70	GEN 3:14	Yinni Gusunɔ u waa ye sɔ̃ɔwa u nɛɛ, yèn sɔ̃ a kua mɛ, a kua bɔ̃rura n yɛɛ kpuro kere. Wunɛn nukura kaa n da ka kabiri. Tema kaa n da di sere ka wunɛn wãarun nɔrɔ.
71	GEN 3:15	Na kon maa yibɛrɛ tɛɛru doke wunɛ ka kurɔ win baa sɔɔ, ka maa wunɛn bweseru ka win bweserun baa sɔɔ. Win bweserun ɡoo u koo nun wiru kɔra, kaa maa win naa tokuru mɛɛra ko.
72	GEN 3:16	Yera u maa kurɔ wi sɔ̃ɔwa u nɛɛ, kon wunɛn ɡuran wahala sosi. Kaa n da mawa ka nɔni swãaru. Wunɛn kĩru kpuro ta ko n wãawa wunɛn durɔ sɔɔ, wiya ko n maa sãa wunɛn wiruɡii.
90	GEN 4:10	Ma Yinni Gusunɔ u kpam nɛɛ, mba a kua mi. Wunɛn wɔnɔn yɛm mɛ mu yari temɔ, mu nɛn laakari seeye.
94	GEN 4:14	A man ɡire ɡisɔ tem mɛn di. Na dɔɔ na n kukua mi n toma wunɛn min di, kpa na n sãa kpiko na n yaayaare mɔ̀ handunia sɔɔ. Wi u man wa kpuro, kpa u man ɡo.
100	GEN 4:20	Ada u Yabali mara. Wiya u sãa be ba wãa kunɔ ba yaa sabenu kparamɔn baaba.
101	GEN 4:21	Win wɔnɔn yĩsira Yubali. Wiya maa sãa be ba ra mɔrɔkunu ka ɡuunu so kpuron baaba.
102	GEN 4:22	Sila wi maa, u Tubali Kaɛni mara wi u ra dendi yãnu kpuro seku ye n sãa sisu ka sii ɡandu. Win sesun yĩsira Naama.
107	GEN 5:1	Wee nɡe mɛ ba Adamun bweserun yĩsa yorua. Dɔma te Gusunɔ u tɔn durɔ ka tɔn kurɔ taka kua u bu kuawa win weenasibu.
140	GEN 6:2	Wɔllun tɔmbu ɡaba na ba wa ma tɔmbun bii tɔn kurɔbu ba wã ma ba tii kurɔbu ɡɔsia.
155	GEN 6:17	Wee, kon de nim yibu bakaru tu na tem sɔɔ, tu hunde koni baayere kpeerasia handunia sɔɔ. Ye ya wãa tem sɔɔ kpuro ya koo ɡbiwa.
212	GEN 9:6	Wi u tɔnun yɛm yari, tɔnuwa koo maa yɛ̃ron yɛm yari, domi na tɔnu taka kuawa nɛn weenasii.
232	GEN 9:26	U maa nɛɛ, bu Gusunɔ siaro wi u sãa Sɛmun Yinni. Wiya u koo Kanani ko Sɛmun yoo,
235	GEN 9:29	Win wɔ̃ɔ kpuro ɡa kuawa nɛnɛ ka wunaa weeru ka wɔkuru (950) ma u kpuna u ɡu.
243	GEN 10:8	Kusi u maa bii mara wi ba sokumɔ Nimurodu. Wiya u ɡbia u kua wɔruɡɔ damɡii handunia sɔɔ.
247	GEN 10:12	ka maa Resɛni, Ninifu ka Kalasin baa sɔɔ. Wuu si kpuro su kuawa wuu bɔkɔ teu.
250	GEN 10:15	Kanani u maa Sidoni mara. Wiya u sãa win bii ɡbiikoo. Ma u maa Hɛti mara.
251	GEN 10:16	Win bibun ɡaba ba kua Yebusiba ka Amɔreba ka Giriɡasiba
260	GEN 10:25	Ma Heberu u bii tɔn durɔbu yiru mara. Turowa ba sokumɔ Pelɛɡi, yèn sɔ̃ win waati sɔɔra duniaɡiba tem bɔnu kua. Win wɔnɔn yĩsira maa Yokutani.
296	GEN 11:29	Aburamu ka Nakori ba kurɔbu sua. Aburamun kurɔn yĩsira Saarai, Nakoriɡiin yĩsira maa Milika. Wi ka Yisika ba sãawa Haranin bibu.
301	GEN 12:2	Wunɛn min diya kon de bwese bakaru tu yari. Kon nun domaru kua kpa wunɛn yĩsiru tu kpɛ̃a kpa a ko domarun nuuru.
302	GEN 12:3	Baawure wi u nun domaru kua, kon maa yɛ̃ro domaru kua. Wi u maa nun bɔ̃rusi, kon yɛ̃ro bɔ̃rusi. Wunɛn min diya handunian tɔmbu kpuro ba koo domaru wa.
335	GEN 13:16	Kon wunɛn bibun bweseru dabiasia nɡe yanim. Wi u koo kpĩ u yanim ɡari wiya u koo maa kpĩ u wunɛn bibun bweseru ɡari.
355	GEN 14:18	Ma Mɛɛkisidɛki, Salɛmun sunɔ u ka pɛ̃ɛ na mi ka tam. Durɔ wi sãawa Wɔrukoon yãku kowo.
357	GEN 14:20	Wiɡia siarabu domi u nun wunɛn wɛrɔbu nɔmu bɛria. Ma Aburamu u ye u waama kpuron wɔkuru baateren wɔllɔ tia tia sua u Mɛɛkisidɛki wi wɛ̃.
363	GEN 15:2	Aburamu nùn wisa u nɛɛ, Yinni Gusunɔ, mba kaa maa man wɛ̃. Wee na ɡɔɔ dɔɔ bii sari kpa Ɛliesɛɛ Damasiɡii u ko nɛn tubi dio.
365	GEN 15:4	Yera Yinni Gusunɔ u Aburamu sɔ̃ɔwa u nɛɛ, n ǹ wi, u koo ko wunɛn tubi dio. Wunɛn tii tiin biiwa u koo wunɛn tubi di.
375	GEN 15:14	Adama kon tem mɛn tɔmbu siri be ba koo bu yoo te diisia. Wɔ̃ɔ dabirun biru ba koo yari tem min di ka dukia baka kpa bu kpam ɡɔsirama mini, domi Amɔreban durum kun ɡina yiba n ka bu kpeerasia. Adama wunɛ kaa tɔkɔ kowa kɔ̃ɔ kɔ̃ɔ kpa a da a wunɛn baababa deema ka alafia.
383	GEN 16:1	Aburamu ka win kurɔ Saarai ba ǹ bii mara. Wee Saarai wi, u yoo tɔn kurɔ ɡoo mɔ wi u sãa Eɡibitiɡii. Win yĩsira Aɡaa.
393	GEN 16:11	Wee a ɡura mɔ, kaa bii tɔn durɔ ma kpa a nùn yĩsiru kɛ̃ Isimɛɛli. Domi Yinni Gusunɔ u wunɛn nɔɔ nua nɔni swãa te sɔɔ.
417	GEN 17:19	Ma Gusunɔ u nɛɛ, aawo, wunɛn kurɔ Saaraawa koo nun bii tɔn durɔ marua kam kam, kpa a nùn yĩsiru kɛ̃ Isaki. Wiya kon wure n ka nɛn arukawani bɔke ye ya ǹ kpeemɔ win bweserɔ.
418	GEN 17:20	Mɛya na wunɛn kanaru nua te a kua Isimɛɛlin sɔ̃. Wee, kon maa nùn domaru kua kpa u marura, win bibu bu dabia sere ba ǹ ɡarirɔ. U koo bibu wɔkura yiru ma, kpa bii be, bu ko bwese bakarun kɛri wɔkura yirun nuuru.
423	GEN 17:25	Win bii Isimɛɛli u maa mɔwa wɔ̃ɔ wɔkura ita.
427	GEN 18:2	U nɔni seeya u mɛɛra. Wee tɔn durɔbu ita ba yɔ̃ saruɔ. Ye u bu wa yera u seewa u duka da ben mi, u yiira ben wuswaaɔ.
433	GEN 18:8	Aburahamu u naa boɡum sua ka bom ka yaa saara ye, u ka da u yi tɔn ben wuswaaɔ. Win tii u da u sina bee tia dãa ten saarɔ sanam mɛ ba dimɔ nɡe mɛ ben komaru.
438	GEN 18:13	Ma Yinni Gusunɔ u Aburahamu sɔ̃ɔwa u nɛɛ, mban sɔ̃na Saaraa u yɛ̃ɛ u nɛɛ, u koo bii mawa mi ka ɡem? Wi, wi u tɔkɔ kua u kpa?
443	GEN 18:18	N ǹ ɡãanun sɔ̃, Aburahamun bwesera koo kpɛ̃a kpa ta n dam mɔ. Win min diya handunian bwesenu kpuro nu koo domaru wa.
450	GEN 18:25	N ǹ weenɛ a tɔn ɡeobu ka tɔn kɔ̃sobu kpeerasia sannu kpa be kpuro bu are tee wa. Yen bwesera kun ka nun weenɛ. Wunɛ wi kaa handunia kpuro siri, a ǹ kaa ko ye n wã?
459	GEN 19:1	Tɔmbu yiru be ba raa Sodomun swaa wɔri ba tura mi yoka. N deema ba sãawa Gusunɔn ɡɔradoba. Wee, saa ye sɔɔ, Lɔtu u sɔ̃ wuun ɡbãra kɔnnɔwɔ mi wuun wiruɡibu ba ra sinɛ. Ye u bu wa u seewa
466	GEN 19:8	Wee, na bii wɔndiaba yiru mɔ be ba kun ɡina durɔ yɛ̃. I de n bɛɛ bu yarama kpa i ka bu ko nɡe mɛ n bɛɛ wɛ̃re. Adama durɔ beni, i man bu derio domi sɔba.
470	GEN 19:12	Sɔɔ be, ba Lɔtu bikia ba nɛɛ, wara a mɔ mini maa. Wunɛn bibun durɔbu ka wunɛn bii tɔn durɔbu ka tɔn kurɔbu. Be ba sãa wunɛɡibu kpuro ɡesi, a bu mɛnnɔ i yari minin di.
477	GEN 19:19	Wee, a man durom kua, a maa man wunɛn wɔnwɔndun kpãaru sɔ̃ɔsi ye a ka nɛn hunde faaba kua. Adama na ǹ kpɛ̃ n duka turi ɡuu ten mi, wahala ye, ya kun ka man babe kpa n kam ko.
478	GEN 19:20	Wuu ɡeni wee, ɡa wãa turuku, ɡa ǹ maa kpã. A de n da n kuke mi, kpa n faaba wa. Ye u wa ɡɔrado wi, u ǹ wisa, ma u nɛɛ, nɡe ɡa ǹ piibu sãa ro?
479	GEN 19:21	Ma ɡɔrado wi, u nɛɛ, kon kpam nun durom kua. Wuu ɡèn ɡari a mɔ̀ mi, na ǹ ɡu kpeerasiamɔ.
491	GEN 19:33	Wɔ̃ku te, ba ben tundo tam nɔrusia, ma yeruma u da u win tundo kpunɛ, adama Lɔtu kun yɛ̃ saa ye bii wi, u na u kpuna ka saa ye u seewa.
495	GEN 19:37	Bii yeruma wi, u mara tɔn durɔ ma u nùn yĩsiru kã Mɔabu. Yen tubusiana nɛn tundon bii. Win min diya Mɔabuban bwesera yara.
496	GEN 19:38	Wɔnɔ wi, u maa mara tɔn durɔ, ma u nùn yĩsiru kã Bɛni Ami. Yen tubusiana nɛn dusin bii. Win min diya Amɔniban bwesera maa yara.
521	GEN 21:7	U kpam nɛɛ, wara koo raa Aburahamu sɔ̃ ma nɛ Saaraa kon bii bɔm kɛ̃. Wee tɛ̃ na nùn bii tɔn durɔ marua win tɔkɔru sɔɔ.
534	GEN 21:20	Gusunɔ u wãa ka bii wi, sanam mɛ u kpɛ̃amɔ. U wãa ɡbaburɔ te ba mɔ̀ Parani, ma u kua tɛn towo. Win mɛro maa nùn kurɔ sua Eɡibitin tem di.
554	GEN 22:6	Ma Aburahamu u yãku dãa ye sua u win bii Isaki sɔbi. Win tii u dɔ̃ɔ ka woburu sua u nɛni ma be yiru ba swĩinɛ.
569	GEN 22:21	Win bii ɡbiikoon yĩsira Usi. Usin wɔnɔba Busi ka Kemuɛli wi u sãa Aramun tundo,
599	GEN 24:7	Gusunɔ, wɔllun Yinni, wi u man yarama nɛn baan yɛnu ka nɛn tem di, u ka man ɡari kua u bɔ̃rua u nɛɛ, nɛn bibun bwesera u koo tem mɛ wɛ̃. Wiya u koo de win ɡɔrado u nun ɡbiiya kpa a ka nɛn bii kurɔ kasuama min di.
605	GEN 24:13	Wee na wãa dɔkɔ yèn bɔkuɔ mi wuu ɡen wɔndiaba ba koo yarima bu nim takiri.
608	GEN 24:16	Wɔndia wi, kurɔ burɔn tii tiiwa. Mɛya u ǹ durɔ yɛ̃. U dua bwiaɔ u nim taka ma u kpam makama.
623	GEN 24:31	Ye u tura mi, u nɛɛ, a seewo su da yɛnuɔ, wunɛ wi Yinni Gusunɔ u domaru kua. Mban sɔ̃na kaa n yɔ̃ tɔɔwɔ. Wɔɔ, na nun ayeru kua yɛnuɔ ka wunɛn yooyoosuɡiru kpuro.
628	GEN 24:36	Win kurɔ Saaraa u maa nùn bii tɔn durɔ marua win tɔkɔru sɔɔ, ma u bii wi ye u mɔ kpuro wɛ̃.
635	GEN 24:43	Wee, na wãa bwia yen bɔkuɔ. Bii wɔndia wi u koo nim takam na, ma na nùn kana na nɛɛ, u man nim kɛ̃ n nɔ win toorun di,
677	GEN 25:18	Win bibu ba wãawa nɛnɛm ba ka Aburahamun bii be ba tie tondinɛ. Ba da ba sina Hafila ka Surin tem baa sɔɔ Eɡibitin tem sɔ̃ɔ yari yeru ɡia, Asirin swaaɔ.
685	GEN 25:26	Yen biru yiruse maa yarima. Win nɔma Esaun naa tokuru nɛni. Ma ba nùn yĩsiru kã Yakɔbu . Isaki u mɔwa wɔ̃ɔ wata sanam mɛ ba bu mara.
703	GEN 26:10	Abimɛlɛki u nùn sɔ̃ɔwa u nɛɛ, mban bwesera a sun kua mɛ. Wee, n daa tie fiiko ɡoo u ka wunɛn kurɔ wi kpuna, kpa a ra de sa n sãa taarɛɡibu.
722	GEN 26:29	Ǹ n mɛn na, a bɔ̃ruo ma a ǹ kaa sun kɔ̃sa ɡaa kua nɡe mɛ sa nun ɡea kua sa dera a doona ka bɔri yɛndu bɛsɛn min di. Wee tɛ̃ Yinni Gusunɔ u nun domaru kua.
741	GEN 27:13	Win mɛro nùn sɔ̃ɔwa u nɛɛ, nɛn bii, a de bɔ̃ri yi, yi wɔri nɛn wirɔ. A ɡesi nɛn ɡari nɔɔwɔ kpa a man boo ni tama.
747	GEN 27:19	Yakɔbu u win tundo wisa u nɛɛ, nɛna Esau, wunɛn bii yeruma. Wee, na kua nɡe mɛ a ɡerua. A seewo a sina a nɛn taasorun yaa tem, kpa a man doma te kua.
757	GEN 27:29	Tɔn dabinu nu nun wiru kpĩiya, kpa bwese dabinu nu nun yiira. Kpa a ko wunɛn mɛro bisibun yinni, kpa ben tii bu nun yiira. Wi u nun bɔ̃rusi u koo bɔ̃ri wa. Wi u maa nun domaru kua, yɛ̃ro koo domaru wa.
760	GEN 27:32	Win tundo Isaki u nùn bikia u nɛɛ, wuna were. U nɛɛ, nɛna Esau wunɛn bii yeruma.
767	GEN 27:39	Win tundo Isaki u nùn sɔ̃ɔwa u nɛɛ, wee ye kon nun sɔ̃. Wunɛn tem kun baruka wasi. Mɛya ɡura kun maa nɛmɔ wunɛn mi. Wunɛn takobin areya kaa n dimɔ a n ka wãa.
769	GEN 27:41	Saa dɔma ten diya Esau u Yakɔbu tusa doma te ben tundo nùn kuan sɔ̃. Ma u ɡerua win tii sɔɔ u nɛɛ, nɛn baaban ɡɔɔ turuku kua. Win ɡɔɔ ɡbabu sindun biruwa kon nɛn wɔnɔ ɡo.
773	GEN 27:45	Win mɔru yà n sara wunɛn min di, u koo duari ye a nùn kua. Sanam mɛya kon de a ɡɔsirama. Domi na ǹ kĩ n bɛɛ yiru kpuro bia sɔ̃ɔ teeru.
788	GEN 28:14	Wunɛn bibun bwese te, ta koo kowa nɡe yani sɛɛri kpa tu tɛria tem mɛn ɡoonu nnɛ kpuro sɔɔ. Wunɛ ka wunɛn bibun bweserun min diya handunian bwesenu kpuro nu koo domaru wa.
789	GEN 28:15	Wee na wãa ka wunɛ, ko na n maa nun kɔ̃su yam kpuro mi a dɔɔ kpa n maa ka nun wurama tem mɛ sɔɔ. Domi na ǹ nun derimɔ sere n ka ko nɡe mɛ na nun sɔ̃ɔwa.
881	GEN 31:7	Wee tɛ̃, u man kam mɛɛra, u nɛn kɔsiarun ɡari kɔsa sere nɔn wɔkuru. Adama Gusunɔ kun dere u man kɔ̃sa kua.
902	GEN 31:28	Wee, a yina n nɛn bibu ka nɛn debuminu nɔɔ kana n bu bɔkasi a sere doona. Anna a ka ɡari bakaru kua mɛ!
904	GEN 31:30	Wee a doonɔ wunɛn baaban yɛnuɔ ɡèn bɛkɛ a ra n mɔ̀, a ǹ maa wee mini. Adama mban sɔ̃na a nɛn bũu kpɛɛru ɡbɛna.
906	GEN 31:32	Adama a bũurio bɛsɛn sɔmunu sɔɔ tɔn beni kpuron wuswaaɔ. À n wunɛn ɡãanu wa mi, kpa a sua. Wìn mi a wunɛn bũu kpɛɛru wa, kpa bu yɛ̃ro ɡo. N deema Yakɔbu kun yɛ̃ ma win kurɔ Rasɛliwa u bũu kpɛɛ te ɡbɛna u nɛni.
912	GEN 31:38	Wee wɔ̃ɔ yɛnda na kua wunɛn mi. Wunɛn yãanu ǹ kun mɛ wunɛn bonu yen ɡaa kun nukuru yarire nɛn nɔma sɔɔ. Mɛya na ǹ maa wunɛn yãa ɡɔ̃ɔn di yãa kinɛru ɡaru suare n tem.
916	GEN 31:42	Gusunɔ, wi, wi Aburahamu ka nɛn baaba Isaki ba nasie ù kun daa ka man wãa, kaa man deriwa nɔm dira. Wee, u nɛn wɔnwɔndu wa ka nɛn wahala ye na kua. Yen sɔ̃na u man siria ɡĩa.
941	GEN 32:13	Wuna a maa ɡerua kaa man durom kua kpa a nɛn bibun bweseru dabiasia nɡe nim wɔ̃kun yanim mɛ ɡoo kun kpɛ̃ u ɡari.
1024	GEN 35:12	Wunɛ ka wunɛn bibun bwesera i ko n tem mɛ mɔ mɛ na Aburahamu ka Isaki wɛ̃.
1040	GEN 35:28	Isaki u tɔkɔ kua ɡem ɡem u kuawa wɔ̃ɔ wunɔbu ka wɛnɛ (180), ma u kpuna u ɡu u da u win baababa deema. Win bibu Esau ka Yakɔbu ba na ba nùn sika.
1066	GEN 36:25	Wiya u Disoni ka win sesu Oholibama mara.
1076	GEN 36:35	Ye Husamu u ɡu ma Hadadi, Bedadin bii u ɡɔna kɔsire kua. Wiya u Madianiba ɡo Mɔabun baru kpaanɔ. Win wuuwa Afiti.
1078	GEN 36:37	Ye Samula u ɡu ma Sɔɔlu u ɡɔna kɔsire kua. Sɔɔlu wi, u sãawa Rehobɔtuɡii. Wuu ɡe, ɡa wãawa daa te ba mɔ̀ Efaratin ɡoorɔ.
1080	GEN 36:39	Ye Baali Hanani u ɡu ma Hadari Pauɡii u ɡɔna kɔsire kua. Win kurɔn yĩsira Mɛhetabɛli, Matiredin bii, Mɛsaabun debubu.
1086	GEN 37:2	Win bibun ɡari wee. Ye Yosɛfu u kua wɔ̃ɔ wɔkura nɔɔbu ka yiru, u yaa sabenu kparamɔ ka win maabu. U ra n wãawa ka win tundo turosibu, Biliha ka Silipan bibu sannu. Yera u ra ben tundo dɔmɛyɛ daa kɔ̃sa ye win maa be, ba mɔ̀.
1095	GEN 37:11	Win maaba ka nùn nisinu nɛni, adama win tundo u ye kpuro lasabu mɔ̀ win ɡɔ̃ruɔ.
1116	GEN 37:32	Yera ba ɡoo ɡɔra ben tundon mi ka tako nɔni bwese bwesekaɡia ye, u nùn sɔ̃ u nɛɛ, u mɛɛrio ye ba wa. Win biin yabera mi? Nɡe n ǹ te.
1119	GEN 37:35	Win bii tɔn durɔbu ka tɔn kurɔbu kpuro ba na bu ka nùn nukuru yɛmiasia, adama u yina u ben ɡoon ɡari nɔ. U nɛɛ, u koo win biin ɡɔɔ swĩwa sere u ka nùn naamwɛ ɡɔriɔ. Ma u ɡɔɔ wi swĩ n ka tɛ.
1143	GEN 38:23	Yuda u nɛɛ, ǹ n mɛn na, u nɛnuɔ, ye u wa kɔ. Wee, na ka nun boo kpɛmu ɡe ɡɔra win mi, a ǹ maa nùn wa. Yen sɔ̃, su ku de bu sun yɛ̃ɛ.
1156	GEN 39:6	Potifaa wi, u ye u mɔ kpuro deri Yosɛfun nɔma sɔɔ. U ǹ maa yen ɡaan ɡari yɛ̃ ma n kun mɔ win dĩa ni u koo doke nɔɔwɔ baasi. N wee Yosɛfu durɔ burɔwa. Win wasi ka win wuswaa ɡirima mɔ.
1158	GEN 39:8	Adama Yosɛfu u yina. U kurɔ wi sɔ̃ɔwa u nɛɛ, n wee, nɛn yinni u ǹ yɛnun ɡãanun ɡari yɛ̃. Win ye u mɔ kpuro, nɛna u nɔmu sɔndia.
1173	GEN 39:23	Wiruɡii wi, u ku ra mɛɛri ye Yosɛfu u mɔ̀ domi Yinni Gusunɔ u wãa ka wi. Ma u dera win ye u kua kpuro ya wɛ̃ra.
1197	GEN 41:1	Wɔ̃ɔ yirun biru Eɡibiti sunɔn tii u dosa. Wee u yɔ̃ daru bɔ̃ɔwɔ.