	GEN 23:8	U nɛɛ, ì n kĩ n nɛn kurɔ sike kpa na kun win ɡoru mɛɛra, i Eforoni Sokaan bii sɔ̃ɔwɔ yèn bukata na mɔ,
607	GEN 24:15	U ka ɡari yi ɡere u kpe, wee Rebeka u yarima ka tooru. Rebeka wi, win tundowa Bɛtuɛli, Nakorin bii wi Milika u nùn marua.
608	GEN 24:16	Wɔndia wi, kurɔ burɔn tii tiiwa. Mɛya u ǹ durɔ yɛ̃. U dua bwiaɔ u nim taka ma u kpam makama.
610	GEN 24:18	U nɛɛ, oo. Ma u too te sɔbia u nùn mu kã.
627	GEN 24:35	Yinni Gusunɔ u nɛn yinni wi domaru kua ɡem ɡem ma u kua ɡobiɡii kpoko. U nùn yãanu kã ka kɛtɛba ka yooyoosu ka kɛtɛkunu ka sii ɡeesu ka wura ka yoo tɔn durɔbu ka tɔn kurɔbu.
629	GEN 24:37	U maa man bɔ̃rusia sanam mɛ u nɛɛ, n ku ra win bii wi kurɔ sua Kananin wɔndiaba sɔɔ, bèn temɔ u wãa mi.
638	GEN 24:46	U win tooru sɔbia fuuku u nɛɛ, n nɔruo. Yen biru u koo maa nɛn yooyoosu takiriama su nɔ. Na nɔra ma u maa su kã su nɔra.
639	GEN 24:47	Na nùn bikia na nɛɛ, waran biiwa u sãa. U wisa u nɛɛ, Bɛtuɛliwa u sãa win tundo wi Nakori ka Milika ba mara. Ma na nùn taabu dokea wɛ̃rɔ. Ma na sumi doke win nɔmaɔ.
645	GEN 24:53	Yen biru u sii ɡeesu ka wuraba yarama ka beka u Rebeka kã. U maa win sesu ka win mɛro ɡãa ɡeenu kã.
648	GEN 24:56	U bu wisa u nɛɛ, i ku maa de n tɛ, domi Yinni Gusunɔ u nɛn sanum dorasia. Yen sɔ̃, i man karo n da nɛn yinnin mi.
659	GEN 24:67	Ma Isaki u ka Rebeka da win mɛro Saaraan kuu bekuruɡirɔ. Ma u nùn sua win kurɔ. U nùn kĩa ɡem ɡem. Nɡe mɛya Isakin nukura ka yɛmia win mɛron ɡɔɔn biru.
707	GEN 26:14	U yãanu ka kɛtɛba mɔ ka yoo dabinu. Yera n dera Filisitiba ba ka nùn nisinu seewa.
711	GEN 26:18	U win tundo Aburahamun dɔkɔba wia ye Filisitiba ba raa kɔrua win ɡɔɔn biru. Ma u dɔkɔ be yĩsa kã kã nɡe mɛ win tundo u ra raa bu soku.
718	GEN 26:25	Ma Isaki u yãku yeru bana Beri Seba mi, u Yinni Gusunɔ sãwa. U win kuu bekuruɡinu ɡira, ma win yoba dɔkɔ ɡba mi.
742	GEN 27:14	Ma Yakɔbu u da u ka boo ni na u win mɛro wɛ̃. U ka yaa dibu kua bi Isaki u ra kã.
751	GEN 27:23	U ǹ nùn tuba yèn sɔ̃ win nɔma sansu mɔ nɡe Esauɡia. Adama ye u kĩ u nùn domaru kua,
752	GEN 27:24	u ɡina nɛɛ, wuna nɛn bii Esau ka ɡem? U wisa u nɛɛ, oo, nɛna.
753	GEN 27:25	Isaki u nɛɛ, a ka susima n wunɛn taasorun yaa tem kpa n nun domaru kua. Yakɔbu u ka susi win mi, ma u di. U maa tam sua u nùn wɛ̃ ma u nɔra.
760	GEN 27:32	Win tundo Isaki u nùn bikia u nɛɛ, wuna were. U nɛɛ, nɛna Esau wunɛn bii yeruma.
764	GEN 27:36	Esau u nɛɛ, wee u man taki di nɔn yiru nɡe mɛ win yĩsiru. U man nɛn yerumaru mwaari. Gisɔ u maa nɛn domaru mwa. A ǹ maa domaru ɡaru mɔ a man kua?
780	GEN 28:6	Esau u wa ma Isaki u Yakɔbu domaru kua ma u nùn ɡɔra Padanaramu ɡia u win kurɔ kasu. U maa nua ma saa ye u nùn domaru kuammɛ u nɛɛ, u ku raa kurɔ sue Kananin bii tɔn kurɔbu sɔɔ.
781	GEN 28:7	U maa wa ma Yakɔbu u win baa ka win mɛron ɡari nua ma u doona Padanaramu ɡia.
785	GEN 28:11	U tura yam ɡam. Miya u sĩ domi sɔ̃ɔ u dua. Ye u kpunamɔ u kperu ɡaru sua u tu wiru kpĩiri.
793	GEN 28:19	U yam mi yĩsiru kã Betɛli. Yen tubusiana Gusunɔn wãa yeru. Adama wuu ɡe ɡa wãa mi, ba ra raa ɡu sokuwa Lusi.
798	GEN 29:2	Ye u Harani turuku tia, yera u mɛɛra u dɔkɔ ɡaa wa yakasɔ. U wa wee, yãa ɡɔ̃su ɡasu ita ya kpĩ ya wɛ̃ramɔ dɔkɔ yen bɔkuɔ, domi miya ba ra yaa sabenu nim kɛ̃ nu nɔ. Kpee te ba maa ka dɔkɔ yen nɔɔ wukiri ta kpã.
801	GEN 29:5	U bu bikia u nɛɛ, i Labani Nakorin bii yɛ̃? Ba nɛɛ, oo, sa nùn yɛ̃.
808	GEN 29:12	U Rasɛli sɔ̃ɔwa u nɛɛ, sa sãawa dusinu. Domi nɛ Rebekan biiwa. Ma Rasɛli u duka da u win tundo ɡari yi sɔ̃ɔwa.
809	GEN 29:13	Ye Labani u win dwaanibu Yakɔbun labaari nua, u duka na u nùn senna. U nùn tɔbura u nùn bɔkasi u sɔ̃su, ma u ka nùn da yɛnuɔ. Ma Yakɔbu u Labani sɔ̃ɔwa kpuro ye u ka sĩimɔ.
824	GEN 29:28	Ma Yakɔbu u kua nɡe mɛ. U sɔ̃ɔ nɔɔba yiru ye dakura ka Lea. Yen biru Labani u nùn win bii Rasɛli kã kurɔ.
828	GEN 29:32	U ɡura sua u bii tɔn durɔ mara ma u nùn yĩsiru kã Rubɛni, u nɛɛ, Yinni Gusunɔ u wa ma ba man ɡɛma. Tɛ̃ nɛn durɔ u koo man kĩa.
854	GEN 30:23	U ɡura sua u bii tɔn durɔ mara ma u nɛɛ, Gusunɔ u man sekuru yara.
855	GEN 30:24	Yera u bii wi yĩsiru kã Yosɛfu. U nɛɛ, kpa Yinni Gusunɔ u kpam man bii tɔn durɔ sosia.
874	GEN 30:43	Mɛya Yakɔbu u kua u ka dukia wa ya kpã. U yãanu ka bonu ka yooyoosu ka kɛtɛkunu ka yoo tɔn durɔbu ka tɔn kurɔbu mɔ.
879	GEN 31:5	U bu sɔ̃ɔwa u nɛɛ, na wa bɛɛn baaba kun maa man mɛɛra nɡe yellu. Adama Gusunɔ, nɛn baaban Yinni, u ka man wãa.
889	GEN 31:15	U sun mɛɛra nɡe sɔbu domi u sun dɔra u bɛsɛn ɡobi di.
892	GEN 31:18	Ma u win dukia kpuro sua ka win sabe ni u wa Padanaramuɔ. U swaa wɔri u dɔɔ win tundo Isakin mi, Kananin temɔ.
895	GEN 31:21	U win ye u mɔ kpuro ɡura. Ma u da u daa te ba mɔ̀ Efarati tɔbura u doona Galadin ɡuunu ɡia.
933	GEN 32:5	U bu wooda wɛ̃ u nɛɛ, amɛniwa i ko nɛn tɔnwero Esau sɔ̃ i nɛɛ, nɛ Yakɔbu win bɔ̃ɔ, na da na sina Labanin mi sere n ka kua ɡisɔ.
945	GEN 32:17	U ye kpuro sua u win yobu nɔmu bɛria ɡɔ̃ɔ ka ɡɔ̃ɔ nɛnnɛnka. Ma u bu sɔ̃ɔwa u nɛɛ, i n ɡbia nɛn wuswaaɔ kpa i de ɡɔ̃ɔ si, su n swĩinɛ dandankuru.
956	GEN 32:28	Yera durɔ wi, u bikia u nɛɛ, amɔna wunɛn yĩsiru. U wisa u nɛɛ, Yakɔbu.
958	GEN 32:30	Yera Yakɔbu u nɛɛ, a ɡem mɔ, a man wunɛn yĩsiru sɔ̃ɔwɔ. U nùn wisa u nɛɛ, mban sɔ̃na a nɛn yĩsiru bikiamɔ. Ma u nùn domaru kua.
959	GEN 32:31	Yakɔbu u yam mi yĩsiru kã Peniɛli. Yĩsi ten tubusiana, Gusunɔn wuswaa. U nɛɛ, na Gusunɔ wa nɔni ka nɔni, nɛn hunde maa faaba waara.