14	GEN 1:14	Ma Gusunɔ u nɛɛ, fitilanu nu kooro wom dirum sɔɔ kpa nu sɔ̃ɔ sɔɔ ka wɔ̃kuru wunana, kpa nu n sɔ̃ɔsimɔ saa ye wɔ̃su ka tɔ̃ɔ bakanu koo tore.
15	GEN 1:15	Kpa nu n sãa fitilanu wom dirum sɔɔ nu ka tem yam bururasia. Ye u ɡerua mɛ, ma n koora.
16	GEN 1:16	U fitila bakanu yiru kua, niya sɔ̃ɔ ka suru. U maa kperi kua. U sɔ̃ɔ kuawa u n ka bandu dii sɔ̃ɔ sɔɔ, ma u suru kua u n ka bandu dii wɔ̃kuru.
42	GEN 2:11	Gbiikaan yĩsira Pisoni. Yeya ya tem mɛ ba mɔ̀ Hafila sikerenɛ.
45	GEN 2:14	Kɛra itasewa maa Tiɡiri. Yeya ya kokumɔ tem mɛ ba mɔ̀ Asirin sɔ̃ɔ yari yeru ɡia. Kɛra nnɛsewa maa Efarati.
63	GEN 3:7	Yera be yiru kpuron nɔni wukiara ba ɡia ma terera ba wãa. Ma ba da ba dãa te ba mɔ̀ fiɡien wuru bakasu bura ba swɛɛna ba ka tii ɡandi.
76	GEN 3:20	Ma Adamu u win kurɔ yĩsiru kã Efa, domi wiya u sãa tɔmbu kpuron mɛro.
80	GEN 3:24	Nɡe mɛya u ka Adamu ɡira ma u wɔllun kɔ̃sobu doke Edɛnin ɡbaa ten kɔnnɔwɔ, ɡe ɡa wãa sɔ̃ɔ yari yerun bera ɡia. Ba takobi nɛni ba ye fĩamɔ ma ya ballimɔ sɔ̃ɔ sɔɔ nɡe dɔ̃ɔ yara, ba ka dãa tèn binu nu koo tɔnu wãaru wɛ̃ kɔ̃su.
81	GEN 4:1	Yen biru Adamu ka win kurɔ Efa ba mɛnna ma Efa u ɡura sua u Kaɛni mara. Ma u nɛɛ, ka Yinni Gusunɔn somira na tɔnu taka kua.
105	GEN 4:25	Adamu ka win kurɔ Efa ba mɛnna kpam, ma Efa u ɡura sua u bii tɔn durɔ mara u nùn yĩsiru kã Sɛti. U nɛɛ, domi Yinni Gusunɔ u kpam man bii tɔn durɔ kã u kua Abɛlin kɔsire, wi Kaɛni u ɡo.
138	GEN 5:32	Ye Nɔwɛ u kua wɔ̃ɔ nɛɛra wunɔbu (500), yera u Sɛmu ka Kamu ka Yafɛti mara.
147	GEN 6:9	domi u win woodaba mɛm nɔɔwa. U ǹ taarɛ mɔ win waati ye sɔɔ, ma u ka Gusunɔ swĩina. Bii tɔn durɔbu itawa u mara. Ben yĩsa wee, Sɛmu ka Kamu ka Yafɛti.
152	GEN 6:14	Adama wunɛ Nɔwɛ, a tii kpakoro bakaru kuo ka dãa damɡia, ta n dii sɔsu mɔ, kpa a tu dãa fĩifĩinu tɛɛni ten sɔɔwɔ ka tɔɔwɔ.
154	GEN 6:16	A de ta n kpɛɛru mɔ wɔllɔ. Kpɛɛ te sɔɔ, kpa a fɛnɛnti ko yen dɛ̃ɛbu ka yasum mu n sãa ɡɔm soo teeru. Kpa a kɔnnɔ yaba ten yɛ̃saɔ, a kɛnutiru doke. A de ta n sãa ɡidambisa ita.
158	GEN 6:20	Gunɔsu ka yɛɛ yi yi ra kabiri, ye kpuron bwese bweseka sɔɔ, yiru yiruwa ya koo na wunɛn mi, a ka ye faaba ko.
173	GEN 7:13	Tɔ̃ɔ te sɔɔra Nɔwɛ dua kpakoro te sɔɔ, wi ka win kurɔ ka win bibu ita be, Sɛmu ka Kamu ka Yafɛti, ka maa ben kurɔbu ita,
187	GEN 8:3	Nim mu doonamɔ fiiko fiiko. Sɔ̃ɔ wunaa weeru ka wɔkurun biru ma mu kaara.
190	GEN 8:6	Ye n maa kua sɔ̃ɔ weeru, ma Nɔwɛ u kpakoro ten fɛnɛnti wukia.
224	GEN 9:18	Nɔwɛn bibu ita be ba raa dua kpakoro te sɔɔ ba yara, bera Sɛmu ka Kamu ka Yafɛti. Kamu sãawa Kananin tundo.
228	GEN 9:22	Ye Kamu Kananin tundo u win baan tere te wa u da tɔɔwɔ u win mɔɔ ka wɔnɔ, Sɛmu ka Yafɛti sɔ̃ɔwa.
233	GEN 9:27	kpa u maa Yafɛti dukia sosia, u de wi ka Sɛmu ba n wãa sannu, kpa Kanani u ko ben yoo.
236	GEN 10:1	Nɔwɛn bibu Sɛmu ka Kamu ka Yafɛti ben bweseru wee. Be ita kpuro ba bibu mara nim yibu baka ten biru.
237	GEN 10:2	Be Yafɛti u mara be wee, Gomɛɛ ka Maɡɔɡu ka Madai ka Yafani ka Tubali ka Mɛsɛki ka Tirasi.
238	GEN 10:3	Ma Gomɛɛ u seewa u maa Asikenasi ka Rifati ka Toɡaama mara.
239	GEN 10:4	Yafaniwa u maa Elisa ka Taasisi ka Kitimu ka Dodanimu mara.
240	GEN 10:5	Yafɛtin bwese tera ta da ta sina nim wɔ̃kun bɔkuɔ ka tem burenɔ. Miya ba marura ma ben baawure u da u sina yam tem ka win bwese kɛra, ba ben barum ɡerumɔ.
242	GEN 10:7	Kusi u seewa ma u Saba ka Hafila ka Sabuta mara ka Raema ka Sabuteka. Raema u maa seewa u Seba ka Dedani mara.
246	GEN 10:11	Tem min diya u yara u da Asirin temɔ. Ma u wuu sini bana si ba mɔ̀ Ninifu ka Rehobɔtuhiro ka Kalasi,
247	GEN 10:12	ka maa Resɛni, Ninifu ka Kalasin baa sɔɔ. Wuu si kpuro su kuawa wuu bɔkɔ teu.
248	GEN 10:13	Misiraimu wiya u Ludiba mara ka Ananiba ka Lehabuba ka Nafituba
249	GEN 10:14	ka Paturusiɡibu ka Kafitoriɡibu ka Kasuluɡibu mìn di Filisitiban bwesera yarima.
252	GEN 10:17	ka Hefiba ka Aakiba ka Siniba
253	GEN 10:18	ka maa Aafadiba ka Semariɡibu ka Hamatiba. Yen biru Kananin bwese kɛri yi, yi yarina.
256	GEN 10:21	Be ba maa sãa Sɛmu, Yafɛtin mɔɔn bibun bweseru beya Heberuba.
261	GEN 10:26	Ma Yokutani wi, u maa Alimɔdadi mara ka Selɛfu ka Hasamafɛti ka Yeraa
264	GEN 10:29	ka Ofiri ka Hafila ka Yobabu. Be kpurowa ba sãa Yokutanin bibu.
265	GEN 10:30	Ba sinawa saa Mɛsan di sere ka ɡuu te ta wãa sɔ̃ɔ yari yeru ɡia te ba mɔ̀ Sefaa.
338	GEN 14:1	Sanam mɛ Amurafɛli u sãa Sinɛan sunɔ, ma Ariɔku sãa Elasan sunɔ, ma Kedolamɛɛ sãa Elamun sunɔ, ma Tideali sãa Goyimun sunɔ,
342	GEN 14:5	Yera wɔ̃ɔ wɔkura nnɛse, Kedolamɛɛ ka sinam be ba wãa ka wi, ba tabu da ma ba Refaba tabu di Asiterɔtu Kaanaimuɔ, ma ba Susiba tabu di Hamuɔ, ma ba Emiba tabu di Safe Kiriataimuɔ.
346	GEN 14:9	Sinam beya Kedolamɛɛ, Elamun sunɔ, ka Tideali, Goyimun sunɔ, ka Amurafɛli, Sinɛan sunɔ, ka Ariɔku, Elasan sunɔ. Sinambu nnɛ be, ba ka nɔɔbu be tabu mɔ̀.
354	GEN 14:17	Ye Aburamu u Kedolamɛɛ ka sinam be ba wãa ka wi tabu diima u wee, Sodomun sunɔ u nùn sennɔ da Safen wɔwaɔ ye ba maa sokumɔ sunɔn wɔwa.
375	GEN 15:14	Adama kon tem mɛn tɔmbu siri be ba koo bu yoo te diisia. Wɔ̃ɔ dabirun biru ba koo yari tem min di ka dukia baka kpa bu kpam ɡɔsirama mini, domi Amɔreban durum kun ɡina yiba n ka bu kpeerasia. Adama wunɛ kaa tɔkɔ kowa kɔ̃ɔ kɔ̃ɔ kpa a da a wunɛn baababa deema ka alafia.
379	GEN 15:18	Nɡe mɛya u ka Aburamu arukawani bɔkua tɔ̃ɔ te sɔɔ u nɛɛ, wunɛn bwesera kon tem mɛni wɛ̃ saa daa piibu ɡe ɡa wãa Eɡibitin tem nɔɔ bura yerun di sere daa baka ten mi, te ba mɔ̀ Efarati.
381	GEN 15:20	ka Hɛtibaɡim ka Feresibaɡim ka Refaban tem,
430	GEN 18:5	Kon da n dĩanu tama fiiko kpa i di i ka dam wa. Yen biru kpa i sere swaa wɔri i doona. Bɛɛn naa te, ta bɛɛrɛ kua. Yen sɔ̃, i de i nɛn yaarɛ di. Ma ba nɛɛ, a koowo nɡe mɛ a ɡerua.
432	GEN 18:7	Ma Aburahamu u duka da win naa ɡɔ̃ɔwɔ u naa kinɛ kpɛmbu ɡe ɡa wã mwa u win sɔm kowo turo wɛ̃. Ma u ɡu ɡo u sawa fuuku.
472	GEN 19:14	Ma Lɔtu u yara u da u win bibun durɔ kɛ̃ɛrobu sɔ̃ɔwa bu seewo bu yari min di domi Yinni Gusunɔ u koo wuu ɡe kam koosia. Adama ba ɡari yi atafiiru kua.
477	GEN 19:19	Wee, a man durom kua, a maa man wunɛn wɔnwɔndun kpãaru sɔ̃ɔsi ye a ka nɛn hunde faaba kua. Adama na ǹ kpɛ̃ n duka turi ɡuu ten mi, wahala ye, ya kun ka man babe kpa n kam ko.
478	GEN 19:20	Wuu ɡeni wee, ɡa wãa turuku, ɡa ǹ maa kpã. A de n da n kuke mi, kpa n faaba wa. Ye u wa ɡɔrado wi, u ǹ wisa, ma u nɛɛ, nɡe ɡa ǹ piibu sãa ro?
570	GEN 22:22	ka Kesɛdi ka Haso ka Pilidasi ka Yidilafu ka Bɛtuɛli.
580	GEN 23:8	U nɛɛ, ì n kĩ n nɛn kurɔ sike kpa na kun win ɡoru mɛɛra, i Eforoni Sokaan bii sɔ̃ɔwɔ yèn bukata na mɔ,
582	GEN 23:10	N deema Eforoni Hɛti wi, u sɔ̃ ka wuun wiruɡibu ɡbãra kɔnnɔwɔ mi ba ra sinɛ. Ma u Aburahamu wisa Hɛti be ka be ba dumɔ min nɔni biru u nɛɛ,
585	GEN 23:13	u Eforoni sɔ̃ɔwa u nɛɛ, a maa nɛɡii swaa dakio. Kon nun ɡbee ten ɡobi kɔsiawa. A yi mɔɔ kpa n nɛn kurɔ sike mi.
586	GEN 23:14	Adama Eforoni u Aburahamu sɔ̃ɔwa u nɛɛ,
588	GEN 23:16	Aburahamu u Eforonin ɡari yi wura, ma u sii ɡeesun ɡobi nɛɛ te sua u Eforoni wɛ̃ Hɛtiba kpuron nɔni biru. Sii ɡeesun ɡobi yira tenkuba ba ra ka kiaru dwe saa ye sɔɔ.
589	GEN 23:17	Nɡe mɛya Eforonin ɡbee te ka ten kpee wɔru ɡe ka ten dãa ni nu wãa mi kpuro
609	GEN 24:17	Yera yoo wi, u duka da u ka nùn yinna u nùn bikia u nɛɛ, kaa wura a man nim kɛ̃ n nɔ fiiko wunɛn tooru min di?
638	GEN 24:46	U win tooru sɔbia fuuku u nɛɛ, n nɔruo. Yen biru u koo maa nɛn yooyoosu takiriama su nɔ. Na nɔra ma u maa su kã su nɔra.
647	GEN 24:55	Adama Rebekan sesu ka win mɛro ba nɛɛ, a de wɔndia wi, u ka sun sina saa fiiko nɡe sɔ̃ɔ wɔkurun saka kpa a sere doona.
663	GEN 25:4	Madiani u maa seewa u bibu mara. Bera Efa ka Efɛɛ ka Enɔku ka Abida ka Ɛlida. Beni kpurowa ba sãa Keturan bibu ka win nikurɔminu.
668	GEN 25:9	Yera win bibu Isaki ka Isimɛɛli ba na ba nùn sikua Makpelan kpee wɔruɔ Eforoni Sokaan biin ɡberɔ, Manden deedeeru. Eforoni wi, u sãawa Hɛti.
674	GEN 25:15	ka Hadadi ka Tema ka Yeturi ka Nafisi ka Kɛdima.
677	GEN 25:18	Win bibu ba wãawa nɛnɛm ba ka Aburahamun bii be ba tie tondinɛ. Ba da ba sina Hafila ka Surin tem baa sɔɔ Eɡibitin tem sɔ̃ɔ yari yeru ɡia, Asirin swaaɔ.
691	GEN 25:32	Esau u nɛɛ, n wee na ɡɔɔ dɔɔ. Mba nɛn yerumarun arufaani.
701	GEN 26:8	Nɡe mɛ u tɛɛmɔ wuu mi, yera sɔ̃ɔ teeru Abimɛlɛki Filisitiban sunɔ wi, u mɛɛrima saa win dirun fɛnɛntin di u wa wee, Isaki ka Rebeka ba bɔnda mɔ̀.
703	GEN 26:10	Abimɛlɛki u nùn sɔ̃ɔwa u nɛɛ, mban bwesera a sun kua mɛ. Wee, n daa tie fiiko ɡoo u ka wunɛn kurɔ wi kpuna, kpa a ra de sa n sãa taarɛɡibu.
724	GEN 26:31	Yera ba seewa buru buru yellu ba arukawani ye bɔkua ka bɔ̃ri. Ma Isaki u dera ba doona ka alafia.
748	GEN 27:20	Ma Isaki u nùn bikia u nɛɛ, amɔna a ka ye wa fuuku mɛ, nɛn bii. Yakɔbu u nùn wisa u nɛɛ, Gusunɔ wunɛn Yinniwa u man ye ɡawama.
768	GEN 27:40	Kaa maa ko wunɛn wɔnɔn yoo. Adama à n da ka tii yina, kaa win yoru yari nɡe mɛ kɛtɛ ya ra yen suɡu fɛ̃re yu kɔ̃.
795	GEN 28:21	kpa n ɡɔsira nɛn baaban yɛnuɔ ka alafia, wiya ko n sãa nɛn Yinni.
802	GEN 29:6	Ma u nɛɛ, u sere bwãa do? Ba nɛɛ, oo, u alafia mɔ. A ǹ mam win bii Rasɛli wa u wee mini ka win yãanu?
830	GEN 29:34	Simɛɔn biru u maa ɡura sua u bii tɔn durɔ mara, ma ba nùn yĩsiru kã Lefi. Yera u nɛɛ, tɛ̃ra nɛn durɔ u koo man tii ɡawe, domi na nùn bii tɔn durɔbu ita marua.
831	GEN 29:35	Lefin biru u maa ɡura sua u bii tɔn durɔ mara, ma u nɛɛ, tɛ̃ kon Yinni Gusunɔ siara. Yen sɔ̃na u bii wi yĩsiru kã Yuda. Yen biru u ɡina marubu yɔ̃ra.
839	GEN 30:8	Rasɛli u nɛɛ, na ka nɛn mɔɔ ɡabirina ɡem ɡem na nùn kamia. Ma u bii wi yĩsiru kã Nɛfitali.
855	GEN 30:24	Yera u bii wi yĩsiru kã Yosɛfu. U nɛɛ, kpa Yinni Gusunɔ u kpam man bii tɔn durɔ sosia.
856	GEN 30:25	Saa ye Rasɛli u Yosɛfu mara, yen biruwa Yakɔbu u Labani sɔ̃ɔwa u nɛɛ, a den man karo mɛ, n we nɛn temɔ.
893	GEN 31:19	Ye ba doonɔ, yera Rasɛli u da u win tundo Labanin bũu wi ba mɔ̀ Terafimu ɡbɛna. N deema saa ye sɔɔ, Labani u win yãanun sansu bɔɔrimɔ.
895	GEN 31:21	U win ye u mɔ kpuro ɡura. Ma u da u daa te ba mɔ̀ Efarati tɔbura u doona Galadin ɡuunu ɡia.
959	GEN 32:31	Yakɔbu u yam mi yĩsiru kã Peniɛli. Yĩsi ten tubusiana, Gusunɔn wuswaa. U nɛɛ, na Gusunɔ wa nɔni ka nɔni, nɛn hunde maa faaba waara.
963	GEN 33:2	Ma u win yoo tɔn kurɔ be ɡbiisia ka ben bibu, ma u dera Lea ka win bibu ba bu swĩi, yen biru Rasɛli ka win bii Yosɛfu ba swĩi.
968	GEN 33:7	Ma Lea ka wiɡibu ba na ba yiira. Yen biru Rasɛli ka Yosɛfu ba maa na ba yiira.
979	GEN 33:18	Yen biru u seewa min di u tura ka alafia Kananin temɔ mìn di u raa da Padanaramuɔ. Ma u win kunu ɡira wuu ɡe ba mɔ̀ Sikɛmun bɔkuɔ.
983	GEN 34:2	Ma Sikɛmu wi u sãa Hamɔri, tem min sunɔn bii u Dina wa. Ma u nùn ɡaba u sɛ̃re u ka kpuna. N deema Hamɔri wi, u sãawa Hefi.
1006	GEN 34:25	Ye tɔn be, ba banɡo ye kua ba wãa wahala sɔɔ ɡina, ba tamaa ɡoo kun bu wɔrimɔ, yen sɔ̃ɔ itasera Yakɔbun bibu Simɛɔ ka Lefi, Dinan sesubu, ba ben takobiba sua ba wuu ɡe wɔri ba ɡen tɔn durɔbu kpuro ɡo.
1011	GEN 34:30	Yera Yakɔbu u win bibu Lefi ka Simɛɔ sɔ̃ɔwa u nɛɛ, wahala baka i ka man kasu mi. I dera nɛn bwɛ̃ra kun kpĩ. Domi Kananiba ka Feresiba ba koo man tusi. Yen biru bà n da nɔɔ tia kua ba man wɔrima ba koo sun kpeerasiawa mam mam, domi nɛn tɔmba kun dabi.
1028	GEN 35:16	Yen biru Yakɔbu ka win tɔmbu ba seewa Betɛlin di ba dɔɔ Efarataɔ. Ye ba Efarata turuku kua, yera Rasɛli u yiira u mara swaa ye sɔɔ. Kurɔ wi, u wahala kua win maru bi sɔɔ.
1031	GEN 35:19	Ma Rasɛli u kpuna u ɡu. Ba nùn sika Efaratan swaaɔ ye ba maa sokumɔ Bɛtelehɛmu.
1035	GEN 35:23	Bibu wɔkura yiru ye sɔɔ, Leaɡiba Rubɛni wi, wi u sãa Yakɔbun bii ɡbiikoo, ka Simɛɔ ka Lefi ka Yuda ka Isakari ka Sabuloni.
1036	GEN 35:24	Be ba maa sãa Rasɛliɡibu, bera Yosɛfu ka Bɛnyamɛɛ.
1037	GEN 35:25	Be ba sãa Biliha, Rasɛlin yoon bibu, bera Danu ka Nɛfitali.
1043	GEN 36:2	U kurɔbu sua Kananiban bweseru sɔɔ. Kurɔ ben yĩsa wee, Ada, Eloni Hɛtin bii, ka Oholibama, Anan bii, Sibeoni Hefin debubu,
1045	GEN 36:4	Ada u Esau Elifasi marua. Ma Basimati u Rewɛli mara.
1051	GEN 36:10	Elifasi, Adan bii u seewa u Temani mara ka Omaa ka Sefo ka Gatamu ka Kenasi. Ma win kurɔ wi ba mɔ̀ Tinna u nùn Amalɛki marua. Rewɛli, Basimatin bii u maa seewa u Nahati ka Seraki ka Sama ka Misa mara. Bera ba kua Rewɛlin bweseru.